|
12.12.2006 |
MT |
Il-Ġurnal Uffiċjali ta’ l-Unjoni Ewropea |
434 |
DEĊIŻJONI TAL-PARLAMENT EWROPEW U TAL-KUNSILL
tas-7 ta' Settembru 2005
dwar il-mobilizzazzjoni tal-Fond ta' Solidarjetà ta' l-Unjoni Ewropea skond punt 3 tal-Ftehim Interistituzzjonali tas-7 ta' Novembru 2002 bejn il-Parlament Ewropew, il-Kunsill u l-Kummissjoni dwar il-finanzjament tal-Fond ta' Solidarjetà ta' l-Unjoni Ewropea li jissupplimenta l-Ftehim Interistituzzjonali tas-6 ta' Mejju 1999 dwar id-dixxiplina tal-baġit u titjib fil-proċedura tal-baġit
(2005/706/KE)
IL-PARLAMENT EWROPEW U L-KUNSILL TA' L-UNJONI EWROPEA,
Wara li kkunsidraw il-Ftehim Interistituzzjonali tas-7 ta' Novembru 2002 bejn il-Parlament Ewropew, il-Kunsill u l-Kummissjoni dwar il-finanzjament tal-Fond ta' Solidarjetà ta' l-Unjoni Ewropea li jissupplimenta il-Ftehim Interistituzzjonali tas-6 ta' Mejju 1999 dwar id-dixxiplina tal-baġit u titjib fil-proċedura tal-baġit (1), u b'mod partikolari punt 3 tiegħu,
Wara li kkunsidraw ir-Regolament tal-Kunsill (KE) Nru. 2012/2002 tal-11 ta' Novembru 2002 li jistabilixxi il-Fond ta' Solidarjetà ta' l-Unjoni Ewropea (2),
Wara li kkunsidraw il-proposta tal-Kummissjoni,
Filwaqt li:
|
(1) |
L-Unjoni Ewropea waqqfet Fond ta' Solidarjetà (il-“Fond”) biex turi solidarjetà mal-popolazzjonijiet tar-reġjuni milquta mid-diżastru. |
|
(2) |
L-Islovakkja ppreżentat applikazzjoni fl-24 ta' Jannar 2005 biex timmobilizza il-Fond ta' wara d-diżastru kkawżat minn tempesta. |
|
(3) |
Il-Ftehim Interistituzzjonali tas-7 ta' Novembru 2002 jippermetti l-mobilizzazzjoni tal-Fond fil-limitu ta' biljun EUR annwali. |
|
(4) |
Id-diżastru kkawżat mit-tempesta fl-Islovakkja f'Novembru 2004 jissodisfa il-kriterji biex jiġu mmobilizzati l-Fondi ta' Solidarjetà ta' l-Unjoni Ewropea, |
IDDEĊIDEW KIF ĠEJ:
Artikolu 1
Il-Fond ta' Solidarjetà ta' l-Unjoni Ewropea se jiġi mmobilizzat biex jipprovdi s-somma ta' EUR 5 667 578 bħala allokazzjoni ta' impenn mill-baġit ġenerali ta' l-Unjoni Ewropea għas-sena finanzjarja 2005.
Artikolu 2
Din id-deċiżjoni se tiġi ppubblikata fil-Ġurnal Uffiċjali ta' l-Unjoni Ewropea.
Magħmul fi Strasburgu, nhar is-7 ta' Settembru 2005.
Għall-Parlament Ewropew
Il-President
J. BORRELL FONTELLES
Għall-Kunsill
Il-President
D. ALEXANDER