11.1.2016 |
MT |
Il-Ġurnal Uffiċjali tal-Unjoni Ewropea |
C 7/12 |
Appell ippreżentat fit-13 ta’ Novembru 2015 minn Alexios Anagnostakis mis-sentenza mogħtija mill-Qorti Ġenerali (L-Ewwel Awla) fit-30 ta’ Settembru 2015 fil-Kawża T-450/12, Anagnostakis vs Il-Kummissjoni
(Kawża C-589/15 P)
(2016/C 007/19)
Lingwa tal-kawża: il-Grieg
Partijiet
Appellant: Alexios Anagnostakis (rappreżentant: A. Anagnostakis, avukat)
Parti oħra fil-proċedura: Il-Kummissjoni Ewropea
Talbiet
— |
tannulla fl-intier tagħha s-sentenza fil-Kawża T-450/12 fuq rikors ippreżentat fil-11 ta’ Ottubru 2012 kontra l-Kummissjoni Ewropea għall-annullament tal-miżura ta’ din tal-aħħar tas-6 ta’ Settembru 2012 li tiċħad ir-reġistrazzjoni tal-inizjattiva taċ-ċittadini Ewropej intitolata “ONE MILLION SIGNATURES FOR A EUROPE OF SOLIDARITY”; |
— |
tilqa’ r-rikors; |
— |
tannulla d-deċiżjoni tal-Kummissjoni Ewropea tas-6 ta’ Settembru 2012 li tiċħad ir-reġistrazzjoni tal-inizjattiva taċ-ċittadini Ewropej intitolata “ONE MILLION SIGNATURES FOR A EUROPE OF SOLIDARITY”; |
— |
tordna lill-Kummissjoni sabiex tirreġistra l-inizjattiva suesposta skont il-liġi, u tordna kull miżura oħra rikjesta mil-liġi; |
— |
tikkundanna lill-Kummissjoni għall-ispejjeż tal-ewwel istanza u tal-appell. |
Aggravji u argumenti prinċipali
1. |
Difetti fil-pendenzi tal-proċeduri quddiem il-Qorti Ġenerali Is-sentenza appellata totalment ma ħaditx inkunsiderazzjoni, fl-evalwazzjoni tar-rikors, li l-proposta għal inizjattiva taċ-ċittadini Ewropej kienet tikkonċerna esklużivament dik il-parti tad-dejn pubbliku li hija kkunsidrata bħala “odjuża”. Fil-motivazzjoni tas-sentenza appellata, il-Qorti Ġenerali tassumi b’mod żbaljat li l-proposta tikkonċerna d-dejn pubbliku kollu, mingħajr ebda distinzjoni jew prekundizzjoni oħra. F’dan ir-rigward, is-sentenza appellata naqset milli tevalwa s-suġġett tal-kawża b’mod korrett. Is-sentenza ngħatat abbażi ta’ kunsiderazzjoni żbaljata tal-kontenut u tat-talbiet tal-kawża. |
2. |
Ksur tad-dritt tal-Unjoni mill-Qortiu Ġenerali, interpretazzjoni u applikazzjoni żbaljati tat-Trattati u tad-dritt tal-Unjoni
|