EUR-Lex Access to European Union law

Back to EUR-Lex homepage

This document is an excerpt from the EUR-Lex website

Document 31975L0322

Id-Direttiva tal-Kunsill ta’ l-20 ta’ Mejju 1975 fuq l-approssimazzjoni tal-liġijiet ta’ l-Istati Membri rigward is-suppressjoni ta’ interferenza tar-radju prodotta minn magni spark-ignition mgħammra fuq tratturi bir-roti għall-agrikoltura jew għall-forestrija

OJ L 147, 9.6.1975, p. 28–37 (DA, DE, EN, FR, IT, NL)
Greek special edition: Chapter 13 Volume 003 P. 80 - 89
Spanish special edition: Chapter 13 Volume 004 P. 107 - 116
Portuguese special edition: Chapter 13 Volume 004 P. 107 - 116
Special edition in Finnish: Chapter 13 Volume 004 P. 113 - 122
Special edition in Swedish: Chapter 13 Volume 004 P. 113 - 122
Special edition in Czech: Chapter 13 Volume 002 P. 180 - 189
Special edition in Estonian: Chapter 13 Volume 002 P. 180 - 189
Special edition in Latvian: Chapter 13 Volume 002 P. 180 - 189
Special edition in Lithuanian: Chapter 13 Volume 002 P. 180 - 189
Special edition in Hungarian Chapter 13 Volume 002 P. 180 - 189
Special edition in Maltese: Chapter 13 Volume 002 P. 180 - 189
Special edition in Polish: Chapter 13 Volume 002 P. 180 - 189
Special edition in Slovak: Chapter 13 Volume 002 P. 180 - 189
Special edition in Slovene: Chapter 13 Volume 002 P. 180 - 189
Special edition in Bulgarian: Chapter 13 Volume 002 P. 115 - 124
Special edition in Romanian: Chapter 13 Volume 002 P. 115 - 124

Legal status of the document No longer in force, Date of end of validity: 31/12/2009; Imħassar b' 32009L0064

ELI: http://data.europa.eu/eli/dir/1975/322/oj

31975L0322



Official Journal L 147 , 09/06/1975 P. 0028 - 0037
Finnish special edition: Chapter 13 Volume 4 P. 0113
Greek special edition: Chapter 13 Volume 3 P. 0080
Swedish special edition: Chapter 13 Volume 4 P. 0113
Spanish special edition: Chapter 13 Volume 4 P. 0107
Portuguese special edition Chapter 13 Volume 4 P. 0107


Id-Direttiva tal-Kunsill

ta’ l-20 ta’ Mejju 1975

fuq l-approssimazzjoni tal-liġijiet ta’ l-Istati Membri rigward is-suppressjoni ta’ interferenza tar-radju prodotta minn magni spark-ignition mgħammra fuq tratturi bir-roti għall-agrikoltura jew għall-forestrija

(75/322/KEE)

IL-KUNSILL TAL-KOMUNITAJIET EWROPEJ,

Wara li kkunsidra t-Trattat li jistabbilixxi l-Komunità Ekonomika Ewropea, u partikolarment l-Artikolu 100 tiegħu;

Wara li kkunsidra l-proposta mill-Kummissjoni;

Wara li kkunsidra l-Opinjoni tal-Parlament Ewropew [1];

Wara li kkunsidra l-Opinjoni tal-Kumitat Ekonomiku u Soċjali [2];

Billi l-ħtiġijiet tekniċi li għandhom jikkonformaw magħhom t-tratturi bi qbil ma’ liġijiet nazzjonali jirrelataw, inter alia, mas-suppressjoni ta’ interferenza tar-radju;

Billi dawn il-ħtieġijiet ivarjaw minn Stat Membru għall-ieħor; billi għalhekk huwa meħtieġ li l-Istati Membri kollha jadottaw l-istess ħtiġijiet jew bħala żieda ma’ jew minflok ir-regoli eżistenti tagħhom, sabiex partikolarment jippermettu proċedura ta’ approvazzjoni tat-tip tal-KEE li kienet suġġetta għad-Direttiva tal-Kunsill Nru 74/150/KEE [3] ta’ l-4 ta’ Marzu 1974 fuq l-approssimazzjoni tal-liġijiet ta’ l-Istati Membri dwar l-approvazzjoni ta’ tratturi bir-roti għall-agrikoltura jew għall-forestrija li għandhom japplikaw għal kull tip ta’ trattur,

ADOTTA DIN ID-DIRETTIVA:

Artikolu 1

1. "Trattur għall-agrikoltura jew għall-forestrija" tfisser kull vettura bil-mutur mgħammra bir-roti jew tracks mingħajr tarf, li jkollha talanqas żewġ fusien, li l-funzjoni prinċipali tagħha tkun il-qawwa tal-ġibda u li tkun iddisinjata speċifikatament biex tiġbed, timbotta, iġġorr jew tħaddem ċerti power tools, makkinarju jew karrijiet maħsuba użati għall-agrikoltura jew għall-forestrija. Din tista’ tkun mgħammra biex iġġorr tagħbija u passiġġieri.

2. Din id-Direttiva għandha tapplika biss għal tratturi definiti fil-paragrafu ta’ qabel, mgħammra b’roti pnewmatiċi u li għandhom żewġ fusien u veloċità massima skond id-disinn ta’ bejn 6 u 25 km/siegħa u magni spark-ignition.

Artikolu 2

L-ebda Stat Membru ma jista’ jirrifjuta li jagħti approvazzjoni tat-tip tal-KEE jew approvazzjoni tat-tip nazzjonali ta’ trattur fuq bażi ta’ l-interferenza tar-radju prodotta mis-sistema spark-ignition tal-magna ta’ propulsjoni tagħha jekk dawn il-muturi tal-ħart huma mgħammra b’tagħmir ta’ suppressjoni ta’ interferenza li jħares il-ħtiġijiet ta’ l-Annessi.

Artikolu 3

L-ebda Stat Membru ma jista’ jirrifjuta r-reġistrazzjoni jew jipprojbixxi l-bejgħ, dħul fis-servizz jew l-użu ta’ trattur fuq bażi ta’ l-interferenza tar-radju prodotta mis-sistema spark-ignition tal-magna ta’ propulsjoni tagħha jekk dawn it-tratturi huma mgħammra b’tagħmir ta’ suppressjoni ta’ interferenza li jħares il-ħtiġijiet ta’ l-Annessi.

Artikolu 4

Stat Membru li ta’ approvazzjoni tat-tip għandu jieħu l-miżuri meħtieġa biex ikun infurmat minn kull modifikazzjoni ta’ xi parti jew karatteristika msemmija f’ 2.2 -Anness I. L-awtoritajiet kompetenti ta’ dak l-Istat għandhom jiddeterminaw jekk għandhomx isiru testijiet ġodda fuq it-tip modifikat tat-trattur u jitħejja rapport ġdid. Fejn dawn it-testijiet juru nuqqas ta’ konformità mal-ħtieġijiet ta’ din id-Direttiva, il-modifikazzjoni ma għandiex tkun approvata.

Artikolu 5

L-emendi meħtieġa biex ikunu adattati l-ħtieġijiet ta’ l-Anness għall-progress tekniku għandhom ikunu adottati skond il-proċedura mniżżla fl-Artikolu 13 tad-Direttiva Nru 74/150/KEE.

Artikolu 6

1. L-Istati Membri għandhom iġibu fis-seħħ id-dispożizzjonijiet meħtieġa biex ikunu konformi ma’ din id-Direttiva fi żmien 18-il xahar min-notifika tagħha u minnufih javżaw lill-Kummissjoni dwar dan.

2. L-Istati Membri għandhom jiżguraw li t-test tad-dispożizzjonijiet ewlenin tal-liġi nazzjonali li huma jadottaw fil-qasam kopert minn din id-Direttiva huma komunikati lill-Kummissjoni.

Artikolu 7

Din id-Direttiva hija indirizzata lill-Istati Membri.

Magħmula fi Brussel, fl-20 ta’ Mejju 1975.

Għall-Kunsill

Il-President

R. Ryan

[1] ĠU Ċ 160, 18.12.1969, p. 29.

[2] ĠU Ċ 48, 16.4.1969, p. 21.

[3] ĠU L 84, 28.3.1974, p. 10.

--------------------------------------------------

ANNESS I [1]

DEFINIZZJONIJIET, APPLIKAZZJONIJIET GĦALL-APPROVAZZJONI TAT-TIP TAL-KEE, MARKI, APPROVAZZJONI TAT-TIP TAL-KEE, SPEĊIFIKAZZJONIJIET, TESTIJIET, KONFORMITà TAL-PRODUZZJONI

(1.) 2. DEFINIZZJONIJIET

Għall-għanijiet ta’ din id-Direttiva,

(2.1) 2.2. "Tip ta’ trattur rigward suppressjoni ta’ interferenza tar-radju" ifisser tratturi li mhumiex daqshekk differenti fuq rispetti essenzjali bħal: 2.2.1. Il-forom u l-materjali kostitwenti tal-parti tal-body li jiffurmaw l-kompartiment tal-magna u l-parti tal-kompartiment tal-passiġġier l-eqreb tagħha.

2.2.1. Il-forom u l-materjali kostituttivi tal-parti tal-korp li jifforma l-kompartiment tal-magna u l-parti tal-kompartiment tal-passġġieri l-eqreb lejh

2.2.2. It-tip ta’ magna (kemm jekk two- jew four-stroke, numru u l-kapaċità taċ-ċilindri, numru t’ karburaturi, arranġament tal-valvoli, saħħa massima u r-r.p.m. li jikkorrospondu).

2.2.3. Il-pożizzjoni jew l-mudell tal-komponenti taċ-ċirkwit biex tixgħel (coil, distributor, sparking plugs, screening, eċċ.).

2.2.4. Il-pożizzjoni tal-komponenti tal-metall li jinsabu fil-kompartiment tal-magna (e.g. strumenti li jsaħħnu, rota żejda, filtru ta’ l-arja, eċċ.).

2.3. "Limitazzjoni ta’ interferenza tar-radju" tfisser tnaqqis fl-interferenza tar-radju fil-meded ta’ frekwenza tax-xandir u tat-televiżjoni għal livell li għalih ma jkunx hemm interferenza li tinħass fil-funzjoni tar-riċevituri li mhumiex jinġarru mill-vettura nnifisha; din il-kondizzjoni tkun imħarsa jekk il-livell ta’ interferenza jibqa’ taħt il-limiti stabbiliti hawn taħt fis-6.2.2;

2.4. "Tagħmir ta’ suppressjoni ta’ interferenza tar-radju" ifisser set komplut ta’ komponenti meħtieġa biex inaqqsu l-interferenza tar-radjumis-sistema li tixgħel it--trattur. Tagħmir ta’ suppressjoni ta’ interferenza tar-radju jinkludi wkoll strippi ta’ l-earthing u komponenti ta’ screening inkorporati speċjalment għas-suppressjoni ta’ l-interferenza tar-radju;

2.5. "Tagħmir ta’ suppressjoni ta’ tipi differenti" ifisser settijiet ta’ tagħmir li huma differenti f’dawn ir-rispetti essenzjali: 2.5.1. Li l-komponenti tagħhom għandhom ismijiet jew marki tal-kummerċ differenti.

2.5.1. Li l-komponenti tagħhom ikollhom ismijiet tad-ditta jew marki differenti.

2.5.2. Li l-karatteristiċi ta’ "frekwenza għolja" ta’ komponent huma differenti jew il-komponenti tagħhom ivarjaw fil-forma jew fid-daqs.

2.5.3. Li l-prinċipji operattivi ta’ mill-inqas komponent wieħed huma differenti.

2.5.4. Li l-komponenti tagħhom huma mqiegħdin flimkien b’mod differenti.

2.6. "Komponent tat-tagħmir ta’ suppressjoni" jfisser wieħed mill-partijiet individwali kostitwenti tat-tagħmir ta’ suppressjoni.

3. APPLIKAZZJONI GĦALL-APPROVAZZJONI TAT-TIP TAL-KEE

3.1. L-applikazzjoni għall-approvazzjoni tat-tip tal-KEE ta’ tip ta’ trattur rigward is-suppressjoni ta’ interferenza tar-radju għandha tiġi sottomessa mill-manifattur tal-vettura jew mir-rappreżentant awtoriżżat tiegħu.

3.2. Għandha tkun akkumpanjata mid-dokumenti li ġejjin fi tlett kopji u bid-dettalji li ġejjin:

3.2.1. Deskrizzjoni tat-tip tattrattur rigward l-affarijiet msemmija fi 2.2 hawn fuq, akkumpanjata minn vista miftuħa jew rittratt tal-kompartiment tal-magna. In-numri u/jew is-simboli li jidentifikaw it-tip ta’ magna u t-tip ta’ trattur għandhom jintwerew.

3.2.2. Lista ta’ komponenti, li jintgħarfu sew, li jikkostitwixxu t-tagħmir tas-suppressjoni ta’ l-interferenza tar-radju.

3.2.3. Disinji dettaljati ta’ kull komponent sabiex jinstab u jintgħaraf faċilment.

3.2.4. Dettalji tal-valur nominali tar-reżistenzi tal-kurrent dirett, u, fil-każ ta’ cables reżistivi ta’ l-ignition, tar-resistenza nominali tagħhom kull metru.

3.3. Barra minn hekk, l-applikazzjoni għall-approvazzjoni tat-tip tal-KEE għandha tkun akkumpanjata minn kampjun tat-tagħmir għas-suppressjoni ta’ l-interferenza tar-radju.

3.4. Vettura rappreżentattiva tat-tip ta’ tratturt- sabiex tkun approvata għandha tiġi sottomessa lis-servizz tekniku responsabbli għat-testijiet ta’ l-approvazzjoni tat-tip.

4. MARKI

4.1. Il-komponenti tat-tagħmir għas-suppressjoni ta’ l-interferenza tar-radji għandu jkollhom:

4.1.1. L-isem jew il-marka tal-kummerċ tal-manifatturi tat-tagħmir u l-komponenti tiegħu.

4.1.2. Id-deskrizzjoni tal-kummerċ mogħtija mill-manifattur.

4.2. Il-marki għandhom jkunu repetuti fuq il-cables tas-suppressjoni ta’ l-inteferenza tar-radju f’intervalli ta’ mhux iktar minn tnax-il ċentimetru.

4.3. Dawn il-marki għandhom ikunu leġġibbli u ma jitħassrux.

5. APPROVAZZJONI TAT-TIP

(5.1.) (5.2.) 5.3. Formula li taqbel mal-mudell ta’ l-Anness IV għandha tkun mehmuża maċ-ċertifikat ta’ l-approvazzjoni tat-tip tal-KEE.

(5.4.) (5.5.) (5.6.) 6. SPEĊIFIKAZZJONIJIET

6.1. Speċifikazzjonijiet ġenerali

Il-komponenti tat-tagħmir għas-suppressjoni ta’ l-interferenza tar-radju għandhom ikunu hekk iddisinjati, mibnija u mwaħħla b’ tali mod li jippermettu t-trattur, f’kondizzjonijiet normali ta’ użu, li jħares il-ħtiġijiet ta’ din id-Direttiva.

6.2. Speċifikazzjonijiet li jikkonċernaw interferenza tar-radju

6.2.1. Mod ta’ kejl

Ir-radjazzjoni ta’ interferenza mwaqqfa mit-tip ta’ trattur li ġiet sottomessa għall-approvazzjoni għandha titkejjel mill-metodu deskritt fl-Anness II.

6.2.2. Limiti ta’ referenza

6.2.2.1. Il-limiti tar-radjazzjoni bbażati fuq il-kejl quasi-peak għandhom ikunu ta’ 50 V/m fil-medda ta’ frekwenza 40-75 MHz u 50-120/Vm fil-medda ta’ frekwenza 75-250 MHz, dan il-limitu jiżdied linearment mal-frekwenzi ‘l fuq minn 75 MHz.

6.2.2.2. Jekk il-kejl isir b’tagħmir li jkejjel il-peak, il-qari, espress f’/Vm, għandu jkun maqsum f’10.

6.2.3. Fuq it-tip ta’ trattur li ġie sottomess għall-approvazzjoni rigward is-suppressjoni ta’ interferenza tar-radju, il-valuri mkejla ma għandhomx ikunu inqas minn 20 fil-mija taħt il-limiti ta’ referenza.

7. TESTIJIET

Konformità mal-ħtiġijiet ta’sezzjoni 6 hawn fuq għandhom ikunu spezzjonati skond il-metodu muri fl-Anness II.

(8.) 9. KONFORMITÀ TAL-PRODUZZJONI

(9.1.) 9.2. Meta l-konformità tat-trattur meħud mis-serje qed ikun verifikat, il-produzzjoni titqies li hija konformi mal-ħtiġijiet ta’ din id-Direttiva jekk il-livelli mkejla ma jaqbżux b’iktar minn 25 % il-limiti preskritti fis-6.2.2.

9.3. Jekk mill-inqas wieħed mill-livelli mkejla fuq it-trattur meħud mis-serje jaqbeż il-limiti preskritti fis-6.2.2. b’aktar minn 25 %, il-manifattur jista’ jitlob li l-kejl isir fuq kampjun ta’ mill-inqas sitt tratturi meħuda mis-serje. Ir-riżultati ta’ kull medda ta’ frekwenza għandhom ikunu interpretati bil-metodu ta’ statistika muri fl-Anness III.

[1] It-test ta’ l-Annessi jikkorrospondi ma’ dak tad-Direttiva tal-Kunsill 72/245/KEE ta’ l-20 ta’ Ġunju 1972 fuq l-approssimazzjoni tal-liġijiet ta’ l-Istati Membri rigward is-suppressjoni ta’ interferenza tar-radju prodott mill-magni mgħammra fil-vetturi bil-mutur li jixgħelu bl-ispark (ĠU L 152, tas-6.7.1972, p. 15).

--------------------------------------------------

ANNESS II

METODU TA’ KEJL TA’ INTERFERENZA TAR-RADJU PRODOTT MINN SISTEMI LI JIXGĦELU B’VULTAĠĠ GĦOLI

1. APPARAT BIEX IKEJJEL

It-tagħmir li jkejjel għandu jkun konformi mall-ħtiġijiet tal-Pubblikazzjoni Nru 2 (l-ewwel edizzjoni, 1961) tal-Kumitat Speċjali Internazzjonali draw l-Interferenza tar-Radju (CISPR) jew ma’ l-ispeċifikazzjonijiet applikabbli ma’ l-apparat tat-tip li jkejjel il-peak mogħti fil-Pubblikazzjoni Nru 5 tas-CISPR (l-ewwel edizzjoni, 1967).

Nota:

Fejn it-tagħmir disponibbli majilħaqxkompletament l-ispeċifikazzjonijiet tas-CISPR, id-diskrepanzi jridu jkunu msemmija b’mod ċar.

2. ESPRESSJONI TAR-RIŻULTATI

120

B

b’fattur

3. POST FEJN ISIR IL-KEJL

Il-post fejn isir il-kejl għandu jkun fil-wità u jkun ħieles minn uċuh li jirriflettu l-mewġ ġewwa ellissi li għandha assi maġġuri ta’ 20m u assi minuri ta’ 17 73m. L-antenna u ċ-ċentru tal-magna jridu jkunu fuq l-assi maġġuri ta’ l-ellissi, il-pjan tas-simetrija tat-trattur jkun parallel ma’ l-assi minuri. L-antenna u l-punt ta’ intersezzjoni tal-ġenb tal-magna l-eqreb lejn l-antenna bl-assi maġġuri jridu jkunu kollha fil-punt fokali ta’ l-ellissi. Is-set tal-kejl, jew l-għarix tat-test jew il-vettura li fiha jinsab is-set, jista’ jkun ġewwa l-ellissi imma orizzontali mhux eqreb minn 3m lejn l-antenna, f’direzzjoni opposta mit-trattur li qed jitkejjel. Aktar minn hekk, l-assenza ta’ xi rrelevanza jew sinjal li jista’ jaffettwa materjalment il-kejl trd tkun żgurata; għalhekk issir spezzjoni, bil-magna wieqfa, qabel u wara li jittieħed il-kejl, li jista’ jkun ikkunsidrat sodisfaċenti biss jekk il-qari huwa mill-inqas 10dB aktar mill-ogħla qari miksub mill-ispezzjonijiet ta’ qabel u wara l-kejl.

4. TRATTUR

4.1. It-tagħmir elettriku anċillari meħtieġ biss biex taħdem il-magna għandu jkun operat.

4.2. Il-magna għandu jkollha temperatura normali ta’ l-operazzjoni tagħha. Matul kull kejl, il-magna għandha titħaddem kif ġej:

Numru ta’ ċilindri | Metodu ta’ kejl |

Peak | Quasi-peak |

Wieħed | ‘l fuq minn idling | 2500 r.p.m. |

Iktar minn wieħed | ‘l fuq minn idling | 1500 r.p.m. |

4.3. Il-kejl ma għandux isir waqt li nieżla x-xita fuq il-vettura jew matul l-ewwel 10 minuti wara li waqfet ix-xita.

5. ANTENNA

5.1. Għoli

Iċ-ċentru tad-dipole għandu jkun 3m ‘l fuq mill-art.

5.2. Distanza tal-kejl

Id-distanza orizzontali mill-antenna għall-eqreb parti tal-metall tat-trattur għandha tkun 10m.

5.3. Il-post ta’ l-antenna b’rispett tat-trattur

L-antenna għandha titpoġġa suċċessivament fuq in-naħat tax-xellug u tal-lemin tat-trattur f’żewġ posizzjonijiet ta’ kejl, b’aerial parallel mal-pjan tas-simmetrija tat-tractor u in linea mal-magna. (Ara l-Appendiċi ta’ dan l-Anness).

5.4. Pożizzjoni ta’ l-antenna

F’kull wieħed mill-punti tal-kejl, il-qari għandu jittieħed bid-dipole fil-pożizzjoni orizzontali u vertikali. (Ara l-Appendiċi ta’ dan l-Anness).

5.5. Qari

Il-massimu ta’ erba’ qari għandhu jittieħedu bħala l-qari karatteristiku fuq il-frekwenza li fuqha ttieħed il-kejl.

6. FREKWENZI

Il-kejl għandu jsir fil-medda ta’ bejn 40 u 250MHz. Trattur huwa kkunsidrat li x’aktarx iħares il-limiti meħtieġa tas-suppressjoni fuq il-medda kollha tal-frekwenza jekk jilħaqhom fuq dawk is-sitt frekwenzi li ġejjin: 45, 65, 90, 150, 180 u 220 (± 5 MHz) (It-tolleranza ta’ 5 MHz għas-sitt frekwenzi magħżula għandha tagħmilha possibbli li tkun evitata interferenza minn trasmissjonijiet li joperaw fuq frekwenzi nominali).

--------------------------------------------------

Appendiċi

DIREZZJONI TA’ L-ANTENNA B’RISPETT GĦAT-TRATTUR

Eżempju

+++++ TIFF +++++

+++++ TIFF +++++

--------------------------------------------------

ANNESS III

METODU TA’ STATISTIKA LI JISPEZZJONA S-SUPPRESSJONI TA’ INTERFERENZA TAR-RADJU

x

+ kS

≤ L

fejn

x

- = il-medja aritmetika tar-riżultati ta’ n tratturi

n = 6 | 7 | 8 | 9 | 10 | 11 | 12 |

k = 1.42 | 1.35 | 1.30 | 1.27 | 1.24 | 1.21 | 1.20 |

k =

Sn = id-devjazzjoni standard tar-riżultati fuq n tratturi

Sn2 Σ

/

n − 1

x = riżultat individwali

L = limitu speċifikat

x

- u L espressi f’dB (μV/m)

Jekk l-ewwel kampjun ta’ n tratturi ma jħarisx l-ispeċifikazzjoni, it-tieni kampjun ta’ n tratturi għandu jkun ittestjat u r-riżultati globali jitqiesu li ġejjin minn kampjun ta’ 2n tratturi.

--------------------------------------------------

ANNESS IV

+++++ TIFF +++++

--------------------------------------------------

Top