Direttiva tal-Kummissjoni 2010/22/UE

tal- 15 ta’ Marzu 2010

li temenda, għall-għanijiet tal-adattament tagħhom għall-progress tekniku, id-Direttivi tal-Kunsill 80/720/KEE, 86/298/KEE, 86/415/KEE u 87/402/KEE u d-Direttivi 2000/25/KE u 2003/37/KE tal-Parlament Ewropew u tal-Kunsill, dwar l-approvazzjoni tat-tip ta’ tratturi agrikoli jew forestali

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 80/720/KEE tal- 24 ta’ Ġunju 1980 dwar l-approssimazzjoni tal-liġijiet tal-Istati Membri li jirrigwardaw l-ispazju għall-immanuvrar, l-aċċess għall-pożizzjoni tas-sewqan u l-bibien u t-twieqi ta’ tratturi bir-roti għall-agrikoltura jew għall-foresterija [1], b’mod partikolari l-Artikolu 3 tagħha,

Wara li kkunsidrat id-Direttiva tal-Kunsill 86/298/KEE tas- 26 ta’ Mejju 1986 dwar strutturi mwaħħla fuq wara ta’ tratturi agrikoli jew forestali [2] tat-tip narrow-tracked bħala protezzjoni fil-każ li jinqalbu, u b’mod partikolari l-Artikolu 12 tagħha,

Wara li kkunsidrat id-Direttiva tal-Kunsill 86/415/KEE tal- 24 ta’ Lulju 1986 dwar l-istallazzjoni, il-post, l-operazzjoni u l-identifikazzjoni tal-kontrolli ta’ tratturi bir-roti għall-agrikoltura jew għall-forestrija [3], u b’mod partikolari l-Artikolu 4 tagħha,

Wara li kkunsidrat id-Direttiva tal-Kunsill 87/402/KEE tal- 25 ta’ Ġunju 1987 dwar strutturi mwaħħla fuq wara ta’ tratturi agrikoli jew forestali tat-tip narrow-tracked bħala protezzjoni fil-każ li jinqalbu [4], u b’mod partikolari l-Artikolu 11 tagħha,

Wara li kkunsidrat id-Direttiva tal-Kunsill 2000/25/KE tal-Parlament Ewropew u l-Kunsill tat- 22 ta’ Mejju 2000 dwar l-azzjoni li għandha tittieħed kontra l-emissjonijiet ta’ inkwinanti ta’ gass u partikolati minn magni għat-tmexxija ta’ tratturi għall-agrikoltura jew għall-forestrija u li temenda d-Direttiva tal-Kunsill 74/150/KEE [5], u b’mod partikolari l-Artikolu 7 tagħha,

Wara li kkunsidrat id-Direttiva 2003/37/KE tal-Parlament Ewropew u tal-Kunsill tas- 26 ta’ Mejju 2003 dwar l-approvazzjoni tat-tip ta’ tratturi għall-agrikoltura jew għall-forestrija, il-karrijiet tagħhom u makkinarju tal-irmonk u li jista’ jinbidel, flimkien mas-sistemi, komponenti u unitajiet separati tekniċi tagħhom u li tħassar id-Direttiva 74/150/KEE [6], u b’mod partikolari l-punti (a) u (b) tal-Artikolu 19(1) tagħha,

Billi:

(1) Fir-rigward tad-Direttiva 80/720/KEE, jixraq li jiġi ċċarat liema twieqi jistgħu jiġu allokati bħala ħruġ ta’ emerġenza.

(2) Fir-rigward tad-Direttiva 86/415/KEE, biex titjieb is-sikurezza tat-tratturi jixraq li jiġu speċifikati kundizzjonijiet ta’ sikurezza għall-kontrolli esterni tal-veloċità rotazzjonali ta’ tluq (power take-off).

(3) Fir-rigward tad-Direttiva 86/415/KEE, l-użu ta’ stampi skont l-istandards ISO 3767-1:1996 u ISO 3767-2:1996 bħala simboli għall-kontrolli għandhom jiġu permessi biex jadattaw l-istandards Komunitarji għall-istandards applikati fil-qafas tal-kontrolli ta’ tratturi bir-roti agrikoli jew forestali mad-dinja kollha.

(4) Fir-rigward tad-Direttiva 2000/25/KE, ċerti indikazzjonijiet addizzjonali għandhom jiġu speċifikati biex ikunu konsistenti mal-introduzzjoni ta’ ċerti limiti fl-istadji (IIIA, IIIB u IV), introdotti mid-Direttiva tal-Kummissjoni 2005/13/KE [7].

(5) Fir-rigward tad-Direttiva 2003/37/KE, għandu jiġi inkluż kliem iktar preċiż dwar ċerti punti fid-dokumenti ta’ informazzjoni, għal raġunijiet ta’ ċarezza.

(6) Fir-rigward tad-Direttivi 2003/37/KE, 86/298/KE u 87/402/KEE, fid-dawl tal-fatt li d-Deċiżjoni OECD C(2005) 1 tal-Kunsill tal-OECD ġiet emendata dan l-aħħar bid-Deċiżjoni C(2008) 128 ta’ Ottubru 2008, jixraq li jiġu aġġornati r-referenzi għall-kodiċijiet OECD. Għal raġunijiet ta’ ċertezza legali jeħtieġ li jiġu inklużi t-testi rilevanti ta’ dawn id-dokumenti OECD fid-Direttivi.

(7) Id-Direttivi 80/720/KEE, 86/298/KEE, 86/415/KEE, 87/402/KEE, 2000/25/KE u 2003/37/KE għandhom għalhekk jiġu emendati skont dan.

(8) Il-miżuri previsti f’din id-Deċiżjoni huma skont l-opinjoni tal-Kumitat stabbilita skont l-Artikolu 20(1) tad-Direttiva 2003/37/KE,

ADOTTAT DIN ID-DIRETTIVA:

Artikolu 1

Emendi għad-Direttiva 80/720/KEE

Id-Direttiva 80/720/KEE hija emendata skont l-Anness I ta’ din id-Direttiva.

Artikolu 2

Emenda għad-Direttiva 86/298/KEE

Id-Direttiva 86/298/KEE hija emendata skont l-Anness II ta’ din id-Direttiva.

Artikolu 3

Emenda għad-Direttiva 86/415/KEE

Id-Direttiva 86/415/KEE hija emendata skont l-Anness III ta’ din id-Direttiva.

Artikolu 4

Emenda għad-Direttiva 87/402/KEE

Id-Direttiva 87/402/KEE hija emendata skont l-Anness IV ta’ din id-Direttiva.

Artikolu 5

Emenda għad-Direttiva 2000/25/KE

Id-Direttiva 2000/25/KE hija emendata skont l-Anness V ta’ din id-Direttiva.

Artikolu 6

Emenda għad-Direttiva 2003/37/KE

Id-Direttiva 2003/37/KE hija emendata kif ġej:

1. fl-Artikolu 12(4), il-kliem "bulettin tat-test" huma sostitwiti bil-kliem "rapport tat-test"

[jikkonċerna biss il-verżjoni bl-Ingliż];

2. l-Annessi I u II huma emendati skont l-Anness VI ta’ din id-Direttiva.

Artikolu 7

Traspożizzjoni

1. L-Istati Membri għandhom jadottaw u jippubblikaw, sa mhux iktar tard mit- 30 ta’ April 2011 il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma’ din id-Direttiva. Huma għandhom jgħaddu t-test ta’ dawn id-dispożizzjonijiet mingħajr dewmien lill-Kummissjoni.

Huma għandhom japplikaw dawn id-dispożizzjonijiet mill- 1 ta’ Mejju 2011, bl-eċċezzjoni tal-Artikolu 5 li għandhom japplikaw mid-data tad-dħul fis-seħħ ta’ din id-Direttiva. Meta l-Istati Membri jadottaw dawk id-dispożizzjonijiet, dawn għandhom jinkludu referenza għal din id-Direttiva jew ikunu akkumpanjati b’tali referenza fl-okkażjoni tal-pubblikazzjoni uffiċjali tagħhom. L-Istati Membri għandhom jistabbilixxu kif għandha ssir din ir-referenza.

2. L-Istati Membri għandhom jikkomunikaw lill-Kummissjoni t-test tad-dispożizzjonijiet prinċipali tal-liġi nazzjonali li huma jadottaw fil-kamp kopert minn din id-Direttiva.

Artikolu 8

Dħul fis-seħħ

Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Artikolu 9

Id-destinarji

Din id-Direttiva hija indirizzata lill-Istati Membri.

Magħmul fi Brussell, il- 15 ta’ Marzu 2010.

Ghall-Kummissjoni

Il-President

José Manuel Barroso

[1] ĠU L 194, 28.07.1980, p. 1.

[2] ĠU L 186, 8.7.1986, p. 26.

[3] ĠU L 240, 26.8.1986, p. 1.

[4] ĠU L 220, 8.8.1987, p. 1.

[5] ĠU L 173, 12.7.2000, p. 1.

[6] ĠU L 171, 9.7.2003, p. 1.

[7] ĠU L 55, 1.3.2005, p. 35.

--------------------------------------------------

ANNESS I

Emendi għad-Direttiva 80/720/KEE

L-Anness I tad-Direttiva 80/720/KEE huwa emendat kif ġej:

1. Il-Punt III.4 huwa mħassar;

2. Fil-punt III.5 jiżdied is-subparagrafu li ġej:

"Kull tieqa ta’ daqs suffiċjenti tista’ tiġi allokata bħala ħruġ ta’ emerġenza jekk dawn ikunu magħmula minn ħġieġ li jista’ jitkisser permezz ta’ għodda pprovduta fil-kabina għal dak il-għan. Il-ħġieġ li jissemma fl-Appendiċi 3, 4, 5, 6 u 7 tal-ANNESS III B tad-Direttiva tal-Kunsill 89/173/KEE [*] mhuwiex ikkunsidrat li huwa ħġieġ li jista’ jitkisser għall-fini ta’ din id-Direttiva.

[*] ĠU L 67, 10.3.1989, p. 1."

--------------------------------------------------

ANNESS II

Emendi għad-Direttiva 86/298/KEE

Id-Direttiva 86/298/KEE hija emendata kif ġej:

1. Fl-Anness I, il-punt 1 jinbidel b’dan li ġej:

"1. Id-definizzjonijiet u r-rekwiżiti tal-punt 1 tal-Kodiċi 7 [*] tad-Deċiżjoni OECD C(2008) 128 ta’ Ottubru 2008, għajr għall-punt 1.1 (Tratturi agrikoli u forestali), għandhom japplikaw, u jinqraw kif ġej:

"1. Definizjonijiet

1.1 [mhux applikabbli]

1.2 Struttura Protettiva fil-Każ ta’ Qlib (ROPS)

Struttura ta’ protezzjoni fil-każ ta’ qlib (kabina ta’ sikurezza jew qafas), minn issa ’il quddiem imsejħa "struttura ta’ protezzjoni", tfisser l-istruttura fuq trattur li l-iskop essenzjali tagħha huwa li jiġu evitati jew limitati riskji lix-xufier li jirriżultaw minn qlib tat-trattur waqt użu normali.

L-istruttura protettiva fil-każ ta’ qlib hija kkaratterizzata minn li jitħalla post għal żona ta’ spazju ħieles kbira biżżejjed biex tipproteġi lis-sewwieq meta jkun bil-qiegħda jew fl-involukru tal-istruttura jew fi ħdan spazju magħluq minn għadd ta’ linji dritti mit-truf ta’ barra tal-istruttura għal kwalunkwe parti tat-trattur li tista’ tiġi f’kuntatt ma’ art ċatta u li tkun kapaċi terfa’ lit-trattur f’din il-pożizzjoni jekk it-trattur jinqaleb.

1.3 Trekk

1.3.1 Definizzjoni preliminari: wiċċ medjan tar-rota

Il-wiċċ medjan tar-rota huwa ekwidistanti miż-żewġ uċuħ li jkollhom il-periferija tar-rimmijiet fit-truf ta’ barra tagħhom.

1.3.2 Definizzjoni ta’ trekk

Il-wiċċ vertikali minn ġol-fus tar-rota jaqsam minn naħa għal oħra l-wiċċ medjan tagħha tul linja dritta li tiltaqa’ mal-wiċċ li jerfa’ f’xi punt. Jekk A u B huma ż-żewġ punti hekk iddefiniti għar-roti fuq l-istess fus tat-trattur, il-wisa’ tat-trekk hija d-distanza bejn il-punti A u B. It-trekk tista’ tiġi ddefinita b’dan il-mod kemm għar-roti ta’ quddiem kif ukoll ta’ wara. Fejn hemm żewġ roti tewmin, it-trekk hija d-distanza bejn żewġ uċuħ b’kull wieħed minnhom bħala l-wiċċ medjan tal-pari tar-roti.

1.3.3 Definizzjoni addizzjonali: wiċċ medjan tat-trattur

Jittieħdu l-pożizzjonijiet estremi tal-punti A u B għall-fus ta’ wara tat-trattur, li huwa l-akbar valur possibbli għat-trekk. Il-wiċċ vertikali f’angolu rett mal-linja AB fil-punt ċentrali tagħha huwa l-wiċċ medjan tat-trattur.

1.4 Bażi tar-rota

Id-distanza bejn l-uċuħ vertikali għaddejjin miż-żewġ linji AB kif iddefinit hawn fuq, waħda għar-roti ta’ quddiem u waħda għar-roti ta’ wara.

1.5 Determinazzjoni tal-punt tal-indiċi tas-sit; Aġġustament tas-sit għat-test

1.5.1 Il-punt tal-indiċi tas-sit (SIP) [**]

Il-punt tal-indiċi tas-sit għandu jkun iddeterminat skont l-ISO 5353:1995

1.5.2 Post tas-sit u aġġustament għat-test

1.5.2.1 fejn l-inklinazzjoni tad-dar u l-wiċċ tas-sit tkun aġġustabbli, dawn iridu jkunu aġġustati sabiex il-punt tal-indiċi tas-sit ikun fil-pożizzjoni ta’ wara l-aktar wieqfa;

1.5.2.2 fejn is-sit ikun mgħammar b’sistema ta’ molol, din trid tingħalaq nofs triq, sakemm dan ma jkunx kontra l-istruzzjonijiet stabbiliti b’mod ċar mill-manifattur tas-sit.

1.5.2.3 fejn l-pożizzjoni tas-sit hija aġġustabbli fit-tul u vertikalment biss, l-assi lonġitudinali li jgħaddi mill-punt tal-indiċi tas-sit għandu jkun parrallel mal-wiċċ vertikali lonġitudinali tat-trattur li jgħaddi miċ-ċentru tal-istering u mhux aktar minn 100 mm minn dan il-wiċċ.

1.6 Żona ta’ spazju ħieles

1.6.1 Wiċċ ta’ referenza

Iż-żona ta’ spazju ħieles tidher fil-Figuri 7.1 u 7.2. Iż-żona hija ddefinita f’rapport mal-wiċċ ta’ referenza u l-punt tal-indiċi tas-sit (SIP). Il-wiċċ ta’ referenza huwa wiċċ vertikali, ġeneralment lonġitudinali mat-trattur u li jgħaddi mill-punt tal-indiċi tas-sedil u ċ-ċentru tal-istering. Normalment il-wiċċ ta’ referenza jikkoinċidi mal-wiċċ medjan lonġitudinali tat-trattur. Il-wiċċ ta’ referenza għandu jitqies li jersaq orizzontalment mas-sit u l-istering meta jkun mgħobbi iżda li jibqa’ perpendikulari mat-trattur jew mal-art tal-istruttura ta’ protezzjoni fil-każ ta’ qlib. Iż-żona ta’ spazju ħieles għandha tiġi ddefinita fuq il-bażi tas-sottoklawżoli 1.6.2 u 1.6.3.

1.6.2 Determinazzjoni taż-żona ta’ spazju ħieles għal tratturi b’sit mhux riversibbli

Iż-żona ta’ spazju ħieles għal tratturi b’sit mhux riversibbli hija ddefinita fil-1.6.2.1 sal-1.6.2.13 hawn taħt u hija magħluqa mill-uċuħ li ġejjin, meta t-trattur ikun fuq wiċċ orizzontali, is-sit, fejn ikun jista’ jiġi aġġustat, aġġustat fil-pożizzjoni ta’ wara l-aktar wieqfa [***], u l-istering, fejn ikun jista’ jiġi aġġustat, aġġustat fil-pożizzjoni tan-nofs għal sewqan bil-qiegħda:

1.6.2.1. wiċċ orizzontali A1 B1 B2 A2, (810 + av) mm ’il fuq mill-punt tal-indiċi tas-sit (SIP) mal-linja B1B2 li tinsab (ah–10) mm wara l-SIP;

1.6.2.2. wiċċ inklinat H1 H2 G2 G1, perpendikulari mal-wiċċ ta’ referenza, li jinkludi kemm punt 150 mm wara l-linja B1B2 kif ukoll l-iktar punt lura tad-dar tas-sit;

1.6.2.3. wiċċ forma ta’ ċilindru A1 A2 H2 H1 perpendikulari mal-wiċċ ta’ referenza, li għandu raġġ ta’ 120 mm, tanġenzjali mal-uċuħ iddefiniti fil-1.6.2.1 u l-1.6.2.2 hawn fuq;

1.6.2.4. wiċċ forma ta’ ċilindru B1 C1 C2 B2, perpendikulari mal-wiċċ ta’ referenza, li għandu raġġ ta’ 900 mm li jestendi ‘l quddiem għal 400 mm u tanġenzjali mal-wiċċ iddefinit fil-1.6.2.1 hawn fuq tul il-linja B1B2;

1.6.2.5. wiċċ inklinat C1 D1 D2 C2, perpendikulari mal-wiċċ ta’ referenza, li jingħaqad mal-wiċċ iddefinit fil-1.6.2.4 hawn fuq u li jgħaddi 40 mm mit-tarf estern ta’ quddiem tal-istering. Fil-każ ta’ pożizzjoni għolja tal-istering, dan il-wiċċ jestendi ‘l quddiem mill-linja B1B2 b’mod tanġenzjali mal-wiċċ iddefinit fil-1.6.2.4 hawn fuq;

1.6.2.6. wiċċ vertikali D1 K1 E1 E2 K2 D2 perpendikulari mal-wiċċ ta’ referenza, 40 mm ’il quddiem mit-tarf ta’ barra tal-istering;

1.6.2.7. wiċċ orizzontali E1 F1 P1 N1 N2 P2 F2 E2 li jgħaddi minn punt (90–av) mm taħt il-punt tal-indiċi tas-sit (SIP);

1.6.2.8. wiċċ G1 L1 M1 N1 N2 M2 L2 G2, jekk ikun meħtieġ jitgħawweġ mit-tarf ta’ isfel tal-wiċċ iddefinit fil-1.6.2.2 hawn fuq sal-wiċċ orizzontali ddefinit fil-1.6.2.7 hawn fuq, perpendikulari mal-wiċċ ta’ referenza, u jmiss mad-dar tas-sit ma tulu kollu;

1.6.2.9. żewġ uċuħ vertikali K1 I1 F1 E1 u K2 I2 F2 E2 paralleli mal-wiċċ ta’ referenza, 250 mm fuq kull naħa tal-wiċċ ta’ referenza, u magħluqa minn fuq 300 mm ’il fuq mill-wiċċ iddefinit fil-1.6.2.7 hawn fuq;

1.6.2.10. żewġ uċuħ inklinati u paralleli A1 B1 C1 D1 K1 I1 L1 G1 H1 u A2 B2 C2 D2 K2 I2 L2 G2 H2 li jibdew mit-tarf ta’ fuq tal-uċuħ iddefiniti fil-1.6.2.9 hawn fuq u jingħaqdu mal-wiċċ orizzontali ddefinit f’1.6.2.1 hawn fuq talinqas 100 mm mill-wiċċ ta’ referenza fuq in-naħa fejn tiġi applikata t-tagħbija;

1.6.2.11. żewġ uċuħ vertikali Q1 P1 N1 M1 u Q2 P2 N2 M2 paralleli mal-wiċċ ta’ referenza, 200 mm fuq kull naħa tal-wiċċ ta’ referenza, u magħluqa minn fuq 300 mm ’il fuq mill-wiċċ iddefinit f’1.6.2.7 hawn fuq;

1.6.2.12. żewġ porzjonijiet ta’ I1 Q1 P1 F1 u I2 Q2 P2 F2 ta’ wiċċ vertikali, perpendikulari mal-wiċċ ta’ referenza u li jgħaddu (210–ah) mm quddiem l-SIP;

1.6.2.13. żewġ porzjonijiet I1 Q1 M1 L1 u I2 Q2 M2 L2 tal-wiċċ orizzontali li jgħaddu 300 mm ’il fuq mill-wiċċ iddefinit f’1.6.2.7 hawn fuq.

1.6.3 Determinazzjoni taż-żona ta’ spazju ħieles għal tratturi b’pożizzjoni tas-sewwieq riversibbli

Għal tratturi b’pożizzjoni tas-sewwieq riversibbli (sit u stering riversibbli), iż-żona ta’ spazju ħieles huwa l-involukru taż-żewġ żoni ta’ spazju ħieles iddefiniti miż-żewġ pożizzjonijiet differenti tal-istering u s-sit.

1.6.4 Sits mhux obbligatorji

1.6.4.1 F’każ ta’ tratturi li jistgħu jintramaw b’sits mhux obbligatorji, l-involukru li fih il-punti tal-indiċi tas-sit tal-għażliet kollha offruti għandu jintuża matul it-testijiet. L-istruttura protettiva ma għandhiex tidħol fiż-żona l-kbira ta’ spazju ħieles li tqis dawn il-punti differenti tal-indiċi tas-sit.

1.6.4.2 F’każ fejn tiġi offruta għażla ġdida ta’ sit wara li jkun sar it-test, għandu jsir kalkolu biex jinstab jekk iż-żona ta’ spazju ħieles madwar l-SIP il-ġdid taqax fi ħdan l-involukru stabbilit qabel. Jekk ma taqax hemm, irid isir test mill-ġdid.

1.7 Tolleranzi permissibbli ta’ kejl

Dimensjoni lineari — deflessjoni tat-tajer : ± 1 mm

— deflessjoni tal-istruttura matul it-tagħbijiet orizzontali : ± 1 mm

— għoli tal-waqgħa tal-blokka tal-pendlu : ± 1 mm

Mases ± 1 %

Forzi ± 2 %

Angoli ± 2°

1.8 Simboli

ah | (mm) | Nofs l-aġġustament orizzontali tas-sit |

av | (mm) | Nofs l-aġġustament vertikali tas-sit |

B | (mm) | Wisa’ minima ġenerali tat-trattur |

B6 | (mm) | Wisa’ massima esterna tal-istruttura protettiva |

D | (mm) | Deflessjoni tal-istruttura fil-punt ta’ impatt (testijiet dinamiċi) jew fil-punt tal-applikazzjoni tat-tagħbija u bi dritt miegħu (testijiet statiċi) |

D′ | (mm) | Deflessjoni tal-istruttura għall-enerġija kkalkulata meħtieġa |

Ea | (J) | Enerġija ta’ tensjoni assorbita fil-punt meta titneħħa t-tagħbija. Żona kontenuta fil-kurva F-D |

Ei | (J) | Enerġija ta’ tensjoni assorbita. Żona taħt il-kurva F-D |

E′i | (J) | Enerġija ta’ tensjoni assorbita wara tagħbija addizzjonali wara qasma jew tiċrita |

E′′i | (J) | Enerġija ta’ tensjoni assorbita f’test ta’ eċċess ta’ tagħbija fil-każ li t-tagħbija tkun tneħħiet qabel jibda dan it-test ta’ eċċess ta’ tagħbija. Żona taħt il-kurva F-D |

Eil | (J) | Input ta’ enerġija li għandha tiġi assorbita matul it-tagħbija lonġitudinali |

Eis | (J) | Input ta’ enerġija li għandha tiġi assorbita matul it-tagħbija laterali |

F | (N) | Forza ta’ tagħbija statika |

F′ | (N) | Forza ta’ tagħbija għall-enerġija kkalkulata meħtieġa, li tikkorrispondi għal E′i |

F-D | | Dijagramma forza/deflessjoni |

Fmax | (N) | Forza massima ta’ tagħbija statika preżenti matul it-tagħbija, bl-eċċezzjoni ta’ tagħbija f’eċċess |

Fv | (N) | Forza vertikali ta’ tgħaffiġ |

H | (mm) | Għoli tal-waqgħa tal-blokka tal-pendlu (testijiet dinamiċi) |

H′ | (mm) | Għoli tal-waqgħa tal-blokka tal-pendlu għal test addizzjonali (testijiet dinamiċi) |

I | (kgm2) | Mument ta’ inerzja ta’ referenza tat-trattur madwar il-linja ċentrali tar-roti ta’ wara, tkun xi tkun il-massa ta’ dawn ir-roti ta’ wara |

L | (mm) | Distanza bejn il-fus ta’ quddiem u dak ta’ wara ta’ referenza tat-trattur |

M | (kg) | Massa ta’ referenza tat-trattur matul testijiet ta’ saħħa, kif iddefinit fit-Taqsima 3.1.1.4. tal-Anness II. |

2. L-Anness II huwa sostitwit b’dan li ġej:

"ANNESS II

Ħtiġijiet tekniċi

Il-ħtiġijiet tekniċi għall-approvazzjoni tat-tip KE ta’ strutturi mwaħħla fuq wara ta’ tratturi agrikoli jew forestali tat-tip narrow-tracked bħala protezzjoni fil-każ li jinqalbu għandhom ikunu dawk stabbiliti fil-punt 3 tal-Kodiċi 7 tad-Deċiżjoni OECD C(2008) 128 ta’ Ottubru 2008, minbarra l-punti 3.1.4 (Rapporti tat-test), 3.3.1 (Estensjonijiet amministrattivi), 3.4 (Ittikkettjar) u 3.6 (Ir-rendiment tal-ankraġġ taċ-ċinturin tas-sikurezza):

"3. REGOLI U STRUZZJONIJIET

3.1 Kundizzjonijiet għall-ittestjar tas-saħħa tal-istrutturi ta’ protezzjoni u tat-twaħħil tagħhom mat-trattur

3.1.1 Rekwiżiti ġenerali

3.1.1.1 L-iskopijiet tal-ittestjar

Testijiet li jsiru bl-użu ta’ riggijiet speċjali huma maħsuba biex jissimulaw tagħbijiet imposti fuq struttura ta’ protezzjoni, meta jinqaleb it-trattur. Dawn it-testijiet jippermettu li jsiru osservazzjonijiet fuq is-saħħa tal-istruttura ta’ protezzjoni u fuq kwalunkwe brakit li jgħaqqadha mat-trattur u fuq kwalunkwe parti tat-trattur li tittrasmetti t-tagħbija tat-test.

3.1.1.2 Metodi ta’ ttestjar

It-testijiet jistgħu jiġu mwettqa skont il-proċedura dinamika jew il-proċedura statika. Iż-żewġ metodi huma meqjusa ekwivalenti.

3.1.1.3 Regoli ġenerali li jirregolaw preparazzjoni għal testijiet

3.1.1.3.1 L-istruttura ta’ protezzjoni trid tikkonforma mal-ispeċifikazzjonijiet ta’ produzzjoni tas-serje. Għandha titwaħħal skont il-metodu rrakkomandat mill-manifattur ma’ wieħed mit-tratturi li għalihom hi ddisinjata.

Nota: Għat-test statiku tas-saħħa ma hemmx il-ħtieġa ta’ trattur komplut; madankollu, l-istruttura ta’ protezzjoni u l-partijiet tat-trattur li magħhom titwaħħal, jirrappreżentaw stallazzjoni li taħdem, minn issa 'l quddiem imsejħa "il-muntaġġ".

3.1.1.3.2 Kemm għat-test statiku kif ukoll għat-test dinamiku t-trattur kif immuntat (jew il-muntaġġ) irid ikun mgħammar bil-komponenti kollha tal-produzzjoni tas-serje li jistgħu jaffettwaw is-saħħa tal-istruttura ta’ protezzjoni jew li jistgħu jkunu meħtieġa għat-test tas-saħħa.

Il-komponenti li jistgħu joħolqu periklu fiż-żona ta’ spazju ħieles iridu wkoll jiġu mgħammra fuq it-trattur (jew il-muntaġġ) biex ikunu jistgħu jiġu eżaminati biex jinstab jekk ir-rekwiżiti tal-Kundizzjonijiet ta’ Aċċettazzjoni fi 3.1.3 ġewx ssodisfatti. Il-komponenti kollha tat-trattur jew tal-istruttura ta’ protezzjoni li jinkludu l-protezzjoni kontra t-temp iridu jiġu provduti jew deskritti fid-disinji.

3.1.1.3.3 Għat-testijiet tas-saħħa, il-pannelli kollha u l-komponenti kollha li mhumiex strutturali u li jistgħu jinqalgħu jridu jitneħħew biex ma jgħinux fit-tisħiħ tal-istuttura ta’ protezzjoni.

3.1.1.3.4 Il-wisa' tat-trekk trid tiġi aġġustata biex l-istruttura ta’ protezzjoni ma tkunx kemm jista' jkun mirfuda bit-tajers matul it-testijiet ta’ saħħa. Jekk dawn it-testijiet isiru skont il-proċedura statika, ir-roti jistgħu jitneħħew.

3.1.1.4 Massa ta’ referenza ta’ trattur matul it-testijiet ta’ saħħa

Ir-referenza tal-massa M, użata fil-formuli biex jiġu kkalkulati l-għoli tal-waqgħa tal-blokka tal-pendlu, l-enerġiji ta’ tagħbija u l-forzi ta’ tgħaffiġ, trid tkun mill-inqas il-massa tat-trattur, li teskludi aċċessorji mhux obbligatorji iżda li tinkludi coolant, żjut, fjuwil, għodod flimkien mal-istruttura ta’ protezzjoni. Mhumiex inklużi piżijiet mhux obbligatorji fuq quddiem jew fuq wara, ballast tat-tajer, implementi mwaħħlin, tagħmir armat jew kwalunkwe komponenti speċjalizzati.

3.1.2 Testijiet

3.1.2.1 Sekwenza tat-testijiet

Is-sekwenza tat-testijiet, bla ħsara għat-testijiet addizzjonali msemmija fit-Taqsimiet 3.3.1.1.6, 3.2.1.1.7, 3.2.2.1.6 u 3.3.2.1.7, hija kif ġej:

1. l-impatt (test dinamiku) jew it-tagħbija (test statiku) fuq wara tal-istruttura (ara 3.2.1.1.1 u 3.2.2.1.1);

2. test ta’ tgħaffiġ fuq wara (test dinamiċi jew statiċi) (ara 3.2.1.1.4 u 3.2.2.1.4);

3. l-impatt (test dinamiku) jew it-tagħbija (test statiku) fuq quddiem tal-istruttura (ara 3.2.1.1.2 u 3.2.2.1.2);

4. l-impatt (test dinamiku) jew it-tagħbija (test statiku) fuq il-ġenb tal-istruttura (ara 3.2.1.1.3 u 3.2.2.1.3);

5. tgħaffiġ fuq quddiem tal-istruttura (test dinamiku jew statiku) (ara 3.2.1.1.5 u 3.2.2.1.5).

3.1.2.2 Rekwiżiti ġenerali

3.1.2.2.1 Jekk, matul it-test, xi parti tal-apparat li miegħu jintrabat it-trattur tiċċaqlaq jew tinkiser, it-test għandu jerġa' jsir mill-ġdid.

3.1.2.2.2 Ma jistgħu jsiru l-ebda tiswijiet jew aġġustamenti lit-trattur jew lill-istruttura ta’ protezzjoni waqt it-testijiet.

3.1.2.2.3 Il-"gear-box" tat-trattur għandha tkun fin-newtral u l-brejkijiet maħlula matul it-testijiet.

3.1.2.2.4 Jekk it-trattur ikun mgħammar b'sistema ta’ sospensjoni bejn il-karozzerija tat-trattur u r-roti, din għandha tiġi bblokkata matul it-testijiet.

3.1.2.2.5 In-naħa magħżula għall-applikazzjoni tal-ewwel impatt (it-test dinamiku) jew l-ewwel tagħbija (it-test statiku) fuq in-naħa ta’ wara tal-istruttura għandha tkun dik li, fl-opinjoni tal-awtoritajiet li qed iwettqu t-test, tirriżulta fl-applikazzjoni tas-serje ta’ impatti jew tagħbijiet fl-aktar kundizzjonijiet mhux favorevoli għall-istruttura. L-impatt laterali jew it-tagħbija u l-impatt jew it-tagħbija ta’ wara għandhom jiġu applikati fuq iż-żewġ naħat tal-wiċċ longitudinali medjan tal-istruttura ta’ protezzjoni. L-impatt jew it-tagħbija ta’ quddiem għandhom jiġu applikati fuq l-istess naħa tal-wiċċ lonġitudinali medjan tal-istruttura ta’ protezzjoni tal-impatt jew it-tagħbija tal-ġenb.

3.1.3 Kundizzjonijiet ta’ aċċettazzjoni

3.1.3.1 Struttura protettiva tkun meqjusa bħala waħda li tissodisfa r-rekwiżiti tas-saħħa jekk tissodisfa l-kundizzjonijiet li ġejjin:

3.1.3.1.1 wara kull test fil-proċedura tat-test dinamiku, hija għandha tkun ħielsa minn tiċrit jew qsim, kif iddefinit fi 3.2.1.2.1. Jekk, matul it-test dinamiku, jidher it-tiċrit jew il-qsim b'mod sinifikanti, għandu jsir test addizzjonali minnufih għall-impatt jew it-tgħaffiġ kif definit fi 3.2.1.1.6 jew 3.2.1.1.7 wara t-test li jkun ikkaġuna dan it-tiċrit jew qsim;

3.1.3.1.2 matul it-test statitiku, fil-punt meta l-enerġija meħtieġa tinkiseb f'kull test tat-tagħbija orizzontali preskritt jew fit-test ta’ eċċess ta’ tagħbija, il-forza trid tkun iktar minn 0,8 F;

3.1.3.1.3 jekk matul test statiku, jitfaċċa qsim jew tiċrit bħala riżultat tal-applikazzjoni tal-forza ta’ tgħaffiġ, irid isir minnufih test addizzjonali ta’ tgħaffiġ kif iddefinit fi 3.2.2.1.7 wara t-test ta’ tgħaffiġ li jkun ikkaġuna dan il-qsim jew tiċrit;

3.1.3.1.4 matul it-testijiet minbarra t-test ta’ eċċess, l-ebda parti tal-istruttura ta’ protezzjoni ma għandha tidħol fiż-żona ta’ spazju ħieles kif definit f'1.6 tal-Anness I;

3.1.3.1.5 matul it-testijiet minbarra t-test ta’ eċċess, il-partijiet kollha taż-żona ta’ spazju ħieles għandhom ikunu żgurati mill-istruttura, skont 3.2.1.2.2 u 3.2.2.2.2;

3.1.3.1.6 waqt it-testijiet l-istruttura ta’ protezzjoni ma għandha timponi l-ebda trażżin fuq l-istruttura tas-sit;

3.1.3.1.7 id-deflessjoni elastika, imkejla skont 3.2.1.2.3 u 3.2.2.2.3 għandha tkun inqas minn 250 mm.

3.1.3.2 Ma għandu jkun hemm l-ebda aċċessorju li jkun ta’ periklu għas-sewwieq. Ma għandu jkun hemm l-ebda aċċessorju jew xi parti ħierġa 'l barra li tista' tweġġa' lis-sewwieq fil-każ li t-trattur jinqaleb, jew xi aċċessorju jew xi parti li jista' jinqabad magħha – pereżempju mir-riġel jew mis-sieq – bħala riżultat tad-deflessjonijiet tal-istruttura.

3.1.4 [mhux applikabbli]

3.1.5 Apparat u tagħmir għal testijiet dinamiċi

3.1.5.1 Blokk tal-pendlu

3.1.5.1.1 Blokka li taġixxi bħala pendlu għandha tkun sospiża b'żewġ ktajjen jew ħbula tal-wajer minn punti tal-pern mhux anqas minn 6 m 'l fuq mill-art. Għandu jiġi pprovdut mezz biex l-għoli vertikali tal-blokka u l-angolu bejn il-blokka u l-ktajjen jew il-ħbula tal-wajer ta’ rfid ikunu jistgħu jiġu aġġustati indipendentement.

3.1.5.1.2 Il-massa tal-blokka tal-pendlu għandha tkun ta’ 2000 ± 20 kg eskluża l-massa tal-ktajjen jew tal-ħbula tal-wajer li min-naħa tagħhom ma għandhomx jaqbżu l-100 kg. It-tul tal-ġnub tal-wiċċ tal-impatt għandu jkun ta’ 680 ± 20 mm (ara l-Figura 7.3). Il-blokka għandha tkun mimlija b'tali mod li l-pożizzjoni taċ-ċentru tal-gravità tagħha jkun kostanti u tikkoinċidi maċ-ċentru ġeometriku tal-parallelpiped.

3.1.5.1.3 Il-parallelpiped għandu jkun imqabbad mas-sistema li tiġbdu lura b'mekkaniżmu li jerħi instantanjament li hu ddisinjat u mqiegħed b'tali mod li jippermetti lill-blokka tal-pendlu li tintreħa mingħajr ma tikkawża li l-parallelpiped jitbandal madwar il-fus orizzontali tiegħu li huwa perpendikulari mal-wiċċ tat-tbandil tal-pendlu.

3.1.5.2 L-irfid tal-pendlu

Il-punti tal-pern tal-pendlu għandhom ikunu mwaħħla b'mod riġidu biex l-ispostament tagħhom f'kull direzzjoni ma jaqbiżx il-1 % tal-għoli tal-waqgħa.

3.1.5.3 L-Irbit

3.1.5.3.1 Ganċijiet ta’ ankraġġ tal-wisa' ta’ bejn iż-żewġ roti skont ir-rekwiżiti u li jkopru l-parti meħtieġa għall-irbit tat-trattur fil-każijiet kollha spjegati (ara l-Figura 7.4, 7.5 u 7.6) għandhom jitwaħħlu b'mod riġidu ma’ bażi li ma ċċedix taħt il-pendlu.

3.1.5.3.2 It-trattur għandu jintrabat mal-ganċijiet permezz ta’ ħabel tal-wajer b'kurduni tondi, bil-qalba tal-fibra, ta’ kostruzzjoni 6 × 19 skont ISO 2408:2004 u ta’ dijametru nominali ta’ 13 mm. Il-kurduni tal-metall għandu jkollhom saħħa finali tensili ta ' 1770 MPa.

3.1.5.3.3 Il-pern ċentrali ta’ trattur artikulat għandu jintrifed u jintrabat kif inhu xieraq għat-testijiet kollha. Għat-test tal-impatt laterali, il-pern għandu jkun mirfud ukoll min-naħa faċċata tal-impatt. Ir-roti ta’ quddiem u ta’ wara ma għandhomx bżonn ikunu bi dritt xulxin jekk dan jiffaċilita li l-ħbula tal-wajer jitwaħħlu kif suppost.

3.1.5.4 Riffied u serratizz tar-rota

3.1.5.4.1 Matul it-testijiet tal-impatt, għandu jintuża travu ta’ njam artab ta’ 150 mm kwadru bħala riffied għar-roti (ara l-Figuri 7.4, 7.5 u 7.6).

3.1.5.4.2 Matul it-testijiet tal-impatt laterali, travu ta’ njam artab għandu jiġi marbut mal-art biex jorbot ix-xifer tar-rota faċċata n-naħa tal-impatt (ara l-Figura 7.6).

3.1.5.5 Riffieda u r-rabbata għal tratturi artikulati

3.1.5.5.1 Riffieda u rabbata addizzjonali għandhom jintużaw għal tratturi artikulati. L-għan tagħhom hu li jiġi assigurat li s-sezzjoni tat-trattur li fuqha hija mwaħħla l-istruttura ta’ protezzjoni hija riġida daqs dik ta’ trattur mhux artikulat.

3.1.5.5.2 Dettalji speċifiċi addizzjonali jinsabu fit-Taqsima 3.2.1.1 fir-rigward tat-testijiet tal-impatt u tat-tgħaffiġ.

3.1.5.6 Pressjoni tat-tajers u deflessjonijiet

3.1.5.6.1 It-tajers tat-trattur ma jistgħux ikunu mgħobbija b'saborra likwida u għandhom ikunu minfuħa sal-pressjoni preskritta mill-manifattur tat-trattur għax-xogħol tal-għalqa.

3.1.5.6.2 L-irbit għandu jiġi ssikkat f'kull każ partikolari b'mod li t-tajers jgħaddu minn deflessjoni ugwali għal 12 % tal-għoli tat-tajer (distanza bejn l-art u l-aktar punt baxx tax-xifer) qabel dan jiġi ssikkat.

3.1.5.7 Tagħmir tat-tgħaffiġ

Tagħmir, kif muri fil-Figura 7.7 għandu jkun jista' jeżerċita forza 'l isfel fuq struttura ta’ protezzjoni minn ġo travu riġidu ta’ wisa' bejn wieħed u ieħor ta’ 250 mm imqabbad mal-mekkaniżmu li japplika t-tagħbija permezz ta’ ġogi universali. Għandhom ikunu pprovduti pjanċieri xierqa tal-fus sabiex it-tajers tat-trattur ma jsofrux il-forza tat-tgħaffiġ.

3.1.5.8 Apparat tal-kejl

L-apparat tal-kejl li ġej huwa meħtieġ:

3.1.5.8.1 strument li jkejjel id-deflessjoni elastika (id-differenza bejn id-devjazzjoni momentarja massima u d-deflessjoni permanenti, ara l-Figura 7.8).

3.1.5.8.2 strument biex jiġi vverifikat li l-istruttura ta’ protezzjoni ma tkunx daħlet fiż-żona ta’ spazju ħieles u li din tal-aħħar baqgħet fi ħdan il-protezzjoni tal-istruttura matul it-test (ara t-Taqsima 3.2.2.2.2).

3.1.6 Apparat u tagħmir għal testijiet statiċi

3.1.6.1 It-tagħmir għall-ittestjar statiku

3.1.6.1.1 It-tagħmir għall-ittestjar statiku għandu jkun disinjat b'tali mod li jippermetti li tiġi applikata pressjoni jew tagħbija fuq l-istruttura ta’ protezzjoni.

3.1.6.1.2 Għandha ssir preparazzjoni biex it-tagħbija tiġi mqassma b'mod uniformi u b'mod normali mad-direzzjoni tat-tagħbija u matul il-ħanek li jkollu tul ta’ wieħed mill-multipli eżatti ta’ 50 bejn il-250 u s-700 mm. It-travu iebes għandu jkollu dimensjoni tal-wiċċ vertikali ta’ 150 mm. It-trufijiet tat-travu f'kuntatt mal-istruttura ta’ protezzjoni għandu jkollhom liwja b'raġġ massimu ta’ 50 mm.

3.1.6.1.3 Il-pjattaforma għandha tkun tista' tiġi aġġustata għal kull angolu b'relazzjoni mad-direzzjoni tat-tagħbija, sabiex tkun tista' ssegwi l-varjazzjonijiet angolari tal-wiċċ tal-istruttura li terfa' t-tagħbija hekk kif l-istruttura tintlewa.

3.1.6.1.4 Id-direzzjoni tat-tagħbija (devjazzjoni mill-orizzontal u mill-vertikal):

- fil-bidu tat-test, tagħbija taħt iż-żero: ± 2°;

- matul it-test, taħt il-tagħbija: 10° 'il fuq u 20° taħt l-orizzontal. Dawn il-varjazzjonijiet għandhom jinżamm għal minimu.

3.1.6.1.5 Ir-rata ta’ deflessjoni għandha tkun daqstant bil-mod, inqas minn 5 mm/s, li t-tagħbija f'kull mument tkun ikkunsidrata bħala statika.

3.1.6.2 Apparat għall-kejl tal-enerġija assorbita mill-istruttura

3.1.6.2.1 Il-kurva tal-forza kontra d-deflessjoni għandha tiġi maħżuża biex tkun stabbilita l-enerġija assorbita mill-istruttura. Ma hemmx il-ħtieġa li jkunu mkejla l-forza u d-deflessjoni fil-waqt meta t-tagħbija tiġi applikata fuq l-istruttura; madankollu, il-forza u d-deflessjoni għandhom jiġu mkejla simultanjament u ko-linearment.

3.1.6.2.2 Il-punt ta’ oriġini tal-qisien tad-deflessjoni għandhom jintagħżlu b'tali mod li tiġi kkunsidrata l-enerġija assorbita mill-istruttura u/jew mid-deflessjoni ta’ ċerti partijiet tat-trattur. L-enerġija assorbita mid-deflessjoni u/jew miż-żlieq tal-ankoraġġ għandha tiġi injorata.

3.1.6.3 Mezzi ta’ ankrar tat-trattur mal-art

3.1.6.3.1 Il-ganċijiet tal-ankoraġġ bil-wisa' ta’ bejn iż-żewġ roti kif rekwiżit, u li jkopru ż-żona meħtieġa biex jiġi ankrat it-trattur fil-każijiet kollha mogħtija, għandhom jeħlu b'mod riġidu ma’ bażi li ma tiċċaqlaqx ħdejn it-tagħmir tat-test.

3.1.6.3.2 It-trattur għandu jiġi ankrat mal-ganċijiet permezz ta’ mezz adattat (pjanċi, kunjardi, ħbula tal-wajer, ġakkijiet, eċċ.) b'tali mod li ma jkunx jista' jiċċaqlaq matul it-test. Din il-kundizzjoni għandha tiġi verifikata matul it-test, permezz tal-mekkaniżmi li normalment jintużaw biex jitkejjel it-tul.

Jekk it-trattur jiċċaqlaq, it-test kollu għandu jerġa jsir mill-ġdid, sakemm is-sistema tal-kejl tad-deflessjonijiet meħudha inkonsiderazzjoni għat-taħżiż tal-kurva tal-forza kontra d-deflessjoni ma tkunx imqabbda mat-trattur.

3.1.6.4 Tagħmir ta’ tgħaffiġ

It-tagħmir kif muri fil-Figura 7.7 għandu jkun jista' jeżerċita forza 'l isfel fuq struttura ta’ protezzjoni minn ġo travu riġidu wiesgħa bejn wieħed u ieħor 250 mm imqabbad mal-mekkaniżmu li japplika t-tagħbija permezz ta’ ġogi universali. Għandhom ikunu pprovduti pjanċieri xierqa tal-fus biex it-tajers tat-trattur ma jsofrux il-forza tat-tgħaffiġ.

3.1.6.5 Apparati oħra ta’ kejl

L-apparati ta’ kejl li ġejjin huma wkoll meħtieġa:

3.1.6.5.1 strument li jkejjel id-deflessjoni elastika (id-differenza bejn id-devjazzjoni momentarja massima u d-deflessjoni permanenti, ara l-Figura 7.8).

3.1.6.5.2 strument biex jiġi vverifikat li l-istruttura ta’ protezzjoni ma tkunx daħlet fiż-żona ta’ spazju ħieles u li din tal-aħħar baqgħet fi ħdan il-protezzjoni tal-istruttura matul it-test (ara t-Taqsima 3.3.2.2.2).

3.2 Proċedura tal-ittestjar

3.2.1 Testijiet dinamiċi

3.2.1.1 Testijiet ta’ tagħbija u tgħaffiġ

3.2.1.1.1 Impatt fuq wara

3.2.1.1.1.1 It-trattur għandu jitqiegħed f'relazzjoni mal-blokka tal-pendlu b'tali mod li l-blokka tolqot l-istruttura ta’ protezzjoni meta l-wiċċ tal-impatt tal-blokka u l-ktajjen jew il-ħbula tal-wajer tal-irfid ikunu f'angolu mal-wiċċ vertikali A ugwali għal M/100 b'20° massimu, sakemm, matul id-deflessjoni, l-istruttura ta’ protezzjoni mal-punt ta’ kuntatt ma tiffurmax angolu akbar mal-vertikal. F'dan il-każ, il-wiċċ ta’ impatt tal-blokka għandu jiġi aġġustat permezz ta’ rfid addizzjonali sabiex ikun parallel mal-istruttura ta’ protezzjoni fil-punt tal-impatt fil-mument tad-deflessjoni massima, filwaqt li l-ktajjen jew il-ħbula tal-wajer tal-irfid jibqgħu fl-angolu definit hawn fuq.

L-għoli sospiż tal-blokka għandu jiġi aġġustat u għandhom jittieħdu l-passi meħtieġa biex il-blokka ma titħalliex iddur madwar il-punt tal-impatt.

Il-punt tal-impatt huwa dik il-parti tal-istruttura ta’ protezzjoni, normalment ix-xifer tan-naħa ta’ fuq, li għandha t-tendenza li tolqot l-ewwel l-art f'aċċident ta’ qlib lura. Il-pożizzjoni taċ-ċentru ta’ gravità tal-blokka hija 1/6 tal-wisa' tal-parti ta’ fuq tal-istruttura ta’ protezzjoni 'l ġewwa minn wiċċ vertikali parallel mal-wiċċ medjan tat-trattur li jmiss l-estremità ta’ barra tal-parti ta’ fuq tal-istruttura ta’ protezzjoni.

Jekk l-istruttura għandha liwja jew toħroġ 'il barra f'dan il-punt, għandhom jiġu miżjuda l-kunjardi li jippermettu li l-impatt jiġi applikat hemmhekk, mingħajr mal-istruttura b'hekk tiġi msaħħa aktar.

3.2.1.1.1.2 It-trattur għandu jintrabat mal-art permezz ta’ erba' ħbula tal-wajer, wieħed f'kull tarf taż-żewġ fusien, imqiegħda kif indikat fil-Figura 7.4. L-ispazju bejn il-punti tal-irbit ta’ quddiem u ta’ wara għandu jkun tali li l-ħbula tal-wajer jagħmlu angolu ta’ inqas minn 30° mal-art. L-irbit ta’ wara għandu jkun irranġat ukoll b'mod li l-punt ta’ konverġenza taż-żewġ ħbula tal-wajer ikun jinsab fil-wiċċ vertikali li fih jitħarrek iċ-ċentru tal-gravità tal-blokka tal-pendlu.

Il-ħbula tal-wajer għandhom jiġu ssikkati b'tali mod li t-tajers issirilhom id-deflessjoni mogħtija fi 3.1.5.6.2. Bil-ħbula tal-wajer issikkati, it-travu li jservi ta’ feles għandu jitpoġġa quddiem u għandu jitqiegħed issikkat mar-roti ta’ wara u mbagħad jitwaħħal mal-art.

3.2.1.1.1.3 Jekk it-trattur huwa tat-tip artikulat, il-punt ta’ artikulazzjoni wkoll jiġi mirfud bi blokka tal-injam ta’ mill-inqas 100 mm kwadru u marbuta sew mal-art.

3.2.1.1.1.4 Il-blokka tal-pendlu għandha tinġibed lura sabiex l-għoli taċ-ċentru ta’ gravità tagħha 'l fuq minn dak tal-punt tal-impatt jiġi kkalkulat b'waħda minn dawn iż-żewġ formuli:

H = 2,165 × 10–8 M L2

jew

H = 5,73 × 10–2 I

Il-blokka tal-pendlu għandha mbagħad tintreħa u tolqot l-istruttura ta’ protezzjoni.

3.2.1.1.1.5 Għal tratturi b'pożizzjoni tas-sewwieq riversibbli (sit u stering riversibbli), l-għoli għandu jkun skont liema huwa l-ikbar mit-tnejn ta’ hawn fuq jew mit-tnejn li ġejjin:

H = 25 + 0,07 M

għal trattur b'massa ta’ referenza ta’ inqas minn 2000 kg;

H = 125 + 0,02 M

għal trattur b'massa ta’ referenza ta’ iktar minn 2000 kg.

3.2.1.1.2 Impatt fuq quddiem

3.2.1.1.2.1 It-trattur għandu jitqiegħed f'relazzjoni mal-blokka tal-pendlu b'tali mod li l-blokka tolqot l-istruttura ta’ protezzjoni meta l-wiċċ tal-impatt tal-blokka u l-ktajjen jew il-ħbula tal-wajer tal-irfid ikunu f'angolu mal-wiċċ vertikali A ugwali għal M/100 b'20° massimu, sakemm, matul id-deflessjoni, l-istruttura ta’ protezzjoni mal-punt ta’ kuntatt ma tiffurmax angolu akbar mal-vertikal. F'dan il-każ, il-wiċċ ta’ impatt tal-blokka għandu jiġi aġġustat permezz ta’ rfid addizzjonali sabiex ikun parallel mal-istruttura ta’ protezzjoni fil-punt tal-impatt fil-mument tad-deflessjoni massima, filwaqt li l-ktajjen jew il-ħbula tal-wajer tal-irfid jibqgħu fl-angolu definit hawn fuq.

L-għoli sospiż tal-blokka tal-pendlu għandu jiġi aġġustat u għandhom jittieħdu l-passi meħtieġa biex il-blokka ma titħalliex iddur madwar il-punt tal-impatt.

Il-punt tal-impatt huwa dik il-parti tal-istruttura ta’ protezzjoni, normalment ix-xifer tan-naħa ta’ fuq, li għandha t-tendenza li tolqot l-ewwel l-art jekk it-trattur jinqaleb fuq il-ġenb meta jkun miexi 'l quddiem. Il-pożizzjoni taċ-ċentru tal-gravità tal-blokka hija 1/6 tal-wisa' tal-parti ta’ fuq tal-istruttura ta’ protezzjoni 'l ġewwa minn wiċċ vertikali parallel mal-wiċċ medjan tat-trattur li jmiss l-estremità ta’ barra tal-parti ta’ fuq tal-istruttura ta’ protezzjoni.

3.2.1.1.2.2 It-trattur għandu jintrabat mal-art permezz ta’ erba' ħbula tal-wajer, wieħed f'kull tarf taż-żewġ fusien, imqiegħda kif indikat fil-Figura 7.5. L-ispazju bejn il-punti tal-irbit ta’ quddiem u ta’ wara għandu jkun tali li l-ħbula tal-wajer jagħmlu angolu ta’ inqas minn 30° mal-art. L-irbit ta’ wara għandu jkun irranġat ukoll b'mod li l-punt ta’ konverġenza taż-żewġ ħbula tal-wajer ikun jinsab fil-wiċċ vertikali li fih jitħarrek iċ-ċentru tal-gravità tal-blokka tal-pendlu.

3.2.1.1.2.3 Jekk it-trattur huwa tat-tip artikulat, il-punt ta’ artikulazzjoni wkoll jiġi mirfud bi blokka tal-injam ta’ mill-inqas 100 mm kwadru u marbuta sew mal-art.

3.2.1.1.2.4 Il-blokka tal-pendlu għandha tinġibed lura biex l-għoli taċ-ċentru tal-gravità tagħha 'l fuq minn dak fil-punt tal-impatt jingħata permezz ta’ waħda miż-żewġ formuli li ġejjin, liema formula għandha tintagħżel skont il-massa ta’ referenza tal-immuntar suġġetta għat-testijiet:

H = 25 + 0,07 M

għal trattur b'massa ta’ referenza ta’ inqas minn 2000 kg;

H = 125 + 0,02 M

għal trattur b'massa ta’ referenza ta’ iktar minn 2000 kg.

Il-blokka tal-pendlu għandha mbagħad tintreħa u tolqot l-istruttura ta’ protezzjoni.

3.2.1.1.2.5 F'każ ta’ tratturi b'pożizzjoni tas-sewwieq riversibbli (sit riversibbli u stering):

- jekk l-istruttura protettiva tkun rollbar b'żewġ postijiet fuq wara, għandha tapplika l-formula ta’ hawn fuq;

- għal tipi oħra ta’ struttura protettiva, l-għoli għandu jkun skont liema huwa l-ikbar mill-formula applikata hawn fuq u dik magħżula minn hawn taħt:

H = 2,165 × 10-8 ML2

jew

H = 5,73 × 10-2 I

Il-blokka tal-pendlu għandha mbagħad tintreħa u tolqot l-istruttura ta’ protezzjoni.

3.2.1.1.3 Impatt mill-ġenb

3.2.1.1.3.1 It-trattur għandu jitpoġġa f'relazzjoni mal-blokka tal-pendlu b'tali mod li l-blokka tolqot l-istruttura ta’ protezzjoni meta l-wiċċ tal-impatt tal-piż u l-ktajjen jew il-ħbula tal-wajer tal-irfid jkunu vertikali sakemm, matul id-deflessjoni, l-istruttura ta’ protezzjoni fil-punt ta’ kuntatt ma tiffurmax angolu ta’ inqas minn 20° mal-vertikal. F'dan il-każ, il-wiċċ ta’ impatt tal-blokka għandu jiġi aġġustat permezz ta’ rfid addizzjonali biex ikun parallel mal-istruttura ta’ protezzjoni fil-punt tal-impatt fil-mument tad-deflessjoni massima, waqt li l-ktajjen jew il-ħbula tal-wajer tal-irfid jibqgħu vertikali waqt l-impatt.

3.2.1.1.3.2 L-għoli sospiż tal-blokka tal-pendlu għandu jiġi aġġustat u għandhom jittieħdu l-passi meħtieġa biex il-blokka ma titħalliex iddur madwar il-punt tal-impatt.

3.2.1.1.3.3 Il-punt tal-impatt għandu jkun dik il-parti tal-istruttura ta’ protezzjoni li x'aktarx tolqot l-art l-ewwel f’inċident ta’ qlib laġenba, normalment ix-xifer ta’ fuq. Sakemm ma jkunx ċert li parti oħra minn dan ix-xifer tolqot l-art l-ewwel, il-punt ta’ impatt għandu jkun fil-wiċċ kartabun mal-wiċċ medjan u li jgħaddi 60 mm minn quddiem il-punt tal-indiċi tas-sit, bis-sit fil-pożizzjoni tan-nofs tal-aġġustament lonġitudinali.

3.2.1.1.3.4 Għal tratturi b'pożizzjoni tas-sewwieq riversibbli (sit u stering riversibbli), il-punt ta’ impatt għandu jkun fil-wiċċ kartabun mal-wiċċ medjan u li jgħaddi mill-punt tan-nofs tas-segment li jgħaqqad iż-żewġ punti tal-indiċi tas-sits iddefiniti billi jingħaqdu flimkien iż-żewġ pożizzjonijiet differenti tas-sit. Għall-istrutturi protettivi b'sistema ta’ żewġ postijiet, l-impatt għandu jkun fuq wieħed miż-żewġ postijiet.

3.2.1.1.3.5 Ir-roti tat-trattur tan-naħa li tkun se tirċievi l-impatt għandhom jintrabtu mal-art permezz ta’ ħbula tal-wajer li jgħaddu minn fuq it-trufijiet korrispondenti tal-fusien ta’ quddiem u ta’ wara. Il-ħbula tal-wajer għandhom jiġu ssikkatti b'mod li jipproduċu l-valuri tad-deflessjoni tat-tajers mogħtija fi 3.1.5.6.2.

Bil-ħbula tal-wajer issikkati, it-travu li jservi ta’ feles għandu jitpoġġa quddiem, għandu jitqiegħed issikkat mar-roti tan-naħa tal-faċċata li tkun se tirċievi l-impatt u mbagħad jitwaħħal mal-art. Jista' jkun meħtieġ li jintużaw żewġ travi jew kunjardi jekk il-ġnub ta’ barra tat-tajers ta’ quddiem u ta’ wara ma jkunux fl-istess wiċċ vertikali. Ir-riffied imbagħad għandu jitpoġġa kif muri fil-Figura 7.6 kontra x-xifer tar-rota li l-aktar li tkun qed tirċievi t-tagħbija faċċata tal-punt tal-impatt, imbuttat b'mod sod kontra x-xifer u mbagħad imwaħħal mill-bażi tiegħu. It-tul tar-riffied għandu jkun tali li dan jiġi f'angolu ta’ 30 ± 3° mal-art meta jitqiegħed kontra x-xifer. B'żieda għal dan, fejn possibbli, il-ħxuna tiegħu għandha tkun bejn 20 u 25 darba inqas mit-tul u bejn darbtejn (2) jew (3) tliet darbiet inqas mill-wisa'. Fiż-żewġ trufijiet, ir-riffieda għandu jkollhom il-forma kif tidher fid-dettalji tal-Figura 7.6.

3.2.1.1.3.6 Jekk it-trattur huwa tat-tip artikulat, il-punt ta’ artikulazzjoni jrid b'żieda jiġi mirfud bi blokka tal-injam tal-anqas 100 mm kwadri u mirfud mill-ġenb b'mezz simili għar-riffied magħfus kontra r-rota ta’ wara kif fi 3.3.1.1.3.2. Il-punt ta’ artikulazzjoni għandu mbagħad jintrabat sew mal-art.

3.2.1.1.3.7 Il-blokka tal-pendlu għandha tinġibed lura biex l-għoli taċ-ċentru tal-gravità tagħha 'l fuq minn dak fil-punt tal-impatt jiġi kkalkulat permezz ta’ waħda miż-żewġ formuli li ġejjin, liema formula għandha tintgħażel skont il-massa ta’ referenza tal-apparat suġġett għat-testijiet:

H = 25 + 0,20 M

għal tratturi b'massa ta’ referenza ta’ inqas minn 2000 kg;

H = 125 + 0,15 M

għal tratturi b'massa ta’ referenza ta’ iktar minn 2000 kg.

3.2.1.1.3.8 F'każ ta’ tratturi b'pożizzjoni tas-sewwieq riversibbli (sit riversibbli u stering):

- jekk l-istruttura protettiva tkun rollbar b'żewġ postijiet fuq wara, l-għoli magħżul għandu jkun dik li hija l-ikbar mill-formuli applikabbli hawn fuq u hawn taħt:

H = (25 + 0,20 M) (B6 + B) / 2B

għal trattur b'massa ta’ referenza ta’ inqas minn 2000 kg;

H = (125 + 0,15 M) (B6 + B) / 2B

għal trattur b'massa ta’ referenza ta’ iktar minn 2000 kg.

- għal tipi oħra ta’ strutturi protettivi, l-għoli għandu jkun skont liema huwa l-ikbar mill-formuli applikati hawn fuq u dik magħżula minn hawn taħt:

H = 25 + 0,20 M

għal trattur b'massa ta’ referenza ta’ inqas minn 2000 kg;

H = 125 + 0,15 M

għal trattur b'massa ta’ referenza ta’ iktar minn 2000 kg.

Il-blokka tal-pendlu għandha mbagħad tintreħa u tolqot l-istruttura ta’ protezzjoni.

3.2.1.1.4 Tgħaffiġ fuq wara

It-travu għandu jitqiegħed fuq il-membru(i) strutturali ta’ wara li huwa l-aktar 'il fuq u r-riżultanti tal-forzi li jgħaffġu għandhom jiġu allokati fil-wiċċ medjan tat-trattur. Forza Fv għandha tiġi applikata fejn:

Fv = 20 M

Il-forza Fv għandha tinżamm għal ħames sekondi wara l-waqfien ta’ kwalunkwe moviment li jidher tal-istruttura ta’ protezzjoni.

Fejn il-parti ta’ wara tas-saqaf tal-istruttura ta’ protezzjoni ma treġġix il-forza kollha li tgħaffeġ, il-forza għandha tiġi applikata sakemm is-saqaf jiġi defless biex jikkoinċidi mal-wiċċ li jgħaqqad il-parti ta’ fuq tal-istruttura ta’ protezzjoni ma’ dik il-parti ta’ wara tat-trattur li kapaċi treġġi l-massa tal-vettura meta tinqaleb.

Il-forza għandha mbagħad titneħħa, u t-travu tat-tgħaffiġ jiġi mqiegħed fuq dik il-parti tal-istruttura ta’ protezzjoni li ssostni lit-trattur meta jinqaleb kompletamant. Il-forza tat-tgħaffiġ Fv għandha mbagħad terġa' tiġi applikata.

3.2.1.1.5 Tgħaffiġ fuq quddiem

It-travu għandu jiġi mqiegħed tul il-membru jew membri strutturali ta’ quddiem li huma l-aktar 'il fuq u r-riżultanti tal-forzi li jgħaffġu għandhom jiġu allokati fil-wiċċ medjan tat-trattur. Forza Fv għandha tiġi applikata fejn:

Fv = 20 M

Il-forza Fv għandha tinżamm għal ħames sekondi wara l-waqfien ta’ kwalunkwe moviment li jidher tal-istruttura ta’ protezzjoni.

Fejn il-parti ta’ quddiem tas-saqaf tal-istruttura ta’ protezzjoni ma treġix il-forza kollha li tgħaffeġ, il-forza għandha tiġi applikata sakemm is-saqaf jiġi defless biex jikkoinċidi mal-wiċċ li jgħaqqad il-parti ta’ fuq tal-istruttura ta’ protezzjoni ma’ dik il-parti ta’ quddiem tat-trattur li kapaċi treġġi l-massa tal-vettura meta tinqaleb.

3.2.1.1.6 Testijiet ta’ impatt addizzjonali

Jekk xquq jew tiċrit li ma jistgħux jitqiesu negliġibbli jidhru waqt it-test ta’ impatt, għandu jsir tieni test simili, iżda b'għoli ta’ waqgħa ta':

H′ = (H × 10-1) (12 + 4a) (1 + 2a)-1

immedjatament wara t-testijiet ta’ impatt li wasslu biex jidhru dawn ix-xquq jew tiċrit, "a" tkun il-proporzjon tad-deformazzjoni permanenti (Dp) mad-deformazzjoni elastika (De):

a = Dp / De

kif imkejjel fil-punt tal-impatt. Id-deformazzjoni permanenti addizzjonali dovuta għat-tieni impatt ma għandhiex taqbeż it-30 % tad-deformazzjoni permanenti dovuta għall-ewwel impatt.

Sabiex ikun jista' jsir it-test addizzjonali, jeħtieġ li titkejjel id-deformazzjoni elastika waqt it-testijiet kollha tal-impatt.

3.2.1.1.7 Testijiet ta’ tgħaffiġ addizzjonali

Jekk, matul it-test tat-tgħaffiġ, jidhru xquq u tiċrit sinifikanti, għandu jsir tieni test ta’ tgħaffiġ simili, iżda b'qawwa ekwivalenti għal 1,2 Fv, immedjatament wara t-test ta’ tgħaffiġ li wassal biex jidhru dawn ix-xquq jew tiċrit.

3.2.1.2 Il-kejl li għandu jittieħed

3.2.1.2.1 Ksur u xquq

Wara kull test il-membri strutturali kollha, il-ġogi u s-sistemi tal-irbit għandhom ikunu eżaminati b’mod viżiv għal fratturi u xquq, bi kwalunkwe xquq żgħar f’partijiet mhux importanti jiġu injorati.

Kwalunkwe tiċrit kkawżat mit-truf tal-piż tal-pendlu għandu jiġi injorat.

3.2.1.2.2 Dħul fiż-żona ta’ spazju vojt

Waqt kull test l-istruttura protettiva għandha tiġi eżaminata biex jiġi vverifikat jekk daħlitx kwalunkwe parti fiż-żona ta’ spazju vojt madwar is-sit tas-sewwieq kif definit f'1.6.

Barra minn hekk, iż-żona ta’ spazju vojt ma għandhiex tkun 'il barra mill-istruttura protettiva. Għal din il-fini, għandha tiġi kkunsidrata bħala barra miż-żona protettiva jekk kwalunkwe parti minnha tkun għamlet kuntatt ma’ art ċatta jekk it-trattur jinqaleb lejn id-direzzjoni minn fejn ikun ġiet applikata t-tagħbija tat-test. Biex dan jiġi stmat, wieħed jassumi li t-tajers ta’ quddiem u ta’ wara u d-distanza tal-wisa' bejn ir-roti għandhom ikunu l-iżgħar fittjatura standard mill-manifattur.

3.2.1.2.3 It-tagħwiġa elastika (taħt impatt mill-ġenb)

It-tagħwiġa elastika għandha titkejjel (810 + av) mm 'il fuq mill-punt tal-indiċi tas-sit fil-pjan vertikali li fih tiġi applikata t-tagħbija. Għal dan il-kejl, jista' jintuża kwalunkwe apparat simili għal dak muri fil-Figura 7.8.

3.2.1.2.4 Tagħwiġa permanenti

Wara t-test tat-tgħaffiġ finali, it-tagħwiġa permanenti tal-istruttura protettiva għandha tiġi rreġistrata. Għal din il-fini, qabel ma jibda t-test, għandha tintuża l-pożizzjoni tal-membri tal-istruttura protettiva kontra t-tgerbib ewlenija f’relazzjoni mal-punt tal-indiċi tas-sit.

3.2.2 Testijiet Statiċi

3.2.2.1 Testijiet ta’ tagħbija u tgħaffiġ

3.2.2.1.1 Tagħbija fuq wara

3.2.2.1.1.1 It-tagħbija għandha tiġi applikata b'mod orizzontali, fi pjan vertikali parallel mal-pjan medjan tat-trattur.

Il-punt tal-applikazzjoni tat-tagħbija għandu jkun dik il-parti tal-istruttura protettiva kontra t-tgerbib li x'aktarx li tolqot l-art l-ewwel f'inċident ta’ qlib b'lura, normalment ix-xifer ta’ fuq. Il-pjan vertikali li t-tagħbija tiġi applikata fih għandu jkun f'distanza ta’ terz tal-wisa' estern tal-parti ta’ fuq tal-istruttura mill-pjan medjan.

Jekk l-istruttura tkun għat-tond jew toħroġ 'il barra f'dan il-punt, għandhom jiżdiedu kunjardi li jippermettu li t-tagħbija tiġi applikata hemmhekk, mingħajr ma tissaħħaħ aktar l-istruttura.

3.2.2.1.1.2 L-assemblaġġ għandu jintrabat mal-art kif deskritt fi 3.1.6.3.

3.2.2.1.1.3 L-enerġija assorbita mill-istruttura protettiva matul it-test għandha tkun tal-anqas:

Eil = 2,165 × 10-7 M L2

jew

Eil = 0,574 × I

3.2.2.1.1.4 Għat-tratturi b'pożizzjoni tas-sewwieq riversibbli (sit u rota tal-istering riversibbli), l-enerġija għandha tkun dik li tkun l-ogħla bejn il-formula magħżula minn hawn fuq u li ġejja:

Eil = 500 + 0,5 M

3.2.2.1.2 Tagħbija fuq quddiem

3.2.2.1.2.1 It-tagħbija għandha tiġi applikata b'mod orizzontali fi pjan vertikali parallel mal-pjan medjan tat-trattur. Il-punt ta’ applikazzjoni għandu jkun dik il-parti tal-istruttura protettiva li x'aktarx li tolqot l-art l-ewwel jekk it-trattur jinqaleb la ġenba meta jkun miexi 'l quddiem, jiġifieri normalment ix-xifer ta’ fuq. Il-punt ta’ applikazzjoni tat-tagħbija għandha tkun 1/6 tal-wisa' tal-parti ta’ fuq nett tal-istruttura protettiva 'l ġewwa minn pjan vertikali parallel mal-pjan medjan tat-trattur li jmiss l-estremità ta’ barra tal-parti ta’ fuq nett tal-istruttura protettiva.

Jekk l-istruttura tkun għat-tond jew toħroġ 'il barra f'dan il-punt, għandhom jiżdiedu kunjardi li jippermettu li t-tagħbija tiġi applikata hemmhekk, mingħajr ma l-istruttura tissaħħaħ aktar.

3.2.2.1.2.2 L-assemblaġġ għandu jintrabat mal-art kif deskritt fi 3.1.6.3.

3.2.2.1.2.3 L-enerġija assorbita mill-istruttura protettiva matul it-test għandha tkun tal-anqas:

Eil = 500 + 0,5 M

3.2.2.1.2.4 F'każ ta’ tratturi b'pożizzjoni tas-sewwieq riversibbli (sit riversibbli u rota tal-istering):

- jekk l-istruttura protettiva tkun rollbar b'żewġ postijiet fuq wara għandha tapplika wkoll il-formula preċedenti;

- għal tipi oħra ta’ strutturi protettivi, l-enerġija għandha tkun l-ogħla waħda bejn ta’ hawn fuq jew liema waħda tintgħażel milli ġejjin:

Eil = 2,165 × 10-7 ML2

jew

Eil = 0,574 I

3.2.2.1.3 Tagħbija mill-ġenb

3.2.2.1.3.1 It-tagħbija mill-ġenb għandha tkun applikata b'mod orizzontali, fi pjan vertikali perpendikulari għall-pjan medjan tat-trattur li jgħaddi 60 mm quddiem il-punt tal-indiċi tas-sit, bis-sit ikun fil-pożizzjoni tan-nofs tal-aġġustament lonġitudinali. Il-punt tal-applikazzjoni tat-tagħbija huwa dik il-parti tal-istruttura protettiva kontra t-tgerbib li x'aktarx li tolqot l-art l-ewwel f'inċident ta’ qlib la ġenba, normalment ix-xifer ta’ fuq.

3.2.2.1.3.2 L-assemblaġġ għandu jintrabat mal-art kif deskritt fi 3.1.6.3.

3.2.2.1.3.3 L-enerġija assorbita mill-istruttura protettiva matul it-test għandha tkun tal-anqas:

Eis = 1,75 M

3.2.2.1.3.4 Għat-tratturi b'pożizzjoni tas-sewwieq riversibbli (sit u rota tal-istering riversibbli), il-punt tal-applikazzjoni tat-tagħbija għandu jkun fil-pjan f'angolu rett mal-pjan medjan u jgħaddi mill-punt tan-nofs tas-segment li jgħaqqad iż-żewġ punti tal-indiċi tas-sits definiti billi jingħaqdu maż-żewġ pożizzjonijiet differenti tas-sit. Għall-istrutturi protettivi b'sistema ta’ żewġ postijiet, it-tagħbija għandha tkun fuq wieħed miż-żewġ postijiet.

3.2.2.1.3.5 F'każ ta’ tratturi b'pożizzjoni tas-sewwieq riversibbli (sit u rota tal-istering riversibbli), fejn l-istruttura protettiva hija rollbar b'żewġ postijiet fuq wara, l-enerġija għandha tkun dik li tkun l-ogħla milli ġejjin:

Eis = 1,75 M

jew

Eis = 1,75 M (B6 + B)/2B

3.2.2.1.4 Tgħaffiġ fuq wara

Id-dispożizzjonijiet kollha huma identiċi għal dawk fi 3.2.1.1.4.

3.2.2.1.5 Tgħaffiġ fuq quddiem

Id-dispożizzjonijiet kollha huma identiċi għal dawk fi 3.2.1.1.5.

3.2.2.1.6 Test addizzjonali għal tagħbija eċċessiva (il-Figuri minn 7.9 sa 7.11)

Għandu jsir test ta’ tagħbija eċċessiva fil-każijiet kollha fejn il-forza tonqos b'aktar minn 3 % matul l-aħħar 5 % tat-tgħawwiġ milħuq meta l-enerġija mitluba tkun assorbita mill-istruttura (ara l-Figura 7.10).

It-test ta’ tagħbija eċċessiva jinvolvi ż-żieda gradwali tat-tagħbija orizzontali b'żidiet ta’ 5 % tar-rekwiżit ta’ enerġija inizjali sa massimu ta’ 20 % ta’ enerġija miżjuda (ara l-Figura 7.11).

It-test ta’ tagħbija eċċessiva jkun sodisfaċenti jekk, wara kull żieda b'5, 10 jew 15 % f'enerġija meħtieġa, il-forza tonqos b'anqas minn 3 % għal żieda ta’ 5 % u tibqa' akbar minn 0,8 Fmax.

It-test ta’ tagħbija eċċessiva jkun sodisfaċenti jekk, wara li l-istruttura tkun assorbit 20 % tal-enerġija miżjuda, il-forza taqbeż iż-0,8 Fmax.

Xquq jew tiċrit addizzjonali u/jew dħul fiż-żona ta’ spazju vojt jew nuqqas ta’ protezzjoni tagħha minħabba tgħawwiġ elastiku huma permessi waqt it-test ta’ tagħbija eċċessiva. Madankollu, wara t-tneħħija tat-tagħbija, l-istruttura ma għandhiex tidħol fiż-żona ta’ spazju vojt, li għandha tkun protetta kompletament.

3.2.2.1.7 Testijiet ta’ tgħaffiġ addizzjonali

Jekk ix-xquq jew tiċrit ma jkunux jistgħu jitqiesu bħala negliġibbli matul test ta’ tgħaffiġ, għandu jsir tieni test simili, imma b'forza ta’ 1,2 Fv, immedjatament wara t-test tat-tgħaffiġ li wassal biex jidhru x-xquq jew it-tiċrit.

3.2.2.2 Il-kejl li għandu jittieħed

3.2.2.2.1 Ksur u xquq

Wara kull test il-membri strutturali kollha, il-ġogi u s-sistemi tat-twaħħil għandhom ikunu eżaminati b’mod viżiv għal fratturi u xquq, bi kwalunkwe xquq żgħar f’partijiet mhux importanti jiġu injorati.

3.2.2.2.2 Dħul fiż-żona ta’ spazju vojt

Waqt kull test l-istruttura protettiva għandha tiġi eżaminata biex jiġi vverifikat jekk daħlitx kwalunkwe parti minnha fiż-żona ta’ spazju vojt kif definit f'1.6 tal-Anness I.

Barra minn hekk, għandu jsir eżami biex jiġi ddeterminat jekk hemmx xi parti taż-żona ta’ spazju vojt 'il barra mill-istruttura protettiva. Għal din il-fini, hija titqies li qiegħda 'l barra mill-protezzjoni tal-istruttura protettiva ta’ kontra t-tgerbib jekk kwalunkwe parti minnha tiġi f'kuntatt mal-pjan tal-art jekk it-trattur ikun inqaleb fid-direzzjoni li minnha jkun ġie l-impatt. Għal din il-fini, wieħed jassumi li t-tajers ta’ quddiem u ta’ wara u d-distanza bejn ir-roti huma l-iżgħar li ġew speċifikati mill-manifattur.

3.2.2.2.3 It-tagħwiġa elastika taħt tagħbija mill-ġenb

3.2.2.2.4 Tagħwiġa permanenti

Wara t-test tat-tgħaffiġ finali, it-tagħwiġa permanenti tal-istruttura protettiva għandha tiġi rreġistrata. Għal din il-fini, qabel ma jibda t-test, għandha tintuża l-pożizzjoni tal-membri tal-istruttura protettiva kontra l-qlib ewlenija f’relazzjoni mal-punt tal-indiċi tas-sit.

Estensjoni għal mudelli oħra ta’ tratturi

3.3.1 [mhux applikabbli]

3.3.2 Estensjoni teknika

Meta jsiru modifiki tekniċi fuq it-trattur, l-istruttura protettiva jew il-metodu ta’ twaħħil tal-istruttura protettiva mat-trattur, l-istazzjon tal-ittestjar li wettqet it-test oriġinali jista' joħroġ "rapport ta’ estensjoni teknika" fil-każijiet li ġejjin:

3.3.2.1 Estensjoni tar-riżultati tat-test strutturali għal mudelli oħra ta’ tratturi

It-testijiet ta’ impatt u tgħaffiġ ma hemmx għalfejn isiru fuq kull mudell ta’ trattur, sakemm l-istruttura protettiva u t-trattur jikkonformaw mal-kundizzjonijiet imsemmija hawn taħt minn 3.3.2.1.1 sa 3.3.2.1.5.

3.3.2.1.1 L-istruttura għandha tkun identika għal dik ittestjata;

3.3.2.1.2 L-enerġija meħtieġa ma għandhiex taqbeż l-enerġija kkalkulata għat-test oriġinali b'iktar minn 5 %.

3.3.2.1.3 Il-metodu ta’ twaħħil u l-komponenti tat-trattur li magħhom isir it-twaħħil għandhom ikunu identiċi,

3.3.2.1.4 Kwalunkwe komponenti bħall-madgards u l-bonit li jistgħu jagħtu għajnuna għall-istruttura protettiva għandhom ikunu identiċi;

3.3.2.1.5 Il-pożizzjoni u d-dimensjonijiet kritiċi tas-sit fl-istruttra protettiva u l-pożizzjoni relattiva tal-istruttura protettiva fuq it-trattur għandha tkun tali li ż-żona ta’ spazju vojt jibqa' taħt il-protezzjoni tal-istruttura mgħawġa matul it-testijiet kollha (dan għandu jkun ivverifikat billi tintuża l-istess referenza ta’ żona ta’ spazju vojt bħal fir-rapport tat-test oriġinali, rispettivament il-Punt ta’ Referenza tas-Sit [PRS] jew il-Punt tal-Indiċi tas-Sit [PIS]).

3.3.2.2 Estensjoni tar-riżultati tat-test strutturali għal mudelli mmodifikati tal-istruttura protettiva

Din il-proċedura għandha tiġi segwita meta d-dispożizzjonijiet tal-paragrafu 3.3.2.1 ma jkunux sodisfatti u ma tistax tintuża meta l-metodu ta’ twaħħil tal-istruttura protettiva mat-trattur ma jibqgħux tal-istess prinċipju (eż. sostenituri tal-gomma jinbidlu b'tagħmir ta’ sospensjoni):

3.3.2.2.1 Modifiki li ma jħallu l-ebda impatt fuq ir-riżultati tat-test inizjali (eż. twaħħil bis-saldatura tal-pjanċa tal-immuntar ta’ aċċessorju f'post mhux kritiku tal-istruttura), żieda ta’ sits b'post tal-PIS differenti fl-istruttura protettiva (bil-kundizzjoni li jiġi vverifikat li ż-żona/i ta’ spazju vojt il-ġdida/ġodda tibqa'/jibqgħu taħt il-protezzjoni tal-istruttura mgħawġa matul it-testijiet kollha).

3.3.2.2.2 Modifiki li jistgħu jħallu impatt fuq ir-riżultati tat-test oriġinali mingħajr ma jintefa' dubju fuq l-aċċettabilità tal-istruttura protettiva (eż. modifika tal-komponent strutturali, modifika tal-metodu ta’ twaħħil tal-istruttura protettiva mat-trattur). Jista' jsir test ta’ validazzjoni u r-riżultati tat-test ikunu abbozzati fir-rapport ta’ estensjoni.

Il-limiti li ġejjin għal din l-estensjoni tat-tip huma ffissati:

3.3.2.2.2.1 ma jistgħux jiġu aċċettati iktar minn ħames estensjonijiet mingħajr test ta’ validazzjoni;

3.3.2.2.2.2 ir-riżultati tat-test ta’ validazzjoni jkunu aċċettati għall-estesnjoni jekk il-kundizzjonijiet kollha ta’ aċċettazzjoni tal-Kodiċi jkunu sodisfatti u:

jekk it-tagħwiġa li titkejjel wara kull test tal-impatt ma tvarjax mit-tagħwiġa mkejla wara kull test tal-impatt fir-rapport tat-test oriġinali b'iktar minn ± 7 % (f'każ ta’ test dinamiku);

jekk il-forza mkejla meta l-livell tal-enerġija jkun intlaħaq fid-diversi testijiet ta’ tagħbija orizzjontali ma jvarjax mill-forza mkejla meta l-enerġija mitluba tkun intlaħqet fit-test oriġinali b'iktar minn ± 7 % u t-tagħwiġa mkejla [*] meta l-livell ta’ enerġija meħtieġa tkun intlaħqet fit-testijiet ta’ tagħbija orizzontali ma jvarjax mit-tagħwiġa mkejla meta l-enerġija meħtieġa tkun intlaħqet fit-test oriġinali b'iktar minn ± 7 % (f'każ ta’ test statiku).

3.3.2.2.2.3 iktar minn modifika waħda għall-istruttura protettiva jistgħu jkunu inklużi f'rapport ta’ estensjoni uniku jekk jirrappreżentaw possibilitajiet differenti tal-istruttura protettiva, imma test ta’ validazzjoni wieħed biss jista' jkun aċċettat f'rapport ta’ estensjoni uniku. L-għażliet li ma ġewx ittestjati għandhom ikunu deskritti f'taqsima speċifika tar-rapport ta’ estensjoni.

3.3.2.2.3 Żieda fil-massa ta’ referenza ddikjarata mill-manifattur għal struttura protettiva diġà ttestjata. Jekk il-manifattur irid iżomm l-istess numru ta’ approvazzjoni huwa possibbli li joħroġ rapport ta’ estensjoni wara li jwettaq test ta’ validazzjoni (il-limiti ta’ ± 7 % speċifikat fi 3.3.2.2.2.2 mhumiex applikabbli f'każ bħal dan).

3.4 [mhux applikabbli]

3.5 Rendiment ta’ strutturi protettivi f'temp kiesaħ

3.5.1 Jekk ikun allegat li l-istruttura protettiva għandha proprjetajiet reżistenti għall-effetti ta’ temp kiesaħ, il-manifattur għandu jagħti dettalji li jistgħu jkunu inklużi fir-rapport.

3.5.2 Ir-rekwiżiti u l-proċeduri li ġejjin huma maħsuba biex jipprovdu qawwa u reżistenza għall-ksur mill-effetti tal-kesħa f'temperaturi baxxi. Huwa ssuġġerit li għandhom ikunu sodisfatti r-rekwiżiti materjali minimi biex tiġi deċiża l-adattabilità tal-istruttura protettiva f'temperaturi operattivi mnaqqsa f'dawk il-pajjiżi li jeħtieġu din il-protezzjoni operattiva addizzjonali.

3.5.2.1 Boltijiet u skorfini użati biex titwaħħal l-istruttura protettiva mat-trattur u użati biex partijiet strutturali jingħaqdu mal-istruttura protettiva għandhom juru qawwa kkontrollata adegwata għal temperaturi baxxi.

3.5.2.2 L-elettrodi kollha tal-issaldjar fil-fabbrikazzjoni tal-membri strutturali u l-montaturi għandhom ikunu kompatibbli mal-materjal tal-istruttura protettiva bħal fi 3.5.2.3 hawn taħt.

3.5.2.3 Materjali tal-azzar għall-membri strutturali tal-istruttura protettiva għandhom ikunu ta’ materjal ta’ qawwa kkontrollata li turi rekwiżiti minimi tal-enerġija tal-impatt Charpy V-Notch kif muri fit-Tabella 7.1. Il-grad u l-kwalità tal-azzar għandu jkun speċifikat skont l-ISO 630:1995.

Azzar bi ħxuna rrumblata ta’ inqas minn 2.5 mm u bil-kontenut ta’ karbonju inqas minn 0,2 % hu meqjus li jissodisfa din il-ħtieġa.

Membri strutturali tal-istruttura protettiva magħmula minn materjali apparti mill-azzar għandu jkollhom reżistenza ekwivalenti f'impatt ta’ temperatura baxxa.

3.5.2.4 Meta jiġu ttestjati r-rekwiżiti tal-enerġija tal-impatt Charpy V-Notch, il-kampjun tad-daqs għandu jkun mhux inqas minn l-ikbar tad-daqsijiet iddikjarati fil-Tabella 7.1 li jippermetti l-materjal.

3.5.2.5 It-testijiet Charpy V-Notch għandhom isiru bi qbil mal-proċedura f'ASTM A 370-1979, ħlief għal daqsijiet ta’ kampjun li għandhom ikunu skont il-qisien mogħtija fit-Tabella 7.1.

Tabella 7.1

Enerġiji tal-impatt minimi Charpy V-notch

Daqs tal-kampjun | Enerġija fi | Enerġija fi |

| –30 °C | –20 °C |

Mm | J | J [3] |

10 × 10 [2] | 11 | 27,5 |

10 × 9 | 10 | 25 |

10 × 8 | 9,5 | 24 |

10 × 7,5 [2] | 9,5 | 24 |

10 × 7 | 9 | 22,5 |

10 × 6,7 | 8,5 | 21 |

10 × 6 | 8 | 20 |

10 × 5 [2] | 7,5 | 19 |

10 × 4 | 7 | 17,5 |

10 × 3,5 | 6 | 15 |

10 × 3 | 6 | 15 |

10 × 2,5 [2] | 5,5 | 14 |

3.5.2.6 Alternattivi għal din il-proċedura huma l-użu ta’ azzar newtralizzat jew seminewtralizzat li għandha tiġi pprovduta għalihom speċifikazzjoni adegwata. Il-grad u l-kwalità tal-azzar għandhom ikunu speċifikati skont ISO 630:1995, Amd 1:2003.

3.5.2.7 Il-kampjuni għandhom ikunu lonġitudinali u meħuda minn ħażna ċatta, sezzjonijiet tubulari jew strutturali qabel l-iffurmar jew l-issaldjar għal użu fl-istruttura ta’ protezzjoni. Kampjuni mis-sezzjonijiet tubulari jew strutturali għandhom jittieħdu min-nofs tal-ġenb tal-ikbar dimensjoni u ma għandhomx jinkludu saldaturi.

3.6 [mhux applikabbli]

Il-Figura 7.1

Żona ta’ spazju vojt

+++++ TIFF +++++

Il-Figura 7.1.aViżjoni mill-ġenbSezzjoni fil-pjan ta’ referenzaQisien f'mm | Il-Figura 7.1.bViżjoni minn wara |

Il-Figura 7.1.c

Kif tidher minn fuq

1Il-punt tal-indiċi tas-sit | 2Wiċċ ta’ referenza |

+++++ TIFF +++++

Il-Figura 7.2.a

Żona ta’ spazju vojt għal tratturi b'pożizzjoni tas-sit riversibbli: rollbar b'żewġ postijiet

+++++ TIFF +++++

Il-Figura 7.2.b

Żona ta’ spazju vojt għal tratturi b'pożizzjoni tas-sit riversibbli: tipi oħra ta’ ROPS

+++++ TIFF +++++

Il-Figura 7.3

Blokka tal-pendlu u l-ktajjen ta’ sospensjoni tagħha jew ħbula tal-wajers

Wiċċ l-impatt

Labra li timmarka l- pożizzjoni taċ-ċentru ta ’ gravità

Dimensjonijiet f ’ millimetri

+++++ TIFF +++++

Il-Figura 7.4

Eżempju ta’ rbit tat-trattur (impatt minn wara)

2 irbit

it-travu li jservi ta feles

+++++ TIFF +++++

Il-Figura 7.5

Eżempju ta’ rbit tat-trattur (impatt minn quddiem)

2 irbit

it-travu li jservi ta ’ feles

+++++ TIFF +++++

Il-Figura 7.6

Eżempju ta’ rbit tat-trattur (impatt mill-ġenb)

Iċċanfrinat

Tond biex jiżgura l- kuntatt mar-rimm

L-arka tal-vjaġġ taċ- ċentru ta ’ gravità tal- blokka tal-pendlu għaddejja minn ġol punt ta ’ kuntatt

Irbit (ara 6.6.3.)

Riffieda

150 mm kwadru ta travu ta ’ njam artab

Kejbil mhux issikkat

(mhux obbligatorju)

Travu marbut mal-ġnub tar-roti ta ’ quddiem u ta ’ wara u riffieda mdaħħla mar-rimm tar-rota wara l-ankrar

+++++ TIFF +++++

Il-Figura 7.7

Eżempju ta’ tagħmir tat-tgħaffiġ tat-trattur

Forza

Ġonot tal-pinn universali

Ċilindru idroliku b ’ żewġ funzjonijiet

Ġonot tal-pinn universali

Sostenituri taħt il-fusien ta ’ wara u ta ’ quddiem

Forza

+++++ TIFF +++++

Il-Figura 7.8

Eżempju ta’ apparat għall-kejl tat-tagħwiġa elastika

1 — Tagħwiġa permanenti

2 — Tagħwiġa elastika

3 — Tagħwiġa totali (permanenti kif ukoll elastika)

Arblu orizzontali mwaħħal mal-ROPS

Kullar ta ’ frizzjoni

Għajnuna vertikali mwaħħla max-xażi tat-trattur jew mal- art tal-ROPS

+++++ TIFF +++++

Il-Figura 7.9

Kurva forza / tagħwiġa

Ma hemmx bżonn ta’ test ta’ tagħbija eċċessiva

Noti:

1. Sib Fa b'relazzjoni ma’ 0,95 D′

2. Ma hemmx bżonn ta’ test ta’ tagħbija eċċessiva billi Fa ≤ 1,03 F′

Enerġija bażika kkalkulata

(ara n-nota 2)

Forza tat-tagħbija statika

Tagħwiġa

+++++ TIFF +++++

Il-Figura 7.10

Kurva forza / tagħwiġa

Hemm bżonn ta’ test ta’ tagħbija eċċessiva

Noti:

1. Sib Fa b'relazzjoni ma’ 0,95 D′

2. Hemm bżonn ta’ test ta’ tagħbija eċċessiva billi Fa > 1,03 F′

3. Rendiment fit-test ta’ tagħbija eċċessiva sodisfaċenti billi Fb > 0,97F' u Fb > 0,8F max.

Forza tat-tagħbija statika

Enerġija bażika kkalkulata

(ara n-nota 2)

Enerġija miżjuda b ’ 5%

(ara n-nota 3)

Forza tat-tagħbija statika

Tagħwiġa

+++++ TIFF +++++

Il-Figura 7.11

Kurva forza / tagħwiġa

It-test ta’ tagħbija jrid ikompli

Noti:

1. Sib Fa b'relazzjoni ma’ 0,95 D'

2. Hemm bżonn ta’ test ta’ tagħbija eċċessiva billi Fa > 1,03 F'

3. Fb < 0,97 F' għalhekk hemm bżonn ta’ iktar tagħbija eċċessiva

4. Fc < 0,97 Fb għalhekk hemm bżonn ta’ iktar tagħbija eċċessiva

5. Fd < 0,97 Fc għalhekk hemm bżonn ta’ iktar tagħbija eċċessiva

6. Rendiment fit-test ta’ tagħbija eċċessiva sodisfaċenti, jekk Fe > 0,8 Fmax

7. Nuqqas fi kwalunkwe stadju meta t-tagħbija taqa' taħt iż-0,8 Fmax.

Forza tat-tagħbija statika

Enerġija bażika kkalkulata

(ara n-nota 2)

Enerġija miżjuda b ’ 5%

(ara-nota 3)

Enerġija miżjuda b ’ 10 %

(ara-nota 4)

Enerġija miżjuda b ’ 15 %

(ara n-nota 5)

Enerġija miżjuda b ’ 20%

(ara n-nota 6 u 7)

Tagħwiġa

Tagħbija eċċessiva

+++++ TIFF +++++

[*] Il-kodiċi standard tal-OECD għall-ittestjar uffiċjali ta’ strutturi mwaħħla fuq wara ta’ tratturi agrikoli jew forestali tat-tip narrow-tracked bħala protezzjoni fil-każ li jinqalbu.

[**] Għal testijiet ta’ estensjoni tar-rapporti ta’ testijiet li oriġinarjament użaw punt ta’ referenza tas-sit (SRP), il-kejl meħtieġ għandu jsir b’referenza għall-SRP minflok l-SIP u l-użu tal-SRP għandu jiġi indikat b’mod ċar (ara l-Anness 1).

[***] Infakkru lill-utent li l-punt tal-indiċi tas-sit huwa ddeterminat skont l-ISO 5353 u huwa punt fiss fir-rigward tat-trattur li ma jiċċaqlaqx hekk kif is-sit jiġi aġġustat lilhemm mill-pożizzjoni tan-nofs. Għall-finijiet tad-determinazzjoni taż-żona ta’ spazju ħieles, is-sit għandu jitqiegħed fil-pożizzjoni ta’ wara l-aktar wieqaf." "

[*] Tagħwiġa permanenti + elastika fil-punt meta jinkiseb il-livell ta’ enerġija meħtieġ." "

[2] Tindika d-daqs preferut. Id-daqs tal-kampjun għandu jkun mhux inqas mill-ikbar daqs preferut li l-materjal jippermetti.

[3] Ir-rekwiżit tal-enerġija f'–20 °C huwa 2,5 darbiet il-valur speċifikat għal –30 °C. Fatturi oħra li jaffettwaw l-impatt tas-saħħa tal-enerġija, jiġifieri d-direzzjoni tat-tgerbib, is-saħħa tar-rendiment, l-orjentament tal-qamħ u l-issaldjar. Dawn il-fatturi għandhom jitqiesu meta jintgħażel jew jintuża l-azzar.

--------------------------------------------------

ANNESS III

Emendi għad-Direttiva 86/415/KEE

Id-Direttiva 86/415/KEE hija emendata kif ġej:

1. L-Anness II huwa emendat kif ġej:

(a) il-punt 2.4.2.2.3 jinbidel b'dan li ġej:

"2.4.2.2.3. Il-mekkaniżmu idrawliku tal-irfigħ minn tlett ibnadi jitħaddem permezz ta' kontrolli li jaħdmu bil-"prinċipju ta' attivazzjoni kontinwa";"

(b) għandu jiżdied il-punt 2.5 li ġej:

"2.5 Kontroll(i) tal-veloċità rotazzjonali ta' tluq (PTO)

2.5.1. Ma għandux ikun possibbli li tistartja l-magna meta l-PTO ikun mixgħul.

2.5.2. Kontrolli esterni

2.5.2.1 Il-kontrolli jridu jiġu rranġati b'tali mod li l-operatur ikun jista' jużahom minn post sikur.

2.5.2.2 Il-kontroll(i) għandhom jitfasslu b'tali mod li tevita attivazzjoni mhux intenzjonata tagħhom.

2.5.2.3 Il-kontroll għall-istartjar għandu jaħdem skont "il-prinċipju ta' attivazzjoni kontinwa" għal tal-inqas tliet sekondi mill-attivazzjoni.

2.5.2.4 Wara l-attivazzjoni tal-kontroll(i) id-dewmien fil-ħin għall-operazzjoni intenzjonata ma għandux ikun iktar mill-ħin tas-sistema teknika għall-attivazzjoni/diżattivazzjoni. Jekk dan id-dewmien ma jinqabiżx, għandha ssir diżattivazzjoni awtomatika tal-PTO.

2.5.2.5 Għandu jkun dejjem possibbli li jitwaqqaf/jitwaqqfu għal kollox il-PTO(s) mis-sit tal-operatur kif ukoll mill-kontroll(i) esterni assoċjati. It-tifi għandu dejjem ikun il-kontroll li dejjem jirbaħ fuq kontrolli oħrajn.

2.5.2.6 L-interazzjoni bejn il-kontroll tal-PTO estern u l-PTO mill-pożizzjoni tas-sit tal-operatur ma għandhiex tkun permessa."

2. L-Anness III huwa emendat kif ġej:

- Taħt is-simbolu 1 daħħal "ISO 3767-1:1998, is-simbolu 8.18 jista' jintuża bħala alternattiva";

- Taħt is-simbolu 3 daħħal "ISO 3767-1:1998, is-simbolu 8.19 jista' jintuża bħala alternattiva";

- Taħt is-simbolu 6 daħħal "ISO 3767-2:1991, is-simbolu 7.11 flimkien ma' ISO 3767-1:1998, is-simbolu 7.1 sas-7.5 jista' jintuża bħala alternattiva";

- Taħt is-simbolu 7 "ISO 37667-2:1991, il-wiri tas-simbolu 7.12 PTO flimkien ma' ISO 3767-1:1991, is-simbolu 7.1 sas-7.5 jistgħu jintużaw bħala alternattiva".

--------------------------------------------------

ANNESS IV

Emendi għad-Direttiva 87/402/KEE

Id-Direttiva 87/402/KEE hija emendata kif ġej:

1. Fl-Anness I, il-punt 1 jinbidel b’dan li ġej:

"1. Id-definizzjonijiet u r-rekwiżiti tal-punt 1 tal-Kodiċi 6 [*] tad-Deċiżjoni OECD C(2008) 128 ta’ Ottubru 2008, għajr għall-punt 1.1 (Tratturi agrikoli u forestali), għandhom japplikaw, u jinqraw kif ġej:

"1. Definizzjonijiet

1.1 [mhux applikabbli]

1.2 Struttura Protettiva fil-Każ ta’ Qlib (ROPS)

Struttura ta’ protezzjoni fil-każ ta’ qlib (kabina ta’ sikurezza jew qafas), minn hawn ‘il quddiem imsejħa "struttura protettiva", tfisser l-istruttura fuq trattur li l-iskop essenzjali tagħha huwa li jiġu evitati jew limitati riskji lis-sewwieq li jirriżultaw minn qlib tat-trattur waqt użu normali.

L-istruttura protettiva fil-każ ta’ qlib hija kkaratterizzata minn li jitħalla spazju għal żona ta’ spazju vojt kbira biżżejjed biex tipproteġi lis-sewwieq meta jkun bil-qiegħda jew fi ħdan l-istruttura jew fi ħdan spazju magħluq minn għadd ta’ linji dritti mit-truf ta’ barra tal-istruttura għal kwalunkwe parti tat-trattur li tista’ tiġi f’kuntatt ma’ art ċatta u li tkun kapaċi terfa’ lit-trattur f’din il-pożizzjoni jekk it-trattur jinqaleb.

1.3 Trekk

1.3.1 Definizzjoni preliminari: wiċċ medjan tar-rota

Il-wiċċ medjan tar-rota huwa ekwidistanti miż-żewġ uċuħ li fihom il-periferija tar-rimmijiet fit-truf ta’ barra tagħhom.

1.3.2 Definizzjoni ta’ trekk

Il-wiċċ vertikali minn ġol-fus tar-rota jaqsam minn naħa għall-oħra l-wiċċ medjan tagħha tul linja dritta li tiltaqa’ mal-wiċċ li jerfa’ f’xi punt. Jekk A u B huma ż-żewġ punti hekk iddefiniti għar-roti fuq l-istess fus tat-trattur, il-wisa’ tat-trekk hija d-distanza bejn il-punti A u B. It-trekk tista’ tiġi ddefinita b’dan il-mod kemm għar-roti ta’ quddiem kif ukoll ta’ wara. Fejn hemm żewġ roti tewmin, it-trekk hija d-distanza bejn żewġ uċuħ b’kull wieħed minnhom bħala l-wiċċ medjan tal-pari tar-roti.

1.3.3 Definizzjoni addizzjonali: wiċċ medjan tat-trattur

1.4 Bażi tar-rota

Id-distanza bejn l-uċuħ vertikali għaddejjin miż-żewġ linji AB kif iddefinit hawn fuq, waħda għar-roti ta’ quddiem u waħda għar-roti ta’ wara.

1.5 Determinazzjoni tal-punt tal-indiċi tas-sit; post tas-sit u aġġustament għat-test

1.5.1 Il-punt tal-indiċi tas-sit (SIP) [**]

Il-punt tal-indiċi tas-sit għandu jkun iddeterminat skont l-ISO 5353:1995

1.5.2 Post tas-sit u aġġustament għat-test

1.5.2.1 fejn l-inklinazzjoni tad-dar u l-wiċċ tas-sit tkun aġġustabbli, dawn iridu jkunu aġġustati sabiex il-punt tal-indiċi tas-sit ikun fil-pożizzjoni ta’ wara l-aktar wieqfa;

1.5.2.2 fejn is-sit ikun mgħammar b’sospensjonijiet, dan irid jiġi mblukkat f’nofs triq, sakemm dan ma jkunx kontra l-istruzzjonijiet stabbiliti b’mod ċar mill-manifattur tas-sit.

1.5.2.3 fejn il-pożizzjoni tas-sit tkun aġġustabbli fit-tul u vertikalment biss, l-assi lonġitudinali li jgħaddi mill-punt tal-indiċi tas-sit għandu jkun parrallel mal-wiċċ vertikali lonġitudinali tat-trattur li jgħaddi miċ-ċentru tal-istering u mhux aktar minn 100 mm minn dan il-wiċċ.

1.6 Żona ta’ spazju vojt

1.6.1 Linja u wiċċ vertikali ta’ referenza

Iż-żona ta’ spazju vojt (Il-Figura 6.1 fl-Anness II) hija definita fuq il-bażi ta’ wiċċ ta’ referenza vertikali u linja ta’ referenza:

1.6.1.1 Il-wiċċ ta’ referenza huwa wiċċ vertikali, ġeneralment lonġitudinali mat-trattur u li jgħaddi mill-punt tal-indiċi tas-sit u ċ-ċentru tar-rota tal-istering. Normalment il-wiċċ ta’ referenza jikkoinċidi mal-wiċċ medjan lonġitudinali tat-trattur. Il-wiċċ ta’ referenza għandu jitqies li jersaq orizzontalment mas-sit u r-rota tal-istering meta jkun mgħobbi iżda li jibqa’ perpendikulari mat-trattur jew mal-art tal-istruttura protettiva fil-każ ta’ qlib.

1.6.1.2 Il-linja ta’ referenza hija l-linja li tinsab fil-wiċċ ta’ referenza, li tgħaddi minn punt ta’ li jinsab 140 + ah lura u 90 – av taħt il-punt tal-indiċi tas-sit u l-ewwel punt fuq ix-xifer tar-rota tal-istering li hi taqsam meta tinġieb mal-orizzontali.

1.6.2 Determinazzjoni taż-żona ta’ spazju vojt għal tratturi b’sit mhux riversibbli

Iż-żona ta’ spazju vojt għal tratturi b’sit mhux riversibbli hija ddefinita f’minn 1.6.2.1 sa 1.6.2.11 hawn taħt u hija magħluqa mill-uċuħ li ġejjin, meta t-trattur ikun fuq wiċċ orizzontali, is-sit, fejn ikun jista’ jiġi aġġustat, aġġustat fil-pożizzjoni ta’ wara l-aktar wieqfa [***], u r-rota tal-istering, fejn ikun jista’ jiġi aġġustat, aġġustat fil-pożizzjoni tan-nofs għal sewqan bil-qiegħda:

1.6.2.1 żewġ uċuħ vertikali 250 mm fuq kull naħa tal-pjan ta’ referenza, fejn dawn il-pjanijiet vertikali jestendu 300 mm ‘il fuq mill-wiċċ definit f’1.6.2.8 hawn taħt u b’mod lonġitudinali tal-anqas 550 mm ‘il quddiem mill-wiċċ vertikali perpendikulari mal-pjan ta’ referenza li għaddi (210 – ah) mm ‘il quddiem mill-punt ta’ referenza tas-sit;

1.6.2.2 żewġ uċuħ vertikali 200 mm fuq kull naħa tal-wiċċ ta’ referenza, fejn dawn l-uċuħ vertikali jestendu 300 mm ‘il fuq mill-wiċċ definit f’1.6.2.8 hawn taħt u b’mod lonġitudinali mill-wiċċ definit f’1.6.2.11 ‘l isfel mill-wiċċ vertikali perpendikulari mal-pjan ta’ referenza li għaddi (210 – ah) mm ‘il quddiem mill-punt ta’ referenza tas-sit;

1.6.2.3 Wiċċ inklinat perpendikulari mal-wiċċ ta’ referenza, parallel ma’ u 400 mm ‘il fuq mil-linja ta’ referenza, li jestendi lura sal-punt fejn jaqsam mal-pjan vertikali li huwa perpendikulari mal-pjan ta’ referenza u li jgħaddi minn punt (140+ ah) mm lura mill-punt tal-indiċi tas-sit;

1.6.2.4 Wiċċ inklinat, perpendikulari mal-wiċċ ta’ referenza u li jiltaqa’ mal-wiċċ definit f’1.6.2.3 hawn fuq i x-xifer l-iktar luraiu jserraħ fuq id-dahar tas-sit;

1.6.2.5 wiċċ vertikali perpendikulari mal-wiċċ ta’ referenza, li jgħaddi tal-anqas 40 mm ‘il quddiem mir-rota tal-istering u tal-anqas 760 – ah ‘il quddiem mill-punt tal-indiċi tas-sit;

1.6.2.6 wiċċ ċilindriku bl-assi tiegħu perpendikulari mal-wiċċ ta’ referenza, li għandu raġġ ta’ 150 mm u tanġenzjali mal-uċuħ iddefiniti f’1.6.2.3 u 1.6.2.5;

1.6.2.7 żewġ uċuħ inklinati paralleli li jgħaddu mit-trufijiet ta’ fuq tal-uċuħ iddefiniti f’1.6.2.1 hawn fuq bil-wiċċ inklinat tal-ġenb fejn jiġi applikat l-impatt ma jkunx eqreb minn 100 mm mill-wiċċ ta’ referenza ‘l fuq miż-żona ta’ spazju vojt;

1.6.2.8 wiċċ orizzontali li jgħaddi minn punt 90 – av taħt il-punt tal-indiċi tas-sit;

1.6.2.9 żewġ porzjonijiet tal-wiċċ vertikali perpendikulari mal-wiċċ ta’ referenza li jgħaddi 210 – ah ‘il quddiem mill-punt tal-indiċi tas-sit, fejn dawn iż-żewġ partijiet mill-pjanijiet jingħaqdu rispettivament mal-limiti l-aktar lura tal-uċuħ iddefiniti f’1.6.2.1 fuq il-limiti l-aktar ‘il quddiem tal-uċuħ iddefiniti f’1.6.2.2 hawn fuq;

1.6.2.10 żewġ porzjonijiet tal-wiċċ orizzontali li jgħaddi 300 mm ‘il fuq mill-wiċċ iddefinit f’1.6.2.8 hawn fuq, fejn dawn iż-żewġ partijiet mill-uċuħ jingħaqdu rispettivament mal-limiti l-aktar ‘il fuq tal-pjanijiet vertikali ddefiniti f’1.6.2.2 u l-limiti l-aktar baxxi tal-uċuħ oblikwi ddefiniti f’1.6.2.7 hawn fuq;

1.6.2.11 wiċċ, għat-tond jekk hemm bżonn, li l-linja ġenerattiva tiegħu hija perpendikulari mal-wiċċ ta’ referenza u li sserraħ fuq in-naħa ta’ wara tad-dahar tas-sit.

1.6.3 Determinazzjoni taż-żona ta’ spazju vojt għal tratturi b’pożizzjoni riversibbli tas-sewwieq

Għal tratturi b’pożizzjoni tas-sewwieq riversibbli (sit u rota tal-istering riversibbli), iż-żona ta’ spazju vojt huwa l-involukru taż-żewġ żoni ta’ spazju vojt iddefiniti miż-żewġ pożizzjonijiet differenti tar-rota tal-istering u s-sit.

1.6.4 Sits mhux obbligatorji

1.6.4.2 F’każ fejn tiġi offruta għażla ġdida ta’ sit wara li jkun sar it-test, għandu jsir kalkolu biex jinstab jekk iż-żona ta’ spazju ħieles madwar l-SIP il-ġdid taqax fl-involukru stabbilit qabel. Jekk ma taqax hemm, irid isir test mill-ġdid.

1.7 Tolleranzi permissibbli ta’ kejl

Dimensjonijiet lineari : ± 3 mm

għajr — tagħwiġa fit-tajer : ± 1 mm

— tagħwiġa tal-istruttura matul it-tagħbijiet orizzontali : ± 1 mm

— għoli tal-waqgħa tal-blokka tal-pendlu : ± 1 mm

Mases ± 1 %

Forzi ± 2 %

Angoli ± 2°

1.8 Simboli

ah | (mm) | Nofs l-aġġustament orizzontali tas-sit |

av | (mm) | Nofs l-aġġustament vertikali tas-sit |

B | (mm) | Wisa’ minima ġenerali tat-trattur |

Bb | (mm) | Wisa’ massima esterna tal-istruttura protettiva |

D | (mm) | Tagħwiġa tal-istruttura fil-punt ta’ impatt (testijiet dinamiċi) jew fil-punt tal-applikazzjoni tat-tagħbija u bi dritt miegħu (testijiet statiċi) |

D′ | (mm) | Tagħwiġa tal-istruttura għall-enerġija kkalkulata meħtieġa |

Ea | (J) | L-enerġija tat-tensjoni assorbita fil-punt meta titneħħa t-tagħbija. Żona kontenuta fi ħdan il-kurva F-D |

Ei | (J) | Enerġija ta’ tensjoni assorbita. Żona taħt il-kurva F-D |

E′i | (J) | Enerġija ta’ tensjoni assorbita wara tagħbija addizzjonali wara qasma jew tiċrita |

E″i | (J) | Enerġija ta’ tensjoni assorbita f’test ta’ eċċess ta’ tagħbija fil-każ li t-tagħbija tkun tneħħiet qabel jibda dan it-test ta’ tagħbija eċċessiva. Żona taħt il-kurva F-D |

Eil | (J) | Input ta’ enerġija li għandha tiġi assorbita matul it-tagħbija lonġitudinali |

Eis | (J) | Input ta’ enerġija li għandha tiġi assorbita matul it-tagħbija laterali |

F | (N) | Forza ta’ tagħbija statika |

F′ | (N) | Forza ta’ tagħbija għall-enerġija kkalkulata meħtieġa, li tikkorrispondi għal E′i |

F-D | | Dijagramma forza/tagħwiġa |

Fi | (N) | Forza applikata mat-tagħmir sod ta’ wara |

Fmax | (N) | Forza massima ta’ tagħbija statika preżenti matul it-tagħbija, bl-eċċezzjoni ta’ tagħbija eċċessiva |

Fv | (N) | Forza vertikali ta’ tgħaffiġ |

H | (mm) | Għoli tal-waqgħa tal-blokka tal-pendlu (testijiet dinamiċi) |

H′ | (mm) | Għoli tal-waqgħa tal-blokka tal-pendlu għal test addizzjonali (testijiet dinamiċi) |

I | (kg m2) | Mument ta’ inerzja ta’ referenza tat-trattur madwar il-linja ċentrali tar-roti ta’ wara, tkun xi tkun il-massa ta’ dawn ir-roti ta’ wara |

L | (mm) | Distanza bejn il-fus ta’ quddiem u dak ta’ wara ta’ referenza tat-trattur |

M | (kg) | Massa ta’ referenza tat-trattur matul testijiet ta’ qawwa, kif iddefinit fit-Taqsima 3.2.1.4 fl-Anness II. |

2. L-Anness II jinbidel bit-test segwenti:

"ANNESS II

Rekwiżiti tekniċi

Ir-rekwiżiti tekniċi għall-approvazzjoni tat-tip KE dwar strutturi li jipproteġu mill-qlib imwaħħla fuq quddiem tas-sit tas-sewwieq ta’ tratturi agrikoli jew forestali tat-tip bi trekk dejjaq, għandhom ikunu dawk stabbiliti fil-punt 3 tal-Kodiċi 6 [*] tad-Deċiżjoni tal-OECD K(2008) 128 ta’ Ottubru 2008, minbarra l-punti 3.2.4 (Rapporti tat-test), 3.4.1 (Estensjoni amministrattiva), 3.5 (Ittikkettjar) u 3.7 (Ir-rendiment tal-ankraġġ taċ-ċinturin tas-sigurtà), li jgħid kif ġej:

"3. REGOLI U STRUZZJONIJIET

3.1 Kundizzjonijiet minn qabel għat-testijiet ta’ qawwa

3.1.1 Tlestija ta’ żewġ testijiet preliminari

L-istruttura protettiva tista' tkun suġġetta għat-testijiet ta’ saħħa jekk kemm it-Test ta’ Stabilità Laterali kif ukoll it-Test tat-Tgerbib Mhux Kontinwu tlestew b'mod sodisfaċenti (ara d-dijagramma tal-fluss bħala l-Figura 6.3).

3.1.2 Preparazzjoni għat-testijiet preliminari

3.1.2.1 It-trattur irid ikun mgħammar bl-istruttura protettiva fil-pożizzjoni sikura tiegħu.

3.1.2.2 It-trattur irid ikun mgħammar b'tajers li għandhom l-akbar dijametru indikat mill-manifattur u l-iżgħar sezzjoni trażversali għal tajers b'dak id-dijametru. It-tajers ma jistgħux ikunu mgħobbija b'saborra tal-likwidu u jridu jkunu minfuħa sal-pressjoni rakkomandata għax-xogħol f'għalqa.

3.1.2.3 Ir-roti ta’ wara jridu jkunu ssettjati sal-idjaq wisa' tat-trekk; ir-roti ta’ quddiem għandhom jiġu ssettjati qrib kemm jista' jkun tal-istess wisa' tat-trekk. Jekk ikun possibbli li jkun hemm żewġ posizzjonijiet ta’ ssettjar tat-trekk ta’ quddiem li jkunu differenti b'mod ugwali mill-issettjar tal-idjaq trekk ta’ wara, għandu jintgħażel l-usa' minn dawn iż-żewġ posizzjonijiet ta’ ssettjar tat-trekk ta’ quddiem.

3.1.2.4 It-tankijiet kollha tat-trattur iridu jimtlew jew inkella l-likwidi jridu jiġu sostitwiti b'massa ekwivalenti fil-pożizzjoni korrispondenti.

3.1.2.5 L-aċċessorji kollha użati fil-produzzjoni tas-serje għandhom jitwaħħlu mat-trattur fil-pożizzjoni normali.

3.1.3 Test ta’ stabilità laterali

3.1.3.1 It-trattur, ippreparat kif speċifikat hawn fuq, fuq wiċċ orizzontali b'tali mod li l-punt tal-pern tal-fus ta’ quddiem tat-trattur jew, fil-każ ta’ trattur artikulat, il-punt tal-pern orizzontali bejn iż-żewġ fusien jistgħu jiċċaqalqu liberament.

3.1.3.2 Bl-użu ġakk jew parank, mejjel il-parti tat-trattur li hija konnessa b'mod riġidu mal-fus li qed iġorr aktar minn 50 % tal-piż tat-trattur, filwaqt li tkejjel b'mod kostanti l-angolu ta’ inklinazzjoni. Dan l-angolu għandu jkun tal-anqas 38° fil-mument meta t-trattur ikun qed iserraħ fi stat ta’ ekwilibriju mhux stabbli fuq ir-roti li jmissu mal-art. Wettaq it-test darba bir-rota tal-istering imdawra kompletament u maqfula fuq in-naħa tal-lemin u darba bir-rota tal-istering imdawra kompletament u maqfula fuq in-naħa tax-xellug.

3.1.4 Test ta’ tgerbib mhux kontinwu

3.1.4.1 Rimarki ġenerali

Dan it-test huwa maħsub biex jivverifika jekk l-istruttura mgħammra mat-trattur għall-protezzjoni tas-sewwieq tistax tipprevjeni b'mod sodisfaċenti t-tgerbib kontinwu tat-trattur fil-każ li jinqaleb lateralment f'niżla b'pendil ta’ 1 f'1.5 (il-Figura 6.4).

Evidenza ta’ tgerbib mhux kontinwu tista' tinkiseb skont wieħed miż-żewġ metodi deskritti fi 3.1.4.2 u 3.1.4.3.

3.1.4.2 Dimostrazzjoni ta’ mġiba ta’ tgerbib mhux kontinwu permezz tat-test tal-qlib

3.1.4.2.1 It-test tal-qlib irid isir fuq niżla għat-test twila tal-anqas erba' metri (ara l-Figura 6.4). Il-wiċċ irid ikun kopert b'ringiela ta’ 18-il ċm ta’ materjal li, kif imkejjel skont l-Istandards ASAE S313.3 FEB1999 u ASAE EP542 FEB1999 li huma relatati ma’ penetrometru ta’ kon tal-ħamrija, għandu indiċi tal-penetrazzjoni tal-kon ta':

A = 235 ± 20

jew

B = 335 ± 20

3.1.4.2.2 It-trattur (imħejji kif deskritt fil-paragrafu 3.1.2) huwa mmejjel lateralment b'veloċità inizjali żero. Għal dan il-għan, huwa jitqiegħed fil-bidu tan-niżla tat-test b'tali mod li r-roti fuq in-naħa nieżla jserrħu fuq in-niżla u l-wiċċ medjan tat-trattur ikun parallel mal-linji ta’ kontorn. Wara li jolqot wiċċ in-niżla tat-tens, it-trattur ikun jista' jerfa' lilu nnifsu mill-wiċċ billi jdur mar-rokna ta’ fuq tal-istruttura protettiva, imma ma jridx jinqaleb. Irid jaqa' lura fuq in-naħa li laqat l-ewwel.

3.1.4.3 Dimostrazzjoni ta’ mġiba ta’ tgerbib mhux kontinwu b'kalkolu

3.1.4.3.1 Għall-fini ta’ verifika tal-imġiba ta’ tgerbib mhux kontinwu b'kalkolu, id-dejta tal-karatteristika tat-trattur trid tiġi aċċertata (ara l-Figura 6.5):

B0 | (m) | Wisa' tat-tajer ta’ wara |

B6 | (m) | Wisa' tal-istruttura protettiva bejn il-punti tal-lemin u tax-xellug tal-impatt |

B7 | (m) | Wisa' tal-bonit tal-magna |

D0 | (rad) | L-angolu ta’ tbandil tal-fus ta’ quddiem mill-pożizzjoni żero sa tmiem id-distanza tal-vjaġġ) |

D2 | (m) | L-għoli tat-tajers ta’ quddiem b'tagħbija sħiħa tal-fus |

D3 | (m) | L-għoli tat-tajers ta’ wara b'tagħbija sħiħa tal-fus |

H0 | (m) | Għoli tal-punt ta’ quddiem tal-pern tal-fus |

H1 | (m) | L-għoli taċ-ċentru ta’ gravità |

H6 | (m) | L-għoli fil-punt ta’ impatt |

H7 | (m) | L-għoli tal-bonit tal-magna |

L2 | (m) | Id-distanza orizzontali bejn iċ-ċentru ta’ gravità u l-fus ta’ quddiem |

L3 | (m) | Id-distanza orizzontali bejn iċ-ċentru ta’ gravità u l-fus ta’ wara |

L6 | (m) | Id-distanza orizzontali bejn iċ-ċentru ta’ gravità u l-punt prinċipali ta’ intersezzjoni tal-istruttura protettiva (li għandu jiġi preċedut minn simbolu tan-negattiv jekk dan il-punt qiegħed quddiem il-wiċċ taċ-ċentru ta’ gravità) |

L7 | (m) | Id-distanza orizzontali bejn iċ-ċentru ta’ gravità u r-rokna ta’ quddiem tal-bonit tal-magna |

Mc | (kg) | Massa tat-trattur użat għall-kalkolu |

Q | (kgm2) | Il-mument ta’ inerzja madwar il-fus lonġitudinali minn ġoċ-ċentru ta’ gravità |

S | (m) | Wisa' tat-trekk ta’ wara |

Is-somma tat-trekk (S) u l-wisgħat tat-tajers (B0) trid tkun akbar mill-wisa' B6 tal-istruttura protettiva.

3.1.4.3.2 Għall-finijiet ta’ kalkolu, jistgħu jsiru s-suppożizzjonijiet ta’ semplifikazzjoni li ġejjin:

3.1.4.3.2.1 it-trattur wieqaf jinqaleb fuq niżla b'pendil ta’ 1/1,5 b'fus ta’ quddiem ibbilanċjat, malli ċ-ċentru ta’ gravità jkun vertikalment fuq il-fus ta’ rotazzjoni;

3.1.4.3.2.2 il-fus ta’ rotazzjoni huwa parallel mal-fus lonġitudinali tat-trattur u jgħaddi miċ-ċentru tal-uċuħ ta’ kuntatt tar-roti ta’ quddiem u ta’ wara għan-niżla,

3.1.4.3.2.3 it-trattur ma jiżżerżaqx 'l isfel;

3.1.4.3.2.4 l-impatt fuq in-niżla huwa parzjalment elastiku, b'koeffiċjent ta’ elastiċità ta':

U = 0,2

3.1.4.3.2.5 il-fond tal-penetrazzjoni fin-niżla u d-deformazzjoni tal-istruttura protettiva flimkien jammontaw għal:

T = 0,2 m

3.1.4.3.2.6 l-ebda komponenti oħra tat-trattur ma jippenetraw fin-niżla.

3.1.4.3.3 Il-programm tal-kompjuter (BASIC [**]) li jiddetermina l-imġiba tal-qlib kontinwu u interrott ta’ trattur bi trekk dejjaq li jinqaleb lateralment bi struttura protettiva mill-qlib imwaħħla fuq quddiem huwa parti mill-Kodiċi preżenti, bl-eżempji minn 6.1 sa 6.11.

3.1.5 Metodi ta’ kejl

3.1.5.1 Id-distanzi orizzontali bejn iċ-ċentru ta’ gravità u l-fus ta’ wara (L3) jew dak ta’ quddiem (L2)

Id-distanza bejn l-fusien ta’ wara u ta’ quddiem fuq iż-żewġ naħat tat-trattur għandu jitkejjel sabiex jiġi vverifikat li ma hemm l-ebda angolu ta’ stering.

Id-distanzi bejn iċ-ċentru ta’ gravità u l-fus ta’ wara (L3) jew il-fus ta’ quddiem (L2) għandhom ikunu kkalkulati mid-distribuzzjoni tal-massa tat-trattur bejn ir-roti ta’ wara u ta’ quddiem.

3.1.5.2 L-għoli tat-tajers ta’ wara (D3) u ta’ quddiem (D2)

Id-distanza mill-ogħla punt tat-tajer sa wiċċ l-art għandu jitkejjel (il-Figura 6.5), u l-istess metodu għandu jintuża għat-tajers ta’ quddiem u ta’ wara.

3.1.5.3 Id-distanza orizzontali bejn iċ-ċentru ta’ gravità u l-punt ewlieni ta’ intersezzjoni tal-istruttura protettiva (L6)

Id-distanza bejn iċ-ċentru ta’ gravità u l-punt ewlieni ta’ intersezzjoni tal-istruttura protettiva għandha titkejjel (il-Figuri 6.6.a, 6.6.b u 6.6.c). Jekk l-istruttura protettiva tinsab quddiem il-wiċċ taċ-ċentru ta’ gravità, il-miżura rreġistrata għandha tkun preċeduta minn simbolu tan-negattiv (–L6).

3.1.5.4 Wisa' tal-istruttura protettiva (B6)

Id-distanza bejn il-punti tal-impatt tal-lemin u tal-lemin u tax-xellug taż-żewġ postijiet vertikali tal-istruttura għandha titkejjel.

Il-punt tal-impatt huwa ddefinit mill-pjan tanġenzjali għall-istruttura protettiva li tgħaddi mil-linja mill-punti ta’ barra ta’ fuq tat-tajer ta’ quddiem u ta’ wara (il-Figura 6.7).

3.1.5.5 Għoli tal-istruttura protettiva (H6)

Id-distanza vertikali mill-punt tal-impatt tal-istruttura ma’ wiċċ l-art għandu jitkejjel.

3.1.5.6 Għoli tal-bonit tal-magna (H7)

Id-distanza vertikali mill-ponta tal-impatt tal-bonit tal-magna għal-pjan terren għandu jiġi mkejjel.

Il-punt tal-impatt huwa definit mill-pjan tanġenzjali għall-bonit tal-magna u l-istruttura protettiva li tgħaddi mill-punti ta’ fuq li hemm barra tat-tajer ta’ quddiem (il-Figura 6.7). Il-qisien għandhom jittieħdu fuq iż-żewġ naħat tal-bonit tal-magna.

3.1.5.7 Għoli tal-bonit tal-magna (B7)

Id-distanza bejn iż-żewġ punti tal-impatt tal-bonit tal-magna kif definit preċedentement, għandha tiġi mkejla.

3.1.5.8 Id-distanza orizzontali bejn iċ-ċentru tal-gravità u l-kantuniera ta’ quddiem tal-bonit tal-magna. (L7)

Id-distanza bejn il-punt tal-impatt tal-bonit tal-magna, kif definit preċedentement, għaċ-ċentru tal-gravità għandha tiġi mkejla.

3.1.5.9 Għoli tal-ponta ta’ quddiem tal-pern tal-fus (H0)

Id-distanza vertikali bejn iċ-ċentru tal-ponta ta’ quddiem tal-pern tal-fus għaċ-ċentru tal-fus tat-tajers ta’ quddiem (H01) għandhom ikunu inklużi fir-rapport tekniku tal-manifattur u għandhom jiġu ċċekkjati.

Id-distanza vertikali miċ-ċentru tal-fus tat-tajers ta’ quddiem għall-pjan terren (H02) għandha tiġi mkejla (il-Figura 6.8).

L-għoli tal-pern tal-fus ta’ quddiem (H0) huwa s-somma taż-żewġ valuri preċendenti.

3.1.5.10 Il-wisa' ta’ bejn iż-żewġ roti ta’ wara (S)

Il-wisa' minima ta’ bejn iż-żewġ roti ta’ wara mgħammra b'tajers tal-akbar daqs, kif speċifikat mill-manifattur, għandha tiġi mkejla. (il-Figura 6.9).

3.1.5.11 Il-wisa' ta’ bejn iż-żewġ tajers ta’ wara (B0)

Id-distanza ta’ bejn il-pjani vertikali ta’ barra u ta’ ġewwa tat-tajer ta’ wara fil-parti superjuri tagħhom għandha tiġi mkejla (il-Figura 6.9).

3.1.5.12 Il-fus ta’ quddiem tal-angolu li jixxengel (D0)

L-akbar angolu definit bix-xengil tal-fus ta’ quddiem mill-pożizzjoni orizzontali għat-tagħwiġa massima għandu jiġi mkejjel miż-żewġ naħat tal-fus, waqt li tkun meħudha inkonsiderazzjoni kwalunkwe "end-stroke" tax-shock absorber. L-angolu massimu mkejjel għandu jiġi wżat.

3.1.5.13 Il-Massa tat-Trattur (M)

Il-massa tat-trattur għandha tkun determinata skont il-kundizzjonijiet speċifikati fil-paragrafu 3.2.1.4.

3.2 Kundizzjonijiet għall-ittestjar tas-saħħa tal-istruttura ta’ protezzjoni u tat-twaħħil tagħha mat-trattur

3.2.1 Rekwiżiti ġenerali

3.2.1.1 L-iskopijiet tal-ittestjar

Testijiet li jsiru bl-użu ta’ riggijiet speċjali huma maħsuba li jissimulaw tali piżijiet bħalma jiġu imposti fuq struttura ta’ protezzjoni, meta jinqaleb it-trattur. Dawn it-testijiet jippermettu li jsiru osservazzjonijiet fuq is-saħħa tal-istruttura ta’ protezzjoni u fuq il-brakits li jwaħħluha mat-trattur u fuq partijiet oħra tat-trattur li jittrasmettu t-tagħbija tat-test.

3.2.1.2 Il-metodi tal-ittestjar

It-testijiet jistgħu jiġu mwettqa skont il-proċedura dinamika jew il-proċedura statika. Iż-żewġ metodi huma meqjusa ekwivalenti.

3.2.1.3 Ir-regoli ġenerali li jirregolaw il-preparazzjoni għat-testijiet

3.2.1.3.1 L-istruttura ta’ protezzjoni għandha tkun konformi mal-ispeċifikazzjonijiet tal-produzzjoni tas-serje. Għandha titwaħħal skont il-metodu rrakkomandat mill-manifattur ma’ wieħed mit-tratturi li għalihom hi ddisinjata.

Nota: Għat-test statiku tas-saħħa ma hemmx il-ħtieġa ta’ trattur komplut; madankollu, l-istruttura ta’ protezzjoni u l-partijiet tat-trattur li magħhom jirrappreżentaw stallazzjoni ta’ tħaddim, imsejħa hawnhekk minn issa 'l quddiem bħala "l-immuntar".

3.2.1.3.2 Kemm għat-test statiku kif ukoll għat-test dinamiku t-trattur kif immuntat (jew l-immuntar) għandu jiġi mgħammar bil-komponenti kollha tal-produzzjoni tas-serje li jistgħu jaffettwaw is-saħħa tal-istruttura ta’ protezzjoni jew li jistgħu jkunu meħtieġa għat-test tas-saħħa.

Il-komponenti li jistgħu joħolqu ħsara fiż-żona ta’ spazju vojt għandhom wkoll jiġu mgħammra fuq it-trattur (jew l-immuntar) biex ikun jista' jiġi eżaminat jekk ir-rekwiżiti tal-Kundizzjonijiet tal-Aċċettazzjoni 3.2.3 jkunux ġew ssodisfatti.

Il-komponenti kollha tat-trattur jew tal-istruttura ta’ protezzjoni li jinkludu l-protezzjoni kontra t-temp għandhom jiġu provduti jew deskritti fid-disinji.

3.2.1.3.3 Għat-test tas-saħħa, il-pannelli kollha u l-komponenti kollha li mhumiex strutturali u li jistgħu jinqalgħu għandhom jitneħħew biex ma jgħinux fit-tisħiħ tal-istuttura ta’ protezzjoni.

3.2.1.3.4 Il-wisa' ta’ bejn iż-żewġ roti għandha tiġi aġġustata biex l-istruttura ta’ protezzjoni ma tkunx kemm jista' jkun mirfuda bit-tajers matul it-testijiet tas-saħħa. Jekk dawn it-testijiet isiru skont il-proċedura statika, ir-roti jistgħu jiġu mneħħija.

3.2.1.4 Ir-referenza tal-massa tat-trattur matul it-testijiet tas-saħħa

Ir-referenza tal-massa M, użata fil-formuli sabiex jiġi kkalkulat l-għoli tal-waqgħa tal-blokka tal-pendlu, l-enerġiji tat-tagħbija u l-forza ta’ tgħaffiġ, għandha tkun mill-inqas il-massa tat-trattur, li teskludi aċċessorji mhux obbligatorji imma li tinkludi coolant, żjut, fjuwil, għodod flimkien mal-istruttura ta’ protezzjoni. Mhumiex inklużi piżijiet mhux obbligatorji fuq quddiem jew fuq wara, ballast tat-tajer, implementi mwaħħlin, tagħmir armat jew kwalunkwe komponenti speċjalizzati.

3.2.2 Testijiet

3.2.2.1 Sekwenza tat-testijiet

Is-sekwenza tat-testijiet, mingħajr ħsara għat-testijiet addizzjonali msemmija fit-taqsimiet 3.3.1.1.6, 3.3.1.1.7, 3.3.2.1.6 u 3.3.2.1.7, huwa kif ġej:

(1) l-impatt (it-test dinamiku) jew it-tagħbija (it-test statiku) fuq wara tal-istruttura

(ara 3.3.1.1.1 u 3.3.2.1.1);

(2) test ta’ tgħaffiġ fuq wara (it-test dinamiku jew statiku)

(ara 3.3.1.1.4 u 3.3.2.1.4);

(3) l-impatt (it-test dinamiku) jew it-tagħbija (it-test statiku) fuq quddiem tal-istruttura

(ara 3.3.1.1.2 u 3.3.2.1.2);

(4) l-impatt (it-test dinamiku) jew it-tagħbija (it-test statiku) fuq il-ġenb tal-istruttura

(ara 3.3.1.1.3 u 3.3.2.1.3);

(5) tgħaffiġ fuq quddiem tal-istruttura (it-test dinamiku jew statiku)

(ara 3.3.1.1.5 u 3.3.2.1.5).

3.2.2.2 Rekwiżiti ġenerali

3.2.2.2.1 Jekk, matul it-test, xi parti tal-apparat li miegħu jintrabat it-trattur tiċċaqlaq jew tinkiser, it-test għandu jerġa' jsir mill-ġdid.

3.2.2.2.2 Ma jistgħu jsiru l-ebda tiswijiet jew aġġustamenti lit-trattur jew lill-istruttura ta’ protezzjoni waqt it-testijiet.

3.2.2.2.3 Il-gerboks tat-trattur għandha tkun fin-newtral u l-brejkijiet maħlula matul it-testijiet.

3.2.2.2.4 Jekk it-trattur ikun mgħammar b'sistema ta’ sospensjoni bejn il-karozzerija tat-trattur ("the tractor body") u r-roti, din għandha tiġi bblokkata matul it-testijiet.

3.2.2.2.5 In-naħa magħżula għall-applikazzjoni tal-ewwel impatt (it-test dinamiku) jew l-ewwel tagħbija (it-test statiku) fuq in-naħa ta’ wara tal-istruttura għandha tkun dik li, fl-opinjoni tal-awtoritajiet li qed iwettqu t-test, tirriżulta fl-applikazzjoni tas-serje ta’ impatti jew tagħbija fl-aktar kundizzjonijiet mhux favorevoli għall-istruttura. L-impatt laterali jew it-tagħbija u l-impatt fuq wara jew it-tagħbija fuq wara għandhom jiġu applikati fuq iż-żewġ naħat tal-pjan lonġitudinali medjan tal-istruttura ta’ protezzjoni. L-impatt jew it-tagħbija ta’ quddiem għandhom jiġu applikati fuq l-istess ġenb tal-pjan lonġitudinali medjan tal-istruttura ta’ protezzjoni tal-impatt jew it-tagħbija tal-ġenb.

3.2.3 Kundizzjonijiet ta’ aċċettazzjoni

3.2.3.1 Struttura protettiva tkun meqjusa bħala waħda li tissodisfa r-rekwiżiti tas-saħħa jekk tissodisfa l-kundizzjonijiet li ġejjin:

3.2.3.1.1 għandha tkun ħielsa minn xquq jew tiċrit wara kull parti tat-test skont it-tifsira ta’ 3.3.1.2.1 jew 3.2.3.1.2. Jekk, matul xi wieħed mit-testijiet, jidhru xquq jew tiċrit sinifikanti, għandu jiġi applikat test addizzjonali, skont it-testijiet dinamiċi jew statiċi, immedjatament wara l-impatt jew it-tgħaffiġ li jkun ikkaġuna li jidhru t-tiċritiet jew xquq;

3.2.3.1.2 matul it-testijiet minbarra t-test ta’ eċċess, l-ebda parti tal-istruttura ta’ protezzjoni ma għandha tidħol fiż-żona ta’ spazju vojt kif definit f'1.6 fl-Anness I;

3.2.3.1.3 matul it-testijiet minbarra t-test ta’ eċċess, il-partijiet kollha taż-żona ta’ spazju vojt għandhom ikunu assigurati mill-istruttura, skont 3.3.1.2.2 u 3.3.2.2.2;

3.2.3.1.4 waqt it-testijiet l-istruttura ta’ protezzjoni ma għandha timponi l-ebda trażżin fuq l-istruttura tas-sit;

3.2.3.1.5 it-tagħwiġa elastika, imkejla skont 3.3.1.2.3 u 3.3.2.2.3 għandha tkun inqas minn 250 mm.

3.2.3.2 Ma għandu jkun hemm l-ebda aċċessorju li jkun ta’ periklu għas-sewwieq. Ma għandu jkun hemm l-ebda aċċessorju jew xi parti ħierġa 'l barra li għandha t-tendenza li tweġġa' lis-sewwieq fil-każ li t-trattur jinqaleb, jew xi aċċessorju jew xi parti li għandha t-tendenza li taqflu ġewwa – pereżempju bir-riġel jew bis-sieq – bħala riżultat tat-tagħwiġ tal-istruttura.

3.2.4 [mhux applikabbli]

3.2.5 Apparat u tagħmir għat-testijiet dinamiċi

3.2.5.1 Blokk tal-pendlu

3.2.5.1.1 Blokka li taġixxi bħala pendlu għandha tkun sospiża b’żewġ ktajjen jew ħbula tal-wajer minn punti tal-pern mhux anqas minn 6 m 'l fuq mill-art. Għandu jiġi pprovdut mezz biex l-għoli mdendel tal-blokka u l-angolu bejn il-blokka u l-ktajjen jew il-ħbula tal-wajer li qed jirfdu, ikunu jistgħu jiġu aġġustati indipendentement.

3.2.5.1.2 Il-massa tal-blokka tal-pendlu għandha tkun ta’ 2000 ± 20 kg eskluża l-massa tal-ktajjen jew tal-ħbula tal-wajer li dawn, min-naħa tagħhom, ma għandhomx jaqbżu l-100 kg. It-tul tal-ġnub tal-wiċċ tal-impatt għandu jkun ta’ 680 ± 20 mm (ara l-Figura 6.10). Il-blokka għandha tkun mimlija b'tali mod li l-pożizzjoni taċ-ċentru tal-gravità tagħha jkun kostanti u tikkoinċidi maċ-ċentru ġeometriku tal-parallelpiped.

3.2.5.1.3 Il-parallelpiped għandu jkun imqabbad mas-sistema li tiġbdu lura b'mekkaniżmu li jerħi instantanjament li hu ddisinjat u mqiegħed b'tali mod li jippermetti lill-blokka tal-pendlu li tintreħa mingħajr ma tikkawża li l-parallelpiped jitbandal madwar il-fus orizzontali tiegħu li huwa perpendikulari mal-pjan tat-tbandil tal-pendlu.

3.2.5.2 Is-sostenni tal-pendlu

Il-punti tal-pern tal-pendlu għandhom ikunu mwaħħla b'mod riġidu biex l-ispostament tagħhom f'kull direzzjoni ma jaqbiżx il-1 % tal-għoli tal-waqgħa.

3.2.5.3 L-irbit

3.2.5.3.1 Ganċijiet ta’ ankraġġ tal-wisa' ta’ bejn iż-żewġ roti skont ir-rekwiżiti u li jkopru l-parti meħtieġa għall-irbit tat-trattur fil-każijiet spjegati (ara l-Figuri 6.11, 6.12 u 6.13) għandhom jitwaħħlu b'mod riġidu ma’ bażi li ma ċċedix taħt il-pendlu.

3.2.5.3.2 It-trattur għandu jintrabat mal-ganċijiet permezz ta’ ħabel tal-wajer b'kurduni tondi, bil-qalba tal-fibra, ta’ kostruzzjoni 6 × 19 skont ISO 2408:2004 u ta’ dijametru nominali ta’ 13 mm. Il-kurduni tal-metall għandu jkollhom saħħa finali tensili ta' 1770 MPa.

3.2.5.3.3 Il-pern ċentrali ta’ trattur artikulat għandu jintrifed u jintrabat kif inhu xieraq għat-testijiet kollha. Għat-test tal-impatt laterali, il-pern għandu jkun mirfud ukoll min-naħa faċċata tal-impatt. Ir-roti ta’ quddiem u ta’ wara ma għandhomx bżonn ikunu bi dritt xulxin jekk dan jiffaċilità li l-ħbula tal-wajer jitwaħħlu kif suppost.

3.2.5.4 Riffieda u seratizz tar-rota

3.2.5.4.1 Matul it-testijiet tal-impatt, għandu jintuża travu ta’ njam artab ta’ 150 mm kwadru bħala riffieda għar-roti (ara l-Figuri 6.11, 6.12 u 6.13).

3.2.5.4.2 Matul it-testijiet tal-impatt laterali, travu ta’ njam artab għandu jiġi marbut mal-art biex jorbot ix-xifer tar-rota faċċata n-naħa tal-impatt (ara l-Figura 6.13).

3.2.5.5 Ir-riffieda u r-rabbata għat-tratturi artikulati

3.2.5.5.1 Ir-riffieda u r-rabbata addizzjonali għandhom jintużaw għat-tratturi artikulati. L-għan tagħhom hu li jiġi assigurat li s-sezzjoni tat-trattur li fuqha hija mwaħħla l-istruttura ta’ protezzjoni hija riġida daqs dik ta’ trattur mhux artikolat.

3.2.5.5.2 Dettalji speċifiċi addizzjonali jinsabu fit-Taqsima 3.3.1.1 għat-testijiet tal-impatt u tat-tgħaffiġ.

3.2.5.6 Pressjoni tat-tajers u tat-tagħwiġ

3.2.5.6.1 It-tajers tat-trattur ma jistgħux ikunu mgħobbija b'saborra likwida u għandhom ikunu minfuħa sal-pressjoni preskritta mill-manifattur tat-trattur għax-xogħol tal-għalqa.

3.2.5.6.2 L-irbit għandu jiġi ssikkat f'kull każ partikolari b'mod li t-tajers jgħaddu minn tagħwiġ ugwali għal 12 % tal-għoli tal-ħajt tat-tajer ("tyre wall height") (distanza bejn l-art u l-aktar punt baxx tax-xifer) qabel dan jiġi ssikkat.

3.2.5.7 Tagħmir tat-tgħaffiġ

It-tagħmir kif muri fil-Figura 6.14 għandu jkun jista' jeżerċita forza 'l isfel fuq struttura ta’ protezzjoni minn ġo travu riġidu ta’ wisa' bejn wieħed u ieħor ta’ 250 mm imqabbad mal-mekkaniżmu li japplika t-tagħbija permezz ta’ ġogi universali. Għandhom ikunu pprovduti pjanċi xierqa tal-fus biex it-tajers tat-trattur ma jsofrux il-forza tat-tgħaffiġ.

3.2.5.8 Apparat tal-kejl

L-apparat tal-kejl li ġej huwa meħtieġ:

3.2.5.8.1 strument li jkejjel it-tagħwiġa elastika (id-differenza bejn it-tagħwiġa momentarja massima u t-tagħwiġa permanenti, (ara l-Figura 6.15).

3.2.5.8.2 strument biex jiġi vverifikat li l-istruttura ta’ protezzjoni ma tkunx daħlet fiż-żona ta’ spazju vojt u li din tal-aħħar baqgħet taħt il-protezzjoni tal-istruttura matul it-test (ara t-Taqsima 3.3.2.2.2).

3.2.6 Apparat u tagħmir għal testijiet statiċi

3.2.6.1 It-tagħmir għall-ittestjar statiku

3.2.6.1.1 It-tagħmir għall-ittestjar statiku għandu jkun iddisinjat b'tali mod li jippermetti li jiġu applikati daqqiet jew tagħbija fuq l-istruttura ta’ protezzjoni.

3.2.6.1.2 Għandha ssir dispożizzjoni biex it-tagħbija tiġi mqassma b'mod uniformi u b'mod normali mad-direzzjoni tat-tagħbija u matul il-ħanek li jkollu tul ta’ wieħed mill-multipli eżatti ta’ 50 bejn il-250 u s-700 mm. It-travu iebes għandu jkollu dimensjoni tal-wiċċ vertikali ta’ 150 mm. It-trufijiet tat-travu f'kuntatt mal-istruttura ta’ protezzjoni għandhom jiġu magħwġa b'raġġ massimu ta’ 50 mm.

3.2.6.1.3 Il-pjattaforma għandha tkun tista' tiġi aġġustata għal kull angolu b'relazzjoni mad-direzzjoni tat-tagħbija, biex tkun tista' ssegwi l-varjazzjonijiet angolari tal-wiċċ tal-istruttura li terfa' t-tagħbija hekk kif l-istruttura tintlewa.

3.2.6.1.4 Id-direzzjoni tat-tagħbija (devjazzjoni mill-orizzontal u mill-vertikal):

- fil-bidu tat-test, tagħbija taħt iż-żero: ± 2°;

- matul it-test, taħt il-tagħbija: 10° 'il fuq u 20° taħt l-orizzontali. Dawn il-varjazzjonijiet għandhom jinżammu għal minimu.

3.2.6.1.5 Ir-rata tat-tagħwiġ għandha tkun daqstant bil-mod, inqas minn 5 mm/s, li t-tagħbija f'kull mument tkun ikkunsidrata bħala statika.

3.2.6.2 Apparat għall-kejl tal-enerġija assorbita mill-istruttura

3.2.6.2.1 Il-kurva tal-forza kontra t-tagħwiġ għandha tiġi maħżuża biex tkun stabbilita l-enerġija assorbita mill-istruttura. Ma hemmx il-ħtieġa li jkunu mkejla l-forza u t-tagħwiġa fil-waqt meta t-tagħbija tiġi applikata fuq l-istruttura; madankollu, il-forza u t-tagħwiġa għandhom jiġu mkejla simultanjament u ko-linearment.

3.2.6.2.2 Il-punt tal-oriġini tal-qisien tat-tagħwiġa għandhom jintagħżlu b'tali mod li tiġi kkunsidrata l-enerġija assorbita mill-istruttura u/jew mit-tagħwiġa ta’ ċerti partijiet tat-trattur. L-enerġija assorbita mit-tagħwiġa u/jew miż-żelqa tal-ankoraġġ għandha tiġi injorata.

3.2.6.3 Mezzi tal-ankoraġġ tat-trattur mal-art

3.2.6.3.1 Il-ganċijiet tal-ankoraġġ bil-wisa' ta’ bejn iż-żewġ roti kif rekwiżit, u li jkopru ż-żona meħtieġa biex jiġi ankrat it-trattur fil-każijiet kollha mogħtija, għandhom jeħlu b'mod riġidu ma’ bażi li ma tiċċaqlaqx ħdejn it-tagħmir tat-test.

3.2.6.3.2 It-trattur għandu jiġi ankrat mal-ganċijiet permezz ta’ mezz adattat (pjanċi, kunjardi, ħbula tal-wajer, ġakkijiet, eċċ) b'tali mod li ma jkunx jista' jiċċaqlaq matul it-test. Din il-kundizzjoni għandha tiġi verifikata matul it-test, permezz tal-mekkaniżmi li normalment jintużaw biex jitkejjel it-tul.

Jekk it-trattur jiċċaqlaq, it-test kollu għandu jerġa jiġi jsir mill-ġdid, sakemm is-sistema tal-kejl tat-tagħwiġ meħudha inkonsiderazzjoni għat-taħżiż tal-kurva tal-forza kontra t-tagħwiġ ma tkunx imqabbda mat-trattur.

3.2.6.4 Tagħmir tat-tgħaffiġ

It-tagħmir kif muri fil-Figura 6.14 għandu jkun jista' jeżerċita forza 'l isfel fuq struttura ta’ protezzjoni minn ġo travu riġidu wiesgħa bejn wieħed u ieħor 250 mm imqabbad mal-mekkaniżmu li japplika t-tagħbija permezz ta’ ġogi universali. Għandhom ikunu pprovduti pjanċi xierqa tal-fus biex it-tajers tat-trattur ma jsofrux il-forza tat-tgħaffiġ.

3.2.6.5 Apparati oħra tal-kejl

L-apparati tal-kejl li ġejjin huma wkoll meħtieġa:

3.2.6.5.1 strument li jkejjel it-tagħwiġa elastika (id-differenza bejn id-devjazzjoni momentarja massima u t-tagħwiġa permanenti, (ara l-Figura 6.15).

3.2.6.5.2 strument biex jiġi vverifikat li l-istruttura ta’ protezzjoni ma tkunx daħlet fiż-żona ta’ spazju vojt u li din tal-aħħar baqgħet taħt il-protezzjoni tal-istruttura matul it-test (ara t-Taqsima 3.3.2.2.2).

3.3 Proċedura tal-ittestjar

3.3.1 Testijiet Dinamiċi

3.3.1.1 Testijiet ta’ tagħbija u tgħaffiġ

3.3.1.1.1 Impatt fuq wara

3.3.1.1.1.1 It-trattur għandu jitqiegħed f'relazzjoni mal-blokka tal-pendlu b'tali mod li l-blokka tolqot l-istruttura ta’ protezzjoni meta l-wiċċ tal-impatt tal-blokka u l-ktajjen jew il-ħbula tal-wajer tal-irfid ikunu f'angolu mal-pjan vertikali A ugwali għal M/100 b'20° massimu, sakemm, matul it-tagħwiġ, l-istruttura ta’ protezzjoni mal-punt ta’ kuntatt ma tiffurmax angolu akbar mal-vertikal. F'dan il-każ, il-wiċċ tal-impatt tal-blokka għandu jiġi aġġustat permezz ta’ rfid addizzjonali biex ikun parallel mal-istruttura ta’ protezzjoni fil-punt tal-impatt fil-mument tat-tagħwiġa massima, filwaqt li l-ktajjen jew il-ħbula tal-wajer tal-irfid jibqgħu fl-angolu definit hawn fuq.

L-għoli sospiż tal-blokka għandu jiġi aġġustat u għandhom jittieħdu l-passi meħtieġa biex il-blokka ma titħallhiex iddur madwar il-punt tal-impatt.

Il-punt tal-impatt huwa dik il-parti tal-istruttura ta’ protezzjoni, normalment ix-xifer tan-naħa ta’ fuq, li għandha t-tendenza li tolqot l-ewwel l-art f'aċċident ta’ qlib lura. Il-pożizzjoni taċ-ċentru ta’ gravità tal-blokka hija 1/6 tal-wisa' tal-parti ta’ fuq tal-istruttura ta’ protezzjoni 'l ġewwa minn pjan vertikali parallel mal-pjan medjan tat-trattur li jmiss l-estremità ta’ barra tal-parti ta’ fuq tal-istruttura ta’ protezzjoni.

Jekk l-istruttura hija kurvata jew toħroġ 'il barra f'dan il-punt, għandhom jiġu miżjuda l-kunjardi li jippermettu li l-impatt jiġi applikat hemmhekk, mingħajr mal-istruttura tiġi msaħħa aktar.

3.3.1.1.1.2 It-trattur għandu jintrabat mal-art permezz ta’ erba' ħbula tal-wajer, wieħed f'kull tarf taż-żewġ fusien, irranġati kif indikat fil-Figura 6.11. L-ispazju bejn il-punti tal-irbit ta’ quddiem u ta’ wara għandu jkun tali li l-ħbula tal-wajer jagħmlu angolu ta’ inqas minn 30° mill-art. L-irbit ta’ wara għandu jkun irranġat ukoll b'mod li l-punt ta’ konverġenza taż-żewġ ħbula tal-wajer ikun jinsab fil-pjan vertikali li fih jitħarrek iċ-ċentru tal-gravità tal-blokka tal-pendlu.

Il-ħbula tal-wajer għandhom jiġu ssikkatti b'tali mod li t-tajers issirilhom it-tagħwiġa mogħtija fi 3.2.5.6.2. Bil-ħbula tal-wajer issikkati, it-travu li jservi ta’ feles għandu jitpoġġa quddiem u għandu jitqiegħed issikkat mar-roti ta’ wara u mbagħad imwaħħal mal-art.

3.3.1.1.1.3 Jekk it-trattur huwa tat-tip artikulat, il-punt ta’ artikulazzjoni jiġi wkoll mirfud bi blokka tal-injam ta’ mill-inqas 100 mm kwadru u marbuta sew mal-art.

3.3.1.1.1.4 Il-blokka tal-pendlu għandha tinġibed lura biex l-għoli taċ-ċentru tal-gravità tagħha 'l fuq minn dak fil-punt tal-impatt jingħata permezz ta’ waħda miż-żewġ formuli li ġejjin, liema formula għandha tintagħżel skont il-massa ta’ referenza tal-immuntar suġġetta għat-testijiet:

H = 25 + 0,07 M

għal trattur b'massa ta’ referenza ta’ inqas minn 2000 kg;

H = 125 + 0,02 M

għal trattur b'massa ta’ referenza ta’ iktar minn 2000 kg;

Il-blokka tal-pendlu għandha mbagħad tintreħa u tolqot l-istruttura ta’ protezzjoni.

3.3.1.1.1.5 Għal tratturi b'pożizzjoni riversibbli tas-sewwieq (sit u rota tal-istering riversibbli), għandhom jiġu applikati l-istess formuli.

3.3.1.1.2 Tgħaffiġ fuq quddiem

3.3.1.1.2.1 It-trattur għandu jitqiegħed f'relazzjoni mal-blokka tal-pendlu b'tali mod li l-blokka tolqot l-istruttura ta’ protezzjoni meta l-wiċċ tal-impatt tal-blokka u l-ktajjen jew il-ħbula tal-wajer tal-irfid ikunu f'angolu mal-pjan vertikali A ugwali għal M/100 b'20° massimu, sakemm, matul it-tagħwiġa, l-istruttura ta’ protezzjoni mal-punt ta’ kuntatt ma tiffurmax angolu akbar mal-vertikal. F'dan il-każ, il-wiċċ ta’ impatt tal-blokka għandu jiġi aġġustat permezz ta’ rfid addizzjonali sabiex ikun parallel mal-istruttura ta’ protezzjoni fil-punt tal-impatt fil-mument tat-tagħwiġa massima, filwaqt li l-ktajjen jew il-ħbula tal-wajer tal-irfid jibqgħu fl-angolu definit hawn fuq.

L-għoli sospiż tal-blokka tal-pendlu għandu jiġi aġġustat u għandhom jittieħdu l-passi meħtieġa biex il-blokka ma titħallhiex iddur madwar il-punt tal-impatt.

Il-punt tal-impatt huwa dik il-parti tal-istruttura ta’ protezzjoni, normalment ix-xifer tan-naħa ta’ fuq, li għandha t-tendenza li tolqot l-ewwel l-art jekk it-trattur jinqaleb fuq ġenb meta jkun miexi 'l quddiem. Il-pożizzjoni taċ-ċentru tal-gravità tal-blokka hija 1/6 tal-wisa' tal-parti ta’ fuq tal-istruttura ta’ protezzjoni 'l ġewwa minn pjan vertikali parallel mal-pjan medjan tat-trattur li jmiss l-estremità ta’ barra tal-parti ta’ fuq tal-istruttura ta’ protezzjoni.

3.3.1.1.2.2 It-trattur għandu jintrabat mal-art permezz ta’ erba' ħbula tal-wajer, wieħed f'kull tarf taż-żewġ fusien, imqiegħda kif indikat fil-Figura 6.12. L-ispazju bejn il-punti tal-irbit ta’ quddiem u ta’ wara għandu jkun tali li l-ħbula tal-wajer jagħmlu angolu ta’ inqas minn 30° mill-art. L-irbit ta’ wara għandu jkun irranġat ukoll b'mod li l-punt ta’ konverġenza taż-żewġ ħbula tal-wajer ikun jinsab fil-pjan vertikali li fih jitħarrek iċ-ċentru tal-gravità tal-blokka tal-pendlu.

3.3.1.1.2.3 Jekk it-trattur huwa tat-tip artikulat, il-punt ta’ artikulazzjoni jiġi wkoll mirfud bi blokka tal-injam ta’ mill-inqas 100 mm kwadru u marbuta sew mal-art.

3.3.1.1.2.4 Il-blokka tal-pendlu għandha tinġibed lura biex l-għoli taċ-ċentru tal-gravità tagħha 'l fuq minn dak fil-punt tal-impatt jingħata permezz ta’ waħda miż-żewġ formuli li ġejjin, liema formula għandha tintagħżel skont il-massa ta’ referenza tal-immuntar suġġetta għat-testijiet:

H = 25 + 0,07 M

għal trattur b'massa ta’ referenza ta’ inqas minn 2000 kg.

H = 125 + 0,02 M

għal trattur b'massa ta’ referenza ta’ iktar minn 2000 kg.

Il-blokka tal-pendlu għandha mbagħad tintreħa u tolqot l-istruttura ta’ protezzjoni.

3.3.1.1.2.5 Għat-tratturi b'pożizzjoni riversibbli tas-sewwieq (sit riversibbli u rota tal-istering), l-għoli għandu jkun l-għola wieħed mill-formula applikata fuq u li magħżula hawn taħt:

H = 2,165 × 10–8 M × L2

jew

H = 5,73 × 10–2 I

3.3.1.1.3 Tagħbija mill-ġenb

3.3.1.1.3.1 It-trattur għandu jitpoġġa f'relazzjoni mal-blokka tal-pendlu b'tali mod li l-blokka tolqot l-istruttura ta’ protezzjoni meta l-wiċċ tal-impatt tal-piż u l-ktajjen jew il-ħbula tal-wajer tal-irfid jkunu vertikali sakemm, matul it-tagħwiġa, l-istruttura ta’ protezzjoni fil-punt ta’ kuntatt ma tiffurmax angolu ta’ inqas minn 20° mal-vertikal. F'dan il-każ, il-wiċċ tal-impatt tal-blokka għandu jiġi aġġustat permezz ta’ rfid addizzjonali biex ikun parallel mal-istruttura ta’ protezzjoni fil-punt tal-impatt fil-mument tat-tagħwiġa massima, waqt li l-ktajjen jew il-ħbula tal-wajer tal-irfid jibqgħu vertikali waqt l-impatt.

L-għoli sospiż tal-blokka tal-pendlu għandu jiġi aġġustat u għandhom jittieħdu l-passi meħtieġa biex il-blokka ma titħallhiex iddur madwar il-punt tal-impatt.

Il-punt tal-impatt għandu jkun dik il-parti tal-istruttura ta’ protezzjoni li għandha t- tendenza li tolqot l-ewwel l-art f'aċċident ta’ qlib fuq il-ġenb.

3.3.1.1.3.2 Ir-roti tat-trattur tan-naħa li tkun se tirċievi l-impatt għandhom jintrabtu mal-art permezz ta’ ħbula tal-wajer li jgħaddu minn fuq it-trufijiet korrispondenti tal-fusien ta’ quddiem u ta’ wara. Il-ħbula tal-wajer għandhom jiġu ssikkati b'mod li jipproduċu l-valuri tat-tagħwiġa tat-tajers mogħtija fi 3.2.5.6.2.

Bil-ħbula tal-wajer issikkati, it-travu li jservi ta’ feles għandu jitpoġġa quddiem, għandu jitqiegħed issikkat mar-roti tan-naħa tal-faċċata li tkun se tirċievi l-impatt u mbagħad imwaħħal mal-art. Jista' jkun meħtieġ li jintużaw żewġ travi jew kunjardi jekk il-ġnub ta’ barra tat-tajers ta’ quddiem u ta’ wara ma jkunux fl-istess pjan vertikali. Ir-riffieda mbagħad għandha titpoġġa kif muri fil-Figura 6.13 kontra x-xifer tar-rota li l-aktar li tkun qed tirċievi t-tagħbija faċċata tal-punt tal-impatt, imbuttata b'mod sod kontra x-xifer u mbagħad imwaħħla mal-bażi tagħha. It-tul tar-riffieda għandu jkun tali li din tkun f'angolu ta’ 30 ± 3° mal-art meta tkun imqiegħda kontra x-xifer. B'żieda għal dan, fejn possibbli, it-tul tagħha għandu jkun bejn 20 u 25 darba inqas mit-tul tagħha u bejn 2 jew 3 darbiet inqas mill-wisa' tagħha. Fiż-żewġ trufijiet, ir-riffieda għandu jkollhom il-forma kif tidher fid-dettalji tal-Figura 6.13.

3.3.1.1.3.3 Jekk it-trattur huwa tat-tip artikulat, il-punt ta’ artikulazzjoni jrid jiġi wkoll mirfud bi blokka tal-injam tal-anqas 100 mm kwadru u mirfud lateralment b'mekkaniżmu simili għar-riffieda mbuttat kontra r-rota ta’ wara kif fi 3.3.1.1.3.2. Il-punt tal-artikulazzjoni għandu mbagħad jintrabat sew mal-art.

3.3.1.1.3.4 Il-blokka tal-pendlu għandha tinġibed lura biex l-għoli taċ-ċentru tal-gravità tagħha 'l fuq minn dak fil-punt tal-impatt jingħata permezz ta’ waħda miż-żewġ formuli li ġejjin, liema formula għandha tintagħżel skont il-massa ta’ referenza tal-immuntar suġġetta għat-testijiet:

H = (25 + 0,20 M) (B6+B) / 2B

għal trattur b'massa ta’ referenza ta’ inqas minn 2000 kg.

H = (125 + 0,15 M) (B6+B) / 2B

għal trattur b'massa ta’ referenza ta’ iktar minn 2000 kg.

3.3.1.1.3.5 Għal tratturi riversibbli, l-għoli għandu jkun dak l-akbar tar-riżultati miksuba mill-formuli applikabbli fuq u hawn isfel:

H = 25 + 0,2 M

għal trattur b'massa ta’ referenza ta’ inqas minn 2000 kg.

H = 125 + 0,15 M

għal trattur b'massa ta’ referenza ta’ iktar minn 2000 kg.

Il-blokka tal-pendlu għandha mbagħad tintreħa u tolqot l-istruttura ta’ protezzjoni.

3.3.1.1.4 Tgħaffiġ fuq wara

It-travu għandu jiġi mqiegħed fuq il-membri strutturali ta’ wara li huma l-aktar 'il fuq u r-riżultanti tal-forzi li jgħaffġu għandhom jiġu allokati fil-pjan vertikali medjan tat-trattur. Għandha tiġi applikata forza Fv meta:

Fv = 20 M

Il-forza Fv għandha tinżamm għal ħames sekondi wara l-waqfien ta’ kwalunkwe moviment li jidher tal-istruttura ta’ protezzjoni.

Fejn il-parti ta’ wara tas-saqaf tal-istruttura ta’ protezzjoni ma treġġix il-forza kollha li tgħaffeġ, il-forza għandha tiġi applikata sakemm is-saqaf jitgħawweġ u jibda jmiss mal-pjan li jgħaqqad il-parti ta’ fuq tal-istruttura ta’ protezzjoni ma’ dik il-parti ta’ wara tat-trattur li kapaċi treġġi l-massa tal-vettura meta tinqaleb.

3.3.1.1.5 Tgħaffiġ fuq quddiem

It-travu għandu jiġi mqiegħed tul il-membru jew membri strutturali ta’ quddiem li huma l-aktar 'il fuq u r-riżultanti tal-forzi li jgħaffġu għandhom jiġu allokati fil-pjan vertikali medjan tat-trattur. Għandha tiġi applikata forza Fv meta:

Fv = 20 M

Il-forza Fv għandha tinżamm għal ħames sekondi wara l-waqfien ta’ kwalunkwe moviment li jidher tal-istruttura ta’ protezzjoni.

Fejn il-parti ta’ quddiem tas-saqaf tal-istruttura ta’ protezzjoni ma treġġix il-forza kollha li tgħaffeġ, il-forza għandha tiġi applikata sakemm is-saqaf jitgħawweġ u jibda jmiss mal-pjan li jgħaqqad il-parti ta’ fuq tal-istruttura ta’ protezzjoni ma’ dik il-parti ta’ quddiem tat-trattur li kapaċi treġġi l-massa tal-vettura meta tinqaleb.

3.3.1.1.6 Testijiet ta’ impatt addizzjonali

Jekk jidhru waqt it-test ta’ impatt xquq jew tiċrit li ma jistgħux jitqiesu negliġibbli, għandu jsir it-tieni test simili, iżda b'għoli ta’ waqgħa ta':

H′ = (H × 10-1) (12 + 4a) (1 + 2a)-1

immedjatament wara t-testijiet tal-impatt li wasslu biex jidhru dawn ix-xquq jew tiċrit, "a" tkun il-proporzjon tad-deformazzjoni permanenti (Dp) mad-deformazzjoni elastika (De):

a = Dp / De

kif imkejjel fil-punt tal-impatt. Id-deformazzjoni permanenti addizzjonali dovuta għat-tieni impatt ma għandhiex taqbeż it-30 % tad-deformazzjoni permanenti dovuta għall-ewwel impatt.

Sabiex ikun jista' jsir it-test addizzjonali, jeħtieġ li titkejjel id-deformazzjoni elastika waqt it-testijiet kollha tal-impatt.

3.3.1.1.7 Testijiet ta’ tgħaffiġ addizzjonali

Jekk, matul it-test tat-tgħaffiġ, jidhru xquq u tiċrit sinifikanti, għandu jsir it-tieni test ta’ tgħaffiġ simili, iżda b'qawwa ekwivalenti għal 1.2 Fv, immedjatament wara t-test ta’ tgħaffiġ li wassal biex jidhru dawn ix-xquq jew tiċrit.

3.3.1.2 Il-kejl li għandu jittieħed

3.3.1.2.1 Ksur u xquq

Wara kull test il-membri strutturali kollha, il-ġogi u s-sistemi tal-irbit għandhom ikunu eżaminati b’mod viżiv għal tiċrit u xquq, waqt li kwalunkwe xquq żgħar f’partijiet mhux importanti għandhom jiġu injorati.

Kwalunkwe tiċrit kkawżat mit-truf tal-piż tal-pendlu għandu jiġi injorat.

3.3.1.2.2 Żona ta’ spazju vojt

3.3.1.2.2.1 Dħul fiż-żona ta’ spazju vojt

Waqt kull test l-istruttura protettiva għandha tiġi eżaminata biex jiġi vverifikat jekk daħlitx kwalunkwe parti fiż-żona ta’ spazju vojt madwar is-sit tas-sewwieq kif definit f'1.6.

Barra minn hekk, iż-żona ta’ spazju vojt ma għandhiex tkun 'il barra mill-istruttura protettiva. Għal dan il-għan, għandha tiġi kkunsidrata bħala barra miż-żona protettiva jekk kwalunkwe parti minnha tkun għamlet kuntatt ma’ art ċatta jekk it-trattur jinqaleb lejn id-direzzjoni minn fejn ikun ġiet applikata t-tagħbija tat-test. Biex dan jiġi stmat, wieħed jassumi li t-tajers ta’ quddiem u ta’ wara u d-distanza tal-wisa' bejn ir-roti għandhom ikunu l-iżgħar fittjatura standard mill-manifattur.

3.3.1.2.2.2 Testijiet għat-tagħmir iebes ta’ wara

Jekk it-trattur ikun mgħammar b'sezzjoni riġida, b'kisi jew b'tagħmir iebes ieħor imqiegħed fuq wara tas-sit tas-sewwieq, dan it-tagħmir għandu jitqies bħala punt ta’ protezzjoni, fil-każ ta’ qlib fuq ġenb jew qlib lura. Dan it-tagħmir iebes imqiegħed fuq wara tas-sit tas-sewwieq għandu jkollu l-kapaċità li jiflaħ, mingħajr ma jinkiser jew jidħol fiż-żona ta’ spazju vojt, forza 'l isfel Fi fejn:

Fi = 15 M

applikata perpendikularment mal-wiċċ tal-qafas fil-pjan ċentrali tat-trattur. L-angolu inizjali tal-applikazzjoni ta’ forza għandu jkun ta’ 40° ikkalkulat b'mod parallel għall-art kif muri fil-Figura 6.16. Il-wisa' minima ta’ din sezzjoni riġida għandha tkun ta’ 500 mm (ara l-Figura 6.17).

B'żieda għal dan, din għandha tkun riġida biżżejjed u mwaħħla b'mod sod man-naħa ta’ wara tat-trattur.

3.3.1.2.3 It-tagħwiġa elastika (taħt impatt mill-ġenb)

It-tagħwiġa elastika hija mkejla (810 + av) mm 'l fuq mill-punt tal-indiċi, fil-pjan vertikali li jgħaddi minn ġol-punt tal-impatt. Għal dan il-kejl, jista' jintuża apparat simili għal dak muri fil-Figura 6.15.

3.3.1.2.4 Tagħwiġa permanenti

Wara t-test tat-tgħaffiġ finali, it-tagħwiġa permanenti tal-istruttura protettiva għandha tiġi rreġistrata. Għal dan il-għan, qabel ma jibda t-test, għandha tintuża l-pożizzjoni tal-membri tal-istruttura protettiva ewlenija kontra l-qlib f’relazzjoni mal-punt tal-indiċi tas-sit.

3.3.2 Testijiet Statiċi

3.3.2.1 Testijiet ta’ tagħbija u tgħaffiġ

3.3.2.1.1 Tagħbija fuq wara

3.3.2.1.1.1 It-tagħbija għandha tiġi applikata b'mod orizzontali fi pjan vertikali parallel mal-pjan medjan tat-trattur.

Il-punt tal-applikazzjoni tat-tagħbija għandu jkun dik il-parti tal-istruttura protettiva kontra t-tgerbib li x'aktarx li tolqot l-art l-ewwel f'inċident ta’ qlib b'lura, normalment ix-xifer ta’ fuq. Il-pjan vertikali li t-tagħbija tiġi applikata fuqu għandu jkun f'distanza ta’ 1/3 tal-wisa' estern tal-parti ta’ fuq tal-istruttura mill-pjan medjan.

Jekk l-istruttura tkun għat-tond jew toħroġ 'il barra f'dan il-punt, għandhom jiġu miżjuda l-kunjardi li jippermettu li t-tagħbija tiġi applikata hemmhekk, mingħajr ma l-istruttura tissaħħaħ aktar.

3.3.2.1.1.2 L-assemblaġġ għandu jintrabat mal-art kif deskritt fi 3.2.6.3.

3.3.2.1.1.3 L-enerġija assorbita mill-istruttura protettiva matul it-test għandha tkun tal-anqas:

Eil = 500 + 0,5 M

3.3.2.1.1.4 Għal tratturi b'pożizzjoni riversibbli tas-sewwieq (sit u "steering wheel" riversibbli), għandha tiġi applikata l-istess formula.

3.3.2.1.2 Tagħbija fuq quddiem

3.3.2.1.2.1 It-tagħbija għandha tiġi applikata b'mod orizzontali, fi pjan vertikali parallel mal-pjan medjan tat-trattur u mqiegħda f'distanza ta’ 1/3 tal-wisa' estern tal-part ta’ fuq tal-istruttura.

Il-punt tal-applikazzjoni tat-tagħbija jkun dik il-parti tal-istruttura ta’ protezzjoni ta’ kontra l-qlib li għandha t-tendenza li tolqot l-ewwel l-art jekk it-trattur jinqaleb fuq ġenb meta jkun miexi 'l quddiem, normalment ix-xifer tan-naħa ta’ fuq.

3.3.2.1.2.2 L-assemblaġġ għandu jintrabat mal-art kif deskritt fi 3.2.6.3.

3.3.2.1.2.3 L-enerġija assorbita mill-istruttura protettiva matul it-test għandha tkun tal-anqas:

Eil = 500 + 0,5 M

3.3.2.1.2.4 Għal tratturi b'pożizzjoni tas-sewwieq riversibbli (sit u rota tal-istering riversibbli), l-enerġija għandha tkun dik li tkun l-aktar waħda għolja minn dawk ta’ fuq jew waħda minn dawn li ġejjin kif magħżula:

Eil = 2,165 × 10–7M × L2

jew

Eil= 0,574 I

3.3.2.1.3 Tagħbija mill-ġenb

3.3.2.1.3.1 It-tagħbija mill-ġenb għandha tiġi applikata b'mod orizzontali, fi pjan vertikali b'mod perpendikulari mal-pjan medjan tat-trattur. Il-punt tal-applikazzjoni tat-tagħbija huwa dik il-parti tal-istruttura protettiva kontra t-tgerbib li x'aktarx li tolqot l-art l-ewwel f'inċident ta’ qlib fuq genb, normalment ix-xifer ta’ fuq.

3.3.2.1.3.2 L-assemblaġġ għandu jintrabat mal-art kif deskritt fi 3.2.6.3.

3.3.2.1.3.3 L-enerġija assorbita mill-istruttura protettiva matul it-test għandha tkun tal-anqas:

Eis = 1,75 M(B6+B) / 2B

3.3.2.1.3.4 Għal tratturi b'pożizzjoni tas-sewwieq riversibbli (sit u rota tal-istering riversibbli), l-enerġija għandha tkun dik li tkun l-ogħla minn dawk ta’ fuq jew minn dik li ġejja:

Eis = 1,75 M

3.3.2.1.4 Tgħaffiġ fuq wara

Id-dispożizzjonijiet kollha huma identiċi għal dawk fi 3.3.1.1.4.

3.3.2.1.5 Tgħaffiġ fuq quddiem

Id-dispożizzjonijiet kollha huma identiċi għal dawk fi 3.3.1.1.5.

3.3.2.1.6 Test addizzjonali għal tagħbija eċċessiva (il-Figuri minn 6.18 sa 6.20)

It-test ta’ tagħbija eċċessiva jkun sodisfaċenti jekk, wara li l-istruttura tkun assorbiet 20 % tal-enerġija miżjuda, il-forza taqbeż iż-0,8 Fmax.

3.3.2.1.7 Testijiet ta’ tgħaffiġ addizzjonali

Jekk matul it-test tat-tgħaffiġ jidhru xquq jew tiċrit ma jkunux jistgħu jitqiesu bħala negliġibbli, għandu jsir it-tieni test simili, imma b'forza ta’ 1,2 Fv, immedjatament wara t-test tat-tgħaffiġ li wassal biex jidhru x-xquq jew it-tiċrit.

3.3.2.2 Il-kejl li għandu jittieħed

3.3.2.2.1 Ksur u xquq

3.3.2.2.2 Żona ta’ spazju vojt

3.3.2.2.2.1 Dħul fiż-żona ta’ spazju vojt

Waqt kull test l-istruttura protettiva għandha tiġi eżaminata biex jiġi vverifikat jekk daħlitx kwalunkwe parti minnha fiż-żona ta’ spazju vojt kif definit f'1.6 fl-Anness I.

Barra minn hekk, iż-żona ta’ spazju vojt ma għandhiex tkun 'il barra mill-istruttura protettiva. Għal dan il-għan, għandha tiġi kkunsidrata bħala 'l barra miż-żona protettiva jekk kwalunkwe parti minnha tagħmel kuntatt ma’ art ċatta jekk it-trattur jinqaleb lejn id-direzzjoni minn fejn tkun ġiet applikata t-tagħbija tat-test. Biex dan jiġi stmat, wieħed jassumi li t-tajers ta’ quddiem u ta’ wara u d-distanza tal-wisa' bejn ir-roti għandhom ikunu l-iżgħar fittjatura standard mill-manifattur.

3.3.2.2.2.2 Testijiet għat-tagħmir iebes ta’ wara

Fi = 15 M

applikata perpendikularment mal-wiċċ tal-qafas fil-pjan ċentrali tat-trattur. L-angolu inizjali tal-applikazzjoni ta’ forza għandu jkun ta’ 40° ikkalkolat b'mod parallel għall-art kif muri fil-Figura 6.16. Il-wisa' minima ta’ din sezzjoni riġida għandu jkun ta’ 500 mm (ara l-Figura 6.17).

B'żieda għal dan, din għandha tkun riġida biżżejjed u mwaħħla b'mod sod man-naħa ta’ wara tat-trattur.

3.3.2.2.3 It-tagħwiġa elastika taħt tagħbija mill-ġenb

It-tagħwiġa elastika għandha titkejjel (810+av) mm 'il fuq mill-punt tal-indiċi tas-sit, fil-pjan vertikali li fih tiġi applikata t-tagħbija. Għal dan il-kejl, għandu jintuża kull apparat simili għal dak muri fil-Figura 6.15.

3.3.2.2.4 Tagħwiġa permanenti

Wara t-test tat-tgħaffiġ finali t-tagħwiġa permanenti tal-istruttura protettiva għandha tiġi rreġistrata. Għal dan il-għan, qabel ma jibda t-test, għandha tiġi reġistrata l-pożizzjoni tal-membri tal-istruttura protettiva ewlenija kontra l-qlib f’relazzjoni mal-punt tal-indiċi tas-sit.

3.4 Estensjoni għal mudelli oħra ta’ tratturi

3.4.1 [mhux applikabbli]

3.4.2 Estensjoni teknika

Meta jseħħu modifiki tekniċi fuq it-trattur, l-istruttura ta’ protezzjoni jew il-metodu tat-twaħħil tal-istruttura ta’ protezzjoni għat-trattur, l-istazzjon tal-ittestjar li jkun wettaq it-test oriġinali jista' joħroġ "rapport tekniku tal-estensjoni" jekk it-trattur u l-istruttura ta’ protezzjoni jkunu ssodisfaw it-testijiet preliminari tal-istabbilità laterali u ta’ tgerbib mhux kontinwu kif definit fi 3.1.3 u 3.1.4 u jekk it-tagħmir riġidu ta’ wara kif deskritt fil-paragrafu 3.3.1.2.2.2, meta mwaħħal, ikun ġie ittestjat skont il-proċedura deskritta f'dan il-paragrafu (ħlief fi 3.4.2.2.4) fil-każijiet li ġejjin:

3.4.2.1 Estensjoni tar-riżultati tat-test strutturali għal mudelli oħra ta’ tratturi

It-testijiet tal-impatt jew tat-tagħbija u dawk tat-tgħaffiġ ma hemmx għalfejn isiru fuq kull mudell ta’ trattur, sakemm l-istruttura protettiva u t-trattur ikunu konformi mal-kundizzjonijiet imsemmija hawn taħt minn 3.4.2.1.1 sa 3.4.2.1.5.

3.4.2.1.1 L-istruttura (inkluż it-tagħmir riġidu ta’ wara) għandu jkun identiku għal dak ittestjat;

3.4.2.1.2 L-enerġija meħtieġa ma għandhiex taqbeż l-enerġija kkalkulata għat-test oriġinali b'iktar minn 5 %;

3.4.2.1.3 Il-metodu ta’ twaħħil u l-komponenti tat-trattur li magħhom isir it-twaħħil għandhom ikunu identiċi,

3.4.2.1.4 Kwalunkwe komponenti bħall-madgards u l-bonit li jistgħu jagħtu għajnuna għall-istruttura protettiva għandhom ikunu identiċi;

3.4.2.1.5 Il-pożizzjoni u d-dimensjonijiet kritiċi tas-sit fl-istruttura protettiva u l-pożizzjoni relattiva tal-istruttura protettiva fuq it-trattur għandha tkun tali li ż-żona ta’ spazju vojt jibqa' taħt il-protezzjoni tal-istruttura mgħawġa matul it-testijiet kollha (dan għandu jkun ivverifikat billi tintuża l-istess referenza ta’ żona ta’ spazju vojt bħal fir-rapport tat-test oriġinali, rispettivament il-Punt ta’ Referenza tas-Sit [PRS] jew il-Punt tal-Indiċi tas-Sit [PIS]).

3.4.2.2 Estensjoni tar-riżultati tat-test strutturali għal mudelli modifikati tal-istruttura protettiva

Din il-proċedura għandha tiġi segwita meta d-dispożizzjonijiet tal-paragrafu 3.4.2.1 ma jkunux sodisfatti u ma tistax tintuża meta l-metodu ta’ twaħħil tal-istruttura protettiva mat-trattur ma jibqgħux tal-istess prinċipju (eż. sostenituri tal-gomma jinbidlu b'tagħmir ta’ sospensjoni):

3.4.2.2.1 Modifiki li ma jħallu l-ebda impatt fuq ir-riżultati tat-test inizjali (eż. twaħħil bis-saldatura tal-pjanċa tal-immuntar ta’ aċċessorju f'post mhux kritiku tal-istruttura), żieda ta’ sits b'post tal-PIS differenti fl-istruttura protettiva (bil-kundizzjoni li jiġi vverifikat li ż-żona/i ta’ spazju vojt il-ġdida/ġodda tibqa'/jibqgħu taħt il-protezzjoni tal-istruttura mgħawġa matul it-testijiet kollha).

3.4.2.2.2 Modifiki li jistgħu jħallu impatt fuq ir-riżultati tat-test oriġinali mingħajr ma jintefa' dubju fuq l-aċċettabilità tal-istruttura protettiva (eż. modifika tal-komponent strutturali, modifika tal-metodu ta’ twaħħil tal-istruttura protettiva mat-trattur). Jista' jsir test ta’ validazzjoni u r-riżultati tat-test ikunu abbozzati fir-rapport ta’ estensjoni.

Il-limiti li ġejjin għal din l-estensjoni tat-tip huma ffissati:

3.4.2.2.2.1 ma jistgħux jiġu aċċettati iktar minn ħames estensjonijiet mingħajr test ta’ validazzjoni;

3.4.2.2.2.2 ir-riżultati tat-test ta’ validazzjoni jkunu aċċettati għall-estensjoni jekk il-kundizzjonijiet kollha ta’ aċċettazzjoni tal-Kodiċi jkunu sodisfatti u:

- jekk it-tagħwiġa li titkejjel wara kull test tal-impatt ma tvarjax mit-tagħwiġa mkejla wara kull test tal-impatt fir-rapport tat-test oriġinali b'iktar minn ± 7 % (f'każ ta’ testijiet dinamiċi);

- jekk il-forza mkejla meta l-livell tal-enerġija jkun intlaħaq fil-varji testijiet ta’ tagħbija orizzjontali ma jvarjax mill-forza mkejla meta l-enerġija mitluba tkun intlaħqet fit-test oriġinali b'iktar minn ± 7 % u t-tagħwiġa mkejla [***] meta l-livell ta’ enerġija meħtieġa tkun intlaħqet fit-testijiet ta’ tagħbija orizzontali ma jvarjax mit-tagħwiġa mkejla meta l-enerġija meħtieġa tkun intlaħqet fit-test oriġinali b'iktar minn ± 7 % (f'każ ta’ testijiet statiċi).

3.4.2.2.2.3 iktar minn modifika waħda għall-istruttura protettiva jistgħu jkunu inklużi f'rapport ta’ estensjoni uniku jekk dawn jirrappreżentaw possibilitajiet differenti tal-istruttura protettiva, imma jista' jkun aċċettat test ta’ validazzjoni wieħed biss f'rapport wieħed ta’ estensjoni. L-għażliet li ma ġewx ittestjati għandhom ikunu deskritti f'taqsima speċifika tar-rapport ta’ estensjoni.

3.4.2.2.3 Żieda fil-massa ta’ referenza ddikjarata mill-manifattur għal struttura protettiva diġà ttestjata. Jekk il-manifattur irid iżomm l-istess numru ta’ approvazzjoni huwa possibbli li joħroġ rapport ta’ estensjoni wara li jwettaq test ta’ validazzjoni (il-limiti ta’ ± 7 % speċifikat fi 3.4.2.2.2.2 mhumiex applikabbli f'każ bħal dan).

3.4.2.2.4 Modifika tat-tagħmir riġidu fuq wara jew żieda ta’ tagħmir riġidu fuq wara ġdid. Għandu jkun iċċekkjat li ż-żona ta’ spazju vojt tibqa' fi ħdan il-protezzjoni tal-istruttura magħwġa matul it-test kollu filwaqt li jittieħed inkonsiderazzjoni tagħmir riġidu fuq wara ġdid jew immodifikat. Għandha ssir validazzjoni tat-tagħmir riġidu fuq wara li tikkonsisti fit-test deskritt fi 3.3.1.2.2.2 jew 3.3.2.2.2.2 u r-riżultati tat-testijiet jiġu abbozzati fiż-żieda tar-rapport.

3.5 [mhux applikabbli]

3.6 Rendiment ta’ strutturi protettivi f'temp kiesaħ

3.6.1 Jekk ikun allegat li l-istruttura protettiva għandha proprjetajiet reżistenti għall-effetti ta’ temp kiesaħ, il-manifattur għandu jagħti dettalji li jistgħu jkunu inklużi fir-rapport.

3.6.2 Ir-rekwiżiti u l-proċeduri li ġejjin huma maħsuba biex jipprovdu qawwa u reżistenza għall-ksur mill-effetti tal-kesħa f'temperaturi baxxi. Huwa ssuġġerit li għandhom ikunu sodisfatti r-rekwiżiti materjali minimi biex tiġi deċiża l-adattabilità tal-istruttura protettiva f'temperaturi operattivi mnaqqsa f'dawk il-pajjiżi li jeħtieġu din il-protezzjoni operattiva addizzjonali.

3.6.2.1 Boltijiet u skorfini wżati biex titwaħħal l-istruttura protettiva mat-trattur u wżati biex partijiet strutturali jingħaqdu mal-istruttura protettiva għandhom juru qawwa kkontrollata adegwata għal temperaturi baxxi.

3.6.2.2 L-elettrodi kollha tal-issaldjar fil-fabbrikazzjoni tal-membri strutturali u l-montaturi għandhom ikunu kompatibbli mal-materjal tal-istruttura protettiva bħal fi 3.6.2.3 hawn taħt.

3.6.2.3 Materjali tal-azzar għall-membri strutturali tal-istruttura protettiva għandhom ikunu ta’ materjal ta’ qawwa kkontrollata li turi rekwiżiti minimi tal-enerġija tal-impatt Charpy V-Notch kif muri fit-Tabella 6.1. Il-grad u l-kwalità tal-azzar għandhom ikunu speċifikati skont l-ISO 630:1995.

Azzar bi ħxuna rrumblata ta’ inqas minn 2,5 mm u bil-kontenut ta’ karbonju inqas minn 0,2 % hu meqjus li jissodisfa din il-ħtieġa.

Membri strutturali tal-istruttura protettiva magħmula minn materjali apparti mill- azzar għandu jkollhom reżistenza ekwivalenti f'impatt ta’ temperatura baxxa.

3.6.2.4 Meta jiġu ttestjati r-rekwiżiti tal-enerġija tal-impatt Charpy V-Notch, il-kampjun tad-daqs għandu jkun mhux inqas minn l-ikbar tad-daqsijiet iddikjarati fit-Tabella 6.1 li jippermetti l-materjal.

3.6.2.5 It-testijiet Charpy V-Notch għandhom isiru bi qbil mal-proċedura ASTM 370-1979 A, ħlief għal daqsijiet ta’ kampjun li għandhom ikunu skont il-qisien mogħtija fit-Tabella 6.1.

3.6.2.6 Alternattivi għal din il-proċedura huma l-użu ta’ azzar newtralizzat jew semi-newtralizzat li għandha tiġi provduta għalihom speċifikazzjoni adegwata. Il-grad u l-kwalità tal-azzar għandhom ikunu speċifikati skont ISO 630:1995, Amd 1:2003.

3.6.2.7 Il-kampjuni għandhom ikunu lonġitudinali u meħuda minn ħażna ċatta, sezzjonijiet tubulari jew strutturali qabel l-iffurmar jew il-welding għal użu fl-istruttura ta’ protezzjoni. Kampjuni mis-sezzjonijiet tubulari jew strutturali għandhom jittieħdu min-nofs tal-ġenb tad-dimensjoni l-iktar kbira u ma għandhomx jinkludu weldjaturi.

Tabella 6.1

Enerġiji tal-impatt minimi Charpy V-notch

Daqs tal-Kampjun | Enerġija fi | Enerġija fi |

| –30 °C | –20 °C |

mm | J | J [5] |

10 × 10 [4] | 11 | 27,5 |

10 × 9 | 10 | 25 |

10 × 8 | 9,5 | 24 |

10 × 7,5 [4] | 9,5 | 24 |

10 × 7 | 9 | 22,5 |

10 × 6,7 | 8,5 | 21 |

10 × 6 | 8 | 20 |

10 × 5 [4] | 7,5 | 19 |

10 × 4 | 7 | 17,5 |

10 × 3,5 | 6 | 15 |

10 × 3 | 6 | 15 |

10 × 2,5 [4] | 5,5 | 14 |

3.7 [mhux applikabbli]

Il-Figura 6.1

Żona ta’ spazju vojt

+++++ TIFF +++++

Il-Figura 6.1.aViżjoni mill-ġenbSezzjoni trażversali mill-wiċċ ta' referenzaQisien f'mm | Il-Figura 6.1.bViżjoni minn wara |

Il-Figura 6.1.c

Viżjoni minn fuq

+++++ TIFF +++++

1 – Linja ta’ referenza

2 – Punt ta’ indiċi tas-sit

3 – Wiċċ ta’ referenza

Il-Figura 6.2

Żona ta’ spazju vojt għal tratturi b'sit u stering riversibbli

+++++ TIFF +++++

Il-Figura 6.3

Dijagramma li tispjega l-proċess kontinwu għad-determinazzjoni ta’ x'jiġri meta trattur jinqaleb fuq ġenbu bi struttura ta’ protezzjoni mwaħħla fuq quddiem (ROPS)

Verżjoni B1: Punt ta’ impatt tal-ROPS wara l-punt ta’ ekwilibrju mhux stabbli mit-tul.

Verżjoni B2: Punt ta’ impatt tal-ROPS ħdejn il-punt ta’ ekwilibriju mhux stabbli mit-tul

Verżjoni B3: Punt ta’ impatt tal-ROPS quddiem il-punt ta’ ekwilibriju mhux stabbli mit-tul

Input tad-dejta

Kalkolu skont il-verżjoni B2

Iva

Il-bonit tal-magna jmiss mal-art qabel l-impatt tal ROPS?

Iva

It-trattur igerbeb?

Iva

L-ROPS huwa armat wara l-punt ta' ekwilibriju?

Kalkolu skont il-verżjoni B1

Kalkolu skont il-verżjoni B3

Riżultat; Il-metodu mhux fattibbli

Iva

It-trattur igerbeb?

Iva

It-trattur igerbeb?

Riżultat negattiv

Riżultat pożittiv

Riżultat negattiv

Riżultat pożittiv

+++++ TIFF +++++

Il-Figura 6.4

Rigg għall-ittestjar ta’ karatteristiċi kontra l-qlib fuq pendil ta’ 1/1.5

+++++ TIFF +++++

Il-Figura 6.5

Dejta meħtieġa għall-kalkolu ta' x'jiġri meta trattur bi tliet fusien jinqaleb

Nota: D2 u D3 għandhom jiġu mkejla meta l-fus ikun mgħobbi kompletament

+++++ TIFF +++++

Il-Figuri 6.6.a, 6.6.b, 6.6.c

Distanza orizzontali bejn iċ-ċentru tal-gravità u l-punt ewlieni ta' ħbit tal-istruttura ta' protezzjoni (L6)

+++++ TIFF +++++

| |

+++++ TIFF +++++

Il-Figura 6.7

Determinazzjoni tal-punti ta' impatt għall-kejl tal-wisa' tal-istruttura protettiva (B6) u l-għoli tal-bonit tal-magna (H7)

+++++ TIFF +++++

| |

+++++ TIFF +++++

fus 4

fus 5

fus 6

fus 3

fus 2

fus 1

+++++ TIFF +++++

Il-Figura 6.8

Għoli tal-punt tal-pern tal-fus ta' quddiem (H0)

+++++ TIFF +++++

Il-Figura 6.9

Wisa' tat-trekk ta' wara (S) u wisa tat-tajer ta' wara (B0)

+++++ TIFF +++++

Il-Figura 6.10

Blokka tal-pendlu u l-ktajjen jew ħbula tal-wajer ta' sospensjoni

Wiċċ l-Impatt

Pin li jimmarka l-pożizzjoni taċ-ċentru ta gravità

Dimensjonijiet f''millimetri

1 980 to 2 020 kg

660 to 700

+++++ TIFF +++++

Il-Figura 6.11

Eżempju ta' rbit tat-trattur (impatt minn wara)

2 irbit

it-travu li jservi t' feles

+++++ TIFF +++++

Il-Figura 6.12

Eżempju ta' rbit tat-trattur (impatt fuq quddiem)

2 irbit

it-travu li jservi ta' feles

+++++ TIFF +++++

Il-Figura 6.13

Eżempju ta' rbit ta' trattur (impatt mill-ġenb)

Iċċanfrinat

Tond biex jiżgura l-kuntatt mar-rimm

L-arka tal-vjaġġ taċ-ċentru ta' gravità tal-blokka tal-pendlu għaddejja minn ġol-punt ta' kuntatt

Irbit (ara 6.6.3.)

Riffieda

150 mm kwadru ta' travu ta' njam artab

Kejbil mhux issikkat (mhux obbligatorju)

Travu marbut mal-ġnub tar-roti ta' quddiem u ta' wara u riffieda mdaħħla mar-rimm tar-rota wara l-ankrar

+++++ TIFF +++++

Il-Figura 6.14

Eżempju ta' tgħamir ta' tgħaffiġ tat-trattur

Forza

Ġonot tal-pinn universali

Ċilindru idroliku b'żewġ funzjonijiet

Ġonot tal-pinn universali

Sostenituri taħt il-fusien ta' wara u ta' quddiem

Forza

+++++ TIFF +++++

Il-Figura 6.15

Eżempju ta' apparat għall-kejl tad-deflessjoni elastika

1 – Deflessjoni permanenti

2 – Deflessjoni elastika

3 – Deflessjoni totali (permanenti u elastika)

Virga orizzontali mwaħħla mar-ROPS

Kullar tal- frizzjoni

Sostenitur vertikali mwaħħal max-xażi tat-trattur jew mal- art tar-ROPS

+++++ TIFF +++++

Il-Figura 6.16

Linja fl-art simulata

Tagħmir sod ta ’ wara

+++++ TIFF +++++

Il-Figura 6.17

Wisa' minima tat-tagħmir sod ta' wara

Tagħmir sod fuq wara minimu 500 mm

+++++ TIFF +++++

Il-Figura 6.18

Kurva Forza / Deflessjoni

Test ta' eċċess ta' tagħbija mhux meħtieġ

Noti:

1. Sib Fa f'rapport ma' 0,95D′

2. Test ta' eċċess ta' tagħbija mhux meħtieġ billi Fa ≤ 1,03F′

Enerġija bażika kkalkulata

(ara n-nota 2)

Forza tat-tagħbija statika

Tagħwiġa

+++++ TIFF +++++

Il-Figura 6.19

Kurva Forza / deflessjoni

Test ta' eċċess ta' tagħbija meħtieġ

Noti:

1. Sib Fa f'rapport ma' 0,95 D′

2. Test ta' eċċess ta' tagħbija meħtieġ billi Fa > 1,03F′

3. Rendiment tat-test ta' eċċess ta' tagħbija sodisfaċenti billi Fb > 0,97F' u Fb > 0,8 Fmax.

Forza tat -tagħbija statika

Enerġija bażika kkalkulata

(ara n-nota 2)

Enerġija miżjuda b’ 5 %

(ara n-nota 3)

Tagħwiġa

+++++ TIFF +++++

Il-Figura 6.20

Kurva forza / deflessjoni

Test ta' eċċess ta' piż irid jitkompla

Noti:

1. Sib Fa f'rapport ma’ 0,95 D'

2. Test ta’ eċċess ta’ piż meħtieġ billi Fa > 1,03F'

3. Fb < 0,97 F' għalhekk huwa meħtieġ aktar eċċess ta’ piż

4. Fc < 0,97 Fb għalhekk huwa meħtieġ aktar eċċess ta’ piż

5. Fd < 0,97 Fc għalhekk huwa meħtieġ aktar eċċess ta’ piż

6. Ir-rendiment tat-test ta’ eċċess ta’ piż huwa tajjeb biżżejjed, jekk Fe > 0,8Fmax

7. Falliment fi kwalunkwe stadju meta t-tagħbija taqa' taħt 0,8 Fmax.

Forza tat-tagħbija statika

Enerġija bażika kkalkulata

(ara n-nota 2)

Enerġija miżjuda b’5 %

(ara n-nota 3)

Enerġija miżjuda b’10 %

(ara n-nota 4)

Enerġija miżjuda b’15 %

(ara n-nota 5)

Enerġija miżjuda b’20%

(ara n-nota 6 u 7)

Tagħwiġa

Tagħbija eċċessiva

+++++ TIFF +++++

[*] Il-kodiċi standard tal-OECD għall-ittestjar uffiċjali ta’ strutturi mwaħħla fuq quddiem ta’ tratturi agrikoli jew forestali tat-tip narrow-tracked bħala protezzjoni fil-każ li jinqalbu.

[***] Infakkru lill-utenti li l-punt tal-indiċi tas-sit huwa ddeterminat skont l-ISO 5353 u huwa punt fiss fir-rigward tat-trattur li ma jiċċaqlaqx hekk kif is-sit jiġi aġġustat lil hinn mill-pożizzjoni tan-nofs. Għall-finijiet tad-determinazzjoni taż-żona ta’ spazju vojt, is-sit għandu jitqiegħed fil-pożizzjoni ta’ wara l-aktar wieqaf." "

[*] Il-kodiċi standard tal-OECD għall-ittestjar uffiċjali ta’ strutturi mwaħħla fuq quddiem ta’ tratturi agrikoli jew forestali bi trekk dejjaq bħala protezzjoni fil-każ li jinqalbu.

[**] Il-programm u l-eżempji huma disponibbli fuq il-websajt tal-OECD.

[***] Tagħwiġa permanenti + elastika fil-punt meta jinkiseb il-livell ta’ enerġija meħtieġ." "

[4] Tindika daqs preferit. Id-daqs tal-kampjun għandu jkun mhux inqas mill-ikbar daqs preferit li l-materjal jippermetti.

[5] Ir-rekwiżit tal-enerġija f'–20 °C huwa 2,5 darbiet l-valur speċifikat għal –30 °C. Fatturi oħra li jaffettwaw l-impatt tas-saħħa tal-enerġija, jiġifieri d-direzzjoni tat-tgerbib, is-saħħa tar-rendiment, l-orjentament tal-qamħ u l-iwweldjar. Dawn il-fatturi għandhom jitqiesu meta jintagħżel jew jintuża l-azzar.

--------------------------------------------------

ANNESS V

Emenda għad-Direttiva 2000/25/KE

Fl-Anness I, l-Appendiċi 4, il-punt 1 it-Taqsima 2 TAD-Direttiva 2000/25/KE huwa sostitwit b'dan li ġej:

"Taqsima 2 In-numru tad-Direttiva bażi li hija segwita mill-ittra A għall-istadju I, l-ittra B għall-istadju II, l-ittra C għall-istadju IIIA, l-ittra D għall-istadju IIIB u l-ittra E għall-istadju IV."

--------------------------------------------------

ANNESS VI

Emenda għad-Direttiva 2003/37/KE

Id-Direttiva 2003/37/KE hija emendata kif ġej:

1. L-Anness I, mudell A huwa emendat kif ġej:

(a) Il-punt 2.4, huwa sostitwit b’dan li ġej:

"2.4. Massa jew masses teknikament permissibbli għall-irmunkar (skont it-tip tal-igganġjar)

2.4.1. Massa tal-irmunkar mhux ibbrejkjata: …

2.4.2. Massa tal-irmunkar ibbrejkjata indipendentament: …

2.4.3. Massa tal-irmunkar ibbrejkjata bl-inertia: …

2.4.4. Massa tal-irmunkar meta mgħammra bi brejk idrawliku jew pnewmatiku: …

2.4.5. Massa jew masses totali teknikament permissibbli għall-kombinazzjoni ta’ trattur-karru għal kull konfigurazzjoni tal-ibbrejkjar tal-karru: …

2.4.6. Pożizzjoni tal-punt tal-coupling

2.4.6.1. Għoli 'l fuq mill-art

2.4.6.1.1. Għoli massimu: …

2.4.6.1.2. Għoli minimu: …

2.4.6.2. Distanza mill-pjan vertikali li jgħaddi mill-assi tal-fus ta’ wara

2.4.6.2.1. Massimu: …

2.4.6.2.2. Minima: …

2.4.6.3. Piż statiku vertikali/piż teknikament permissibbli fuq il-punt tal-coupling:

2.4.6.3.1. - tat-trattur: …

2.4.6.3.2. - tas-semi-karru (jew makkinarju rmunkat interkambjabbli) jew l - karru ta’ fus ċentrali (makkinarju interkambjabbli li jiġi rmunkat): …"

(b) Il-Punt 2.7.2 huwa sostitwit b’dan li ġej:

"2.7.2. Dimensjoni totali tat-trattur, inkluż il-coupling unit

2.7.2.1. Tul għal użu fit-triq (10):

massimu: …

minimu: …

2.7.2.2. Wisa’ għal użu fit-triq (11):

massimu: …

minimu: …

2.7.2.3. Għoli għal użu fit-triq (12):

massimu: …

minimu: …

2.7.2.4. Kemm jisporġi 'l quddiem (13):

massimu: …

minimu: …

2.7.2.5. Kemm jisporġi fuq wara (14):

massimu: …

minimu: …

2.7.2.6. Għoli mill-art (15):

massimu: …

minimu: …"

2. Fl-Anness I, Mudell A, in-Nota 15 f’qiegħ il-paġna għandha tinqara kif ġej: "Standard ISO 612/-6.8:1978".

3. Fl-Anness II, Kapitolu B, Parti II.C hija emendata kif ġej:

(a) fil-frażi ta’ introduzzjoni, il-kliem "bulettin tat-test" huma sostitwiti bil-kliem "rapport tat-test";

(tikkonċerna biss il-verżjoni bl-Ingliż);

(b) in-nota f'qiegħ il-paġna (*) hija sostitwita b'dan li ġej:

"(*) Ir-rapporti tal-ittestjar għandhom ikunu f’konformità mad-Deċiżjoni tal-Kunsill tal-OECD C(2008) 128 ta’ Ottubru 2008. L-ekwivalenza tar-rapporti tal-ittestjar tista’ tiġi rikonoxxuta mill-ankraġġ taċ-ċinturin tas-sikurezza jekk dawn ikunu ġew ittestjati. Ir-rapporti tat-testijiet f’konformità mal-Kodiċi li jsegwu d-Deċiżjoni tal-Kunsill C(2000) 59 tal-OECD kif l-aħħar emendata mid-Deċiżjoni tal-Kunsill C(2005) 1 tal-OECD għandhom jibqgħu validi. Mid-data ta’ traspożizzjoni ta’ din id-Direttiva, rapporti ġodda tal-ittestjar għandhom ikunu bbażati fuq il-verżjoni l-ġdida tal-Kodiċi."

--------------------------------------------------

Informazzjoni varja

Relazzjoni bejn id-dokumenti

Test

32010L0022

Titolu u referenza

Test

Dati

Klassifikazzjonijiet