EUR-Lex Access to European Union law
This document is an excerpt from the EUR-Lex website
Document 32007L0015
Commission Directive 2007/15/EC of 14 March 2007 amending, for the purposes of its adaptation to technical progress, Annex I to Council Directive 74/483/EEC relating to the external projections of motor vehicles (Text with EEA relevance )
Direttiva tal-Kummissjoni 2007/15/KE ta’ l- 14 ta’ Marzu 2007 li temenda, għall-finijiet ta' l-adattament tagħha għall-progress tekniku, l-Anness I tad-Direttiva tal-Kunsill 74/483/KEE li għandha x'taqsam ma’ l-isporġenzi esterni tal-vetturi bil-mutur Test b'rilevanza għaż-ŻEE.
Direttiva tal-Kummissjoni 2007/15/KE ta’ l- 14 ta’ Marzu 2007 li temenda, għall-finijiet ta' l-adattament tagħha għall-progress tekniku, l-Anness I tad-Direttiva tal-Kunsill 74/483/KEE li għandha x'taqsam ma’ l-isporġenzi esterni tal-vetturi bil-mutur Test b'rilevanza għaż-ŻEE.
OJ L 56M, 29.2.2008, p. 122–124
(MT)
OJ L 75, 15.3.2007, p. 21–23
(BG, ES, CS, DA, DE, ET, EL, EN, FR, IT, LV, LT, HU, NL, PL, PT, RO, SK, SL, FI, SV)
Special edition in Croatian: Chapter 13 Volume 028 P. 150 - 152
No longer in force, Date of end of validity: 31/10/2014; Impliċitament imħassar minn 32009R0661
Relation | Act | Comment | Subdivision concerned | From | To |
---|---|---|---|---|---|
Modifies | 31974L0483 | Emenda | anness 1 |
Relation | Act | Comment | Subdivision concerned | From | To |
---|---|---|---|---|---|
Implicitly repealed by | 32009R0661 | 01/11/2014 |
29.2.2008 |
MT |
Il-Ġurnal Uffiċjali ta’ l-Unjoni Ewropea |
122 |
DIRETTIVA TAL-KUMMISSJONI 2007/15/KE
ta’ l-14 ta’ Marzu 2007
li temenda, għall-finijiet ta' l-adattament tagħha għall-progress tekniku, l-Anness I tad-Direttiva tal-Kunsill 74/483/KEE li għandha x'taqsam ma’ l-isporġenzi esterni tal-vetturi bil-mutur
(Test b'rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 70/156/KEE tas-6 ta’ Frar 1970 dwar l-approssimazzjoni tal-liġijiet ta’ l-Istati Membri li għandhom x’jaqsmu ma’ l-approvazzjoni tat-tip ta’ vetturi bil-mutur u l-karrijiet tagħhom (1), u partikolarment it-tieni inċiż ta’ l-Artikolu 13(2) tagħha,
Wara li kkunsidrat id-Direttiva tal-Kunsill 74/483/KEE tas-17 ta’ Settembru 1974 dwar l-approssimazzjoni tal-liġijiet ta’ l-Istati Membri li għandhom x’jaqsmu ma’ l-isporġenzi esterni tal-vetturi bil-mutur (2), u partikolarment l-Artikolu 5 tagħha,
Billi:
(1) |
Id-Direttiva 74/483/KEE hija waħda mid-Direttivi separati għall-għanijiet tal-proċedura tal-KE għall-approvazzjoni tat-tip stabbilita mid-Direttiva 70/156/KEE. Id-dispożizzjonijiet tad-Direttiva 70/156/KEE marbuta ma' sistemi, komponenti u unitajiet tekniċi għall-vetturi għalhekk japplikaw għad-Direttiva 74/483/KEE. |
(2) |
Fid-dawl tal-progress tekniku, u fl-interess li r-rekwiżiti tekniċi jkunu ċari, jixraq li r-rekwiżiti jiġu aġġustati fir-rigward tal-bamper tal-vetturi. |
(3) |
L-Anness IV, il-Parti II tad-Direttiva 70/156/KEE jipprovdi lista tar-Regolamenti tal-Kummissjoni Ekonomika għall-Ewropa tan-Nazzjonijiet Uniti (UN/ECE) li jistgħu jiġu aċċettati bħala alternattivi għad-Direttivi dwar l-approvazzjoni tat-tip. Jixraq għalhekk li, waqt li l-Anness I tad-Direttiva 74/483/KEE jiġi adattat għall-progress tekniku, ir-rekwiżiti ta' dik id-Direttiva jiġu allinjati mar-Regolament 26 UN/ECE li hu ekwivalenti għaliha. |
(4) |
Id-Direttiva 74/483/KEE għandha għalhekk tiġi emendata skond dan. |
(5) |
Il-miżuri pprovduti f'din id-Direttiva huma fi qbil ma' l-opinjoni tal-Kumitat għall-Adattament għall-Progress Tekniku stabbilit taħt l-Artikolu 13(1) tad-Direttiva 70/156/KEE |
ADOTTAT DIN ID-DIRETTIVA:
Artikolu 1
L-Anness I għad-Direttiva 74/483/KEE huwa emendat skond l-Anness ta' din id-Direttiva.
Artikolu 2
1. B’effett minn-4 ta’ April 2009, Stat Membru, minħabba raġunijiet marbuta ma' l-isporġenzi esterni, għandu jirrifjuta li jagħti approvazzjoni tat-tip tal-KE jew approvazzjoni tat-tip nazzjonali lil tip ta' vettura jekk ir-rekwiżiti stipulati fid-Direttiva 74/483/KEE, kif emendati b'din id-Direttiva, ma jkunux ġew sodisfatti.
2. B’effett minn [sitta u tletin xahar wara d-dħul fis-seħħ ta’ din id-Direttiva], Stat Membru, minħabba raġunijiet marbuta ma' l-isporġenzi esterni, għandu jirrifjuta r-reġistrazzjoni jew jipprojbixxi l-bejgħ jew l-użu ta' vettura jekk ir-rekwiżiti stipulati fid-Direttiva 74/483/KEE, kif emendati b'din id-Direttiva, ma jkunux ġew sodisfatti.
Artikolu 3
1. L-Istati Membri għandhom jadottaw u jippubblikaw, mhux iktar tard mill-4 ta’ April 2008, il-liġijiet, ir-regolamenti, u d-dispożizzjonijiet amministrattivi meħtieġa sabiex jikkonformaw ma' din id-Direttiva. Għandhom mingħajr dewmien jipprovdu lill-Kummissjoni bit-test ta’ dawn id-dispożizzjonijiet u b' tabella ta' korrelazzjoni bejn dawn id-dispożizzjonijiet u din id-Direttiva.
Għandhom japplikaw dawk id-dispożizzjonijiet mill-5 ta’ April 2008.
Meta l-Istati Membri jadottaw dawk id-dispożizzjonijiet, għandu jkollhom referenza għal din id-Direttiva, jew ikunu akkumpanjati minn tali referenza, fl-okkażjoni tal-pubblikazzjoni uffiċjali tagħhom. L-Istati Membri għandhom jistabbilixxu kif għandha ssir din ir-riferenza.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li jadottaw fil-qasam kopert minn din id-Direttiva.
Artikolu 4
Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha fil-Ġurnal Uffiċjali ta’ l-Unjoni Ewropea.
Artikolu 5
Din id-Direttiva hija indirizzata lill-Istati Membri.
Magħmul fi Brussell, 14 ta’ Marzu 2007.
Għall-Kummissjoni
Günter VERHEUGEN
Membru tal-Kummissjoni
(1) ĠU L 42, 23.2.1970, p. 1. Id-Direttiva kif emendata l-aħħar bid-Direttiva 2006/40/KE tal-Parlament Ewropew u tal-Kunsill (ĠU L 161, 14.6.2006, p. 12).
(2) ĠU L 266, 2.10.1974, p. 4. Id-Direttiva kif emendata l-aħħar mill-Att ta’ Adeżjoni ta’ l-2003.
ANNESS
L-Anness I tad-Direttiva 74/483/KEE huwa emendat kif ġej: Il-Punt 6.5.2 jiġi ssostitwit b’dan li ġej:
“6.5.2. |
Jekk il-linja tal-bamper, ta' quddiem jew ta' wara, li tikkorrispondi għall-profil estern tal-vettura, minn projezzjoni vertikali, tkun fuq wiċċ riġidu, ir-radjus tal-kurvatura ta' dak il-wiċċ għandu jkun ta' 5mm għall-punti kollha li jinsabu bejn il-linja tal-profil u l-linji, fuq u taħt il-linja tal-profil, li huma t-traċċi ta' punti 20mm 'il ġewwa, u mkejla normali mal-linja tal-profil fi kwalunkwe punt. Ir-radjus minimu tal-kurvatura tal-wiċċ ta' 2,5mm għandu japplika għall-partijiet l-oħra kollha tal-bampers. Din id-dispożizzjoni tapplika għal dik il-parti tal-bamper li tinsab bejn il-punti tanġenzjali ta' kuntatt tal-linja tal-profil ma' żewġ pjani vertikali li t-tnejn jinsabu f'angolu ta' 15-il grad mal-wiċċ lonġitudinali vertikali ta' simetrija tal-vettura (ara l-Figura 1). Test ta 'immaġni |