(1)

Il-Ftehim ta' Assoċjazzjoni u Kooperazzjoni bejn il-Komunitajiet Ewropej u l-Istati Membri tagħhom u r-Repubblika tal-Kazakastan (1) daħal fis-seħħ fl-1 ta' Lulju 1999.

(2)

L-Artikolu 17(1) tal-Ftehim ta' Assoċjazzjoni u Kooperazzjoni jipprovdi sabiex il-kummerċ fi prodotti tal-Komunità Ekonomika tal-Faħam u l-Azzar (minn hawn iżjed 'il quddiem imsejħa ’KEFA’) jiġi regolat mit-Titolu III ta' dak il-Ftehim, ħlief għall-Artikolu 11 tiegħu, u mid-dispozizzjonijiet ta' ftehim dwar arranġamenti kwantitattivi li jikkonċernaw l-iskambju ta' prodotti ta' l-azzar tal-KEFA.

(3)

Fit-22 ta' Lulju 2002 il-KEFA u l-Gvern tar-Repubblika tal-Kazakastan ikkonkludew tali Ftehim dwar il-kummerċ f'ċertu prodotti ta' l-azzar (2) (minn hawn iżjed 'il quddiem imsejjaħ 'il-Ftehim'), approvat f'isem il-KEFA bid-Deċiżjoni tal-Kummissjoni 2002/654/KEFA (3).

(4)

It-Trattat tal-KEFA skada fit-23 ta' Lulju 2002 u l-Komunità Ewropea assumiet id-drittijiet u l-obbligi kollha kkuntrattati mill-KEFA.

(5)

Il-Partijiet qablu skond l-Artikolu 11(2) tal-Ftehim li dan ta' l-aħħar kellu jkompli u li d-drittijiet u l-obbligi kollha tal-Partijiet taħtu kellhom jinżammu fis-seħħ wara tali skadenza.

(6)

Il-Partijiet daħlu f'konsultazzjonijiet kif previst fl-Artikolu 2(6) tal-Ftehim u qablu li jżidu l-limiti kwantitattivi stabbiliti fih sabiex jieħdu in konsiderazzjoni t-tkabbir ta' l-Unjoni Ewropea. Iż-żidiet kienu s-suġġett ta' ftehim ġdid li daħal fis-seħħ fil-jum ta' l-iffirmar tieghu (4).

(7)

Id-Deċiżjoni tal-Kummissjoni Nru 1469/2002/KEFA tat-8 ta' Lulju 2002 dwar l-amministrazzjoni ta' ċerti restrizzjonijiet fuq l-importazzjoni ta' ċerti prodotti ta' l-azzar mill-Kazakastan (1) għandha tiġi emendata għaldaqstant,