Official Journal L 273 , 24/10/2003 P. 0038 - 0042
Id-Deċiżjoni tal-Kummissjoni tal-15 ta’ Ottubru 2003 li tippreskrivi kondizzjonijiet speċjali li jirregolaw l-importazzjoni ta’ prodotti tas-sajd minn Kap Verde (innotifikata bid-dokument numru K(2003) 3651) (Test b’relevanza għaż-ŻEE) (2003/763/KE) IL-KUMMISSJONI TAL-KOMUNITAJIET EWROPEJ Wara li kkunsidrat it-Trattat li jistabbilixxi l-Komunitajiet Ewropej, Wara li kkunsidrat id-Direttiva tal-Kunsill 91/493/KEE tat-22 ta’ Lulju 1991 tippreskrivi l-kondizzjonijiet sanitarji għall-produzzjoni u l-marketing ta’ prodotti [1], kif l-aħħar emendati mir-Regolament (KE) Nru 806/2003 [2], u b ‘ mod partikolari l-Artikolu 11 tiegħu, Billi: (1) Saret spezzjoni għan-nom tal-Kmmissjoni f’Kap Verde biex tivverifika l-kondizzjonijiet li taħthom prodotti tas-sajd jiġu prodotti, maħżuna, u mibgħuta lejn il-Komunità. (2) Ir-rekwiżiti fil-legislazzjoni ta’ Kap Verde dwar l-ispezzjonar sanitaraju u l-monitoraġġ ta’ prodotti tas-sajd jistgħu jiġu kkonsidrati ekwivalenti għal dawk preskritti fid-Direttiva 91/493/KEE. (3) B’mod partikolari, id-Direcção-Geral das Pescas (DGP) -Ministério do Ambiente, Agricultura e Pescas, hu kappaċi biex effettivament jivverifika l-implimentazzjoni l-legislazzjoni in vigore. (4) Id-DGP ta garanziji uffiċjali rigward il-konformità ma’ l-standards għall-kontrolli sanitarji u l-monitoraġġ ta’ prodotti tas-sajd kif preskritti fil-Kapitolu V ta’ l-Anness għad-Direttiva 91/493/KEE u rigward it-twettiq tar-rekwiżiti iġjeniċi ekwivalenti għal dawk preskritti minn dik id-Direttiva. (5) Hemm bżonn illi jiġu preskritti dispożizzjonijiet li jikkoncernaw il-prodotti tas-sajd importati fil-Komunità minn Kap Verde, skond id-Direttiva 91/493/KEE. (6) Huwa ukoll neċessarju li tiġi redatta lista ta’ stabbiliment approvati, bastimenti-fabbrika, jew cold stores, u lista ta’ bastimenti-friża mgħammra skond ir-rekwiżiti tad-Direttiva tal-Kunsill 92/48/KEE tas-16 ta’ Ġunju 1992 li tippreskrivi regoli minimi ta’ iġjene applikabbli għall-prodotti tas-sajd maqbuda abbord ċerti bsatimenti skond l-Artikolu 3(1)(a)(i) tad-Direttiva 91/493/KEE [3]. Dawn il-lists għandhom jiġu redatti a bażi ta’ komunikazzjoni mid-DGP lill-Kummissjoni. (7) Billi l-importazzjoni ta’ prodotti tas-sajd minn Kap Verde se terġa’ tiġi awtorizzata ex-nuovo b’din id-Deċiżjoni ma hemmx il-ħtieġa għal perjodu transitorju, u perjodu ta’ tlett ijiem hu suffiċjenti biex tiġi żgurata l-pubbliċità ta’ l-awtrorizzazzjoni. Għaldaqstant, l-importazzjoni minn dan il-pajiż hija permessa tlett ijiem wara l-pubblikazzjoni tal-presenti Deċiżjoni fil-Ġurnal Uffiċjali ta’ l-Unjoni Ewropea. (8) Il-miżuri preskritti f’din id-Deċiżjoni huma skond l-opinjoni tal-Kumitat Permanenti dwar il-Katina Alimentarja u s-Saħħa ta’ l-Annimali, ADDOTTAT DIN ID-DEĊIŻJONI: Artikolu 1 Id-Diretção-Geral das Pescas (DGP) -Ministério do Ambiente, Agricultura e Pescas, għandu jkun l-awtorità kompetenti f’Kap Verde identifikat għal skop ta’ verifikar u ċertifikar ta’ konformità ta’ prodotti tas-sajd mar-rekwiżiti tad-Direttiva 91/493/KEE. Artikolu 2 Prodotti tas-sajd importati fil-Komunità minn Kap Verde għandhom jissodisfaw ir-rekwiżiti preskritti fl-Artikoli 3, 4 u 5. Artikolu 3 1. Kull konsennja għandha tkun akkumpanjata minn ċertifikat oriġinali tas-sanità enumerat skond il-mudell fl-Anness I magħmul minn folja waħda, debitament mimlija, iffirmata u ddatata. 2. Iċ-ċertifikat għandu jiġi redatt f’mill-anqas lingwa waħda uffiċjali ta’ l-Istat Membru fejn isiru l-ispezzjonijiet. 3. Iċ-ċertifikat għandu jkollu l-isem, il-kapaċità u l-firma tar-rappresentant tad-DGP, u t-timbru uffiċjali ta’ dan ta’ l-aħħar f’kulur differenti minn dak tas-sottoskrizzjonar. Artikolu 4 Il-prodotti għandhom jiġu minn stabbilimenti approvati, bastimenti-fabbrika, jew cold stores, jew minn bastimenti-friża rreġistri elenkati fl-Anness II. Artikolu 5 L-imballeġġi kollha għandu jkollhom il-kliem KAP VERDE u l-approvazzjoni/numru tar-reġistrazzjoni ta’ l-istabbiliment, bastiment-fabbrika, cold store jew bastiment-friża ta’ l-oriġini f’ittri li ma jitħassrux, bl-eċċezzjoni ta’ prodotti tas-sajd iffriżati in bulk u maħsuba għall-maifattura ta’ ikel ippreservat. Artikolu 6 Din id-Deċiżjoni għandha tapplika mis-27 ta’ Ottubru 2003. Artikolu 7 Dan id-Deċiżjoni hija indirizzata lill-Istati Membri. Magħmula fi Brussel, fil-15 ta’ Ottubru 2003. Ghall-Kummissjoni David Byrne Membru tal-Kummissjoni [1] ĠU L 268, ta’ l-24.09.91, p. 15. [2] ĠU L 122, tas-16.05.03, p. 1. [3] ĠU L 187, tas-7.07.92, p. 41. -------------------------------------------------- L-ANNESS I +++++ TIFF +++++ +++++ TIFF +++++ -------------------------------------------------- L-ANNESS II List ta' stabbilimenti u bastimenti Legend: PP : Impjant ta' ipproċessar. Nru ta' pprovazzjoni | Isem | Belt/Reġjun | Kategorija | CV 001 | SALSESIMBRA LDA | Palmeira/Ilha do Sal | PP | CV 002 | FRESCOMAR, ITS | Mindelo/São Vicente | PP | --------------------------------------------------