[pic] | KUMMISSJONI TAL-KOMUNITAJIET EWROPEJ |

Brussel 31.3.2005

KUMM(2005) 120 finali

KOMUNIKAZZJONI TAL-KUMMISSJONI

Strutturar mill-ġdid u impjiegli tantiċipa u takkumpanja l-istrutturar mill-ġdid biex jiżviluppa l-impjieg: ir-rwol ta’ l-Unjoni Ewropea

KOMUNIKAZZJONI TAL-KUMMISSJONI

Strutturar mill-ġdid u impjieg li tantiċipa u takkumpanja l-istrutturar mill-ġdid biex jiżviluppa l-impjieg: ir-rwol ta’ l-Unjoni Ewropea

Il-Kummissjoni pproponiet li tniedi mill-ġdid l-istrateġija ta’ Liżbona mmirata lejn tkabbir sostenibbli akbar u l-ħolqien ta’ aktar impjiegi u li dawn ikunu aħjar. It-twettiq ta’ dawn l-għanijiet hu msejjes fuq mobbiltà tar-riżorsi nazzjonali u Komunitarji kollha permezz ta’ partenarjat imsaħħaħ bejn l-Unjoni u l-Istati Membri, imma wkoll permezz ta’ l-imsieħba soċjali, is-soċjetà ċivili u l-parteċipanti kkonċernati kollha.

Il-prosperità u l-ġid taċ-ċittadini Ewropej jiddependu mill-adattament mgħaġġel ta’ l-parteċipanti ekonomiċi u ta’ ħaddiema għall-bidliet soċjo-ekonomiċi preżenti profondi permezz tal-ħolqien u l-iżvilupp ta’ attivitajiet ekonomiċi ġodda imma wkoll permezz tal-kontrazzjoni, jew ukoll l-għajbien, ta’ l-attivitajiet preżenti kif ukoll ta’ l-impjieġi marbuta magħhom.

Fl-istess ħin, l-istrutturar mill-ġdid ta’ l-impriżi ħafna drabi jimplikaw ispejjeż għoljin mhux biss għall-ħaddiema kkonċernati imma wkoll għall-ekonomija lokali u reġjonali. Il-ħarsien tal-koeżjoni soċjali, fattur distintiv tal-mudell soċjali Ewropew, jeħtieġ it-twaqqif tal-politika ta’ akkumpanjament li għandha l-għan tnaqqas l-ispejjeż soċjali u li tippromwovi t-tfittxija għal għejun alternattivi ta’ impjiegi u ta’ dħul.

F’dawn il-kondizzjonijiet, jeħtieġ li tiġi żgurata tmexxija tajba ta’ l-istrutturi mill-ġdid, li timxi ma’ ħtieġa ekonomika u soċjali doppja. L-adattament għall-bidla hu essenzjali għall-impriżi: tmexxija mgħaġġla ta’ dawn il-proċessi tippermetti li tinżamm u li tiġi żviluppata l-kompetittività tagħhom. Barra minn hekk, il-rieda li tħares l-impjieg tal-ħaddiema u li tħaffef il-passaġġ tagħhom lejn impjieg ieħor ta' l-istess kwalità għandha wkoll impatt ekonomiku billi tenfasizza wieħed mill-vantaġġi kompetittivi prinċipali ta’ l-Unjoni Ewropea : il-kwalità tan-nies impjegati tagħha, garanzija tat-tkabbir fil-ġejjieni. Barra minn hekk, l-istrutturar mill-ġdid għandu jkun parti minn viżjoni fit-tul ta’ l-evoluzzjoni u tat-tmexxija ta’ l-ekonomija Ewropea, sabiex il-bidliet ikunu tassew mezz sabiex tissaħħaħ il-kompetittività.

Għaldaqstant, l-antiċipazzjoni u l-akkumpanjamant ta' dawn il-proċessi huma integrati b’mod sħiħ fl-istrateġija ta’ Liżbona u huma r-responsabbiltà kollettiva ta' l-awtoritajiet pubbliċi, ta' l-intrapriżi u ta’ l-imsieħba soċjali.

L-Aġenda soċjali adottata mill-Kummissjoni nhar id-9 ta’ Frar 2005, flimkien mal-Komunikazzjoni dwar ir-reviżjoni ta’ l-istrateġija ta’ l-iżvilupp sostenibbli tistipula b’hekk li l-Kummissjoni sejra tiżviluppa strateġija għal dak li għandu x’jaqsam mat-tmexxija u l-istrutturar mill-ġdid dwar kooperazzjoni aħjar tal-politika Ewropea pertinenti, involviment akbar ta' l-imsieħba soċjali, sinerġija akbar bejn il-politika u l-istrumenti finanzjarji u l-adattament ta’ l-oqsfa ġuridiċi u konvenzjonali.

Il-fenomenu ta’ l-istrutturar mill-ġdid mhux reċenti. L-Unjoni ilha tizviluppa politika u strumenti f’dan il-qasam. B’hekk, hi qabel kellha rwol essenzjali għall-istruturi mill-ġdid fl-industrija tal-ħadid u ta’ l-azzar u, dan l-aħħar, għall-bini ta’ bastimenti u t-tessuti.

Dawn l-azzjonijiet ma jikkonċernawx biss is-setturi f’diffikultà. Tul dawn l-aħħar snin, gruppi settorjali ta’ livell għoli ġew imwaqqfa biex jiddefinixxu l-perspettivi strateġiċi ta’ bosta setturi.

Barra minn hekk, minn perspettivi orrizontali, numru ta’ strateġiji politiċi Ewropej jikkontribwixxu għall-għan ta’ antiċipazzjoni u ta’ akkumpanjament ta’ l-istrutturar mill-ġdid: id-direttivi dwar it-tagħrif u l-konsultazzjoni tal-ħaddiema, id-djalogu soċjali Ewropew, il-politika ta’ l-impjieg, l-istrumenti finanzjarji ta’ appoġġ, il-politika industrijali u ta’ l-impriżi, il-politika ta’ l-iżvilupp rurali, eċċ.

Din il-komunikazzjoni twaqqaf il-miżuri li għandhom jiġu żviluppati jew imsaħħa dwar il-mezzi varji li l-Unjoni tista’ timmobbilizza għal dan l-għan, kemm minn perspettivi orrizontali kif ukoll settorjali. Waqt l-implimentazzjoni ta’ dawn il-miżuri, jeħtieġ li jiġu llimitati kemm jista’ jkun, l-ispejjeż imposti fuq l-impriżi, filwaqt li jiġi żgurat titjib tat-tħabbir u tat-tmexxija ta’ l-istrutturar mill-ġdid.

Kif miktub fil-Komunikazzjoni dwar l-istrateġija ta’ Liżbona, l-imsieħba soċjali Ewropej fuq livell interprofessjonali u settorjali għandhom rwol speċifiku fl-implimentazzjoni tal-linji differenti tal-politika ddikjarata hawn isfel. Huma għalhekk mistiedna jwieġbu għas-sejħa li hi indirizzata lilhom fil-punt 2.4, ta’ din il-Komunikazzjoni, li tikkostitwixxi fl-istess ħin it-tieni parti tal-konsultazzjoni dwar l-istrutturar mill-ġdid ta’ l-impriżi u l-Kumitati ta’ l-imprizi Ewropej taħt l-Artikolu 138(3) tat-Trattat.

L-ISFIDI PREŻENTI

Analiżi tal-fenomenu

Bosta drabi, l-istrutturar mill-ġdid ta’ l-impriżi jitqies bħala fenomu bażikament negattiv, l-effetti immedjati fuq l-impjieg jew fuq il-kondizzjonijiet tax-xogħol huma ħafna drabi enfasizzati. Madankollu, l-istrutturar mill-ġdid huwa bosta drabi indispensabbli għall-għajxien u l-iżivilupp ta’ l-impriżi. B’hekk jeħtieġ li dawn l-evoluzzjonijiet ikunu akkumpanjati b’mod li l-effetti tagħhom fuq l-impjieg u l-kondizzjonijiet tax-xogħol ikunu kemm jista’ jkun temporanji u limitati.

L-istrutturar mill-ġdid fuq livell ta’ l-impriża huwa l-kompożizzjoni mill-ġdid permanenti tat-tessut tal-produzzjoni taħt l-effett ta’ bosta fatturi.

L-iżvilupp tas-suq waħdieni Ewropew u l-ftuħ internazzjonali ta’ l-ekonomiji jirrapreżentaw opportunitajiet ġodda rigward id-dinamiżmu ekonomiku u l-kompetittività ta’ l-impriza, kif ukoll tal-ħolqien ta’ impjiegi ta’ kwalità. B’mod ġenerali, il-kompetittività fi ħdan is-suq intern ta’ l-UE tiffavorixxi fil-fatt il-prosperità u l-impjieg sostenibbli, peress li hi l-fattur ewlieni ta’ l-innovazzjoni, tal-ħolqien ta’ prodotti u servizzi ġodda u tat-tiġdid ekonomiku.

L-innovazzjoni tekonoloġika tistiga wkoll l-istrutturar mill-ġdid. Minn naħa, il-firxa tat-teknoloġiji ta’ tagħrif u ta’ komunikazzjoni l-ġodda jħaffu u jnaqqsu l-ispejjez ta’ l-iskambji internazzjonali u l-koordinazzjoni tal-produzzjoni, filwaqt li joħolqu applikazzjonijiet ġodda li joħolqu impjiegi aktar kreattivi u ta’ kwalità ogħla. Min-naħa l-oħra, l-iżvilupp tal-proċeduri ta’ fabrikazzjoni l-ġodda u l-metodi ta’ produzzjoni joħolqu moviment lejn l-impjiegi ta’ kwalità li jeħtieġu tip ieħor ta’ taħriġ u ta’ tagħlim xieraq. L-innovazzjonijiet ekoloġiċi joħolqu wkoll opportunitajiet ta’ impjieg ġodda u jtejbu l-ġid soċjali tagħna.

L-iżvilupp tal-qafas regolamentari (l-introduzzjoni ta’ Regolamenti ġodda jew ta’ deregolamentazzjoni) twassal għal emendi dwar is-swieqi tal-prodotti u tax-xogħol.

Bidliet kbar fit-talba tal-konsumaturi qegħdin iseħħu, bħala riżultat, pereżempju, tal-ħtiġijiet il-ġodda ta’ populazzjoni li dejjem qiegħda tixjieħ, minħabba sensibilità akbar għal kwistjonijiet ambjentali u minħabba l-evoluzzjoni tal-ġeografija tat-talba dinjija.

Ir-rikostruzzjoni tat-tessut produttiv iwassal għal aġġustamenti kontinwi:

Aspetti kwantitattivi: l-aġġustamenti jwasslu għal distribuzzjoni ġdida tal-ħaddiema permezz ta’ attivitajiet produttivi u s-servizzi. Fil-fatt, l-Ewropa tkompli toħloq impjiegi: 30 miljun nett bejn l-1977 u l-2002 bi qliegħ ta’ aktar minn 44 miljun fis-servizzi u telf ta’ mill-anqas 7 miljun fl-industrija u 7,5 miljuni fl-agrikultura. Kull sena 10% ta’ l-imprizi Ewropej jiġu stabbiliti u jinqerdu. Hu kkalkulat li kuljum bħala medja f’kull wieħed mill-Istati Membri, il-ħolqien u t-telf ta’ l-impjiegi jirrapreżentaw madwar 5000 u 15000 impjiegi kuljum. Aspetti kwalitattivi: it-tendenza fl-Ewropa hi li tmur lejn impjiegi ta’ kwalità aħjar u aktar produttivi, għal ċerti setturi. L-impjieg fis-settur tas-servizzi żied f’dawn l-aħħar 20 sena, bl-impjieg ta’ 2 persuni minn 3 fl-2003. l-impjieg fis-settur tas-servizzi lill-impriżi żied b’25% f’dawn l-aħħar 5 snin. Bejn l-1998 u l-2003, l-Ewropa (UE 15) rat rata ta’ żieda fl-impjieg tat-tliet kategoriji ta’ ħaddiema (b’kwalifiki baxxi +2.2%, intermedjarji +14.2% u għolja 25.1%). Min-naħa l-oħra, il-ħaddiema li għandhom kwalifiki baxxi fl-impjieg globali naqsu. |

Il-passaġġ tal-ħaddiema minn settur għall-ieħor ma jsirx awtomatikament. Ċerti impjiegi b’mod partikolari dawk perikolużi, diffiċli jew li jniġġżu ma baqgħux jeżistu. Din tista’ titqies bħala ħaġa tajba jekk dawn l-impjiegi jiġu ssostiwiti b’impjiegi ġodda aħjar. Madankollu, l-impjiegi ġodda maħluqa ma jsibux bilfors ħaddiema fost il-persuni diżokkupati, peress li l-post u l-kwalifiki meħtieġa mhumiex bilfors l-istess fiż-żewġ każijiet.

Dawn l-evoluzzjonijiet jolqtu b’mod partikolari l-popli l-aktar vulnerabbli, speċjalment il-ħaddiema li ma tantx għandhom kwalifiki. Il-ħila ta’ l-Unjoni Ewropea li żżomm offerta ta’ impjiegi xierqa għal dawn il-ħaddiema hi deċiżiva għall-koeżjoni soċjali.

Barra minn hekk, apparti dan il-proċess permanenti, impatti marbuta ma’ sejbiet teknoloġiċi, ma’ żviluppi kummerċjali, għażliet ta’ politika pubblika jistgħu jkollhom impatt drammatiku fuq ċerti industriji u/jew ċerti reġjuni f’termini ta’ qerda tar-riżorsi umani u tnaqqis tat-tkabbir potenzjali. Dawn il-konsegwenzi negattivi jistgħu jitnaqqsu permezz ta’ azzjoni xierqa mill-awtoritajiet pubbliċi u koordinazzjoni effettiva ta’ l-parteċipanti kkonċernati.

Ħtieġa biex jiġu akkompanjati l-effetti ta’ l-approfondiment tas-suq intern u tal-ftuħ kummerċjali

B’mod ġenerali l-ftuħ iwassal għal benefiċċji għat-tkabbir u l-impjieg imma, fl-istess ħin jinvolvi bidliet bi spejjeż kbar għall-impriżi u l-impjegati kkonċernati. Huma l-ħaddiema bl-inqas kwalifiki u dawk l-aktar vulnerabbli li jintlaqtu l-ewwel, b’mod li l-ftuħ iwassal għal tip ta’ distribuzzjoni mill-ġdid moħbija li għandha tinbidel. Din il-bidla tinħtieġ mhux biss għall-ġustizzja soċjali imma wkoll għal raġuni politiċi , minħabba d-differenza bejn l-ispejjeż, limitati fuq livell globali, imma wkoll viżibbli, tanġibbli u kkonċentrati – u l-benefiċċji ta’ ftuħ li anke fuq livell għoli, ma jistgħux jinstabu: din id-differenza tqanqal direttament reazzjonijiet ta’ rifjut tal-ftuħ. Hija fl-aħħar, ħtieġa eknomika, għaliex politika ta’ antiċipazzjoni mmirati jistgħu jippermettu li jitnaqqsu l-ispejjeż marbuta mal-bidla u jitħaffu it-tranżizzjonijiet.

L-istudji empiriċi juru ġeneralment li d-daqs ta’ dawn l-ispejjeż, għalkemm diffiċli li jiġi stmat, jibqa’ llimitat meta mqabbel mal-qligħ mistenni mill-ftuħ, permezz ta’rapport tar-rata ta’ wieħed għal għoxrin f’numru kbir ta’ każi. Madankollu, l-impatt tagħhom hu potenzjalment ħafna akbar għal bosta raġunijiet.

- l-ispejjeż li jirriżultaw mill-ftuħ huma ġeneralment ikkonċentrati fuq ċerti setturi jew reġjuni;

- m’hemmx kumpens dirett bejn it-tip ta’ l-ispejjeż u l-benefiċċji li l-ftuħ iwassal;

- jgħaddi ftit żmien qabel l-ispejjeż u benefiċċji tal-ftuħ jidhru.

- l-ispejjez u l-benefiċċji ma jseħħux fl-istess post.

Ir-rabta bejn il-ftuħ u l-akkumpanjament ta’ l-effetti tiegħu hi espliċita għall-Istati Uniti, li dejjem qiesu n-negozji kummerċjali internazzjonali u l-introduzzjoni tal-miżuri ta’ akkumpanjament ta’ l-effetti tal-ftuħ bħaż-żewġ partijiet ta’ l-istess politika ta’ integrazzjoni internazzjonali. It-Trade Adjustment Assistance Reform Act ta’ l-2002 aktar milli rduppja l-mezzi finanzjarji allokati għal dan il-programm ($1,4 Biljun għas-sena 2004), u dan kien ta’ benefiċċju mhux biss għall-impriżi milquta imma wkoll għall-ħaddiema, li sofru l-effetti tal-ftuħ.

Hu loġiku, għall-UE, li tkun reponsabbli għall-ispejjeż tal-politika li timplimenta. Dan sejjer ikun aktar urġenti fis-snin li ġejjin, peress li l-perjodu quddiemna sejjer ikun mmarkat b’mod partikolari bl-implimentazzjoni tal-ftehim tal-kummerċ (tmiem tal-kwoti fuq it-tessuti, ftehim ta’ skambju ħieles bejn l-UE u ċ-Ċili) u bin-negozju ta’ ftehim ġodda (Konferenza ta’ Doha, ftehim ta’ skambju ħieles bejn l-UE u Mercosur, ftehim ta’ skambju ħieles bejn l-UE u l-Kunsill ta’ Kooperazzjoni tal-Golf). Din hija d-direzzjoni tal-miżuri li għandhom x’jaqsmu ma’ l-indħil Komunitarju f’każ ta’ kriżi msemmi fil-punt 2.1.3 ta' din il-Komunikazzjoni.

Għalkemm l-Ewropa toħloq impjiegi ġodda kuljum, sabiex il-ħaddiema l-ġodda u dawk milquta mill-istrutturar mill-ġdid jibbenefikaw minn dawn, jeħtieġ li jitjieb it-tħaddim tas-suq tax-xogħol, jissaħħu s-setturi tal-politika għall-impjieg, jiġu mħabbra l-bidliet, u l-mekkaniżmi li jħaffu t-tranżizzjonijiet professjonali għandhom ikunu disponibbli. Għalhekk, jeħtieġ li tiġi msaħħa s-sħubija bejn il-parteċipanti kollha madwar l-identifikazzjoni tal-vantaġġi komparattivi potenzjali, l-istima ta’ l-evoluzzjoni li għandha tinkiseb fuq livell ta’ kull taqsima tas-suq u skond ix-xogħol, għaldaqstant f’kull żona tas-suq tal-ħaddiema – b’mod li l-parteċipanti kkonċernati jħabbru aħjar l-evoluzzjonijiet li jseħħu l-aktar fil-qrib tat-territorji u l-popli potenzjalment milquta. L-istess tip ta’ vantaġġ komparattiv għandu jitfittex f’ċerti żoni, pereżempju, bliet żgħar u ta’ daqs medju, b’livelli aktar baxxi ta’ traffiku, u żoni rurali attraenti, lejn livelli għola ta’ għajxien u xogħol huma magħmula possibbli permezz ta’ anqas spejjeż.

L-antiċipazzjoni u t-tmexxija tal-bidla għall-benefiċċju ta’ kulħadd

L-analiżi ta’ qabel turi li l-Ewropa mhix qiegħda tħabbat wiċċha ma’ nuqqas ekonomiku u soċjali ineżorabbli, imma ma’ sfida mhix solvuta, dik ta’ l-antiċipazzjoni u t-tmexxija tal-bidla.

M’għandniex ineħħu minn quddiem għajnejna, l-impatt importanti tal-fenomenu f’ċerti pajjiżi Ewropej li għadhom f’tranżizzjoni, milquta b’konverżjoni mill-ġdid ekonomika u soċjali profonda li teħtieġ sforz ta’ appoġġ partikolari li għandu jitwettaq permezz ta’ politika ta’ koeżjoni. Madankollu, l-istrutturar mill-ġdid jolqot l-Unjoni kollha. Il-politika u l-istrumenti Komunitarji għandhom iqisu d-diversità ta’ l-effetti skond ir-reġjuni u jipprovdu tweġibiet xierqa għat-territorju Ewropej kollu.

It-tw EġIBIJIET FUQ LIVELL KOMUNITARJU – IR-RWOL TA’ L-UNJONI EWROPEA

Dawn it-tweġibiet jagħmlu parti mill-qafas aktar ġenerali ta’ l-istrateġija ta’ tkabbir u ta’ impjieg propost mill-Kummissjoni t-2 ta’ Frar 2005 li tikkostitiwixxi l-isfond ta’ politika bl-għan li taħtaf bis-sħiħ l-opportunitajiet u tevita li l-istrutturar mill-ġdid jinbidel f’traġedja umana u soċjali.

Huwa ċar li numru kbir tat-tweġibiet konkreti għall-isfidi preżenti jseħħu fuq livell sotto-Ewropew. Min-naħa tagħha, l-Unjoni Ewropea għandha strumenti utli biex tħabbar u takkumpanja l-bidla. Fil-fatt, hi għandha rwol importanti fit-tliet oqsma.

- permezz tas-setturi tal-politika orrizontali li tmexxi, tikkoordina jew tħeġġeġ. Hi tikkontribwixxi biex toħloq il-kondizzjonijiet ta’ żvilupp ekonomiku u tekonoloġiku fit-tul u tiffaċilita l-antiċipazzjoni tal-bidla.

- billi taddota ruħha b’ħila xierqa ta’ identifikazzjoni ta’ l-evoluzzjonijiet settorjali u bi strumenti ta’ indħil f’każ ta’ impatti kkonċentrati f’ċerti setturi jew reġjuni, l-Unjoni Ewropea tiffavorixxi koordinazzjoni effiċjenti tal-partijiet interessati kollha.

- billi tirrikonoxxi r-rwol li l-imsieħba soċjali jistgħu jkollhom biex jantiċipaw u jimmaniġjaw il-bidla, hi tagħtihom l-opportunità li jsiru parteċipanti.

Il-mobilizzazzjoni tal-politika Komunitarja orrizontali

It-tisħiħ tal-koordinazzjoni tagħha Ir-riforma ta’ l-Istrateġija Ewropea għall-impjieg Ir-riforma ta’ strumenti finanzjarji u r-rwol tal-Fondi Strutturali, kif ukoll f’każ ta’ kriżi Il-politika industrijali Il-politika tal-kompetizzjoni Il-politika esterna It-titjib ta’ l-istrumenti ta’ miżura |

It-tisħiħ tal-koordinazzjoni tal-politika Komunitarja

- Jeħtieġ li jkun hemm aktar konverġenza u sinerġiji bejn it-tipi ta’ politika, azzjonijiet u għanijiet interni differenti.

Dan jeħtieġ koordinazzjoni soda fi ħdan il-Kummissjoni, li għandha tiġi żviluppata permezz tal-ħolqien ta’ task-force intern li jgħaqqad id-dipartimenti kkonċernati tal-Kummissjoni, kif ukoll djalogu regolari mal-Parlament Ewropew u l-Kunsill.

Ir-riforma ta’ l-Istrateġija Ewropea għall-impjieg (EES)

Imsejsa fuq il-propożizzjoni ta’ tnehid ta’ Liżbona, il-Kummissjoni sejra tipproponi li tirrevedi l-EES fl-2005. Il-qafas tal-politika ta’ l-impjieg sejjer jikkonċentra fuq tliet prijoritajiet, kollha rilevanti għall-antiċipazzjoni u t-tmexxija ta’ l-istrutturar mill-ġdid: tħajjar u żżomm numru akbar ta’ nies fuq is-suq tax-xogħol, ittejjeb il-kapaċità ta’ l-addatament tal-ħaddiema u ta’ l-impriżi u investiment akbar fir-riżorsi umani.

Bi qbil ma’ din l-istrateġija riveduta, l-ESS sejra tħajjar aktar is-setturi tal-politika nazzjonali li jikkontribwixxu għall-antiċipazzjoni u għall-akkumpanjament ta’ l-istrutturar mill-ġdid.

Riforma ta’ l-istrumenti finanzjarji Komunitarji għal antiċipazzjoni u tmexxija aħjar ta’ l-istrutturar mill-ġdid .

Fil-proposta tagħha dwar il-perspettivi finanzjarji għal perjodu 2007-2013, il-Kummissjoni pproponiet li timmira aktar il-fondi strutturali lejn l-għanijiet ta’ l-Aġenda ta’ Liżbona, permezz tal-Linji ta' Gwida Strateġiċi Komunitarji li se joħolqu s-sisien ta’ l-istrateġiji nazzjonali. Il-Fond Soċjali Ewropew qiegħed jiffinanzja diġà azzjonijiet ta’ antiċipazzjoni u ta’ tmexxija ta’ l-istrutturar mill-ġdid. L-abbozz tar-Regolament il-ġdid ta’ l-ESF jikkonferma mill-ġdid dan ir-rwol, b’mod partikolari permezz ta’:

- titjib fil-kapaċità ta’ adattament tal-ħaddiema u ta’ l-impriżi “fil-kuntest ta’ l-istrutturar mill-ġdid settorjali u ta’ l-impriżi”;

- l-appoġġ ta’ l-investiment fil-riżorsi umani u t-taħriġ tul iż-żmien kollu tiegħu. L-ESF tista’ f’dan il-każ tgħin fl-iżvilupp tas-sistemi ta’ taħriġ ta’ kwalità, immirati lejn il-ħtiġijiet fuq livell lokali u msejjsa fuq sħubija kbira.

- it-twaqqif ta’ sħubiji u ta' ftehim għall-impjieg u l-innovazzjoni fuq livelli nazzjonali, reġjonali u lokali; sejjer jiffavorixxi pereżempju l-iżvilupp ta’ sistemi u ta’ għodda li għandhom l-għan li jantiċipaw il-bidliet ekonomiċi u soċjali;

- it-tisħiħ tal-kapaċità istituzzjonali u l-effiċjenza ta’l-parteċipanti permezz, pereżempju, ta’ taħriġ tal-“maniġers tal-bidla”;

- it-tisħiħ tas-sinerġiji u l-isħubiji bejn il-parteċipanti tat-taħriġ professjonali u ta’ l-iżvilupp reġjonali.

Il-Fond Ewropew għall-Iżvilupp Reġjonali għandu rwol importanti wkoll biex jiżviluppa attivitajiet ġodda, permezz ta’ l-investiment fir-riċerka u l-iżvilupp, it-tixrid ta’ l-innovazzjoni u t-twaqqif ta’ infrastrutturi bl-għan ta’ tmexxija sostenibbli tar-riżorsi.

Fid-dawl ta’ l-izvilupp rurali, il-kontribuzzjoni taż-żoni rurali għal dawn l-għanijiet sejjer ikun ta’ tip differenti minn dak mistenni miż-żoni urbani: f’żoni ta’ densità baxxa l-kompetittività hi bosta drabi miksuba permezz ta’ diversifikazzjoni ta’ l-ekonomiji, modernizzazzjoni ta’ snajja’ tradizzjonali u teknoloġiji, dispożizzjoni ta’ servizzi innovattivi, l-isfruttament ta’ kumditajiet ambjentali, eċċ.

L-istrumenti finanzjarji ewlenin li l-Istati Membri sejrin ikollhom disponibbli f’dan il-qasam sejrin jiġu mill-Fond għall-Iżvilupp Rurali u l-Agrikultura. F’dan il-kuntest, politika tas-settur (agrikultura, industrija, servizzi) u tat-territorju (reġjonali, rurali, urbani, lokali) għandhom jaġixxu b’modi kumplimentari u integrati sabiex ikabbru l-impatt ta’ tkabbir u impjieg tagħhom.

Programmi oħra jikkontribwixxu wkoll biex iħabbru u jintegraw aħjar il-bidliet ekonomiċi. Il-Programm ta’ Qafas ta’ Riċerka għandu l-għan isaħħaħ il-bażi xjentifiċi u tekonoloġiċi ta’ l-industrija ta’ l-Unjoni sabiex iħeġġu l-eċċellenza u l-kreattività tar-riċerka Ewropea u biex tissaħħaħ il-kompetittività internazzjonali ta’ l-ekonomija tagħha.

Il-programmi ta’ edukazzjoni u ta’ taħriġ għandhom rwol ewlieni biex jgħinu għall-ħolqien ta’ ekonomika kompettitivà u dinamika msejsa fuq l-għarfien, li tiffavorixxi l-mobbiltà. Dan l-aspett sejjer jissaħħaħ ukoll permezz ta’ l-adozzjoni tal-Programm l-ġdid integrat għat-tagħlim kontinwu għall-perjodu 2007-2013.

Kapaċità ta’ indħil Komunitarju f’każ ta’ kriżi

Minkejja l-isforzi ta’ titjib ta’ l-antiċipazzjoni tal-bidla , skossi eventwali b’impatt reġjonali jew settorjali qawwi jistgħu jseħħu (ara l-punt 1.1 hawn fuq), li jeħtieġu indħil pubbliku sabiex jiffaċilitaw it-tranżizzjonijiet meħtieġa.

Għal dan, il-politika reġjonali, uriet l-effiċjenza tagħha. Din hi r-raġjuni għala l-Kummissjoni pproponiet, fil-qafas tal-perspettivi finanzjarji 2007-2013, il-kostituzzjoni tar-riżervi għal eventwalitajiet fi ħdan il-Fondi Strutturali (li jitilgħu għal 1% tal-fondi “Konverġenza” u ta’ 3% tal-fondi “Kompetittività” kull sena u għal kull Stat Membru) li sejrin jiġi mmobbiliżati wkoll minħabba dan, b’rabta qawwija ma’ l-awtoritajiet reġjonali u ma’ l-imsieħba soċjali. Hi pproponiet ukoll il-ħolqien ta’ fondi għal aġġustament għat-tkabbir li għandu €1 Biljun /sena.

Il-politika ind ustrijali u dik ta’ l-impriżi

a) Is-segwitu tal-Kummissjoni ta’ April 2004

Il-Kummissjoni sejra tkompli l-implimentazzjoni tal-politika industrija mġedda li pproponiet f'April 2004. Dan iseħħ b’mod partikolari b’titjib tal-qafas regolamentari applikabbli għall-impriżi, permezz ta’ l-appoġġ ta’ l-isforzi tagħhom favur l-innovazzjoni u tal-kompettività u permezz ta’ azzjoni kkoordinata aħjar b’mod partikolari fuq livell settorjali.

b) Segwitu settorjali u reġjonali msaħħaħ

Antiċipazzjoni aħjar tal-bidla jseħħ permezz ta’ għarfien aħjar tas-setturi, tal-perspettivi tagħhom u l-istrumenti li jintużaw biex jiffavorixxu t-tkabbir u l-impjieg. Tul dawn l-aħħar snin, il-Kummissjoni waqqfet gruppi ta’ livell għoli, li huma gruppi informali u temporanji li jgħaqqdu l-partijiet interessati, sabiex iqabblu l-perspettivi dwar id-diffikultajiet u l-opportunitajiet ta’ kull settur u joħolqu viżjoni komuni.

Barra minn hekk, ċerti setturi huma impenjati f’bidliet mgħaġġla u profondi, li jistgħu jkollhom impatt qawwi f’ċerti reġjuni li m’għandhomx diversità biżżejjed ġħall-impjiegi offruti u l-kwalifiki ta’ l-impjegati. Fid-dawl ta’ dawn l-esperjenzi u riskji, il-Kummissjoni bi ħsiebha timpenja ruħha f’superviżjoni aktar mill-qrib tas-setturi suxxetibbli għall-evoluzzjonijiet sinifikanti għal tul ta’ żmien qasir. Hi sejra tikkonċentra lilha nfisha fuq l-analiżi ta’ l-evoluzzjoni tal-kompetittività, dwar l-opportunitajiet u t-thedid ta’ l-ambjent, dwar il-konsegwenzi fuq livell reġjonali u fiq il-miżuri suxxetibbli li jittieħdu fuq livell Komunitarju biex iħabbru u jakkumpanjaw il-bidla. Rigward il-kwistjonijiet ta’ impjieg u ta’ taħriġ, jekk hemm bżonn, hi sejra tinvolvi l-Kumitati ta’ djalogu soċjali settorjali Ewropew.

Dawn l-arranġamenti sejrin jiġu speċifikati f’komunikazzjoni li qiegħda titħejja dwar id-dimensjoni settorjali tal-politika industrijali. Għas-sena ta’ l-2005, minbarra fuq l-industrija tal-karozzi il-Kummissjoni se tiffoka l-isforzi tagħha fuq l-evoluzzjoni tas-settur tat-tessuti u l-bini tal-vapuri.

c) Azzjonijiet oħra

Barra minn hekk, il-Kummissjoni pproponiet li tniehdi inizjattivi teknoloġiċi konġunti biex tiffinanzja programmi ta’ żvilupp ta’ prodotti jew servizzi utli soċjalment, suxxetibbli li joħolqu vantaġġ kompetittiv u li joħolqu swieqi u impjiegi ġodda.

Il-pjattaformi teknoloġiji, sejrin joffru forum fejn il-partijiet ikkonċernati kollha sejrin jidentifikaw il-ħtiġijiet skond l-istat attwali tar-riċerka u ta’ l-iżvilupp teknoloġiku.

Jeħtieġ ukoll li jitkabbru kemm jista’ jkun, l-opportunitajiet ta’ impjieġi ġodda miġjuba permezz ta’ tendenzi attwali. Il-Pjan ta’ Azzjoni għat-Tekonoloġiji Ekoloġiċi hu fattur strateġiku hawnhekk.

Il-politika tal-kompetizzjoni

B’mod ġenerali, applikazzjoni stretta tar-regoli ta’ kompetizzjoni, li tinkludi l-kontroll ta’ l-għajnuna statali, tikkontribwixxi b’mod sinifikanti għal tkabbir u impjieg fit-tul u tgħin biex ikun hemm prodotti u servizzi aħjar li fl-istess ħin jirreflettu l-valuri distinti Ewropej, b’mod partikolari rispett għall-ambjent, kif ukoll kundizzjonijiet tax-xogħol aċċetabbli.

Fil-qasam ta’ l-għajnuna statali, il-Kummmissjoni taħdem fuq riforma tal-poltika tagħha ta’ kontroll ta’ l-għajnuna statali, b’mod partikolari bl-għan li tikkontrobwixxi għall-implimentazzjoni ta’ l-Aġenda ta’ Liżbona billi l-għajnuna statali titmexxa lejn il-kategoriji li jikkontribwixxu l-aktar għat-tkabbir u l-impjieg.

B'rigward il-kontroll tal-konċentrazzjonijiet ta’ l-intrapriżi, ir-Regolament ġdid ta’ Inkorporazzjoni jiffaċilita l-istrutturar mill-ġdid industrijali u s-soluzzjonijiet għall-isfidi ta’ l-ekonomija globali, filwaqt li fl-istess ħin jiżgura li l-inkorporazzjonijet li joħolqu irregolaritajiet fil-kompetizzjoni jitwaqqfu jew jiġu emendati.

Rappreżentanti ta’ l-impjegati huma f’pożizzjoni li jgħarrfu l-opinjoni tagħhom lill-Kummissjoni fl-ambitu ta’ l-istħarriġ li jkun qed isir dwar kwistjonijiet ta’ kompetizzjoni partikolari

- skond ir-Regolament ta’ Inkorportazzjoni u bl-istess mod il-proċeduri ta’ antitrust , rappreżentanti ta’ l-impjegati diġà għandhom id-dritt li jinstemgħu bħala partijiet terzi; jistgħu jressqu osservazzjonijiet bil-miktub, jieħdu sehem fis-smigħ u jitolbu li ssir laqgħa;

- skond ir-regoli u proċeduri fil-qasam ta’ l-għajnuna statali, ir-rappreżentanti ta’ l-impjegati għandhom il-ħila bħala partijiet terzi li jressqu tagħrif lill-Kummissjoni, li tista’ tqis wara li ressqet tagħrif bħal dan lill-Istat- Membru kkonċernat għal opinjoni; il-Kummissjoni tista’ wkoll tiltaqa’ ma’ rappreżentanti ta’ l-impjegati biex tisma’ l-opinjonijiet tagħhom dwar każi partikolari.

Il-politika esterna

L-Aġenda soċjali tistipula, permezz ta’ azzjonijiet esterni, il-promozzjoni ta’ l-impjieg, tal-politika soċjali u ta’xogħol deċenti għal kulħadd. Dan sejjer jinvolvi l-promozzjoni tad-drittijiet soċjali fondamentali, l-iżvilupp tad-djalogu soċjali, tar-responsabbiltà soċjali ta’ l-imprizi u tal-kopertura tal-protezzjoni soċjali, kif ukoll tal-promozzjoni ta-tmexxija proattiva tal-bidla fuq livell dinji. Dawn l-għanijiet sejrin jitkomplew fil-qafas ta’ l-iskambji bejn l-UE u l-imsieħba tagħha, kif ukoll ma’ l-organizzazzjonijiet internazzjonali (ILO, OECD, NU, u l-organizzazzjonijiet involuti fil-gvern ekonomiku - IMF, Bank Dinji u WTO).

Fil-qasam kummerċjali, il-Kummissjoni sejra tkompli l-isforzi tagħha biex tiżgura li l-konferenza tan-negozjati ta’ Doha tkun fattur ta’ żvilupp. Hi sejra tieħu ħsieb ukoll li ssaħħaħ il-ħarsien tal-proprjetà intelletwali u l-ġlieda kontra l-falsifikazzjoni. Fl-aħħar, hi sejra tkompli tieħu l-miżuri meħtieġa u stipulati fil-ftehim tad-WTO, biex tirribatti l-effetti avversi tal-prassi li jivvjolaw il-prinċipji ta’ bażi ta’ ekonomija ta’ suq (dumping u sussidji illegali)

It-tisħiħ ta’ l-istrumenti ta’ miżura ta’ l-istru tturar mill-ġdid

Iċ-Ċentru Ewropew ta’ Superviżjoni għall-Bidla f’Dublin se jintalab biex jiżviluppa l-għodda ta’ l-analiżi kwantitattiva u kwalitattiva u ta’ superviżjoni ta’ l-istrutturar mill-ġdid sabiex jagħti sisien aktar sodi għad-dibattitu pubbliku dwar l-istrutturar mill-ġdid u r-rilokazzjonijiet.

It-tisħiħ ta’ l-isħubija għat-tibdil

It-tisħiħ tad-djalogu soċjali settorjali Ir-responsabbiltà soċjali ta’ l-impriżi Il-ħolqien ta’ forum “Strutturar mill-ġdid”. |

- Minbarra s-sejħa li hi magħmula lilhom fil-punt 2.4 hawn isfel, l-imsieħba soċjali għandhom rwol deċiżiv, b’mod partikolari f’żewġ oqsma :

- fi ħdan il-Kumitati ta’ djalogu soċjali settorjali Ewropew, għandhom jiżviluppaw mezzi biex iħabbru l-bidla strutturali, imsejsa b’mod partikolari fuq il-konklużjonijiet tan-negozjati msemmija fil-punt 2.4 hawn isfel, kif ukoll fuq xogħlijiet żviluppati rigward is-superviżjoni settorjali u reġjonali;

- permezz ta’ l-għarfien tagħhom tas-setturi, huma jistgħu javżaw u jwissu l-awtoritajiet pubbliċi, f’kull livell. Jekk l-imsieħba soċjali jiddeċiedu li jwissu dwar żvilupp li jħasseb, il-Kummissjoni tista’ tiddeċiedi li twettaq superviżjoni settorjali u reġjonali msaħħa skond id-dispożizzjonijiet iddefiniti fil-punti 2.1.3 u 2.1.4 hawn isfel.

Il-Kummissjoni sejra tippreżenta dalwaqt Komunikazzjoni dwar ir-Responsabbiltà Soċjali ta’ l-Impriżi, li għandha x’taqsam b’mod partikolari ma’ l-inizjattivi pożittivi meħudha mill-impriżi flimkien mal-partijiet interessati f’każ ta’ strutturar mill-ġdid. L-evidenza turi li l-Kumpaniji li huma kapaċi jieħdu ħsieb strutturar mill-ġdid b’mod soċjalment responsabbli ħafna drabi huma dawk li għandhom riżultati tajba f’termini ta’ kompetittività u fl-addattament għas-suq.

Fl-2005, il-Kummissjoni sejra twaqqaf Forum dwar “Strutturar mill-ġdid”. Imsejsa fuq ix-xogħol żviluppat mill-korpi eżistenti, il-missjoni ta' dan il-Forum sejra tkun li jsegwi b'mod regolari l-evoluzzjonijiet b’dan il-mod u li jippromwovi l-istruttura ta’ l-inizjattivi differenti, li jimplika l-parteċipazzjoni, minbarra dik tal-Kummissjoni, ta’ istituzzjonijiet Ewropej oħra kif ukoll ta’ l-imsieħba soċjali u tar-rappreżentanti tal-Komunità xjentifika.

L-addatament tal-qafas regolamentari u konvenzjonali

Il-modernizzazzjoni u s-semplifikazzjoni tar-regolamentazzjoni Il-Green Paper dwar l-Evoluzzjoni tad-dritt tax-xogħol. Il-promozzjoni tal-mobilità tal-ħaddiema |

- L-ewwelnett, hawnhekk jeħtieġ li jiġu mfakkra, l-azzjonijiet ta’ modernizzazzjoni u ta’simplifikazzjoni tar-Regolament stipulati fil-Programm ta’ Azzjoni ta’ Liżbona).

Fil-qafas tal- Green Paper dwar l-Iżvilupp tal-Liġi tax-Xogħol, il-Kummissjoni sejra tanalizza l-iżviulpp preżenti tal-mudelli ġodda ta’ organizzazzjoni tax-xogħol u r-rwol tal-liġi tax-xogħol meta wieħed ikollu jaħbat wiċċu ma’ dawn l-iżviluppi filwaqt li tipprovdi ambjent li jiffavorixxi t-tranżizzjonijiet effettivi fis-suq tax-xogħol.

Bl-iskop li tippromwovi l-mobbiltà intra-Komunitarja, il-Kummissjoni se tippreżenta proposta ta’ Direttiva relatata mat-titjib tal-probabbiltà għad-drittijiet ta’ pensjoni supplimentari.

It-tieni fażi ta’ konsultazzjoni ta’ l-imsieħba soċjali Ewropej dwar l-i strutturar mill-ġdid ta’ l-impriżi u l-Kumitati ta’ l-impriżi Ewropej.

Din it-tieni fażi ta’ konsultazzjoni tikkonsisti fl-istedina ta’ l-imsieħba soċjali biex jimpenjaw ruħhom aktar dwar il-mezzi ta’ antiċipazzjoni u ta’ tmexxija ta’ l-istrutturar mill-ġdid. Huma fil-fatt il-parteċipanti prinċipali għal azzjoni effiċjenti rigward l-istrutturar mill-ġdid.

Din it-tieni fażi ta’ konsultazzjoni għandha l-ewwelnett tikkonsisti fl-istedina ta’ l-imsieħba soċjali sabiex jissoktaw ix-xogħol li diġà għaddej billi jinkoraġġixxu l-adozzjoni ta’ l-aħjar prassi tal-linji gwida tagħhom dwar l-istrutturar mill-ġdid u l-Kumitat ta’ l-impriżi Ewropej.

Il-Kummissjoni kienet avżathom dwar il-kwistjoni ta’ l-istrutturar mill-ġdid minn Jannar 2002, billi talbithom jidentifikaw u jiżviluppaw prassi tajba rigward l-istrutturar mill-ġdid madwar l-Ewropa kollha. Għaldaqstant, l-imsieħba soċjali, identifikaw il-linji gwida ta’ referenza għat-tmexxija tal-bidla. L-iskop ta’ dan il-pass il-ġdid hu li jiżgura l-implimentazzjoni ta’ dawn il-linji ta’ gwida, kif ukoll l-iżvilupp ġejjieni tagħhom, b’mod partikolari biex jinkoraġġixxu l-adozzjoni ta’ dawn il-linji gwida.

Barra minn hekk, f’April 2004, il-Kummissjoni nediet l-ewwel fażi ta’ konsultazzjoni dwar ir-reviżjoni tad-Direttiva dwar il-Kumitati ta’ impriżi Ewropej. Dawn ta’ l-aħħar għandhom rwol kruċjali fit-tħabbir u t-temxxija ta’ l-istrutturar mill-ġdid. L-imsieħba soċjali, impenjaw, hawnhekk ukoll, riflessjoni fuq livell Ewropew bl-għan li jistabbilixxu l-prinċipji u l-linji gwida dwar l-eżami tal-Kumitati stabbiliti.

Rigward dawn ix-xogħlijiet u kontribuzzjonijiet, il-Kummissjoni tikkunsidra li jeħtieġ li jkun hemm aktar djalogu soċjali Ewropew dwar dawn iż-żewġ kwistjonijiet marbutin mill-qrib, fil-qafas tas-sħubija għat-tkabbir u l-impjieg li jinsab fil-qalba ta’ l-istrateġija mġedda ta’ Liżbona. B’hekk, hi tinkoraġġixxi l-imsieħba soċjali Ewropej biex iżidu x-xogħlijiet li għaddejjin u li jibdew negozjati bl-għan li jwaqqfu ftehim bejniethom fuq il-modi u l-mezzi meħtieġa.

- sabiex jimplimentaw mekkaniżmi ta’ applikazzjoni u ta’ segwitu tal-linji gwida li diġà ġew definiti rigward l-istrutturar mill-did, kif ukoll dwar diskussjoni fuq l-iżvilupp tagħhom;

- sabiex jinkoraġġixxu l-adozzjoni ta’ l-aħjar prassi stabbilita fil-linji ta’ gwida dwar l-istrutturar mill-ġdid li diġà ġiet iddefinita, kif xieraq;

- sabiex jippromwovu l-aħjar prassi fil-ħidma tal-Kumitati ta’ l-impriżi Ewropej biex itejbu l-effikaċja tagħhom, b’mod partikolari rigward ir-rwol tagħhom bħala aġenti tal-bidla;

- biex jiżviluppaw strateġija komuni dwar il-punti l-oħra ta’ din il-Komunikazzjoni li jikkonċernaw lilhom, b’mod partikolari t-taħriġ, il-mobbiltà, l-aspett settorjali u ta’ l-antiċipazzjoni.

Il-Kummissjoni se ssegwi x-xogħlijiet ta’ l-imsieħba soċjali f’dan is-suġġett u se tanalizza l-progress mwettaq minn issa sas-Summit soċjali fi tliet partijiet ta’ l-2006.

Konklużjoni

Il-Kummissjoni temmen li l-istrutturar mill-ġdid m’għandhux iwassal għal telf soċjali u nuqqas ta’ sustanza ekonomika. Min-naħa l-oħra hu jista’ jiggarantixxi progress ekonomiku u soċjali. Madankollu, bil-kundizzjoni li dawn jkunu mħabbra kif suppost, li l-impriżi jistgħu jmexxuhom b’mod effiċjenti u mgħaġġel u li l-azzjoni pubblika tikkontribwixxi li l-bidla titwettaq f’kondizzjonijiet tajba.

Politika bl-għan li twaqqaf il-bidla, biex ikunu ffriżati l-istrutturi ekonomiċi, se tkunu biss qed tipposponi l-problema u tkabbar l-effetti ħżiena tagħha. Huma għandhom l-ħabta li jnaqqsu l-innovazzjonijiet u jwasslu għal nuqqas ta’ kompetittività ta’ l-imprizi Ewropej. Min-naħa l-oħra, il-politika li tnaqqas l-impjieg tal-ħaddiema jkollha effetti gravi fuq it-tkabbir potenzjali u l-koeżjoni soċjali.

It-tweġibiet li għandhom jingħataw fuq livell Komunitarju għandhom għalhekk jitnisġu madwar dawn l-erba’ ħtiġijiet :

- Bżonn ta’ koerenza bejn is-setturi tal-poltika kkonċernati jekk it-tkabbir u l-istrutturar mill-ġdid għandhom jeqirdu r-riżorsi umani.

- Bżonn fit-tul li jkopru s-setturi tal-politika Komunitarja differenti . Il-parteċipanti ekonomiċi u soċjali għandhom ikunu jistgħu jħabbru minn qabel biex jaġixxu.

- Ħtieġa ta’ parteċipazzjoni ta’l-parteċipanti kkonċernati kollha, l-aktar l-imsieħba soċjali.

- Kunsiderazzjoni ta' l-aspett territorjali peress li hu fuq livell lokali li l-antiċipazzjoni tal-bidla hi l-aktar effiċjenti. F’dan id-dawl, il-politika reġjonali u ta’ koeżjoni ta’ l-Unjoni Ewropea għandhom rwol ta’ katalizzatur.

Anness

Miżuri proposti

- Ir-reviżjoni ta’ l-Istrateġija Ewropea għall-Impjieg tiffoka fuq tliet prijoritajiet: iż-żieda fir-rata ta’ l-impjiegi, iż-żieda fl-addatabbiltà tal-ħaddiema u ta’ l-impriżi, investiment akbar fir-riżorsi umani.

- Ir-riforma ta’ l-istrumenti finanzjarji, sabiex b’mod partikolari tissaħħaħ il-kontribuzzjoni tal-politika ta’ koeżjoni, ta’ l-ESF u tal-programm Ewropej ta' edukazzjoni u ta' taħriġ kontinwu għall-istrateġija ta' Liżbona.

- Il-ħolqien ta’ fondi ta’ aġġustament għat-tkabbir (b’madwar Biljun €) u riżervi għal eventwalitajiet fil-qafas tal-politika ta’ koeżjoni (b’madwar 1% tal-fond “Konverġenza” u ta’ 3% tal-fond “Kompetittività”) biex jilqgħu l-iskossi eventwali.

- Il-promozzjoni ta’ normi soċjali fondamentali, ta’ xogħol deċenti u ta’ djalogu soċjali fis-setturi tal-politiki esterni.

- It-tisħiħ tas-superviżjoni ta’ l-istrutturar mill-ġdid mill-European Restructuring Monitor.

- Superviżjoni settorjali u reġjonali msaħħa tas-setturi suxxetibbli li jaraw evoluzzjonijiet sinjifikanti fil-kompetittività ta’ żmien qasir tagħhom.

- L-involviment aktar qawwi tal-Kumitati ta’ djalogu soċjali settorjali dwar il-kwistjonijiet ta’ strutturar mill-ġdid.

- Ħolqien ta’ task-force interna tal-Kummissjoni dwar l-istrutturar mill-ġdid.

- Il-ħolqien ta’ forum “Strutturar mill-ġdid”.

- It-tnedija ta’ Green Paper dwar l-evoluzzjoni tal-liġi tax-xogħol.

- It-tħaffif tal-mobilità intra-Komunitarja tal-ħaddiema.

- It-tnedija tat-tieni fażi ta’ konsultazzjoni ta’ l-imsieħba soċjali dwar l-istrutturar mill-ġdid u l-Kumitati ta’ l-impriżi Ewropej, b’mod partikolari bl-għan li jinkoraġġixxu l-adozzjoni tal-linji ta' gwida ta' l-aħjar prassi dwar l-istrutturar mill-ġdid u l-Kunsilli ta’ l-Impriżi Ewropej.