Regolament ta’ Implimentazzjoni tal-Kummissjoni (UE) Nru 208/2012

tad- 9 ta’ Marzu 2012

li jemenda r-Regolament ta' Implimentazzjoni (UE) Nru 562/2011 li jadotta l-pjan li jalloka lill-Istati Membri riżorsi li għandhom jitħallsu mill-baġit tas-sena 2012 għall-provvista tal-ikel mill-ħażniet tal-intervent għall-benefiċċju tal-persuni l-aktar fil-bżonn fl-Unjoni Ewropea u li jidderoga minn ċerti dispożizzjonijiet tar-Regolament (UE) Nru 807/2010

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 1234/2007 tat- 22 ta’ Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) [1], u b'mod partikolari l-punti (f) u (g) tal-Artikolu 43, flimkien mal-Artikolu 4 tiegħu,

Wara li kkunsidrat ir-Regolament tal-Kunsill (KE) Nru 2799/98 tal- 15 ta' Diċembru 1998 li jistabbilixxi arranġamenti agromonetarji għall-euro [2], u b'mod partikolari l-Artikolu 3(2) tiegħu,

Billi:

(1) L-Artikolu 27 tar-Regolament (KE) Nru 1234/2007 kif emendat bir-Regolament (UE) Nru 121/2012 tal-Parlament Ewropew u tal-Kunsill [3] stabbilixxa skema fejn il-prodotti tal-ikel jistgħu jitqassmu lill-persuni l-aktar fil-bżonn fl-Unjoni. Għal dik il-fini, jistgħu jkunu disponibbli l-prodotti fil-ħażniet tal-intervent jew, meta ħażniet tal-intervent adattati għall-iskema tat-tqassim tal-ikel ma jkunux disponibbli, il-prodotti tal-ikel jistgħu jinxtraw mis-suq. Għall-2012 u l-2013, dik l-iskema hija inkluża fil-lista ta' miżuri eleġibbli għall-finanzjament mill-Fond Agrikolu Ewropew ta' Garanzija (FAEG) stabbilit fir-Regolament tal-Kunsill (KE) Nru 1290/2005 tal- 21 ta' Ġunju 2005 dwar il-finanzjament tal-Politika Agrikola Komuni [4], f'limitu annwali ta' EUR 500 miljun.

(2) Skont l-Artikolu 27(3) tar-Regolament (KE) Nru 1234/2007, il-Kummissjoni għandha tadotta pjanijiet annwali. Il-pjan annwali ta' tqassim għall-2012 kien adottat fl- 10 ta' Ġunju 2011 bir-Regolament ta' Implimentazzjoni tal-Kummissjoni (UE) Nru 562/2011 [5] abbażi biss tal-prodotti disponibbli fil-ħażniet tal-intervent. L-Istati Membri għandhom jiġu allokati r-riżorsi addizzjonali disponibbli fis-sena baġitarja tal-2012 għat-tqassim tal-prodotti tal-ikel lill-persuni l-aktar bil-bżonn fl-Unjoni b'riżultat tal-emenda tal-Artikolu 27 tar-Regolament (KE) Nru 1234/2007 bir-Regolament (UE) Nru 121/2012.

(3) Sabiex jiġi infurzat il-limitu baġitarju annwali, meta jkun rilevanti, l-ispejjez tat-trasferiment ġewwa l-Unjoni għandhom jiġu inklużi fl-allokazzjoni finanzjarja totali disponibbli għal kull Stat Membru biex jiġi implimentat il-pjan ta' tqassim tal-2012. Barra minn hekk, għandhom jiġu aġġustati l-iskadenzi ffissati mill-Artikolu 9 tar-Regolament tal-Kummissjoni (UE) Nru 807/2010 tal- 14 ta’ Settembru 2010 li jippreskrivi regoli dettaljati għall-forniment ta’ ikel mill-ħażniet ta’ intervent għall-benefiċċju tal-persuni l-aktar fil-bżonn fl-Unjoni [6] għat-talbiet tal-ħlas u l-esekuzzjoni tal-ħlas mill-awtoritajiet, sabiex jiġi żġurat li r-riżorsi allokati fil-pjan ta' tqassim tal-2012 jkunu eleġibbli biss għall-appoġġ tal-Unjoni jekk dak il-ħlas jkun sar fis-sena baġitarja tal-2012.

(4) Jekk jitqies il-perjodu ta' żmien imqassar li fadal għall-Istati Membri biex jimplimentaw il-pjan ta' tqassim għall-2012 b'konsegwenza tad-data tad-dħul fis-seħħ tar-Regolament (UE) Nru 121/2012, ikun xieraq li tingħata estensjoni tal-iskadenzi previsti fl-Artikolu 3(1) u (3) tar-Regolament (UE) Nru 807/2010 fir-rigward tal-perjodu ta' implimentazzjoni tal-pjan annwali u l-ikkompletar tal-operazzjonijiet tal-ħlas għall-prodotti mobilizzati fis-suq.

(5) Dik ir-reviżjoni tal-pjan ta' tqassim tal-2012 qed issir fi żmien meta l-arranġamenti amministrattivi nazzjonali għall-implimentazzjoni tal-pjan qed joqorbu lejn it-tmiem tagħhom, il-kwantitajiet tal-prodotti disponibbli fil-ħażniet tal-intervent li huma allokati mill-ġdid wara d-deċiżjoni tal-Finlandja li tirrinunzja għal parti mill-allokazzjoni tagħha tal-ħalib tat-trab xkumat jew għal valutazzjoni mill-ġdid tal-ammonti preċiżi fil-ħażniet tal-intervent ma għandhomx jitqiesu meta jiġi kkalkulat jekk l-Istati Membri ikunux oservaw l-obbliġi stipulati fit-tieni u t-tielet subparagrafi tal-Artikolu 3(2) tar-Regolament (UE) Nru 807/2010 li jirtiraw 70 % taċ-ċereali u t-trab tal-ħalib xkumat sal-iskadenzi ffissati f'dak l-Artikolu.

(6) Minħabba l-fatt li l-perjodu ta' implimentazzjoni għall-pjan ta' tqassim tal-2012 huwa diġà avvanzat u biex l-Istati Membri jkollhom żmien biżżejjed possibbli biex jipproċedu għall-azzjonijiet meħtieġa għall-implimentazzjoni tal-pjan emendat, dan ir-Regolament għandu jidħol fis-seħħ fil-jum tal-pubblikazzjoni tiegħu.

(7) Ir-Regolament ta' Implimentazzjoni (UE) Nru 562/2011 għandu b'hekk jiġi emendat kif xieraq.

(8) Il-miżuri previsti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

ADOTTAT DAN IR-REGOLAMENT:

Artikolu 1

Ir-Regolament ta' Implimentazzjoni (UE) Nru 562/2011 huwa emendat kif ġej:

(1) L-Artikoli 1 u 2 huma sostitwiti b'dan li ġej:

"Artikolu 1

1. Fl-2012, it-tqassim tal-ikel lill-persuni l-aktar fil-bżonn fl-Unjoni skont l-Artikolu 27 tar-Regolament (KE) Nru 1234/2007 għandu jiġi implimentat skont il-pjan annwali ta' tqassim stabbilit fl-Anness I għal dan ir-Regolament.

Ir-riżorsi finanzjarji disponibbli għall-pjan tal-2012 jistgħu jintużaw mill-Istati Membri fil-limiti stabbiliti fil-punt (a) tal-Anness I.

Il-kwantitajiet għal kull tip ta' prodott li għandhom jiġu rtirati mill-ħażniet tal-intervent huma stabbiliti fil-punt (b) ta' dak l-Anness.

L-allokazzjonijiet indikattivi għall-Istati Membri għax-xiri tal-prodotti tal-ikel fis-suq tal-Unjoni huma stabbiliti fil-punt (c) ta' dak l-Anness.

2. L-użu taċ-ċereali bħala ħlas għall-mobilizzazzjoni tal-prodotti tar-ross fis-suq huwa awtorizzat, kif imsemmi fl-Artikolu 4(2) tar-Regolament (UE) Nru 807/2010.

Artikolu 2

It-trasferiment ġewwa l-Unjoni tal-prodotti elenkati fl-Anness II ta' dan ir-Regolament għandu jiġi awtorizzat, soġġett għall-kundizzjonijiet stipulati fl-Artikolu 8 ta-Regolament (UE) Nru 807/2010. L-allokazzjonijiet indikattivi lill-Istati Membri għar-rimborż tal-ispejjeż tat-trasferimenti ġewwa l-Unjoni, kif metħieġ skont il-pjan annwali ta' tqassim imsemmi fl-Artikolu 1, huma stabbiliti fil-punt (d) tal-Anness I."

(2) L-Artikoli 2a sa 2d huma mdaħħla:

"Artikolu 2a

Permezz ta' deroga mill-Artikolu 3(1) tar-Regolament (UE) Nru 807/2010, il-perjodu ta' implimentazzjoni għall-pjan annwali ta' tqassim tal-2012 għandu jintemm fit- 28 ta' Frar 2013.

Artikolu 2b

Permezz ta' deroga mill-Artikolu 3(3) tar-Regolament (UE) Nru 807/2010, għall-pjan ta' tqassim għall-2012, l-operazzjonijiet ta' ħlas għall-prodotti li għandhom jiġu fornuti mill-operatur, fil-każ ta' prodotti li għandhom jiġu mobilizzati fis-suq skont l-Artikolu 2(3)(a)(iii) u (iv) tar-Regolament (UE) Nru 807/2010, għandhom jitwettqu qabel il- 15 ta' Ottubru 2012.

Artikolu 2c

Għall-pjan ta' tqassim tal-2012, l-ewwel sentenza tat-tieni subparagrafu u tat-tielet subparagrafu tal-Artikolu 3(2) tar-Regolament (UE) Nru 807/2010, fejn ikun rilevanti, ma għandhomx japplikaw għall-kwantitajiet tal-ħażniet tal-intervent li ġejjin:

(a) 5,46 tunnellata ta' ċereali maħżuna fir-Renju Unit u allokati lill-Bulgaria;

(b) 0,651 tunnellata ta' ċereali maħżuna fil-Finlandja u allokati lill-Bulgaria;

(c) 249,04 tunnellata ta' ċereali maħżuna fi Franza u allokati lil Franza;

(d) 635,325 tunnellata ta' ħalib tat-trab xkumat,maħżuna fl-Estonja u allokati lill-Estonja.

Artikolu 2d

Permezz ta' deroga mill-Artikolu 9 tar-Regolament (UE) Nru 807/2010, għall-pjan ta' tqassim tal-2012, għandhom jitressqu talbiet għall-ħlas lill-awtoritajiet kompetenti ta' kull Stat Membru sat- 30 ta' Settembru 2012. Ħlief f'każi ta' force majeure, ma jiġux aċċettati talbiet li jitressqu wara dik id-data.

Għandha tkun eleġibbli biss in-nefqa fil-limiti stabbiliti fil-punt (a) tal-Anness I, għall-finanzjament mill-Unjoni, jekk din tkun tħallset mill-Istat Membru lill-benefiċjarju sa mhux aktar tard mill- 15 ta' Ottubru 2012."

(3) L-Annessi I u II huma sostitwiti mit-test stabbilit fl-Anness għal dan ir-Regolament.

Artikolu 2

Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, id- 9 ta’ Marzu 2012.

Għall-Kummissjoni

Il-President

José Manuel Barroso

[1] ĠU L 299, 16.11.2007, p. 1.

[2] ĠU L 349, 24.12.1998, p. 1.

[3] ĠU L 44, 16.2.2012, p. 1.

[4] ĠU L 209, 11.8.2005, p. 1.

[5] ĠU L 152, 11.6.2011, p. 24.

[6] ĠU L 242, 15.9.2010, p. 9.

--------------------------------------------------

ANNESS

"

ANNESS I

PJAN ANNWALI TA' TQASSIM GĦALL-2012

(a) Ammonti totali tar-riżorsi finanzjarji elenkati għal kull Stat Membru:

(f'EUR) |

Stat Membru | Ammont |

Il-Belġju | 11710463 |

Il-Bulgarija | 21439346 |

Ir-Repubblika Ċeka | 135972 |

L-Estonja | 2359486 |

L-Irlanda | 2594467 |

Il-Greċja | 21651199 |

Spanja | 80401345 |

Franza | 70563823 |

L-Italja | 95641425 |

Il-Latvja | 5558220 |

Il-Litwanja | 7491644 |

Il-Lussemburgu | 171704 |

L-Ungerija | 13715022 |

Malta | 721992 |

Il-Polonja | 75296812 |

Il-Portugall | 19332607 |

Ir-Rumanija | 60689367 |

Is-Slovenja | 2533778 |

Is-Slovakkja | 5098384 |

Il-Finlandja | 2892944 |

Total | 500000000 |

(b) Kwantità għal kull tip ta' prodott li għandha tiġi rtirata mill-ħażniet tal-intevent tal-Unjoni għat-tqassim għal kull Stat Membru fil-limiti stabbiliti fil-punt(a) ta' dan l-Anness:

(f'tunnellati) |

Stat Membru | Ċereali | Ħalib tat-trab xkumat |

Il-Belġju | | 1560,275 |

Il-Bulgarija | 39150,874 | |

Ir-Repubblika Ċeka | 450,000 | |

L-Estonja | | 635,325 |

L-Irlanda | | 727,900 |

Il-Greċja | | 2682,575 |

Spanja | | 10093,975 |

Franza | 249,040 | 8858,925 |

L-Italja | | 12337,975 |

Il-Latvja | | 870,050 |

Il-Litwanja | | 1032,575 |

L-Ungerija | | 1807,425 |

Malta | 1230,373 | |

Il-Polonja | | 9662,825 |

Il-Portugall | | 2524,725 |

Ir-Rumanija | 112527,069 | |

Is-Slovenja | | 287,750 |

Is-Slovakkja | 8976,092 | |

Il-Finlandja | | 489,300 |

Total | 162583,448 | 53571,600 |

(c) Allokazzjonijiet indikattivi għall-Istati Membri għax-xiri tal-prodotti tal-ikel fis-suq tal-Unjoni fil-limiti stabbiliti fil-punt (a) ta' dan l-Anness:

(f'EUR) |

Stat Membru | Ammont |

Il-Belġju | 8346393 |

Il-Bulgarija | 14004438 |

Ir-Repubblika Ċeka | 70619 |

L-Estonja | 1136698 |

L-Irlanda | 1200145 |

Il-Greċja | 15656380 |

Spanja | 57977800 |

Franza | 51172604 |

L-Italja | 68479620 |

Il-Latvja | 3736468 |

Il-Litwanja | 5281095 |

Il-Lussemburgu | 161225 |

L-Ungerija | 9751550 |

Malta | 493784 |

Il-Polonja | 54100415 |

Il-Portugall | 13763634 |

Ir-Rumanija | 39979504 |

Is-Slovenja | 1883893 |

Is-Slovakkja | 3590632 |

Il-Finlandja | 1871094 |

Total | 352657991 |

(d) Allokazzjonijiet indikattivi għall-Istati Membri għar-rimborż tal-ispejjeż ta' trasferiment ġewwa l-Unjoni fil-limiti stabbiliti fil-punt (a) ta' dan l-Anness:

(f'EUR) |

Stat Membru | Ammont |

Il-Bulgarija | 2300431 |

Ir-Repubblika Ċeka | 12211 |

Il-Greċja | 126066 |

Spanja | 401345 |

Franza | 17915 |

L-Italja | 399005 |

Il-Latvja | 5509 |

L-Ungerija | 61128 |

Malta | 63361 |

Il-Polonja | 205907 |

Il-Portugall | 108700 |

Ir-Rumanija | 5970071 |

Is-Slovenja | 7073 |

Is-Slovakkja | 305884 |

Il-Finlandja | 15394 |

Total | 10000000 |

ANNESS II

(a) Trasferimenti taċ-ċereali ġewwa l-Unjoni awtorizzati skont il-pjan ta' distribuzzjoni għas-sena baġitarja 2012:

| Kwantità (f'tunnellati) | Detentur | Riċevitur |

1 | 33989,414 | Aġenzija għall-Affarijiet Rurali, Il-Finlandja | Държавен фонд "Земеделие" — Разплащателна агенция, il-Bulgarija |

2 | 5161,460 | RPA, Ir-Renju Unit | Държавен фонд "Земеделие" — Разплащателна агенция, il-Bulgarija |

3 | 450,000 | SJV, L-Isvezja | SZIF, Ir-Repubblika Ċeka |

4 | 1230,373 | SJV, L-Isvezja | L-Aġenzija tal-Pagamenti tal-Ministeru għar-Riżorsu u l-Affarijiet Rurali, Malta |

5 | 16856,043 | BLE, Il-Ġermanja | Agenția de Plăți și Intervenție pentru Agricultură, ir-Rumanija |

6 | 41360,295 | Aġenzija għall-Affarijiet Rurali, Il-Finlandja | Agenția de Plăți și Intervenție pentru Agricultură, ir-Rumanija |

7 | 54310,731 | SJV, L-Isvezja | Agenția de Plăți și Intervenție pentru Agricultură, ir-Rumanija |

8 | 147,000 | FranceAgriMer, Franza | Pôdohospodárska platobná agentúra, Is-Slovakkja |

9 | 8829,092 | SJV, L-Isvezja | Pôdohospodárska platobná agentúra, Is-Slovakkja |

(b) Trasferimenti tat-trab tal-ħalib xkumat ġewwa l-Unjoni awtorizzati skont il-pjan ta' distribuzzjoni għas-sena tal-baġit 2012:

| Kwantità (f'tunnellati) | Detentur | Riċevitur |

1 | 2682,575 | BLE, Il-Ġermanja | OPEKEPE, Il-Greċja |

2 | 330,350 | SZIF, Ir-Repubblika Ċeka | FEGA, Spanja |

3 | 6308,425 | OFI, L-Irlanda | FEGA, Spanja |

4 | 3455,200 | RPA, Ir-Renju Unit | FEGA, Spanja |

5 | 2118,875 | RPA, Ir-Renju Unit | FranceAgriMer, Franza |

6 | 7904,825 | BIRB, Il-Belġju | AGEA, L-Italja |

7 | 1476,375 | OFI, L-Irlanda | AGEA, L-Italja |

8 | 2749,625 | Dienst Regelingen Roermond, Il-Pajjiżi l-Baxxi | AGEA, L-Italja |

9 | 207,150 | SJV, L-Isvezja | AGEA, L-Italja |

10 | 870,050 | Lietuvos žemės ūkio ir maisto produktų rinkos reguliavimo agentūra. Il-Litwanja | Servizz ta' Appoġġ Rurali Il-Latvja |

11 | 1807,425 | RPA. Ir-Renju Unit | Mezőgazdasági és Vidékfejlesztési Hivatal. L-Ungerija |

12 | 3294,150 | BLE. Il-Ġermanja | ARR. Il-Polonja |

13 | 1675,025 | Lietuvos žemės ūkio ir maisto produktų rinkos reguliavimo agentūra. Il-Litwanja | ARR. Il-Polonja |

14 | 4692,825 | RPA. Ir-Renju Unit | ARR. Il-Polonja |

15 | 2524,275 | RPA. Ir-Renju Unit | IFAP I.P. Il-Portugall |

16 | 287,750 | Dienst Regelingen Roermond. Il-Pajjiżi l-Baxxi | Agencija Republike Slovenije za kmetijske trge in razvoj podeželja. Is-Slovenja |

17 | 489,300 | Dienst Regelingen Roermond. Il-Pajjiżi l-Baxxi | Aġenzija għall-Affarijiet Rurali. Il-Finlandja |

"

--------------------------------------------------