Direttiva 96/57/KE Tal-parlament ewropew u tal-kunsill

tat-3 ta’ Settembru 1996

fuq ħtiġiet ta’ effiċjenża fl-enerġija għall-friġġijiet, friżers elettriċi domestiċi u kombinazzjonijiet taghħom

IL-PARLAMENT EWROPEW U L-KUNSILL TA’ L-UNJONI EWROPEA,

Wara li kkunsidraw it-Trattat li jistabbilixxi l-Komunitajiet Ewropej, u partikolarment l-Artikolu 100a tiegħu,

Wara li kkunsidraw l-proposta mill-Kummissjoni [1]

Wara li kkunsidraw l-opinjoni tal-Kumitat Ekonomiku u Soċjali [2],

Filwaqt li jaġixxu skond il-proċedura stabbilita fl-Artikolu 189b tat-Trattat [3],

(1) Billi huwa importanti li jkunu mħeġġa miżuri maħsuba għall-funzjonament xieraq tas-suq intern;

(2) Billi fir-riżoluzzjoni tiegħu tal-15 ta’ Jannar 1985 fuq it-titjib ta’ programmi dwar l-ekonomija fl-użu ta’ l-enerġija fl-Istati Membri [4] il-Kunsill stieden lill-Istati Membri biex ikomplu u fejn meħtieġ iżidu l-isforzi tagħhom biex imexxu ’l quddiem l-użu aktar razzjonali ta’ l-enerġija bi żvilupp ulterjuri ta’ politika ta’ ekonomija fl-użu ta’ enerġija integrata;

(3) Billi appliances ta’ refriġerazzjoni domestiċi jammontaw għal seħem sinifikanti tal-konsum ta’ l-elettriku domestiku fil-Komunità u għalhekk tal-konsum totali ta’ l-elettriku; billi l-mudelli varji ta’ appliances disponibbli fis-suq tal-Komunità għandhom livelli għolja differenti ħafna ta’ konsum għall-volum partikolari u karatteristiċi simili, jiġifieri effiċjenza ta’ l-enerġija estremament varjabbli;

(4) Billi xi Stati Membri appik li jadottaw disposizzjonijiet dwar l-effiċjenza ta’ friġġijiet u friżers domestiċi, li jistgħu joħolqu ostakoli għall-kummerċ f’dawn il-prodotti fil-Komunità;

(5) Billi huwa xieraq li jittieħed bħala bażi livell għoli ta’ protezzjoni f’proposti għall-approssimazzjoni ta’ disposizzjonijiet preskritti bil-liġi, regolament jew azzjoni amministrattiva fi Stati Membri dwar is-saħħa, sigurtà, protezzjoni ambjentali u protezzjoni tal-konsumatur; billi din id-Direttiva tassigura livell għoli ta’ protezzjoni kemm għall-ambjent u għall-konsumatur, fil-mira ta’ titjib sinifikanti fl-effiċjenza ta’ l-enerġija ta’ dawn l-appliances.

(6) Billi l-adozzjoni ta’ dawn il-miżuri jaqgħu fil-kompetenza tal-Komunità; billi l-ħtiġiet ta’ din id-Direttiva huma fil-limiti ta’ l-oġġettivi tagħha, għalhekk iħarsu l-Artikolu 3b tat-Trattat;

(7) Billi, minbarra dan, l-Artikolu 130r tat-Trattat jitlob il-protezzjoni u t-titjib ta’ l-ambjent u l-utilizzazzjoni prudenti u razzjonali tar-riżorsi naturali, dawn iż-żewġ oġġettivi huma fost dawk tal-politika tal-Komunità fuq l-ambjent; billi l-ġenerazzjoni ta’ l-elettriku u l-konsum jammontaw għal 30 % ta’ l-emissjonijiet tad-diossidu tal-karbonju magħmul mill-bniedem (CO2) u xi 35 % tal-konsum ta’ l-enerġija primarja fil-Komunità;

(8) Billi, kif ukoll, id-Deċiżjoni tal-Kunsill 89/364/KEE tal-5 ta’ Ġunju 1989 fuq programm ta’ azzjoni tal-Komunità għat-titjib ta’ l-effiċjenza fl-użu ta’ l-elettriċità [5] għandha bħala ż-żewġ oġġettivi tagħha biex jinkoraġġixxu li l-konsumaturi jiffavorixxu appliances jew tagħmir b’effiċjenza elettrika għolja u biex tittejjeb l-effiċjenza ta’ l-appliances u t-tagħmir;

(9) Billi fil-konklużjonijiet tiegħu tad-29 ta’ Ottubru 1990 il-Kunsill stabbilixxa oġġettiv li jkunu stabbilizzati l-emissjonijiet tad-diossidu tal-karbonju (CO2) fil-Komunità fil-livelli ta’ l-1990 sas-sena 2000; billi biex jintlaħaq dan l-oġġettiv jenħtieġu miżuri aktar qawwija biex ikunu stabbilizzati l-emissjonijiet CO2 ġewwa l-Komunità;

(10) Billi d-Deċiżjoni 91/565/KEE [6] stabbiliet programm biex jippromwovi l-effiċjenza fl-enerġija fil-Komunità (il-programm SAVE);

(11) Billi l-miżuri ta’ effiċjenza fl-enerġija inkorporati fil-mudelli l-aktar aġġornati ta’ appliances ta’ refriġerazzjoni disponibbli ma jżidulhomx l-ispejjeż tal-produzzjoni tagħhom eċċessivament u jistgħu jħallsu għall-ispiża inizjali tagħhom permezz ta’ ekonomija fl-użu fl-elettriku fi ftit snin jew ukoll aktar malajr; billi dan il-kalkolu ma jqisx il-benefiċċju miżjud ta’ l-ispejjez esterni ta’ ġenerazzjoni hekk evitati, bħall-emisjonijiet tad-diossidu tal-karbonju (CO2) u tniġġis ieħor;

(12) Billi il-gwadann "naturali" fl-effiċjenza fl-enerġija minħabba pressjonijiet tas-suq u l-proċessi mtejba ta’ produzzjoni, stmati f’xi 2 % kull sena, għandhom jikkontribwixxu għall-isforzi biex jintaħqu standards ta’ konsum ta’ l-enerġija aktar iebsin;

(13) Billi d-Direttiva 92/75/KEE [7] (id-Direttiva qafas) u d-Direttiva tal-Kummissjoni 94/2/KE [8] (id-Direttiva li timplimenta d-Direttiva 92/75/KEE), li jeħtieġu tikkettjar obbligatorju ta’ appliances u indikazzjoni f’forom oħra ta’ konsum ta’ l-enerġija, għandhom iżidu l-għarfien tal-konsumaturi bl-effiċjenza fl-enerġija ta’ appliances ta’ refriġerazzjoni domestiċi; billi din il-miżura għandha tinkoraġġixxi wkoll id-diversi kompetituri biex joffru livelli ta’ effiċjenza fl-enerġija għall-appliances tagħhom ogħla mill-i standards meħtieġa minn din id-Direttiva; billi, iżda, l-għoti ta’ informazzjoni lill-konsumaturi għandu jkun akkumpanjat b’indikazzjoni ta’ l-i standards biex jinkiseb il-benefiċċju sħiħ u jwassal għat-titjib reali fl-effiċjenza totali medja ta’ l-appliances mibjugħa;

(14) Billi din id-Direttiva, li hija mmirata lejn l-eliminazzjoni ta’ ostakoli tekniċi fir-rigward tat-titjib fl-effiċjenza ta’ l-enerġija ta’ appliances tar-refriġerazzjoni domestiċi, għandu jsegwi x-"xejra l-ġdida" stabbilita bir-resoluzzjoni tal-Kunsill tas-7 ta’ Mejju 1985 fuq xejra ġdida għall-armonizzazzjoni teknika u standards [9] li speċifikatament tippreskrivi li armonizzazzjoni leġislattiva hija limitata għall-adozzjoni, permezz ta’ direttivi, tal-ħtiġiet essenzjali li magħhom għandhom jikkonformaw prodotti mqiegħda fis-suq;

(15) Billi sistema ta’ infurzar effettiv hija meħtieġa biex ikun żgurat li d-Direttiva hija implimentata sew, tiggarantixxi kondizzjonijiet ġusti ta’ kompetizzjoni għall-produtturi u tipproteġi d-drittijiet tal-konsumatur;

(16) Billi għandha titqies id-Deċiżjoni tal-Kunsill 93/465/KEE tat-22 ta’ Lulju 1993 dwar il-moduli għad-diversi fażijiet tal-proċeduri ta’ stima ta’ konformità u r-regoli għat-twaħħil u l-użu tal-marka ta’ konformità KE [10], li huma intiżi li jiġu użati fid-direttivi ta’ armonizzazzjoni teknika;

(17) Billi fl-interess tal-kummerċ internazzjonali, standards internazzjonali għandhom jintużaw kull meta jkun xieraq; billi l-konsum ta’ l-elettriku ta’ appliance ta’ refiġerazzjoni huwa mfisser mill-Kumitat Ewropew għall-Istandardizzazzjoni Standard EN 153 ta’ Lulju 1995 li huwa bbażat fuq standard internazzjonali;

(18) Billi l-appliances ta’ refriġerazzjoni domestiċi li jikkonformaw mal-ħtiġiet ta’ effiċjenza fl-enerġija ta’ din id-Direttiva għandhom ikollhom il-marka "CE" u l-informazzjoni assoċjata, biex tippermettilhom li jiċċaqilqu aktar liberament;

(19) Billi din id-Direttiva hija limitata għall-appliances ta’ refriġerazzjoni domestiċi, provduti bl-elettriku tal-mains, inkluz dawk manufatturati fuq bażi ta’ darba; billi t-tagħmir ta’ refriġerazzjoni għall-użu kummerċjali huwa ferm aktar varjat u mhux xieraq għall-inklużjoni f’din id-Direttiva,

ADOTTAW DIN ID-DIRETIVA:

Artikolu 1

Din id-Direttiva għandha tapplika għall-friġġijiet domestiċi li joperaw mill-main, cabinets għall-ħażna ta’ l-ikel friżat, friżers ta’ l-ikel, u kombinazzjonijiet tagħhom kif definiti fl-Anness I u msemmija ’l quddiem bħala "appliances ta’ refriġerazzjoni". Għandhom ikunu esklużi appliances li jistgħu jużaw ukoll sorsi oħra ta’ enerġija, partikolarment akkumulaturi, u appliances ta’ refriġerazzjoni domestiċi li jaħdmu fuq il-prinċipju ta’ assorbiment u appliances manufatturati fuq speċifikazzjonijiet partikulari.

Artikolu 2

1. L-Istati Membri għandhom jieħdu l-miżuri meħtieġa biex jiżguraw li l-appliances koperti b’din id-Direttiva jistgħu jitqiegħdu fis-suq tal-Komunità biss jekk il-konsum ta’ l-elettriku ta’ l-appliance partikolari huwa anqas minn jew daqs il-valur ta’ konsum massimu permess ta’ l-elettriku għall-kategorija tagħha kif ikkalkolat skond il-proċeduri mfissra fl-Anness I.

2. Il-manifattur ta’ appliance ta’ refriġerazzjoni koperta minn din id-Direttiva, ir-rappreżentant awtorizzat stabbilit fil-Komunità jew il-persuna responsabbli għat-tqegħid ta’ l-appliance fis-suq tal-Komunità għandu jkun responsabbli biex jiżgura li kull appliance mqiegħda fis-suq tikkonforma mal-ħtiġiet msemmija fil-paragrafu 1.

Artikolu 3

1. L-Istati Membri ma jistgħux jipprojbixxu, jirrestrinġu jew jimpedixxu t-tqegħid fis-suq fit-territorju tagħhom ta’ appliances ta’ refriġerazzjoni li għandhom il-marka "CE" li tawentika l-konformità tagħhom mad-direttivi kollha ta’ din id-Direttiva.

2. Ħlief jekk hemm xhieda bil-kontra, l-Istati Membri għandhom jippreżumu li l-appliances ta’ refriġerazzjoni li jkollhom il-marka "CE" meħtieġa taħt l-Artikolu 5 jikkonformaw mad-disposizzjonijiet ta’ din id-Direttiva.

3. (a) Meta appliances ta’ refriġerazzjoni huma soġġetti għal direttivi oħra li jkopru aspetti oħra li jipprovdu wkoll għat-twaħħil ta’ marka "CE", din għandha tindika wkoll li l-appliances tar-refriġerazzjoni partikolari huma preżunti wkoll, sakemm teżisti xhieda kontrarja, li jikkonformaw mad-disposizzjonijiet ta’ dawk id-Direttivi l-oħra.

(b) Iżda, meta direttiva waħda jew iżjed tippermetti li l-fabbrikant, matul perjodu transitorju, biex tagħżel liema regoli japplikaw, il-marka "CE" għandha tindika konformità biss mad-disposizzjonijiet ta’ dawk id-direttivi applikati lill-fabbrikant. F’dak il-każ, in-numri ta’ referenza tad-direttivi applikati, kif pubblikati fil-Ġurnal Uffiċjali tal-Komunitajiet Ewropej, għandhom jingħataw fid-dokumenti, avviżi jew struzzjonijiet li jakkumpanjaw l-appliances tar-refriġerazzjoni.

Artikolu 4

Il-proċeduri ta’ stima ta’ konformità u l-obbligi rigward il-marka "CE" ta’ l-appliances huma preskritti fl-Anness II.

Artikolu 5

1. Meta l-appliances jitqiegħdu fis-suq, għandhom ikollhom il-marka "CE", li għandha tikkonsisti fl-inizjali "CE". Il-forma ta’ marka li għandha tintuża tidher fl-Anness III. Il-marka "CE" għandha titwaħħal b’mod viżibbli, leġibbli u li ma tistax titħassar fuq l-appliances ta’ refriġerazzjoni u, meta xieraq, fuq l-imballaġġ.

2. Għandu jkun projbit it-twaħħil fuq appliances tar-refriġerazzjoni ta’ kull marka li x’aktarx tqarraq lil terzi persuni rigward it-tifsira u l-forma tal-marka "CE". Kull marka oħra tista’ titwaħħal ma’ l-appliances, l-ippakkeġġjar tagħhom, il-folja ta’ istruzzjonijiet jew dokumenti oħra, iżda l-marka "CE" għandha tibqa’ tidher u tinqara.

Artikolu 6

1. Meta Stat Membru jistabbilixxi li l-marka "CE" ma twaħħlitx sew, il-manifattur jew ir-rappreżentant awtorizzat tiegħu stabbilit ġewwa l-Komunità għandu jkun obbligat li jġib il-prodott f’konformità u biex itemm il-ksur skond il-kondizzjonijiet imposti mill-Istat Membru. Meta la l-manifattur u lanqas ir-rappreżentant awtorizzat tiegħu ma huwa stabbilit ġewwa l-Komunità, il-persuna li tqiegħed l-appliance ta’ refriġerazzjoni fis-suq tal-Komunità għandha tidħol għal dawn l-obbligi.

2. Meta l-prodott jibqa’ mhux konformi, l-Istat Membru għandu jieħu l-miżuri kollha meħtieġa bis-saħħa ta’ l-Artikolu 7 biex jirrestrinġi jew jipprojbixxi t-tqegħid fis-suq tal-prodott partikolari jew biex jiżgura li huwa rtirat mis-suq.

Artikolu 7

1. Kull deċiżjoni meħuda bis-saħħa ta’ din id-Direttiva li jkollha restrizzjoni fuq it-tqegħid fis-suq ta’ appliances ta’ refriġerazzjoni għandha ssemmi r-raġunijiet preċiżi li fuqhom hija bażata. Il-parti konċernata għandha tkun notifikata mingħajr dewmien bid-deċiżjoni u għandha tkun informata fl-istess ħin bil-possibbilitajiet u l-limiti ta’ żmien dwar ir-rimedji legali disponibbli għaliha taħt il-liġijiet fis-seħħ fl-Istat Membru konċernat.

2. L-Istat Membru għandu jinforma lill-Kummissjoni b’kull miżura bħal din, u jindika r-raġunijiet għad-deċiżjoni tiegħu. Il-Kummissjoni għandha tgħarraf lill-Istati Membri l-oħra b’din l-informazzjoni.

Artikolu 8

Qabel ma jagħlaq il-perjodu ta’ erba’ snin mill-adozzjoni ta’ din id-Direttiva, il-Kummissjoni għandha tagħmel stima tar-riżultati miksuba kif mqabbla ma’ dawk mistennija. Bil-ħsieb li tgħaddi għat-tieni stadju fit-titjib ta’ l-effiċjenza ta’ l-enerġija, il-Kummissjoni għandha mbagħad tikkunsidra, flimkien mal-partijiet interessati, il-bżonn li jkun preskritt it-tieni sett ta’ miżuri xierqa għat-titjib sinifikanti ta’ l-effiċjenza fl-enerġija ta’ appliances ta’ rifriġerazzjoni domestika. F’dak il-każ, kull miżura ta’ effiċjenza fl-enerġija u d-data tad-dħul tagħha fis-seħħ għandha tkun ibbażata fuq livelli ta’ effiċjenza fl-enerġija li jistgħu jkunu ekonomikament u teknikament ġustifikati fid-dawl ta-ċirkostanzi f’dak iż-żmien. Kull miżura oħra kkunsidrata xierqa biex ittejjeb l-effiċjenza ta’ appliances ta’ refriġerazzjoni domestika għandha tkun ikkunsidrata wkoll.

Artikolu 9

1. L-Istati Membri għandhom jadottaw u jippubblikaw il-liġijiet, ir-regolamenti u d-disposizzjonijiet amministrattivi meħtieġa biex jikkonformaw ma’ din id-Direttiva fi żmien sena mill-adozzjoni tagħha. Għandhom jgħarrfu lill-Kummissjoni biha.

L-Istati Membri għandhom japplikaw dawn id-disposizzjonijiet ma’ l-għeluq ta’ perjodu ta’ tliet snin li jgħoddu mid-data ta’ l-adozzjoni ta’ din id-Direttiva.

Meta l-Istat Membri jadottaw dawn il-miżuri, dawn għandhom ikollhom riferenza għal din id-Direttiva jew għandhom ikunu akkumpanjati b’din ir-riferenza mal-waqt tal-pubblikazzjoni uffiċjali tagħhom. Il-proċedura għal din ir-riferenza għandha tiġi adotta mill-Istati Membri.

2. L-Istati Membri għandhom jikkomunikaw lill-Kummissjoni t-test tad-disposizzjonijiet fil-liġijiet nazzjonali li huma jadottaw fil-qasam kopert b’din id-Direttiva.

3. Matul perjodu ta’ tliet snin wara l-adozzjoni ta’ din id-Direttiva, l-Istati Membri għandhom jippermettu t-tqegħid fis-suq ta’ appliances ta’ refriġerazzjoni li jikkonformaw ma’ l-istess kondizzjonijiet bħal dawk li kienu applikati fit-territorju tagħhom fid-data ta’ l-adozzjoni ta’ din id-Direttiva.

Artikolu 10

Din id-Direttiva għandha tidħol fis-seħħ fl-20 jum wara l-pubblikazzjoni tagħha fil-Ġurnal Uffiċjali tal-Komunitajiet Ewropej.

Artikolu 11

Din id-Direttiva hija indirizzata lill-Istati Membri.

Magħmula fi Brussell, fit-3 ta’ Settembru 1996.

Għall-Parlament Ewropew

Il-President

K. Hänsch

Għall-Kunsill

Il-President

I. Yates

[1] ĠU C 390, tal-31.12.1994, pġ. 30; u ĠU C 49, ta’ l-20.2.1996, pġ. 10.

[2] ĠU C 155, tal-21.6.1995, pġ. 18.

[3] Opinjoni tal-Parlament Ewropew tas-26 ta’ Ottubru 1995 (ĠU C 308, ta’ l-20.11.1995, pġ. 134), Posizzjoni Komuni tal-Kunsill tal-11 ta’ Marzu 1996 (ĠU C 120, ta’ l-24.4.1996, pġ. 10) u Deċiżjoni tal-Parlament Ewropew tat-18 ta’ Ġunju 1996 (ĠU C 198, tat-8.7.1996.)

[4] ĠU C 20 tat-22.1.1985, pġ. 1.

[5] ĠU C 157, tad-9.6.1989, pġ. 32.

[6] ĠU C 307, tat-8.6.1992, pġ. 34.

[7] ĠU L 297, tat-13.10.1992, pġ. 16.

[8] ĠU L 45, tas-17.2.1994, pġ. 1.

[9] ĠU L 136, ta’ l-4.6.1985, pġ. 1.

[10] ĠU L 220, tat-30.8.1993, pġ. 23.

--------------------------------------------------

ANNESS I

METODU GĦALL-KALKOLU TAL-KONSUM MASSIMU PERMISSIBBLI TA’ L-ELETTRIKU TA’ APPLIANCE TA’ REFRIĠERAZZJONI U PROĊEDURA GĦALL-VERIFIKA TA’ KONFORMITÀ

Il-konsum ta’ l-elettriku minn appliance ta’ refriġerazzjoni (li jista’ jkun mfisser f’kWh kull 24 siegħa) hija funzjoni tal-kategorija ta’ appliance li tappartjeni lilha (eż. Friġġ b’stilla waħda, chest friżer, eċċ.) il-volum tagħha u l-effiċjenza fl-enerġija fil-kostruzzjoni tagħha stess, (ħxuna ta’ isolament, effiċjenza tal-kompressur, eċċ.) u d-differenza bejn it-temperatura ambjentali u t-temperatura ġewwa l-appliance. Għalhekk fl-iffissar ta’ standards ta’ effiċjenza fl-enerġija għalhekk, għandhom ikunu kalkolati l-fatturi ewlenin endoġeni li jinfluwenzaw il-konsum ta’ l-enerġija (jiġifieri l-kategorija ta’ l-appliance u l-volum tagħha). Għal din ir-raġuni il-konsum massimu permissibbli ta’ l-elettriku ta’ appliance ta’ refriġerazzjoni huwa definit b’ekwazzjoni lineari li hija l-funzjoni tal-volum ta’ l-appliance, b’ekwazzjonijiet differenti preskritti għal kull kategorija ta’ appliance.

Biex ikun kalkolat il-konsum massimu permissibbli ta’ l-elettriku ta’ appliance partikolari, għandu għalhekk l-ewwel ikun allokata lill-kategorija xierqa mil-lista li ġejja:

Kategorija | Deskrizzjoni |

1 | Friġġ, mingħajr kompartiment għat-temperatura baxxa [1] |

2 | Friġġ/kessieħa, b’kompartiment ta’ 5 oC/jew 12 oC |

3 | Friġġ, bla kompartiment għat-temperatura baxxa mingħajr stilla |

4 | Friġġ, b’kompartiment għat-temperatura baxxa (*) |

5 | Friġġ, b’kompartiment għat-temperatura baxxa (**) |

6 | Friġġ, b’kompartiment għat-temperatura baxxa (***) |

7 | Friġġ/friżer b’kompartiment ta’ friżer (****) |

8 | Friżer ta’ l-ikel, wieqaf |

9 | Friżer ta’ l-ikel, chest |

10 | Friġġ/friżer b’iżjed minn żewġ bibien, jew appliances oħra mhux koperti fuq. |

Billi appliances ta’ refriġerazzjoni jkollhom kompartimenti differenti miżmuma f’temperaturi differenti, (li jinfluwenzaw b’mod sinifikanti l-konsum ta’ l-elettriku), il-konsum massimu permissibbli ta’ elettriku huwa definit fil-prattika bħala funzjoni ta’ volum aġġustat, li hija somma ppeżata tal-volumi ta’ kompartimenti differenti.

Għalhekk, għall-finijiet ta’ din id-Direttiva, il-volum aġġustat (Vadj) ta’ appliance ta’ refriġirazzjoni huwa definiti bħala:

Vadj = ∑ Vc × Wc × Fc × Cc

Wc = (25 - Tc) / 20

where Tc is the design temperture in each compartment (in °C),

Meta Vc huwa l-volum nett ta’ tip partikolari ta’ kompartiment fl-appliance u Fc huwa fattur li huwa daqs 1,2 għall-kompartimenti mingħajr silġ u 1 għall-kompartiment l-oħra, no frost compartments and 1 for other compartments,

Cc = 1 | għall-appliances ta’ refriġerazzjoni li jappartjenu għall-klassijiet klimatici normali (N) u subnormali (SN) |

Cc = Xc | għall-appliances ta’ refriġerazzjoni li jappartjenu għall-klassijiet klimatika sub-tropikali (ST) |

Cc = Yc | għall-appliances ta’ refriġerazzjoni li jappartjenu għall-klassijiet klimatika troplikali (T) Il- |

Il-koeffiċjenti Xc u Yc għat-tipi differenti tal-kompartiment huma:

Table of weighting coefficients Xc and Yc according to the temperature of the compartment

| Xc | Yc |

Kompartiment ta’ isfel | 1,25 | 1,35 |

Kompartiment ta’ l-ikel frisk | 1,20 | 1,30 |

Kompartiment 0 °C | 1,15 | 1,25 |

Kompartiment bla stilla | 1,15 | 1,25 |

Kompartiment stilla 1 (*) | 1,12 | 1,20 |

Kompartiment żewġ stillel (**) | 1,08 | 1,15 |

Kompartiment 3 (***) u 4-star (****) stillel | 1,05 | 1,10 |

Kemm il-volum aġġustat u l-volum nett huma espressi f’litri.

Il-konsum ta’ l-elettriku massimu permissibbli (Emas espress f’kWh kull 24 siegħa kalkulat sa żewġ postijiet deċimali), għal tip ta’ appliance b’volum aġġustat Vadj huwa mfisser bl-ekwazzjonijiet li ġejjin għal kull kategorija ta’ appliance:

Category | Description | Emax (kWh/24 h) |

1 | Friġġ, mingħhajr kompartiment għall-temparatura baxxa | (0,207 × Vadj + 218) / 365 |

2 | Friġġ/kessieħa, b’kompartiment b’ 5 °C /jew 12 °C | (0,207 × Vadj + 218) / 365 |

3 | Friġġ, bla kompartiment għall-temparatura baxxa mingħajr stilla | (0,207 × Vadj + 218) / 365 |

4 | Friġġ, b’kompartiment għat-temparatura baxxa (*) | (0,557 × Vadj + 166) / 365 |

5 | Friġġ, b’kompartiment għat-temparatura baxxa (**) | (0,402 × Vadj + 219) / 365 |

6 | Friġġ, b’kompartiment għat-temparatura baxxa (***) | (0,573 × Vadj + 206) / 365 |

7 | Friġġ, b’kompartiment għat-temparatura baxxat (****) | (0,697 × Vadj + 272) / 365 |

8 | Friżer ta’ l-ikel, wieqaf | (0,434 × Vadj + 262) / 365 |

9 | Friżer ta’ l-ikel, chest | (0,480 × Vadj + 195) / 365 |

Għall-friġġijiet/friżers b’iżjed minn żewġ bibien, jew appliances oħra mhux koperti fuq, il-konsum massimu permissibbli ta’ l-elettriku (Emax) huwa determinat mit-temperatura u tip ta’ stilel tal-kompartiment bit-temperatura l-iżjed baxxa, kif ġej:

Temperatura tal-kompartiment l-aktar compartment | Kategorija | Emax (kWh/24 siegħa) |

> - 6 °C | 1/2/3 | (0,207 × Vadj + 218) / 365 |

≤ - 6 °C (*) | 4 | (0,557 × Vadj + 166) / 365 |

≤ - 12 °C (**) | 5 | (0,402 × Vadj + 219) / 365 |

≤ - 18 °C (***) | 6 | (0,573 × Vadj + 206) / 365 |

≤ - 18 °C (****) | 7 | (0,697 × Vadj + 272) / 365 |

Proċedura ta’ prova għall-verifika jekk appliance tikkonformax mal-ħtiġiet tal-konsum ta’ l-elettriku ta’ din id-Direttiva

Jekk il-konsum ta’ l-elettriku ta’ appliance ta’ refriġerazzjoni mibgħuta għall-verifika hija anqas minn jew daqs Emax (il-valur tal-konsum massimu permissibbli ta’ l-elettriku għal kategorija tagħha, kif imfisser fuq), flimkien ma 15 %, l-appliance hija ċertifikata bħala li tikkonforma mal-ħtiġiet tal-konsum ta’ l-elettriku ta’ din id-Direttiva. Jekk il-konsum ta’ l-elettriku ta’ l-appliance huwa akbar minn Emax flimkien ma 15 %, għandu jitkejjel il-konsum ta’ tliet appliances oħra. Jekk il-medja aritmetika tal-konsum ta’ l-elettriku ta’ dawn it-tliet appliances hija anqas minn jew daqs l-Emax flimkien ma 10 %, l-appliance hija ċertifikata bħala li tħares il-ħtiġiet ta’ konsum ta’ din id-Direttiva. Jekk il-medja aritmetika taqbeż iżjed minn 10 %, l-appliance għandha titqies li ma tħarisx il-ħtiġiet ta’ konsum ta’ l-elettriku ta’ din d-Direttiva.

Definizzjonijiet

Il-kliem użat f’dan l-Anness jikkorrispondi mad-definizzjonijiet fis-Standard Ewropew EN 153 ta’ Lulju 1995 preskritti mill-Kumitat Ewropew għall-Istandardizzazzjoni.

[1] Kull kompartiment b’temperatura ta’ jew anqas minn - 6 °C

--------------------------------------------------

ANNESS II

PROĊEDURI TA' STIMA TA' KONFORMITÀ

1. Dan il-modulu jiddeskrivi l-proċeduri meta l-manifattur jew ir-rappreżentant awtorizzat tiegħu stabbilit ġewwa l-Komunità, li jaqdi l-obbligi preskritti fil-punt 2, jiżgura u jiddikjara li l-appliance ta' refriġerazzjoni jissodisfa l-ħtiġiet rilevanti ta' din id-Direttiva. Dan il-manifattur għandu jwaħħal il-marka "CE" għal kull appliance ta' refriġerazzjoni li huwa jimmanifattura u jagħmel dikjarazzjoni ta' konformità bil-miktub.

2. Il-manifattur għandu jistabbilixxi d-dokumentazzjoni teknika deskritt fil-paragrafu 3 u huwa jew r-rappreżentant awtorizzat tiegħu stabbilit ġewwa l-Komunità u għandu jżomm għad-disposizzjoni ta' l-awtoritajiet nazzjonali rilevanti għall-finijiet ta' spezzjoni għall-perjodu ta' mhux anqas minn tliet snin mid-data meta l-aħħar appliance kienet manufatturata.

Meta la l-manifattur u lanqas ir-rappreżentant awtorizzat ma huma stabbiliti ġewwa l-Komunità, l-obbligu li tinżamm id-dokumentazzjoni teknika disponibbli huwa r-responsabbiltà tal-persuna li tqiegħed l-appliance ta' refriġerazzjoni fis-suq tal-Komunità.

3. Id-dokumentazzjoni teknika għandha tiżgura l-konformità ta' l-appliance tar-refriġerazzjoni mal-ħtiġiet ta' din id-Direttiva li għandha tkun stmata. Għandha, safejn rilevanti għal din l-istima, tkopri d-disinn, il-manifattura u l-operazzjoni ta' l-appliance ta' refriġerazzjoni u jikkomprendu:

(i) l-isem u l-indirizz tal-manifattur;

(ii) deskrizzjoni ġenerali tal-mudell biżżejjed għall-identifikazzjoni mhux ambigwa;

(iii) informazzjoni inkluż tpinġijiet kif rilevanti, fuq il-karatteristiċi ewlenin tad-disinn tal-mudell u partikolarment fuq oġġetti li jaffettwaw sewwa l-konsum ta' l-elettriku tiegħu, bħad-dimensjonijiet, volum(i), karatteristiċi tal-kompressur, karatteristiċi speċjal, eċċ.;

(iv) l-istruzzjonijiet ta' ħidma, jekk hemm;

(v) ir-riżultati tal-qisien tal-konsum ta' l-elettriku magħmula kif meħtieġ fil-punt 5;

(vi) dettalji ta' konformità ta' dawn il-ħtiġiet kif paragunati mal-ħtiġiet ta' konsum ta' l-enerġija kif mfissra fl-Anness I.

4. Dokumentazzjoni teknika stabbilita għal-leġislazzjoni oħra Komunitarja tista' tintuża safejn tħares il-ħtiġiet ta' dan l-Anness.

5. Manifatturi ta' appliances ta' refriġerazzjoni huma responsabbli biex ikun stabbilit il-konsum ta' l-elettriku ta' kull appliance ta' refriġerazzjoni koperta b'din id-Direttiva skond il-proċeduri speċifikati fl-Istandard Ewropew EN 153, kif ukoll il-konformità ta' l-appliance mal-ħtiġiet ta' l-Artikolu 2.

6. Il-manifattur jew ir-rappreżentant awtorizzat tiegħu għandhom iżommu kopja tad-dikjarazzjoni ta' konformità mad-dokumentazzjoni teknika.

7. Il-manifattur għandu jieħu l-miżuri kollha biex il-proċess ta' manifattura jiżgura li l-appliances ta' refriġerazzjoni manifatturati jikkonformaw mad-dokumentazzjoni teknika msemmija fil-punt 2 u mal-ħtiġiet rilevanti tad-Direttiva.

--------------------------------------------------

ANNESS III I

MARKA TA' KONFORMITÀ "CE"

Il-marka ta' konformità għandha tikkonsisti mill-inizjali "CE" li tieħu din il-forma:

+++++ TIFF +++++

Jekk il-marka "CE" hija mnaqqsa jew imkabbra għandhom ikunu rispettati l-proporzjonijiet mogħtija fit-tpinġija gradwata fuq.

Il-komponenti varji tal-marka "CE" għandhom ikollhom sostanzjalment l-istess dimensjoni vertikali, li ma għandhiex tkun anqas minn 5 mm.

--------------------------------------------------