Id-Direttiva tal-Kunsill

tas-6 ta’ Frar 1970

dwar l-approssimazzjoni tal-liġijiet ta’ l-Istati Membri li għandhom x’jaqsmu ma’ l-approvazzjoni tat-tip ta’ vetturi bil-mutur u l-karrijiet tagħhom

(70/156/KEE)

IL-KUNSILL TAL-KOMUNITAJIET EWROPEJ,

Wara li kkunsidra t-Trattat li jistabbilixxi l-Komunità Ekonomika Ewropea, u b’mod partikolari l-Artikolu 100 tiegħu;

Wara li kkunsidra l-proposta tal-Kummissjoni;

Wara li kkunsidra l-Opinjoni tal-Parlament Ewropew [1];

Wara li kkunsidra l-Opinjoni tal-Kumitat Ekonomiku u Soċjali [2],

Billi f’kull Stat Membru l-vetturi bil-mutur, intiżi għal ġarr ta’ merkanzija u ta’ passiġġieri, għandhom ikunu konformi ma ċerti kondizzjonijiet tekniċi mandatorji; billi kondizzjonijiet bħal dawn huma differenti minn Stat Membru għall-ieħor u konsegwentementi ifixklu l-kummerċ fil-Komunità Ekonomika Ewropea;

Billi tfixkil bħal dan għall-istabilizzar u t-tħaddim xieraq tas-suq komuni jista’ jitnaqqas u anke jiġi eliminat jekk l-Istati Membri kollha jadottaw l-istess kondizzjonijiet, jew bħala żieda jew minflok il-liġijiet eżistenti tagħhom;

Billi hija l-prattika stabbilita ta’ l-Istati Membri li jivverifikaw li l-vetturi jkunu konformi mal-kondizzjonijiet tekniċi relevanti qabel dawn jitpoġġew fis-suq; billi dan l-ivverifikar isir fuq it-tipi ta’ vetturi;

Billi l-kondizzjonijiet tekniċi armonizzati applikabbli għall-partijiet u l-karatteristiċi individwali ta’ vettura għandhom jiġu speċifikati f’Direttivi separati;

Billi fuq livell Komunitarju, huwa neċessarju li tkun introdotta proċedura ta’ l-approvazzjoni tat-tip tal-Komunità għal kull tip ta’ vettura, sabiex tkun tista’ tiġi vverifikata l-konformità mal-kondizzjonijiet ta’ hawn fuq, u sabiex kull Stat Membru jkun jista’ jirrikonoxxi l-kontrolli li jkunu saru mill-Istati Membri l-oħrajn;

Billi, dik il-proċedura għandha tippermetti lil kull Stat Membru li jaċċerta jekk tip ta’ vettura ikuns għadda mill-kontrolli stabiliti b’Direttiva separata u elenkati f’ċertifikat ta’ l-approvazzjoni tat-tip; billi, dik il-proċedura għandha tippermetti lill-fabbrikant li jwettaq b’ċertifikat tal-konformità l-vetturi kollha li jkunu konformi ma’ tip approvat; billi, vettura li jkollha ċertifikat bħal dan, għandha tkun meqjusa mill-Istati Membri kollha bħala konformi mal-liġijiet tagħhom; billi kull Stat Membu għandu jinforma lill-Istati Membri l-oħrajn bis-sejbiet tiegħu billi jibgħat kopja taċ-ċertifikat ta’ l-approvazzjoni tat-tip komplut għal kull tip ta’ vettura li tkun ġiet approvata;

Billi, bħala miżura transitorja, għandu jkun possibbli li tinħareġ l-approvazzjoni tat-tip skond il-kondizzjonijiet tal-Komunità kif u meta Direttivi separati relatati mal-partijiet u l-karatteristiċi varji ta’ vettura jidħlu fis-seħħ, waqt li l-kondizzjonijiet nazzjonali jibqgħu japplikaw fir-rigward tal-partijiet u l-karatteristiċi li ma jkunux għadhom ġew koperti b’Direttivi bħal dawn;

Billi, mingħajr preġudizzju għall-Artikoli 169 u 170 tat-Trattat, huwa rrakommandat, fi ħdan l-istruttura ta’ kooperazzjoni bejn l-awtoritajiet kompetenti tal-Istati Membri, li jkunu stabbiliti d-dispożizzjonijiet biex jgħinu ħalli jirrisolvu l-argumenti ta’ natura teknika li jirrigwardaw il-konformità ta’ mudelli ta’ produzzjoni mat-tip approvat;

Billi vettura tista’ tkun konformi ma’ tip approvat, imma b’danakollu jkollha ċerta karatteristiċi li huma ta’ periklu potenzjali għas-sigurtà fit-triq; billi huwa għaldaqstant rrakkomandat li tiġi preskritta proċedura xierqa biex tipprekludi perikoli bħal dawn;

Billi l-progress tekniku jirrikjedi aġġustament pront tal-kondizzjonijiet tekniċi speċifikati f’ Direttivi separati; billi, sabiex tiġi ffaċilitata l-implimentazzjoni tal-miżuri meħtieġa għal dan il-għan, għandha tkun stabbilita proċedura li tistabbilixxi kooperazzjoni mqarrba bejn l-Istati Membri u l-Kummissjoni fi ħdan il-Kumitat dwar l-Aġġustament tad-Direttivi għall-Progress Tekniku dwar it-Tneħħija ta’ Ostakoli għall-Kummerċ fis-Settur tal-Vetturi bil-Mutur;

ADOTTA DIN ID-DIRETTIVA:

KAPITOLU I

Definizzjonijiet

Artikolu 1

Għall-iskopijiet ta’ din id-Direttiva, ‘vettura’ tfisser kull vettura bil-mutur intiża għall-użu fit-triq, bil, jew mingħajr il-bini tal-karozzerija, li għandha ta’ l-anqas erba’ roti u b’disinn ta’ veloċità massima li teċċedi l-25km fis-siegħa, u l-karrijiet tagħha, bl-eċċezzjoni ta’ vetturi li jimxu fuq binarji u ta’ tractors u makkinarju agrikolu.

Artikolu 2

Għall-iskopijiet ta’ din id-Direttiva:

(a) ‘approvazzjoni tat-tip nazzjonali’ tfisser il-proċedura amministrattiva magħrufa bħala:

- "agréation par type" u "aanneming" fil-liġi Belġjana;

- "allgemeine Betriebserlaubnis" fil-liġi Ġermaniża;

- "réception par type" fil-liġi Franċiża;

- "omologazione" jew "approvazione del tipo" fil-liġi Taljana;

- "agréation" fil-liġi tal-Lussemburgu;

- "typegoedkeuring" fil-liġi ta’ l-Olanda;

(b) "approvazzjoni tat-tip tal-KEE" tfisser il-proċedura li biha Stat Membru jiċċertifika li tip ta’ vettura jkun jissodisfa l-kondizzjonijiet tekniċi tad-Direttivi separati u l-kontrolli elenkati fiċ-ċertifikat ta’ l-approvazzjoni tat-tip tal-KEE, li l-mudell tiegħu huwa mogħti fl-Anness II.

KAPITOLU II

Approvazzjoni tat-tip tal-kee ta’ vettura

Artikolu 3

Applikazzjoni għall-approvazzjoni tat-tip tal-KEE għandha tkun ippreżentata mill-manifattur jew mir-rappreżentant awtorizzat tiegħu lil Stat Membru. L-pplikazzjoni għandha jkollha magħha dokument ta’ informazzjoni, li l-mudell tiegħu huwa mogħti fl-Anness I, u d-dokumenti li hemm referenza dwarhom hemmhekk. L-ebda applikazzjoni li tirrigwarda kwalunkwe tip wieħed ta’ vettura ma tista’ tingħata lil aktar minn Stat Membru wieħed.

Artikolu 4

1. Stat Membru għandu japprova t-tipi kollha ta’ vetturi li jissodisfaw il-kondizzjonijiet li ġejjin:

(a) it-tip ta’ vettura għandha tkun konformi mad-dettalji tad-dokument ta’ informazzjoni;

(b) it-tip ta’ vettura għandha tissodisfa l-kontrolli elenkati fil-mudell, li hemm referenza għalih fl-Artikolu 2(b), taċ-ċertifikat ta’ l-approvazzjoni tat-tip.

2. L-Istati Membri li jikkonċedu l-approvazzjoni tat-tip għandhom jieħdu l-miżuri neċessarji biex jivverifikaw, sa fejn dan ikun neċessarju u jekk ikun hemm bżonn b’kooperazzjoni ma’ l-awtoritajiet kompetenti tal-Istati Membri l-oħra, li l-mudelli tal-produzzjoni jkunu konformi mal-prototip approvat. Verifika bħal din għandha tkun limitata għal ‘spot checks’.

Kull Stat Membru għandu jimla s-sezzjonijiet kollha taċ-ċertifikat ta’ l-approvazzjoni tat-tip għal kull tip ta’ vettura li hu japprova.

Artikolu 5

1. L-awtoritajiet kompetenti ta’ kull Stat Membru għandhom jibagħtu fi żmien xahar, lill-awtoritajiet kompetenti tal-Istati Membri l-oħrajn, kopja tad-dokument ta’ informazzjoni u taċ-ċertifikat ta’ l-approvazzjoni għal kull tip ta’ vettura li huma japprovaw jew jirrifjutaw li japprovaw.

2. Il-manifattur jew ir-rappreżentant awtorizzat tiegħu fil-pajjiż tar-reġistrazzjoni għandu jimla ċertifikat tal-konformità, li l-mudell tiegħu huwa mogħti fl-Annes III, għal kull vettura li tiġi ffabrikata b’konformità mal-prototip approvat.

3. B’danakollu, l-Istati Membri jistgħu, għall-iskopijiet ta’ tassazzjoni ta’ vettura jew ta’ kompletar tad-dokumenti tar-reġistrazzjoni tagħha, isaqsu għal dettalji li mhux imsemmija fl-Anness III, biex dawn jiġu mogħtija fuq iċ-ċertifikat tal-konformita. B’danakollu, dawn id-dettalji huma ddikjarati b’mod espliċitu fuq id-dokument ta’ informazzjoni jew jistgħu jittieħdu minnu b’kalkolu ħafif.

Artikolu 6

1. L-Istati Membri li jkunu ħarġu l-approvazzjoni tat-tip tal-KEE għandhom jieħdu l-miżuri neċessarji biex jassiguraw li jkunu nfurmati b’kull waqfien tal-produzzjoni u b’xi bidliet fid-dettalji li jidhru fid-dokument ta’ informazzjoni.

2. Jekk l-Istat Membru kkonċernat, jikkonsidra li bidla bħal din m’għandhiex bżonn ta’ emendi fiċ-ċertifikat ta’ l-approvazzjoni tat-tip, jew kompletar ta’ ċertifikat ġdid ta’ l-approvazzjoni tat-tip, l-awtoritajiet kompetenti tal-Istat għandhom jinfurmaw b’dan lill-manifattur u għandhom jibgħatu fi gruppi perjodiċi, lill-awtoritajiet kompetenti tal-Istati Membri l-oħrajn, kopji ta’ l-emendi tad-dokumenti ta’ l-informazzjoni li jkunu diġa ġew imqassma,

3. Jekk l-Istat ikkonċernat isib, li emenda li tkun saret lid-dokument ta’ informazzjoni tiġġustifika li jsir kontroll mill-ġdid jew verifiki ġodda, u li huwa għaldaqstant neċessarju li jiġi emendat iċ-ċertifikat eżistenti ta’ l-approvazzjoni tat-tip jew li jsir ċertifikat ġdid ta’ l-approvazzjoni tat-tip, l-awtoritajiet kompetenti ta’ dak l-Istat għandhom jinfurmaw b’dan lill-manifattur u għandhom, fi żmien xahar li jiġu kompletati dawn id-dokumenti ġodda, jibagħtuhom lill-awtoritaijet kompetenti ta’ l-Istati Membri l-oħrajn.

4. Meta ċertifikat ta’ l-approvazzjoni tat-tip jiġi emendat jew mibdul, jew ma jkunx aktar validu għaliex it-tip li jkun jikkorrispondi għalih ikun tneħħa mill-produzzjoni, l-awtroritajiet kompetenti ta’ l-Istati Membri li jkunu ħarġu dak iċ-ċertifikat ta’ l-approvazzjoni tat-tip, għandhom, fi żmien xahar, jikkomunikaw lill-awtoritajiet kompetenti tal-Istati Membri l-oħrajn in-numri tas-serje ta’ l-aħħar vettura maħruġa li tkun konformi maċ-ċertifikat l-antik, u fejn japplika, in-numru tas-serje ta’ l-ewwel vettura maħruġa li tkun konformi maċ-ċertifkat il-ġdid jew li jkun ġie emendat.

Artikolu 7

1. L-ebda Stat Membru ma jista’ jirrifjuta li jirreġistra jew jipprojbixxi l-bejgħ, il-id-dħul fis-servizz jew l-użu ta’ xi vettura ġdida fuq raġunijiet relatati mal-kostruzzjoni jew il-funzjonament tagħha, jekk din ikollha ċ-ċertifikat tal-konformità.

2. B’danakollu, dan iċ-ċertifikat m’għandux jipprojbixxi li Stat Membru milli jieħu miżuri tali fir-rigward ta’ vetturi li ma jkunux konformi mal-prototip approvat.

Ikun hemm nuqqas ta’ konformità mal-prototip approvat, jekk jinstab li jeżistu devjazzjonijiet mid-dettalji fid-dokument ta’ informazzjoni u jekk dawn id-devjazzjonijiet ma jkunux ġew approvati permezz ta’ l-Artikolu 6(2) jew (3) mill-Istat Membru li jkun ħareġ l-approvazzjoni tat-tip. Vettura m’għandhiex tiġi kkunsidrata li qed tiddevja mit-tip approvat peress li Direttivi separati jippermettu xi tolleranzi u jekk dawn it-tolleranzi jkunu rrispettati.

Artikolu 8

1. Jekk Stat Membru li jkun ħareġ l-approvazzjoni tat-tip tal-KEE jiskopri li numru ta’ vetturi li jkollhom l-istess ċertifikat ta’ konformità ma jkunux konformi mat-tip li hu jkun approva, għandu jieħu l-miżuri neċessarji biex jassigura li l-mudelli tal-produzzjoni jkunu konformi mat-tip approvat. L-awtoritajiet kompetenti ta’ dak l-Istat għandhom javżaw lill-dawk tal-Istati Membri l-oħrajn bil-miżuri meħuda, li jistgħu, jekk ikun hemm bżonn, jestendu sa l-irtirar ta’ l-approvazzjoni tat-tip tal-KEE.

L-awtoritajiet imsemmija għandhom jieħdu miżuri simili jekk ikunu nfurmati mill-awtoritajiet kompetenti ta’ Stat Membru ieħor b’dan in-nuqqas ta’ konformità.

2. L-awtoritajiet kompetenti tal-Istati Membri, għandhom jinformaw wieħed lill-ieħor fi żmien xahar b’kull irtirar ta’ l-approvazzjoni tat-tip tal-KEE, u bir-raġunijiet ta’ miżura bħal din.

3. Jekk Stat Membru li jkun ħareġ l-approvazzjoni tat-tip tal-KEE jidħol f’argument dwar in-nuqqas tal-konformità li jkun ġie nnotifikat lilu, l-Istat Membru kkonċernat għandu jagħmel sforz biex jintlaħaq ftehim.

IL-Kummissjoni għandha tinżamm infurmata u għandha, jekk ikun hemm bżonn, tagħmel konsultazzjonijiet xierqa bil-għan li jintlaħaq ftehim.

Artikolu 9

Jekk Stat Membru jiskopri li vetturi ta’ tip partikolari huma ta’ periklu għas-sigurtà fit-triq, għalkemm dawn ikollhom iċ-ċertifikat tal-konformita maħruġ kif suppost, allura, dak l-Istat jista’ jirrifjuta li jirreġistra vetturi simili jew jiprojbixxi l-bejgħ tagħhom, id-dħul fis-servizz u l-użu tagħhom fit-territorju tiegħu għal perjodu massimu ta’ sitt xhur. Għandu minnufih jinforma b’dan lill-Istat Membri l-oħrajn u lill-Kummissjoni, fejn jistqarr ir-raġunijiet li fuqhom hi bbażata d-deċiżjoni tiegħu.

KAPITOLU III

Disposizzjonijiet transizzjonali

Artikolu 10

1. Ladarba din id-Direttiva titpoġġa fis-seħħ, u bħala d-Direttivi separati neċessarji għall-ħruġ ta’ l-approvazzjoni tat-tip tal-KEE issir applikabbli:

- l-approvazzjoni tat-tip nazzjonali għandha tkun ibbażata fuq il-kondizzjonijiet tekniċi armonizzati minflok fuq il-kondizzjonijiet nazzjonali korrispondenti, jekk dan jiġi mitlub mill-applikant;

- meta l-fabbrikant jew ir-rappreżentant awtorizzat tiegħu japplika u meta dan jippreżenta d-dokument ta’ informazzjoni li hemm referenza dwaru fl-Artikolu 3, l-Istat Membru kkonċernat għandu jimla s-sezzjonijiet taċ-ċertifikat ta’ l-approvazzjoni tat-tip li hemm referenza dwarhom fl-Artikolu 2(b). Għandha tinħareġ kopja ta’ dan iċ-ċertifikat għall-applikant. Stati Membri oħrajn li ssirilhom applikazzjoni għall-approvazzjoni tat-tip nazzjonali għall-istess tip ta’ vettura għandhom jaċċettaw din il-kopja bħala prova li jkunu sar l-kontrolli neċessarji.

2. Id-dispożizzjonijiet tal-paragrafu 1 ta’ dan l-Artikolu għandhom jiġu rrevokati ladarba l-kondizzjonijiet neċessarji kollha għall-għoti ta’ l-approvazzjoni tat-tip tal-KEE ikunu applikabbli.

KAPITOLU IV

Disposizzjonijiet ġenerali u finali

Artikolu 11

Kull bidliet neċessarji sabiex jiġu adottati:

- l-Annessi I, II u III ta’ din id-Direttiva, jew

- id-dispożizzjonijiet li jinsabu fid-Direttivi separati li hemm referenza dwarhom fl-Annes II u li huma speċifikati f’kull waħda minn dawn id-Direttivi,

sabiex jiġi kkonsidrat il-progress tekniku, għandhom jiġu adottati skond il-proċedura preskritta fl-Artikolu 13.

Artikolu 12

1. Il-Kumitat dwar l-Adattament għall-Progress Tekniku tad-Direttivi fuq it-Tneħħija ta’ Ostakoli Tekniċi għal-Kummerċ fis-Settur ta’ Vetturi bil-Mutur (minn hawn il-quddiem imsejjaħ "il-Kumitat") huwa hawnhekk stabilit; dan għandu jikkonsisti fir-rappreżentanti tal-Istati Membri bir-rappreżentant tal-Kummissjoni bħala l-President.

2. Il-Kumitat għandu jadotta r-regoli proċedurali tiegħu.

Artikolu 13

1. Biex tiġi mħarsa l-proċedura stabilita f’dan l-Artikolu, il-kwistjonijiet għandhom jiġu referuti lill-Kummissjoni mill-President, jew bl-inizzjattiva tiegħu stess, jew b’tabla ta’ rappreżentant ta’ Stat Membru.

2. Ir-rappreżentant tal-Kummissjoni għandu jissottometti lill-Kumitat abbozz tal-miżuri li għandhom jiġu adottati. Il-Kumitat għandu jagħti l-opinjoni tiegħu dwar l-abbozz fi żmien limitat stipulat mill-President skond l-urġenza tal-każ. L-opinjonijiet għandhom jiġu adottati minn maġġoranza ta’ tnax il-vot, il-voti tal-Istati Membri jintiżnu skond kif hemm ipprovdut fl-Artikolu 148(2) tat-Trattat. Il-President ma jkollux vot.

3. (a) Il-Kummissjoni għandha tadotta l-miżuri ntiżi jekk dawn ikunu konformi mal-opinjoni tal- Kumitat.

(b) Jekk il-miżuri ntiżi ma jkunux konformi mal-opinjoni tal-Kumitat, jew jekk ma tingħatax opinjoni, l-Kummissjoni għandha, mill-aktar fis, tissottometti lill-Kunsill proposta dwar il-miżuri li għandhom jittieħdu. Il-Kunsill għandu jaġixxi b’maġġoranza kwalifikata.

(ċ) Jekk, fi żmien tliet xhur li tiġi mogħtija l-proposta l-Kunsill ikun għadu ma ħax azzjoni, l-miżuri proposti mill-Kummissjoni għandhom jiġu adottati.

Artikolu 14

Id-deċiżjonijiet kollha meħuda skond id-dispożizzjonijiet adottati fl-implimentazzjoni ta’ din id-Direttiva li tirrifjuta jew tirtira l-approvazzjoni tat-tip, jew tirrifjuta r-reġistrazzjoni jew tiprojbixxi l-bejgħ jew l-użu, għandha tiddikjara fid-dettall ir-raġunijiet li fuqhom tkun ibbażata. Deċiżjoni bħal din, għandha tiġi nnotifikata lill-parti ikkonċernata, li għandha fl-istess ħin tkun infurmat bir-rimedji disponibbli għaliha taħt il-liġi fis-seħħ fl-Istat Membru kkonċernat, u fuq il-limiti ta’ żmien permissibli għall-eżerċizzju ta’ dawn ir-rimedji.

Artikolu 15

1. L-Istati Membri għandhom iġibu fis-seħħ id-dispożizzjonijiet li jinsabu fil-kondizzjonijiet meħtieġa biex dawn ikunu konformi ma’ din id-Direttiva, fi żmien tmintax-il xahar tan-notifika tagħha u għandhom jinfurmaw b’dan lill-Kummissjoni minnufih.

2. L-Istati Membri għandhom jassiguraw li t-testi tal-dispożizzjonijiet prinċipali tal-liġi nazzjonali li huma jadottaw fil-qasam kopert b’din id-Direttiva jiġu kkomunikati lill-Kummissjoni.

Artikolu 16

Din id-Direttiva hija indirizzata lill-Istati Membri.

Magħmula fi Brussel, fis-6 ta’ Frar 1970.

Għall-Kunsill

Il-President

P. Harmel

[1] ĠU Ċ 160, 18.12.1969, p.7.

[2] ĠU Ċ 48, 16.4.1969, p.14

--------------------------------------------------

ANNESS I

MUDELL TAD-DOKUMENT TA’ INFORMAZZJONI (a)

0. ĠENERALI

0.1. Marka (l-isem tal-impriża)

0.2. It-tip u d-deskrizzjoni kummerċjali (semmi kull varjant)

0.3. Xorta

0.4. Kategorija tal-vettura (b)

0.5. L-isem u l-indirizz tal-fabbrikant

0.6. L-isem u l-indirizz tar-rappreżentant awtorizzat tal-fabbrikant (jekk ikun hemm)

0.7. Il-pożizzjoni tal-pjanċi u l-iskrizzjonijiet statutorji u l-mod tat-twaħħil

0.7.1 fuq ix-chassis

0.7.2. fuq il-karozzerija

0.7.3. fuq il-magna

0.8. In-numri tas-serje tax-chassis ta’ dan it-tip li jibdew bin-Numru…

1. KARATTERISTIĊI ĠENERALI TAL-KOSTRUZZJONI TAL-VETTURA

(Ehmeż tlett ritratti miġbuda mill-ġemb min-naħa ta’ quddiem u tliet ritratti miġbuda mill-ġemb min-naħa ta’ wara)

(Ehmeż disinn dimensjonali tal-vettura kollha)

1.1. Numru ta’ fusien u ta’ roti (jekk huwa applikabbli, in-numru ta’ ċineg jew ktajjen)

1.1.1. numru ta’ fusien b’roti doppji (jekk applikabbli)

1.2. Roti mdawwra mill-magna (numru, pożizzjoni, konnessjoni ma’ fusien oħrajn)

1.3. Ix-chassis (jekk hemm) (disinn ġenerali)

1.4. Materjal użat għall-pilastri tal-ġnub (ċ)

1.5. Il-pożizzjoni u l-arranġament tal-magna

1.6. Il-kabina tal-sewqan (‘il quddiem, parzjalment il-quddiem jew normali)

2. PIŻIJIET U DIMENSJONIJIET (d) (f’mm u kg)

2.1. Il-bażi tar-rota (i) (mgħobbija kollha) (e)

2.1.1. Fil-każ ta’ nofs karrijiet: id-distanza ta’ bejn l-asi tal-‘king pin’ tal-ġames rota u l- fus ta’ quddiemnett fuq in-naħa ta’ wara

2.2. Fil-każ ta’ unitajiet trattivi:

2.2.1. il-ġibda tal-ħames rota (massimu u minimu) (f)

2.2.2. L-għoli massimu tal-ħames rota (standardizzata) (g)

2.2.3. Id-distanza bejn in-naħa ta’ wara tal-kabina u tal-fus ta’ wara:

2.2.3.1. Id-distanza bejn in-naħa ta’ wara tal-kabina u l-fus ta’ wara (fil-każ ta’ chassis bil-kabina)

2.2.3.2. Id-distanza bejn in-naħa ta’ wara tar-rota ta’ l-isteering u l-fus(ien) ta’ wara (fil-każ ta’ chassis mikxuf)

2.3. It-wisa’ ta’ kull fus (h)

2.4. Id-dimensjonijiet massimi tal-vettura (b’mod ġenerali) (i)

+++++ TIFF +++++

2.5. Il-piż tax-chassis mikxuf (mingħajr il-kabina, il-likwidu li jkessaħ, iż-żjut, il-karburanti, ir-rota ta’ l-emerġenza, l-għodda u s-sewwieq)

2.5.1 Id-distribuzzjoni ta’ dan il-piż bejn il-fusien.

2.6. Il-piż tal-vettura bil-karozzerija fi stat tajjeb ta’ tħaddim, jew il-piż tax-chassis bil-kabina jekk il-fabbrikant ma jimmuntax il-karozzerija (li jinkludi l-likwidu li jkessaħ, iż-żjut, il-karburanti, l-għodod, ir-rota ta’ l-emerġenza u s-sewwieq) (p)

2.6.1. Id-distribuzzjoni ta’ dan il-piż bejn il-fusien (id-distribuzzjoni bejn il-fusien u t-tagħbija fuq il-‘king pin’ tal-ħames rota fil-każ ta’ nofs karru).

2.7. Il-piż massimu teknikament permissibbli ddikjarat mill-fabbrikant

2.7.1. Id-distribuzzjoni ta’ dan il-piż bejn il-fusien (id-distribuzzjoni bejn il-fusien u t-tagħbija fuq il-‘king pin’ tal-ħames rota fil-każ ta’ nofs karru)

2.8. Il-piż massimu teknikament permissibbli ddikjarat mill-fabbrikant (id-distribuzzjoni bejn il-fusien u t-tagħbija fuq il-‘king pin’ tal-ħames rota fil-każ ta’ nofs karru)

2.9. Jekk il-vettura hija wżata bħala vettura għall-ġbid, il-piż massimu teknikament permissibbli mgħobbi taż-żewġ vetturi magħquda ddikjarat mill-fabbrikant (u jekk applikabbli, il-piż massimu teknikament permissibbli tal-karru)

2.10. Il-piż massimu vertikali fil-punt ta’ l-igganċjar (ganċ jew sistema speċjali tal-igganċjar bi tliet punti)

2.11. ‘Swept path’

2.12. Ir-relazzjoni tal-forza tal-magna/mal-piż massimu (f’ hp/kg) u l-abbiltà li jistartja fuq għolja

3. MAGNA (q)

3.1. Fabbrika

3.2. Magna ta’ kombustjoni

3.2.1 Isem

3.2.2. Tip (‘positive-ignition’, diesel, eċċ), ċiklu

3.2.3. In-numru u l-arranġement taċ-ċilindri

3.2.4. Il-bore, it-tefgħa tal-pistun u l-volum taċ-ċilindri

3.2.5. Il-forza massima f’…rpm (speċifika l-istandard użat)

3.2.6. It-‘torque’ massimu f’…rpm, (l-istess standard ta’ 3.2.5)

3.2.7. Karburanti normali

3.2.8. It-tankijiet tal-karburanti (volum u pożizzjoni)

3.2.9. It-tankijiet ta’ riserva tal-karburanti (volum u pożizzjoni)

3.2.10. Is-sistema tal-provvista tal-karburanti (tip)_

3.2.11. Supercharger (jekk dan huwa mwaħħal) (it-tip, il-kontroll u l-pressjoni tas-Supercharger)

3.2.12. Regolatur (jekk dan huwa mwaħħal) (il-prinċipji ta’ kif jaħdem)

3.2.13. Is-sistema elettrika (vultaġġ, earth pożittiv jew negattiv)

3.2.14. Ġeneratur (tip u l-potenza nominali)

3.2.15. ‘Ignition’ (tip ta’ tagħmir, tip ta’ ‘advance setting’)

3.2.16. Interferenza mrażżna (deskrizzjoni)

3.2.17. Sistema ta’ tkessiħ (arja, ilma)

3.2.18. Livell tal-ħoss

3.2.19. Sistema tal-exhaust (disinn)

3.2.20. Miżuri meħuda kontra t-tniġġis ta’ l-arja

3.3. Mutur elettriku

3.3.1 Tip (serje, stralċ)

3.3.2. Produzzjoni massima fis-siegħa u l-vultaġġ imħaddem

3.3.3. Il-batterija (numru ta’ ċelluli, piż, volum f’’amp-hours’ u l-pożizzjoni)

3.4. Magni jew muturi apparti minn dawk li huma elettriċi jew ta’ kombustjoni (dettalji dwar il-partijiet tal-magni jew tal-muturi ta’ dan it-tip)

4. TRASMISSJONI (r) (Disinn tat-trasmissjoni u grafika)

4.1. Tip (mekkaniku, idrawliku, elettriku, eċċ.)

4.2. Clutch (tip)

4.2.1 Piż tal-clutch

4.3. Il-gearbox (tip, ingaġġ dirett, metodu ta’ kontroll)

4.3.1 Piż tal-kaxxa tal-gearbox

4.4. Trasmissjoni mill-magna għall-gearbox, fus(ien) ta’wara, gerijiet ta’ trasferiment jew gerijiet intermedji, jekk dawn ikunu mwaħħla.

4.5. Proporzjon tal-gear, bi jew mingħajr kaxxa/i ta’ trasferiment

+++++ TIFF +++++

4.6. Il-veloċità li tilħaq vettura b’veloċità ta’ magna ta’ 1000rpm b’tyres normali (6.1) (iċ-ċirkonferenza tat-tyres meta dawn jitwaħħlu hi ta’…metri) (s)

+++++ TIFF +++++

4.7. Veloċità massima fl-ogħla gear (f’km/fis-siegħa) (s)

4.8. Pressjoni (u t-trasmissjoni tas-saħħa tal-brejkijiet)

4.9. ‘Speedometer’

4.10. Reġistru tal-veloċità (jekk dan hu mwaħħal) (il-marka u t-tip)

4.11. serratura divrenzjali (jekk din hi mwaħħla)

5. FUS

(Ehmeż disinn dimensjonali ta’ kull fus, flimkien ma’ prospett tal-materjali użati u (b’mod mhux obbligatorju) tal-manifattura u t-tip)

6. SUSPENSION (disinn ġenerali ta’ l-arranġamenti tas-suspension)

6.1. It-tyres imwaħħla b’mod normali (dimensjonjiet u karatteristiċi)

6.2. Tip u disinn tas-suspension ta’ kull fus jew rota

6.3. Il-karatteristiċi tal-partijiet bil-molol tas-suspension (disinn, il-karatteristiċi tal-materjali u d-dimensjonijiet)

6.4. Stabilizzaturi (t)

6.5. ‘Shock absorbers’ (t)

7. STEERING (disinn)

7.1. It-tip ta’ mekkaniżu u t-tagħqid mar-roti, il-metodu ta’ l-assistenza jekk ikun hemm wieħed (metodu u diagramma ta’ kif jaħdem u t-tip, jekk ikun hemm) u l-isforz tal-isteering fuq ir-rota tal-isteering

7.2. L-angolu massimu ta’ dawrien tar-roti:

7.2.1. lejn il-lemin… (gradi): numru ta’ dawrien tar-rota tal-isteering…

7.2.2. lejn ix-xellug… (gradi): numru ta’ dawrien tar-rota tal-isteering…

7.3. Ċirku minimu ta’ dawrien (u):

7.3.1. lejn il-lemin

7.3.2. lejn ix-xellug

8. BREJKIJIET (disinn ġenerali u disinn ta’ kif jaħdmu) (v)

8.1. Apparat tas-servizz tal-brejkijiet

8.2. Apparat ta’ waqfien sekondarju

8.3. Apparat ta’ waqfien għall-ipparkjar

8.4. Apparat addizzjonali ta’ waqfien, jekk imwaħħal (li jinkludi r-ritardatur)

8.5. Apparat ta’ waqfien awtomatiku li jaħdem fil-każ li jkun hemm ksur fl-igganċjar (fil-każ ta’ karru jew nofs karru)

8.6. Kalkolu tas-sistema tal-brejkijiet determinazzjoni tar-relattività bejn il-forza totali tal-brejkijiet fiċ-ċirkonferenza tar-roti u l-forza applikata fil-kontroll tal-brejkijiet

8.7. Sorsi esterni ta’ enerġija, jekk ikun hemm (karatteristiċi, l-volum tad-depożiti ta’ enerġija, pressjoni massima u minima, apparat li jkejjel il-pressjoni u apparat li juri nuqqas eċċessiv tal-pressjoni fuq id-dashboard, depożiti tal-vakwu u l-provvista tal-valvola, kompressuri tal-forniment, konformità mad-dispożizzjonijiet li għandhom x’jaqsmu mat-tagħmir tal-pressjoni)

8.8. Vetturi ddisinnjati biex jiġbdu karru

8.8.1. apparat ta’ waqfien tal-karru

8.8.2. konnessjonijiet tal-igganċjar, strumenti ta’ sigurtà

9. IL-KAROZZERIJA (disinn ġenarali li jagħti d-dimensjonijiet interni u esterni)

9.1. Tip ta’ karozzerija

9.2. Materjali użati u metodi tal-kostruzzjoni

9.3. Bibien (numru, daqsijiet, direzzjoni tal-ftuħ, lukketti u ċappetti)

9.4. Il-qasam tal-veduta

9.5. ‘Windscreen’ u twieqi oħrajn (numru, pożizzjoni, materjali użati)

9.5.1. Angolu ta’ l-inklinazzjoni tal-ħġieġa tal-‘windscreen’

9.6. ‘Windscreen’

9.7. Il-ħasil tal-‘windscreen’

9.8. Biex jitneħħa s-silġ

9.9. Il-mirja ta’ viżjoni anterjuri

9.10. Appart intern

9.10.1. Protezzjoni interna ta’ l-okkupanti

9.10.2. L-arranġament u l-identifikazzjoni tal-kontrolli

9.10.3. Sedili (numru, pożizzjoni, karatteristiċi)

9.11. Appart estern

9.12. Ċintorini tas-sigurezza u sistemi oħra ta’ ritenzjoni (numru u pożizzjoni)

9.13. L-ankoraġġ taċ-ċintorini tas-sigurezza (numru u pożizzjoni)

9.14. L-ispazju fejn jitwaħħlu l-pjanċi tar-reġistrazzjoni

9.15. Appart li jipproteġu n-naħa ta’ wara

10. APPARAT LI JIXEGĦLU U LI JAGĦMLU SINJAL BID-DAWL

(disinnijiet tal-vettura minn barra li jagħtu d-dimensjonijiet u l-pożizzjoni tas-superfiċi li jixgħelu ta’ l-apparati kollha; il-kulur tad-dawl)

10.1. Apparti obbligatorji

10.1.1. Dwal sekondarji

10.1.2. Dwal tas-sewqan

10.1.3. Dwal ta’ quddiem

10.1.4. Indikaturi tad-direzzjoni

10.1.5. Dwal ta’ wara

10.1.6. Dwal li juru li l-vettura tkun ser tieqaf

10.1.7. Dwal tal-pjanċa tar-reġistrazzjoni ta’ wara

10.1.8. Rifletturi ħomor ta’ wara

10.1.9. Rifletturi ta’ quddiem tal-karrijiet

10.2. Apparat mhux obbligatorju:

10.2.1. Dwal taċ-ċpar

10.2.2. Dwal tal-ipparkjar

10.2.3. Dwal tal-irriversjar

10.2.4. Dwal ta’ quddiem tal-karrijiet

10.2.5. Rifletturi ambra tal-ġenb

10.3. Apparat addizzjonali għal vetturi speċjali

11. KONNESSJONIJIET BEJN VETTURI LI JIĠBDU U L-KARRIJIET JEW NOFS KARRIJIET

12. MIXXELLANJI

12.1. Apparati ta’ twissija li jinstemgħu

12.1.1. Normali

12.1.2. Speċjali

12.2. Dispożizzjonijiet speċjali għall-vetturi tat-transport pubbliku

12.3. Dispożizzjonijiet speċjali għat-taxis

12.4. Dispożizzjonijiet speċjali għall-vetturi li jġorru l-merkanzija

12.5. Apparati li jipprevjenu l-użu mhux awtorizzat ta’ vetturi

12.6. Ganċ ta’ l-irmonkjar

12.7. Is-sieq tal-karru

12.8. Apparat li jwissi kontra xi periklu

NOTI

Għal kull dħul li għalih għandha tkun mhemuża dijagramma jew ritratt, agħti n-numri tad-dokumenti korrispondenti mhemuża.

(a) Jekk parti jkollha l-approvazzjoni tat-tip, dik il-parti m’għandhiex bżonn tiġi deskritta jekk ikun hemm referenza għal din l-approvazzjoni. B’mod simili, parti ma jkunx hemm bżonn li tiġi deskritta jekk il-kostruzzjoni tagħha tidher b’mod ċar fid-diagrammi jew id-disinji mhemuża.

(b) Ikklassifikati skond il-kategoriji internazzjonai li ġejjin:

1. Kategorija M: Vetturi bil-mutur li għandhom ta’ l-anqas erba’ roti, jew li għandhom tliet roti meta l-piż massimu jeċċedi it-tunnellata metrika u wżati għat-trasport ta’ passiġġieri.

- Kategorija M1: Vetturi wżati għat-trasport ta’ passiġġieri u li ma fihomx aktar minn tmien sedili apparti mis-sedil tas-sewwieq.

- Kategorija M2 Vetturi wżati għat-trasport ta’ passiġġieri, li fihom aktar minn tmien sedili apparti mis-sedil tas-sewwieq, u li għandhom piż massimu li ma jeċċedix il-ħameż tunnellati metriċi.

- Kategorija M3: Vetturi wżati għat-trasport ta’ passiġġieri, li fihom aktar minn tmien sedili apparti mis-sedil tas-sewwieq, u li għandhom piż massimu li jeċċedi l-ħameż tunnellati metriċi.

2. Kategorija N: Vetturi bil-mutur li għandhom ta’ l-anqas erba’ roti, jew li għandhom tliet roti meta il-piż massimu jeċċedi t-tunnellata metrika u wżati għat-trasport ta’ passiġġieri.

- Kategorija N1: Vetturi wżati għat-trasport tal-merkanzija u li għandhom piż massimu li ma jeċċedix it-3.75 tunnellati metriċi.

- Kategorija N2: Vetturi wżati għat-trasport tal-merkanzija u li għandhom piż massimu li jeċċedi t-3.75 tunnellati metriċi imma li ma jeċċedix it-12-il tunnellata metrika.

- Kategorija N3: Vetturi wżati għat-trasport tal-merkanzija u li għandhom piż massimu li jeċċedi t-12-il tunnellata metrika.

3. Kategorija O: Karrijiet (inklużi nofs-karrijiet)

- Kategorija O1: Karrijiet li għandhom piż massimu li ma jeċċedix 0775 tunnellata metrika.

- Kategorija O2: Karrijiet li għandhom piż massimu li jeċċedi 0775 tunnellata metrika imma li ma jeċċedix it-3.75 tunnellati metriċi.

- Kategorija O3: Karrijiet li għandhom piż massimu li jeċċedi it-3 75 tunnellata metrika imma li ma jeċċedix l-10 tunnellati metriċi.

- Kategorija O4: Karrijiet li għandhom piż massimu li ma jeċċedix l-10 tunnellati metriċi.

(ċ) Jekk possibli, l-isem Euronorm, jekk japplika, agħti:

- deskrizzjoni tal-materjal,

- il-punt ta’ meta jċedi

- l-istress ta’ l-estensjoni fundamentali,

- titwil (bħala %),

- l-egħbusija tal- ‘Brinell’

(d) jekk ikun hemm verżjoni waħda b’kabina normali u oħra b’kabina tal-irqad, iż-żewġ settijiet ta’ piżijiet u ta’ dimensjonijiet iridu jiġu mogħtija.

(e) Abbozz ta’ Rakomandazzjoni tal-ISO 586 [1], termini Numru 2.

(f) Abbozz ta’ Rakkomandazzjoni tal-ISO 586, termini Numru 33.

(g) Abbozz ta’ Rakomandazzjoni tal-ISO 586, termini Numru 35.

(h) Abbozz ta’ Rakomandazzjoni tal-ISO 586, termini Numru 1.

(i) jekk il-vettura ppreżentata għall-approvazzjoni tat-tip ma’ jkollix karozzerija, id-dimensjonijiet massimi u minimi mogħtija mill-fabbrikant għandhom jiġu mniżżla fit-tieni kolonna u t-tielet kolonna għandha titħalla vojta.

(j) Abbozz ta’ Rakomandazzjoni tal-ISO 586, termini Numru 9.

(k) Abbozz ta’ Rakomandazzjoni tal-ISO 586, termini Numru 12.

(l) Abbozz ta’ Rakomandazzjoni tal-ISO 586, termini Numru 13.

(m) Abbozz ta’ Rakomandazzjoni tal-ISO 586, termini Numru 18.

(n) Abbozz ta’ Rakomandazzjoni tal-ISO 586, termini Numru 19.

(o) Abbozz ta’ Rakomandazzjoni tal-ISO 586, termini Numru 7.

(p) Il-piż tas-sewwieq għandu jkun ikkalkolat għal 75kg.

(q) Jekk il-magna ma jkollhiex pistuni bil-moviment alternat, trid tingħata deskrizzjoni ġenerali.

(r) Id-dettalji speċifikati għandhom jiġu mogħtija għal kull varjant propost.

(s) Tolleranza ta’ 5 % hija permissibbli.

(t) Għid biss jekk hux imwaħħal.

(u) Abbozz ta’ Rakomandazzjoni tal-ISO 586, termini Numru 27.

(v) Id-dettalji li ġejjin iridu jingħataw għal kull sistema ta’ brejkijiet:

- it-tip u l-karatteristiċi tal-brejkijiet (disinn bid-daqsijiet) (id-‘drums’ jew ‘discs’, roti li fuqhom hemm il-brejkijiet, konnessjoni mar-roti li fuqhom hemm il-brejkijiet, superfiċi ta’ frizzjoni, il-kwalitajiet tagħhom u l-postijiet fejn huma effettivi, ir-raġġ tad-’drums’, tax-‘shoes’ jew id-‘discs’, il-piż tad-’drum’, l-apparat ta’ l-aġġustament).

- trasmissjoni u kontroll (disinn) (kostruzzjoni, aġġustament, il-proporzjonijiet tal-livell, l-aċċessibilità tal-kontroll u l-pożizzjoni tiegħu, il-kontrolli tar-roti bil-krikk fil-każ ta’ trasmissjoni mekkanika, karatteristiċi tal-partijiet prinċipali ta’ konnessjoni, iċ-ċilindri u l-pistuni ta’ kontroll, iċ-ċilindri tal-brejkijiet).

[1] Doc ISO/TC 22 (Segretarjat 133) 328 –Jannar 1963.

--------------------------------------------------

ANNESS II

ĊERTIFIKAT TA’ L-APPROVAZZJONI TAT-TIP TAL-KEE

A. ĠENERALI

Ċertifikati ta’ l-approvazzjoni tat-tip maħruġa skond l-approvazzjoni tat-tip tal-KEE għandhom jimtlew kif ġej:

1. Imla s-sezzjonijiet rilevanti taċ-ċertifikat ta’ l-approvazzjoni tat-tip, mogħti taħt B ta’ dan l-Anness, fuq il-bażi tad-dettalji fid-dokument ta’ informazzjoni wara li dawn id-dettalji jiġu vverifikati.

2. Daħħal l-abbrevjazzjoni(jiet) stampati ħdejn kull element tal-mudell taċ-ċertifikat ta’ l-approvazzjoni tat-tip wara li jkunu saru l-kontrolli u l-verifiki rilevanti:

"CONF" ikkontrolla li l-parti rilevanti jew il-karatteristiċi li jkunu konformi mad-dettalji fid-dokument ta’ informazzjoni;

"SD" ikkontrolla li l-parti jew il-karatteristiċi kkonċernati jkunu konformi mal-kondizzjonijiet armonizzati adottati fl-implimentazzjoni tad-Direttiva separata rilevanti;

"R" il-kompilazzjoni tar-rapport tat-test li għandu jiġi mhemuż maċ-ċertifikat ta’ l-approvazzjoni tat-tip;

"S" ikkontrolla li d-disinn u/jew id-dijagramma ġie mhemuż.

B. MUDELL TAĊ-ĊERTIFIKAT TA’ L-APPROVAZZJONI TAT-TIP GĦAL VETTURA BIL-MUTUR

0.ĠENERALI

0.1.Fabbrika (isem ta’ l-impriża) |

0.2.Deskrizzjoni tat-tip kummerċjali (semmi kull varjanti) |

0.3.Tip |

0.4.Kategorija ta’ vettura |

0.5.L-isem u l-inidirizz tal-fabbrikant |

0.6.L-isem u l-indirizz tar-rappreżentant awtorizzat tal-fabbrikant (jekk ikun hemm) |

0.7.Il-post tal-pjanċi u l-skrizzjonijiet statutorji u l-mod tat-twaħħil: | SD |

0.7.1.fuq ix-chassis0.7.2.fuq il-karozzerija0.7.3.fuq il-magna |

0.8.In-numri tas-serje ta’ chassis ta’ dan it-tip jibdew minn Numru… |

1.KARATTERISTIĊI ĠENERALI TA TA’ KOSTRUZZJONI TAL-VETTURA

1.1.Chassis (jekk ikun hemm) | CONF |

2.PIŻIJIET U QISIEN (f’mm u kg)

2.1Fil-każ ta’ unitajiet li jġorru |

2.1.1.Iċ-ċomba tal-ħames (massimu u minimu) | CONF |

2.2.Il-qisien massimi tal-vettura (b’mod ġenerali) | SD |

+++++ TIFF +++++

|

2.3.Il-piż massimu mgħobbi li huwa teknikament permissibbli tal-vettura | CONF |

2.3.1.Id-distribuzzjoni ta’ dan il-piż bejn il-fusien (id-distribuzzjoni bejn il-fusien u l-piż fuq il-’king pin’ tal-ħames rota fil-każ ta’ nofs karru) | CONF |

2.4.Il-piż massimu mgħobbi permissibbli: | SD |

2.4.1.Id-distribuzzjoni ta’ dan il-piż bejn il-fusien (id-distribuzzjoni bejn il-fusien u t-tagħbija fuq il-‘king pin’ tal-ħames rota fil-każ ta’ nofs karru) | SD |

2.5.Il-piż massimu teknikament permissibbli fuq kull fus (id-distribuzzjoni bejn il-fusien u t-tagħbija fuq il-‘king pin’ tal-ħames rota fil-każ ta’ nofs karru) | CONF |

2.6Il-piż massimu permissibbli fuq kull fus (u l-piż fuq il-‘king pin’ tal-ħames rota fil-każ ta’ nofs-karru) | CONF |

2.7Jekk il-vettura hija wżata bħala vettura li tiġbed, il-piż massimu teknikament permissibbli ta’ l-għaqda (u, fejn ikun applikabbli, il-piż massimu teknikament permissibbli tal-karru) | CONF |

2.8Jekk il-vettura hija wżata bħala vettura li tiġbed, il-piż massimu permissibbli ta’ l-għaqda (u, fejn ikun applikabbli, il-piż massimu tal-karru) | SD |

2.9"Swept path" | SD |

2.10Il-proporzjon tal-qawwa tal-magna mal-piż massimu (f’hp/kg) u l-abbiltà li tistartja f’għolja | SD |

3.MAGNA

3.1.Fabbrikant |

3.2.Magna ta’ kombustjoni:

3.2.1.Qawwa massima f’… Rpm (speċifika liema standard huwa wżat) | CONF |

3.2.2.Tankijiet tal-karburanti | SD |

3.2.3.Tankijiet tar-riserva tal-karburanti | SD |

3.2.4.Sistema elettrika | CONF |

3.2.5.‘Suppressor’ ta’ interferenza | SD R |

3.2.6.Livell ta’ ħsejjes | SD R |

3.2.7.Silencers | SD R D |

3.2.8.Tniġġis ta’ l-arja:

3.2.8.1.Vetturi mgħammra b’magni tal-petrol | SD R |

3.2.8.2.Vetturi mgħammra b’magni tad-diesel | SD R |

4.TRASMISSJONI

4.1.Veloċità massima tal-vettura fuq l-ogħla gear (f’km/siegħa) | CONF |

4.2.‘Speedometer’ | SD |

4.3.Ir-Rivers | SD |

5.FUSIEN | CONF |

6.SUSPENSION

6.1.Tyres imwaħħla b’mod normali | SD |

6.2.Karatteristiċi tal-partijiet li fihom il-molol tas-suspension | SD |

7.STERING

7.1.It-tip ta’ mekkaniżmu u l-konnessjoni | SD |

7.2.Il-metodu ta’ l-assistenza u l-isforz tal-isteering fuq ir-rota tal-isteering | SD |

7.3.Id-dijametru taċ-ċirku minimu mdawwar | CONF |

7.3.1.lejn il-lemin7.3.2.lejn ix-xellug |

8.BREJKIJIET

8.1.Sistema tas-sistema tat-twaqqif tal-brejkijiet | SD |

8.2.Sistema ta’ brejkijiet sekondarja | SD |

8.3.Sistema ta’ brejkijiet għall-ipparkjar | SD |

8.4.Sistema addizzjonali ta’ brejkijiet, jekk din tkun imwaħħla (li tinkludi ritardatur) | SD |

8.5.Sistema ta’ brejkijiet awtomatika li tiffunzjona fil-każ tal-ksur tal-kavilja (fil-każ ta’ karru jew nofs-karru) | SD |

8.6.Fil-każta’ vetturi ddisinnjati biex jiġbdu karru: |

8.6.1.Sistema ta’ brejkijiet tal-karru | SD |

8.7.Kull sorsa esterna ta’ enerġija | SD |

8.8.Kondizzjonijiet tat-test | R |

8.9.Riżultati tal-verifika | R |

9.IL-BINI TAL-KAROZZERIJA

9.1.Bibien (numru, qisien, direzzjoni tal-ftuħ, lukketti u ċappetti) | SD |

9.2.Kamp viżiv | SD |

9.3.Il-‘windscreen’ u twieqi oħra | SD |

9.3.1.Angolu ta’ l-inklinazzjoni tal-‘windscreen’ |

9.4.‘Wiper’ tal-‘windscreen’ | SD |

9.5.Il-ħasil tal-‘windscreen’ | SD |

9.6.L-apparat li jneħħI s-silġ | SD |

9.7.Il-mirja ta’ viżjoni anterjuri | SD |

9.8.Tagħmir intern | SD |

9.8.1.Protezzjoni interna ta’ l-okkupanti9.8.2.L-arranġament u l-identifikazzjoni tal-kontrolli9.8.3.Sedili (numru, pożizzjoni, karatteristiċi) |

9.9.Tagħmir estern | SD |

9.10.Ċinturini tas-sigurezza u sistemi oħra ta’ ritenzjoni | SD |

9.11.L-ankoraġġ taċ-ċintorini ta’ sigurezza (numru u pożizzjoni) | SD |

9.12.L-ispazju fejn jitwaħħlu l-pjanċi tar-reġistrazzjoni | SD |

9.13.Sistemi protettivi tan-naħa ta’ wara | SD |

10.APPARTI LI JIXGĦELU U LI JAGĦMLU SINJALI BID-DAWL

10.1Sistemi obbligatorji

10.1.1.Dwal sekondarju | SD |

10.1.2.Dwal tas-sewqan | SD |

10.1.3.Dwal ta’ quddiem | SD |

10.1.4.Indikatur tad-direzzjoni | SD |

10.1.5.Dwal ta’ wara | SD |

10.1.6.Dwal li juru li l-vettura tkun ser tieqaf | SD |

10.1.7.Dwal tal-pjanċa tar-reġistrazzjoni ta’ wara | SD |

10.1.8.Rifletturi ħomor ta’ wara | SD |

10.1.9.Rifletturi ta’ quddiem tal-karrijiet | SD |

10.2.Sistemi mhux obbligatorji

10.2.1.Dwal taċ-ċpar | SD |

10.2.2.Dwal ta’ l-ipparkjar | SD |

10.2.3.Dwal tar-rivers | SD |

10.2.4.Dwal ta’ quddiem tal-karrijiet | SD |

10.2.5.Rifletturi sofor tal-ġenb | SD |

11.KONNESSJONIJIET BEJN VETTURI LI JIĠBDU U L-KARRIJIET JEW NOFS-KARRIJIET | SD |

12.DIVERSI

12.1.Apparat ta’ twissija li tinstema’ | SD |

12.2.Dispożizzjonijiet speċjali għal vetturi tat-trasport pubbliku | SD |

12.3.Dispożizzjonijiet speċjali għat-taxis | SD |

12.4.Dispożizzjonijiet speċjali għal vetturi li jġorru l-merkanzija | SD |

12.5.Apparati li jipprevjenu l-użu mhux awtorizzat ta’ vetturi | SD |

12.6.Ganċ tal-irmonkjar | SD |

12.7.Sieq tal-karru | SD |

12.8.Apparat li jwissi kontra xi periklu | SD |

12.9.Rikorder tal-veloċità (jekk dan ikun imwaħħal) | SD |

+++++ TIFF +++++

--------------------------------------------------

ANNESS III

MUDELL

ĊERTIFIKAT TAL-KONFORMITÀ

+++++ TIFF +++++

--------------------------------------------------