(1)

Fil-5 ta' Lulju 2006 il-Kunsill adotta l-Azzjoni Konġunta 2006/468/PESK, li temenda u tirrivedi l-mandat tar-Rappreżentant Speċjali ta' l-Unjoni Ewropea għas-Sudan (2).

(2)

Ir-Rappreżentant Speċjali ta' l-Unjoni Ewropea (RSUE) għas-Sudan inter alia jiżgura l-koordinazzjoni u l-koerenza tal-kontributi ta' l-Unjoni għall-missjoni ta' l-Unjoni Afrikana fir-reġjun tad-Darfur fis-Sudan (AMIS). Skond l-Artikolu 5(2) ta' l-Azzjoni Konġunta 2005/557/PESK, Ċellula ta' Koordinazzjoni ta' l-UE f'Addis Ababa (ACC) taħt l-awtorità tar-RSUE, li tikkonsisti minn konsulent politiku, konsulent militari u konsulent tal-pulizija, tamministra l-koordinazzjoni ta' kuljum ma' l-atturi rilevanti kollha ta' l-UE u maċ-Ċentru ta' Kontroll Amministrattiv u ta' Maniġġar (ACMC) fil-katina ta' kmand ta' l-Unjoni Afrikana f'Addis Ababa sabiex jiġu żgurati l-koerenza u l-appoġġ f'waqtu ta' l-UE lill-AMIS.

(3)

Taħt l-Artikolu 4 ta' l-Azzjoni Konġunta 2005/557/PESK il-Kunsill awtorizza lill-Kumitat Politiku u ta' Sigurtà sabiex jaħtar il-konsulent militari għar-RSUE fuq proposta tas-Segretarju Ġenerali/Rappreżentant Għoli (SĠ/RGħ) abbażi ta' rakkomandazzjoni mir-RSUE.

(4)

Is-SĠ/RGħ, wara r-rakkomandazzjoni tar-RSUE, ippropona li l-Kurunell François AMELINEAU jinħatar bħala l-Konsulent Militari l-ġdid għar-RSUE.

(5)

Skond l-Artikolu 6 tal-Protokoll dwar il-pożizzjoni tad-Danimarka anness mat-Trattat dwar l-Unjoni Ewropea u mat-Trattat li jistabbilixxi l-Komunità Ewropea, id-Danimarka ma tieħux sehem fl-elaborazzjoni u fl-implimentazzjoni ta’ deċiżjonijiet u azzjonijiet ta' l-Unjoni Ewropea li għandhom implikazzjonijiet ta' difiża,