Deċiżjoni tal-Kummissjoni

tal- 15 ta’ Diċembru 2010

li temenda d-Deċiżjoni 2006/944/KE li tiddetermina l-livelli rispettivi ta’ emissjonijiet allokati lill-Komunità u lil kull wieħed mill-Istati Membri tagħha taħt il-Protokoll ta’ Kjoto skont id-Deċiżjoni tal-Kunsill 2002/358/KE

(notifikata bid-dokument numru C(2010) 9009)

(2010/778/UE)

Il-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Deċiżjoni tal-Kunsill 2002/358/KE tal- 25 ta’ April 2002 dwar l-approvazzjoni f’isem il-Komunità Ewropea, tal-Protokoll ta’ Kjoto għall-Konvenzjoni Kwadru [Qafas] tan-Nazzjonijiet Uniti dwar it-Tibdil fil-Klima u t-twettiq konġunt tal-obbligi tiegħu [1], u b’mod partikulari l-Artikolu 3 tiegħu,

Billi:

(1) Id-Deċiżjoni tal-Kummissjoni 2006/944/KE [2] tiddetermina l-livelli ta’ emissjonijiet allokati lill-Unjoni u lill-Istati Membri tagħha taħt il-Protokoll ta’ Kjoto għall-perjodu ta’ ħames snin tal-ewwel fażi ta’ impenn.

(2) Il-livelli ta’ emissjonijiet stipulati fid-Deċiżjoni 2006/944/KE kienu bbażati fuq dejta proviżorja, billi ċ-ċifri definittivi tas-sena bażi ma kinux stabbiliti sal- 31 ta’ Diċembru 2006.

(3) Wara t-tkomplija tar-reviżjonijiet imwettqa skont l-Artikolu 8 tal-Protokoll ta’ Kjoto tal-Konvenzjoni Qafas tan-Nazzjonijiet Uniti dwar it-Tibdil fil-Klima, il-livelli rispettivi finali tal-emissjonijiet allokati lill-Unjoni u lil kull Stat Membru, issa għandhom jiġu stabbiliti skont il-metodoloġija stipulata fid-Deċiżjoni 2006/944/KE.

(4) Id-Danimarka esprimiet kosistentament tħassib dwar l-emissjonijiet tas-sena bażi tagħha minħabba l-emissjonijiet tas-sena bażi eċċezzjonalment baxxi pprovduti fir-rapport tagħha sottomess skont l-Artikolu 23 tad-Deċiżjoni tal-Kummissjoni 2005/166/KE [3]. L-Unjoni, sabiex tqis kompletament is-sitwazzjoni speċjali u unika tad-Danimarka, li kienet rikonoxxuta mill-Kunsill fl-2002 fil-proċess li wassal għall-adozzjoni tad-Deċiżjoni 2002/358/KE, minħabba l-emissjonijiet baxxi tas-sena bażi tagħha, li ma kinux komuni, u billi l-obbligu għat-tnaqqis tal-emissjonijiet tagħha kien wieħed mill-ogħla kkwantifikati, skont l-Anness II għal dik id-Deċiżjoni, għandha tittrasferixxi 5 miljun unitajiet ta’ ammonti assenjati lid-Danimarka għall-unika raġuni ta’ konformità mal-impenji tal-ewwel fażi ta’ impenn skont il-Protokoll ta’ Kjoto għall-Konvenzjoni Qafas tan-Nazzjonitajiet Uniti dwar it-Tibdil fil-Klima. Il-Kummissjoni qieset kif xieraq l-impenn tad-Danimarka biex tikkanċella kwalunkwe kwota li jifdal minn dan it-trasferiment fi tmiem tal-ewwel fażi ta’ impenn.

(5) Għalhekk, id-Deċiżjoni 2006/944/KE għandha tiġi emendata skont dan.

(6) Il-miżuri pprovduti f’din id-Deċiżjoni huma skont l-opinjoni tal-Kumitat dwar it-Tibdil fil-Klima,

ADOTTAT DIN ID-DEĊIŻJONI:

Artikolu 1

Id-Deċiżjoni 2006/944/KE hija emendata kif ġej:

1. L-Artikolu 2 jinbidel b’dan li ġej:

"Artikolu 2

Id-differenza ta’ 19357532 tunnellata ekwivalenti ta’ dijossidu tal-karbonju bejn il-livelli tal-emissjonijiet tal-Unjoni, u s-somma tal-livelli tal-emissjonijiet tal-Istati Membri elenkati fl-Anness II għad-Deċiżjoni 2002/358/KE għandha tinħareġ bħala unitajiet ta’ ammonti assenjati mill-Unjoni".

2. L-Anness jiġi sostitwit bl-Anness għal din id-Deċiżjoni.

Artikolu 2

L-Amministratur Ċentrali tar-Reġistru tal-Unjoni għandu jittrasferixxi ħames miljuni (5000000) minn dawn l-unitajiet ta’ ammonti assenjati għall-kont ta’ depożitu tal-Parti tal-Protokoll ta’ Kjoto fir-reġistru tad-Danimarka.

Artikolu 3

Din id-Deċiżjoni hija indirizzata lill-Istati Membri.

Magħmul fi Brussell, il- 15 ta’ Diċembru 2010.

Għall-Kummissjoni

Connie Hedegaard

Membru tal-Kummissjoni

[1] ĠU L 130, 15.5.2002, p. 1.

[2] ĠU L 358, 16.12.2006, p. 87.

[3] ĠU L 55, 1.3.2005, p. 57.

--------------------------------------------------

ANNESS

Il-livelli rispettivi tal-emissjonijiet allokati lill-Unjoni u lill-Istati Membri, f’termini ta’ tunnellati ekwivalenti ta’ dijossidu tal-karbonju, għall-ewwel fażi ta’ impenn dwar il-limitazzjoni u t-tnaqqis ikkwantifikat tal-emissjonijiet taħt il-Protokoll ta’ Kjoto

L-Unjoni Ewropea [1] | 19621381509 |

Il-Belġju | 673995528 |

Id-Danimarka | 273827177 |

Il-Ġermanja | 4868096694 |

L-Irlanda | 314184272 |

Il-Greċja | 668669806 |

Spanja | 1666195929 |

Franza | 2819626640 |

L-Italja | 2416277898 |

Il-Lussemburgu | 47402996 |

Il-Pajjiżi l-Baxxi | 1001262141 |

L-Awstrija | 343866009 |

Il-Portugall | 381937527 |

Il-Finlandja | 355017545 |

L-Isvezja | 375188561 |

Ir-Renju Unit | 3396475254 |

Il-Bulgarija | 610045827 |

Ir-Repubblika Ċeka | 893541801 |

L-Estonja | 196062637 |

Ċipru | Mhux applikabbli |

Il-Latvja | 119182130 |

Il-Litwanja | 227306177 |

L-Ungerija | 542366600 |

Malta | Mhux applikabbli |

Il-Polonja | 2648181038 |

Ir-Rumanija | 1279835099 |

Is-Slovenja | 93628593 |

Is-Slovakkja | 331433516 |

[*] Għall-iskop tat-twettiq konġunt tal-impenji taħt l-Artikolu 3(1) tal-Protokoll ta’ Kjoto skont id-dispożizzjonijiet tal-Artikolu 4 tiegħu, skont id-Deċiżjoni 2002/358/KE u li japplikaw għall-Istati Membri elenkati fl-Anness II għal dik id-Deċiżjoni.

--------------------------------------------------