EUR-Lex Access to European Union law
This document is an excerpt from the EUR-Lex website
Document 52014DC0112
REPORT FROM THE COMMISSION TO THE EUROPEAN PARLIAMENT AND THE COUNCIL on the implementation of the provisions concerning producer organisations, operational funds and operational programmes in the fruit and vegetables sector since the 2007 reform
RAPPORT TAL-KUMMISSJONI LILL-PARLAMENT EWROPEW U LILL-KUNSILL dwar l-implimentazzjoni tad-dispożizzjonijiet rigward l-organizzazzjonijiet tal-produtturi, il-fondi operattivi u l-programmi operazzjonali fis-settur tal-frott u l-ħaxix mir-riforma tal-2007 ’l hawn_x000b_
RAPPORT TAL-KUMMISSJONI LILL-PARLAMENT EWROPEW U LILL-KUNSILL dwar l-implimentazzjoni tad-dispożizzjonijiet rigward l-organizzazzjonijiet tal-produtturi, il-fondi operattivi u l-programmi operazzjonali fis-settur tal-frott u l-ħaxix mir-riforma tal-2007 ’l hawn_x000b_
/* COM/2014/0112 final */
RAPPORT TAL-KUMMISSJONI LILL-PARLAMENT EWROPEW U LILL-KUNSILL dwar l-implimentazzjoni tad-dispożizzjonijiet rigward l-organizzazzjonijiet tal-produtturi, il-fondi operattivi u l-programmi operazzjonali fis-settur tal-frott u l-ħaxix mir-riforma tal-2007 ’l hawn_x000b_ /* COM/2014/0112 final */
WERREJ 1........... Ir-riforma tal-2007........................................................................................................ 3 2........... Strateġiji nazzjonali għal
programmi operazzjonali sostenibbli..................................... 4 3........... Żvilupp tas-settur:
kwistjonijiet rilevanti ..................................................................... 5 4........... Organizzazzjonijiet
tal-produtturi................................................................................. 5 5........... Fondi operattivi u appoġġ
finanzjarju mill-UE għall-programmi operazzjonali............ 8 5.1........ Nefqa totali taħt il-programmi
operazzjonali u l-għajnuna finanzjarja mill-UE ........... 9 5.2........ Għajnuna finanzjarja nazzjonali u
r-rimborż mill-UE................................................. 10 6........... Programmi operazzjonali: miżuri u
tipi ta’ azzjonijiet implimentati............................ 10 7........... Evalwazzjoni ta’ nofs it-terminu
mill-Istati Membri tal-istrateġiji nazzjonali tagħhom . 12 7.1........ Progress miksub
fir-rigward tal-għanijiet stabbiliti għall-programmi
operazzjonali.... 12 7.2........ Dgħufijiet fl-immaniġġar
tal-istrateġiji nazzjonali...................................................... 14 7.2.1..... Dgħufijiet fl-istabbiliment
tal-istrateġiji nazzjonali.................................................... 14 7.2.2..... Dgħufijiet fil-monitoraġġ u
l-evalwazzjoni tal-istrateġiji nazzjonali........................... 14 8........... Konklużjonijiet u
rakkomandazzjonijiet..................................................................... 14 RAPPORT MILL-KUMMISSJONI LILL-PARLAMENT EWROPEW U
LILL-KUNSILL dwar
l-implimentazzjoni tad-dispożizzjonijiet rigward l-organizzazzjonijiet
tal-produtturi, il-fondi operattivi u l-programmi operazzjonali fis-settur
tal-frott u l-ħaxix mir-riforma tal-2007 ’l hawn ("Rapport
dwar ir-reġim tal-frott u l-ħaxix") 1. Ir-riforma tal-2007 L-organizzazzjonijiet tal-produtturi (POs)
saru l-bażi tar-reġim tal-UE għas-settur tal-frott u l-ħaxix fir-riforma
tal-1996. L-għan kien li tissaħħaħ il-pożizzjoni tal-produtturi minkejja
konċentrazzjoni akbar tad-domanda,
u li t-tħassib ambjentali jiġi integrat fil-produzzjoni u l-kummerċjalizzazzjoni
tal-frott u l-ħaxix. Għall-ewwel darba, il-POs setgħu jirċievu appoġġ mill-UE
fil-forma ta’ kontribuzzjoni għall-fondi operattivi meħtieġa
għall-implimentazzjoni tal-programmi operazzjonali. Ir-riforma tal-2007 kellha l-għan li ssaħħaħ
aktar il-POs. Saret disponibbli għalihom firxa aktar wiesgħa ta’ għodod sabiex ikunu jistgħu jipprevjenu u jimmaniġġaw
il-kriżijiet fis-suq. Inħolqu inċentivi sabiex jinkoraġġixxu fużjonijiet bejn
il-POs, l-assoċjazzjonijiet tal-POs (APOs) u l-kooperazzjoni transnazzjonali. Tqiegħdet enfasi speċjali fuq il-protezzjoni
tal-ambjent, u l-POs ġew mitluba jinkludu livell minimu ta’ nfiq
ambjentali fil-programmi operazzjonali tagħhom. Għall-ewwel darba, l-Istati Membri kellhom
jistabbilixxu strateġija nazzjonali għal programmi operazzjonali sostenibbli, u li tintegra qafas ambjentali speċifiku. Ir-riforma tal-2007 neħħiet ukoll ir-rifużjonijiet
tal-esportazzjoni fis-settur u ddiżakkoppjat l-għajnuna għall-frott destinat għall-ipproċessar.
L-għajnuna biex gruppi ta’ produtturi jiġu inkoraġġuti jistabbilixxu ruħhom u jagħmlu investimenti sabiex isiru POs
maturi fi żmien ħames snin kienet limitata għall-Istati Membri li ssieħbu fl-UE
fl-1 ta’ Mejju 2004 jew wara, għar-reġjuni
l-aktar imbiegħda, u għall-Gżejjer
minuri tal-Eġew. Dan ir-rapport huwa konformi mal-Artikolu 184(4) tar-Regolament tal-Kunsill (KE) Nru 1234/2007[1]. Huwa bbażat
prinċipalment fuq l-informazzjoni li pprovdew l-Istati Membri (SM) dwar
l-implimentazzjoni tal-iskema tal-UE dwar il-frott u l-ħaxix fit-territorju
tagħhom u, b’mod partikolari, fuq l-informazzjoni fir-rapporti annwali u
r-rapporti ta’ evalwazzjoni mibgħuta lill-Kummissjoni[2]. Dawn huma bbażati
prinċipalment fuq id-dejta
għall-perjodu 2008-2010[3]. Ir-riforma tal-PAK 2020 ma tintroduċix
bidliet maġġuri fir-reġim tal-UE għas-settur tal-frott u l-ħaxix, billi
l-appoġġ tal-UE għadu jingħata lill-POs biss permezz tal-programmi
operazzjonali, b’żewġ eċċezzjonijiet importanti: (a) l-assoċjazzjoni tal-POs
issa tista’ twaqqaf fond operattiv, bil-kontribuzzjonijiet finanzjarji mill-POs
assoċjati u l-għajnuna finanzjarja mill-UE u (b) l-estensjoni tas-sett ta’
strumenti għall-prevenzjoni u l-immaniġġar ta’ kriżijiet (CPM)[4]. Emenda oħra importanti
hija ċ-ċaqliq tal-għajnuna tal-UE lil gruppi ta’ produtturi mill-ewwel
għat-tieni pilastru u li din issir disponibbli għall-Istati Membri kollha[5]. 2. Strateġiji nazzjonali għal programmi operazzjonali
sostenibbli Wara r-riforma tal-2007, 23 Stat Membru
stabbilixxew strateġiji nazzjonali
għal programmi operazzjonali sostenibbli (NSs), li jinkludu qafas nazzjonali
għall-azzjonijiet ambjentali (NEF)[6].
L-NEFs kollha implimentaw l-emendi
kollha meħtieġa mill-Kummissjoni[7].
Madankollu, il-proċedura ta’ valutazzjoni mill-Kummissjoni, tal-NEFs proposti mill-Istati Membri kif ukoll
ir-reviżjoni tal-proposti wara t-talbiet għall-emendi min-naħa tal-Kummissjoni
kienu jirrappreżentaw piż amministrattiv importanti kemm għad-dipartimenti
tal-Kummissjoni kif ukoll għall-awtoritajiet nazzjonali kompetenti. Ir-Regolament ta’ Implimentazzjoni
tal-Kummissjoni (UE) Nru 543/2011[8]
jistabbilixxi rekwiżiti preċiżi rigward il-monitoraġġ u l-evalwazzjoni (M&E)
tal-programmi operazzjonali mill-POs u tal-NSs mill-Istati Membri li jinkludu
indikaturi komuni tal-prestazzjoni[9],
u rapporti annwali mill-Istati Membri. Dawn ir-rekwiżiti jqisu
r-rakkomandazzjonijiet li l-Qorti Ewropea tal-Awdituri għamlet ftit qabel
ir-riforma tal-2007[10]. Ir-rekwiżiti ta’ evalwazzjoni għall-Istati
Membri kienu jinkludu t-twettiq ta’ evalwazzjoni ta’ nofs it-terminu tal-NS
tagħhom fl-2012. Sabiex tiżgura l-koerenza tas-sistema ta’ M&E, il-Kummissjoni żviluppat
fehim komuni tar-rekwiżiti ta’ M&E dwar il-programmi operazzjonali u l-NSs[11]. Dan kien akkumpanjat minn żviluppi ta’ softwer, inkluż sistema għall-applikazzjoni ta’ kontrolli awtomatiċi dwar
il-kwalità tad-dejta għar-rapporti annwali tal-Istati Membri u database
tar-rapporti annwali mill-2004, li tippermetti li jsiru analiżijiet ad hoc. Siti elettroniċi ġodda dwar ir-reġim tal-frott u
l-ħaxix fuq is-sit elettroniku ‘Europa’ tal-Kummissjoni jagħtu aċċess pubbliku
għall-NSs, għan-NEFs u għar-rapporti dwar l-evalwazzjonijiet tal-2012[12]. 3. Żvilupp tas-settur: kwistjonijiet rilevanti Fil-perjodu 2003-2010 kien hemm tnaqqis żgħir
u gradwali fl-erja totali tal-UE b'uċuħ ta' frott u ħaxix (-6 %) u tnaqqis
aktar qawwi fin-numru ta’ azjendi agrikoli b'raba b'uċuħ
ta' frott u ħaxix (-39.1 %). Dawn kienu aktar
qawwija mit-tnaqqis fl-erja agrikola totali użata (E.A.U.) u n-numru totali ta’
azjendi agrikoli (-0.7 % u -20.0 % rispettivament). Xejriet simili seħħew fl-UE-15 (-6.3 % għall-erja
miżrugħa bil-frott u l-ħaxix u -26.3 % għall-azjendi tal-frott u l-ħaxix)
u fl-UE-12 (-5.1 % u -47.7 %). B’mod ġenerali, kien hemm żieda
fl-erja medja miżrugħa bil-frott u l-ħaxix għal kull azjenda (sa 1.9, 3.0 u 0.8
ettari, rispettivament, fl-UE-27, UE-15 u UE-12), bħala riżultat tal-konċentrazzjoni tal-produzzjoni f’numru aktar baxx ta’
azjendi[13]. Fil-perjodu 2004-2010, kien hemm ukoll
tnaqqis żgħir fil-volum tal-produzzjoni tal-frott u l-ħaxix fl-UE (tnaqqis ta’ -3 %
fil-produzzjoni medja tal-frott u l-ħaxix fil-perjodu 2008-2010 meta mqabbel
mal-perjodu 2004-2006). Fl-istess perjodu, il-valur tal-produzzjoni tal-frott u
l-ħaxix, bil-prezzijiet attwali,
żdied daqsxejn (żieda ta’ +6.5 % fil-valur medju tal-produzzjoni tal-frott
u l-ħaxix fil-perjodu 2008-2010, meta mqabbel mal-perjodu 2004-2006)[14]. L-inċertezzi persistenti fis-suq rigward ċerti prodotti
huma żvilupp rilevanti ieħor wara r-riforma tal-2007. Tfaċċaw kriżijiet fis-suq
fl-2009 (eż. il-ħawħ u n-nuċiprisk, it-tadam) u fl-2011 (il-kriżi tal-E. coli, li warajha seħħet kriżi ġdida fis-suq tal-ħawħ u n-nuċiprisk). Fl-aħħar nett, f’diversi Stati Membri, jista' jkun li l-kriżi finanzjarja u ekonomika
tal-2008 affettwat il-konsum domestiku tal-frott u l-ħaxix (li rriżulta
f’domanda aktar baxxa), l-aċċess għas-swieq tal-esportazzjoni u l-kreditu,
l-ispejjeż tal-input u fatturi oħra[15]
li setgħu influwenzaw il-prestazzjoni tal-POs u l-programmi operazzjonali
tagħhom. 4. Organizzazzjonijiet tal-produtturi Fl-2010, kien hemm 1 599 PO rikonoxxuti fi 23 Stat Membru[16].
Jistgħu jinstiltu xi konklużjonijiet preliminari rigward l-impatt possibbli
tar-riforma tal-2007[17]: Żieda fir-rata ta’ organizzazzjoni. Fil-perjodu 2008-2010, is-sehem mill-valur totali tal-produzzjoni
ta’ frott u ħaxix tal-UE kummerċjalizzat mill-POs/APOs kompla jiżdied. Fl-2010,
ir-rata ta’ organizzazzjoni kienet ta’ madwar 43.0 % (43.9 % jekk
jiġu inklużi wkoll il-gruppi tal-produtturi). Tabella 1:
Settur tal-frott u l-ħaxix — Rata ta’ organizzazzjoni skont l-Istat Membru (2010) Skeda: Gruppi
tal-produtturi Organizzazzjonijiet
tal-produtturi Sors:
EC-DGAGRI-C.2 — kalkoli mid-dejta trażmessa
mill-Istati Membri (Rapporti Annwali 2010). (a)
Attrattività akbar tal-POs. Is-sehem tal-produtturi
totali tal-frott u l-ħaxix li huma membri ta’ POs kompla jiżdied (minn 10.4 % fl-2004 għal 16.5 % fl-2010). (b)
Attrattività akbar tal-APOs. Meta mqabbel mas-sitwazzjoni prevalenti qabel ir-riforma, fil-perjodu 2008-2010 mhux biss kien hemm żieda
aktar mgħaġġla fl-għadd ta’ APOs
(55 fl-2010) iżda wkoll żieda sostanzjali fin-numru u s-sehem ta’ POs li huma
membri tal-APOs (459 u 28.7 %, rispettivament, fl-2010). Madankollu, f’diversi Stati Membri: ·
ir-rata ta’ organizzazzjoni għadha baxxa (ara t-Tabella), b’POs li huma żgħar kemm fin-numru
ta’ membri produtturi kif ukoll fil-valur totali tal-produzzjoni tas-suq, u ·
numru limitat biss ta’ produtturi tal-frott u
l-ħaxix huma membri ta’ PO. Għalhekk, ħafna mill-produtturi huma esklużi
mill-benefiċċji diretti tar-reġim tal-UE għas-settur tal-frott u l-ħaxix[18]. Barra minn hekk, minkejja l-progress li sar
fil-livell nazzjonali, f’xi Stati Membri għad hemm differenzi reġjonali
sinifikanti fil-livell ta’ organizzazzjoni tal-produtturi tal-frott u l-ħaxix.
Eżempju ta’ dan huwa l-Italja, fejn ir-rata nazzjonali relattivament għolja ta’
organizzazzjoni (madwar 47%) hija r-riżultat tar-rata għolja ta’
organizzazzjoni ta’ ċerti reġjuni fit-Tramuntana u l-organizzazzjoni baxxa ta’
diversi reġjuni oħra[19]. Fatturi differenti jistgħu jillimitaw
l-iżvilupp tal-POs f’ċerti reġjuni, jew saħansitra fi Stati
Membri sħaħ[20].
Dawn jinkludu mudelli soċjoloġiċi relatati storikament, bħan-nuqqas ta’ fiduċja reċiproka, atteġġjament
ta' suspett sistematiku u t-tentazzjoni li jittieħed
vantaġġ mill-isforzi ta’ ħaddieħor mingħajr ma wieħed iħallas il-prezz (imġiba opportunistika). L-ekonomija griża tista’ tkun ukoll raġuni oħra
għan-nuqqas ta’ sħubija f’POs: l-evażjoni tat-taxxi (b’mod partikolari l-VAT) twassal biex bdiewa mhux organizzati jiksbu profitt akbar (bħala parti mill-ekonomija griża) minn dawk li huma parti minn POs u li huma obbligati jirrispettaw il-qafas
legali. Barra minn hekk, bosta produtturi jbigħu esklussivament fis-swieq
lokali jew reġjonali jew permezz ta’ bejgħ dirett, u għalhekk huma inqas ikkonċernati
mill-benefiċċji li jistgħu jagħtuhom il-POs. Ostakolu possibbli ieħor għall-iżvilupp
tal-POs huwa l-kumplessità tal-proċeduri għall-ksib tar-rikonoxximent
bħala PO, għall-approvazzjoni ta’ programm operazzjonali u, suċċessivament,
għall-aċċess għall-għajnunijiet finanzjarji pubbliċi[21]. Din il-kumplessità
tista’ tiskoraġġixxi produtturi żgħar li ma jkollhomx il-kompetenzi meħtieġa jew li jqisu li
l-vantaġġi tal-adeżjoni mar-reġim huma aktar baxxi mill-ispejjeż amministrattivi involuti. Fattur ieħor li jnaqqas l-attrattività tal-POs jista’ jkun
il-perċezzjoni tal-produtturi dwar il-fatt li hemm riskji għoljin ħafna li jitilfu l-għajnuniet finanzjarji
pubbliċi, li jistgħu jqiegħdu s-sopravivenza ta’ PO f’periklu. Għalhekk, ir-rispett tal-kriterji
tar-rikonoxximent, speċjalment in-numru minimu ta’ membri, il-kontroll
demokratiku, it-tqegħid fis-suq tal-prodotti u l-esternalizzazzjoni, huwa ta' importanza fundamentali biex PO iżżomm ir-rikonoxximent tagħha[22]. 5. Fondi operattivi u appoġġ finanzjarju mill-UE għall-programmi operazzjonali 5.1. Nefqa totali taħt il-programmi operazzjonali u
l-għajnuna finanzjarja mill-UE Il-POs fis-settur tal-frott u l-ħaxix jistgħu
jistabbilixxu fond operattiv, li għandu jintuża biss biex jiffinanzja programmi
operazzjonali approvati mill-Istati Membri. Il-fond huwa ffinanzjat
mill-kontribuzzjoni finanzjarja tal-membri tal-PO jew mill-PO nnifisha u minn għajnuna finanzjarja
mill-UE[23]. Rigward l-għajnuna finanzjarja mill-UE, japplika limitu massimu doppju[24]: (1)
il-limitu massimu tagħha huwa stabbilit għal 4.1 %
tal-valur tal-produzzjoni kummerċjalizzata tal-PO (dak il-perċentwal jista’
jiżdied għal 4.6 % jekk l-ammont li jaqbeż 4.1 % jintuża biss għal
miżuri ta’ prevenzjoni u ġestjoni tal-kriżijiet); u (2)
din ma tistax tkun ogħla
minn 50 % tan-nefqa attwali mġarrba, limitu massimu li jista’ jiżdied għal
60 % f’ċerti każijiet, pereżempju fil-każ ta' programmi operazzjonali li jiġu sottomessi
minn POs fl-Istati Membri li ssieħbu fl-UE fl-1 ta’ Mejju 2004 jew wara (għal
miżuri li jibqgħu għaddejjin sal-aħħar tal-2013), fi Stati Membri fejn il-POs
jikkumerċjalizzaw inqas minn 20 %
tal-produzzjoni ta’ frott u ħaxix,
jew fir-reġjuni l-aktar imbiegħda. Tabella 2: Nefqa totali taħt il-programmi
operazzjonali u l-għajnuna finanzjarja mill-UE (2004-2010) Didaskalija: Nefqa totali (€m) Għajnuna finanzjarja mill-UE (€m) Sors: EC-AGRI-C.2
— kalkoli mid-dejta trażmessa mill-Istati Membri (Rapporti Annwali
2004-2010). It-Tabella 2 turi li, bir-riforma tal-2007, kien hemm żieda sostanzjali
fin-nefqa totali fil-programmi
operazzjonali u fl-għajnuna
finanzjarja relatata mill-UE. Jistgħu jinstiltu xi
konklużjonijiet preliminari rigward l-impatt possibbli tar-riforma tal-2007[25]: ·
kemm in-numru kif ukoll is-sehem tal-POs li
implimentaw programm operazzjonali żdiedu bir-riforma (madwar 3/4 tan-numru totali ta’ POs rikonoxxuti
fil-perjodu 2008-2010); ·
iż-żieda fin-nefqa għall-programmi
operazzjonali, inkluż l-għajnuna finanzjarja mill-UE, hija assoċjata ma’ żieda
kemm fin-numru kif ukoll fid-daqs ekonomiku medju (valur tal-prodotti
kummerċjalizzati) tal-POs bi programm operazzjonali; ·
anki bir-riforma tal-2007, l-għajnuna
finanzjarja globali mill-UE għadha taħt il-limitu massimu ta’ 4.1 %
tal-valur tal-produzzjoni kummerċjalizzata tal-POs ikkonċernati, u għadha tammonta għal perċentwal żgħir ħafna
(1.1–1.3 %) tal-valur totali tal-produzzjoni ta’ frott u ħaxix fl-UE. ·
L-akbar POs (madwar 18 % tal-POs kollha,
b’fatturat ta’ aktar minn € 20 m) jirċievu madwar 70 %
tal-għajnuna finanzjarja mill-UE. Tali distribuzzjoni asimetrika tal-għajnuna
mill-UE hija inerenti fil-mekkaniżmu tal-appoġġ, li jiżdied aktar ma jiżdied il-valur tal-produzzjoni
kummerċjalizzata. 5.2. Għajnuna finanzjarja nazzjonali u r-rimborż mill-UE Fuq il-bażi tal-Artikolu 103e tar-Regolament
(KE) Nru 1234/2007, il-Kummissjoni awtorizzat ċertu Stati Membri sabiex iħallsu għajnuna
finanzjarja nazzjonali (NFA) lil POs li joperaw f’reġjuni fejn il-livell ta’
organizzazzjoni[26]
tal-produtturi fis-settur tal-frott u l-ħaxix huwa partikolarment baxx. Fuq
talba tal-Istati Membri kkonċernati, l-NFA mogħtija ġiet irrimborżata b’mod
parzjali mill-UE[27]. Fil-perjodu 2008-2010, sitt Stati Membri biss
(ES, HU, IT, PT, RO u SK) użaw dan l-istrument, b’għajnuna annwali totali medja
ta’ € 12.2 m, li ġiet irrimborżata
b'mod parzjali
mill-UE. Għalkemm Stati Membri oħra għandhom reġjuni li
jistgħu jikkonformaw mar-rekwiżiti tal-NFA (grad baxx ta’ organizzazzjoni),
huma għażlu li ma jagħmlux użu minnha. Dan jista’ jkun parzjalment minħabba li
l-Istati Membri jridu jiffinanzjaw l-għajnuna kollha mogħtija, jew parti minnha. Qabel ma l-Kummissjoni tawtorizza l-għoti ta’
għajnuna finanzjarja nazzjonali jew ir-rimborż parzjali tagħha, isiru
kontroverifiki mad-dejta minn talbiet preċedenti u mir-rapporti annwali. Meta jiġu identifikati inkonsistenzi,
il-proċedura tiġi sospiża sakemm jiġu korretti l-iżbalji (fir-rapporti annwali
u/jew fit-talba għall-NFA). Il-ħeffa tad-deċiżjoni mill-Kummissjoni tiddependi
fuq il-prontezza tal-Awtoritajiet Nazzjonali biex jikkoreġu l-inkonsistenzi misjuba.
Il-proċedura attwali hija twila u
ineffiċjenti għall-awtoritajiet nazzjonali. F’ċertu każijiet, l-Istati Membri
qed idumu b'mod konsiderevoli biex jibagħtu informazzjoni
preċiża. Għalhekk, għalkemm il-Kummissjoni
għandha data ta' skadenza biex
tapprova d-deċiżjonijiet ta’ awtorizzazzjoni ta’ NFA, din
l-iskadenza dejjem tiġi estiża minħabba
l-ħtieġa ta’ kjarifiki, korrezzjonijiet u spjegazzjonijiet. It-talbiet
għar-rimborż tal-NFA isegwu l-istess
proċedura. 6. Programmi operazzjonali: miżuri u tipi ta’ azzjonijiet
implimentati It-Tabella 4 tindika li,
fil-perjodu 2008-2010, in-nefqa annwali għall-programmi operazzjonali (medja
ta’ € 1 252.1 m) kienet tirrigwarda prinċipalment azzjonijiet ta' titjib tal-kummerċjalizzazzjoni (24.0 %
tat-total) u azzjonijiet ambjentali (23.8 %), segwiti minn azzjonijiet
għall-produzzjoni ta’ pjanijiet (22.2 %) u għat-titjib jew iż-żamma
tal-kwalità tal-prodotti (20.3 %). L-użu tal-istrumenti għall-prevenzjoni u l-ġestjoni
tal-kriżijiet kien baxx ħafna (€ 35.6 m; 2.8 % tan-nefqa annwali
totali medja), u saħansitra aktar baxx għat-taħriġ u s-servizzi ta’ konsulenza
jew għar-riċerka u l-produzzjoni sperimentali. Rigward it-tipi ta’ azzjonijiet implimentati
fil-programmi operazzjonali (OPs) fil-perjodu 2008-2009: ·
In-nefqa għall-investimenti fiżiċi
(fil-bini tal-POs jew fl-azjendi tal-membri tal-POs) kienet tammonta, bħala
medja, għal € 517.5 m (41.3 % tan-nefqa totali għall-OPs). Dawn kienu mmirati
prinċipalment lejn il-kummerċjalizzazzjoni tal-prodotti (15.9 % tan-nefqa
totali; f’64.1 % tal-OPs) u l-ippjanar tal-produzzjoni (15.4 %; f’56.6 %
tal-OPs), segwiti mit-titjib jew iż-żamma tal-kwalità tal-prodotti (5.6 %;
f’29.6 % tal-OPs). Bħala medja, l-investimenti fiżiċi għal skopijiet
ambjentali[28]
kienu jammontaw għal 3.0 % tan-nefqa totali (u kienu inklużi f’34.5 %
tal-OPs). Tabella 4: Nefqa għal programmi operazzjonali ddedikati għal miżuri
differenti u n-numru ta’ POs li inkludew miżuri differenti fil-programmi
operazzjonali tagħhom (medja 2008-2010) || Nefqa || POs ikkonċernati || €m || % tan-nefqa totali || Numru || % tat-total Azzjonijiet immirati lejn l-ippjanar tal-produzzjoni || 277,9 || 22,2% || 924 || 77.8 % Azzjonijiet immirati lejn it-titjib u ż-żamma tal-kwalità tal-prodotti || 254,7 || 20,3% || 1 097 || 92.4 % Azzjonijiet immirati lejn it-titjib tal-kummerċjalizzazzjoni || 300,9 || 24,0% || 1 009 || 85.0 % Riċerka u produzzjoni sperimentali || 10,7 || 0,9% || 130 || 11.0 % Taħriġ u servizzi ta’ konsulenza || 22,8 || 1,8% || 388 || 32.7 % Strumenti għall-prevenzjoni u l-ġestjoni ta’ kriżijiet || 35,6 || 2,8% || 192 || 16.2 % Azzjonijiet ambjentali || 298,3 || 23,8% || 1 103 || 92.9 % Azzjonijiet oħra || 51,0 || 4,1% || 1 063 || 89.6 % Programmi operazzjonali kollha || 1 252,1 || 100,0% || 1 187 || 100.0 % Sors: EC-AGRI-C.2 — kalkoli mid-dejta
pprovduta mill-Istati Membri (Rapporti Annwali 2008-2010). ·
Azzjonijiet ambjentali ġew implimentati fi 92.9 % tal-OPs, b’nefqa annwali totali medja
ta’ € 298.3 m, li tikkorrispondi għal 23.8 % tan-nefqa annwali
totali medja għall-OPs. It-tipi ta’ azzjonijiet prinċipali li ġew implimentati
kienu jirrigwardaw it-tnaqqis u l-immaniġġar tal-iskart (€ 78.0 m; f’34.2 %
tal-OPs) u l-produzzjoni integrata (€ 72 m; f’25.4 % tal-OPs) li
flimkien kienu jkopru madwar 2/3 tan-nefqa totali għall-azzjonijiet ambjentali,
segwiti mill-investiment fiżiku għal skopijiet ambjentali (€ 38.1 m;
f’34.5 % tal-OPs). F’Awwissu 2012, ġie abbandunat l-appoġġ
għall-azzjonijiet ambjentali relatati mal-immaniġġar tal-imballaġġ, fuq il-bażi
tal-esperjenza miksuba fl-applikazzjoni ta’ dawk l-azzjonijiet. Dan huwa
mistenni li jinkoraġġixxi l-implimentazzjoni ta’ azzjonijiet ambjentali aktar
kost-effettivi, u li jnaqqas l-ispejjeż relatati mal-ġestjoni tar-reġim tal-Unjoni[29]. ·
L-użu (baxx ħafna) tal-istrumenti
għall-prevenzjoni u l-ġestjoni ta’ kriżijiet (CPM) kien jirrigwarda
prinċipalment l-assigurazzjoni tal-uċuħ maħsuda (nefqa annwali medja ta’
€ 13.9 m f’67 OP), il-promozzjoni u l-komunikazzjoni (€ 11.9 m
f’60 OP) u l-irtirar ta’ prodotti (€ 8.3 m fi 73 OP). Il-ħsad bikri,
in-nuqqas ta’ ħsad, it-taħriġ u l-istabbiliment ta’ fondi mutwi tista’ tgħid li
ma ntużawx. Apparti r-raġuni tal-kumplessità
tal-proċeduri, raġuni possibbli oħra għall-użu baxx ħafna tal-istrumenti għas-CPM tista’ tkun id-daqs żgħir ta’ bosta POs: minħabba
l-volumi baxxi tal-prodotti koperti, l-ammont baxx ta’ appoġġ għall-irtirar
mis-suq u/jew il-mezzi finanzjarji limitati għad-dispożizzjoni tagħhom, il-POs
iż-żgħar iqisu l-għodod attwali għas-CPM
bħala mhux effettivi, jew
sempliċement bħala mhux attraenti. 7. Evalwazzjoni ta’ nofs it-terminu mill-Istati Membri tal-istrateġiji
nazzjonali tagħhom 19-il Stat Membru bagħtu lill-Kummissjoni
rapport dwar l-evalwazzjoni tal-2012 tal-istrateġija nazzjonali tagħhom. Ir-rapporti jipprovdu l-ewwel valutazzjoni
ta’ nofs it-terminu tal-effetti tal-programmi operazzjonali li ġew implimentati wara r-riforma tal-2007, u jindikaw id-dgħufijiet identifikati
fl-immaniġġar ta’ wħud mill-NSs. 7.1. Progress miksub fir-rigward tal-għanijiet stabbiliti għall-programmi operazzjonali Jistgħu jiġu misluta l-konklużjonijiet li
ġejjin mill-analiżi tar-rapporti ta’ evalwazzjoni tal-2012 mibgħuta mill-BE,
CY, ir-CZ, id-DK, il-DE, ES, FR, l-HU, l-IT, il-NL, l-AT, il-PT u r-UK[30]: (1)
Fil-biċċa l-kbira tal-Istati Membri,
il-programmi operazzjonali qegħdin jikkontribwixxu b'mod pożittiv għal għanijiet ewlenin bħall-promozzjoni tat-tqegħid fis-suq
ta’ prodotti tal-membri tal-POs, l-assigurazzjoni li l-produzzjoni tkun
aġġustata skont id-domanda (f’termini ta’ kwalità u kwantità) u t-titjib
tal-kompetittività tal-POs. (2)
F’xi Stati Membri, il-programmi operazzjonali
qegħdin jikkontribwixxu wkoll sabiex iżidu l-valur kummerċjali tal-prodotti
kummerċjalizzati mill-POs (eż. CY, CZ, DE, HU, IT, UK) u jippromwovu
l-konċentrazzjoni tal-provvista (eż. CY, CZ, DK, ED, HU, IT, PT). (3)
Ir-raġunijiet għaliex il-programmi operazzjonali
fi Stati Membri oħra ftit li xejn qegħdin jikkontribwixxu sabiex iżidu l-valur
kummerċjali tal-prodotti kummerċjalizzati mill-POs jew jippromwovu
l-konċentrazzjoni tal-provvista jistgħu jinkludu s-saħħa baxxa persistenti
tan-negozjar tal-POs eżistenti fil-katina tad-distribuzzjoni minħabba n-numru u
d-daqs żgħir tagħhom f’xi Stati Membri kkonċernati (eż. PT) u r-rata diġà
għolja ta’ organizzazzjoni miksuba mis-settur fi Stati Membri oħra kkonċernati
(eż. NL). (4)
Il-programmi operazzjonali jidhru li qegħdin
jikkontribwixxu ftit jew xejn għall-għanijiet li ġejjin fil-biċċa l-kbira
tal-Istati Membri: –
L-ottimizzazzjoni tal-ispejjeż tal-produzzjoni. Fuq il-bażi tar-rapporti ta’ evalwazzjoni,
dan probabbilment għandu aktar x’jaqsam ma’ fatturi esterni, bħaż-żieda
fil-prezzijiet tal-input (eż. BE-VL, FR), jew id-diffikultajiet
involuti fil-ħolqien ta' stimi u rapporti dwar il-bidliet
fl-ispejjeż, fost affarijiet oħra
minħabba n-nuqqas ta’ għarfien tas-sitwazzjoni fil-linja bażi, milli ma' tħassib prinċipali għall-POs u/jew
il-membri tagħhom. –
L-istabbilizzar tal-prezzijiet
tal-produtturi. Uħud mir-rapporti (eż. ES, FR, IT) jindikaw li dan huwa dovut prinċipalment
għall-effikaċja baxxa ta’ ċerti strumenti disponibbli għall-immaniġġar u
l-prevenzjoni ta’ kriżijiet u/jew l-użu ta’ dawk l-istrumenti minn numru
limitat wisq ta’ POs. –
It-titjib tal-attrattività tal-POs. Ir-rapporti jindikaw raġunijiet differenti għat-tkabbir limitat
jew saħansitra tnaqqis fis-sħubija, bħal-livell għoli ħafna ta’ organizzazzjoni
li diġà nkiseb fis-settur (eż. BE-VL), ir-rekwiżiti stretti ħafna stabbiliti
għas-sħubija f’PO (eż. NL) u saħansitra n-nuqqas ta’ ċarezza ta’ ċerti regoli
stabbiliti mil-leġislazzjoni tal-UE (eż. UK). –
Ftit jew xejn qed issir kontribuzzjoni għal ċertu għanijiet ambjentali, bħall-preservazzjoni tal-pajsaġġ, il-mitigazzjoni tat-tibdil
fil-klima, il-preservazzjoni tal-kwalità tal-arja u t-tnaqqis tal-produzzjoni
tal-iskart. Filwaqt li f’xi każijiet dan huwa minħabba l-adozzjoni baxxa jew
non-eżistenti ta’ azzjonijiet iddedikati mill-POs jew mill-membri tagħhom (eż. DK), f’każijiet oħra dan huwa minħabba li xi
wħud minn dawn l-għanijiet ma kinux fost il-prijoritajiet tan-NEFs (eż. CY, CZ,
PT). Barra minn hekk, għal ċerti Stati Membri (eż. BE, ES, FR, NL), ir-rapport
dwar l-eżerċizzju ta’ evalwazzjoni tal-2012 jindika li ma hemm l-ebda evidenza
ċara li l-programmi operazzjonali qegħdin jikkontribwixxu għal dawk l-għanijiet
ambjentali. 7.2. Dgħufijiet fl-immaniġġar tal-istrateġiji nazzjonali 7.2.1. Dgħufijiet fl-istabbiliment tal-istrateġiji nazzjonali Ir-rapporti identifikaw żewġ dgħufijiet
importanti fl-SN ta’ wħud mill-Istati
Membri: ·
Ġiet adottata firxa wiesgħa wisq ta’ għanijiet,
minflok konċentrazzjoni fuq għadd żgħir ta' prijoritajiet. Dan wassal biex numru kbir ta’
miżuri u tipi ta’ azzjonijiet jiġu magħżula bħala eliġibbli għall-appoġġ. Waħda
mir-raġunijiet għal dan kienet li l-partijiet interessati ma kinux involuti
biżżejjed fid-definizzjoni tal-SN. Minħabba f’hekk, il-POs implimentaw b’mod
effettiv biss numru żgħir ta’ miżuri u tipi ta’ azzjonijiet, li kkontribwixxew biss għal ċertu għanijiet jew, inkella, l-appoġġ pubbliku kien
mifrux fuq numru kbir ħafna ta’ azzjonijiet immirati lejn għanijiet differenti,
li r-riżultat u l-impatt tagħhom kienu diffiċli biex jinftiehmu. ·
Kien hemm nuqqas ta' miri preċiżi ffissati minn qabel għall-għanijiet differenti li ġew stabbiliti. Din kienet waħda mid-diffikultajiet prinċipali
għall-eżerċizzju ta’ evalwazzjoni tal-2012, minħabba n-nuqqas ta’ parametri ta' referenza li magħhom seta’ jiġi vvalutat, b’mod mhux arbitrarju,
it-twettiq tal-miżuri. 7.2.2. Dgħufijiet fil-monitoraġġ u l-evalwazzjoni
tal-istrateġiji nazzjonali Ir-rapporti minn diversi Stati Membri
jindikaw li diffikultà ewlenija għall-eżerċizzju ta’ evalwazzjoni tal-2012
kienet in-numru kbir ta’ rekords ħżiena tal-indikaturi tal-prestazzjoni
fir-rapporti annwali tal-POs. Dan mhux biss xekkel ċertu analiżi iżda rriskja wkoll li jimmina
l-validità tal-konklużjonijiet mill-evalwazzjoni. Dan jidher li huwa r-riżultat ta’ żewġ
dgħufijiet importanti li jirrigwardaw is-sistemi ta’ monitoraġġ u evalwazzjoni
stabbiliti mill-Istati Membri kkonċernati: (a) in-nuqqas ta’ miżuri ta' prevenzjoni biex il-POs jiġu megħjuna jifhmu,
jikkalkulaw sewwa u jużaw ċerti indikaturi tal-prestazzjoni definiti minn qabel
u (b) in-nuqqas ta’ kontrolli mill-amministrazzjoni nazzjonali dwar
id-dejta rreġistrata mill-POs fir-rapporti annwali tagħhom u, b’mod
partikolari, fir-rigward tal-indikaturi tal-prestazzjoni. Dan jissuġġerixxi li f’ċertu Stati Membri,
l-enfasi tqiegħdet essenzjalment jew esklussivament fuq l-indikaturi tal-eżekuzzjoni
finanzjarja (in-nefqa), u li ftit li xejn ingħatat attenzjoni lil
indikaturi li jistgħu jgħinu sabiex jitkejjel il-progress lejn l-għanijiet
stabbiliti fl-istrateġija nazzjonali. 8. Konklużjonijiet u rakkomandazzjonijiet Fil-perjodu 2008-2010, f'livell tal-UE, kien hemm xejriet pożittivi
rigward ir-rata ta’ organizzazzjoni tas-settur tal-frott u l-ħaxix, is-sehem
tal-produtturi totali tal-frott u ħaxix li huma membri ta’ POs u n-numru ta’
POs li huma membri ta’ APOs. Ir-rapporti annwali u r-rapporti ta’
evalwazzjoni tal-2012 joffru wkoll stampa aktar kuntrastanti. Kwistjoni kruċjali hija l-livell, li għadu qed jibqa' baxx b'mod persistenti, jew in-nuqqas, ta’
organizzazzjoni f’ċertu Stati Membri. Dan jeħtieġ analiżi bir-reqqa sabiex jiġu
identifikati, fejn ikun xieraq, miżuri addizzjonali maħsuba
biex jinkoraġġixxu mhux biss żieda
ulterjuri fil-livell tal-organizzazzjoni
tal-produtturi fl-UE kollha iżda wkoll tnaqqis fl-iżbilanċ tal-organizzazzjoni
tal-produtturi tal-frott u l-ħaxix fi ħdan l-UE. Livell baxx jew in-nuqqas ta’
organizzazzjoni jfissru wkoll li l-biċċa l-kbira tal-produtturi tal-frott u
l-ħaxix ma jagħmlux parti minn PO, u b’hekk ma jibbenefikawx direttament minn għajnuna speċifika tal-UE għas-settur. Dan il-proporzjon huwa l-aktar għoli f’xi Stati
Membri tan-Nofsinhar u f’xi Stati Membri li ssieħbu fl-UE fl-2004 u wara. Dawn
il-produtturi, ħafna drabi l-aktar produtturi żgħar, lanqas biss jistgħu jibbenefikaw mis-servizzi li
jistgħu jipprovdu l-POs, għandhom saħħa ta’ negozjar dgħajfa ħafna fi ħdan
il-katina tal-provvista u huma aktar esposti għar-riskji marbuta
mal-globalizzazzjoni tas-suq u t-tibdil fil-klima. Iż-żieda fir-rata ta’
organizzazzjoni tas-settur tal-frott u l-ħaxix tibqa’ kruċjali speċjalment
fl-Istati Membri fejn l-organizzazzjoni għadha baxxa ħafna. F’dan ir-rigward,
huwa meħtieġ ukoll li jiġu esplorati miżuri li jistimolaw forom ta’ kooperazzjoni li jgħinu lill-POs u lill-produtturi
mhux organizzati sabiex ilaħħqu aħjar ma’ dawk l-isfidi. Il-programmi operazzjonali jistgħu
jikkontribwixxu aktar lejn għanijiet importanti bħat-titjib tal-attrattività tal-POs, iż-żieda fil-valur kummerċjali tal-prodotti, l-ottimizzar
tal-ispejjeż tal-produzzjoni,
u l-istabbilizzar tal-prezzijiet tal-produtturi. L-użu (baxx ħafna) tal-istrumenti
għall-prevenzjoni u l-ġestjoni ta’ kriżijiet (CPM) kixef il-limiti ta’ ċertu strumenti eżistenti. Jeħtieġ li jiġi
kkunsidrat li jsir titjib
tal-istrumenti ta’ prevenzjoni u ta' ġestjoni ta’ kriżijiet. Fil-biċċa l-kbira tal-Istati Membri,
in-nefqa relatata ma' miżuri ‘strateġiċi’, bħar-riċerka u l-produzzjoni sperimentali,
għadha negliġibbli. Għalhekk, jista’ jkun rilevanti li tiġi msaħħa l-applikazzjoni tar-riżorsi disponibbli
fuq ċerti miżuri ta’ prijorità, li għandhom impatt akbar fuq il-kompetittività, l-istabilità tal-introjtu u d-domanda
tas-suq. Il-kumplessità tar-regoli u n-nuqqas ta’
ċertezza legali ġew indikati wkoll bħala dgħufijiet tar-reġim attwali.
Is-simplifikazzjoni u l-assigurazzjoni tal-qafas legali jridu jkunu prijorità
f’reviżjoni futura, anki sabiex
titnaqqas il-burokrazija għall-bdiewa u l-awtoritajiet maniġerjali. Fl-aħħar nett, jista'
jkun li l-introduzzjoni ta’ miżuri ġodda għas-settur
teħtieġ l-allokazzjoni mill-ġdid ta’ xi riżorsi finanzjarji mingħajr
ma jiżdiedu l-ammonti globali disponibbli għas-settur sabiex tiġi żgurata n-newtralità tal-baġit fi ħdan
il-miżuri tas-suq fl-ewwel pilastru. Sabiex jiġu indirizzati n-nuqqasijiet
imsemmija hawn fuq, ir-reġim attwali tal-UE dwar il-frott u l-ħaxix għandu jiġi rivedut sabiex
jiġi żgurat li l-appoġġ
lill-organizzazzjonijiet tal-produtturi jkun iffukat aħjar, biex dan ikun jista’ jilħaq l-għanijiet ġenerali stabbiliti għar-riforma
tal-2007[31]
u l-PAK 2020 fl-Istati Membri kollha. Il-Kummissjoni għandha tibni fuq
ir-riżultati ta’ dan ir-rapport u fuq
id-dibattitu li
jmiss, sabiex aktar tard tippreżenta
proposti leġislattivi bl-għan li ssir reviżjoni tal-iskema ta’ għajnuna tal-Unjoni għas-settur tal-frott u l-ħaxix. [1] Regolament tal-Kunsill (KE) Nru 1234/2007 tat-22 ta’
Ottubru 2007 li jistabbilixxi organizzazzjoni komuni ta’ swieq agrikoli u dwar
dispożizzjonijiet speċifiċi għal ċerti prodotti agrikoli (Ir-Regolament
Waħdieni dwar l-OKS) (ĠU L 299, 16.11.2007, p. 1). [2] Rapporti mibgħuta lill-Kummissjoni skont l-Artikolu
97(b) u l-Artikolu 127 tar-Regolament ta’ Implimentazzjoni tal-Kummissjoni (UE)
Nru 543/2011 tas-7 ta’ Ġunju 2011 li jistabbilixxi regoli dettaljati
għall-applikazzjoni tar-Regolament tal-Kunsill (KE) Nru 1234/2007 għas-setturi
tal-frott u l-ħaxix u tal-frott u l-ħaxix ipproċessat (ĠU L 157, 15.6.2011, p.
1). [3] Għal xi Stati
Membri, ir-rapporti annwali għall-2010 għadhom meqjusa bħala provviżorji. Huwa probabbli li jsiru xi
emendi wara li
jitwettqu kontrolli dwar il-kwalità tad-dejta mill-Kummissjoni. [4] Ġew inklużi żewġ strumenti ġodda għas-CPM: (a)
investimenti li jagħmlu l-ġestjoni tal-volumi li jitqiegħdu fis-suq aktar
effiċjenti u (b) it-tħawwil mill-ġdid ta’ ġonna tas-siġar tal-frott fejn dak
ikun neċessarju wara tneħħija obbligatorja għal raġunijiet ta’ saħħa jew
fitosanitarji skont ordnijiet mill-awtorità kompetenti tal-Istat
Membru. Barra minn hekk, l-iskambju tal-aħjar prattiki ġie miżjud mal-miżuri
ta’ taħriġ eżistenti. [5] Il-Politika Agrikola Komuni hija magħmula minn żewġ pilastri: miżuri tas-suq u pagamenti
diretti (l-ewwel pilastru) u l-politika ta’ żvilupp rurali (it-tieni pilastru).
[6] L-Artikolu 103f
tar-Regolament (KE) Nru 1234/2007. L-Estonja, il-Litwanja, il-Lussemburgu u
s-Slovenja huma eżentati mill-obbligu li jistabbilixxu strateġija nazzjonali
billi m’għandhomx POs rikonoxxuti. [7] L-Artikolu 103f(1),
it-tieni subparagrafu tar-Regolament (KE) Nru 1234/2007. [8] ĠU L 157, 15.6.2011, p. 1. [9] Fl-NS tagħhom l-Istati Membri jistgħu jispeċifikaw
indikaturi addizzjonali, li jirriflettu l-ħtiġijiet nazzjonali jew reġjonali,
il-kundizzjonijiet u l-għanijiet speċifiċi għall-programmi operazzjonali. [10] Rapport Speċjali tal-Qorti Ewropea tal-Awdituri Nru
8/2006 (ĠU C 282, 20.11.2006, p. 32). [11] Id-dokumenti, fil-lingwi uffiċjali kollha tal-UE,
jinkludu linji gwida dwar l-indikaturi komuni tal-prestazzjoni, mudell ġdid
għar-rapport annwali li jrid jintbagħat mill-Istati Membri u linji gwida dwar
l-evalwazzjoni tal-2012 tal-NSs mill-Istati Membri. [12] Ara http://ec.europa.eu/agriculture/fruit-and-vegetables/country-files/index_en.htm. [13] Sors: EC-DGAGRI-C.2 — kalkoli mir-riżultati
tal-Isħarriġ tal-Eurostat dwar l-Istruttura tal-Farms mill-2003 sal-2010.
Innota tajjeb: it-tnaqqis fin-numru tal-azjendi kien parzjalment ikkawżat minn
bidla fil-metodoloġija, billi f’6 Stati Membri (CZ, DE, LU, PL, SK u UK)
il-limitu għall-inklużjoni fl-Istħarriġ tal-Istruttura tal-Farms (FSS) żdied bejn l-2007 u l-2010, bl-esklużjoni tal-azjendi b’E.A.U. żgħira. [14] Sors: EC-DGAGRI-C.2 — kalkoli mir-riżultati tal-Istatistika
Annwali tal-Eurostat dwar l-Għelejjel u l-Kontijiet Ekonomiċi għall-Agrikoltura
mill-2004 sal-2010. Innota tajjeb: ix-xejra ’l isfel ikkalkulata għall-volum
tal-produzzjoni tal-frott u l-ħaxix bejn iż-żewġ perjodi (2004-2006 u
2008-2010) setgħet kienet affettwata mill-ħsad tajjeb ħafna li kien irreġistrat
fl-2004. [15] Dawn huma effetti/theddidiet li jissemmew, pereżempju,
mir-rapporti dwar l-evalwazzjoni tal-2012 tal-Istrateġija nazzjonali għal
programmi operazzjonali sostenibbli nnotifikati mill-HU, l-IT u l-PT. [16] L-Estonja, il-Lussemburgu, il-Litwanja u s-Slovenja
m’għandhomx POs rikonoxxuti. [17] Ara t-Tabella 1 fid-Dokument ta’ Ħidma tal-Persunal
tal-Kummissjoni għad-dettalji. [18] Ċerti produtturi mhux
organizzati jibbenefikaw mir-reġim attwali tal-UE. Huma jistgħu jikkumerċjalizzaw il-prodotti tagħhom permezz
tal-POs mingħajr ma jkunu membri u jieħdu vantaġġ, bi ħlas, minn ċerti servizzi
pprovduti mill-POs (eż. aċċess għall-faċilitajiet ta’ ħażna u
kummerċjalizzazzjoni, miżuri għall-ġestjoni ta’ kriżijiet). [19] Ara t-Tabella 2 fid-Dokumenti ta’ Ħidma tal-Persunal
tal-Kummissjoni għad-dettalji. [20] Studju li sar dan l-aħħar dwar il-kooperattivi tal-UE (li jinkludi wkoll il-POs u l-APOs), u li ġie ffinanzjat mill-Kummissjoni Ewropea,
jidentifika xi wħud mill-ostakoli kulturali u ekonomiċi għall-iżvilupp ta’
inizjattivi konġunti bejn il-bdiewa (Ara Bijmans, J et alt (2013): Support for
farmers' cooperatives: final report. Il-Kummissjoni Ewropea - disponibbli mis-sit elettroniku http://ec.europa.eu/agriculture/external-studies/2012/support-farmers-coop/fulltext_en.pdf).
[21] Dawn jinkludu s-sottomissjoni ta’ applikazzjoni
għall-għajnuna u l-kompilazzjoni ta’ rapport annwali dettaljat, li huwa għodda essenzjali għall-monitoraġġ
tal-implimentazzjoni tal-iskema dwar il-frott u l-ħaxix iżda li, mill-banda l-oħra, huwa
wkoll piż amministrattiv. [22] Matul il-perjodu 2004-2010, il-maġġoranza tal-każijiet ta' irtirar tar-rikonoxximent seħħew fi ES (148), FR (94) u l-IT (43). Bħala
perċentwal fuq in-numru totali ta’ POs, l-irtirar tar-rikonoxximent kien
partikolarment għoli fis-SI, l-IE,
il-FI u l-BG. [23] L-Artikolu 103b tar-Regolament (KE) Nru 1234/2007. [24] L-Artikolu 103d tar-Regolament (KE) Nru 1234/2007. [25] Ara t-Tabelli 3 u 4 fid-Dokument ta’ Ħidma tal-Persunal
tal-Kummissjoni għad-dettalji. [26] Il-grad ta’ organizzazzjoni tal-produtturi huwa definit
bħala l-proporzjon bejn il-valur tal-produzzjoni ta’ frott u ħaxix miksuba fir-reġjun
u kummerċjalizzata mill-POs, l-APOs u l-PGs u l-valur totali tal-produzzjoni
ta’ frott u ħaxix miksuba fir-reġjun. L-NFA hija addizzjonali għall-fondi
operattivi tal-POs u hija ugwali
għal massimu ta’ 80 % tal-kontribuzzjoni finanzjarja tal-membri tal-PO jew
tal-PO nnifisha għall-fond operattiv tagħha. [27] Dan huwa possibbli biss f’reġjuni fejn il-POs
jikkummerċjalizzaw inqas minn 15 % tal-valur tal-produzzjoni ta’ frott u ħaxix, u fejn il-produzzjoni tal-frott u l-ħaxix tirrappreżenta mill-anqas
15 % tal-produzzjoni agrikola totali tagħhom. [28] L-investimenti fiżiċi għal skopijiet ambjentali huma
investimenti f’assi fissi li huma mistennija li jwasslu għal benefiċċji
sostanzjali f’termini ta’ tnaqqis fl-użu tal-inputs u/jew tnaqqis
fl-emissjonijiet ta’ sustanzi li jniġġsu. [29] Ara r-Regolament ta’ Implimentazzjoni tal-Kummissjoni
(UE) Nru 755/2012 tas-16 ta’ Awwissu 2012 li jemenda r-Regolament ta’
Implimentazzjoni (UE) Nru 543/2011 fir-rigward tal-eliġibbiltà tal-ispejjeż
speċifiċi tal-azzjonijiet ambjentali skont programmi operattivi ta’
organizzazzjonijiet tal-produtturi fis-settur tal-frott u l-ħaxix (ĠU L 223,
21.8.2012, p. 6). [30] Il-Kapitolu 5 tad-Dokument ta’ Ħidma tal-Persunal
tal-Kummissjoni jagħti ħarsa
ġenerali dwar l-effetti tal-programmi operazzjonali fit-13-il Stat Membru
kkonċernati. Ir-rapporti mibgħuta minn Stati Membri oħra (il-Bulgarija,
il-Finlandja, il-Polonja, ir-Rumanija, is-Slovakkja u l-Isvezja) ma jipprovdux
risposta ċara għall-mistoqsijiet kollha tal-evalwazzjoni rigward l-effikaċja
tal-programmi operazzjonali. Ir-raġunijiet huma n-numru żgħir ħafna ta’
programmi operazzjonali approvati skont ir-reġim il-ġdid (eż. PO waħda biss bi
programm operazzjonali fil-Bulgarija u r-Rumanija) u n-nuqqas ta’ dejta affidabbli dwar l-effetti ta’ dawn il-programmi. [31] F’dan ir-rigward ara l-premessa 2 tar-Regolament
tal-Kunsill (KE) Nru 1182/2007 (ĠU L 273, 17.10.2007, p. 1), li
d-dispożizzjonijiet tiegħu ġew integrati fir-Regolament (KE) Nru 1234/2007.