Id-Deċiżjoni tal-Kunsill

tal-15 ta' Diċembru 1993

dwar il-konklużjoni tal-Konvenzjoni Qafas tan-Nazzjonijiet Uniti dwar il-Kambjamenti tal-Klima

(94/69/KE)

IL-KUNSILL TA' L-UNJONI EWROPEA,

Wara li kkunsidra t-Trattat li jistabbilixxi il-Komunitajiet Ewropej, u b'mod partikolari l-Artikolu 130s (1) flimkien ma' l-Artikolu 228(3), l-ewwel subparagrafu tiegħu,

Wara li kkunsidra l-proposta mill-Kummissjoni, [1]

Wara li kkunsidra l-opinjoni tal-Parlament Ewropew [2],

Wara li kkunsidra l-opinjoni tal-Kumitat Ekonomiku Soċjali, [3]

Billi l-Komunità u l-Istati Membri tagħha ipparteċipaw fin-negozjati mmexija mill-Kumitat tan-Negozjati Intergovernattiv kif stabbilit mill-Assemblea Generali tan-Ġnus Magħquda għall-preparazzjoni ta' Konvenzjoni Qafas dwar il-Kambjamenti fil-Klima [4];

Billi, waqt il-Konferenza tal-Ġnus Magħquda dwar l-Ambjent u l-Iżvillup f'Rio de Janeiro mit-3 sa l-14 ta'Ġunju 1992, il-Konvenzzjoni Qafas tal-Ġnus Magħquda dwar il-Kambjamenti fil-Klima kienet iffirmata mill-Komunità u L-Istati Membri kollha;

Billi l-għan aħħari tal-Konvenzjoni, kif espress fl-Artikolu 2 tagħha, huwa li jinkiseb, skond id-dispożizzjonijiet relevenati tal-Konvenzjoni, l-istabbilizzazzjoni tal-konċentrazzjoni ta' gassijiet li joħolqu l-effett serra fl-atmosfera, f'livell li jipprevjeni interferenzi antropoġeniċi perikolużi mas-sistema klimatika, f'qafas ta'żmien suffiċjenti biex l-ekosistema titħalla tadatta ruħha b'mod naturali għall-kambjamenti fil-klima, biex jiġi aċċertat li l-produzzjoni ta' l-ikel ma tkunx f'periklu u biex l-iżvilupp ekonomiku jkun jista' jimxi b'mod sostenibbli;

Billi l-Konvenzjoni, meta tiġi ratifikata, għandha torbot lill-pajjiżi żviluppati u l-partijiet kollha msemmija fl-Anness I għall-Konvenzjoni biex tieħu miżuri biex tillimita emissjonijiet antropoġeniċi ta' CO2 u gassijiet oħra li jikkawżaw l-effett serra mhux kontrollati mill-Protokoll ta' Montreal, bil-għan li jiġu rirpristinati, individwalment jew b'mod konġunt għall-livelli ta' emissjonijiet antropoġeniċi tal-1990 sa l-aħħar ta'dan id-deċennju;

Billi, meta il-Konvenzjoni kienet qed tiġi ffirmata, il-Komunità u L-Istati Membri sostnew mill-ġdid l-għan ta' l-istabbilizzazzjoni ta' l-emissjonijiet ta' CO2 għall-livelli ta' l-1990 fil-Komunità kollha, kif imsemmi fil-konklużjonijiet tal-Kunsill tad-29 ta' Ottubru 1990, 13 ta' Diċembru 1991, 5 u 26 ta' Mejju 1992;

Billi l-Konvenzjoni, skond l-Artikolu 22, hija miftuħa għar-ratifika, aċċettazzjoni jew approvazzjoni mill-Istati u minn organizzazzjonijiet reġjonali ta' integrazzjoni ekonomika li ffirmawh;

Billi għandha tittieħed azzjoni preventiva kontra l-kambjementi klimatici antropoġeniċi kemm fuq livell internazzjonali kif ukoll fuq livell nazzjonali;

Billi il-Komunità u l-Istati Membri tagħha għandhom kompetenzi f'certi mis-setturi mħarsa mill-Konvenzjoni; billi huwa neċċessarju li l-Komunità u l-Istati Membri tagħha jsiru Partijiet Kontraenti sabiex jaderixxu b'mod sħiħ għall-obligazzjonijiet kollha koperti mil-Konvenzjoni;

Billi r-rabta li tillimita l-emissjonijiet antropoġeniċi ta'CO2 kif stabbilita fl-Artikolu 4(2) tal-Konvenzjoni sa jiġu mwettqa mill-Komunitá kollha, permezz ta'azzjoniji mill-Komunità u l-Istati Membri tagħha, skond il-kompetenzi rispettivi ta' kull wieħed minnhom;

Billi l-Komunità tieħu nota li l-Istati Membri sa jieħdu l-miżuri neċessarji biex mill-aktar fis, u sa kemm huwa b'mod simultanju, id-depożitu ta' strumenti ta' ratifika jew approvazzjoni ta' l-Istati Membri u l-Komunitá,

IDDEĊIEDA DAN LI ĠEJ:

Artikolu 1

Il-Konvenzjoni Qafas tal-Ġnus Magħquda dwar il-Kambjamenti fil-Klima ffirmata f'Ġunju tal-1992 f'Rio de Janeiro qegħda permezz ta' din id-Deċiżjoni tiġi approvata f'isem il-Komunità Ewropea.

It-test tal-Konvenzjoni ta' din id-Deċiżjoni jidher fl-Anness A.

Artikolu 2

1. F'isem il-Komunità Ewropea, il-President tal-Kunsill għandu jiddeposita l-istrument ta' l-approvazzjoni mas-Segretarju Ġenerali tal-Ġnus Magħquda skond l-Artikolu 22 OJ No C 44, tas-16.2.1993, p. 1.(1) tal-Konvenzjoni.

2. Fl-istess ħin, il-President tal-Kunsill għandu jiddepożita d-dikjarazzjoni ta' kompetenza kif stabbilit fl-Anness B, skond id-dispożizzjonijiet ta'l-Artikolu 22 No C 194, tad-19.7.1993, p. 358. tal-Konvenzjoni, kif ukoll id-Dikjarazzjoni stabbilita fl-Anness Ċ.

Magħmula fi Brussel, fil-15 ta' Diċembru 1993.

F'isem il-Kunsill

Il-President

M. De Galan

[1] ĠU C 44, tas- 16.2.1993, p. 1.

[2] ĠU C 194, tad- 19.7.1993, p. 358.

[3] ĠU C 201, tas-26.7.1993, p. 1,

[4] Ir-Riżoluzzjoni 45/212 ta' l-Assemblea Ġenerali tal-Ġnus Magħquda tad-19 ta' Diċembru 1990 fuq il-protezzjoni tal-Klima globali għall-ġenerazzjonijiet futuri

--------------------------------------------------