Ir-Regolament tal-Kunsill (KEE) Nru 3021/81

tad-19 ta' Ottubru 1981

li jaddatta, minħabba l-adeżjoni tal-Greċja, ir-Regolament (KEE) Nru 1108/70 li jintroduċi sistema ta' kontabilità għall-ispiża fuq infrastruttura f'dak li għandu x'jaqsam mat-trasport bil-ferrovija, bit-triq u bil-passaġġi fuq l-ilma interni

IL-KUNSILL TAL-KOMUNITAJIET EWROPEJ

Wara li kkunsidra t-Trattat li jistabbilixxi l-Komunità Ekonomika Ewropea, u b'mod partikolari l-Artikolu 75 tiegħu,

Wara li kkunsidra l-proposta mill-Kummissjoni,

Wara li kkunsidra l-opinjoni tal-Parlament Ewropew [1],

Billi l-Kunsill ikkonsulta mal-Kumitat Ekonomiku u Soċjali dwar il-proposta tal-Kummissjoni skond l-Artikolu 198, l-ewwel paragrafu, tat-Trattat; billi l-Kumitat ma kienx f'pożizzjoni li jissottometti l-opinjoni tiegħu fil-limitu taż-żmien stabbilit mill-Kunsill; billi l-Artikolu 198, it-tieni paragrafu, tat-Trattat jippermetti li l-Kunsill jieħu azzjoni ulterjuri fin-nuqqas ta' opinjoni; billi l-Kunsill iħoss li għandu jinqeda minn din il-possibbiltà minħabba l-importanza li jiġu adottati malajr l-emendi meħtieġa;

Billi r-Regolament (KEE) Nru 1108/70 [2], kif emendat mir-Regolament (KEE) Nru 1384/79 [3], għandu jiġi addattat sabiex jinkludi in-network tal-ferroviji fil-Greċja fl-Anness tiegħu,

ADOTTA DAN IR-REGOLAMENT:

L-Artikolu 1

Dan li ġej għandu jiġi miżjud ma' l-Iskeda fl-Anness II tar-Regolament (KEE) Nru 1108/70 taħt il-punt "A.1. LINJI TAL-FERROVIJI - Networks prinċipali", wara l-iskrizzjoni "Ir-Repubblika Federali tal-Ġermanja":

"Ir-Repubblika Ellenika

- Όργανισμός Σιδηροδρόμων Έλλάδος Α.Ε. (ΟΣΕ)"

.

L-Artikolu 2

Dan ir-Regolament għandu jidħol fis-seħħ fil-jum ta' wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Għandu japplika b'effett mill-1 ta' Jannar 1981.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fil-Lussemburgu, fid-19 ta' Ottubru 1981.

Għall-Kunsill

Il-President

P. Walker

[1] ĠU C 144, tal-15.6.1981, p. 36.

[2] ĠU L 130, tal-15.6.1970, p. 4.

[3] ĠU L 167, tal-5.7.1979, p. 1.

--------------------------------------------------