Id-Deċiżjoni tal-Kunsill

tad-29 ta’ Mejju 1989

li tistabilixxi il-Kumitat Forestrarju Permanenti

(89/367/KEE)

IL-KUNSILL TAL-KOMUNITAJIET EWROPEJ,

Wara li kkunsidra t-Trattat li jistabbilixxi l-Komunità Ekonomika Ewropea, u b’mod partikolari l-Artikoli 43, 130s u 235 dwar dan,

Wara li kkunsidra l-proposta mill-Kummissjoni [1],

Wara li kkunsidra l-opinjoni tal-Parlament Ewropew [2],

Wara li kkonsidra l-opinjoni tal-Kumitat Ekonomiku u Soċjali [3],

Billi sforzi tal-Komunità sabiex tnaqqas il-ħruġ ta’ prodotti agrikoli li huma żejda għandhom ikunu akkumpanjati b’miżuri effettivi sabiex jitjiebu strutturi agrikoli;

Billi f’dan il-kuntest is-settur forestjarju irid jagħti kontribut ta’ importanza akbar kemm għal ħolqien ta’ sorsi alternattivi ta’ dħul fl-agrikoltura u tal-iżvillup ta’ ekosistemi forestali li jiffavorixxu l-agrikoltura;

Billi r-riżorsi ta’ msaġar fil-Komunità huma soġġetti għal numru ta’ theddid li qed jirriskjaw li jipperikolaw li jintlaħqu l-funzjonijiet ekonomiċi, ambjentali u soċjali;

Billi, madankollu, id-diversi politiki tal-Komunità jaffetwaw s-settur forestjarju u l-rwol tiegħu fil-kuntest ta’ struttura agrikola u politika għal iżvillup rurali;

Billi kooperazzjoni fil-qrib u kostanti bejn l-Istati Membri u l-Kummissjoni inkluż b’mod partikolari kull bdil ta’ informazzjoni bejn l-Istati Membri fuq sitwazzjonijiet forestjarju u żvillup u l-politiki varji tal-Komunità li jaffetwaw is-settur forestjarju huwa strument xieraq għaż-żamma ta’ l-effettività ta’ miżuri forestjarji meħuda fil-kuntest tal-istruttura agrikola u politika tal-iżvillup rurali;

Billi l-aktar triq effettivà li tintlaħaq tali kooperazzjoni huwa li jitwaqqaf Kumitat Permanenti magħmul minn rappreżentanti ta’ kull wieħed mill-Istati Membri u presedut minn kull rappreżentant tal-Kummissjoni.

ADOTTA DIN ID-DEĊIŻJONI:

L- Artikolu 1

Sabiex tiġi żgurata kooperazzjoni aktar mill-qrib u aktar kostanti fis-settur forestjarju bejn l-Istati Membri u l-Kummissjoni u b’hekk jappoġġjaw miżuri ta’ forestrija mibdija taħt l-istruttura agrikola tal-Kummissjoni u politika tal-iżvillup rurali, Kumitat Forestrarju Permanenti, minn hawn il-quddiem imsejjaħ bħala ‘il-kumitat’ huwa b’dan hawnhekk stabbilit.

L- Artikolu 2

1. Fit-teħid tal-konsiderazzjoni tal-politika u miżuri u programmi fuq forestrija tal-Istati Membri relatati ma’ dan, tar-rwol fis-settur tal-forestrija fil-kuntest ta’ struttura agrikola u politika tal-iżvillup rurali u ta’ konnessjonijiet bejn is-settur tal-forestrija u d-diversi tipi ta’ politika tal-Komunità, l-Istati Membri għandhom iżommu lil kull wieħed minnhom infurmati, fi ħdan il-Komunità, tas-sitwazzjoni u żvillupi fis-settur tal-forestrija u politiki rilevanti.

2. Il-Kummissjoni tista’ tikkonsulta l-kumitat fuq kull kwistjoni jew aspett rigward is-settur tal-forestrija mill-varji tipi ta’ politiki tal-Komunità kemm fuq inizjattiva tagħha stess jew fuq talba tar-rappreżentant ta’ kull Stat Membru.

3. Il-Kunsill, li jaġixxi fuq kull proposta mill-Kummissjoni jista’ jagħti xogħol ieħor lill-kumitat fir-rigward ta’ miżuri tal-Komunità li jaffetwaw is-settur tal-forestrija.

L- Artikolu 3

Il-kumitat għandu jkun magħmul minn rappreżentatanti tal-Istati Membri. Għandu jkun presedut minn kull rappreżentant tal-Kummissjoni.

Is-segretarjat tal-kumitat għandu jkun provdut mill-Kummissjoni.

Il-kumitat għandu jadotta r-regoli tiegħu ta’ proċedura.

L- Artikolu 4

Tali Deċiżjoni hija indirizzata lill-Istati Membri.

Magħmul fi Brussel, fid-29 ta’ Mejju 1989.

Għall-Kunsill

Il-President

C. Romero Herrera

[1] ĠU C 312, tas-7.12.1988, p. 11.

[2] Opinjoni mgħoddija fis-26 ta’ Mejju 1989 (għada mhux ippubblikata fil-Ġurnal Uffiċjali).

[3] ĠU C 139, tal-5.6.1989, p. 15.

--------------------------------------------------