|
1.8.2007 |
MT |
Il-Ġurnal Uffiċjali ta’ l-Unjoni Ewropea |
249 |
DEĊIŻJONI TAL-KUNSILL 2006/865/PESK
tat-28 ta’ Novembru 2006
li timplimenta l-Azzjoni Konġunta 2005/824/PESK dwar il-Missjoni tal-Pulizija ta' l-Unjoni Ewropea (EUPM) fil-Bosnja u Ħerzegovina (BiH)
IL-KUNSILL TA’ L-UNJONI EWROPEA:
Wara li kkunsidra l-Azzjoni Konġunta tal-Kunsill 2005/824/PESK ta' l-24 ta' Novembru 2005 dwar il-Missjoni tal-Pulizija ta’ l-Unjoni Ewropea (EUPM) fil-Bosnja u Ħerzegovina (BiH) (1), u b'mod partikolari l-Artikolu 11 (2) tagħha, flimkien mat-tieni inċiż ta' l-Artikolu 23(2), tat-Trattat dwar l-Unjoni Ewropea,
Billi:
|
(1) |
Fl-24 ta' Novembru 2005 l-Kunsill adotta l-Azzjoni Konġunta 2005/824/PESK li tistabbilixxi li l-EUPM għandha titkompla sal-31 ta' Diċembru 2007. L-ammont ta' referenza finanzjarja għall-2007 għandu jiġi deċiż fuq bażi annwali. |
|
(2) |
Il-mandat ta' l-EUPM ser jiġi implementat fil-kuntest ta' sitwazzjoni li tista' tiddeterjora u li tista' tkun ta' ħsara għall-objettivi tal-Politika Estera u ta' Sigurtà Komuni kif stabbiliti fl-Artikolu 11 tat-Trattat, |
IDDEĊIEDA KIF ĠEJ:
Artikolu 1
1. L-ammont ta’ referenza finanzjarju intiż biex ikopri n-nefqa relatata ma' l-implimentazzjoni ta' l-Azzjoni Konġunta 2005/824/PESK għandu jkun ta’ EUR 12 150 000 għall-2007.
2. In-nefqa finanzjata mill-ammont imsemmi fil-paragrafu 1 għandu jiġi ġestit skond il-proċeduri u r-regoli applikabbli għall-baġit ġenerali ta' l-Unjoni Ewropea, bl-eċċezzjoni li Ä3.
3. In-nefqa għandha tkun eliġibbli mill-21 ta' Novembru 2006.
Artikolu 2
Din id-Deċiżjoni għandha tieħu effett fid-data ta’ l-adozzjoni tagħha.
Artikolu 3
Din id-Deċiżjoni għandha tiġi pubblikata fil-Ġurnal Uffiċjali ta’ l-Unjoni Ewropea.
Magħmul fi Brussel, 28 ta’ Novembru 2006.
Għall-Kunsill
Il-President
E. HEINÄLUOMA