Id-Deċiżjoni tal-Kummissjoni

tat-23 ta’ Diċembru 2003

li tniżżel kondizzjonijiet speċjali li jirregolaw importazzjonijiet ta’ prodotti mis-sajd mill-Eġittu

(notifikata taħt dokument numru K(2003) 5018)

(Test b’relevanza għaż-ŻEE)

(2004/38/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 91/493/KEE tat-22 ta’ Lulju 1991 li tistabilixxi kondizzjonijiet tas-saħħa għall-produzzjoni u t-tqegħid fis-suq ta’ prodotti tas-sajd [1], u b’mod partikolari l-Artikolu 11 tagħha,

Billi:

(1) Twettqet spezzjoni fl-Eġittu għan-nom tal-Kummissjoni biex jiġu verifikati l-kondizzjonijiet li taħthom prodotti mis-sajd huma prodotti, maħżuna u mibgħuta lejn il-Komunità.

(2) Il-ħtiġiet fil-leġislazzjoni ta’ l-Eġittu dwar l-ispezzjoni tas-saħħa u l-immonitorjar tal-prodotti mis-sajd huma meqjusa ekwivalenti għall-dawk stabbiliti fid-Direttiva 91/493/KEE.

(3) B’mod partikolari l-Organizzazzjonijiet Ġenerali tas-Servizzi Veterinarji (GOVS), hija kapaċi li effettivament tivverifika l-implimentazzjoni tal-leġislazzjoni fis-seħħ.

(4) Il-GOVS ipprovdiet assigurazzjonijiet uffiċjali fir-rigward tal-konformità ma’ l-istandards għall-kontrolli tas-saħħa u l-immonitorjar tal-prodotti mis-sajd kif stipulati fil-Kapitolu V ta’ l-Anness li jinsab mad-Direttiva 91/493/KEE u fir-rigward tat-tħaris ta’ ħtiġiet iġjeniċi ekwivalenti għal dawk stabbiliti f’dik id-Direttiva.

(5) Huwa xieraq li jitniżżlu dispożizzjonijiet dettaljati dwar prodotti mis-sajd importati fil-Komunità mill-Eġittu, skond id-Direttiva 91/493/KEE.

(6) Huwa wkoll meħtieġ li titħejja lista ta’ stbbilimenti approvati, bastimenti fabbrika, jew imħażen tal-friża, u lista tal-bastimenti friża mgħamra skond il-ħtiġiet tad-Direttiva tal-Kunsill 92/48/KEE tas-16 ta’ Ġunju 1992 li tippreskrivi r-regoli minimi ta’iġjene applikabbli għall-prodotti mis-sajd maqbuda abbord ċerti bastimenti skond l-Artikolu 3(1)(a)(i) tad-Direttiva 91/493/KEE [2]. Dawk il-listi għandhom jitħejjew fuq il-bażi ta’ komunikazzjoni mill-GOVS lill-Kummissjoni.

(7) Minħabba li l-importazzjoni ta’ prodotti mis-sajd mill-Eġittu sejrin ikun awtorizzati għall-ewwel darba permezz tad-deċiżjoni presenti m’hemmx il-ħtieġa ta’ perjodu tansitorji, u perjodu ta’ tlett ijiem huwa suffiċjenti biex jassigura l-pubbliċità ta’ l-awtorizzazzżjoni. Għalhekk, l-importazzjonijiet minn dan il-pajjiż għandhom ikunu permessi tlett ijiem wara il-pubblikazzjoni ta’ din id-Deċiżjoni fil-Ġurnal Uffiċjali ta’ l-Unjoni Ewropea.

(8) Il-miżuri li għalihom tipprovdi din id-Deċiżjoni huma skond l-opinjoni tal-Kumitat Permanenti dwar il-Katina ta’ l-Ikel u s-Saħħa ta’ l-Annimali,

ADOTTAT DIN ID-DEĊIŻJONI:

L-Artikolu 1

L-Organizzazzjonijiet Ġenerali tas-Servizzi Veterinarji (GOVS), għandha tkun l-awtorità kompetenti fl-Eġittu identifikata għall-finijiet tal-verifika u l-immonitorjar tal-konformità ta’ prodotti mis-sajd mal-ħtiġiet tad-Direttiva 91/493/KEE.

L-Artikolu 2

Il-prodotti mis-sajd importati fil-Komunità mill-Eġittu għandhom iħarsu l-ħriġiet stipulati fl-Artikoli 3, 4 u 5.

L-Artikolu 3

1. Kull kunsinna għandha tkun akkumpanjata minn ċertifikat oriġinali numerat tas-saħħa skond il-mudell muri fl-Anness I u magħmul minn paġna waħda, debitament mimlija iffirmata u datata.

2. Iċ-ċertifikat tas-saħħa għandu jitħejja f’ta’ l-anqas waħda mill-lingwi uffiċjali ta’ l-Istat Membru fejn jitwettqu l-verifiki.

3. Iċ-ċertifikat tas-saħħa għandu jġorr l-isem, il-kariga u l-firma tar-rappresentant tal-GOVS, u t-timbru uffiċjali ta’ dan imsemmi l-aħħar f’kulur differenti minn dak ta’ l-endorsjar.

L-Artikolu 4

Il-prodotti mis-sajd għandhom ikunu ġejjin minn stabbilimenti approvati, bastimenti fabbrika, jew imħażen tal-friża, jew mill-bastimenti tal-friża elenkati fl-Anness II.

L-Artikolu 5

Il-pakketti kollha għandhom iġorru l-kelma "l-Eġittu" u n-numru ta’ l-approvazzjoni/reġistrazzjoni ta’ l-istabbiliment, bastiment fabbrika, maħżen tal-friża jew bastiment tal-friża ta’ l-oriġini f’ittri li ma jitħassrux, ħlief fil-każ ta’ prodotti mis-sajd iffriżati fi kwantità u maħsuba għall-manifattura ta’ ikel ippriservat.

L-Artikolu 6

Din id-Deċiżjoni għandha tgħodd mis-17 ta’ Jannar 2004.

L-Artikolu 7

Din id-Deċiżjoni hija ndirizzata lill-Istati Membri.

Magħmul fi Brussel, fit-23 ta’ Diċembru 2003.

Għall-Kummissjoni

David Byrne

Membru tal-Kummissjoni

[1] ĠU L 268, ta’ l-24.9.1991, p. 15. Direttiva kif l-aħħar emendata bir-Regolament (KE) Nru 806/2003 (ĠU L 122, tas-16.5.2003, p. 1).

[2] ĠU L 187, 07.07.92, p. 41.

--------------------------------------------------

L-ANNESS I

+++++ TIFF +++++

--------------------------------------------------

L-ANNESS II

LISTA TA’ STABBILIMENTI U BASTIMENTI

Iskrizzjoni tal-kategorija:

PP : Impjant ta’ l-ipproċessar.

--------------------------------------------------

32004D0038