|
9.10.2008 |
MT |
Il-Ġurnal Uffiċjali ta’ l-Unjoni Ewropea |
L 268/3 |
REGOLAMENT TAL-KUMMISSJONI (KE) Nru 983/2008
tat-3 ta’ Ottubru 2008
li jadotta l-pjan għall-allokazzjoni lill-Istati Membri ta' riżorsi li għandhom jitħallsu mill-baġit tas-sena 2009 għall-provvista tal-ikel mill-ħażniet tal-intervent għall-benefiċċju tal-persuni l-aktar fil-bżonn fil-Komunità
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1), u b’mod partikulari l-Artikolu 43(g) flimkien mal-Artikolu 4 tiegħu,
Wara li kkunsidrat ir-Regolament tal-Kunsill (KE) Nru 2799/98 tal-15 ta’ Diċembru 1998 li jistabbilixxi arranġamenti agromonetarji għall-euro (2), u b'mod partikolari l-Artikolu 3(2) tiegħu,
Billi:
|
(1) |
Bi qbil mal-Artikolu 2 tar-Regolament tal-Kummissjoni (KEE) Nru 3149/92 tad-29 ta’ Ottubru 1992 li jippreskrivi regoli dettaljati għar-riforniment ta’ ikel mill-ħażna ta’ intervent għall-benefiċċju tal-persuni l-aktar fil-bżonn fil-Komunità (3), il-Kummissjoni għandha tadotta pjan ta' distribuzzjoni li għandu jkun iffinanzjat mir-riżorsi disponibbli fis-sena tal-baġit 2009. Il-pjan għandu jistabbilixxi partikolarment, għal kull Stat Membru li japplika l-miżura, ir-riżorsi finanzjarji massimi disponibbli sabiex iwettaq l-parti tiegħu tal-pjan, u l-kwantità ta' kull tip ta' prodott li għandha tittieħed mill-ħażniet miżmuma mill-aġenziji tal-intervent. |
|
(2) |
L-Istati Membri involuti fil-pjan għas-sena tal-baġit 2009 kienu fornew l-informazzjoni meħtieġa skont l-Artikolu 1 tar-Regolament (KEE) Nru 3149/92. |
|
(3) |
Għall-finijiet tal-allokazzjoni tar-riżorsi, għandhom jiġu kkunsidrati l-esperjenza u sa liema punt l-Istati Membri utilizzaw ir-riżorsi allokati lilhom fis-snin preċedenti. |
|
(4) |
Il-punt 1(c) tal-Artikolu 2(3) tar-Regolament (KEE) Nru 3149/92 jipprovdi għall-allokazzjoni tar-riżorsi għax-xiri fis-suq ta' prodotti temporanjament mhux disponibbli fil-ħażniet tal-intervent. Il-ħażniet taċ-ċereali li huma adattati għall-konsum uman u li bħalissa jinsabu miżmuma mill-aġenziji tal-intervent huma baxxi ħafna u diġà ttieħdu l-miżuri fir-rigward tal-bejgħ tagħhom fis-suq. Barra minn hekk, bħalissa l-ebda ħażna ta' ross u ta' trab tal-ħalib xkumat mhi miżmuma mill-aġenziji tal-intervent u l-ebda prospett għall-intervent ta' dawn il-prodotti agrikoli mhu maħsub għas-sena 2008. Għalhekk, l-allokazzjonijiet tar-riżorsi għandhom jiġu stabbiliti sabiex ix-xiri fis-suq taċ-ċereali, tat-trab tal-ħalib xkumat u tar-ross ikun possibbli kif inhu mitlub biex jiġi implimentat il-pjan għall-baġit tas-sena 2009. |
|
(5) |
L-Artikolu 7(1) tar-Regolament (KEE) Nru 3149/92 jipprovdi għat-trasferiment bejn l-Istati Membri ta' prodotti li mhumiex disponibbli fil-ħażniet tal-intervent tal-Istat Membru fejn prodotti bħal dawn huma meħtieġa biex jiġi implimentat il-pjan annwali. Jeħtieġ għalhekk li jiġu awtorizzati t-trasferimenti intrakomunitarji meħtieġa għall-implimentazzjoni tal-pjan għall-2009, bil-kundizzjonijiet stipulati fl-Artikolu 7 tar-Regolament (KEE) Nru 3149/92. |
|
(6) |
Għall-implementazzjoni tal-pjan, l-avveniment operattiv fil-qofol tat-tifsira tal-Artikolu 3 tar-Regolament (KE) Nru 2799/98 għandu jkun id-data li fiha tibda s-sena finanzjarja għall-amministrazzjoni tal-ħażniet fil-ħażna pubblika. |
|
(7) |
Bi qbil mal-Artikolu 2(2) tar-Regolament (KEE) Nru 3149/92, il-Kummissjoni fittxet il-parir tal-organizzazzjonijiet ewlenin li huma familjari mal-problemi tal-persuni l-aktar fil-bżonn fil-Komunità meta kienet qed tħejji dan il-pjan. |
|
(8) |
Il-miżuri pprovduti f’dan ir-Regolament huma skont l-opinjoni tal-Kumitat tal-Ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
Fl-2009, it-tqassim tal-ikel lill-persuni li huma l-aktar fil-bżonn fil-Komunità, skont l-Artikolu 27 tar-Regolament (KE) Nru 1234/2007, għandu jsir skont il-pjan annwali ta' distribuzzjoni stabbilit fl-Anness I ta' dan ir-Regolament.
Artikolu 2
L-allokazzjonijiet lill-Istati Membri maħsuba għax-xiri fis-suq taċ-ċereali, tat-trab tal-ħalib xkumat u tar-ross meħtieġa fil-qafas tal-pjan imsemmi fl-Artikolu 1, huma stabbiliti fl-Anness II.
Artikolu 3
It-trasferiment intrakomunitarju tal-prodotti elenkati fl-Anness III ta' dan ir-Regolament huma awtorizzati skont il-kundizzjonijiet stipulati fl-Artikolu 7 tar-Regolament (KEE) Nru 3149/92.
Artikolu 4
Għall-finijiet tal-implimentazzjoni tal-pjan annwali msemmi fl-Artikolu 1 ta' dan ir-Regolament, id-data tal-avveniment operattiv fil-qofol tat-tifsira tal-Artikolu 3 tar-Regolament (KE) Nru 2799/98 għandha tkun l-1 ta’ Ottubru 2008.
Artikolu 5
Dan ir-Regolament għandu jidħol fis-seħħ fil-ġurnata wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 3 ta’ Ottubru 2008.
Għall-Kummissjoni
Jean-Luc DEMARTY
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
ANNESS I
PJAN ANNWALI TAD-DISTRIBUZZJONI GĦALL-2009
|
(a) |
Riżorsi finanzjarji li huma disponibbli għall-implimentazzjoni tal-pjan f'kull wieħed mill-Istati Membri:
|
|||||||||||||||||||||||||||||||||||||||||||
|
(b) |
Il-kwantità ta' kull tip ta' prodott li għandu jittieħed mill-ħażniet tal-intervent tal-Komunità għad-distribuzzjoni f'kull Stat Membru skond l-ammonti massimi stabbiliti f’(a):
|
|||||||||||||||||||||||||||||||
ANNESS II
Allokazzjonijiet lill-Istati Membri maħsuba għax-xiri ta' prodotti fis-suq Komunitarju skont il-limiti tal-ammonti stabbiliti fl-Anness 1(a):
|
(f'EUR) |
|||
|
L-Istat Membru |
Ċereali |
Ross |
Trab tal-ħalib xkumat |
|
Belgique/België |
2 026 200 |
300 000 |
3 000 000 |
|
България |
3 545 850 |
2 400 000 |
424 500 |
|
Eesti |
303 930 |
0 |
0 |
|
Éire/l-Irlanda |
0 |
0 |
376 977 |
|
Elláda |
6 000 000 |
3 000 000 |
10 000 000 |
|
España |
13 170 300 |
2 340 000 |
40 483 716 |
|
France |
16 412 220 |
7 897 500 |
47 898 216 |
|
Italia |
34 458 775 |
3 000 000 |
80 962 837 |
|
Latvija |
3 312 432 |
0 |
1 866 102 |
|
Lietuva |
3 317 885 |
1 543 920 |
2 224 368 |
|
Luxembourg |
0 |
0 |
121 781 |
|
Magyarország |
9 000 000 |
0 |
2 100 000 |
|
Malta |
80 964 |
34 250 |
387 714 |
|
Polska |
36 471 600 |
0 |
44 350 200 |
|
Portugal |
2 623 162 |
3 074 726 |
17 033 678 |
|
România |
20 262 000 |
0 |
0 |
|
Slovenija |
486 288 |
300 000 |
1 018 800 |
|
Suomi/il-Finlandja |
2 640 000 |
0 |
1 170 000 |
|
Totali |
154 111 606 |
23 890 396 |
253 418 889 |
ANNESS III
Trasferimenti intrakomunitarji ta' zokkor awtorizzati fil-qafas tal-pjan għall-baġit tal-2009:
|
|
Il-kwantità (tunnellati) |
Id-detentur |
Id-destinatarju |
|
1. |
8 450 |
OFI, l-Irlanda |
FEGA, España |
|
2. |
2 158 |
OFI, l-Irlanda |
Ministério das Finanças, Direcção-Geral das Alfândegas e dos Impostos Especiais sobre o Consumo, Direcção de Serviços de Licenciamento, Portugal |
|
3. |
4 995 |
BIRB, Belgique |
ONIGC, Franza |
|
4. |
5 614 |
Statní Zemědělský Intervenční Fond, Česká Republika |
NMA, Lietuva |
|
5. |
23 000 |
Statní Zemědělský Intervenční Fond, Česká Republika |
ARR, Polska |
|
6. |
14 000 |
Pôdohospodárska Platobná Agentúra, Slovensko |
ARR, Polska |
|
7. |
12 544 |
AGEA, Italia |
ARR, Polska |
|
8. |
20 000 |
Pôdohospodárska Platobná Agentúra, Slovensko |
Agentia de Plati si Interventie pentru Agricultura, România |
|
9. |
571 |
AGEA, Italia |
AP, Malta |
|
10. |
1 100 |
AGEA, Italia |
Agencija Republike Slovenije za kmetijske trge in razvoj podeželja, Slovenija |
|
11. |
5 700 |
AGEA, Italia |
Държавен фонд „Земеделие”-Разплащателна агенция, България |