2.5.2023 |
MT |
Il-Ġurnal Uffiċjali tal-Unjoni Ewropea |
C 155/68 |
Rikors ippreżentat fis-6 ta’ Marzu 2023 – Ege İhracatçıları Birliği et vs Il-Kummissjoni
(Kawża T-122/23)
(2023/C 155/85)
Lingwa tal-kawża: l-Ingliż
Partijiet
Rikorrenti: Ege İhracatçıları Birliği (Konak, it-Turkija), Akdeniz İhracatçıları Birliği (Yenişehir, it-Turkija), İstanbul İhracatçıları Birliği (Yenibosna, it-Turkija), Doğu Karadeniz İhracatçıları Birliği (Ortahisar, it-Turkija), Denizli İhracatçıları Birliği (Pamukkale, it-Turkija), Abalıoğlu Balık ve Gıda Ürünleri AŞ (Honaz, it-Turkija), Bağcı Balık Gıda ve Enerji Üretimi Sanayi ve Ticaret AŞ (Köyceğiz, it-Turkija), Ertuğ Balık Üretim Tesisi Gıda ve Tarım İşletmeleri Sanayi ve Ticaret AŞ (Bornova, it-Turkija), Gümüşdoğa Su Ürünleri Üretim İhracat ve İthalat AŞ (Milas, it-Turkija), Kemal Balıkçılık İhracat Limited Şirketi (Sancaktepe, it-Turkija), Kılıç Deniz Ürünleri Üretimi İhracat ve İthalat AŞ (Bodrum, it-Turkija), Kuzuoğlu Su Ürünleri Sanayi ve Ticaret AŞ (Merkez, it-Turkija), Liman Entegre Balıkçılık Sanayi ve Ticaret Limited Şirketi (Maltepe, it-Turkija), More Su Ürünleri Ticaret AŞ (Bornova, it-Turkija), Ömer Yavuz Balıkçılık Su Ürünleri ve Ticaret Limited Şirketi (Merkez, it-Turkija), Özpekler İnşaat Taahhüt Dayanıklı Tüketim Malları Su Ürünleri Sanayi ve Ticaret Limited Şirketi (Merkezefendi, it-Turkija), Premier Kültür Balıkçılığı Yatırım ve Pazarlama AŞ (Maltepe, it-Turkija), Selina Balık İşleme Tesisi İthalat İhracat Ticaret AŞ (Seydikemer, it-Turkija), Uluturhan Balıkçılık Turizm Ticaret Limited Şirketi (Dinar, it-Turkija), Yavuzlar Otomotiv Balıkçılık Sanayi ve Ticaret Limited Şirketi (Pamukkale, it-Turkija) (rappreżentanti: G. Coppo u A. Scalini, avukati)
Konvenut: Il-Kummissjoni Ewropea
Talbiet
Ir-rikorrenti jitolbu li l-Qorti Ġenerali jogħġobha:
— |
tannulla r-Regolament ta’ Implimentazzjoni tal-Kummissjoni (UE) 2022/2390 tas-7 ta’ Diċembru 2022 li jemenda d-dazju kompensatorju definittiv impost fuq l-importazzjonijiet ta’ ċerti troti qawsalla li joriġinaw mit-Turkija permezz tar-Regolament ta’ Implimentazzjoni (UE) 2021/823 wara rieżami interim parzjali skont l-Artikolu 19 tar-Regolament (UE) 2016/1037 tal-Parlament Ewropew u tal-Kunsill (1) (iktar ’il quddiem ir-“Regolament ikkontestat”), sa fejn jikkonċerna lir-rikorrenti; |
— |
tikkundanna lill-Kummissjoni għall-ispejjeż. |
Motivi u argumenti prinċipali
Insostenn tar-rikors tagħhom, ir-rikorrenti jinvokaw seba’ motivi.
1. |
L-ewwel motiv li jallega li r-Regolament ikkontestat jikser l-Artikoli 1(1), 3(2), 5 u 7 tar-Regolament Bażiku sa fejn il-Kummissjoni naqset milli twettaq evalwazzjoni tat-trasferiment tal-vantaġġi downstream fir-rigward tas-sussidju għal kull kilogramma ta’ troti mixtrija. |
2. |
It-tieni motiv li jallega li r-Regolament ikkontestat jikser l-Artikolu 22(6) tar-Regolament Bażiku sa fejn il-Kummissjoni applikat metodoloġija ġdida għad-determinazzjoni tas-sussidju għal kull kilogramma ta’ troti mixtrija. |
3. |
It-tielet motiv li jallega li r-Regolament ikkontestat jikser l-Artikoli 1(1), 3(2), 5 u 7 tar-Regolament Bażiku sa fejn il-Kummissjoni wettqet żbalji manifesti fil-kalkolu tas-sussidju għal kull kilogramma ta’ troti mixtrija. |
4. |
Ir-raba’ motiv li jallega li r-Regolament ikkontestat jikser l-Artikolu 22(6) tar-Regolament Bażiku sa fejn il-Kummissjoni inkludiet troti kbar fil-kalkolu tas-sussidju għal kull kilogramma ta’ troti mixtrija. |
5. |
Il-ħames motiv li jallega li r-Regolament ikkontestat jikser l-Artikoli 1(1), 3(2), 5 u 7 tar-Regolament Bażiku sa fejn il-Kummissjoni inkludiet troti kbar fil-kalkolu tas-sussidju għal kull kilogramma ta’ troti mixtrija. |
6. |
Is-sitt motiv li jallega li r-Regolament ikkontestat jikser l-Artikolu 3 tar-Regolament Bażiku sa fejn il-Kummissjoni kkonkludiet li ċertu self dipendenti fuq l-esportazzjoni li ngħata lil Gümüşdoğa minn banek privati għandu jiġi attribwit lill-Gvern tat-Turkija). |
7. |
Is-seba’ motiv li jallega li r-Regolament ikkontestat jikser l-Artikoli 5, 7(2) u 7(4) tar-Regolament Bażiku sa fejn il-Kummissjoni wettqet żbalji manifesti fil-kalkolu tal-marġni tas-sussidju ta’ Gümüşdoğa. |