EUR-Lex Access to European Union law
This document is an excerpt from the EUR-Lex website
Document 52013DC0108
COMMUNICATION FROM THE COMMISSION TO THE EUROPEAN PARLIAMENT, THE COUNCIL, THE EUROPEAN ECONOMIC AND SOCIAL COMMITTEE AND THE COMMITTEE OF THE REGIONS EU SPACE INDUSTRIAL POLICY RELEASING THE POTENTIAL FOR ECONOMIC GROWTH IN THE SPACE SECTOR
KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI IL-POLITIKA INDUSTRIJALI SPAZJALI TAL-UE IR-RILAXX TAL-POTENZJAL GĦAT-TKABBIR EKONOMIKU FIS-SETTUR SPAZJALI
KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI IL-POLITIKA INDUSTRIJALI SPAZJALI TAL-UE IR-RILAXX TAL-POTENZJAL GĦAT-TKABBIR EKONOMIKU FIS-SETTUR SPAZJALI
/* COM/2013/0108 final */
KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI IL-POLITIKA INDUSTRIJALI SPAZJALI TAL-UE IR-RILAXX TAL-POTENZJAL GĦAT-TKABBIR EKONOMIKU FIS-SETTUR SPAZJALI /* COM/2013/0108 final */
KOMUNIKAZZJONI TAL-KUMMISSJONI
LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI
EWROPEW U LILL-KUMITAT TAR-REĠJUNI IL-POLITIKA INDUSTRIJALI SPAZJALI TAL-UE
IR-RILAXX TAL-POTENZJAL
GĦAT-TKABBIR EKONOMIKU FIS-SETTUR SPAZJALI 1. Industrija strateġika
li se tikkontribwixxi għall-istrateġija Ewropa 2020 L-ispazju mhux biss kwistjoni teknoloġika. Huwa dejjem kellu u se
jkompli jkollu dimensjoni politika qawwija li s'issa għadha ma ġietx
żviluppata sew fil-livell Ewropew. L-Aġenzija Spazjali Ewropea (ESA)
ġie kkonċeputa bħala aġenzija intergovernmentali
tar-riċerka u l-iżvilupp li tippermetti lill-Ewropa tiżviluppa
kapaċitajiet xjentifiċi u teknoloġiċi uniċi u
tpoġġiha fuq livell li tiffaċċja lin-nazzjonijiet involuti
fl-ispazju ewlenin fil-bqija tad-dinja. Iżda l-ESA mhix attur politiku.
Matul dawn l-aħħar għexieren ta' snin, id-dimensjoni politika
tal-ispazju kienet misjuqa minn politiki nazzjonali ta’ dawk il-pajjiżi
l-iktar attivi fl-ispazju fl-Ewropa. Madankollu, b'żieda fil-kompetizzjoni
minn nazzjoinijiet emerġenti ġodda involuti fl-ispazju,
il-piżijiet politiċi individwali tagħhom fil-bqija tad-dinja
jafu m’għadhomx biżżejjed biex jiġu indirizzati l-isfidi li
għad irridu niffaċċjaw. Politika Spazjali tal-UE tista’
ssaħħaħ l-identità Ewropea fuq il-livell politiku
internazzjonali. Fl-istess ħin, l-intervent tal-UE jista’ jagħti
spinta politika aktar qawwija lill-ispazju, pereżempju billi jiġu
stabbiliti kundizzjonijiet ta' qafas xierqa sabiex iżommu u jrawmu
l-attivitajiet spazjali fl-Ewropa u l-kompetittività tal-industrija tagħha
fuq livell globali. Dan huwa fejn L-Artikolu 189 tat-TFUE, li jagħti
lill-UE mandat ċar biex tintervjeni fil-kwistjonijiet tal-ispazju, jista’
tagħmel differenza. L-ispazju huwa għas-servizz taċ-ċittadini Ewropej.
Ħafna sistemi u servizzi li llum huma essenzjali għall-benesseri u
s-sigurtà tagħna jiddependu direttament jew indirettament fuq l-ispazju.
Mingħajr ma jkunu konxji ta’ dan, iċ-ċittadini Ewropej
jiddependu minn teknoloġiji spazjali meta dawn jużaw il-mowbajls
tagħhom, jagħmlu tranżazzjonijiet finanzjarji, jirkbu ajruplan,
isegwu t-tbassir tat-temp jew ifittxu l-eqreb ristorant mill-karozzi
tagħhom. L-ispazju sar parti mill-ħajja tagħna ta' kuljum. L-ispazju huwa mutur għat-tkabbir u l-innovazzjoni, u
jikkontribwixxi direttament lejn l-għanijiet tal-istrateġija
Ewropea 2020, l-istrateġija ta' tkabbir tal-Ewropa għal
ekonomija intelliġenti, sostenibbli u inklużiva[1].
Is-settur spazjali huwa xprun għall-progress xjentifiku filwaqt li
jippermetti sistemi u servizzi b’potenzjal ta’ tkabbir f’oqsma
bħat-telekomunikazzjonijiet, in-navigazzjoni u l-osservazzjoni tad-dinja.
Dawn is-sistemi u s-servizzi jiggarantixxu l-indipendenza u s-sigurtà
għall-UE. Dawn jgħinuna biex nindirizzaw l-isfidi kbar
tas-soċjetà bħat-tibdil fil-klima, ir-riżorsi skarsi,
is-saħħa, jew ix-xjuħija tal-popolazzjoni tagħna. Dawn
jipprovdulna għarfien strateġikament importanti li jsostni
r-relazzjonijiet esterni tal-UE fl-oqsma bħal għajnuna
għall-iżvilupp u l-għajnuna umanitarja. Jistimulaw
l-innovazzjoni u l-kompetittività lil hinn sew mis-settur spazjali, u
jikkontribwixxu għat-tkabbir ekonomiku u l-ħolqien tal-impjiegi
fl-oqsma ekonomiċi kważi kollha. F'Diċembru 2008, il-Kunsill Ewropew enfasizza l-potenzjal
tal-ispazju biex iħalli impatt fuq l-innovazzjoni u l-irkupru ekonomiku.
F'Mejju 2009, is-sitt Kunsill Spazjali enfasizza "il-bżonn li
jiġu mmobilizzati l-mekkaniżmi eżistenti li jappoġġaw
l-innovazzjoni fuq il-livell Ewropew, nazzjonali u reġjonali, u li
jinħolqu strumenti ġodda ta' appoġġ biex jiżguraw
d-dakkir reċiproku ta' għarfien, innovazzjoni u ideat bejn is-setturi
spazjali u dawk li mhumiex, u bejn l-industrija spazjali u
l-organizzazzjonijiet ta' riċerka u universitajiet ewlenin". Wara l-adozzjoni tal-inizjattiva ewlenija tal-Unjoni dwar
l-Innovazzjoni, il-Kummissjoni ressqet il-proposta tagħha
għall-programm Horizon 2020 taħt il-Qafas Finanzjarju
Multiannwali li jinkludi ir-riċerka u l-innovazzjoni.
Mill-EUR 80 biljun proposti, EUR 1.7 biljun għandhom
jiġu investiti fir-riċerka u l-innovazzjoni spazjali. Barra minn hekk, l-ispazju sar negozju globali. L-industrija spazjali
Ewropea jkollha tiffaċċja kompetizzjoni dejjem tiżdied minn
potenzi spazjali ġodda emerġenti bħaċ-Ċina u l-Indja.
L-intervent tal-UE fl-ispazju, flimkien ma' dak tal-Istati Membri tagħha u
l-ESA, jeħtieġ li jkollha l-għan li jsaħħaħ
il-kompetittività tal-industrija spazjali Ewropea fil-livell globali. L-importanza strateġika u l-ispeċifiċitajiet ta’ din
l-industrija globali jitolbu li jkun hemm approċċ iddedikat
għall-politika industrijali li tkun immexxija mill-ħtieġa li
tiżgura kosteffiċjenza u kompetittività fil-livell globali, filwaqt
li tiżgura l-konsolidazzjoni u l-iżvilupp kostanti ta' avanzi
fil-ħiliet u l-kompetenzi u li tafferma mill-ġdid l-impenn
b'saħħtu bi tkabbir ekonomiku f'konformità mal-istrateġija
Ewropa 2020. Il-Kummissjoni enfasizzat l-intenzjoni tagħha li ssegwi
politika industrijali spazjali żviluppata b'koperazzjoni mal-ESA u
l-Istati Membri tal-UE fil-Komunikazzjoni tagħha dwar il-politika
industrijali tal-UE adottata f’Ottubru 2010[2]. F'April 2011, il-Komunikazzjoni intitolata
“Lejn strateġija tal-ispazju tal-Unjoni Ewropea għas-servizz
taċ-ċittadini"[3]
tat orjentazzjonijiet ulterjuri potenzjali ta' politika industrijali spazjali
Ewropea. L-Istati Membri appoġġjaw dan l-approċċ
fil-konklużjonijiet tal-Kunsill adottati f’Mejju u Diċembru 2011[4]. Din il-Komunikazzjoni tibni wkoll fuq il-politika industrijali
tal-Kummissjoni Komunikazzjoni (COM (2012) 582 finali) biex
tissaħħaħ l-industrija Ewropea għat-tkabbir u l-irkupru
ekonomiku[5]. Kontra dan l-isfond, politika industrijali spazjali tal-UE għandha
tkun ċċentrata fuq ħames għanijiet speċifiċi: 1.
Li tistabbilixxi qafas regolatorju stabbli u
koerenti 2.
Li tiżviluppa aktar bażi industrijali
aktar kompetittiva, solida, effiċjenti u bbilanċjata fl-Ewropa u li
tappoġġja l-parteċipazzjoni tal-SMEs; 3.
Li tappoġġja l-kompetittività
tal-industrija spazjali tal-UE billi tinkoraġġixxi s-settur ikun
jista' jsir aktar kosteffiċjenti matul il-katina tal-valur; 4.
Li tiżviluppa s-swieq fl-applikazzjonijiet u
s-servizzi spazjali; 5.
Li tiżgura l-awtonomija teknoloġika u
aċċess indipendenti għall-ispazju. Rigward l-aħħar għan, huwa ta’ importanza fundamentali
li l-UE żżomm l-awtonomija tagħha f’oqsma strateġiċi
tas-settur spazjali bħas-servizzi ta' llanċjar. Il-politika
industrijali spazjali tal-UE għandha, għalhekk, tiżgura
d-disponibbiltà ta' sistema ta’ llanċjar affidabbli, sikura u
ekonomikament effiċjenti. Għandhom jinħolqu l-kondizzjonijiet
(inklużi dawk finanzjarji) neċessarji ħalli jinżamm u
jissaħħaħ aċċess Ewropew indipendenti
għall-ispazju skont il-ħtiġijiet istituzzjonali. Għal dan
il-għan, il-governanza tal-isfruttament ta' lanċaturi Ewropej
għandu jevolvi sabiex tiżdied l-effiċjenza fil-ġestjoni
finanzjarja tal-programmi tal-utenti. Fl-aħħar mill-aħħar,
l-atturi tal-politika spazjali Ewropea se jkollhom jiżviluppaw politika
Ewropea tal-lanċjar reali kif jeżisti fil-biċċa l-kbira
tal-bqija tad-dinja. Politika industrijali spazjali tal-UE tista’ tkun effettiva biss jekk
tkun ibbażata fuq koperazzjoni effiċjenti bejn it-tliet atturi
tal-politika spazjali Ewropea: L-UE, l-ESA u l-Istati Membri rispettivi
tagħha. It-TFUE jistipula li l-UE tista' tippromwovi inizjattivi
konġunti, tagħti appoġġ lir-riċerka u lill-iżvilupp
teknoloġiku, u tikkoordina l-isforzi meħtieġa
għall-esplorazzjoni u l-isfruttament ta' l-ispazju". Barra minn hekk,
"l-Unjoni għandha tistabbilixxi relazzjonijiet xierqa
mal-Aġenzija Spazjali Ewropea". Għandhom jinstabu mekkaniżmi
li jiżguraw koordinament fi ħdan il-qafas tal-UE sabiex
l-pożizzjonijiet tal-Istati Membri jkunu espressi f’fora ta’
organizzazzjonijiet internazzjonali, inkluża l-ESA, ikunu konsistenti
mal-politika spazjali tal-UE u jappoġġawha. 2. industrija
tat-teknoloġija għolja li tisfida l-kompetizzjonijiet globali 2.1. Industrija li qed
tiffaċċja sfidi internazzjonali L-industrija spazjali Ewropea tvarja
mill-kompetituri internazzjonali ewlenin tagħha sal-punt li l-baġit
tagħha huwa iżgħar, tiddependi iktar fuq il-bejgħ
kummerċjali, is-sehem tal-infiq militari fiha huwa iżgħar u
s-sinerġiji bejn is-setturi ċivili u tad-difiża huma ħafna
inqas żviluppati. Għall-kuntrarju tal-Istati Uniti, is-suq Ewropew
għal navigazzjoni downstream u s-servizzi ta’ osservazzjoni tad-dinja huwa
biss emerġenti. Dawn il-karatteristiċi jispjegaw il-fatt li
l-industrija Ewropea qiegħda tiffaċċja sfidi kummerċjali u
ta’ innovazzjoni. 2.1.1. Theddid għas-swieq
kummerċjali li fuqhom tiddependi ferm l-industrija tal-manifattura fl-UE L-industrija tal-manifattura tal-ispazju (satelliti, illanċjar u
s-segment terrestru) hija industrija ta’ teknoloġija avvanzata,
strateġika, ta’ riskju għoli u ta' investiment intensiv b’ċikli
twal ta’ żvilupp u b’rata baxxa ta’ produzzjoni. Fin-nazzjonijiet kollha
involuti fl-ispazju, l-industrija spazjali tiddependi l-aktar fuq programmi
istituzzjonali, li jkollhom żewġ forom: L-iffinanzjar ta' programmi
ta' riċerka u żvilupp u x-xiri ta' prodotti u servizzi spazjali
bħala klijenti tal-industrija[6].
Dwar ir-riċerka spazjali istituzzjonali, il-politiki fl-R&D
huma wieħed mill-istrumenti ewlenin biex jissawar is-settur. L-R&D
total Ewropea hija bejn wieħed u ieħor stmata li jammontaw għal
10% ta' fatturat ta’ bejgħ mhux konsolidat fis-settur spazjali tal-UE.
F’kuntest internazzjonali, madankollu, il-finanzjament tal-R&D Ewropew
jidher insinifikanti meta mqabbel ma’ tal-Istati Uniti. Il-baġit spazjali
ċivili fl-Istati Uniti li jintefaq fuq l-RTD huwa madwar 25%[7]. Espressi
ras imb’ras, il-baġit spazjali ċivili tan-NASA fl-Istati Uniti[8] huwa
madwar erba’ darbiet ogħla mill-baġits Ewropej għall-ispazju
ċivili kollha kkombinati (nazzjonali, l-ESA u l-FP7). Meta mqabbel ma' nazzjonijiet oħra involuti fl-ispazju, is-suq
istituzzjonali Ewropew huwa wkoll relattivament żgħir. Fl-2009,
il-baġit tal-Istati Unit kien kważi għaxar darbiet ogħla
minn dak Ewropew. Barra minn hekk, għalkemm l-ispazju huwa suq globali,
huwa diffiċli li wieħed igħid li hemm suq Ewropew. Is-suq
istituzzjonali huwa tabilħaqq frammentat minħabba l-eżistenza
ta’ ħafna partijiet interessati pubbliċi u l-implimentazzjoni ta'
politiki industrijali spazjali nazzjonali differenti u b’dawk tal-ESA
mingħajr ma dejjem ikollhom il-koordinazzjoni meħtieġa. Is-suq
Ewropew waħdu mhux għalhekk biżżejjed biex iżomm
il-livell attwali ta' eċċellenza tal-industrija spazjali Ewropea.
Barra minn hekk, is-swieq istituzzjonali tal-parti l-kbira tan-nazzjonijiet li
jesploraw l-ispazju tal-parti l-kbira huma magħluqa għan-nazzjonijiet
l-oħrajn li jesploraw l-ispazju fi ħdan l-industrija. Għal dawn
ir-raġunijiet, l-Industrija Ewropea trid ukoll tiddependi fuq bejgħ
kummerċjali u tal-esportazzjoni, li jirrappreżenta 45%
tal-attivitajiet tagħha skont dejta tal-Eurospace, li hija sitwazzjoni
pjuttost differenti meta mqabbla mal-kompetituri tagħha. B’mod ġenerali, l-industrija
tal-manifattura u tal-lanċjar Ewropea marret tajjeb fis-suq
kummerċjali globali, b’sehem fis-suq li kull ma jmur qed jikber għal
satelliti (l-aktar tat-telekom) u sehem tas-suq stabbli ta' madwar 50%
għal illanċjar kummerċjali. Madankollu, il-bejgħ fis-suq
kummerċjali, li huwa vitali għall-industrija spazjali Ewropea, huwa
f'riskju billi l-bejgħ kummerċjali wera tnaqqis fir-ritmu ekonomiku
ċikliku u billi s-swieq kummerċjali tal-esportazzjoni huma soġġetti
għal żieda u xi kultant kompetizzjoni aggressiva[9]
min-nazzjonijiet li jesploraw l-ispazju l-oħra. Minħabba
ż-żmien twil ta’ żvilupp f’dan is-settur (10-15-il sena ta’
iżvilupp għal sistemi kumplessi) huwa essenzjali li tiġi
antiċipata bil-quddiem sew kwalunkwe evoluzzjoni possibbli (tas-suq).
Barra minn hekk, is-sitwazzjoni tista' tevolvi b’ħeffa kbira f’ċerti
sottosetturi strateġiċi, bħal lanċaturi[10]. 2.1.2. It-tqegħid
tal-pożizzjonijiet tagħha fis-sikur:: L-ippreservar ta' industrija
ta’ klassi dinjija fis-swieq tat-telekomunikazzjoni L-industrija tas-servizzi bis-satellita hija ta' importanza ewlenija
għall-ekonomija tal-UE, billi ssawwar l-investiment magħmul
fl-infrastrutturi spazjali f'applikazzjonijiet konkreti u f’servizzi
għall-benefiċċju taċ-ċittadini. L-industrija
tall-manifattura tas-satelliti tal-komunikazzjonijiet (SatCom) l-industrija hi
strumentali għall-appoġġ tal-industrija spazjali kollha kemm hi
tal-Ewropa. Skont Eurospace, il-bejgħ ta' satelliti
għat-telekomunikazzjonijiet irrappreżenta aktar minn 60% tal-fatturat
tal-manifatturi tas-satelliti Ewropej matul l-aħħar 10 snin. L-Ewropa
tista’ sserraħ fuq l-industrija ta' klassi dinjija biex tiżviluppa u
tipproponi servizzi tas-SatCom. Dawk is-servizzi huma kruċjali
għat-twassil tal-informazzjoni, waħda mill-aktar riżorsi
importanti tas-setturi li qegħdin jikbru tas-soċjetà diġitali.
Dawn jikkontribwixxu għal diversi azzjonijiet proposti fl-Aġenda
Diġitali għall-Ewropa, notevolment għat-tnaqqis fil-qabża
fil-broadband f’żoni b’densità baxxa ta' popolazzjoni. SatCom huwa soluzzjoni
effettiva ħafna fejn it-teknoloġiji terrestri huma għoljin wisq
jew ineżistenti[11],
filwaqt li jipprovdi servizzi diġitali transkonfinali. Barra minn hekk,
dan jipprovdi soluzzjoni alternattiva reżiljenti u robusta fil-każ li
netwerks oħra ifallu (minħabba diżastri naturali, attakki
terroristiċi eċċ). Minbarra kompetizzjoni li qed tikber,
l-industrija Ewropea tas-SatCom qed tħabbat wiċċha ma’ sfida
teknika u politika: Hija trid tiffaċċja l-iskarsezza tal-ispettru
tar-radju[12],
li huwa riżorsa vitali għall-operazzjoni effiċjenti u
l-iżvilupp tal-komunikazzjonijiet bis-satellita. Sabiex tinżamm
il-kompetittività tal-industrija tas-SatCom jeħtieġ li din
il-kwistjoni tiġi indirizzata. 2.1.3. Il-fruntiera l-ġdida:
L-industrija tal-UE titqiegħed fuq swieq emerġenti
tal-applikazzjonijiet tan-navigazzjoni u l-osservazzjoni tad-dinja (servizzi u
prodotti) In-navigazzjoni
bis-satellita Ewropea (SatNav) u l-industrijta tas-servizz tal-osservazzjoni
tad-dinja (SatEO) hija industrija emerġenti mad-dinja kollha b’potenzjal
għoli għat-tkabbir u l-ħolqien tal-impjiegi, prinċipalment
magħmul minn SMEs u negozji ġodda (li jiffurmaw is-sinsla
tal-ekonomija tagħna). Dawn se jkunu ta’ importanza li dejjem qed tikber
għall-ekonomija tagħna u l-benessri taċ-ċittadini. L-esperti
tan-negozju tal-GNSS jistmaw li f'għaxar snin dan is-suq se jilħaq
USD 300 biljun[13].
Huwa stmat li,
diġà, 6-7 % tal-PGD fil-pajjiżi tal-Punent, jiġifieri €800
biljun fl-Unjoni Ewropea, huwa dipendenti fuq ir-radjunavigazzjoni
bis-satellita[14].
Il-benefiċċji li jirriżultaw minn Copernicus (isem ġdid
għal GMES) operazzjonali bis-sħiħ sal-2030 huwa stmat għal
EUR 34,7 biljuni, komparabbli għal 0,2 % tal-PGD tal-UE[15]. L-użu
tal-GNSS u Copernicus dalwaqt se jiftħu opportunitajiet ġodda
għas-settur fl-Ewropa. Galileo u EGNOS huma mistennija li
jiġġeneraw benefiċċji ekonomiċi u soċjali li
jiswew madwar €60-90 biljun matul l-20 sena li ġejjin[16].
L-Ewropa ma tistax taffordja li titlef it-tkabbir tal-attivitajiet fl-ispazju u
s-servizzi relatati. Għalkemm xi applikazzjonijiet privati diġà
kellhom suċċess, il-prodotti u s-servizzi attivati bis-satellita
għadhom jiddependu fil-biċċa l-kbira fuq klijenti pubbliċi
fil-livelli nazzjonali u lokali f 'dan l-istadju tal-iżvilupp. Fl-Ewropa, bosta ostakli jnaqqsu r-ritmu
tal-iżvilupp ta' applikazzjonijiet innovattivi u għalhekk
l-iżvilupp tas-suq: l-inċertezza dwar id-disponibilità tas-servizzi u
l-qafas legali, in-nuqqas ta’ għarfien minn utenti tal-potenzjal possibbli
tagħhom, in-nuqqas ta' kooperazzjoni bejn is-setturi spazjali u dawk mhux
spazjali, in-nuqqas ta' kooperazzjoni bejn il-fornituri tad-dejta,
l-iżviluppaturi tas-servizzi u l-utenti finali, l-appoġġ
insuffiċjenti għall-ħolqien ta' negozji ġodda u
l-iżvilupp ta’ kumpaniji b’potenzjal għal tkabbir rapidu. 2.2. Biex tindirizza dawn
l-isfidi, l-Ewropa għandha tikseb l-awtonomija teknoloġika,
is-sigurtà tal-provvista u żżomm aċċess indipendenti
għall-ispazju L-awtonomija teknoloġika, is-sigurtà
tal-provvista u l-aċċess indipendenti għall-ispazju[17] ma
jissodisfawx biss il-ħtieġa assoluta tal-indipendenza
strateġika: dawn jirrappreżentaw il-kondizzjonijiet bażiċi
għal żvilupp sostenibbli tal-industrija spazjali Ewropea. 2.2.1. Tmexxija teknoloġika,
is-sigurtà tal-provvista u d-dipendenza jeħtieġu sforzi sostnuti u
d-disponibbiltà tal-ħiliet meħtieġa Biex tiffaċċja kompetizzjoni dejjem tiżdied fis-suq
globali, l-industrija Ewropea trid iżżomm il-vantaġġ
teknoloġiku tagħha u tibqa’ fuq quddiem nett tal-progress
teknoloġiku f'ċerti oqsma magħżula. L-isfidi li
tħabbat wiċċha magħhom l-industrija jinkludu l-mod kif
tiżgura l-awtonomija teknoloġika u s-sigurtà tal-provvista,
il-ħtieġa li jinbidlu jew jiġu aġġornati
t-teknoloġiji u l-prodotti, l-isfida biex jiġu żviluppati
oħrajn ġodda u d-diffikultà biex iżommu l-ħiliet
kritiċi f’suq bi programm ċikliku twil u ordnijiet li jvarjaw
ħafna. Barra minn hekk, is-sinerġiji bejn is-setturi ċivili u
tad-difiża mhumiex sfruttati biżżejjed illum, li hi
ħaġa li tfixkel l-feġġ reali tal-qawwa spazjali Ewropea.
Barra minn hekk, in-nuqqas ta' dakkir effiċjenti bejn is-setturi spazjali
u dawk li mhumiex jillimita l-attivitajiet konġunti fl-R&D u
l-kapaċità tal-adozzjoni tat-teknoloġija miż-żewġ
naħat. L-awtonomija teknoloġika ta’ dan is-settur strateġiku mhix
garantita. F’għadd ta’oqsma teknoloġiċi kritiċi
il-programmi Ewropej huma kompletament dipendenti fuq fornitur wieħed[18].
Il-Pjattaforma tat-Teknoloġija Spazjali Ewropea (ESTP) tistma li, fuq
medja, 60% tal-elettronika abbord is-Satelliti Ewropej bħalissa hija
importata mill-Istati Uniti, minħabba n-nuqqas ta’ bżonn
kummerċjali biex jiġu żviluppati dawk il-komponenti fil-livell
Ewropew. Barra minn hekk, dawk l-importazzjonijiet huma soġġetti
għal regolamenti tal-ITAR dwar l-esportazzjoni, li jevolvu skont it-tħassib
tal-Istati Uniti, spiss joħolqu dewmien tal-akkwist u jqiegħdu fuq
medda ta’ żmien qasira lill-industrija Ewropea f’sitwazzjoni ta’
dipendenza ulterjuri lejn varjazzjonijiet politiċi tal-Istati Uniti. Barra
minn hekk, is-settur spazjali jirrappreżenta settur żgħir meta
mqabbel mal-industrija mad-dinja kollha u ħafna drabi wkoll parti
żgħira min-negozju ta' ditti industrijali kbar. Għalhekk dan
irid ilaħħaq ma’ evoluzzjonijiet li ma jqisux il-ħtiġijiet
speċifiċi tagħha. Aktar minn setturi oħra, l-industrija
spazjali teħtieġ li tantiċipa żviluppi futuri – f’termini
ta’ disponibbiltà ta’ prodotti u regolamenti, bħar-REACH[19] – li
hija aktar diffiċli minħabba ż-żmien twil li jittieħed
biex jiġu żviluppati l-prodotti spazjali. F’sitwazzjoni bħal
din, bidliet fil-pożizzjonament kummerċjali jew fil-leġiżlazzjoni
jew diffikultajiet finanzjarji f’kumpaniji ewlenin jew in-nuqqas ta'
profittabilità minħabba s-sehem żgħir tas-suq jistgħu
jitfgħu l-programmi spazjali Ewropej f'riskju, b'dewmien u spejjeż
żejda. Kemm għal raġunijiet strateġiċi u industrijali,
l-isforzi magħmula biex jiġu żviluppati sorsi ta’ provvista
alternattivi għal teknoloġiji u materjali flimkien mal-ESA u l-EDA
għandhom jissaħħu fl-inizjattiva Orizzont 2020. Mingħajr biżżejjed xogħol,
il-forza tax-xogħol kwalifikata tal-industrija tal-ispazju tiġi
żmantellata u jittieħdu wisq żmien u riżorsi biex jissawru
mill-ġdid it-timijiet meħtieġa biex jiġu żviluppati
programmi ġodda. L-għarfien u l-ħiliet fis-settur emerġenti
ta' navigazzjoni u t-teknoloġiji tal-osservazzjoni tad-dinja bħalissa
mhumiex biżżejjed. Sadanittant, in-nazzjonijiet il-ġodda
involuti fl-ispazju qegħdin iqarrbu malajr ir-riżultati
tar-riċerka tagħhom mal-pajjiżi industrijalizzati. 2.2.2. L-aċċess
indipendenti għall-ispazju Ewropew għandu jiġu ppriżervat u
msaħħaħ fuq medda twila ta’ żmien F’kull pajjiż madwar id-dinja involut fl-ispazju, l-iżvilupp
u l-operazzjonijiet tal-lanċaturi kienu u għadhom iffinanzjat minn
flejjes pubbliċi, li mingħajrhom is-settur kummerċjali kieku ma
kienx jeżisti. Barra minn hekk, il-prezzijiet kummerċjali miksuba
fis-suq ma jkoprux l-ispejjeż kollha, notevolment fil-fażi
tal-iżvilupp. Id-daqs tal-baġits istituzzjonali tan-nazzjonijiet li
jesploraw l-ispazju ddedikat għal-lanċaturi jirrifletti r-rieda
tagħhom li jgawdu aċċess indipendenti għall-ispazju.
Fil-pajjiżi kompetituri kollha, l-akkwisti pubbliċi huma fundamentali
għas-sopravivenza tas-settur u l-industrija lokali tal-lanċaturi ma
tistax teżisti mingħajr programmi istituzzjonali li huma de facto
magħluqa għall-industrija ta’ pajjiżi barranin. Fl-Ewropa, il-kwistjoni tal-lanċaturi tikkonċerna, mil-lat
istituzzjonali, l-UE, l-ESA u l-Istati Membri tagħhom b'żewġ
modi: l-ewwel minħabba r-responsabbiltà politika relatata
mal-aċċess indipendenti Ewropew għall-ispazju; it-tieni
bħala klijenti tal-industrija tal-lanċjar li jimmiraw biex iwettqu u
jniedu l-programmi tagħhom b'mod effiċjenti fl-infiq. L-operaturi
privati huma konċernati wkoll bħala klijenti. Dawn jibbenefikaw minn
aċċess indipendenti Ewropew għall-ispazju, peress li dan
iżid l-influwenza tagħhom fin-negozjar għal prezzijiet aktar
baxxi fuq livell internazzjonali. L-UE u l-Istati Membri tagħha jappoġġjaw l-għan
politiku li jinżamm aċċess indipendenti għall-ispazju, kif
iddikjarat fir-riżoluzzjonijiet ta’ diversi Kunsilli Spazjali u l-Kunsill
tal-Kompetittività[20].
Storikament, is-servizz tal-illanċjar Ewropew inħoloq biex
jiżgura l-kapaċità tal-Ewropa li tiżviluppa tas-servizzi
bbażati fuq is-satelliti, wara r-rifjut minn pajjiżi oħra li
jillanċjaw satelliti kummerċjali Ewropej. Minbarra kunsiderazzjonijiet
strateġiċi u ta’ sigurtà, jekk l-Ewropa ma jkollhiex aċċess
indipendenti għall-ispazju, ċaħdiet bħal dawn jistgħu
jerġħu jiġru u jikkawżaw dewmien fl-implimentazzjoni tal-programmi
spazjali tagħna, li jżidu l-kostijiet u jheddu l-pożizzjoni
kompetittiva Ewropea kemm fis-swieq tal-manifattura u tas-servizzi.
Id-disponibbiltà ta' servizz Ewropew tal-illanċjar affidabbli u
kompetittiv, għalhekk, tkompli tkun sine qua non il-fattur li
jiżgura l-iżvilupp ta’ industrija spazjali Ewropea ta' klassi dinjija
u l-applikazzjonijiet bbażati fuq satellita. Bħala klijenti, biex iwettqu l-programmi
tagħhom fil-ħin u għalhekk jevitaw spejjeż żejda,
l-UE, l-ESA u l-Istati Membri tagħhom għandhom ikollhom
għad-dispożizzjoni tagħhom sistema ta’ llanċjar li hija: ·
Affidabbli mil-lat tekniku, ·
Sikura, li tista’ tirrikjedi l-illanċjar minn
port spazjali fuq art Ewropea, ·
Disponibbli u indipendenti: tkopri l-kontroll
tal-illanċjar evidenti u l-ħtieġa li tiġi evitata
dipendenza fuq atturi b’għanijiet industrijali jew ġeopolitiċi
kunfliġġenti, ·
Spiża effiċjenti, għax dan
jikkontribwixxi għall-affordabbiltà. Illum m'hemmx biżżejjed illanċjar istituzzjonali
fl-Ewropa biex jiżgura s-sostennibbiltà tal-lanċatur Ewropew Ariane 5[21].
Arianespace qiegħed jiffaċċja kompetizzjoni internazzjonali
aktar b'saħħitha u għandu diffikultajiet biex iżomm
il-bilanċ finanzjarja tiegħu. Barra minn hekk, il-firxa attwali
tal-mezzi għall-illanċjar għandha bżonn tinbidel sal-2025
sabiex tinżamm il-kapaċità Ewropea tal-illanċjar, kwistjoni li trid
tiġi indirizzata issa. B'aktar minn 30 satellita li għandhom jintbagħatu fl-orbita,
l-UE kollha kemm hi tista’ ssir l-akbar klijent istituzzjonali tal-industrija
Ewropea matul is-snin li ġejjin. Kif intqal fil-konklużjonijiet ta’
Novembru 2010 u Mejju 2011 tal-Kunsill tal-Kompetittività, l-atturi
istituzzjonali Ewropej kollha huma mistiedna sabiex iżommu u
jsaħħu aċċess għall-ispazju indipendenti, affidabbli u
effettiv fl-infiq b'kundizzjonijiet affordabbli, jikkunsidraw bħala
prijorità għolja l-użu ta' mezzi għall-ilanċjar
żviluppati fl-Ewropa u jesploraw kwistjonijiet li jirrigwardaw
il-parteċipazzjoni possibbli tagħhom f'attivitajiet ta’ sfruttament
marbuta mal-illanċjar. Il-lanċaturi żviluppati fl-Ewropa, għalhekk,
se jiġu adattati biex jikkwalifikaw għall-illanċjar ta' xi
wħud minn dawn is-satelliti. L-aċċess indipendenti Ewropew iġorr spiża f'terminu
qasir ta' żmien, fid-dawl ta' politika kummerċjali aggressiva
mill-kompetituri tagħna li normalment jaffaċċjaw kostijiet aktar
baxxi. Partijiet ta' dawn l-ispejjeż addizzjonali huma ġustifikati
fuq bażi oġġettiva (li jiggarantixxu l-vijabilità
tal-għarfien Ewropew u l-affidabbiltà, anqas spejjeż tax-xogħol
ta’ xi wħud mill-kompetituri tagħna, id-daqs tas-sussidji[22] u
tas-suq istituzzjonali f’pajjiżi barranin). Parti oħra minn dawn
l-ispejjeż hija riżultat ta' ineffiċjenzi industrijali, liema
varjazzjonijiet għandhom jitnaqqsu. Madankollu fit-terminu medju
taż-żmien, l-aċċess indipendenti se jkollu impatt ekonomiku
pożittiv, kemm għal atturi istituzzjonali u l-operaturi privati. Dan
se jiżgura li l-Ewropa tibbenefika minn applikazzjonijiet spazjali, toffri
sigurtà addizzjonali (offerti kompetittivi minn żewġ fornituri) u
restrizzjoni tal-kompetituri tagħha biex joffru prezzijiet kompetittivi
fis-suq Ewropew, li tiffavorixxi lil operaturi privati. Barra minn hekk,
għal xi programmi, m’hemm l-ebda għażla ħlief li
jagħżlu lanċaturi Ewropej minħabba konsiderazzjonijiet ta'
sigurtà. 3. Objettivi ta’ politika
industrijali tal-UE Meta wieħed iqis l-importanza strateġika tal-industrija
spazjali, id-dipendenza tagħha fuq il-finanzjament pubbliku u
l-kompetizzjoni globali li qed tiżdied fuq is-suq kummerċjali, l-UE
għandha tfassal politika industrijali spazjali biex issostni
l-iżvilupp tas-settur, u b’hekk tistimula t-tkabbir ekonomiku. Din
il-politika għandha tinkludi mhux biss l-industrija spazjali iżda
wkoll is-servizzi. L-għanijiet ta’ politika bħal din ġew
analizzati f’diversi studji. Il-kwistjoni hija indirizzata wkoll
fis-7 riżoluzzjoni tal-Kunsill Spazjali u dik ta’ Mejju 2011
tal-Kunsill tal-Kompetittività. Kontra dan l-isfond, politika industrijali spazjali tal-UE tista’ tkun
ċċentrata fuq ħames għanijiet speċifiċi: –
It-twaqqif ta’ qafas regolatorju koerenti L-espansjoni tal-attivitajiet spazjali u partikolarment t-tkabbir
tas-suq għal prodotti u servizzi fl-ispazju iqajmu kwistjonijiet legali li
m’humiex kompletament indirizzati fil-livell Ewropew u huma biss parzjalment
indirizzati fil-livell nazzjonali minn ftit Stati Membri permezz ta’
liġijiet nazzjonali, li jirriflettu l-interessi nazzjonali. B'qies
sħiħ tal-leġiżlazzjonijiet eżistenti u skont
il-kompetenzi rispettivi tal-atturi differenti, il-Kummissjoni se tesplora jekk
iridux jittieħdu azzjonijiet biex titjieb il-koerenza legali u
jitħeġġeġ it-tfaċċar ta’ suq Ewropew
għall-prodotti u s-servizzi spazjali. –
Li tiżviluppa aktar bażi industrijali
aktar kompetittiva, solida, effiċjenti u bbilanċjata fl-Ewropa u li
tappoġġja l-parteċipazzjoni tal-SMEs L-Ewropa teħtieġ bażi industrijali aktar b
'saħħitha. L-industrija spazjali Ewropea għandha tkompli ttejjeb
il-prestazzjoni tagħha, billi tibbenefika minn ambjent inqas frammentat.
Bażi industrijali bbilanċjata ma tfissirx tixrid ugwali ta' din
in-niċċa tal-industrija madwar l-Ewropa kollha, iżda industrija
li tibni fuq il-vantaġġi kompetittivi tal-katina kollha tal-provvista
u tipprovdi aċċess ġust għall-SMEs bħala mezz biex
jassiguraw id-dinamiżmu u l-innovazzjoni u, b’mod partikolari, biex
tiġi żviluppata l-industrija tas-servizzi spazjali.
Il-parteċipazzjoni tan-negozji żgħar u l-industriji medji
fil-katina tal-provvista hija essenzjali għall-kompetittività
tal-industrija spazjali Ewropea u mhux sempliċiment
għall-konsolidazzjoni, iżda wkoll għall-espansjoni
tal-ħaddiema tas-sengħa. –
Tappoġġa l-kompetittività dinjija
tal-industrija spazjali Ewropea u tinkoraġġixxi li s-settur ikun
jista' jsir aktar kosteffiċjenti matul il-katina tal-valur L-industrija spazjali Ewropea għandha żżomm u
żżid is-sehem tagħha fis-suq dinji u għandha tibqa' fuq
quddiem nett tal-iżviluppi teknoloġiċi b'kapaċità li
tipproduċi teknoloġiji rivoluzzjonarji u ta’ dakkir involut
attivament ma' setturi oħra. Dan għandu jimmira lejn aktar
kosteffikaċja matul il-katina tal-valur. L-industrija għandha wkoll
tkun kapaċi tistrieħ fuq biżżejjed ħaddiema b'ħiliet
kbar, b’mod partikolari fis-settur emerġenti tan-navigazzjoni u
t-teknoloġiji tal-osservazzjoni tad-dinja. Il-politika għandha
tappoġġja aċċess ikbar għas-suq. –
Tiżviluppa s-swieq fl-applikazzjonijiet u
s-servizzi spazjali L-industrija Ewropea għandha tkun f’pożizzjoni li tisfrutta
l-potenzjal offrut mill- infrastrutturi spazjali (SatCom, SatNav u SatEO)
sabiex tagħti servizzi affidabbli u effiċjenti b'reazzjoni għal
ħtiġijiet ekonomiċi u soċjali. Dan ifisser għal
ċerti kategoriji ta’ servizz mhux biss l-iżvilupp ta'
kapaċitajiet ġodda fi ħdan l-industrija eżistenti iżda
wkoll it-titjib tal-kwalità ta' Copernicus, il-ħolqien u l-istimulu ta’
ambjent li jippermetti l-adozzjoni ta' teknoloġiji satellitari ġodda
u l-emerġenza ta’ operaturi ġodda, minħabba, notevolment,
l-importanza tan-negozji ż-żgħar f'dan il-qasam. Flimkien
mat-tieni għan, il-kisba ta' dan se tgħin biex jinżamm spazju
wieħed attraenti għal investimenti fl-Istati Membri kollha. –
Tiżgura l-awtonomija teknoloġika u
aċċess indipendenti għall-ispazju Biex l-Ewropa tkun tista' twettaq inizjattivi
ta’ politika strateġika u tipprovdu servizzi ewlenin
għall-benefiċċju taċ-ċittadini, jeħtieġ
aċċess indipendenti għall-ispazju. Barra minn hekk, l-industrija
Ewropea għandha tkun mibdija biex tiġi żviluppata aktar
l-awtonomija teknoloġika tagħha, speċjalment f'teknoloġiji
kritiċi, biex ikomplu jkunu jistgħu jitwasslu l-prodotti u s-servizzi
meħtieġa għal tkabbir ekonomiku u l-benesseri
taċ-ċittadini tagħha. 4. Kif għandhom jinkisbu
l-għanijiet tal-politika industrijali tal-UE Sabiex jinkisbu l-għanijiet ta’ din
il-politika b’kollaborazzjoni mal-ESA u l-Istati Membri, l-UE tista' tuża
l-istrumenti għad-dispożizzjoni tagħha, li huma
prinċipalment li ttejjeb il-kundizzjonijiet ta' qafas, b'appoġġ
għar-riċerka u l-innovazzjoni, il-promozzjoni ta' użu aħjar
tal-istrumenti finanzjarji u ta' regolamenti eżistenti ta’ akkwist[23]. 4.1. Titjib tal-kundizzjonijiet
qafas Kif l-attivitajiet
spazjali jespandi, l-adegwatezza tal-qafas regolatorju eżistenti
teħtieġ tiġi eżaminata biex jiġu ggarantiti s-sigurtà,
is-sikurezza u s-sostenibilità ta' dawn l-attivitajiet u l-iżvilupp
ekonomiku tagħhom. 4.1.1. It-titjib tal-qafas
regolatorju għas-segment tas-sevizzi u għas-settur tal-manifattura L-espansjoni
tal-attivitajiet spazjali u partikolarment t-tkabir tas-suq għal prodotti
u servizzi fl-ispazju tqajjem kwistjonijiet legali li mhumiex qed jiġu
indirizzati b’mod sħiħ fuq il-livell Ewropew, iżda biss
parzjalment indirizzati mill-Istati Membri l-aktar attivi f’dan il-qasam permezz
tal-liġi nazzjonali. Il-biċċa l-kbira tal-Istati Membri
għadhom ma żviluppawx leġiżlazzjoni spazjali. L-ambitu u
l-għanijiet ta' dawn il-liġijiet spazjali nazzjonali emerġenti
huma diversi u jkollhom implikazzjonijiet li jmorru lil hinn mill-fruntieri
nazzjonali. Il-leġiżlazzjoni
nazzjonali waħedha ma tiżgurax kopertura koerenti tal-kwistjonijiet
legali relatata mal-ispazju u l-qafas ġuridiku armonizzat fl-Istati Membri
kollha. Qafas ġuridiku inkonsistenti jista’ jaffettwa negattivament
il-funzjonament tas-suq intern. Jista’ għalhekk ikun neċessarju li
jittieħdu passi lejn it-twaqqif ta’ qafas regolatorju koerenti spazjali
tal-UE biex nużaw il-potenzjal kollu tas-suq intern għall-ispazju
billi jintlew il-lakuni legali b’mod koerenti, bil-prevenzjoni ta’ oqfsa legali
nazzjonali diverġenti, filwaqt li nissalvagwardjaw l-interessi tas-sigurtà
nazzjonali u Ewropea. Bħala eżempju, xi pajjiżi
Ewropej għandhom leġiżlazzjoni nazzjonali dwar ir-responsabbiltà
li tipprevedi kopertura ta' ħsara fiżika kkawżata minn
attivitajiet spazjali. Xi pajjiżi jillimitaw, taħt ċerti
kundizzjonijiet, ir-responsabbiltà sa ċertu ammont, jew jipprovdu
garanzija governattiva taħt ċerti kundizzjonijiet. Xi pajjiżi
jitolbu assigurazzjoni jew garanzija finanzjarja oħra biex jikkumpensaw
id-danni possibbli. Fin-nuqqas ta' regoli koerenti, fil-pajjiżi tal-UE
jistgħu jinħolqu distorsjonijiet tal-kompetizzjoni fis-suq intern li
jwasslu għal "forum shopping". Teżamina l-possibbiltà ta’
inizjattiva leġiżlattiva dwar ċerti aspetti li għandhom
impatt fuq il-ħolqien ta' suq uniku għal prodotti u servizzi spazjali
Il-Kummissjoni għalhekk se tanalizza sa
liema punt dan il-qafas frammentat jista’ jfixkel il-funzjonament tajjeb
tas-suq intern u jekk intervent tal-UE jistax ikun iġġustifikat. L-ewwel pass f’din id-direzzjoni huwa
inizjattiva leġiżlattiva dwar il-produzzjoni u t-tixrid ta' dejta
satellitari privata (ara hawn taħt) u regolament dwar il-GNSS tal-UE
fir-rigard tar-responsabbiltà fil-konfront ta’ terzi[24]. Azzjoni mill-UE tista' tkun meħtieġa
fil-kontroll tal-esportazzjoni ta' oġġetti b'użu doppju u
l-politika tal-ispektrum. F’oqsma oħra bħat-titjiriet spazjali
kummerċjali, l-opportunità tal-intervent tal-UE għandha tiġi
vvalutata aktar. Sabiex jiġi żgurat l-isfruttar
sħiħ tal-informazzjoni spazjali u biex tingħata spinta
lill-aċċess tal-utenti għal dejta u servizzi spazjali, l-UE
tista' tikkunsidra li tistabbilixxi politika ġenerali dwar
l-aċċess għad-dejta. Politika tal-aċċess tad-dejta bħal
din tista’ tkun ibbażata fuq prinċipji bħal: aċċess
miftuħ b'xejn għal organizzazzjonijiet pubbliċi fil-livell
tal-UE u nazzjonali garantiti (bħala minimu) ma' restrizzjonijiet limitati
meta dawn ikunu kompletament żviluppati u operati b’fondi pubbliċi
tal-UE; L-istabbiliment ta' kundizzjonijiet speċifiċi dwar
il-politika tal-aċċess tad-dejta (talanqas
għall-organizzazzjonijiet pubbliċi) meta jkun hemm intervent tal-UE
fl-iżvilupp tal-assi jew is-swieq spazjali. Tikkunsidra li tipproponi inizjattiva
leġiżlattiva dwar il-produzzjoni u t-tixrid ta' dejta satellitari
privata Il-produzzjoni u t-tixrid ta’ dejta permezz
tas-satellita iqajjem tliet kwistjonijiet ewlenin. L-ewwel, ir-restrizzjonijiet
tas-sikurezza imposti mill-awtoritajiet nazzjonali fuq id-dejta miksuba permezz
tas-satellita skont l-interessi tas-sigurtà nazzjonali jistgħu
jipperikolaw il-kompetittività u l-innovazzjoni (l-iżvilupp ta' servizzi
relatati downstream) u jwasslu għal inċertezza legali fis-suq intern,
u jqajmu kwistjonijiet ta’ responsabbiltà bħal talbiet ta’ kumpens
għal ħsarat potenzjali, pereżempju dawk ikkawżati minn
dejta mhux korretta. It-tieni, ir-rilaxx mhux mistenni tad-dejta akkwistata
mis-sensuri tas-satellita (eż. b'riżoluzzjoni għolja
tal-immaġni) jistgħu jippreżentaw theddida għas-sigurtà
tal-UE u tal-Istati Membri. It-tielet, in-natura transkonfinali
teħtieġ kooperazzjoni bejn l-iskambji tad-dejta bis-satellita
mill-pajjiżi kkonċernati mill-osservazzjoni tad-dinja. Din
il-kooperazzjoni effettivament tiżgura l-kompatibbiltà tal-istandards tal-kompetittività
ma' konsiderazzjonijiet ta' sigurtà. Billi l-leġiżlazzjoni nazzjonali
waħedha ma tistax tiggarantixxi qafas regolatorju koerenti fil-livell
tal-UE, l-azzjoni tal-UE tista' tkun ġustifikata fuq il-bażi
tas-sussidjarjetà. Filwaqt li jitqiesu l-benefiċċji f'termini ta'
ċertezza legali, l-iżvilupp tas-swieq downstream u l-protezzjoni
tas-sigurtà, l-intervent tal-UE f’dan il-qasam jista’ jġib valur
miżjud ċar. Tissorvelja u
ttejjeb il-kontroll tal-esportazzjoni u l-oqfsa ta' trasferimenti intra-UE Ħafna komponenti ta' sistemi spazjali huma kkunsidrati ta’natura
doppja jew militari u, għalhekk, huma soġġetti għall-qafas
regolatoju l-ġdid fuq it-trasferimenti intra-UE u l-kontroll
tal-esportazzjoni b'użu doppju[25].
Regoli simplifikati u proċeduri li se jiffaċilitaw it-trasferimenti
intra-UE ta' komponenti ta' natura militari se tiġi implimentata mill-2012
'il quddiem[26].
Dan għandu jtejjeb il-kompetittività tal-industrija Ewropea,
partikolarment l-SMEs. B’konformità mal-Artikolu 25 tar-Regolament dwar
l-Oġġetti b'użu doppju, li jirrikjedi lill-Kummissjoni li
tħejji rapport dwar l-implimentazzjoni tas-sistema tal-UE ta' kontroll
tal-esportazzjoni, ġiet adottata Green Paper[27] sabiex
tvara dibattitu pubbliku wiesa' dwar il-funzjonament tas-sistema attwali tal-UE
ta' kontroll tal-esportazzjoni ta' oġġetti b'użu doppju. Rapport
formali lill-Parlament Ewropew u l-Kunsill huwa previst f 'Settembru 2012.
Sadanittant, l-impatt ta' dan ir-Regolament fuq l-industrija spazjali
għandu jiġi mmonitorjat mill-qrib bil-ħsieb li jiġu
identifikati l-problemi ewlenin u jiġu proposti soluzzjonijiet xierqa. Tiżgura
d-disponibbiltà tal-ispettru Biex tikkontribwixxi ħalli jiżguraw
id-disponibbiltà tal-ispettru tar-radju għall-operazzjonijiet spazjali li
huwa immuni mill-interferenza, biex tippermetti ekonomiji ta' skala u
tottimizza l-ispejjeż operattivi għal sistemi pan-Ewropej,
il-Kummissjoni, flimkien mal-Istati Membri tal-UE, se tinvestiga kif
l-aħjar tqis il-ħtiġijiet futuri tal-ispettru għal SatCom
fil-kuntest tal-programm ta’ politika dwar l-ispettru tar-radju u
tikkontribwixxi għat-tħejjija tal-Konferenza Dinjija
tal-Komunikazzjonijiet bir-Radju tal-ITU li jmiss sabiex jiġu difiżi
l-interessi tal-UE fil-qasam tal-allokazzjoni tal-ispettru globali u
reġjonali. Tesplora jekk l-attivitajiet
tat-titjiriet spazjali kummerċjali jeħtieġx li jiġu
integrati f’qafas legali “Proġetti ta’ ajruplani suborbitali” jew proġetti ta’
titjiriet spazjali kummerċjali qed ifeġġu, prinċipalment
fl-Istati Uniti. Titjiriet suborbitali jistgħu jikkostitwixxi f’suq
promettenti għal: (i) esperimenti xjentifiċi: esperimenti
bil-mikrogravità, taħriġ tal-astronawti, testijiet ta’ tagħbija
bis-satelliti, (ii) turiżmu spazjali, (iii) sistemi ta’ trasport bl-ajru
futuri nodfa, f’altitudni għolja, b’veloċità għolja u minn punt
sa punt. Barra minn hekk, il-vetturi suborbitali tat-titjiriet jistgħu
joffru aċċess iktar kosteffiċjenti għall-ispazju eż.
għal satelliti żgħar. L-Amministrazzjoni Federali tal-Avjazzjoni (FAA) u l-Uffiċċju
tat-Trasportazzjoni Spazjali Kummerċjali tal-Istati Uniti biss
ħarġu qafas regolatorju għal ajruplani suborbitali applikabbli
għal pajjiżhom. Dan huwa bbażat fuq ekwivalent ta’ reġim
ta’ "kunsens infurmat" għall-ġarr ta’ ekwipaġġ u
parteċipanti f’titjiriet spazjali[28]. Is-sigurtà tal-passiġġiera
għalhekk mhix żgurata mir-Regolament. Xi partijiet interessati appellaw lill-industrija Ewropea tal-UE biex
tistabbilixxi qafas regolatorju aktar strett, b'mezzi adegwati ta' regoli ta'
ċertifikazzjoni derivati minn l-aħjar prattiki tal-ajrunawtika, biex
jiggarantixxu s-sigurtà tal-passiġġieri. L-industrija targumenta li
l-previdibbiltà tal-qafas regolatorju hija kruċjali għall-investituri
privati, għaliex ser tħeġġeġ it-teknoloġija
użata u l-attivitajiet ta' żvilupp. Partijiet interessati Ewropej
oħrajn jappellaw lill-UE biex tistabbilixxi qafas regolatorju aktar
miftuħ għall-innovazzjoni. Din it-talba għalissa mhix prijorità
tal-programm tat-tfassil ta’ regoli tal-Aġenzija Ewropea tas-Sikurezza
tal-Avjazzjoni (EASA). Il-Kummissjoni se teżamina aktar din il-kwistjoni
biex tiddetermina jekk hemmx bżonn li din tiġi indirizzata fil-futur
qrib. 4.1.2. Issegwi l-proċess
tal-istandardizzazzjoni L-importanza tal-istandardizzazzjoni tal-attivitajiet spazjali
fl-Ewropa qed tikber hekk kif l-UE, l-ESA, l-aġenziji spazjali nazzjonali
u l-industrija Ewropea huma ffaċċjati bi sfidi tekniċi
ġodda fi ħdan restrizzjonijiet ekonomiċi aktar
eżiġenti. Permezz ta’ użu aktar effiċjenti u effettiv
tat-teknoloġiji spazjali u l-applikazzjonijiet u s-servizzi bbażati
fuq l-ispazju, l-istandardizzazzjoni għandha rwol biex
issaħħaħ il-pożizzjoni kompetittiva tal-industrija spazjali
Ewropea fis-suq dinji, notevolment billi żżid is-serje u
għalhekk tnaqqas il-prezzijiet, u billi tgħin lill-SMEs jidħlu
f’ċerti segmenti tas-suq spazjali. L-istandardizzazzjoni spazjali ssostni
l-użu ta' servizzi u applikazzjonijiet innovattivi bbażati
fl-ispazju. Missjonijiet spazjali huma barra minn hekk negozju riskjuż
fejn it-teknoloġija hija mbuttata sal-limitu, fejn hemm possibbiltà
limitata ħafna biex issewwi problemi li ma kinux identifikati qabel
l-illanċjar. L-istandardizzazzjoni hija għalhekk meqjusa bħala
mezz sabiex jonqsu r-riskji ta falliment, li tiggarantixxu l-affidabbiltà
teknoloġika spazjali tal-prodotti/komponenti u li tnaqqas l-ispejjeż
operattivi u tal-iżvilupp. Finalment, ladarba l-produzzjoni Spazjali
Ewropea hija maqsuma bejn diversi pajjiżi, l-iżvilupp ta’
proċeduri ta’ ħidma "standardizzati” tista' tgħin biex
tnaqqas l-ineffiċjenzi li bħalissa huma preżenti fil-katina
tal-valur. L-aġenziji spazjali Ewropej ewlenin u
l-industrija bdew il-Koperazzjoni għall-Istandardizzazzjoni Spazjali
Ewropea (ECSS) fl-1993. Aktar minn 120 standard ġew ippubblikati. Filwaqt
li l-attivitajiet spazjali upstream ġew koperti, l-attivitajiet spazjali
downstream immirati lejn is-sistemi u s-servizzi għadhom
jeħtieġu standardizzazzjoni. Programm ta' standardizzazzjoni
komprensiv ġie propost f'Marzu 2010 u jidentifika għaxar setturi
speċifiċi fejn fil-futur il-ħidma ta’ standardizzazzjoni tista’
titwettaq minn korpi tekniċi fl-istandard CEN/CENELEC, ETSI u ECSS –
mill-Organizzazzjonijiet tal-Istandardizzazzjoni Ewropej (ESOs). Il-programm
issawwar f’mandat ġdid (M/496) li nħareġ fl-1 ta' Settembru 2011
u ġie indirizzat lill-ESOs. Ix-xogħol beda fl-2012 u għandu
jestendi fuq perjodu ta' tliet snin. 4.1.3. Tiżgura d-disponibbiltà
ta’ ħiliet meħtieġa Id-disponibbiltà ta’forza tax-xogħol ikkwalifikata għandha
impatt dirett fuq il-kapaċità tal-industrija spazjali Ewropea u
l-attivitajiet spazjali bi tpattija għandhom impatt dirett fuq
d-disponibbiltà tal-forza tax-xogħol fl-ekonomija Ewropea, permezz
tal-impatt ta’ programmi ta' żvilupp avvanxzati ferm fl-iżvilupp ta'
kompetenza f'teknoloġiji ġodda. Sabiex tibqa’kompetittiva, l-Ewropa
se tiffaċċja sfida tripla fis-snin li ġejjin: li żżomm
u tespandi r-riżorsi proprji tagħha (livell ta' ħiliet u
għadd tal-forza tax-xogħol), biex tiżviluppa ħiliet
ġodda li jissodisfaw il-ħtieġa ta’ setturi emerġenti u biex
tattira t-talent minn pajjiżi terzi. Il-programmi spazjali istituzzjonali jista’ jgħin biex
jinżamm livell suffiċjenti ta’ attività industrijali, jiġi
attirat it-talent ewlieni lejn l-universitajiet u ċ-ċentri ta'
riċerka Ewropej, u tiġi ffaċilitata l-mobilità bejn l-Istati
Membri u s-setturi pubbliċi u privati. Il-klijenti istituzzjonali Ewropej għandhom jiżviluppaw u
jipprovdu lill-industrija xogħol fit-tul u ppjanar ċar tas-suq
istituzzjonali fl-Ewropa. L-UE tista’ tistabbilixxi pjan direzzjonali u
tipprevedi aġġornamenti regolari tal-katina tal-provvista biex
tiżgura livell tajjeb ta’ indipendenza Ewropea, għarfien espert u
kompetittività. Flimkien mal-Istati Membri u r-reġjuni
tagħhom, l-UE għandha tindirizza u ddawwar in-nuqqas ta'
ħaddiema b'ħiliet għolja bħal inġiniera u tekniċi
aerospazjali li jfeġġu mis-sistemi edukattivi Ewropej, jippromwovi
l-istabbiliment ta’ kwalifiki akkademiċi spazjali rikonoxxuti reċiprokament
fl-Ewropa, jinkludu fil-futur programmi kwadru tal-R&D, azzjonijiet
iddedikati li fihom parti mir-riċerka għandha ssir minn kandidat
tal-PhD, jinkoraġġixxu l-iżvilupp ta' programmi ta' tagħlim
tul il-ħajja permezz ta’ kooperazzjoni msaħħa bejn l-industrija
u l-universitajiet u żżid l-appell attraenti
għar-riċerkaturi barranin. 4.1.4. Issostni l-aċċess
tal-industrija Ewropea għas-suq globali Huwa vitali li l-industrija spazjali Ewropea żżomm u
ssaħħaħ il-pożizzjoni tagħha fis-suq kummerċjali.
Madankollu, is-swieq istituzzjonali tal-pajjiżi terzi ewlenin mhumiex
aċċessibbli għall-industrija Ewropea. Xi Stati Membri pproponew
mekkaniżmi ta’ faċilitazzjoni tal-esportazzjoni li
jappoġġjaw l-aċċess tal-industrija għas-suq globali.
Il-possibbiltà li jissawru mekkaniżmi bħal dawn għandha
tiġi vvalutata aktar. Ftehimiet u negozjati kummerċjali jistgħu jikkontribwixxu
biex jiżguraw "kondizzjonijet ugwali" għall-industrija
spazjali Ewropea fuq livell internazzjonali, sakemm l-UE tkun
b'saħħitha biżżejjed biex tipparteċipa f'negozjati
internazzjonali. Għaldaqstant, il-Kummissjoni reċentement adottat
proposta dwar l-aċċess tal-pajjiżi terzi għas-suq
tal-akkwist pubbliku fl-UE[29].
Jekk jiġi adottat mil-leġiżlatur, dan ir-Regolament se jtejjeb
il-kundizzjonijiet li taħthom in-negozji tal-UE jistgħu jikkompetu
għal kuntratti pubbliċi fil-pajjiżi terzi, billi
jsaħħaħ il-pożizzjoni tal-Unjoni Ewropea fin-negozjar
tal-aċċess għall-kumpaniji tal-UE għas-swieq tal-akkwist
pubbliku ta' pajjiżi terzi, sabiex jinfetħu s-swieq tas-sħab
kummerċjali tagħna, u billi jitjiebu, skont l-Istrateġija 2020
tal-UE, l-opportunitajiet kummerċjali għall-kumpaniji tal-UE fuq
skala globali, b'hekk jinħolqu impjiegi ġodda. B’mod aktar ġenerali, il-kooperazzjoni
internazzjonali għandha sservi wkoll bħala suq muftieħ
għall-promozzjoni ta’ teknoloġija u servizzi Ewropea fil-qasam
spazjali u tikkontribwixxi għat-tisħiħ ta’ dan is-settur
industrijali strateġiku. L-Unjoni Ewropea għandha tiżgura li l-qasam
tal-ispazju jiġi integrat aħjar fil-politika esterna tal-Unjoni. 4.2. Appoġġ
għar-riċerka u l-innovazzjoni Ir-riċerka, l-iżvilupp u
l-innovazzjoni huma elementi ewlenin mhux biss għall-kompetittività
industrijali spazjali, iżda wkoll bħala ingredjenti essenzjali
tat-tkabbir ekonomiku sostenibbli, kemm fi żmien qasir kif ukoll fit-tul,
b'effetti fuq il-ħila tal-Unjoni Ewropea biex tibqa’ kompetittiva
f'ekonomija dejjem aktar globalizzata. Il-baġit għall-Ispazju
taħt l-inizjattiva Orizzont 2020 (is-suċċessur tal-FP7) huwa
propost li jkun ta’ EUR 1737 miljun fil-prezz kurrenti (1548 miljun fi
prezzijiet kostanti tal-2011) għal 7 snin. L-ispazju bl-Orizzont 2020 ser
ikoprui l-R&D u l-innovazzjoni mal-għanijiet li: ·
Jippermettu l-kompetittività Ewropea fl-ispazju, id-dipendenza u l-innovazzjoni fl-attivitajiet spazjali, iffukati fuq
R&I industrijali, bl-enfasi fuq l-SMEs; ·
Jippermettu l-progress fit-teknoloġiji
spazjali, li jvarjaw minn riċerka
fit-teknoloġija bażika riċerka sat-teknoloġiji
qrib-l-applikazzjoni u l-ġenerazzjonijiet futuri ta' Copernicus/GMES u
satelliti Galileo. ·
L-isfruttament sħiħ ta' dejta spazjali, inkluża d-dejta minn missjonijiet xjentifiċi u
applikazzjonijiet kummerċjali ta’ dejta spazjali; ·
Jippermettu l-R&D Ewropew fil-kuntest ta'
sħubijiet Spazjali Internazzjonali (eż. ISS, SSA, il-programmi
tal-esplorazzjoni robotika globali). Fir-rigward ta' dan tal-aħħar,
l-iżviluppi l-aktar avvanzati fit-teknoloġija spazjali qed isir
dejjem iktar f'oqfsa internazzjonali, li jagħmlu aċċess
għal dawn il-programmi fattur ta' suċċess importanti għall-kompetittività
tar-riċerkaturi u l-industrija spazjali Ewropej. 4.2.1. Jippermettu l-kompetittività
Ewropea fl-ispazju madwar id-dinja, partikolarment bl-iżgurar ta'
dipendenza Ewropea f'teknoloġiji kritiċi u billi jrawmu
l-innovazzjoni L-objettiv huwa li jinżamm ir-rwol ta’ tmexxija globali fl-ispazju
billi tiġi salvagwardjata u żviluppata industrija u komunità
tar-riċerka spazjali kompetittiva u billi titrawwem l-innovazzjoni
bbażata fuq l-ispazju. L-ewwel, is-sopravivenza kompetittiva għall-industrija kummerċjali
fis-settur spazjali fl-Ewropa u l-kapaċità ta’ klijenti istituzzjonali
Ewropej biex jimplimentaw il-missjonijiet tagħhom jirrikjedu tnaqqis
f’dipendenza teknika Ewropea fuq pajjiżi mhux Ewropej. Huwa ta’ importanza
kbira li nidentifikaw liema teknoloġiji huma kritiċi u biex
niżguraw li għal dawn l-Ewropa tiżviluppa u żżomm
soluzzjonijiet tat-teknoloġija u apaċitajiet ta’ produzzjoni
tagħha stess. Hekk kif it-teknoloġija tkun ġiet żviluppata,
din għandha tintuża konsegwentement minn atturi istituzzjonali u
tal-industrija Ewropea. Jekk le, tintilef. Il-Kummissjoni Ewropea, flimkien mal-ESA u l-EDA ħolqu task force
konġunta bil-għan li tkun prodotta lista koerenti ta'
teknoloġiji kritiċi għal żvilupp prijoritarju. Dan
il-proċess ta' dipendenza Ewropea Konġunta beda fl-2009. Lista ta’
azzjonijiet urġenti kienet maqbula u tintuża bħala bażi
għall-FP7 ir-4 Sejħa fuq teknoloġiji kritiċi. Din
l-inizjattiva għandha tkun segwita. It-tieni nett,
il-prodotti u s-servizzi attivati bis-satellita attivat jikkostitwixxu suq
emerġenti li baqa’ limitat u frammentat. F 'dan l-istadju tal-iżvilupp, huma għadhom
jiddependu għal parti kbira fuq klijenti pubbliċi fuq livelli
nazzjonali u lokali. Inċentivi għal swieq
ġodda bl-użu tas-servizzi bbażati fl-ispazju ġew
maħluqa fl-Istati Uniti minħabba politika fit-tul tal-gvern li
tppromwovi l-użu u li toħloq ċirku virtuż billi tagħti
spinta lin-negozji privati li jeħtieġu imbagħad aktar
infrastrutturi msejsa fuq l-ispazju. Dawn l-inizjattivi iżidu l-użu tal-ispazju għall-benefiċċju
tal-politiki pubbliċi u jagħmlu dawn il-kumpaniji aktar kompetittivi
fis-swieq tal-esportazzjoni. Għandu jkun evalwat jekk
jistgħux jiġu pprovduti inċentivi simili għall-industrija
Ewropea. Sabiex tippromwovi l-użu ta’ infrastrutturi bis-satellita u
tiżviluppa s-suq għal servizzi bbażati fuq is-satellita, l-UE
għandha żżid il-promozzjoni tal-applikazzjonijiet spazjali
fil-politiki tal-UE. Il-ħolqien ta' applikazzjonijiet ġodda
jeħtieġ li jiġi stimulat tul varjetà ta' utenti pubbliċi u
privati potenzjali ġodda inklużi l-komunitajiet tal-utenti (bliet,
reġjuni, diversi setturi industrijali, eċċ), notevolment permezz
ta’ adozzjoni ta' azzjonijiet ad hoc, bħal vawċers għal
awtoritajiet lokali jew SMEs, biex jiffaċilitaw l-adozzjoni ta’ servizzi
ġodda mill-utenti finali. L-iżvilupp u l-użu tagħhom,
ħafna drabi mill-SMEs, jeħtieġu li jkunu sostnuti fuq bażi
konsistenti biex jiżguraw effetti sostenibbli fuq l-impjiegi kwalifikati. Aktar speċifikament, il-potenzjal sħiħ ta' innovazzjoni
maħluqa minn infrastrutturi spazjali Ewropea jeħtieġ ukoll li
jiġi appoġġjat. Il-Pjan ta’ Azzjoni tal-Kummissjoni dwar il-GNSS
biex jitrawwem l-iżvilupp u l-adozzjoni tal-applikazzjonijiet
tan-navigazzjoni bis-satellita bl-użu tal-EGNOS u Galileo huwa l-ewwel
pass f 'dik id-direzzjoni. Hemm bżonn ta’ sforz ħafna aktar b'saħħtu,
ikkoordinat fil-livell Ewropew, nazzjonali u lokali. Dan jeħtieġ
l-użu ta’firxa sħiħa ta’ miżuri ta’ appoġġ
għall-innovazzjoni għall-industrija[30] b’iffukar speċifiku fuq l-SMEs.
Madankollu, sabiex jiġi indirizzat il-falliment tas-suq,
l-appoġġ għall-innovazzjoni għandu jkun immirata għal
dawk is-servizzi li ma jiġux żviluppati mis-suq b’mod ieħor.
Dawn il-miżuri b’mod partikolari għandhom iħeġġu l-innovazzjoni
min-naħa tad-domanda, l-użu tal-fondi disponibbli tas-sorsi li
jinkludu fondi reġjonali, l-aggregazzjoni tad-domanda u l-iżvilupp
ta’ negozji ġodda. Fl-aħħar nett, numru ta' sfidi
fit-teknoloġiji spazjali huma paralleli għal sfidi terrestri.
Id-dakkir trasversali għandu jitrawwem, billi
jitħeġġeġ l-iżvilupp ta’ prodotti u servizzi
innovattivi bbażati fuq infrastrutturi bis-satellita. Kif iddikjarat
fl-Anness tal-proposta għal Deċiżjoni tal-Kunsill li
tistabbilixxi l-Programm Speċifiku Kwadru għall-Implimentazzjoni ta' Orizzont
2020[31],
"dawn l-koeżjonijiet joffru opportunitajiet għal
kożvilupp bikri, b'mod partikolari mill-SMEs, tat-teknoloġiji madwar
il-komunitajiet spazjali u dawk li mhumiex spazjali, biex potenzjalment
jirriżultaw f'komunitajiet ta’ innovazzjonijiet ġodda u b’mod aktar
rapidu milli milħuq bl-ispin-offs fi stadju aktar tard". 4.2.2. Iffaċilitar ta’ avvanz
fit-teknoloġiji spazjali L-objettiv huwa li tiġi żgurata l-kapaċità ta’
aċċess għall-ispazju u t-tħaddim ta’ sistemi spazjali
għall-benefiċċju tas-soċjetà Ewropea fid-deċennji li
jmiss. L-UE notevolment biħsiebha tixpruna l-progress teknoloġiku
f’għadd ta’oqsma strateġiċi u li tikkontribwixxi
għall-isforz meħtieġ fir-riċerka spazjali
f'teknoloġiji innovattivi b'mod partikolari. B'Orizzont 2020 l-UE tkun
pereżempju tappoġġja l-isfruttament ta' sinerġiji
fir-riċerka spazjali fil-livell Ewropew, li jippromwovu aktar
koordinazzjoni tal-Attivitajiet tar-R&D, u b'hekk jikkomplimentaw l-ESA u
l-ogrammi nazzjonali li diġà jindirizzaw dawn il-kwistjonijiet.
It-teknoloġiji abilitanti essenzjali ġew rikonoxxuti bħala
element ewlieni għall-kompetittività tal-industriji teknoloġiċi
kollha f’Orizzont 2020, u anki b'mod partikolari għat-teknoloġiji
spazjali innovattivi. Il-politika industrijali spazjali għandha għalhekk
tappoġġja l-użu tagħhom f’teknoloġiji spazjali
ġodda. Orizzont 2020 jista’ pereżempju jippromwovi l-appoġġ
għar-R&D fl-industrija u organizzazzjonijiet tar-riċerka
spazjali, jappoġġja l-iżvilupp tar-R&D orjentati lejn
l-applikazzjoni ta’ programmi fl-universitajiet marbuta mat-teknoloġiji
spazjali u jippromwovi t-tranżizzjoni minn prototipi għal
prodott/suq. Peress li l-utenti jeħtieġu teknoloġiji maturi
(diġà ttestjati u vvalidati), l-iskemi ta’ appoġġ
għar-R&D għandhom jippermettu validazzjoni ta’ appoġġ u
kwalifiki. It-tagħbijiet ospitati[32] li jinġarru jistgħu
jikkontribwixxu biex juru rekord tat-titjiriet meħtieġa għal
numru dejjem jikber ta' prodotti u servizzi. Sabiex jimmitigaw ir-riskju
maħluq minn teknoloġiji ġodda għall-bqija tat-tagħbija,
il-possibbiltà ta' opportunitajiet ta' llanċjar kosteffettiv biex timbarka
u tittestja t-teknoloġiji l-ġodda għandha tiġi vvalutata. Barra minn hekk, l-inizjattiva Orizzont 2020
tista’ tintuża biex jinstabu alternattivi għall-komponenti elenkati
fi ħdan il-qafas REACH[33],
u s-sostituti li jistgħu jinħtieġu fil-futur. 4.2.3. Tħeġġiġ
tal-isfruttament sħiħ ta’ dejta spazjali u l-iżvilupp ta'
applikazzjonijiet innovattivi L-objettiv huwa li jiġi żgurat
użu iktar estensiv tad-dejta spazjali mill-missjonijiet Ewropej
eżistenti u futuri fl-isfera xjentifika, pubblika u kummerċjali. Kif
iddikjarat fl-Anness tal-proposta għal Deċiżjoni tal-Kunsill li
tistabbilixxi l-Programm Speċifiku għall-Implimentazzjoni ta' Orizzont
2020, "żieda konsiderevoli tal-isfruttar tad-dejta tista' tinkiseb
jekk isir sforz miftiehem biex jiġu kkoordinati u organizzati
l-ipproċessar, il-validazzjoni u l-istandardizzazzjoni ta’ dejta spazjali
minn missjonijiet Ewropej. L-innovazzjonijiet
fil-kisba u pproċessar ta' dejta, fużjoni tad-dejta u disseminazzjoni
ta' dejta, bl-użu wkoll ta’ forom ta' kollaborazzjoni appoġġati
bl-ICT, jistgħu jiżguraw redditu ogħla fuq l-investiment
tal-infrastruttura spazjali.” 4.3. Espansjoni tal-firxa u
l-użu tal-istrumenti finanzjarji disponibbli Il-finanzjament tal-infrastrutturi spazjali ivarja mill-finanzjament
tal-komponenti/servizzi spazjali. Infrastrutturi ta' skala kbira li jridu
jiġu mibnija, żviluppati, mħaddma u mantenuti sabiex tiġi
żgurata l-kontinwità tas-servizzi u l-applikazzjonijiet operattivi,
jeħtieġu kontribuzzjonijiet finanzjarji kbar fuq perjodi twal,
kontinwità ta' finanzjament kemm għal raġunijiet operattivi u
finanzjarji (kwalunkwe posponiment fl-infiq jirriżulta fi spejjeż
addizzjonali) u ta’ flessibilità/strumenti ta' kontinġenza, minħabba
r-riskji assoċjati. Prodotti finanzjarji eżistenti fis-suq
jistgħu ma jaqblux ma' dawn il-ħtiġijiet, speċjalment
minħabba l-importanza taż-żmien bejn id-deċiżjoni biex
jiġi żviluppat tali proġetti u r-ritorn fuq l-investiment minn tqassim
ta’ biżżejjed servizzi fil-livell suċċessiv.
Bażikament hemm nuqqas tas-suq u huwa meħtieġ finanzjament
pubbliku qabel ma jfeġġ it-tkabbir potenzjali fit-tul ta’ tali
proġetti. Nazzjonijiet oħra li jesploraw l-ispazju indirizzaw din
il-kwistjoni bil-modi tagħhom stess[34]. Fil-proposta tagħha dwar il-qafas
finanzjarju multiannwali li jmiss, il-Kummissjoni tipproponi tip ta' strument
ġdid jiġifieri l-inizjattiva ta' bonds għal proġetti tal-UE
li se tintuża bħala mezz biex tiggarantixxi investiment
f’riżorsi għal proġetti ta' infrastruttura li huma ta' interess
Ewropew strateġiku ewlieni permezz tal-użu ta' skemi ta' sħubija
pubblika-privata biex jissaħħu s-sostenibbiltà
għall-kompetittività u t-tkabbir fl-UE. Għalkemm l-iskop ta’ din
l-inizjattiva mhux previst li jkopri l-ispazju fl-ewwel stadju, l-industrija
spazjali tista’ tiġi offruta, fit-tieni stadju, il-possibbiltà li
tibbenefika minn dan il-mekkaniżmu, sakemm tissodisfa l-kriterji, b’mod
partikolari fir-rigward ta’ ġenerazzjoni ta’ dħul[35]. Għandha titħeġġeġ il-parteċipazzjoni
tal-SMEs fejn xieraq fil-katina tal-provvista tal-industrija tal-manifattura,
b’mod partikolari f’niċeċ bi tkabbir mgħaġġel, u
s-servizzi li jistgħu jaħdmu fis-settur satellitari. L-istrumenti finanzjarji tal-Programm Qafas
għall-Kompetittività u l-Innovazzjoni u wkoll il-Faċilità Finanzjarja
għall-Qsim tar-Riskju għall-SMEs (RSI) huma disponibbli biex
isaħħu l-kapaċitajiet industrijali u l-SMEs
għall-innovazzjoni u l-kompetittività. Mill-2014,
l-SMEs jistgħu jibbenefikaw ukoll minn strumenti finanzjarji tal-UE (dejn
u l-finanzjament tal-ekwità) previsti taħt il-programmi li jmiss COSME u
Orizzont 2020, li jinkludu kapital ta’ riskju. L-awtoritajiet lokali huma parteċipanti
biex itejbu l-kompetittività tal-industrija spazjali. Ir-reġjuni
għandhom rwol ewlieni x’jaqdu. L-UE żviluppat firxa ta' strumenti li
jsaħħu l-koeżjoni ekonomika, soċjali u territorjali, b'mod
partikolari il-Fond Ewropew għall-Iżvilupp Reġjonali (ERDF) u
l-iskemi tiegħu bħar-Riżorsi Ewropej Konġunti għal
Intrapriżi Mikro u Medji (JEREMIE). Jekk l-għan ewlieni tal-politika
ta' koeżjoni tal-UE huwa li jitnaqqsu d-diskrepanzi ekonomiċi,
soċjali u territorjali sinifikanti li għadhom jeżistu bejn
ir-reġjuni tal-Ewropa, il-politika ta' koeżjoni għandha wkoll
rwol ewlieni biex l-għanijiet ta' Ewropa 2020 jintlaħqu madwar l-UE u
għalhekk tista’, permezz tal-appoġġ tagħha
għall-kompetittività u l-innovazzjoni tal-SMEs tikkontribwixxi
finanzjament għal proġetti spazjali u li tħeġġeġ
l-użu ta' servizzi bbażati fuq l-ispazju skont ir-regoli ta'
eliġibbiltà tal-Fond Strutturali (pereżempju, prova ta' impatt
ekonomiku u soċjali fuq ir-reġjun jew l-impatt ta’ innovazzjoni
reġjonali). Proġetti spazjali jistgħu jkunu rilevanti sabiex
jiġu mħeġġa r-riċerka u l-innovazzjoni fil-qafas
tal-istrateġiji nazzjonali jew reġjonali għal
speċjalizzazzjoni intelliġenti. 4.4. Użu aħjar
tal-politika dwar l-akkwist Diversi riżoluzzjonijiet tal-Kunsill Spazjali enfasizzaw il-ħtieġa
li jissawru strumenti u fondi adegwati tal-Unjoni filwaqt li jitqiesu
l-ispeċfiċitajiet tas-settur spazjali". L-akkwist fis-settur
spazjali huwa mezz wieħed fost oħrajn biex jinkisbu l-għanijiet
tal-politika industrijali. Huwa forsi l-aktar importanti għaliex huwa
permezz tal-akkwist pubbliku li l-maġġoranza l-kbira tal-finanzjament
pubbliku tingħadda lill-industrija f’dan is-settur. Għalhekk huwa
neċessarju li jiġi determinat jekk l-approċċ tal-akkwist
spazjali jistax jittejjeb. Bħal fil-każ tas-setturi tad-difiża u s-sigurtà,
l-ispazju huwa strateġiku u l-akkwist ta' sistemi spazjali u
l-applikazzjonijiet għal bżonnijiet pubbliċi għandhom
karatteristiċi komuni ma' dawk is-setturi, b’mod partikolari l-aspetti ta'
dipendenza, is-sigurtà nazzjonali u l-aspetti ta’ sigurtà kif ukoll
il-bżonnijiet tal-investimenti kbar u fit-tul fil-fażijiet
tar-R&D. L-impatt tal-implimentazzjoni tad-Direttivi tal-UE dwar l-akkwist
pubbliku u l-appalti tad-difiża[36]
fuq is-swieq spazjali Ewropej u nazzjonali għandu wkoll jiġu
analizzat aktar. Akkwist tal-UE hija rregolata mir-Regolament
Finanzjarju u r-regoli ta 'implimentazzjoni tiegħu li huma konformi
mal-Ftehim tad-WTO dwar l-Akkwisti tal-Gvern. Dawn l-istrumenti jinkorporaw
il-prinċipju tan-nuqqas ta’ diskriminazzjoni u ma jippermettu l-ebda forma
ta' ritorn geo. Bħala klijent tal-industrija spazjali li trid timplimenta
l-programmi tagħha, l-UE għandha tiżviluppa u tipprovdi
lill-industrija xogħol fit-tul u ppjanar ċar tas-suq istituzzjonali.
Barra minn hekk, għal programmi li jinvolvu finanzjament konġunt kemm
mill-Kummissjoni u l-ESA, għandha sseħħ koordinazzjoni bikrija biex
tiżgura tranżizzjoni bla xkiel bejn il-fażi ta' żvilupp u l-fażi
operazzjonali. 4.5. It-twaqqif u
l-implimentazzjoni ta' politika Ewropea tal-illanċjar reali L-awtonomija tal-UE f'setturi strateġiċi bħas-servizzi
tal-illanċjar hija ta’ importanza fundamentali. Fid-dawl ta' dan,
il-politika industrijali spazjali tal-UE għandha ssegwi l-għanijiet
li ġejjin: (i) Tiżgura b'mod affidabbli, sikur, disponibbli u
ekonomikament effiċjenti s-sistema tal-illanċjar; (ii) Toħloq
il-kundizzjonijiet, u b’mod partikolari l-kundizzjonijiet finanzjarji, li huma
meħtieġa biex iżommu u jsaħħu aċċess Ewropew
indipendenti għall-ispazju skont il-ħtiġijiet istituzzjonali
waqt li tipproponi governanza evoluta tal-isfruttament tal-lanċaturi
Ewropej biex tiżgura l-effiċjenza finanzjarja fil-ġestjoni ta'
programmi tal-utent. Għandha tiġi stabbilita politika
Ewrope reali ta’ llanċjar billi l-atturi istituzzjonali, bħal
fil-każ ta’ nazzjonijiet oħra involuti fl-ispazju, jevitaw
fit-terminu qasir jew każ b'każ it-teħid ta’ deċiżjonijiet
li jipperikolaw l-għanijiet ta’ hawn fuq. L-UE għandha tirrikonoxxi
l-interessi politiċi fl-aċċess indipendenti għall-ispazju
meta timplimenta programmi pubbliċi bħal Galileo u Copernicus.
L-Istati Membri għandhom jikkunsidraw li jaċċettaw sehem
tal-piż billi jpoġġu l-politiċi tagħhom dwar ix-xiri
tal-lanċaturi politiki konformi mal-mira tal-aċċess indipendenti
u billi jqiegħdu lill-UE f'pożizzjoni li tkun tista’ tikkontribwixxi
għal dak il-għan. Barra minn hekk, il-governanza globali fis-settur
tal-illanċjar, b'mod partikolari fejn jidħol l-isfruttament
tagħha u l-miżuri meħtieġa biex tiġi żgurata
l-effiċjenza tal-produzzjoni tagħha, għandha tevolvi, sabiex
jiġi żgurat finanzjament sostenibbli ta' sfruttament. 4.6. L-assigurar tas-sostenibilità
tal-attivitajiet spazjali fl-Ewropa B'dipendenza dejjem akbar fuq sistemi bbażati fl-ispazju u
s-servizzi tagħhom, l-iżgurar tal- operazzjonijiet sostenibbli se
jsir dejjem aktar importanti. Kwalunkwe għeluq imqar parzjalment
tal-infrastrutturi spazjali li jiffurmaw is-sinsla ta' firxa wiesgħa ta'
servizzi jista' jkollha konsegwenzi sinifikanti għas-sikurezza
taċ-ċittadini Ewropej u għat-tħaddim sew tal-attivitajiet
ekonomiċi. Madankollu, l-infrastrutturi spazjali huma dejjem iktar mhedda
minn riskji ta’ ħbit minħabba popolazzjoni li qed tiżdied ta' satelliti
jew l-ammont dejjem jikber ta’ debris spazjali fl-aktar orbiti sfruttati
kummerċjalment. Biex jittaffa r-riskju ta’ ħbit huwa meħtieġ li
jiġu identifikati u mmonitorjati s-satelliti u debris spazjali, jiġu
kkatalogati l-pożizzjonijiet tagħhom, u segwiti l-movimenti
tagħhom (trajjettorja) meta jiġi identifikat riskju potenzjali ta’
ħbit sabiex l-operaturi tas-satelliti jkunu jistgħu jingħataw
twissija ħalli jċaqalqu s-satelliti tagħhom. Din l-attività hija
magħrufa bħala sorveljanza spazjali u traċċar
mill-bogħod (SST). Billi s-servizzi tal-STT operazzjonali fil-livell
Ewropew ma jeżistux, l-Operaturi tas-Satelliti Ewropej illum jiddependu sa
ċertu punt fuq l-informazzjoni tal-STT mill-Istati Uniti.
Il-ħtieġa għal ftehim dwar il-kapaċità tal-STT li jtejjeb
l-għoti tal-informazzjoni dwar l-STT fuq il-livell Ewropew kienet
enfasizzata mill-Istati Membri tal-UE f'diversi konklużjonijiet
tal-Kunsill. Skont dawn il-konklużjonijiet, il-Kummissjoni biħsiebha
tressaq proposta li tistabbilixxi l-qafas organizzattiv għat-twaqqif u
l-operat ta' servizz tal-STT Ewropew fi sħubija mal-Istati Membri b’tiswir
fuq l-assi eżistenti tagħhom u ta' għarfien espert. 5. KONKLUŻJONIJIET Il-politika industrijali spazjali tappoġġja l-objettivi
tal-Istrateġija Ewropa 2020, l-istrateġija ta' tkabbir tal-Ewropa
għal ekonomija intelliġenti, sostenibbli u inklużiva. Din hija
parti integrali ewlenija tal-politika industrijali Ewropea, li titlob li jkun
hemm politika industrijali li toħloq l-aħjar ambjent biex
titħares u tiġi żviluppata bażi industrijali
b'saħħitha, kompetittiva u diversifikata fl-Ewropa, ħalli
jittejbu l-impjiegi u l-għarfien tas-settur. Madankollu,
l-istrateġija Ewropa 2020 tirrikonoxxi wkoll li l-politika spazjali
tikkontribwixxi għall-kompetittività tal-industrija Ewropea lil hinn sew
mis-settur spazjali. ANNESS Miżuri maħsuba
għal politika industrijali spazjali 1. Titjib tal-kundizzjonijiet
qafas 1.1. It-titjib tal-qafas
leġiżlattiv għas-segment tas-sevizzi u għas-settur
tal-manifattura 1.1.1. L-iżvilupp ta’ qafas
leġiżlattiv biex isaħħaħ is-suq spazjali Ewropew · Proponiment ta’ strument leġiżlattiv fuq il-produzzjoni u t-tixrid ta' dejta satellitari privata; · L-istħarriġ tal-possibbiltà ta’ strument leġiżlattiv dwar ċerti aspetti li għandhom impatt fuq il-ħolqien ta' suq uniku għal prodotti u servizzi spazjali obbligu ta' assigurazzjoni, reġistrazzjoni u awtorizzazzjoni tal-attivitajiet u s-servizzi spazjali, sanzjonijiet, kwistjonijiet ambjentali. 1.1.2. Tissorvelja u ttejjeb
il-kontroll tal-esportazzjoni u l-oqfsa ta' trasferimenti intra-UE · Monitoraġġ tal-impatt fuq l-industrija spazjali tal-implimentazzjoni tar-Regolament (KE) Nru 428/2009 tal-5 ta’Mejju 2009 li jistabbilixxi reġim tal-UE ta' kontroll tal-esportazzjoni ta' oġġetti b'użu doppju u d-Direttiva 2009/43/KE tas-6 ta' Mejju 2009 dwar it-trasferiment ta’ prodotti tad-difiża tal-UE. 1.1.3. Tiżgura d-disponibbiltà
tal-ispettru · Stħarriġ ta’ kif l-aħjar jitqiesu l-ħtiġijiet futuri tal-ispettru għal SatCom fil-kuntest ta' Programm tal-Politika tal-Ispettru tar-Radju; · Kontribut għat-tħejjija tal-Konferenza Dinjija tal-Komunikazzjonijiet bir-Radju tal-ITU li jmiss sabiex jiġu difiżi l-interessi tal-UE fil-qasam tal-allokazzjonijiet tal-ispettru globali u reġjonali. 1.1.4. Tesplora jekk l-attivitajiet
tat-titjiriet spazjali kummerċjali jeħtieġx li jiġu
integrati f’qafas legali · Tnedija ta’ studju biex jiġi vvalutat il-potenzjal tas-suq tat-titjirier spazjali suborbitali biex jiġi ddeterminat jekk jissawwarx approċċ regolatorju Ewropew. 1.2. Issegwi l-proċess tal-istandardizzazzjoni · Segwiment tal-iżvilupp ta’standards Ewropej għall-industrija tal-ispazju fuq il-bażi tax-xogħol mibdi mill-ECSS (il-Kooperazzjoni Ewropea għall-Istandardizzazzjoni Spazjali) u t-tielet mandat tas-CEN-CENELEC u ETSI. 1.3. Tiżgura d-disponibbiltà
ta’ ħiliet meħtieġa · Żvilupp u forniment lill-industrija ta’ viżjoni ċara u fit-tul tas-suq istituzzjonali fil-livell tal-UE; · Twettiq u aġġornament ta’ ppjanar ta’ direzzjoni tal-katina tal-provvista biex jiġi żgurat livell tajjeb ta’ indipendenza Ewropea, lgħarfien espert u kompetittività; · Appoġġ għall-iżvilupp tal-ħiliet xierqa meħtieġa speċifikament mis-settur spazjali u promozzjoni tal-istabbiliment ta' kwalifiki akkademiċi spazjali rikonoxxuti reċiprokament fl-Ewropa (bidu u koordinament bejn l-Istati Membri dwar l-iżvilupp tal-akkademji spazjali); · Inklużjoni fil-programmi kwadru futuri tar-R&D ta’ azzjonijiet iddedikati li fihom parti tar-riċerka għandha ssir minn kandidat tal-PhD – kif inhu l-każ bħalissa fl-amministrazzjoni tat-traffiku tal-ajru; · Tħeġġiġ tal-iżvilupp ta' programmi ta' tagħlim tul il-ħajja permezz ta’ kooperazzjoni msaħħa bejn l-industrija u l-universitajiet, b’mod partikolari fil-qasam emerġenti tal-applikazzjonijiet bbażati fuq is-satelliti; · Titjib tal-appell tal-UE għar-riċerkaturi barranin. 1.4. Issostni l-aċċess
tal-industrija Ewropea għas-suq globali · Analiżi ta’ miżuri u prattiki tajba żviluppati mill-Istati Membri biex jappoġġjaw l-aċċess għas-swieq internazzjonali; · Żgurar li l-ispeċifiċitajiet tas-settur spazjali u l-industrija spazjali Ewropea huma meqjusa fin-negozjati kummerċjali u ftehimiet kummerċjali rilevanti, biex jinħolqu kundizzjonijiet ugwali. 2. Appoġġ
għar-riċerka u l-innovazzjoni 2.1. Nippermettu l-kompetittività
Ewropea fl-ispazju, partikolarment bl-iżgurar ta' dipendenza
f'teknoloġiji kritiċi u billi titrawwem l-innovazzjoni · Tkomplija tal-koordinazzjoni fl-isforzi tal-Kummissjoni ma' dawk tal-Istati Membri, l-ESA u l-EDA biex jiġu identifikati komponenti kritiċi spazjali u biex tiġi żgurata d-disponibbiltà tagħhom; · Analiżi ta’ jekk hux possibbli li tingħata spinta emerġenti lis-suq tal-osservazzjoni tad-dinja permezz ta’ inċentivi bħal kuntratti fit-tul għall-industrija tal-osservazzjoni tad-dinja; · Promozzjoni tal-użu ta' applikazzjonijiet spazjali fil-politiki tal-UE; · Appoġġ ta’ kampanji ta’ għarfien biex jagħmluha possibbli għall-utenti (bliet, reġjuni, diversi setturi industrijali, eċċ) li jsiru konxji mill-potenzjal ta' applikazzjonijiet spazjali, biex b'hekk jiġu stimulati l-ħtiġijiet tagħhom għal dawn l-applikazzjonijiet u jiġu ffaċilitati b’azzjonijiet ta’ adozzjoni ad hoc (eż. vawċers għal awtoritajiet lokali jew SMEs) ta’ servizzi ġodda mill-utenti finali; · Appoġġ għall-iżvilupp ta' miżuri ta' appoġġ għall-innovazzjoni għall-industrija fil-livell tal-UE, nazzjonali u reġjonali b'enfasi speċifika fuq l-SMEs li jużaw is-satellita b’mod downstream fis-settur tas-servizzi; · Implimentazzjoni tal-Pjan ta' Azzjoni tal-GNSS tal-Kummissjoni biex jitrawmu l-iżvilupp u l-adozzjoni tal-applikazzjonijiet bl-użu ta' navigazzjoni bis-satellita EGNOS u Galileo; · Appoġġ għal dakkir tat-teknoloġija spazjali ma’ setturi oħra u spin-in/spin-offs fl-R&D u l-Programmi ta’ Innovazzjoni. 2.2. Iffaċilitar ta’ avvanz
fit-teknoloġiji spazjali · Żieda fl-isforzi ta' riċerka spazjali, b' mod partikolari f'teknoloġiji innovattivi; · Appoġġ tal-iżvilupp ta' teknoloġiji alternattivi għal dawk tal-kompetituri; · Tħeġġiġ ta’ appoġġ tar-R&D għall-industrija u l-organizzazzjonijiet tar-riċerka spazjali, inluż is-settur tas-servizzi fil-livell suċċessiv, u appoġġ għall-iżvilupp tar-R&D orjentat lejn l-applikazzjoni ta’ programmi fl-universitajiet marbuta mat-teknoloġiji spazjali u promozzjoni tat-tranżizzjoni minn prototip għal prodotti fis-suq; · Valutazzjoni tat-tagħbija ospitata li tinġarr fil-każ tan-negozju, biex jiġi mistħarreġ il-potenzjal għal aktar użu istituzzjonali u xjentifiku u jiġu identifikati l-aħjar modi biex jiġu indirizzati l-isfidi li għad irridu niffaċċjaw bħal kwistjonijiet legali, ir-rekwiżiti tal-gvern/militari, eċċ; · Valutazzjoni tal-opportunitajiet ta' llanċjar kosteffikaċi oħrajn sabiex jiġu mbarkati teknoloġiji ġodda ħalli jittestjawhom; · L-użu ta’ Orizzont 2020 biex tiġi aċċellerata l-implimentazzjoni ta' sostituti għall-materja prima li teħtieġ sostituzzjoni bħal dik elenkata fi ħdan il-qafas tar-Regolament REACH. 2.3. Tħeġġiġ
tal-isfruttament sħiħ ta’ dejta spazjali u l-iżvilupp ta'
applikazzjonijiet innovattivi · Żgurar ta’ użu aktar estensiv ta' dejta spazjali minn missjonijiet Ewropej eżistenti u futuri, fid-dominju xjentifiku, pubbliku u kummerċjali. 3. Espansjoni tal-firxa u
l-użu tal-istrumenti finanzjarji disponibbli · Esplorazzjoni tal-possibbiltajiet biex jiġi ffaċilitat l-aċċess għall-finanzi, speċjalment mill-SMEs, billi jkomplu jitħeġġu l-iżviluppi ulterjuri ta’ strumenti finanzjarji innovattivi u l-użu tal-istrumenti eżistenti; · Tħeġġiġ lill-Istati Membri u r-reġjuni biex jiżdied l-użu tal-Fondi Strutturali u strumenti finanzjarji innovattivi biex jippromwovu l-iżvilupp ta' servizzi bis-satellita minn SMEs innovattivi; · Żgurar ta’ estensjoni rapida tal-ambitu tal-inizjattiva ta’ bonds għal proġetti tal-UE għall-infrastrutturi spazjali. 4. Użu aħjar
tal-politika dwar l-akkwist · Żvilupp u forniment lill-industrija ta’ pjan ċar u fit-tul tas-suq istituzzjonali; · Analiżi tal-impatt tal-implimentazzjoni tad-Direttivi tal-UE dwar l-akkwist pubbliku u l-appalti tad-difiża fuq is-swieq Spazjali Ewropej u nazzjonali; · Fil-każ ta’ programmi li jinvolvu finanzjament konġunt kemm mill-Kummissjoni u l-ESA, għandha sseħħ koordinazzjoni bikrija biex tiżgura tranżizzjoni bla xkiel bejn il-fażi ta' żvilupp u l-fażi operazzjonali. 5. It-twaqqif u
l-implimentazzjoni ta' politika Ewropea tal-illanċjar reali · Stabbiliment f’koordinazzjoni mal-atturi istituzzjonali oħra ta’ politika Ewropea tal-illanċjar reali, bħal fil-każ tan-nazzjonijiet l-oħra involuti fl-ispazju. 6. Appoġġ
għall-istabbiliment u l-operat ta' servizz ta’ SST Ewropew · Forniment ta’ qafas organizzattiv (governanza) sabiex jappoġġja t-twaqqif u l-operat ta' servizz ta’ sorveljanza spazjali u traċċar mill-bogħod (SST) fil-livell Ewropew li jissawwar fuq l-assi nazzjonali eżistenti u l-għarfien espert; definizzjoni ta' politika dwar id-dejta relatata li tqis l-interessi tas-sigurtà nazzjonali. [1] "EUROPE 2020 A strategy for smart, sustainable and inclusive
growth" COM (2010) 2020 [2] COM(2010)614 [3] COM(2011)
152 [4] Riżoluzzjoni
tal-Kunsill: “ Orjentazzjonijiet dwar il-valur miżjud u
l-benefiċċji tal-ispazju għas-sigurtà taċ-ċittadini
Ewropej”, 18232/11, Brussell, is-6 ta’ Diċembru 2011 li kkonkludiet
"li l-politika industrijali għall-ispazju tqis l-ispefiċitajiet
tas-settur tal-ispazju u fl-interess tal-Istati Membri kollha li jinvestu
fl-assi spazjali, u li jimmiraw lejn l-għanijiet komuni li ġejjin:
tappoġġa l-kapaċità Ewropea biex tiġi konċepiti,
żviluppati, mnedija,mħaddma u sfruttati s-sistemi spazjali;
issaħħaħ il-kompetittività tal-industrija Ewropea kemm fis-swieq
domestiċi tagħha u dawk tal-esportazzjoni; u tippromwovi
l-kompetizzjoni u l-iżvilupp bilanċjat u l-involviment
tal-kapaċitajiet fl-Ewropa". Din tenfasizza wkoll "il-bżonn
li jiġu eżaminati jekk miżuri xierqa jistgħu jkunux
meħtieġa fil-livell Ewropew u internazzjonali biex jiggarantixxu
s-sostenibilità u l-iżvilupp ekonomiku tal-attivitajiet spazjali Ewropej, inklużi
dawk fis-settur kummerċjali". [5] COM (2012) 582
finali, Komunikazzjoni mill-Kummissjoni lill-Parlament Ewropew, il-Kunsill,
il-Kumitat Ekonomiku u Soċjali Ewropew u l-Kumitat tar-Reġjuni,
Brussell, 10.10.2012. [6] The Space
Economy at a Glance 2007, OECD [7] Ir-rapport
finanzjarju tan-NASA għall-2009, Euroconsult 2009 u stimi tal-baġits
tat-teknoloġija spazjali tal-ESA għall-2009.. [8] Madankollu,
għandu jiġi nnutat li parti konsiderevoli tar-riżorsi
pubbliċi għar-riċerka dwar l-ispazju mhix ġejja min-NASA
iżda direttament minn aġenziji pubbliċi oħra. [9] Il-prodotti
kompetittivi tat-teknoloġija avvanzata jistgħu jiġu rilaxxati
fis-suq bi spejjeż marġinali, peress li l-ispejjeż ta’
żvilupp ikunu diġà ttieħdu inkunsiderazzjoni mill-programmi
istituzzjonali. Il-“prezz tas-suq” huwa arbitrarju u marbut mal-għanijiet
strateġiċi u politiċi tan-nazzjon inkwistjoni. [10] Meta
wieħed iqis ir-rata żgħira ħafna għall-fornituri
tas-servizzi kollha tal-lanċaturi (inqas minn 10 lanċaturi kull sena
għall-operator Ewropew), kull illanċjar hu ta' importanza
kruċjali u tnaqqis ta' aktar minn illanċjar wieħed f'sena
partikolari jipperikola l-eżistenza nnifisha tas-sottosettur u, fit-tul,
l-industrija spazjali tal-Ewropa, b' konsegwenzi drammatiċi fuq
il-potenzjali għall-indipendenza strateġika Ewropea. [11] Pereżempju,
fl-ibħra miftuħa, is-servizzi ta' komunikazzjoni bis-satellita huma
l-unika għażla disponibbli. Barra minn hekk, il-komunikazzjoni
satellitari bi prezzijiet għall-bwiet ta’ kulħadd tista’
tappoġġa lilll-UE fit-“tkabbir blu" li huwa strateġija biex
jiġi sostnut it-tkabbir fis-settur marittimu. [12] L-ispettru
huwa użat minn għadd dejjem jiżdied ta’ applikazzjonijiet
mingħajr wajers f'bosta setturi minn tagħmir ta' medda qasira
għal servizzi ta' komunikazzjonijiet elettroniċi bħal
komunikazzjonijiet bis-satellita terrestri u servizzi tat-telekomunikazzjoni. [13] Len
Jacobson, GNSS Markets and Applications (GNSS Technology and Applications),
Artech House Inc, 2007 [14] Rapport
mill-Kummissjoni lill-Parlament Ewropew u lill-Kunsill, ta’nofs it-term
tal-programmi Ewropej ta’ radjunavigazzjoni bis-satellita, COM (2011) 5 finali,
Brussel 18.1.2011 [15] Studju
imwettaq minn PricewaterhouseCoopers intitolat "Socioeconomic benefits
analysis of GMES, available at http://esamultimedia.esa.int/docs/GMES/261006_GMES_D10_final.pdf,
p. 180. [16] Rapport
mill-Kummissjoni lill-Parlament Ewropew u lill-Kunsill, ta’ nofs it-term
tal-programmi Ewropej ta’ radjunavigazzjoni bis-satellita, COM (2011) 5 finali,
Brussel 18.1.2011 [17] "Indipendenza”
timplika li kull teknoloġija spazjali meħtieġa tiġi
żviluppata fl-Ewropa, filwaqt li “dipendenza” tirreferi
għall-possibbiltà li l-Ewropa jkollha aċċess ħieles u mhux
ristrett għal kwalunkwe sistema tat-teknoloġija spazali. [18] Dan huwa pereżempju l-każ tal-arloġġi atomiċi abbord
is-satelliti Galileo, li hija l-qalba tat-tagħbija għal tali
satelliti u jiġi prodott fl-Ewropa minn fornitur wieħed li mhuwiex
fl-UE, li jkun qed ibiegħ ukoll liċ-Ċina u l-Indja wkoll. [19] Xi
komponenti jew materjali użati għall-ispazju (abbord satelliti jew
lanċaturi) huma elenkati f'REACH u jeħtieġu sostituti jekk ikun
possibbli. [20] Pereżempju
l-Kunsilli tal-Ispazju tal-2007, 2008 u 2010, il-Kunsill tal-Kompetittività ta’
Mejju 2011. [21] Jinħtieġu volum minimu ta' llanċjar istituzzjonali, kif
ukoll programmi tal-iżvilupp li mingħajrhom l-affidabbiltà ma tistax
tiġi garantita u l-bażi tal-ħiliet ma tistax tinżamm. [22] Li
l-livell reali tagħhom jiġi evalwat fuq il-katina tal-valur kollha
kemm hi, minn finanzjament pubbliku fil-fażi tal-iżvilupp,
l-appoġġ pubbliku fil-fażi ta' produzzjoni jew
għall-illanċjar sal-bażi ta’ preferenza għal illanċjar
domestiku u l-aċċess għas-suq. [23] L-inizjattivi
proposti se jiġu stabbiliti u implimentati b'konformità sħiħa
mar-regoli Komunitarji dwar l-għajnuna mill-Istat, partikolarment
fir-rigward ta’ sitwazzjonijiet fejn il-fondi tal-Stati Membri jkunu involuti. [24] Il-GNSS
tal-UE ser ikollhom kopertura globali. Il-klejms jistgħu jiġu
ppreżentati f 'kull pajjiż fid-dinja quddiem il-qrati lokali
taħt il-leġiżlazzjoni lokali applikabbli. L-UE qed tħejji
Regolament fuq il-GNSS tal-UE r-responsabbiltà fil-konfront ta’ terzi. Diskussjoni
simili kienet saret taħt il-patroċinju tal-UNIDROIT ("l-Istitut
Internazzjonali għall-Unifikazzjoni tad-Dritt Privat”) fir-rigward
tas-servizzi kollha offruta permezz tal-GNSS. Diskussjonijiet f 'dan il-forum
twaqqfu sabiex potenzjalment jiġu integrati l-inizjattivi li għandhom
jiġu adottati f'livell reġjonali. [25] Ir-Regolament
(KE) Nru 428/2009 tal-5 ta’Mejju 2009 li jistabbilixxi reġim tal-UE ta' kontroll
tal-esportazzjoni ta' oġġetti b'użu doppju u d-Direttiva
2009/43/KE tas-6 ta' Mejju 2009 dwar it-trasferiment ta’ prodotti relatati
mad-difiża fil-Komunità. [26] Ħtiġiet
preċedenti impostaw piż amministrattiv sinifikanti fuq il-kumpaniji
(stmati għal 225 siegħa/liċenzja fil-valutazzjoni tal-impatt
tad-Direttiva 2009/43/KE dwar it-trasferiment intra-Komunitarju tal-UE ta'
prodotti tad-difi ża). Huma implikaw ukoll żmien itwal – sa diversi
xhur – sabiex jinkiseb trasferiment jew liċenzji tal-esportazzjoni. [27] Is-sistema
ta' kontroll tal-esportazzjoni ta' oġġetti b'użu doppju
tal-Unjoni Ewropea: l-iżgurar tas-sigurtà u tal-kompetittività f 'dinja li
qed tinbidel COM (2011) 393 finali. [28] Biex jiksbu liċenzja, l-operaturi ta' ajruplan suborbitali
jkollhom jinfurmaw biss lil passiġġieri bil-ħlas dwar ir-riskji
tal-illanċjar u l-fażijiet tal-inżul u r-rekord tas-sikurezza
tat-tip ta' vettura. Il-passiġġier imbagħad jiffirma rinunzja li
taċċetta r-riskju meħud. [29] Proposta
tal-Kummissjoni Ewropea għal Regolament tal-Parlament Ewropew u
tal-Kunsill dwar aċċess ta' oġġetti u servizzi minn
pajjiżi terzi lejn is-suq intern fl-akkwist pubbliku tal-Unjoni u
proċeduri li jappoġġjaw in-negozjati dwar l-aċċess ta'
oġġetti u servizzi tal-Unjoni fis-suq tal-akkwisti pubbliċi ta’pajjiżi
terzi, COM (2012) 124 finali [30] Pereżempju replikazzjoni tas-suq, l-akkwist pubbliku
prekummerċjali, clusters, Living Labs u mekkaniżmi oħra
tal-innovazzjoni b'enfażi fuq l-utent. [31] COM(2011)
811 [32] Dan
jirreferi għal utilizzazzjoni ta' kapaċità disponibbli fuq
is-satelliti kummerċjali biex jakkomodaw transponders addizzjonali,
strumenti, jew oġġetti spazjali oħra. [33] B 'mod
ġenerali, REACH jindirizza sustanzi individwali fil-listi differenti
assoċjati mal-proċessi tiegħu. Xi wħud minn dawn, bħal
"Lista tal-kandidati" jew l-Anness XIV (lista ta' sustanzi
suġġetti għal awtorizzazzjoni) jagħti bidu għal
rekwiżiti diretti ta' informazzjoni dwar oġġetti
("komponenti") jew jeħtieġu awtorizzazzjoni tal-użu
tas-sustanza fl-Ewropa. [34] Dan jirreferi notevolment għaż-żewġ kuntratti ta’
10 snin mogħtija dan l-aħħar mill-Gvern tal-Istati Uniti
għal żewġ kumpaniji kummerċjali tal-immaġini
satellitari. [35] Ara.
COM(2011) 659, COM(2011) 660 u COM(2011) 662 dwar l-inizjattiva ta' Bonds
għall-Proġetti ta' Ewropa 2020. [36] Id-Direttivi
2004/18/KE u 2009/81/KE