Direttiva 2009/57/KE tal-Parlament Ewropew u tal-Kunsill

tat- 13 ta’ Lulju 2009

dwar strutturi ta’ protezzjoni kontra l-qlib ta’ tratturi bir-roti għall-agrikoltura jew għall-foresterija

(verżjoni kodifikata)

(Test b’relevanza għaż-ŻEE)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat li jistabbilixxi l-Komunità Ewropea, u b’mod partikolari l-Artikolu 95 tiegħu,

Wara li kkunsidraw il-proposta mill-Kummissjoni,

Wara li kkunsidraw l-opinjoni tal-Kumitat Ekonomiku u Soċjali Ewropew [1],

Filwaqt li jaġixxu skont il-proċedura stabbilita fl-Artikolu 251 tat-Trattat [2]

Billi:

(1) Id-Direttiva 77/536/KEE tal-Parlament Ewropew u tal-Kunsill tat- 28 ta’ Ġunju 1977 dwar l-approssimazzjoni tal-liġijiet tal-Istati Membri li għandhom x’jaqsmu ma’ strutturi ta’ protezzjoni kontra l-qlib ta’ tratturi bir-roti għall-agrikoltura jew għall-foresterija [3] ġiet emendata kemm-il darba [4] b’mod sostanzjali. Għal iktar ċarezza u razzjonalità, l-imsemmija Direttiva għandha tiġi kkodifikata.

(2) Id-Direttiva 77/536/KEE hija waħda mid-Direttivi separati li għandhom x’jaqsmu mas-sistema tal-approvazzjoni tat-tip KE prevista fid-Direttiva 74/150/KEE tal-Kunsill tal- 4 ta’ Marzu 1974 rigward l-approssimizzazzjoni tal-liġijiet tal-Istati Membri dwar l-approvazzjoni ta’ tratturi bir-roti għall-agrikoltura jew għall-foresterija, kif mibdula bid-Direttiva 2003/37/KE tal-Parlament Ewropew u tal-Kunsill tas- 26 ta’ Mejju 2003 dwar l-approvazzjoni tat-tip ta’ tratturi għall-agrikoltura jew għall-forestrija, il-karrijiet tagħhom u makkinarju irmunkat interkambjabbli, flimkien mas-sistemi tagħhom, komponenti u unitajiet tekniċi separati [5], u tistabilixxi preskrizzjonijiet tekniċi dwar id-disinn u l-kostruzzjoni ta’ tratturi bir-roti għall-agrikoltura jew għall-forestrija, rigward l-apparat ta’ protezzjoni kontra l-qlib. Dawn il-preskrizzjonijiet tekniċi huma dwar l-approssimazzjoni tal-liġijiet tal-Istati Membri sabiex jippermettu l-applikazzjoni tal-proċedura tal-approvazzjoni tat-tip KE stabbilita fid-Direttiva 2003/37/KE għal kull tip ta’ trattur. Għalhekk id-dispożizzjonijiet stabbiliti mid-Direttiva 2003/37/KE dwar tratturi għall-agrikoltura jew għall-forestrija, il-karrijiet tagħhom u makkinarju irmunkat interkambjabbli, flimkien mas-sistemi tagħhom, komponenti u unitajiet tekniċi ta’ dawn il-vetturi japplikaw għal din id-Direttiva.

(3) Din id-Direttiva għandha tkun bla ħsara għall-obbligi tal-Istati Membri rigward il-limiti ta’ żmien għat-traspożizzjoni fil-liġi nazzjonali u l-applikazzjoni tad-Direttivi mniżżla fl-Anness X, Parti B,

ADOTTAW DIN ID-DIRETTIVA:

Artikolu 1

Din id-Direttiva tapplika għal tratturi kif definiti fil-punt (j) tal-Artikolu 2 tad-Direttiva 2003/37/KE li għandhom dawn il-karatteristiċi:

(a) spazju sa mal-art ta’ taħt il-fus ta’ wara ta’ mhux aktar minn 1000 mm;

(b) wisa’ ta’ pedati fiss jew varjabbli ta’ wieħed mill-fusien ta’ 1150 mm jew aktar;

(c) il-possibilità li jitqiegħed apparat ta’ multipoint coupling għal għodda li jinqalgħu u ta’ draw bar;

(d) il-massa bejn 1,5 u 6 tunnellati, li tkun taqbel mal-piż tat-trattur mhux mgħobbi, hekk kif definit fil-punt 2.1.1. tal-Anness I tad-Direttiva 2003/37/KE, li tinkludi l-istruttura ta’ protezzjoni kontra l-qlib imwaħħla b’konformità mad-Direttiva preżenti u t-tajers tal-ikbar daqs possibbli rrakkomandat mill-manifattur.

Artikolu 2

1. Kull Stat Membru għandu jagħti approvazzjoni tat-tip tal-komponenti KE għal kull struttura ta’ protezzjoni kontra l-qlib u t-twaħħil tagħha mat-trattur li jissodisfa il-ħtiġiet tal-kostruzzjoni u l-ittestjar kif stabbiliti fl-Annessi I sa V.

2. L-Istat Membru li jagħti approvazzjoni tat-tip tal-komponenti KE għandu jieħu l-miżuri meħtieġa sabiex jivverifika, kemm-il darba dan ikun meħtieġ, b’koperazzjoni mal-awtoritajiet kompetenti tal-Istati Membri l-oħra, li l-mudelli tal-produzzjoni huma konformi mat-tip approvat. Tali verifika għandha tkun limitata għal kontrolli fuq il-post.

Artikolu 3

L-Istati Membri għandhom, għal kull tip ta’ struttura ta’ protezzjoni kontra l-qlib u t-twaħħil tiegħu mat-trattur li huma jappruvaw permezz tal-Artikolu 2, joħorġu lill-manifattur tat-trattur jew tal-istruttura ta’ protezzjoni kontra l-qlib jew lir-rappreżentant awtorizzat tiegħu, marka KEE tal-approvazzjoni tat-tip tal-komponenti konformi mal-mudell muri fl-Anness VI.

L-Istati Membri għandhom jieħdu l-miżuri kollha xierqa sabiex ma jippermettux l-użu ta’ marki li jistgħu joħolqu konfużjoni bejn l-istrutturi ta’ protezzjoni kontra l-qlib li għandhom approvazzjoni tat-tip tal-komponenti skont l-Artikolu 2 u strutturi oħra.

Artikolu 4

1. L-ebda Stat Membru ma jista’ jipprojbixxi li jitqiegħdu fis-suq l-istrutturi ta’ protezzjoni kontra l-qlib jew it-twaħħil tagħhom mat-trattur għal raġunijiet relatati mal-kostruzzjoni kemm il-darba dawn ikollhom il-marka KE tal-approvazzjoni tat-tip tal-komponenti.

2. Madankollu, Stat Membru jista’ jipprojbixxi li jitqiegħdu fis-suq strutturi ta’ protezzjoni kontra l-qlib li jkollhom il-marka tal-approvazzjoni tat-tip tal-komponenti KE, li regolarment jonqsu milli jkunu konformi mat-tip approvat.

Dak l-Istat għandu jinforma minnufih lill-Istati Membri l-oħra u lill-Kummissjoni bil-miżuri meħuda, fejn jispeċifika r-raġunijiet għad-deċiżjoni tiegħu.

Artikolu 5

L-awtoritajiet kompetenti ta’ kull Stat Membru għandhom jibgħatu fi żmien xahar lill-awtoritajiet kompetenti tal-Istati Membri l-oħra kopja taċ-ċertifikati tal-approvazzjoni tat-tip tal-komponenti, li mudell tiegħu jinsab fl- Anness VII, komplut għal kull tip ta’ struttura ta’ protezzjoni kontra l-qlib li japprovaw jew li inkella jirrifjutaw li japprovaw.

Artikolu 6

1. Jekk l-Istat Membru li jkun ta l-approvazzjoni tat-tip tal-komponenti KE jiskopri li numru ta’ strutturi ta’ protezzjoni kontra l-qlib u t-twaħħil tagħhom mat-trattur li għandhom l-istess marka KE tal-approvazzjoni tat-tip tal-komponenti ma jkunux konformi mat-tip approvat, għandu jieħu l-miżuri meħtieġa sabiex il-mudelli tal-produzzjoni jsiru konformi mat-tip approvat. L-awtoritajiet kompetenti ta’ dak l-Istat għandhom jgħarrfu lill-Istati Membri l-oħra bil-miżuri li jistgħu jittieħdu, meta n-nuqqas ta’ konformità jkun wieħed serju u konsistenti, li jestendu sal-irtirar tal-approvazzjoni tat-tip tal-komponenti KE. Dawn l-awtoritajiet għandhom jieħdu l-istess miżuri jekk jkunu infurmati mill-awtoritajiet kompetenti ta’ Stat Membru ieħor b’tali nuqqas ta’ konformità.

2. L-awtoritajiet kompetenti tal-Istati Membri għandhom jinfurmaw lil xulxin fi żmien xahar b’kull irtirar tal-approvazzjoni tat-tip tal-komponenti KE, u r-raġunijiet li jwasslu għal din il-miżura.

Artikolu 7

Kull deċiżjoni li tirrifjuta jew tirtira l-approvazzjoni tat-tip tal-komponenti KE, jew li tiprojbixxi l-użu jew it-tqegħid tagħhom fis-suq, li tittieħed skont id-dispożizzjonijiet adottati fl-implimentazzjoni ta’ din id-Direttiva, għandha telenka fid-dettall ir-raġunijiet li jkunu wasslu għal tali deċiżjoni. Tali deċiżjoni għandha tiġi notifikata lill-parti kkonċernata, li fl-istess waqt għandha tkun infurmata bir-rimedji disponibbli għaliha permezz tal-liġijiet fis-seħħ fl-Istati Membri u bil-limiti ta’ żmien li fihom tista’ teżerċita tali rimedji.

Artikolu 8

1. L-Istati Membri ma jistgħux jirrifjutaw li joħorġu approvazzjoni tat-tip KE jew li joħorġu id-dokument previst fl-Artikolu 2, punt (u) tad-Direttiva 2003/37/KE jew li joħorġu approvazzjoni tat-tip nazzjonali għal tip ta’ trattur għal raġunijiet li jirrigwardaw l-istrutturi ta’ protezzjoni kontra l-qlib jekk ir-rekwiżiti stabbiliti fl-Anness VIII ikunu ġew sodisfatti.

2. L-Istati Membri ma jistgħux joħorġu d-dokument previst fl-Artikolu 2, punt (u), tad-Direttiva 2003/37/KE għal tip ta’ trattur li ma jissodisfax ir-rekwiżiti ta’ din id-Direttiva.

L-Istati Membri jistgħu jirrifjutaw li joħorġu approvazzjoni tat-tip nazzjonali għal tip ta’ trattur li ma jissodisfax ir-rekwiżiti ta’ din id-Direttiva.

Artikolu 9

L-Istati Membri ma jistgħux jirrifjutaw ir-reġistrazzjoni jew jipprojbixxu l-bejgħ, id-dħul fiċ-ċirkolazzjoni għall-ewwel darba jew l-użu ta’ tratturi għal raġunijiet relatati mal-istruttura ta’ protezzjoni fil-każ ta’ qlib, jekk ir-rekwiżiti stabbiliti fl-Annessi I sa IX ikunu ġew sodisfatti.

Artikolu 10

Fil-kuntest tal-approvazzjoni tat-tip KE tal-komponenti kull trattur msemmi fl-Artikolu 1, għandu jkun mgħammar bi struttura ta’ protezzjoni kontra l-qlib li tissodisfa il-ħtiġiet li stabbiliti fl-Annessi I sa IV.

Artikolu 11

L-emendi meħtieġa biex ir-rekwiżiti tal-Annessi I sa IX jiġu adattati għall-progress tekniku għandhom jiġu adottati skont il-proċedura msemmija fl-Artikolu 20(3) tad-Direttiva 2003/37/KE.

Artikolu 12

L-Istati Membri għandhom jikkomunikaw lill-Kummissjoni t-test tad-dispożizzjonijiet prinċipali tal-liġi nazzjonali li huma jadottaw fil-qasam kopert minn din id-Direttiva.

Artikolu 13

Id-Direttiva 77/536/KEE, kif emendata mill-atti mniżżla fl-Anness X, il-parti A, hi mħassra, bla ħsara għall-obbligi tal-Istati Membri rigward il-limiti ta’ żmien għat-trasposizzjoni fil-liġi nazzjonali u l-applikazzjoni tad-Direttivi mniżżla fl-Anness X, Parti B.

Referenzi għad-Direttiva mħassra għandhom jinftiehmu bħala referenzi għal din id-Direttiva u għandhom jinqraw skont it-tabella ta’ korrelazzjoni fl-Anness XI.

Artikolu 14

Din id-Direttiva għandha tidħol fis-seħħ fl-għoxrin jum wara l-pubblikazzjoni tagħha f’Il-Ġurnal Uffiċjali tal-Unjoni Ewropea.

Hija għandha tapplika mill- 1 ta’ Jannar 2010.

Artikolu 15

Din id-Direttiva hi indirizzata lill-Istati Membri.

Magħmul fi Brussell, it- 13 ta’ Lulju 2009.

Għall-Parlament Ewropew

Il-President

H.-G. Pöttering

Għall-Kunsill

Il-President

E. Erlandsson

[1] ĠU C 10, 15.1.2008, p. 21.

[2] Opinjoni tal-Parlament Ewropew tal- 25 ta’ Settembru 2007 (ĠU C 219 E, 28.8.2008, p. 68) u d-Deċiżjoni tal-Kunsill tat- 22 ta’ Ġunju 2009.

[3] ĠU L 220, 29.8.1977, p. 1.

[4] Ara l-Anness X, Parti A.

[5] ĠU L 171, 9.7.2003, p. 1.

--------------------------------------------------

LISTA TA’ ANNESSI

ANNESS I Kondizzjonijiet għall-approvazzjoni tat-tip KE tal-komponenti

ANNESS II Kondizzjonijiet għall-ittestjar tas-saħħa tal-istruttura ta’ protezzjoni kontra l-qlib u tat-twaħħil tagħha mat-trattur

ANNESS III Proċedura tal-ittestjar

ANNESS IV Figuri

ANNESS V Mudell tar-rapport dwar it-test tal-approvazzjoni tat-tip KEE tal-komponenti tal-istrutturi ta’ protezzjoni kontra l-qlib (qafas tas-sigurtà jew kabina) fir-rigward kemm tas-saħħa tagħha kif ukoll tas-saħħa tat-twaħħil tagħha mat-trattur.

ANNESS VI Marki

ANNESS VII Mudell taċ-ċertifikat tal-approvazzjoni tat-tip KE tal-komponenti

ANNESS VIII Kondizzjonijiet għall-approvazzjoni tat-tip KE tal-komponenti

ANNESS IX Mudell ta’ Anness maċ-ċertifikat tal-approvazzjoni tat-tip KEE tal-komponenti għal tip ta’ trattur fir-rigward is-saħħa tal-istruttura ta’ protezzjoni kontra l-qlib (kabina jew qafas tas-sigurtà) u s-saħħa tat-twaħħil tagħhom mat-trattur

ANNESS X Parti A: Direttiva mħassra flimkien mal-emendi suċċessivi tagħhaParti B: Limiti ta’ żmien għat-traspożizzjoni fil-liġi nazzjonali u l-applikazzjoni

ANNESS XI Tabella ta’ korrelazzjoni

--------------------------------------------------

ANNESS I

Kondizzjonijiet għall-approvazzjoni tat-tip tal-KE tal-Komponenti

1. DEFINIZZJONI

1.1. Struttura ta’ protezzjoni kontra l-qlib (il-kabina tas-sigurtà jew il-qafas)

Struttura ta’ protezzjoni kontra l-qlib (il-kabina tas-sigurtà jew il-qafas) tfisser l-istruttura fuq trattur li l-għan essenzjali tagħha huwa li tevita jew tnaqqas ir-riskji għas-sewwieq li jirriżultaw mit-tgerbib tat-trattur waqt l-użu normali.

1.2. L-istrutturi imsemmija fil-punt 1.1 huma karatterizzati mill-fatt li, fil-każ ta’ tgerbib, dawn jassiguraw spazju bla xkiel fi ħdanhom li jkun kbir biżżejjed sabiex jipproteġi lis-sewwieq.

2. ĦTIĠIET ĠENERALI

2.1. Kull struttura ta’ protezzjoni kontra l-qlib u t-twaħħil tagħha mat-trattur għandha tkun iddisinjata u mibnija b’tali mod li tissodisfa l-għan essenzjali stabbilit fil-punt 1.

2.2. Din il-ħtieġa għandha tkun ivverifikata minn wieħed jew żewġ metodi tat-testijiet deskritti fl-Anness III. Il-metodu magħżul għandu jikkonsidra t-toqol tat-trattur kif ġej hawn taħt:

għal tratturi b’toqol speċifikat bl-Artikolu 1 – Anness III, Parti B,

għal tratturi b’toqol ta’ aktar minn 1.5 tunnellata u mhux aktar minn 3.5 tunnellata - L-Anness III parti A,

f’dak li jirrigwarda tratturi b’pożizzjoni tas-sewqan riversibbli (jiġifieri b’sedil u steering wheel riversibbli) jew mgħammra b’iktar sedili, il-metodu tal-ittestjar deskritt fil-parti B ta’ Anness III biss għandu japplika.

3. APPLIKAZZJONI GĦAT-TIP APPROVAT TAL-KE TAL-KOMPONENTI

3.1. L-applikazzjoni għall-approvazzjoni tat-tip KE tal-komponenti f’dak li għandu x’jaqsam mas-saħħa tal-istruttura ta’ protezzjoni kontra l-qlib u s-saħħa tat-twaħħil tagħha mat-trattur għandha tkun ippreżentata mill-manifattur tat-trattur jew inkella mill-manifattur tal-istruttura ta’ protezzjoni kontra l-qlib jew mir-rappreżentanti awtorizzati tagħhom.

3.2. L-applikazzjoni għall-approvazzjoni tat-tip KE tal-komponenti għandha tkun akkumpanjata mid-dokumenti imsemmija hawn taħt, b’kull wieħed bi tlett kopji u bil-partikolaritajiet li ġejjin:

disinn tal-arranġament ġenerali jew fi skala immarkata fid-disinn jew billi tagħti l-qisien ewlenija tal-istruttura ta’ protezzjoni kontra l-qlib. Dan id-disinn għandu b’mod partikulari juri d-dettalji tal-komponenti tal-immuntar,

ritratti mill-ġenb u minn wara li juru d-dettalji tal-immuntar,

deskrizzjoni qasira tal-istruttura ta’ protezzjoni kontra l-qlib li tinkludi t-tip ta’ kostruzzjoni, dettalji tal-immuntar fuq it-trattur u, meta meħtieġ, dettalji tal-kurazzata, mezzi tal-aċċess u tal-ħarba, dettalji tal-utaja u l-fatturi biex jevitaw il-qlib kontinwu u d-dettalji tas-sħana u l-ventilazzjoni,

dettalji tal-materjal użat fil-partijiet strutturali li jinkludi l-mezzi tat-twaħħil u l-boltijiet tat-twaħħil (ara l-Anness V).

3.3. Trattur rappreżentattiv tat-tip ta’ trattur li għalih l-istruttura tal-protezzjoni għandha tkun approvata jrid ikun ippreżentat lis-servizz tekniku responsabbli li jwettaq it-testijiet tal-approvazzjoni tat-tip tal-komponenti. Dan it-trattur għandu jkun mgħammar bi struttura ta’ protezzjoni kontra l-qlib.

3.4. Dak li jkollu l-approvazzjoni tat-tip KE tal-komponenti jista’ jitlob estensjoni għat-tipi l-oħra ta’ tratturi. L-awtorità kompetenti li tkun tat l-approvazzjoni oriġinali tat-tip KE tal-komponenti għandha tagħti estensjoni jekk l-istruttura appruvata ta’ protezzjoni kontra l-qlib u t-tipi ta’ tratturi li għalihom l-estensjoni hija mitluba huma konformi mal-kondizzjonijiet li ġejjin:

il-piż tat-trattur mingħajr saborra, hekk kif definit fil-punt 1.3. tal-Anness II, ma jeċċedix b’aktar minn 5 % il-piż tar-referenza tal-massa użat fit-test,

il-metodu ta’ twaħħil u l-komponenti tat-trattur li magħhom isir it-twaħħil huma identiċi,

xi komponenti bħal ma huma mudguards, u bonnet cowls li jistgħu jipprovdu sostenn għall-apparat ta’ protezzjoni kontra l-qlib huma identiċi,

il-pożizzjoni tas-sedil ma tkunx inbidlet.

4. MARKI

4.1. Kull struttura ta’ protezzjoni kontra l-qlib li hija konformi mat-tip approvat għandha jkollha l-marki li ġejjin:

4.1.1. l-isem jew it-trademark;

4.1.2. il-marka tal-approvazzjoni tat-tip tal-komponenti li tkun konformi mal-mudell fl-Anness VI;

4.1.3. in-numru serjali tal-istruttura tal-protezzjoni;

4.1.4. l-għamla u t-tip(i) tat-trattur(i) li għalihom l-istruttura ta’ protezzjoni hija intiża.

4.2. Dawn id-dettalji kollha għandhom jidhru fuq plakka żgħira.

4.3. Dawn il-marki għandhom jkunu viżibbli, li jinqraw u li ma jitħassrux.

--------------------------------------------------

ANNESS II

Kondizzjonijiet għall-ittestjar tas-saħħa tal-istruttura ta’ protezzjoni kontra l-qlib u tat-twaħħil tagħha mat-trattur

1. ĦTIĠIET ĠENERALI

1.1. Għanijiet tat-testijiet

Testijiet magħmula bl-użu ta’ strumenti speċjali huma intiżi sabiex jissimulaw dawk it-tagħbijiet imposti fuq l-istruttura ta’ protezzjoni kontra l-qlib meta t-trattur jinqaleb. Dawn it-testijiet, deskritti fl-Anness III, għandhom jippermettu li s-saħħa tal-istruttura ta’ protezzjoni kontra l-qlib u s-saljaturi tat-twaħħil mat-trattur ikunu studjati.

1.2. Tħejjija għat-test

1.2.1. L-istruttura ta’ protezzjoni kontra l-qlib għandha tkun ittestjata fuq trattur tat-tip li għalih tkun ġiet iddisinjata. Għandha tiġi mwaħħla mat-trattur skont l-istruzzjonijiet tal-manifattur tat-trattur u/jew dawk tal-manifattur tal-istruttura ta’ protezzjoni kontra l-qlib.

1.2.2. Għat-testijiet it-trattur għandu jkun mgħammar bil-komponenti strutturali kollha tas-serje tal-produzzjoni li jistgħu jinfluwenzaw is-saħħa tal-istruttura tal-protezzjoni kontra l-qlib jew li jistgħu jkunu meħtieġa għat-test tas-saħħa.

Il-komponenti li jistgħu joħolqu periklu fiż-żona ta’ spazju għandhom jiġu imwaħħla wkoll sabiex jiġu eżaminati fir-rigward ta’ jekk ikunux konformi mal-ħtiġiet tal-punt 4.1 ta’ dan l-Anness.

1.2.3. It-testijiet għandhom iseħħu bit-trattur wieqaf.

1.3. Piż tat-trattur

Il-massa W imkejjla kif użata fil-formuli (ara l-Anness III parti A u B) biex jiġi kalkulat l-għoli tal-waqgħa tal-piż tal-pendlu u l-forza tat-tgħaffiġ, għandha tkun mill-anqas dik definita fil-punt 2.1.1. tal-Anness I tad-Direttiva 2003/37/KE (i.e., bl-esklużjoni tal-aċċessorji voluntarji imma inklużi l-likwidu li jkessaħ, iż-żjut, il-karburanti, l-attrezzar imwaħħal, it-tagħmir imwaħħal u x-xufier) flimkien mal-istruttura ta’ protezzjoni kontra l-qlib u mnaqqas b’75 kg. Mhux inklużi huma l-oġġetti voluntarji, s-saborra ta’ quddiem jew ta’ wara, is-saborra tat-tajers, l-attrezzar imwaħħal, it-tagħmir imwaħħal jew xi komponenti speċjalizzati.

2. TAGĦMIR U APPARAT

2.1. Il-piż tal-pendlu

2.1.1. Il-piż tal-pendlu għandu jkun sospiż b’żewġ ktejjen jew ħbula tal-ħadid minn punti tal-pern mhux anqas minn 6 m ‘l fuq mill-art. Għandhom jiġu provduti mezzi għall-aġġustament indipendenti tal-għoli tal-piż sospiż u tal-angolu bejn il-piż u l-ktajjen jew il-ħbula li qegħdin iżommuh.

2.1.2. Il-piż għandu jkun ta’ 2000 ± 20 kg imma eskluż il-piż tal-ktajjen jew tal-ħbula, li huma nfushom ma għandhomx ikunu iktar minn 100 kg. It-tul tal-ġnub tan-naħa tal-impatt għandu jkun 680 ± 20 mm (ara l-Anness IV, fig.4) Il-piż għandu jkun mimli b’tali mod li l-pożizzjoni fiċ-ċentru tal-gravità tkun kostanti.

2.1.3. Għandhom jiġu provduti mezzi għall-ġbid lura tal-piż bħal pendlu sa għoli li jkun iddeterminat għal kull test. Mekkaniżmu ta’ rilaxx bil-ħeffa għandu jippermetti li l-piż jitbandal ‘l isfel mingħajr ma jbiddel il-miel b’relazzjoni mal-ktejjen u l-ħbula li jżommuh.

2.2. Sostenn tal-pendlu

Il-ponot tal-pern tal-pendlu għandhom jiġu imqiegħda b’mod riġidu hekk li ċ-ċaqlieq f’kull direzzjoni ma jeċċedix 1 % tal-għoli tal-waqgħa.

2.3. Irbit

2.3.1. It-trattur għandu jkun marbut permezz ta’ apparat li permezz tiegħu jiġi miżmum jew ristrett b’tali mod li jżommu l-linji tal-art li jkunu mwaħħla riġidi ma’ bażi tal-konkritt tali li ma jċedix. Il-linji għandhom jitqiegħdu spazzjati sabiex jippermettu li t-trattur jiġi mizmum hekk kif muri fl-Anness IV, il-fig. 5, 6 u 7. Għal kull test ir-roti tat-trattur u kull planċier tal-fus użati għandhom jistrieħu fuq bażi li ma ċċedix.

2.3.2. Apparti mill-apparat ta’ tensjoni u l-irbit tal-linji tal-art it-trattur għandu jiġi marbut b’ħabel tal-ħadid tad-dimensjonijiet speċifikati.

Il-ħabel tal-ħadid għandu jkun ta’ kwalunkwe tip ta’ fili tondi, bil-ġewwieni tal-fibra, kostruzzjoni 6 x 19 skont ISO 2408. Id-dijametru nominali tal-ħabel għandu jkun ta’ 13 mm.

2.3.3. Il-pern tan-nofs ta’ trattur artikulat għandu jiġi miżmum u imwaħħal kif meħtieġ għall-impatti ta’ quddiem, ta’ wara, u tal-ġenb u għall-testijiet tat-tgħaffiġ u għandu, aktar minn hekk, jiġi mirfuh mill-ġenb għall-impatti tal-ġenb. Ir-roti ta’ quddiem u ta’ wara mhux neċessarjament għandhom ikunu bi dritt xulxin jekk dan ikun aktar konvenjenti sabiex jitwaħħlu il-ħbula tal-ħadid.

2.4. Riffieda u seratizz tar-rota

2.4.1. Travu għandu jintuża bħala riffieda għar-rota fil-ġenb tal-impatt kif muri fl-Anness IV, il-fig. 7.

2.4.2. Travu ta’ injam artab ta’ madwar 150 x 150 mm għandu jitwaħħal mal-art sabiex jgħaqqad it-tajers man-naħa opposta tal-impatt kif jidher fl-Anness IV, il-fig. 5, 6 u 7.

2.5. Ir-riffieda u r-rabbata għat-tratturi artikulati

2.5.1. Ir-riffieda u r-rabbata addizjonali għandhom jintużaw għat-tratturi artikulati. L-għan ta’ dawn huwa sabiex jassiguraw li s-sezzjoni tat-trattur li fuqu l-istruttura tal-protezzjoni kontra l-qlib hija mwaħħla tkun riġida daqs dak tat-trattur riġidu.

2.5.2. Dettajli speċifiċi addizzjonali jinsabu fl-Anness III fir-rigward tat-testijiet tal-impatt u tat-tgħaffiġ.

2.6. Crushing Rig

Parank kif muri fl-Anness IV, il-fig. 8, għandu jkun kapaċi li jeżerċita forza ‘l-isfel fuq l-istruttura ta’ protezzjoni kontra l-qlib minn travu riġidu ta’ approssimament 250 mm wiegħsa imwaħħal ma mekkaniżmu tal-applikar tat-tgħabija permezz ta’ minċotti universali. Pjanċieri xierqa tal-fus għandhom ikunu pprovduti sabiex it-tajers tat-trattur ma jsofrux il-forza tat-tgħaffiġ.

2.7. Apparat tal-kejl

2.7.1. Għat-testijiet stabbiliti fl-Anness III parti A u B, għandu jintuża apparat li fuqu ikun imqiegħed issikkat fuq arblu orizzontali għall-iskop li jkejjel id-differenza bejn id-diflezzjoni massima momentanja u d-diflezzjoni residwa waqt it-test tal-impatt tal-ġenb.

2.7.2. Għat-testijiet stabbiliti fl-Anness III parti A, il-kejl għandu jsir wara t-testijiet tal-laboratorju sabiex jiddeterminaw liema parti tal-istruttura ta’ protezzjoni tkun daħlet fiż-żona ta’ spazju msemmija f’punt 2 tal-Anness III parti A.

2.7.3. Għat-testijiet stabbiliti fl-Anness III parti B, għandu jkun ipprovdut apparat – li jista jinkludi tagħmir fotografiku – sabiex wara li jsiru t-testijiet tal-laboratorji jkun stabbilit liema parti tal-istruttura tal-protezzjoni, matul dawn it-testijiet, tkun daħlet jew kienet f’kuntatt maż-żona ta’ spazju preskritta f’punt 2 tal-Anness III parti B.

2.8. Tolleranzi tal-kejl

It-tolleranzi li ġejjin għandhom japplikaw għall-kejl magħmul matul it-testijiet:

2.8.1. qisien lineari imkejjla matul it-test (bl-eċċezzjoni ta’ 2.8.2); struttura ta’ protezzjoni u qisien tat-trattur, żona ta’ spazju tad-diflezzjonijiet tat-tyre meta meta marbut għat-test tal-impatt: ± 3 mm;

2.8.2. għoli tal-piż tal-pendlu issetjat għat-test tal-impatt: ± 6 mm;

2.8.3. il-piż imkejjel tat-trattur: ± 20 kg;

2.8.4. il-piż applikat matul it-testijiet tat-tgħaffiġ: ± 2 %;

2.8.5. l-angolu tal-ktajjen jew tal-ħbula tal-ħadid użati bħala sostenn fil-punt tal-impatt: ± 2 °.

3. TESTIJIET

3.1. Ħtiġiet Ġenerali

3.1.1. Sekwenza tat-testijiet

3.1.1.1. Il-lista u sekwenza tat-testijiet għandha tkun kif ġej. In-numri tad-dettalji huma dawk tat-testijiet kif deskritti fl-Anness III parti A u B:

1.impatt minn wara | 1.1, |

2.test tat-tgħaffiġ fuq wara | 1.4, |

3.impatt minn quddiem | 1.2, |

4.impatt mill-ġenb | 1.3, |

5.test tat-tgħaffiġ fuq quddiem | 1.5. |

3.1.1.2. Jekk, matul it-test, xi parti tal-apparat tal-irbit tiċċaqlaq jew tinkiser, it-test għandu jiġi ripetut.

3.1.1.3. L-ebda tiswija jew aġġustamenti lit-trattur jew lill-istruttura ta’ protezzjoni kontra l-qlib m’għandhom isiru matul it-test.

3.1.1.4. Il-gear-box tat-trattur għandha tkun fin-newtral u l-brejkijiet miftuħa matul it-test kollu.

3.1.1.5. Fil-każ ta’ trattur b’posizzjoni ta’ sewqan riversibbli (i.e. b’sedil u steering wheel riversibbli), l-ewwel impatt għandu jkun lonġitudinali u għandu jiġi applikat fuq l-itqal estremità (b’aktar minn 50 % tal-massa tat-trattur). Dan għandu jiġi segwit minn test ta’ tgħaffiġ fuq l-istess estremità. It-tieni impatt għandu jkun fuq l-eħfef estremità, u t-tielet impatt għandu jkun mill-ġenb. Fl-aħħar, għandu jitwettaq it-tieni test ta’ tgħaffiġ fuq l-eħfef estremità.

3.1.2. Wesgħa tas-sarbut

Il-wisgħa tas-sarbut issetjat għat-tajers ta’ wara għandu jintgħażel hekk li kemm jista jkun possibbli l-istruttura ta’ protezzjoni kontra l-qlib ma tkunx sostnuta bit-tajers matul it-testijiet.

3.1.3. Tneħħija ta’ komponenti li ma joħolqux ħsara

Il-komponenti kollha tat-trattur u l-istruttura ta’ protezzjoni kontra l-qlib li, bħala unitajiet sħaħ, jikkostitwixxu protezzjoni għax-xufier – inkluż protezzjoni mit-temp - għandhom ikunu fornuti mat-trattur li għandu jkun ittestjat. Huwa permissibbli li jitneħħew it-twieqi ta’ ħġieġ tas-sigurtà ta’ quddiem, tal-ġnub u ta’ wara jew xi materjal simili u kull panew li jista’ jitneħħa, tagħmir u aċċessorji li ma għandhom l-ebda funzjoni ta’ saħħa strutturali u li ma jistgħux joħolqu ħsara fil-każ ta’ tgerbib.

3.1.4. Direzzjoni tal-impatti

In-naħa tat-trattur li tirċievi l-impatt tal-ġenb għandha tkun dik li aktarx li toħloq l-akbar tgħawwiġ. L-impatt ta’ wara għandu jkun fuq il-kantuniera l-aktar ‘il bogħod mill-impatt tal-ġenb u l-impatt ta’ quddiem, il-kantuniera l-aktar qrib għall-impatt tal-ġenb.

3.1.5. Pressjoni tat-tajers u t-trattib

It-tajers ma għandhomx ikunu bl-ilma bħala saborra. Il-pressjoni u t-trattib f’dawk it-tajers li huma marbuta fid-diversi testijiet għandhom ikun skont it-tabella li ġejja:

| Pressjoni tat-tajer (bar) | Trattib (mm) |

Tajers Radial-ply | Tajers Diagonal-Ply | Quddiem | Wara |

Quddiem | Wara | Quddiem | Wara |

Sistema tal-ingranaġġ fuq l-erba roti, roti ta’ quddiem u ta’ wara tal-istess daqs | 1,20 | 1,20 | 1,00 | 1,00 | 25 | 25 |

Sistema tal-ingranaġġ fuq l-erba roti, roti ta’ quddiem iżgħar minn ta’ wara | 1,80 | 1,20 | 1,50 | 1,00 | 20 | 25 |

Sistema tal-ingranaġġ fuq żewġ roti | 2,40 | 1,20 | 2,00 | 1,00 | 15 | 25 |

4. INTERPRETAZZJONI TAR-RIŻULTATI

4.1. Struttura ta’ protezzjoni kontra l-qlib ippreżentata għall-approvazzjoni tat-tip KE tal-komponenti għandha tkun meqjusa bħala li tissodisfa il-ħtiġiet dwar is-saħħa meta tissodisfa il-kondizzjonijiet li ġejjin:

4.1.1. tkun ħielsa minn qsim u tixqieq kif deskritti fil-punt 3.1 tal-Anness III parti A B;

4.1.2. għal testijiet tal-Anness III parti A: l-ebda parti taż-żona tal-ispazji ma tkun ‘il barra mill-istruttura ta’ protezzjoni kontra l-qlib;

għal testijiet tal-Anness III parti B: l-ebda parti miz-żona tal-ispazji ma tkun iddaħħlet fl-istruttura ta’ protezzjoni kontra l-qlib waqt l-impatt jew it-testijiet tal-impatt jew hija ‘l barra mill-istruttura ta’ protezzjoni kontra l-qlib, kif deskritta fil-punt 3.2 tal-Anness III parti B;

4.1.3. għal testijiet tal-Anness III parti A: id-differenza bejn id-diflezzjoni momentarja massima u d-diflezzjoni residwa, msemmija f’punt 3.3. tal-Anness III parti A ma teċċedix il-15 cm;

għal testijiet tal-Anness III parti B: matul it-test tal-impatt fuq il-ġenb, id-differenza bejn id-diflezzjoni momentarja massima u d-diflezzjoni residwa, riferita fil-punt 3.3. tal-Anness III parti B ma teċċedix il-25 cm.

4.2. M’hemm l-ebda fattur ieħor li jippreżenta periklu partikulari lis-sewwieq e.g. ħġieġ ta’ tip li x’aktarx li jixxaqqaq b’mod perikoluż, kuxxinar insuffiċjenti fis-saqaf jew inkella fejn ras is-sewwieq tista’ taħbat.

5. RAPPORT TAT-TEST

5.1. Ir-rapport tat-test għandu jkun mehmuż maċ-ċertifikat tal-approvazzjoni tat-tip KE tal-komponent msemmi fl-Anness VII. Il-preżentazzjoni ta’ dan ir-rapport għandha tkun kif murija fl-Anness V. Ir-rapport għandu jinkludi:

5.1.1. deskrizzjoni ġenerali tal-għamla u l-kostruzzjoni tal-istruttura ta’ protezzjoni kontra l-qlib inklużi l-materjali u t-tagħmir; il-qisien esterni tat-trattur bl-istruttura ta’ protezzjoni armata, il-qisien interni ewlenin, l-ispazju minimu mill-isteering wheel, id-distanza laterali mill-isteering wheel sal-ġnub tal-istruttura tal-protezzjoni, l-għoli tas-saqaf tal-istruttura tal-protezzjoni fuq is-sedil jew il-punt tar-referenza tas-sedil u fuq il-pjanċier tas-saqajn jekk ikun hemm, dettalji tal-provvedimenti dwar id-dħul u l-ħruġ normali u għall-ħrib kif determinat mill-partijiet tal-istruttura tal-protezzjoni; u d-dettalji tas-sħanat u, meta meħtieġ, is-sistema tal-ventilazzjoni;

5.1.2. dettalji ta’ xi fatturi speċjali bħal ma hu l-apparat li jipprevjeni t-tgerbib kontinwu tat-trattur,

5.1.3. deskrizzjoni qasira tal-kuxxinar intern intiż li jimminimizza l-feriti fir-ras u l-ispalla u jew inkella l-effett li jnaqqas il-ħoss;

5.1.4. stqarrija dwar it-tip ta’ windscreen u l-ħġieġ imwaħħal.

5.2. Ir-rapport għandu jidentifika b’mod ċar it-tip ta’ trattur (għamla, tip, deskrizzjoni kummerċjali, eċċ.) użat għall-ittestjar u t-tipi li l-istruttura ta’ protezzjoni kontra l-qlib hija intiża għalih.

5.3. Jekk l-approvazzjoni tat-tip KE tal-komponenti hija estiża għal tipi oħra ta’ tratturi, ir-rapport għandu jinkludi r-referenza eżatta tar-rapport tal-approvazzjoni tat-tip KE oriġinali tal-komponenti kif ukoll l-indikazzjonijiet preċiżi dwar il-ħtiġiet stabbiliti fil-punt 3.4 tal-Anness I.

--------------------------------------------------

ANNESS III

PROĊEDURA TAL-ITTESTJAR

A – Metodu tat-test I

1. TESTIJIET TAL-IMPATT U T-TGĦAFFIĠ

1.1. Impatt fuq wara

1.1.1. It-trattur għandu jitqiegħed b’relazzjoni mal-piż sabiex il-piż jaħbat mal-istruttura ta’ protezzjoni kontra l-qlib meta l-wiċċ tal-impatt u l-ktajjen tar-rinforz u l-ħbula tal-ħadid huma f’angolu ta 20 ° għal dak vertikali, sakemm l-istruttura ta’ protezzjoni kontra l-qlib fil-punt tal-kuntatt għandha, matul id-diflezzjoni, angolu akbar għall-vertikali. F’dan il-każ il-wiċċ tal-impatt tal-piż għandu jiġi aġġustat permezz ta’ rinforz addizzjonali sabiex jiġi parallel mal-istruttura ta’ protezzjoni kontra l-qlib fil-punt tal-impatt fil-mument tad-diflezzjoni masima, il-ktajjen ta’ sostenn jew il-ħbula tal-ħadid jibqgħu f’angolu ta’ 20 ° mal-vertikali. Għandhom jittieħdu passi sabiex titnaqqas it-tendenza tal-piż li jdur mal-punt tal-kuntatt. L-għoli sospiż tal-piż għandu jiġi aġġustat sabiex il-locus taċ-ċentru tal-gravità tiegħu jgħaddi mill-punt tal-kuntatt.

Il-punt tal-impatt għandu jkun dik il-parti tal-istruttura ta’ protezzjoni kontra l-qlib li l-aktar possibbli li taħbat mal-art l-ewwel f’inċident meta ssir qalba b’lura, normalment ix-xifer ta’ fuq. Il-pożizzjoni taċ-ċentru tal-gravità tal-piż għandu jkun wieħed minn sitta tal-wesgħa tal-quċċata tal-istruttura ta’ protezzjoni kontra l-qlib ‘il ġewwa mill-pjan vertikali parallel mal-pjan medjan tat-trattur li jmiss mal-estremità ta’ barra tal-għoli tal-istruttura ta’ protezzjoni kontra l-qlib.

B’danakollu, jekk il-kurva ta’ wara tal-istruttura ta’ protezzjoni kontra l-qlib tibda b’distanza akbar minn ta’ ġewwa tal-pjan vertikali, l-impatt għandu jiġi amministrat fil-bidu tal-liwja, i.e. fil-punt fejn il-liwja hija tanġenzjali mal-linja karatabum mal-pjan medjan tat-trattur (ara l-Anness IV, il-fig. 9).

Jekk parti maħruġa tippreżenta żona inadegwata għall-għoli, il-pjanċa tal-azzar ta’ ħxuna xierqa u fond u xi 300 mm tul għandha tkun imwaħħla ma’ dik il-parti b’tali mod li s-saħħa tal-istruttura ta’ protezzjoni kontra l-qlib ma tkunx affetwata.

1.1.2. Il-qafas riġidu ta’ tratturi għandu jkun marbut sewwa. Il-punti tal-irbit tal-ħbula għandhom ikunu madwar 2 m wara l-fus ta’ wara u 1.5 m ‘il quddiem tal-fus ta’ quddiem. Għandhom ikunu jew fil-pjan li fih iċ-ċentru tal-gravità tal-pendlu jkun jitbandal jew aktar minn irbit wieħed għandu jagħti forza riżulatanti f’dan il-pjan, kif insibu fl-Anness IV, il-fig. 5.

L-irbit għandu jkun issikat sabiex it-trattib fit-tajers ta’ quddiem u ta’ wara jkunu hekk kif indikati fil-punt 3.1.5 tal-Anness II. Meta l-irbit ikun issikkat, seratizz tal-injam 150 × 150 mm għandu jkun imqabbad quddiem ir-roti ta’ wara u ssikkatt ferm magħhom.

1.1.3. Tratturi artikulati għandu jkollhom iż-żewġ fusien marbuta. Il-fus ta’ dik is-sezzjoni tat-trattur li fuqu l-istruttura ta’ protezzjoni kontra l-qlib hija armata għandha tkun meqjusa bħala l-fus ta’ wara fl-Anness IV, il-fig. 5. Il-punt tad-dawrien għandu jkun sostnutt minn seratizz ta’ madwar 100 × 100 mm u għandu jkun marbut sod permezz ta’ ħbula tal-ħadid imwaħħla mal-linji tal-art.

1.1.4. Il-piż għandu jinġibed lura sabiex l-għoli taċ-ċentru tal-gravità tiegħu fuq dak tal-punt tal-impatt, huwa mogħti bil-formula:

H = 125 + 0,020 W

fejn H hija l-għoli tal-waqgħa f’millimetri u W hija l-massa tat-trattur kif definita fil-punt 1.3. tal-Anness II.

Il-piż għandu mbagħad jintelaq u jitħalla jikkraxxja kontra l-istruttura ta’ protezzjoni kontra l-qlib.

1.2. Impatt fuq quddiem

1.2.1. It-trattur għandu jitqiegħed f’relazzjoni mal-piż sabiex il-piż jaħbat mal-istruttura ta’ protezzjoni kontra l-qlib meta l-wiċċ tal-impatt tal-piż u l-katina ta’ rinforz u l-ħbula tal-ħadid huma f’angolu ta’ 20 ° għal dak vertikali sakemm l-istruttura ta’ protezzjoni kontra l-qlib fil-punt ta’ kuntatt għandha, matul id-diflezzjoni, angolu akbar għall-vertikali. F’dan il-każ li l-wiċċ tal-impatt tal-piż għandu jiġi aġġustat permezz ta’ rinforz addizzjonali sabiex jiġi parallel mal-istruttura ta’ protezzjoni kontra l-qlib fil-punt tal-impatt fil-mument tad-diflezzjoni massima, il-ktajjen tas-sostenn jew il-ħbula tal-ħadid jibqgħu f’angolu ta’ 20 ° mal-vertikali. Għandhom jittieħdu passi sabiex titnaqqas it-tendenza tal-piż li jdur mal-punt tal-kuntatt. L-għoli sospiż tal-piż għandu jiġi aġġustat sabiex il-locus taċ-ċentru tal-gravità tiegħu jgħaddi mill-punt tal-kuntatt.

Il-punt tal-impatt għandu jkun dik il-parti tal-istruttura ta’ protezzjoni kontra l-qlib li l-aktar possibbli li taħbat laġenba mal-art meta tkun qed tivvjaġġa ‘il quddiem, normalment tax-xifer ta’ fuq. Il-pożizzjoni taċ-ċentru tal-gravità tal-piż ma għandiex tkun aktar minn 80 mm mill-pjan vertikali parallel mal-pjan medjan tat-trattur li jmiss mal-estremità ta’ barra tas-saqaf tal-istruttura ta’ protezzjoni kontra l-qlib.

B’danakollu, jekk il-kurva ta’ quddiem tal-istruttura ta’ protezzjoni kontra l-qlib tibda b’distanza akbar minn 80 mm ‘il ġewwa minn dan il-pjan vertikali, l-impatt għandu jiġi amministrat fil-bidu tal-liwja, i.e. fil-punt fejn il-liwja hija tanġenzjali mal-linja linja perpendikolari mal-pjan medjan tat-trattur (ara l-Anness IV, il-fig. 9).

1.2.2. Trattur b’qafas riġidu għandu jkun marbut hekk kif indikat fl-Anness IV, il-fig. 6. Il-punti tat-twaħħlil tal-irbit għandhom ikunu approssimament 2 m wara l-fus ta’ wara u 1, 50 m ‘il quddiem tal-fus ta’ quddiem.

L-irbit għandu jkun issikat sabiex it-trattib fit-tajers ta’ quddiem u ta’ wara ikunu hekk kif indikati fil-punt 3.1.5 tal-Anness II. Meta l-irbit ikun issikkat, seratizz tal-injam 150 × 150 mm għandu jkun imqabbad wara r-roti ta’ wara u ssikkat magħhom.

1.2.3. Tratturi artikulati għandu jkollhom iż-żewġ fusien marbuta. Il-fus ta’ dik is-sezzjoni tat-trattur li fuqu l-istruttura ta’ protezzjoni kontra l-qlib hija aramata għandha tiġi trattata bħall-fus ta’ quddiem fl-Anness IV, il-fig. 6. Il-punt tad-dawrien għandu jiġi sostnut minn seratizz ta’ madwar 100 × 100 mm u jkun marbut sod permezz ta’ ħbula tal-ħadid imwaħħla mal-linji tal-art.

1.2.4. Il-piż għandu jinġibed lura hekk li l-għoli taċ-ċentru tal-gravità tiegħu fuq il-punt tal-impatt ikun kif mogħti permezz tal-formula:

H = 125 + 0,020 W.

1.3. Impatt fil-ġenb

1.3.1. It-trattur għandu jitqiegħed f’relazzjoni mal-piż b’tali mod li l-piż jolqot l-istruttura ta’ protezzjoni kontra l-qlib meta il-wiċċ tal-impatt tal-piż u l-ktajjen tas-sostenn jew il-ħbula tal-ħadid huma vertikali sakemm l-istruttura tal-protezzjoni fil-punt tal-kuntatt hija, matul id-diflezzjoni, ‘l barra milli vertikali. F’dan il-każ il-wiċċ tal-impatt tal-piż għandu jkun aġġustat permezz ta’ rinforz addizzjonali sabiex jiġi parallel mal-istruttura ta’ protezzjoni kontra l-qlib fil-punt tal-impatt fil-mument tad-diflezzjoni massima, il-ktajjen tas-sostenn jew il-ħbula tal-ħadid jibqgħu vertikali. L-għoli sospiż tal-piż għandu jiġi aġġustat sabiex il-locus taċ-ċentru tal-gravità tiegħu jgħaddi mill-punt tal-kuntatt.

Il-punt tal-impatt għandu jkun dik il-parti tal-istruttura ta’ protezzjoni kontra l-qlib li l-aktar possibbli li taħbat l-ewwel mal-art f’inċident tat-tgerbib, normalment ix-xifer ta’ fuq. Sakemm ma jkunx ċert li l-parti l-oħra minn dan ix-xifer tolqot l-art l-ewwel, il-punt tal-impatt għandu jkun fil-pjan linja perpendikolari mal-pjan medjan tat-trattur u jgħaddi min-nofs is-sedil fin-nofs tal-aġġustament. Għandhom jittieħdu passi sabiex titnaqqas it-tendenza tal-piż li jdur mal-punt tal-kuntatt. F’dak li jirrigwarda tratturi b’postijiet tas-sewqan riversibbli (b’sedil u steering wheel riversibbli), il-punt ta’ impatt ikun definit b’relazzjoni mal-punt fil-pjan medjan tat-trattur mal-pjan li jkun perpendikulari miegħu skont linja li tgħadddi minn punt ekwidistanti miż-żewġ punti ta’ referenza mis-sedil.

1.3.2. Għal tratturi riġidi, kull fus li l-pożizzjoni tiegħu hija riġida relattiva għall-istruttura tal-protezzjoni għandu jkun marbut man-naħa li miegħu l-impatt sejjer ikun amministrat. Fil-każ ta’ trattur b’ingranaġġ ta’ żewġ roti dan normalment ikun il-fus ta’ wara; dan l-arranġament jidher fl-Anness IV, il-fig. 7. Iż-żewġ tirbit għandhom jgħaddu minn fuq il-fus mill-punti direttament taħtu, wieħed jgħaddi mill-punt 1.5 m ‘il quddiem tal-pern u l-ieħor minn punt approssimament 1.5 m wara il-pern. L-irbit għandhom jiġu issikati sabiex ikun hemm devjazzjoni fit-tajers li jmissu mal-irbit huma kif indikati fil-punt 3.1.5 tal-Anness II. Wara l-irbit, seratizz tal-injam għandu jitpoġġa bħala riffieda kontra r-rota faċċata tal-piż u sod mal-art b’tali mod li jkun imqiegħed strettament max-xifer tar-rota matul l-impatt kif muri fl-Anness IV, il-fig 7. It-tul tas-seratizz għandu jintgħażel b’tali mod li meta jkun f’posizzjoni kontra r-rota ikun f’angolu ta 30 ± 3 ° mal-orizzontali. It-tul tiegħu għandu jkun 20 sa 25 darba il-ħxuna tiegħu u wiegħsa darbtejn jew tlieta il-wesgħa tiegħu. Iż-żewġ fusien m’għandhomx ikunu pprevenuti milli jiċċaqalqu laġenba permezz ta’ seratizz imwaħħal mal-art kontra l-parti ta’ barra tar-rota fin-naħa opposta ma’ dik li magħha l-impatt huwa amministrat.

1.3.3. Trattur artikulat għandu jkun marbut sewwa sabiex dik is-sezzjoni tat-trattur li jkun fiha l-istruttura tal-protezzjoni tkun imwaħħla riġidament mal-art bħal fil-każ ta’ trattur mhux artikulat.

Iż-żewġ fusien ta’ tratturi artikulati għandhom jintrabtu mal-art. Il-fus u r-roti tas-sezzjoni tat-trattur li fuqhom l-istruttura tal-protezzjoni hija armata għandha titwaħħal u tkun mirfuda bħal fl-Anness IV, il-fig. 7. Il-punt tad-dawrien għandu jiġi sostnut minn seratizz ta’ mill-anqas 100 × 100 mm u marbut mal-linji tal-art. Riffieda għandha tkun imqiegħda kontra il-punt tad-dawrien u marbuta mal-art b’tali mod li jkollha l-istess effett ta’ riffieda mar-rota ta’ wara u tipprovdi sostenn simili għal dak milħuq minn trattur riġidu.

1.3.4. Il-piż għandu jinġibed lura sabiex l-għoli taċ-ċentru tal-gravità tiegħu fuq il-punt tal-impatt ikun kif mogħti permezz tal-formula:

H = 125 + 0,150 W.

1.4. It-tgħaffiġ fuq wara

It-trattur għandu jkun imqiegħed fuq il-parank hekk kif deskritt fil-punt 2.6 tal-Anness II u muri fl-Anness IV, il-fig. 8 u 10, b’tali mod li t-tarf ta’ wara tas-seratizz huwa fuq l-aktar parti ta’ wara tal-istruttura tal-protezzjoni li ġġorr il-piż tal-pjan tal-medjan longitudinali tat-trattur tkun fin-nofs bejn il-punti tal-applikazzjoni tal-forza mas-seratizz.

It-travetti tal-fusien għandhom jitqiegħdu taħt il-fusien b’tali mod li t-tajers ma jaqilgħux il-forza tat-tgħaffiġ. Il-forza applikata għandha tikkorispondi mad-doppju tal-massa tat-trattur hekk kif definit fil-punt 1.3 tal-Anness II. Jista’ jkun meħtieġ li jkun marbut ‘il quddiem tat-trattur.

1.5. Tgħaffiġ fuq quddiem

1.5.1. Dan għandu jkun identiku għat-test tat-tgħaffiġ ta’ wara bl-eċċezzjoni li it-tarf ta’ quddiem tas-seratizz għandu jkun fil-parti l-aktar fuq quddiem tal-istruttura ta’ protezzjoni kontra l-qlib.

1.5.2. Meta l-parti ta’ quddiem tas-saqaf tal-istruttura tal-protezzjoni ma ssostnix il-forza kollha tat-tgħaffiġ, il-forza li għandha tiġi applikata sakemm is-saqaf isofri devjazzjoni li tkun mal-pjan li jgħaqqad il-parti ta’ fuq tal-istruttura ta’ protezzjoni kontra l-qlib ma’ dik ta’ quddiem tat-trattur kapaċi li ssostni l-massa tat-trattur meta jinqaleb. Il-forza għandha imbagħad titneħħa u t-trattur imqiegħed mill-ġdid b’tali mod li s-seratizz huwa fuq dak il-punt tal-istruttura tal-protezzjoni li jista’ imbagħad isostni ‘il wara tat-trattur meta jinqaleb kompletamant, kif muri fl-Anness IV, il-fig. 10, u l-forza kollha tkun applikata mill-ġdid.

2. ŻONA TA’ SPAZJU

2.1. Iż-"żona ta’ spazju" hija definita mill-pjani kif ġej, bit-trattur jkun fuq wiċċ orizzontali:

orizzontali, 95 ċm mis-sedil ikkompressat;

vertikali, perpendikulari mal-pjan medjan tat-trattur u 10 ċm wara d-dahar tas-sedil;

vertikali, parallel mal-pjan medjan tat-trattur u 25 ċm lejn ix-xellug taċ-ċentru tas-sedil;

vertikali, parallel mal-pjan medjan tat-trattur u 25 ċm lejn il-lemin taċ-ċentru tas-sedil;

pjan inklinat li fih ikun hemm il-linja orizzontali f’linja perpendikolari mal-pjan medjan tat-trattur, 95 ċm fuq is-sedil ikkompressat u 45 ċm (biż-żieda taċ-ċaqliq possibbli tas-sedil ‘il quddiem u lura) lejn il-quddiem tad-dhar tas-sedil. Dan il-pjan inklinat jgħaddi minn quddiem l-isteering wheel u l-eqreb punt ikun ta’ 4 ċm tar-rimm tal-isteering wheel.

2.2. Id-dahar tas-sedil għandu jkun iddeterminat billi jkun injorat il-kuxxinar tiegħu. Is-sedil għandu jkun fil-parti l-aktar lura tal-aġġustament tiegħu għal operazzjoni bil-qiegħda normali tat-trattur u fil-pożizzjoni l-aktar għolja jekk din tkun independentement varjabbli. Meta s-suspenzjoni tas-sedil tista’ tkun aġġustata din għandha tkun fil-pożizzjoni medja u l-piż fuqu jkun ta’ 75 kg.

3. KEJL LI GĦANDU JSIR

3.1. Fratturi u qsim

Għal kull test il-membri strutturali, il-ġonot u s-saljaturi tat-twaħħil kollha fuq it-trattur għandhom ikunu eżaminati b’mod viżiv għal fratturi u qsim, xi qasma żgħira f’partijiet mhux importanti tiġi injorata.

3.2. Żona ta’ spazju

3.2.1. Wara kull test l-istruttura ta’ protezzjoni kontra l-qlib għandha tiġi eżaminata biex tara jekk xi parti mill-istruttura tal-protezzjoni tkunx daħlet fiż-żona ta’ spazju madwar is-sedil tas-sewqan hekk kif definit fil-punt 2.

3.2.2. B’żieda ma’ dan, l-istruttura tal-protezzjoni għandha tiġi eżaminata sabiex tiddetermina jekk xi parti miż-żona ta’ spazju tkunx ‘il barra mill-protezzjoni tal-istruttura tal-protezzjoni. Għal din ir-raġuni għandha tiġi kunsidrata bħala barra miż-żona ta’ protezzjoni jekk xi parti minnha tkun għamlet kuntatt ma’ art ċatta jekk it-trattur jinqaleb lejn id-direzzjoni minn fejn ikun ġie l-impatt. Għal din ir-raġuni l-issettjar tat-tajer u tas-sarbut għandu jkun meqjus bħala l-iżgħar indikat mill-manifattur.

3.3. Devjazzjoni momentarja massima

Matul it-test tal-impatt mal-ġenb id-differenza bejn id-diflezzjoni momentarja massima u d-deflezzjoni residwa f’għoli ta’ 950 mm ‘il fuq mis-sedil bil-piż għandha tkun irrekordjata. Parti mill-virga indikata fil-punt 2.7.1 tal-Anness II għandha tkun imwaħħla mal-parti ta’ fuq tal-istruttura ta’ protezzjoni kontra l-qlib u t-tarf l-ieħor jgħaddi minn toqba fl-istandard vertikali. Il-pożizzjoni tal-friction collar fuq il-virga wara l-impatt jindika id-devjazzjoni momentarja massima.

3.4. Devjazzjoni permanenti

Wara t-test tal-kompressjoni finali d-devjazzjoni permanenti tal-istruttura tal-protezzjoni għandha tiġi rekordjata. Għal dan il-għan, qabel ma jibda t-test, il-pożizzjoni tal-istruttura ta’ protezzjoni kontra l-qlib ewlenija f’relazzjoni mas-sedil għandha tiġi rekordjata.

B – Metodu tat-test II

1. TESTIJIET TAL-IMPATT U TAT-TGĦAFFIĠ

1.1. Impatt fuq wara

1.1.1. It-trattur għandu jitqiegħed f’relazzjoni mal-piż sabiex il-piż jaħbat mal-istruttura ta’ protezzjoni kontra l-qlib meta il-wiċċ tal-impatt u l-ktajjen tar-rinforz u l-ħbula tal-ħadid huma f’angolu ta’ 20 ° għal dak vertikali sakemm l-istruttura ta’ protezzjoni kontra l-qlib fil-punt tal-kuntatt ikollha, matul id-devjazzjoni, angolu ikbar għal dak vertikali. Fil-każ li l-wiċċ tal-impatt tal-piż għandu jiġi aġġustat permezz tar-rinforz addizzjonali sabiex jiġi parallel mal-istruttura ta’ protezzjoni kontra l-qlib fil-punt tal-impatt fil-mument tad-devjazzjoni massima, il-ktajjen tas-sostenn jew il-ħbula tal-ħadid jibqgħu f’angolu ta’ 20 ° mal-vertikali. Passi għandhom jittieħdu sabiex titnaqqas it-tendenza tal-piż li jdur mal-punt tal-kuntatt. L-għoli sospiż tal-piż għandu jiġi aġġustat sabiex il-locus taċ-ċentru tal-gravità tiegħu jgħaddi mill-punt tal-kuntatt.

Il-punt tal-impatt għandu jkun dik il-parti tal-istruttura ta’ protezzjoni kontra l-qlib li l-aktar possibbli li taħbat mal-art l-ewwel f’inċident meta ssir qalba b’lura, normalment ix-xifer ta’ fuq. Il-pożizzjoni taċ-ċentru tal-gravità tal-piż għandu tkun wieħed minn sitta tal-wesgħa tal-wisa’ tal-istruttura ta’ protezzjoni kontra l-qlib ‘il ġewwa mill-pjan vertikali parallel mal-pjan medjan tat-trattur li jmiss mal-estremità ta’ barra tal-għoli tal-istruttura ta’ protezzjoni kontra l-qlib.

B’danakollu, jekk il-kurva ta’ wara tal-istruttura ta’ protezzjoni kontra l-qlib tibda b’distanza akbar minn ta’ ġewwa tal-pjan vertikali, l-impatt għandu jiġi amministrat fil-bidu tal-liwja, i.e. fil-punt fejn il-liwja hija tanġenzjali ma’ linja linja perpendikolari mal-pjan medjan tat-trattur (ara l-Anness IV, il-fig. 9).

Jekk membru mħarreġ ‘il barra jkun preżenti f’żona inadekwata għall-għoli, pjanċa tal-azzar ta’ ħxuna xierqa u fond u xi 300 mm tul għandha tkun imwaħħla ma’ dak il-membru b’tali mod li s-saħħa tal-istruttura ta’ protezzjoni kontra l-qlib ma tkunx affetwata.

1.1.2. Tratturi b’qafas riġidi għandhom jiġu marbuta sewwa. Il-punti tal-irbit tal-ħbula għandhom jkunu madwar 2 m wara il-fus ta’ wara u 1.5 m quddiem il-fus ta’ quddiem. M’għandhomx jkunu la fil-pjan li fih iċ-ċentru tal-gravità tal-pendlu jkun jitbandal jew aktar minn rabta waħda għandha tati forza riżultanti f’dan il-pjan, kif insibu fl-Anness IV, il-fig. 5.

L-irbit għandu jkun issikat sabiex id-devjazzjoni fit-tajers ta’ quddiem u ta’ wara ikunu hekk kif indikati fil-punt 3.1.5 tal-Anness II. Meta l-irbit ikun issikkat, seratizz tal-injam ta’ 150 × 150 mm għandu jitwaħħal quddiem ir-roti ta’ wara u jiġi ssikkat ħafna kontra tagħhom.

1.1.3. Tratturi artikulati għandu ikollhom iż-żewġ fusien marbuta. Il-fus ta’ dik is-sezzjoni tat-trattur li fuqha l-istruttura ta’ protezzjoni kontra l-qlib hija armata għandha tiġi trattata bħala l-fus ta’ wara fl-Anness IV, il-fig. 5. Il-punt tad-dawrien għandu jiġi sostnut minn seratizz ta’ 100 × 100 mm u jiġi marbut sod ‘l isfel permezz ta’ ħbula tal-ħadid marbuta tal-linji tal-art.

1.1.4. Il-piż għandu jinġibed lura sabiex l-għoli taċ-ċentru tal-gravità tiegħu fuq il-punt tal-impatt huwa mogħti permezz tal-formula:

H = 2,165 × 10-8 × WL2 jew H = 5,73 × 10–2 × I

fejn:

H = l-għoli ta’ waqgħa f’millimetri,

W = il-piż tat-trattur hekk kif definit fi 1.3 tal-Anness II,

L = il-wheel base massimu tat-trattur f’millimetri,

I = il-momentum tal-inertia tal-fus ta’ wara, bir-roti maqlugħin, f’kilogrammi għal kull metru kwadru (kg/m2).

Il-piż għandu imbagħad jintelaq u jitħalla li jikkraxxja kontra l-istruttura ta’ protezzjoni kontra l-qlib.

1.1.5. M’għandu jkun hemm l-ebda impatt fuq wara fil-każ ta’ trattur b’tal-inqas 50 % tal-piż, hekk kif definit mill-punt 1.3. tal-Anness II, jkun fuq il-fus ta’ quddiem.

1.2. Impatt fuq quddiem

1.2.1. It-trattur għandu jitqiegħed f’relazzjoni mal-piż sabiex il-piż jaħbat mal-istruttura ta’ protezzjoni kontra l-qlib meta l-wiċċ tal-impatt u l-ktajjen tar-rinforz u l-ħbula tal-ħadid huma f’angolu ta’ 20 ° għal dak vertikali sakemm l-istruttura ta’ protezzjoni kontra l-qlib fil-punt tal-kuntatt għandha, matul id-devjazzjoni, angolu ikbar għal dak vertikali. F’dan il-każ il-wiċċ tal-impatt tal-piż għandu jiġi aġġustat permezz tar-rinforz addizzjonali sabiex jiġi parallel mal-istruttura ta’ protezzjoni kontra l-qlib fil-punt tal-impatt fil-mument tad-devjazzjoni massima, il-ktajjen tas-sostenn jew il-ħbula tal-ħadid jibqgħu f’angolu ta’ 20 ° mal-vertikali. Għandhom jittieħdu passi sabiex titnaqqas it-tendenza tal-piż li jdur mal-punt tal-kuntatt. L-għoli sospiż tal-piż għandu jiġi aġġustat sabiex il-locus taċ-ċentru tal-gravità tiegħu jgħaddi mill-punt tal-kuntatt.

Il-punt tal-impatt għandu jkun dik il-parti tal-istruttura ta’ protezzjoni kontra l-qlib li l-aktar possibbli li taħbat laġenba mal-art meta tkun qed tivvjaġġa ‘il quddiem, normalment ix-xifer ta’ fuq. Il-pożizzjoni taċ-ċentru tal-gravità tal-piż ma għandux jkun aktar minn 80 mm mill-pjan vertikali parallel mal-pjan medjan tat-trattur li jmiss mal-estremità ta’ barra tas-saqaf tal-istruttura ta’ protezzjoni kontra l-qlib.

B’danakollu, jekk il-kurva ta’ quddiem tal-istruttura ta’ protezzjoni kontra l-qlib tibda b’distanza akbar minn 80 mm il-ġewwa minn dan il-pjan vertikali, l-impatt għandu jiġi amministrat fil-bidu tal-liwja, i.e. fil-punt fejn il-liwja hija tanġenzjali mal-linja f’linja perpendikolari mal-pjan medjan tat-trattur (ara l-Anness IV, il-fig. 9).

1.2.2. Tratturi b’qafas riġidu għandhom ikunu marbuta hekk kif indikat fl-Anness IV, il-fig. 6. Il-punti tal-irbit tal-ħbula għandhom ikunu approssimament 2 m wara l-fus ta’ wara u 1.5 m ‘il quddiem tal-fus ta’ quddiem.

L-irbit għandu jkun issikat sabiex id-devjazzjoni fit-tajers ta’ quddiem u ta’ wara ikunu hekk kif indikati fil-punt 3.1.5 tal-Anness II. Meta l-ħbula jiġu ssikkati, seratizz tal-injam ta’ 150 × 150 mm għandu jitwaħħal wara r-roti ta’ wara u ssikkat sewwa kontra tagħhom.

1.2.3. Tratturi artikulati għandu jkollhom iż-żewġ fusien marbuta. Il-fus ta’ dik is-sezzjoni tat-trattur li fuqha l-istruttura ta’ protezzjoni kontra l-qlib hija armata għandha tiġi trattata bħala l-fus ta’ quddiem fl-Anness IV, il-fig. 6. Il-punt tad-dawrien għandu jiġi sostnut minn seratizz ta’ madwar 100 × 100 mm u jiġi marbut sod ‘l isfel permezz ta’ ħbula tal-ħadid marbuta mal-linji tal-art.

1.2.4. Il-piż għandu jinġibed lura sabiex l-għoli taċ-ċentru tal-gravità tiegħu fuq il-punt tal-impatt huwa mogħti permezz tal-formula:

H = 125 + 0,020 W.

1.3. Impatt mal-ġenb

1.3.1. It-trattur għandu jitqiegħed f’relazzjoni mal-piż b’tali mod li l-piż jolqot l-istruttura ta’ protezzjoni kontra l-qlib meta l-wiċċ tal-impatt tal-piż u l-ktajjen tas-sostenn jew il-ħbula tal-ħadid huma vertikali sakemm l-istruttura tal-protezzjoni fil-punt tal-kuntatt hija, matul id-devjazzjoni, ‘il barra milli vertikali. Fil-każ li l-wiċċ tal-impatt tal-piż għandu jiġi aġġustat permezz tar-rinforz addizzjonali sabiex jiġi parallel mal-istruttura ta’ protezzjoni kontra l-qlib fil-punt tal-impatt fil-mument tad-devjazzjoni massima, il-ktajjen tas-sostenn jew il-ħbula tal-ħadid jibqgħu vertikali. L-għoli sospiż tal-piż għandu jiġi aġġustat sabiex il-locus taċ-ċentru ta’ gravità tiegħu jgħaddi mill-punt tal-kuntatt.

Il-punt tal-impatt għandu jkun dik il-parti tal-istruttura ta’ protezzjoni kontra l-qlib li l-aktar possibbli li taħbat mal-art l-ewwel f’inċident meta issir qalba laġenba, normalment ix-xifer ta’ fuq. Sakemm m’huwiex ċert li l-parti oħra minn dan ix-xifer tolqot l-art l-ewwel, il-punt tal-impatt għandu jkun fil-pjan b’linja perpendikolari mal-pjan medjan tat-trattur u jgħaddi min-nofs is-sedil fin-nofs tal-aġġustament. Passi għandhom jittieħdu sabiex titnaqqas it-tendenza tal-piż li jdur mal-punt tal-kuntatt. Fil-każ ta’ trattur b’posizzjoni ta’ sewqan riversibbli (i.e. b’sedil u steering wheel riversibbli), il-punt ta’ impatt għandu jiġi stabbilit b’relazzjoni mal-intersezzjoni tal-pjan medjan tat-trattur u ta’ pjan perpendikulari miegħu, b’linja dritta li tgħaddi minn punt li huwa ekwidistanti miż-żewġ punti ta’ referenza tas-sedil.

1.3.2. Għal tratturi riġidi, kull fus li l-pożizzjoni tiegħu hija riġida relattiva għall-istruttura tal-protezzjoni għandu jkun marbut man-naħa li miegħu l-impatt huwa amministrat. Fil-każ ta’ trattur b’ingranaġġ ta’ żewġ roti dan normalment ikun il-fus ta’ wara; dan l-arranġament jidher fl-Anness IV, il-fig. 7. Iż-żewġ irbit għandhom jgħaddu minn fuq il-fus minn punti direttament taħtu, wieħed jgħaddi mill-punt tal-irbit approssimament 1.5 m quddiem il-fus u ieħor minn punt madwar 1.5 m wara l-fus. L-irbit għandu jkun issikat sabiex id-dejvazzjoni fit-tajers li jmissu mal-irbit ikunu hekk kif indikati fil-punt 3.1.5 tal-Anness II. Wara l-irbit, seratizz tal-injam għandu jitpoġġa bħala riffieda kontra r-rota faċċata tal-piż u sod mal-art b’tali mod li huwa imqiegħed strettament max-xifer tar-rota matul l-impatt kif muri f’Anness IV, fig 7. It-tul tas-seratizz għandu jintgħażel b’tali mod li meta f’pożizzjoni kontra r-rota huwa f’angolu ta 30 ± 3 ° mal-orizzontali. It-tul tiegħu għandu jkun 20 sa 25 darba il-ħxuna tiegħu u wiegħsa darbtejn jew tlieta il-wesgħa tiegħu. Iż-żewġ fusien m’għandhomx ikunu pprevenuti milli jiċċaqalqu laġenba permezz ta’ seratizz imwaħħal mal-art kontra barra tar-rota fin-naħa opposta ma’ dik li magħha l-impatt huwa amministrat.

1.3.3. Trattur artikulat għandu jkun marbut sewwa sabiex is-sezzjoni tat-trattur li fiha l-istruttura tal-protezzjoni tkun imqiegħdha riġidament mal-art bħal fil-każ ta’ trattur mhux artikulat.

Iż-żewġ fusien ta’ tratturi artikulati għandhom jintrabtu mal-art. Il-fus u r-roti tas-sezzjoni tat-trattur li fuq l-istruttura tal-protezzjoni hija armata għandha tkun marbuta u mifruda skont l-Anness IV, il-fig. 7. Il-punt tal-artikulazzjoni għandu jiġi sostnut minn seratizz tal-anqas 100 × 100 mm u marbut mal-linji tal-art. Għandha tiġi ppożizzjonata riffieda kontra l-punt tal-artikulazzjoni u asigurata mal-art b’tali mod li għandha l-istess effett ta’ riffieda mar-rota ta’ wara u tipprovdi sostenn simili għal dak milħuq minn trattur riġidu.

1.3.4. Il-piż għandu jinġibed lura sabiex l-għoli taċ-ċentru tal-gravità tiegħu fuq il-punt tal-impatt huwa mogħti permezz tal-formula:

H = 125 + 0,150 W

1.4. Tgħaffiġ fuq wara

It-trattur għandu jiġi ppożizzjonat mal-parank hekk kif deskritt fil-punt 2.6 tal-Anness II u muri fl-Anness IV, il-fig. 8 u 10, b’tali mod li t-tarf ta’ wara tas-seratizz huwa qabel l-iktar parti ta’ wara tal-istruttura ta’ protezzjoni li tkun terfa’ t-tgħabija tal-medjan tal-pjan longitudinali tat-trattur li hija fin-nofs bejn il-punti tal-applikazzjoni tal-forza mas-seratizz.

L-irfid tal-fusien għandhom jitqiegħdu taħt il-fusien b’tali mod li t-tajers ma jaqilgħux il-forza tat-tgħaffiġ. Il-forza applikata għandha tikkorispondi mad-doppju tal-massa tat-trattur hekk kif definit fil-punt 1.3 tal-Anness II. Jista’ jkun meħtieġ li torbot il-quddiem tat-trattur.

1.5. Tgħaffiġ fuq quddiem

1.5.1. Dan it-test għandu jkun identiku għat-test tat-tgħaffiġ fuq wara bl-eċċezzjoni li t-tarf ta’ quddiem tas-seratizz għandu jkun fil-parti l-iktar fuq quddiem tal-istruttura ta’ protezzjoni kontra l-qlib.

1.5.2. Meta l-parti ta’ quddiem tas-saqaf tal-istruttura tal-protezzjoni ma ssostnix il-forza kollha tat-tgħaffiġ, il-forza li għandha tiġi applikata sakemm is-saqaf isofri devjazzjoni li tikkoinċidi mal-pjan li jgħaqqad il-parti ta’ fuq tal-istruttura ta’ protezzjoni kontra l-qlib ma’ dik ta’ quddiem tat-trattur kapaċi li ssostni l-massa tat-trattur meta jinqaleb. Il-forza għandha imbagħad titneħħa u t-trattur jiġi pożizzjonat mill-ġdid b’tali mod li s-seratizz huwa fuq dak il-punt tal-istruttura tal-protezzjoni li jista’ imbagħad isostni l-wara tat-trattur meta jinqaleb kompletamant, kif muri fl-Anness IV, il-fig. 10, u l-forza kollha tkun applikata mill-ġdid.

2. ŻONA TA’ SPAZJU

2.1. Iż-żona tal-ispazju hija illustrata fl-Anness IV, il-fig. 3, u hija definita b’relazzjoni mal-pjan ta’ referenza vertikali ġeneralment lonġitudinali mat-trattur u li jgħaddi minn punt ta’ referenza tas-sedil, deskritt fil-punt 2.3, u ċ-ċentru tal-isteering wheel. Il-pjan ta’ referenza għandu jiġi meqjus li jersaq orizzontalment mas-sedil u l-isteering wheel matul l-impatti iżda li jibqa’ perpendikulari mal-art tat-trattur jew tal-istruttutra tal-protezzjoni kontra l-qlib jekk hu armat b’mod reżiljenti.

Meta l-isteering wheel hija aġġustata, il-pożizzjoni tagħha għandha tkun dik normal tas-sewqan bil-qiegħda.

2.2. Ix-xifer taż-żona għandhom jittieħdu kif ġej:

2.2.1. il-pjani vertikali 250 mm minn kull naħa tal-pjan ta’ referenza estiżi ‘il fuq mill-punt ta’ referenza tas-sedil għal 300 mm;

2.2.2. il-pjani paralleli estiżi mit-tarf ta’ fuq tal-pjani msemmija f’punt 2.2.1 sa għoli massimu ta’ 900 mm fuq il-punt tar-referenza tas-sedil u inklinat b’tali mod li t-tarf ta’ fuq tal-pjan fuq il-ġenb ta’ fejn l-impact ikun milqut huwa tal-anqas 100 mm mill-pjan ta’ referenza;

2.2.3. pjan orizzontali ta’ 900 mm ‘il fuq mill-punt ta’ referenza tas-sedil;

2.2.4. pjan inklinat perperndikulari mal-pjan ta’ referenza u li jinkludi 900 mm direttament fuq il-punt tar-referenza tas-sedil u l-aktar punt lura mill-istruttura tas-sedil li jinkludi is-sospensjonijiet;

2.2.5. pjan vertikali perpendikulari mal-pjan ta’ referenza jestendi ‘l isfel mill-punt l-aktar lura tas-sedil;

2.2.6. wiċċ kurvilineari, perpendikulari mal-pjan ta’ referenza, b’raġġ ta’ 120 mm tanġenzjali mal-pjani msemmija f’punti 2.2.3. u 2.2.4;

2.2.7. wiċċ kurvilineari, perpendikulari mal-pjan ta’ referenza, li għandu raġġ ta’ 900 mm u jestendi ‘il quddiem għall 400 mm minn u tanġenzjali għall-pjan msemmi f’punt 2.2.3 fil-punt 150 mm ‘il quddiem tal-punt ta’ referenza tas-sedil;

2.2.8. pjan perpendikualri inklinat mal-pjan ta’ referenza, li jgħaqqad il-wiċċ msemmi f’punt 2.2.7 fit-tarf ta’ quddiem u li jgħaddi 40 mm mal-isteering wheel. Fil-każ ta’ pożizzjoni għolja tal-isteering wheel dan il-pjan huwa mibdul ma’ pjan tanġenzjali mal-wiċċ 2.2.7;

2.2.9. pjan vertikali, perpendikulari mal-pjan ta’ referenza, 40 mm il-quddiem tal-isteering wheel;

2.2.10. pjan orizzontali mill-punt ta’ referenza tas-sedil;

2.2.11. fil-każ ta’ trattur b’posizzjoni ta’ sewqan riversibbli (i.e. b’ sedil u steering wheel riversibbli), l-ispazju għandu jkun il-kombinazzjoni taż-żewġ spazji stabbiliti miż-żewġ posizzjonijiet tal-isteering wheel u s-sedil;

2.2.12. fil-każ ta’ trattur li jista’ jkun mgħammar b’iktar sedili, it-testijiet għandhom ikunu bażati fuq l-ispazju kkombinat tal-punti ta’ referenza tas-sedil għal kull possibbiltà disponibli għat-twaħħil tas-sedilli. L-istruttura tal-protezzjoni kontra l-qlib ma tistax tidħol fl-ispazju kkombinat madwar id-diversi punti ta’ referenza tas-sedil;

2.2.13. meta tkun proposta għażla ġdida għas-sedil wara li jkun sar it-test, għandha ssir kalkolazzjoni sabiex jiġi stabbilit jekk l-ispazju madwar il-punt ta’ referenza ġdid tas-sedil jinsabx kompletament fl-ispazju kombinat stabbilit preċedentement. Jekk dan ma jkunx il-każ, ikun meħtieġ li jsir test ġdid.

2.3. Il-lokazzjoni tas-sedil u l-punt tar-referenza tas-sedil

2.3.1. Għall-għan tad-definizzjoni taż-żona tal-ispazju fil-punt 2.1, is-sedil għandu jkun il-punt l-aktar lura minn kull medda orizzontali kif aġġustata. Għandu jkun issetjat fin-nofs tal-medda vertikali aġġustata fejn hemm aġġustament indipendenti mill-pożizzjoni orizzontali.

Il-punt ta’ referenza għandu jkun stabbilit bl-użu tal-apparat illustrat fl-Anness IV, il-fig. 1 u 2, sabiex jissimulaw tgħabija minn okkupant uman. L-apparat jikkonsisti minn sedil pan board u backrest boards. Il-backrest board ta’ taħt għandu jiġi imwaħħal fir-reġjun tal-ischium humps (A) u loin (B), l-irbit (B) jkun jista jiġi aġġustat għall-għoli.

2.3.2. Il-punt ta’ referenza huwa definit bħala l-punt fil-pjan orizzontali medjan tas-sedil fejn il-pjan tanġenzjali tal-backrest ta’ taħt u l-pjan orizzontali jiltaqgħu. Il-pjan orizzontali jgħaddi mill-wiċċ ta’ taħt tas-sedil pan board 150 mm quddiem it-tanġent imsemmi hawn fuq.

2.3.3. Meta s-sospenzjoni tas-sedil huwa pprovdut bl-aġġustament għall-piż tax-xufier, dan għandu jiġi ssetjat sabiex is-sedil ikun fin-nofs tal-medda dinamika.

L-apparat għandu jiġi pożizzjonat fuq is-sedil. Imbagħad għandu jiġi mgħobbi b’forza ta’ 550 N fil-punt 50 mm quddiem ir-rabta (A), u ż-żewġ partijiet tal-backrest board għandhom jiġu ppressati bil-mod b’mod tanġenzjali kontra l-backrest.

2.3.4. Jekk mhux possibbli li jkunu ddeterminati tanġenti definiti għal kull żona tal-backrest (‘il fuq u ‘l isfel mir-reġjun lumbari) għandu jsir dan li ġej:

2.3.4.1. meta l-ebda tanġent definit għaż-żona t’isfel m’huwa possibbli: il-parti t’isfel tal-backrest board hija ppressata kontra l-backrest b’mod vertikali;

2.3.4.2. meta l-ebda tanġent definit għaż-żona ta’ fuq m’huwa possibli: l-irbit (B) huwa ffissat f’għoli ta’ 230 mm fuq il-punt ta’ referenza tas-sedil, jekk il-parti t’isfel tal-backrest board hija vertikali. Imbagħad iż-żewġ partijiet tal-backrest board huma ppressati bil-mod kontra l-backrest b’mod tanġenzjali.

3. KEJL LI GĦANDU JSIR

3.1. Fratturi u qsim

Wara kull test, il-membri strutturali kollha, l-irbit u s-saljaturi tal-irbit fuq it-trattur għandhom ikunu eżaminati b’mod viziv għal fratturi u qsim, kull qasma żgħira f’partijiet mhux importanti tiġi injorata.

3.2. Żona ta’ spazju

3.2.1. Waqt kull test l-istruttura ta’ protezzjoni kontra l-qlib għandha tiġi eżaminata biex jiġi verifikat jekk xi parti mill-istruttura ta’ protezzjoni tkunx daħlet fiż-żona tal-ispazju madwar is-sedil tas-sewqa hekk kif definit fil-punti 2.1 u 2.2.

3.2.2. Barra minn hekk, l-istruttura ta’ protezzjoni għandha tiġi eżaminata sabiex jiġi verifikat jekk xi parti miż-żona tal-ispazju hijiex barra mill-protezzjoni tal-istruttura tal-protezzjoni. Għal din ir-raġuni għandha tiġi kunsidrata bħala barra miż-żona ta’ protezzjoni jekk xi parti minnha tkun għamlet kuntatt mal-art ċatta jekk it-trattur jinqaleb lejn id-direzzjoni minn fejn ġie l-impatt. Għal din ir-raġuni is-settjar tat-tajer u tas-sarbut għandu jkun meqjus bħala l-iżgħar indikat mill-manifattur.

3.3. Devjazzjoni momentarja massima

Matul it-test tal-impatt tal-ġenb, id-differenza bejn id-devjazzjoni momentarja massima u d-devjazzjoni residwa f’għoli ta’ 900 mm fuq u 150 mm ‘il quddiem mill-punt ta’ referenza tas-sedil għandu jiġi rrekordjat. Wieħed mit-truf tal-arblu indikat fil-punt 2.7.1 tal-Anness II għandu jitwaħħal mal-parti ta’ fuq tal-istruttura ta’ protezzjoni kontra l-qlib u it-tarf l-ieħor jgħaddi minn toqba fl-istandard vertikali. Il-pożizzjoni tal-friction collar fuq l-arblu wara l-impatt jindika id-devjazzjoni momentarja massima.

3.4. Devjazzjoni permanenti

Wara t-test tal-kompressjoni finali id-devjazzjoni permanenti tal-istruttura tal-protezzjoni għandha tiġi rrekordjata. Għal dan l-iskop, qabel ma jibda t-test, il-pożizzjoni tal-istruttura ta’ protezzjoni kontra l-qlib ewlenija f’relazzjoni mar-referenza tas-sedil għandha tiġi rrekordjata.

--------------------------------------------------

ANNESS IV

FIGURI

+++++ TIFF +++++

+++++ TIFF +++++

+++++ TIFF +++++

+++++ TIFF +++++

+++++ TIFF +++++

+++++ TIFF +++++

+++++ TIFF +++++

+++++ TIFF +++++

+++++ TIFF +++++

--------------------------------------------------

ANNESS V

MUDELL

RAPPORT DWAR IT-TEST TAL-APPROVAZZJONI TAT-TIP KE TAL-KOMPONENTI TAL-ISTRUTTURI TA' PROTEZZJONI KONTRA L-QLIB (QAFAS TAS-SIGURTÀ JEW TAL-KABINA) FIR-RIGWARD KEMM TAS-SAĦĦA TAGHĦA KIF UKOLL TAS-SAĦĦA TAT-TWAĦĦIL TAGHĦA MAT-TRATTUR.

Struttura ta' Protezzjoni

Għamla

Tip

GĦamla tat-Trattur

Tip ta' Trattur

Metodu tat-test

I/II (1)

Identifikazzjoni tal-istazzjon tat-test

Numru tal-approvazzjoni tat-tip KE tal-komponenti …

1. It-trademark jew l-isem tal-istruttura tal-protezzjoni …

2. L-isem u l-indirizz tal-manifattur tat-trattur jew tal-istruttura tal-protezzjoni …

3. Jekk applikabbli, l-isem u l-indirizz tal-manifattur tat-trattur jew rappreżentant tiegħu tal-istruttura tal-protezzjoni …

4. Speċifikazzjonijiet tat-trattur li fuqhom jitmexxew it-testijiet

4.1. It-trademark jew l-isem …

4.2. It-tip u d-deskrizzjoni kummerċjali …

4.3. In-Numru tas-serje …

4.4. It-toqol tat-trattur bla saborra bl-istruttura ta' protezzjoni kontra l-qlib armata mingħajr is-sewwieq … kg

4.5. Wheelbase/moment of inertia (1) … mm/kg/m2 (1)

4.6. Il-qisien tat-tyres: Quddiem …

Wara …

5. Estensjoni tal-approvazzjoni tat-tip tal-komponenti KE għal tipi oħra ta' tratturi

5.1. It-trademark jew l-isem …

(1) Ħassar fejn mhux applikabbli.

+++++ TIFF +++++

5.2. It-tip u d-deskrizzjoni kummerċjali …

5.3. Toqol tat-trattur bla saborra bl-istruttura ta' protezzjoni kontra l-qlib armata mingħajr is-sewwieq … kg

5.4. Wheelbase/moment of inertia (1) … mm/kg/m2 (1)

5.5. Il-qisien tat-tyres: Quddiem …

Wara …

6. Speċifikazzjonijiet tal-istruttura ta' protezzjoni kontra l-qlib

6.1. Disinji tal-arranġament ġenerali kemm tal-istruttura ta' protezzjoni kontra l-qlib kif ukoll tat-twaħħil tagħha mat-trattur

6.2. Ritratti mill-ġenb u minn wara li juru dettalji tal-armar

6.3. Deskrizzjoni qasira tal-istruttura ta' protezzjoni kontra l-qlib bl-inklużjoni tat-tip ta' kostruzzjoni, dettalji tal-armar fuq it-trattur, dettalji tal-kurazzata, mezzi tal-aċċess u l-ħrib, dettalji tal-kuxxinar ta' ġewwa, fatturi li jipprevjenu t-tgerbib kontinwu u dettalji tas-sħana u l-ventilazzjoni.

6.4. Dimensjonijiet

6.4.1. Għoli tal-membri tas-saqaf fuq is-sedil tat-trattur bis-sewwieq fuqu 'il fuq mill-punt tar-referenza tas-sedil (2) … mm

6.4.2. Għoli tal-membri tas-saqaf 'il fuq mill-pjattaforma tat-trattur … mm

6.4.3. Struttura interna tal-protezzjoni kontra l-qlib b'950 mm 'il fuq mis-sedil(mgħobbi)/b'900 mm 'il fuq mill-punt ta' referenza tas-sedil (2) … mm

6.4.4. Ħxuna tal-istruttura interna tal-protezzjoni kontra l-qlib fil-punt 'il fuq mis-sedil fl-gholi taċ-ċentru tal-isteering wheel … mm

6.4.5. Distanza miċ-ċentru tal-isteering wheel fil-lemin tal-istruttura ta' protezzjoni kontra l-qlib … mm

6.4.6. Distanza miċ-ċentru tal-isteering wheel fix-xellug tal-istruttura ta' protezzjoni kontra l-qlib … mm

6.4.7. Distanza minima mir-rim tal-isteering wheel sal-istruttura ta' protezzjoni kontra l-qlib… mm

6.4.8. Ħxuna tal-bibien

ta' fuq … mm

tan-nofs … mm

ta' isfel … mm

6.4.9. Għoli tal-bibien:

il fuq mill-pjattaforma … mm

(1) Ħassar fejn mhux applikabbli.

(2) Skont il-metodu tat-test użat.

+++++ TIFF +++++

'il fuq mill-ogħla staffa … mm

'il fuq mill-iktar staffa baxxa … mm

6.4.10. L-għoli totali tat-trattur bl-istruttura ta' protezzjoni kontra 1-qlib armata … mm

6.4.11. Il-wisa' totali tal-istruttura ta' protezzjoni kontra 1-qlib … mm

6.4.12. Distanza orizzontali għal wara tal-istruttura tal-protezzjoni minn wara tas-sedil mgħobbi f'gholi ta' 950 mm/mill-punt ta' referenza tas-sedil f'għoli ta' 900 mm (1) … mm

6.5. Dettalji u kwalità tal-materjal użat, standards użati …

Il-qafas ewlieni … (materjali u dimensjonijiet)

Armar … (materjali u dimensjonijiet)

Kurazzata … (materjali u dimensjonijiet)

Saqaf … (materjali u dimensjonijiet)

Kurazzata ta' ġewwa … (material and dimensions)

Boltijiet tal-assemblaġġ u armar … (grad u dimensjonijiet)

7. Riżultati tat-testijiet

7.1. Testijiet tal-impatt u tal-kuxxinar

Testijiet tal-impatt ġew magħmula tan-naħa tal-lemin/ tan-naħa tax-xellug ta' wara (2) u tan-naħa tal-lemin/tan-naħa quddiem u tan-naħa tal-lemin/ tan-naħa mal-ġenb). Il-massa ta' referenza użata sabiex jiġi ikkalkulat 1-enerġiji tal-forzi tal-impatt u ikkraxjar kienu … kg

Il-ħtiġiet 1-oħra li jikkonċernaw qsim u 1-fratturi, id-devjazzjoni massima u ż-żona ta' spazju kienu milħuqa b'mod sodisfaċjenti.

7.2. Devjazzjoni mkejla wara t-testijiet Devjazzjoni Permanenti:

Wara: in-naħa tax-xellug … mm

in-naħa tal-lemin … mm

Quddiem: in-naħa tax-xellug … mm

in-naħa tal-lemin … mm

ġnub:

quddiem … mm

Wara: … mm

fuq/taħt

quddiem … mm

Wara: … mm

Differenzi bejn il-momentum massimu u d-devjazzjoni residwa matul it-test tal-impact tal-ġenb … mm

8. Numru tar-rapport …

9. Data tar-rapport …

10. Firma …

(1) Ħassar fejn mhux applikabbli.

(2) Skont il-metodu tat-test użat.

+++++ TIFF +++++

--------------------------------------------------

ANNESS VI

MARKI

Il-marka tat-approvazzjoni tat-tip KE tal-komponenti għandha tikkonsisti minn rettanglu madwar l-ittra żgħira "e", u warajha numru distintiv tal-Istat Membru li jkun ta l-approvazzjoni tat-tip tal-komponenti:

1. Għall-Ġermanja,

2. Għal Franza,

3. Għall-Italja,

4. Għall-Olanda,

5. Għall-Isvezja,

6. Għall-Belġju,

7. Għall-Ungerija,

8. Għar-Repubblika Ċeka,

9. Għal Spanja,

11. Għar-Renju Unit,

12. Għall-Awstrija,

13. Għal-Lussemburgu,

17. Għall-Finlandja,

18. Għad-Danimarka,

19. Għar-Rumanija,

20. Għall-Polonja,

21. Għall-Portugall,

23. Għall-Greċja,

24. Għall-Irlanda,

26. Għas-Slovenja,

27. Għas-Slovakkja.

29. Għall-Estonja,

32. Għall Latvja,

34. Għall Bulgarija

36. Għall-Litwanja,

49. Għal Ċipru,

50. Għal Malta.

Għandha tinkludi wkoll fil-viċinanza tar-rettanglu, in-numru tal-approvazzjoni tat-tip KE tal-komponenti li jaqbel man-numru maħruġ fiċ-ċertifikat tal-approvazzjoni tat-tip KE tal-komponenti maħruġ fir-rigward tas-saħħa tat-tip ta’ struttura ta’ protezzjoni kontra l-qlib u t-twaħħil tagħha mat-trattur.

Eżempju ta’ marka tal-approvazzjoni tat-tip KE tal-komponenti

Tifsir : L-istruttura ta’ protezzjoni kontra l-qlib li fiha marka tal-approvazzjoni tat-tip KE tal-komponenti murija hawn fuq hija struttura li għaliha l-approvazzjoni tat-tip KE tal-komponenti ingħatat fil-Ġermanja (e 1) taħt in-numru 1471.

+++++ TIFF +++++

--------------------------------------------------

ANNESS VII

MUDELL

MUDELL TAĊ-ĊERTIFIKAT TAL-APPROVAZZJONI TAT-TIP KE TAL-KOMPONENTI

Isem tal- awtorità kompetenti

Notifika li tikkonċerna l-għoti, it-teħid, u l-irtirar jew l-estensjoni tal-approvazzjoni tat-tip KE tal-kompo-nenti fir-rigward tas-sahha tal-istruttura ta' protezzjoni kontra l-qlib (kabina jew qafas tas-'sigurtà') u s-sahha tat-twahhil taghha mat-trattur.

Numru ta' l-approvazzjoni tat-tip KE tal-komponenti …

… estensjoni (1)

1. Marka tad-ditta jew l-isem tal-istruttura tal-protezzjoni …

2. L-isem u l-indirizz tal-manifattur tal-istruttura tal-protezzjoni …

3. Jekk applikabbli l-isem u l-indirizz tar-rapprezentant awtorizzat tal-istruttura tal-protezzjoni …

4. It-trademark jew l-isem, it-tip u d-deskrizzjoni kummerċjali tat-trattur li ghalih l-istruttura tal-protezzjoni hfja intiża …

5. Estensjoni ta' l-approvazzjoni tat-tip tal-komponenti ghat-tip(i) ta' tratturi li ġejjin …

5.1. Piż tat-trattur mingħajr saborra, hekk kif definit fil.3. tal-Anness II, jeċċedi/ jew ma jeċċedix (2) il-piż ta' referenza ghat-test b'aktar minn 5 %.

5.2. Metodu ta' twahhil u punti ta' twahhil huma/mhumiexf) identiċi.

5.3. Il-komponenti kollha li jistghu jintużaw bhala sostenn ghall-istruttura ta' protezzjoni kontra l-qlib huma/mhumiex) identiċi

6. Sottomess ghall-approvazzjoni tat-tip tal-komponenti fil- …

7. Stazzjoni fejn sar it-test …

8. Data u numru tar-rapport tal-istazzjoni fejn sar it-test

9. Data tal-ghoti/t-tehid/l-irtirar tal-approvazzjoni tat-tip KE tal-komponenti (2) …

10. Data tal-ghoti/t-tehid/l-irtirar tal-estensjoni tal-approvazzjoni tat-tip KE tal-komponenti (2) …

11. Post …

12. Data …

13. Id-dokumenti li ġejjin, li fihom in-numru tal-approvazzjoni tat-tip tal-komponenti imsemmrja aktar 'il fuq, huma annessi ma' dan iċ-ċertifikat (e.g. rapport tal-istazzjon fejn sar it-test) …

14. Rimarki, jekk hemm …

15. Firma …

(1) Jekk applikabbli, stqarr jekk din hrjiex l-ewwel, tieni, etc, estensjoni tal-approvazzjoni tat-tip KE oriġinali tal-komponenti

(2) Ħassar fejn mhux applikabbli

+++++ TIFF +++++

--------------------------------------------------

ANNESS VIII

Kondizzjonijiet għall-approvazzjoni tat-tip KE tal-komponenti

1. L-applikazzjoni tal-approvazzjoni tat-tip KE tal-komponenti ta’ trattur, fir-rigward tas-saħħa tal-protezzjoni kontra l-qlib u s-saħħa tat-twaħħil mat-trattur għandha tiġi ppreżentata mill-manifattur tat-trattur jew mir-rappreżentant awtorizzat tiegħu.

2. Rappreżentant tat-tip ta’ trattur li għandu jiġi approvat, li fuqu l-istruttura tal-protezzjoni u t-twaħħil tagħha, approvat, u armat, għandu jiġi ppreżentat lis-servizzi tekniċi li jagħmlu testijiet tal-approvazzjoni tat-tip.

3. Is-servizz tekniku responsabbli sabiex jagħmel testijiet tal-approvazzjoni tat-tip għandu jivverifika jekk it-tip approvat tal-istruttura tal-protezzjoni hijiex intiża sabiex tiġi armata fuq tip ta’ trattur li dwarha tkun mitluba l-approvazzjoni tat-tip. B’mod partikulari, għandu jiġi aċċertat li t-twaħħil tal-istruttura tal-protezzjoni jikkorispondi ma’ dak li ġie ittestjat meta tkun ingħatat l-approvazzjoni tat-tip KE tal-komponenti.

4. Il-possessur tal-approvazzjoni tat-tip KE tal-komponenti jista’ jitlob għall-estensjoni tagħha għal tipi oħra ta’ strutturi ta’ protezzjoni.

5. L-awtoritajiet kompetenti għandhom jagħtu dik l-estensjoni bil-kondizzjonijiet li ġejjin:

5.1. it-tip il-ġdid tal-istruttura ta’ protezzjoni kontra l-qlib u it-trattur tat-twaħħil tagħha irċevew l-approvazzjoni tat-tip KE tal-komponenti;

5.2. hija iddisinjata sabiex tiġi armata fuq tip ta’ trattur li għalih l-estensjoni tal-approvazzjoni tat-tip tal-komponenti tkun intalbet;

5.3. it-twaħħil tal-istruttura tal-protezzjoni tat-trattur taqbel ma’ dik ittestjata meta kienet ingħatat l-approvazzjoni tat-tip KE tal-komponenti.

6. Ċertifikat, li l-mudell tiegħu jidher fl-Anness IX, għandu jiġi mehmuż maċ-ċertifikat tal-approvazzjoni tat-tip KE tal-komponenti jew l-estensjoni tal-approvazzjoni tat-tip li ingħatat jew ġiet miċħuda.

7. Jekk l-applikazzjoni tal-approvazzjoni KE tat-tip għal tip ta’ trattur hija introdotta fl-istess ħin li talba għall-approvazzjoni tat-tip KE tal-komponenti għal tip ta’ struttura ta’ protezzjoni kontra l-qlib hija intiża sabiex tiġi armata fuq tip ta’ trattur li għalih l-approvazzjoni tat-tip tal-komponenti hija mitluba, il-verifiki previsti f’punti 2 u 3 m’għandhomx jsiru.

--------------------------------------------------

ANNEX IX

MUDELL

Isem tal-Awtorità kompetenti

ANNESS MAĊ-ĊERTIFIKAT TA' L-APPROVAZZJONI TAT-TIP KE TAL-KOMPONENTI GĦAL TIP TA' TRATTUR FIR-RIGWARD TAS-SAĦĦA TA' L-ISTRUTTURA TA' PROTEZZJONI KONTRA L-QLIB (KABINA JEW QAFAS TAS-SIGURTÀ) U S-SAĦĦA TAT-TWAĦĦIL TAGĦHOM MAT-TRATTUR

(Artikolu 4(1) tad-Direttiva 2003/37/KE tal-Parlament Ewropew u tal-Kunsill tas-26 ta’ Mejju 2003 dwar l-approvazzjoni tat-tip ta’ tratturi għall-agrikoltura jew għall-forestrija, il-karrijiet tagħhom u makkinarju irmunkat interkambjabbli, flimkien mas-sistemi tagħhom, komponenti u unitajiet tekniċi separati u li tirrevoka d-Direttiva 74/150/KE)

Numru tal-approvazzjoni tat-tip KE …

… estensjoni (1)

1. It-trademark jew il-marka tat-trattur …

2. Tip ta' trattur …

3. L-isem u l-indirizz tal-manifattur tat-trattur …

4. Jekk applikabbli, l-isem u l-indirizz tar-rappreżentant awtorizzat tal-manifattur …

5. L-isem tal-marka jew il-marka ta' l-istruttura ta' protezzjoni kontra l-qlib …

6. Estensjoni ta' l-approvazzjoni tat-tip KE ghat-tip(i) li ġejjin ta' strutturi ta' protezzjoni …

7. Trattur ippreżentat għall-approvazzjoni tat-tip KE fil …

8. Servizz tekniku responsabbli mill-kontroll tal-konformità ma' l-approvazzjoni tat-tip KE …

9. Data tar-rapport mahruġa minn dak is-servizz …

10. Numru tar-rapport mahruġ minn dak is-servizz …

11. L-approvazzjoni tat-tip KE fir-rigward tas-sahha ta' l-istrutturi ta' protezzjoni kontra l-qlib u s-sahha tat-twahhil taghhom mat-trattur intlaqghet/ġiet miċhuda (2) …

12. L-estensjoni ta' l-approvazzjoni tat-tip KE fir-rigward tas-sahha ta' l-istrutturi ta' protezzjoni kontra l-qlib u s-sahha tat-twahhil taghhom mat-trattur intlaqghet/ġiet miċhudaf (2) …

13. Post …

14. Data …

15. Firma …

(1) Jekk applikabbli ikteb jekk dan huwa l-ewwel, it-tieni etc. estensjoni tal-approvazzjoni tat-tip KE

(2) Ħassar fejn mhux applikabbli.

+++++ TIFF +++++

--------------------------------------------------

ANNESS X

PARTI A

Direttiva mħassra flimkien mal-lista ta’ emendi suċċessivi tagħha

(imsemmija fl-Artikolu 13)

Direttiva 77/536/KEE tal-Kunsill (ĠU L 220, 29.8.1977, p. 1) | |

Anness I, Parti X, Att ta’ Adeżjoni 1979 (ĠU L 291, 19.11.1979, p. 108) | |

Anness I, Parti IX A, Att ta’ Adeżjoni 1985 (ĠU L 302, 15.11.1985, p. 209) | |

Direttiva 87/354/KEE tal-Kunsill (ĠU L 192, 11.7.1987, p. 43) | Għal dak li għandu x’jaqsam biss mar-referenzi magħmula mill-punt 9(a) tal-Anness tad-Direttiva 77/536/KEE. |

Direttiva 89/680/KEE tal-Kunsill (ĠU L 398, 30.12.1989, p. 26) | |

Punt XI.C.II. 2 tal-Anness I, Att ta’ Adeżjoni 1994 (ĠU C 241, 29.8.1994, p. 205) | |

Direttiva 1999/55/KE tal-Kummissjoni (ĠU L 146, 11.6.1999, p. 28) | |

Punt I.A.21 tal-Anness II, Att ta’ Adeżjoni 2003 (ĠU L 236, 23.9.2003, p. 53) | |

Direttiva 2006/96/KE tal-Kunsill (ĠU L 363, 20.12.2006, p. 81) | Għal dak li għandu x’jaqsam biss mar-referenzi magħmula fl-ewwel Artikolu fid-Direttiva 77/536/KEE u għal dak li għandu x’jaqsam mal-Anness, il-punt 20. |

PARTI B

Lista tal-limiti ta’ żmien għat-traspożizzjoni fil-liġi nazzjonali u l-applikazzjoni

(imsemmija fl-Artikolu 13)

Direttiva | Limitu ta’ żmien għat-traspożizzjoni | Data ta’ applikazzjoni |

77/536/KEE | fid- 29 ta’ Diċembru 1978. | — |

87/354/KEE | fil- 31 ta’ Diċembru 1987. | — |

89/680/KEE | fit- 3 ta’ Jannar 1990. | — |

1999/55/KE | fit- 30 ta’ Ġunju 2000 [1] | — |

2006/96/KE | fl- 1 ta’ Jannar 2007. | — |

[1] Skont l-Artikolu 2 tad-Direttiva 1999/55/KE:1."Mill- 1 ta’ Lulju 2000, l-Istati Membri ma jistgħux:jirrifjutaw li jagħtu approvazzjoni tat-tip tal-KE, li joħorġu d-dokument li hemm provvediment dwaru fit-tielet inċiż ta’ Artikolu 10(1) tad-Direttiva 74/150/KEE, jew li jagħtu approvazzjoni tat-tip nazzjonali, fir-rigward ta’ kull tip ta’ trattur, jewjipprojbixxu id-dħul fis-servizz ta’ tratturi,jekk it-tratturi in kwistjoni jissodisfaw il-ħtiġiet tad-Direttiva 77/536/KEE kif emendata b’din id-Direttiva.2.Mill- 1 ta’ Jannar 2001, l-Istati Membri:ma jistgħux aktar joħorġu d-dokument li hemm provvediment dwaru fit-tielet inċiż ta’ Artikolu 10(1) tad-Direttiva 74/150/KEE fir-rigward ta’ kwalunkwe tip ta’ trattur li ma jissodisfax il-ħtiġiet tad-Direttiva 77/536/KEE kif emendata b’din id-Direttiva,jistgħu jirrifjutaw li joħorġu approvazzjoni tat-tip nazzjonali fir-rigward ta’ tip ta’ trattur li ma jissodifax il-ħtiġiet tad-Direttiva 77/536/KEE, kif emendata b’din id-Direttiva."

--------------------------------------------------

ANNESS XI

TABELLA TA’ KORRELAZZJONI

Direttiva 77/536/KEE | Direttiva 1999/55/KE | Din id-Direttiva |

Artikolu 9 | | Artikolu 1 |

Artikolu 1 | | Artikolu 2 |

Artikolu 2 | | Artikolu 3 |

Artikolu 3 | | Artikolu 4 |

Artikolu 4 | | Artikolu 5 |

Artikolu 5 | | Artikolu 6 |

Artikolu 6 | | Artikolu 7 |

Artikolu 7 | | — |

| Artikolu 2 | Artikolu 8 |

Artikolu 8 | | Artikolu 9 |

Artikoli 10 u 11 | | Artikoli 10 u 11 |

Artikolu 12, (1) | | — |

Artikolu 12, (2) | | Artikolu 12 |

— | | Artikolu 13 |

— | | Artikolu 14 |

Artikolu 13 | | Artikolu 15 |

Annessi I sa IX | | Annessi I sa IX |

— | | Anness X |

— | | Anness XI |

--------------------------------------------------