—

tikkonstata li l-Kummissjoni Ewropea, f’dokument imsejjaħ “Frequently Asked Questions on Free Allocation Rules for the EU ETS post 2020” (Mistoqsijijiet li Jsiru Spiss dwar Regoli ta’ Allokazzjoni B’Xejn fl-Unjoni Ewropea wara l-2020), bid-data tat-22 ta’ Lulju 2019, adottat interpretazzjoni li taffettwa ħażin lir-rikorrenti u li torbot lill-Istati Membri, kif interpretata mill-Conseil d’État (il-Kunsill tal-Istat, Franza) (qorti nazzjonali tal-aħħar istanza);

—

tikkundanna lill-Kummissjoni Ewropea tikkumpensa d-dannu subit mill-kumpannija Imerys Aluminates minħabba l-adozzjoni tad-dokument imsejjaħ “Frequently Asked Questions on Free Allocation Rules for the EU ETS post 2020” (Mistoqsijijiet li Jsiru Spiss dwar Regoli ta’ Allokazzjoni B’xejn fl-Unjoni Ewropea wara l-2020), bid-data tat-22 ta’ Lulju 2019, li jammontaw għal EUR 40 075 347;

—

tikkundanna lill-Kummissjoni Ewropea għall-ispejjeż kollha.

1.

L-ewwel motiv, ibbażat fuq nuqqas imwettaq mill-Kummissjoni li jirriżulta mill-adozzjoni ta’ dokument tat-22 ta’ Lulju 2019 intitolat “Frequently Asked Questions on Free Allocation Rules for the EU ETS post 2020” (Mistoqsijijiet li Jsiru Spiss dwar Regoli ta’ Allokazzjoni B’Xejn fl-Unjoni Ewropea wara l-2020, iktar 'il quddiem il-“FAQ”). Dan il-motiv huwa maqsum fi tliet partijiet.

2.

It-tieni motiv, ibbażat fuq il-ksur tal-prinċipju taċ-ċertezza legali fil-każ li r-Regolament ta’ Implimentazzjoni (UE) 2021/1447 tat-12 ta’ Marzu 2021 li jiddetermina l-valuri riveduti tal-parametri referenzjarji għall-allokazzjoni bla ħlas tal-kwoti tal-emissjonijiet għall-perjodu mill-2021 sal-2025 skont l-Artikolu 10a(2) tad-Direttiva 2003/87/KE tal-Parlament Ewropew u tal-Kunsill (1) għandu jiġi interpretat bħala li jistabbilixxi b’mod impliċitu r-regoli ta’ interpretazzjoni espliċitament stipulati fil-FAQ bid-data tat-22 ta’ Lulju 2019.