(1)

Skont l-Artikolu 4(2) tar-Regolament (KE) Nru 847/96, l-Istati Membri jistgħu jitolbu lill-Kummissjoni, qabel il-31 ta’ Ottubru tas-sena ta’ applikazzjoni tal-kwota tas-sajd allokata lilhom, biex iżommu ammont massimu ta’ 10 % ta’ dik il-kwota sabiex jiġi trasferit għas-sena ta’ wara. Il-Kummissjoni għandha żżid mal-kwota rilevanti l-kwantità miżmuma.

(2)

Għall-istaġun tas-sajd 2011/2012, ir-Regolament tal-Kunsill (UE) Nru 716/2011 (2) alloka lil Franza kwota ta’ 2 970 tunnellata ta’ inċova fil-Bajja ta’ Biscay.

(3)

Madankollu, meta jitqiesu skambji ta’ opportunitajiet tas-sajd skont l-Artikolu 20(5) tar-Regolament tal-Kunsill (KE) Nru 2371/2002 (3), it-trasferimenti ta’ kwoti skont l-Artikolu 4(2) tar-Regolament (KE) Nru 847/96 u/jew riallokazzjoni u tnaqqis tal-opportunitajiet tas-sajd skont l-Artikoli 37 u 105 tar-Regolament tal-Kunsill (KE) Nru 1224/2009 (4), il-kwota disponibbli għal Franza għal dak l-istokk matul l-staġun tas-sajd 2011-2012 ammontat għal 6 362 tunnellata.

(4)

Fi tmiem dak l-istaġun tas-sajd Franza rrappurtat qabdiet ta’ inċova fil-Bajja ta’ Biscay li kumplessivament ammontaw għal 4 198 tunnellata.

(5)

Franza talbet, skont l-Artikolu 4(2) tar-Regolament (KE) Nru 847/96, li tinżamm parti mill-kwota ta’ inċova tagħha għall-istaġun tas-sajd 2011-2012 u li din tiġi ttrasferita għall-istaġun li jmiss. Fil-limiti indikati f’dak ir-Regolament, il-kwantitajiet miżmuma għandhom jiġu miżjuda mal-kwota stabbilita permezz tar-Regolament tal-Kunsill (UE) Nru 694/2012 (5) għall-istaġun tas-sajd 2012-2013.

(6)

Il-miżuri previsti f’dan ir-Regolament huma skont l-opinjoni tal-Kumitat tas-Sajd u l-Akkwakultura,