20070820

Regolament tal-Kummissjoni (KE) Nru 973/2007

ta’ l- 20 ta’ Awwissu 2007

l-emendar ta’ ċerti Regolamenti tal-KE dwar oqsma speċifiċi ta’ l-istatistika li jimplimentaw il-klassifikazzjoni ta’ l-istatistika ta’ l-attivitajiet ekonomiċi tan-NACE Reviżjoni 2

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament (KE) Nru 1893/2006 tal-Parlament Ewropew u tal-Kunsill ta’ l- 20 ta’ Diċembru 2006 li jistabbilixxi l-klassifikazzjoni ta’ l-istatistika ta’ l-attivitajiet ekonomiċi tan-NACE Reviżjoni 2 u li jemenda r-Regolament tal-Kunsill (KEE) Nru 3037/90 kif ukoll ċerti Regolamenti tal-KE dwar oqsma speċifiċi ta’ l-istatistika [1], u b’mod partikolari l-Artikolu 6 1(b) tiegħu,

Billi:

(1) It-twaqqif ta’ sistema ta’ klassifikazzjoni aġġornata huwa ċentrali għall-isforzi kontinwi tal-Kummissjoni biex tkun modernizzata l-produzzjoni ta’ l-istatistika Komunitarja, sabiex verament tirrifletti r-realtà ekonomika billi tqis l-iżviluppi teknoloġiċi u t-tibdil strutturali fl-ekonomija.

(2) Għal dan l-għan ir-Regolament (KE) Nru 1893/2006 stabbilixxa klassifikazzjoni riveduta ta’ l-istatistika ta’ l-attivitajiet ekonomiċi, imsejħa NACE Reviżjoni 2 (minn hawn ’il quddiem imsejħa NACE Rev 2).

(3) Permezz ta’ l-Artikolu 6 tar-Regolament (KE) Nru 1893/2006, il-Kummissjoni għandha tadotta l-miżuri ta’ implimentazzjoni meħtieġa għall-implimentazzjoni ta’ dan ir-Regolament b’rabta ma’ l-użu ta’ NACE Rev. 2 f’oqsma varji ta’ l-istatistika.

(4) It-twaqqif ta’ klassifikazzjoni riveduta ta’ l-istatistika ta’ l-attivitajiet ekonomiċi jitlob li jiġu mmodifikati speċifikament ċerti referenzi għal NACE Rev. 1 jew NACE Rev. 1.1, kif ukoll li jiġu emendati għadd ta’ strumenti rilevanti. Għalhekk jeħtieġ li jkunu emendati l-istrumenti li ġejjin: ir-Regolament tal-Kummissjoni (KE) Nru 1726/1999 tas- 27 ta’ Lulju 1999 li jimplimenta r-Regolament tal-Kunsill (KE) Nu 530/1999 dwar l-istatistika strutturali fir-rigward tad-definizzjoni u t-trasmissjoni tat-tagħrif dwar l-ispiża tax-xogħol [2]; ir-Regolament tal-Kummissjoni (KE) Nru 1916/2000 tat- 8 ta’ Settembru 2000 li jimplimenta r-Regolament tal-Kunsill (KE) Nru 530/1999 dwar l-istatistika strutturali tal-qligħ u ta’ l-ispiża tax-xogħol fir-rigward tad-definizzjoni u t-trasmissjoni tat-tagħrif fuq l-istruttura tal-qligħ [3]; ir-Regolament tal-Kummissjoni (KE) Nru 2163/2001 tas- 7 ta’ Novembru 2001 rigward l-arranġamenti tekniċi għat-trasmissjoni tad-data għal statistika dwar it-trasport tal-merkanzija bit-triq [4] ir-Regolament tal-Kummissjoni (KE) Nru 1216/2003 tas- 7 ta’ Lulju 2003 li jimplimenta r-Regolament (KE) Nru 450/2003 tal-Parlament Ewropew u tal-Kunsill dwar l-indiċi ta’ l-ispiża tax-xogħol [5]; ir-Regolament tal-Kummissjoni (KE) Nru 1983/2003 tas- 7 ta’ Novembru 2003 li jimplimenta r-Regolament (KE) Nru 1177/2003 tal-Parlament Ewropew u tal-Kunsill dwar statistika tal-Komunità fuq id-dħul u l-kundizzjonijiet tal-ħajja (UE-SILC) rigward il-lista ta’ varjabbli ta’ mira primarja [6]; ir-Regolament tal-Kummissjoni (KE) Nru 753/2004 tat- 22 ta’ April 2004 li jimplimenta d-Deċiżjoni Nru 1608/2003/KE tal-Parlament Ewropew u tal-Kunsill rigward l-istatistika dwar ix-xjenza u t-teknoloġija [7]; ir-Regolament tal-Kummissjoni (KE) Nru 912/2004 tad- 29 ta’ April 2004 li jimplimenta r-Regolament tal-Kunsill (KEE) Nru 3924/91 dwar it-twaqqif ta’ stħarriġ Komunitarju dwar il-produzzjoni industrijali [8]; ir-Regolament tal-Kummissjoni (KE) Nru 1450/2004 [9] tat- 13 ta’ Awwissu 2004 li jimplimenta d-Deċiżjoni Nru 1608/2003/KE tal-Parlament Ewropew u tal-Kunsill dwar il-produzzjoni u l-iżvilupp ta’ l-istatistika Komunitarja dwar l-innovazzjoni; ir-Regolament tal-Kummissjoni (KE) Nru 430/2005 tal- 15 ta’ Marzu 2005 li jimplimenta r-Regolament tal-Kunsill (KE) Nru 577/98 dwar l-organizzazzjoni ta’ stħarriġ kampjun dwar il-forza tax-xogħol fil-Komunità li jirrigwarda l-kodifikazzjoni li għandha tintuża għat-trasmissjoni tad-data mill-2006 ’l quddiem u l-użu ta’ subkampjun għall-ġbir ta’ data dwar il-varjabbli strutturali [10]; ir-Regolament tal-Kummissjoni (KE) Nru 782/2005 ta’ l- 24 ta’ Mejju 2005 li jistabbilixxi l-format għat-trasmissjoni ta’ riżultati dwar l-istatistika ta’ l-iskart [11].

(5) Il-miżuri previsti f’dan ir-Regolament huma skond l-opinjoni tal-Kumitat tal-Programm Statistiku, stabbilit bid-Deċiżjoni tal-Kunsill 89/382/KEE, Euratom [12],

ADOTTAT DAN IR-REGOLAMENT:

Artikolu 1

Ir-Regolament (KE) Nru 1726/1999 huwa emendat kif ġej:

(1) Wara l-Artikolu 2, jiżdied l-Artikolu 2(a) li ġej:

"Artikolu 2a

Miżuri tranżizzjonali għall-implimentazzjoni ta’ NACE Rev. 2

L-Istati Membri għandhom jittrasmettu lill-Kummissjoni (Eurostat) ir-riżultati ta’ l-istħarriġ dwar l-ispiża tax-xogħol b’referenza għas-sena kalendarja 2008 skond in-NACE Rev. 2 u kif ukoll in-NACE Rev. 1.1, fejn dan ta’ l-aħħar huwa obbligatorju biss għat-Tabella A u fil-livell tat-taqsima tan-NACE Rev. 1.1."

(2) L-Anness II u l-Anness III huma emendati skond l-Anness I ta’ dan ir-Regolament.

Artikolu 2

L-Anness I u l-Anness II tar-Regolament (KE) Nru 1916/2000 huwa emendati skond l-Anness II ta’ dan ir-Regolament.

Artikolu 3

Fir-Regolament (KE) Nru 2163/2001 it-terminu "NACE Reviżjoni 1" jinbidel b’"NACE Rev. 2" fl-Anness.

Artikolu 4

Ir-Regolament (KE) Nru 1216/2003 huwa emendat kif ġej:

(1) In-"NACE Rev. 1" jinbidel bin-"NACE Rev. 2" tul it-test u l-Annessi kollha.

(2) "It-Taqsimiet L, M, N u O" jinbidlu bit-"Taqsimiet O sa S" fl-Artikolu 4 u fl-Anness IV.

(3) "It-Taqsimiet Ċ sa K" jinbidlu bit-"Taqsimiet B sa N" fl-Anness IV.

Artikolu 5

Fir-Regolament (KE) Nru 1983/2003, in-"NACE Rev. 1.1" jinbidel bin-"NACE Rev. 2" u r-"Rev. 1.1" jinbidel bir-"Rev.2" fin-nota Nru 22 f’qiegħ il-paġna ta’ l-Anness.

Artikolu 6

L-Anness tar-Regolament (KE) Nru 753/2004 huwa emendat skond l-Anness III ta’ dan ir-Regolament.

Artikolu 7

Ir-Regolament tal-Kunsill (KE) Nru 912/2004 huwa emendat kif ġej:

(1) L-Artikolu 1 jinbidel b’dan li ġej:

"Artikolu 1

Il-qasam kopert bl-istħarriġ imsemmi fl-Artikolu 1 tar-Regolament (KEE) Nru 3924/91 għandu jiġi identifikat b’referenza għall-popolazzjoni ta’ l-istħarriġ u għall-unità ta’ l-osservazzjoni.

Il-popolazzjoni ta’ l-istħarriġ tal-perjodu ta’ referenza għandha tikkonsisti f’intrapriżi li l-attività prinċipali tagħhom jew waħda mill-attivitajiet sekondarji tagħhom hija mniżżla fit-taqsimiet B jew Ċ tal-klassifikazzjoni ta’ l-attivitajiet ekonomiċi fil-Komunità Ewropea (NACE Rev. 2), stabbiliti fir-Regolament (KE) Nru 1893/2006 tal-Parlament Ewropew u tal-Kunsill [].

L-unità ta’ l-osservazzjoni għandha tkun l-intrapriża kif iddefinita fir-Regolament tal-Kunsill (KEE) Nru 696/93 dwar l-unitajiet ta’ l-istatistika għall-osservazzjoni u l-analiżi tas-sistema tal-produzzjoni fil-Komunità. L-Istati Membri jistgħu jiġbru d-data billi jużaw unità oħra ta’ l-istatistika bħala unità ta’ l-osservazzjoni sakemm huma jittrasmettu d-data ta’ l-intrapriża lill-Eurostat.

(2) L-Artikolu 3 jinbidel b’dan li ġej:

"Artikolu 3

L-obbligu ta’ l-Istati Membri li jadottaw metodi ta’ stħarriġ maħsuba biex jiffaċilitaw il-ġbir ta’ data minn unitajiet li jirrappreżentaw mill-inqas 90 % tal-produzzjoni nazzjonali għal kull klassi tan-NACE imsemmija fl-Artikolu 3(2) tar-Regolament (KEE) Nru 3924/91 għandha tiġi implimentata bħala adozzjoni mill-Istati Membri ta’ metodi ta’ stħarriġ maħsuba biex jippermettu l-ġbir ta’ data, li tirrappreżenta mill-inqas 90 % tal-produzzjoni nazzjonali għal kull klassi tat-taqsimiet B u Ċ tan-NACE Rev. 2."

Artikolu 8

L-Anness tar-Regolament (KE) Nru. 1450/2004 huwa emendat skond l-Anness IV ta’ dan ir-Regolament.

Artikolu 9

Fir-Regolament (KE) Nru 430/2005 t-terminu "NACE Rev. 1.1" jinbidel b’"NACE Rev. 2" tul l-Anness II kollu.

Artikolu 10

L-Anness tar-Regolament (KE) Nru 782/2005 huwa emendat skond l-Anness V ta’ dan ir-Regolament.

Artikolu 11

Dħul fis-Seħħ

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea.

Għandu jibda japplika mill- 1 ta’ Jannar 2008, minbarra l-Artikolu 4 li se japplika mill- 1 ta’ Jannar 2009.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, 20 ta’ Awwissu 2007.

Għall-Kummissjoni

Joaquín Almunia

Membru tal-Kummissjoni

[1] ĠU L 393, 30.12.2006, p. 1.

[2] ĠU L 203, 3.8.1999, p. 28. Ir-Regolament kif emendat bir-Regolament (KE) Nru 1737/2005. (ĠU L 279, 22.10.2005, p. 11).

[3] ĠU L 229, 9.9.2000. p. 3 Ir-Regolament kif emendat bir-Regolament (KE) Nru 1738/2005. (ĠU L 279, 22.10.2005, p. 32).

[4] ĠU L 291, 8.11.2001, p. 13.

[5] ĠU L 169, 8.7.2003, p. 37. Ir-Regolament kif emendat l-aħħar bir-Regolament (KE) Nru 224/2007 (ĠU L 64, 2.3.2007, p. 23.).

[6] ĠU L 298, 17.11.2003, p. 34.

[7] ĠU L 118, 23.4.2004, p. 23.

[8] ĠU L 163, 30.4.2004, p. 71.

[9] ĠU L 267, 14.8.2004, p. 32.

[10] ĠU L 71, 17.3.2005, p. 36.

[11] ĠU L 131, 25.5.2005, p. 26.

[12] ĠU L 181, 28.6.1989, p. 47.

[] ĠU L 393, 30.12.2006, p. 1."

--------------------------------------------------

20070820

ANNESS I

L-Annessi II u III tar-Regolament tal-Kummissjoni (KE) Nru 1726/1999, kif emendat bir-Regolament (KE) Nru 1737/2005, huma emendati kif ġejjin:

(1) It-terminu "NACE Rev. 1.1" jinbidel b’ "NACE Rev. 2" tul it-test kollu.

(2) It-terminu "Taqsimiet C-K u M-O ta’ NACE Rev. 1.1" jinbidel b’ "Taqsimiet B-N u P-S ta’ NACE Rev. 2".

(3) It-terminu "Taqsima L ta’ NACE Rev. 1.1" jinbidel b’ "Taqsima O ta’ NACE Rev. 2".

(4) It-terminu "NACE Rev. 1.1, 74.50" jinbidel bin-"NACE Rev. 2, 78.20" tul it-test kollu.

--------------------------------------------------

20070820

ANNESS II

L-Anness I u l-Anness II tar-Regolament (KE) Nru 1916/2000, kif emendat bir-Regolament (KE) Nru 1738/2005, huma emendati kif ġej:

(1) It-terminu "NACE Rev. 1.1" jinbidel b’ "NACE Rev. 2" tul it-test kollu.

(2) Fl-Anness II, it-terminu "Taqsimiet C sa K u M sa O" jinbidel b’ "Taqsimiet B sa N u P sa S" tul it-test kollu.

(3) Fl-Anness II, it-terminu "Taqsima L" jinbidel b’ "Taqsima O" tul it-test kollu.

(4) Fl-Anness II, it-terminu "NACE Rev. 1.1, 74.50" jinbidel bin-"NACE Rev. 2, 78.20".

--------------------------------------------------

20070820

ANNESS III

It-Taqsima 1 ta’ l-Anness tar-Regolament tal-Kummissjoni (KE) Nru 753/2004 hija emendata kif ġej:

(1) It-terminu "NACE" jinbidel b’ "NACE Rev. 2" tul it-test kollu.

(2) Il-paragrafu 5.11 għandu jinbidel b’ dan li ġej:

"Ir-riżultati ta’ l-istatistika skond l-attività ekonomika (NACE Rev. 2) għandhom jitqassmu wieħed wieħed fid-diviżjonijiet, fil-gruppi, fil-klassijiet u fl-aggregati tan-NACE Rev. 2 li ġejjin:

"01, 02, 03", "05, 06, 07, 08, 09", "10 sa 33", "10, 11, 12", "10, 11", "12", "13, 14, 15", "13", "14", "15", "16, 17, 18", "16", "17", "18", "19", "20", "21", "22", "23", "24", "25, 26, 27, 28, 29, 30", "25", "25.40", "26", "26.1", "26.2", "26.3", "26.4", "26.5", "26.6", "26.7", "27", "28", "29", "30", "30.1", "30.2", "30.3", "30.4", "31", "32", "32.50", "33", "35, 36", "37, 38, 39", "41, 42, 43", "45, 46, 47", "49, 50, 51, 52, 53", "55, 56", "58, 59, 60, 61, 62, 63", "61", "62", "63", "64, 65, 66", "68", "69, 70, 71, 72, 73, 74, 75", "72", "77, 78, 79, 80, 81, 82", "84, 85", "86", "87, 88", "90, 91, 92, 93", "94, 95, 96, 97, 98, 99", "01 sa 99"."

--------------------------------------------------

20070820

ANNESS IV

L-Anness tar-Regolament (KE) Nru 1450/2004 huwa emendat kif ġej.

(1) It-taqsima 2 tinbidel b’ dan li ġej:

"Bħala minimu, l-intrapriżi fit-taqsimiet B, C, D, E, H, K tan-NACE Rev. 2 u fid-diviżjonijiet 46, 58, 61, 62, 63 u 71 tan-NACE Rev. 2 għandhom ikunu koperti."

(2) It-taqsima 5 paragrafu 1 tinbidel b’ dan li ġej:

"Ir-riżultati kollha għandhom jitqassmu wieħed wieħed skond l-attività ekonomika (NACE Rev. 2) fil-livell tat-taqsima u bil-klassijiet tad-daqs ta’ l-impjieg li ġejjin: 10-49 impjegat, 50-249 impjegat, aktar minn 249 impjegat."

(3) It-taqsima 5 paragrafu 2 tinbidel b’ dan li ġej:

"Ir-riżultati kollha għandhom jitqassmu wieħed wieħed skond l-attività ekonomika (NACE Rev. 2) fil-livell ta’ diviżjoni."

--------------------------------------------------

20070820

ANNESS V

L-Anness tar-Regolament tal-Kummissjoni (KE) Nru 782/2005 li jistabbilixxi l-format għat-trasmissjoni ta’ riżultati dwar l-istatistika ta’ l-iskart huwa emendat kif ġej:

Il-lista Ċ għandha tinbidel b’dan li ġej:

"Lista Ċ – Numru ta’ l-attività

Numru ta’ l-attività | Kodiċi NACE Rev. 2 | Deskrizzjoni |

1 | Diviżjoni 01 | Produzzjoni tal-ħxejjex u ta’ l-annimali, attivitajiet ta’ kaċċa u ta’ servizzi relatati |

Diviżjoni 02 | Forestrija u qtugħ ta’ siġar għall-injam |

2 | Diviżjoni 03 | Sajd u akkwakultura |

3 | Taqsima B | Tħaffir għall-minerali u xogħol tal-barrieri |

4 | Diviżjoni 10 | Manifattura ta’ prodotti ta’ l-ikel |

Diviżjoni 11 | Manifattura ta’ xarbiet |

Diviżjoni 12 | Manifattura ta’ prodotti tat-tabakk |

5 | Diviżjoni 13 | Manifattura ta’ tessuti |

Diviżjoni 14 | Manifattura ta’ affarijiet li jintlibsu |

Diviżjoni 15 | Manifattura ta’ ġilda u prodotti relatati |

6 | Diviżjoni 16 | Manifattura ta’ injam u prodotti ta’ l-injam u s-sufra, għajr għamara; Manifattura ta’ oġġetti tat-tiben u materjal għall-immaljar |

7 | Diviżjoni 17 | Manifattura ta’ karta u prodotti tal-karta |

Diviżjoni 18 | Stampar u riproduzzjoni ta’ midja rreġistrata |

8 | Diviżjoni 19 | Manifattura ta’ kokk u prodotti taż-żejt irraffinat |

9 | Diviżjoni 20 | Manifattura ta’ kimiċi u prodotti kimiċi |

Diviżjoni 21 | Manifattura ta’ prodotti farmaċewtiċi bażiċi u preparazzjonijiet farmaċewtiċi |

Diviżjoni 22 | Manifattura ta’ prodotti tal-lasktu u tal-plastik |

10 | Diviżjoni 23 | Il-manifattura ta’ prodotti minerali mhux metalliċi oħra |

11 | Diviżjoni 24 | Manifattura ta’ metalli bażiċi |

Diviżjoni 25 | Manifattura ta’ prodotti tal-metall iffabbrikat, għajr makkinarju u tagħmir |

12 | Diviżjoni 26 | Manifattura ta’ prodotti tal-kompjuter, elettroniċi u ottiċi |

Diviżjoni 27 | Manifattura ta’ tagħmir elettriku |

Diviżjoni 28 | Manifattura ta’ makkinarju u tagħmir n.e.c. |

Diviżjoni 29 | Manifattura ta’ vetturi bil-mutur, trejlers u semitrejlers |

Diviżjoni 30 | Manifattura ta’ tagħmir ieħor tat-trasport |

13 | Diviżjoni 31 | Manifattura ta’ għamara |

Diviżjoni 32 | Manifattura oħra |

Diviżjoni 33 | Tiswija u installazzjoni ta’ makkinarju u tagħmir |

14 | Taqsima D | Provvista ta’ elettriku, gass, fwar u arja kkondizzjonata |

15 | Diviżjoni 36 | Ġbir, trattament u provvista ta’ l-ilma |

Diviżjoni 37 | Drenaġġ |

Diviżjoni 39 | Attivitajiet ta’ rimedjazzjoni u servizzi oħra ta’ ġestjoni ta’ skart |

16 | Diviżjoni 38 | Attivitajiet ta’ ġbir u trattament ta’ l-iskart u disponiment minnu irkupru ta’ materjal |

17 | Taqsima F | Kostruzzjoni |

18 | | Attivitajiet ta’ servizz: |

Taqsima G, għajr 46.77 | Negozju bl-ingrossa u bl-imnut; tiswija ta’ vetturi bil-mutur u muturi |

Taqsima H | Trasport u ħażna |

Taqsima I | Akkomodazzjoni u attivitajiet ta’ servizz ta’ l-ikel |

Taqsima J | Tagħrif u komunikazzjoni |

Taqsima K | Attivitajiet finanzjarji u ta’ l-assigurazzjoni |

Taqsima L | Attivitajiet marbuta ma’ proprjetà immobbli |

Taqsima M | Attivitajiet professjonali, xjentifiċi u tekniċi |

Taqsima N | Attivitajiet amministrattivi u ta’ servizz ta’ sostenn |

Taqsima O | Amministrazzjoni pubblika u difiża; sigurtà soċjali obbligatorja |

Taqsima P | Edukazzjoni |

Taqsima Q | Attivitajiet marbuta mas-saħħa tal-bniedem u l-ħidma soċjali |

Taqsima R | Arti, divertiment u rikreazzjoni |

Taqsima S | Attivitajiet ta’ servizz oħrajn |

Taqsima T | Attivitajiet ta’ persuni tad-dar bħala persuni li jħaddmu; attivitajiet ta’ produzzjoni ta’ oġġetti u servizzi mhux iddifferenzjati minn unitajiet domestiċi għall-użu tagħhom individwali |

Taqsima U | Attivitajiet ta’ organizzazzjonijiet u entitajiet ekstraterritorjali |

19 | Klassi 46.77 | Bejgħ bl-ingrossa ta’ skart u ruttam |

20 | | Skart iġġenerat mid-djar (Din m’hijiex kategorija tan-NACE) |

TA | Total | Total" |

--------------------------------------------------