11.4.2023 |
MT |
Il-Ġurnal Uffiċjali tal-Unjoni Ewropea |
C 127/46 |
Rikors ippreżentat fis-6 ta’ Frar 2023 – UG vs ERCEA
(Kawża T-45/23)
(2023/C 127/57)
Lingwa tal-kawża: il-Franċiż
Partijiet
Rikorrent: UG (rappreżentant: N. Flandin, avukata)
Konvenut: Aġenzija Eżekuttiva Ewropea għall-Kunsill Ewropew tar-Riċerka
Talbiet
Ir-rikorrenti titlob li l-Qorti Ġenerali jogħġobha:
— |
tiddikjara dan ir-rikors ammissibbli u fondat; |
konsegwentement,
— |
tannulla r-rapport ta’ evalwazzjoni tal-2021 tar-rikorrenti; |
— |
sussidjarjament, tannulla r-rapport ta’ evalwazzjoni tal-2021 sa fejn fih il-kummenti kkontestati; |
— |
tannulla wkoll, sa fejn meħtieġ, id-deċiżjoni tal-ERCEA tas-26 ta’ Ottubru 2022 billi ma laqgħetx l-ilment tar-rikorrenti kontra r-rapport ta’ evalwazzjoni tagħha għas-sena 2021; |
— |
tikkundanna lill-konvenuta għall-ispejjeż kollha. |
Motivi u argumenti prinċipali
Insostenn tar-rikors tagħha, ir-rikorrenti tinvoka żewġ motivi.
1. |
L-ewwel motiv ibbażat fuq il-fatt li l-motivazzjoni tad-deċiżjoni kkontestata hija vvizzjata bi żball manifest ta’ evalwazzjoni, b’teħid inkunsiderazzjoni żbaljat ta’ rapporti ta’ evalwazzjoni preċedenti, bi ksur tal-Artikolu 43 tar-Regolamenti tal-Persunal għall-Uffiċjali tal-Unjoni Ewropea u bi ksur tal-prinċipju ta’ natura annwali tal-evalwazzjoni. |
2. |
It-tieni motiv ibbażat fuq il-fatt li d-deċiżjoni kkontestata u l-kummenti kkontestati huma vvizzjati bi żbalji manifesti ta’ evalwazzjoni, bi ksur tal-prinċipju ta’ premura, b’nuqqas ta’ teħid inkunsiderazzjoni tal-kuntest professjonali mfixkel, b’mod partikolari, mill-pandemija tal-COVID fl-2021 u b’kummenti ta’ natura sproporzjonata meta mqabblin mar-realtà tas-sitwazzjoni. |