Id-Deċiżjoni tal-Kummissjoni

tat-12 ta’ Settembru 2003

dwar il-proċedura għall-attestazzjoni tal-konformità ta’ prodotti għall-bini skond l-Artikolu 20(2) tad-Direttiva tal-Kunsill 89/106/KEE fir-rigward ta’ kittijiet ta’ kopertura li ma tagħmilx ilma għall-art u l-ħitan ta’ wetrooms

(notifikata taħt dokument numru C(2003) 3246)

(Test b’relevanza għaż-ŻEE)

(2003/655/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 89/106/KEE tal-21 ta’ Diċembru 1998 dwar l-approssimazzjoni tal-liġijiet, ir-regolamenti u d-dispożizzjonijiet amministrattivi ta’ l-Istati Membri li jirrelataw ma’ prodotti għall-bini [1], kif l-aħħar emendata bid-Direttiva 93/68/KEE [2], u b’mod partikolari l-Artikolu 13(4) tagħha,

Billi:

(1) Il-Kummissjoni hija meħtieġa li tagħżel, kif bejn iż-żewġ proċeduri taħt l-Artikolu 13(3) tad-Direttiva 89/106/KEE għall-attestazzjoni ta’ konformità ta’ prodott, il-proċedura l-anqas oneruża possibbli konsistenti mas-sigurtà. Dan ifisser li huwa meħtieġ li tiddeċiedi jekk, għal prodott partikolari jew familja ta’ prodotti, l-eżistenza ta’ sistema ta’ kontroll ta’ produzzjoni tal-fabbrika taħt ir-responsabbiltà tal-manifattur hija kondizzjoni meħtieġa u suffiċjenti għall-attestazzjoni ta’ konformità, jew jekk, għal raġunijiet relatati tal-konformità mal-kriterji msemmija fl-Artikolu 13(4), l-intervent ta’ korp approvat ta’ ċertifikazzjoni huwiex meħtieġ.

(2) l-Artikolu 13(4) jeħtieġ li l-proċedura hekk stabbilita għandha tiġi indikata fil-mandati u l-ispeċifikazzjonijiet tekniċi. Huwa għalhekk mixtieq li jiġu identifikati l-prodotti jew familja ta’ prodotti msemmija fl-ispeċifikazzjonijiet tekniċi.

(3) Iż-żewġ proċeduri hekk kif hemm provdut fl-Artikolu 13(3) huma deskritti fid-dattal f’Anneess III li jinsab mad-Deċiżjoni 89/106/KEE. Huwa meħtieġ għalhekk li jiġu speċifikati b’mod ċar il-metodi li bihom iż-żewġ proċeduri għandhom jiġu implimentati, b’referenza għal l-Anness III, għal kull prodott jew familja ta’ prodotti, minħabba li l-Anness III jagħti preferenzi għal ċerti sistemi.

(4) Il-proċedura msemmija fil-punt (a) ta’ l-Artikolu 13(3) tikkorrispondi mas-sistemi stipulati fl-ewwel possibbiltà, mingħajr sorveljanza kontinwa, u t-tieni u t-tielet possibbiltajiet tal-punt (ii) tat-taqsima 2 ta’ l-Anness III. Il-proċedura msemmija fil-punt (b) ta’ l-Artikolu 13(3) tikkorrispondi mas-sistemi stipulati fil-punt (i) tat-taqsima 2 ta’ l-Anness III, u fl-ewwel possibbilta, b’sorveljanza kontinwa, tal-punt (ii) tat-taqsima 2 ta’ l-Anness III.

(5) Il-miżuri li għalihom tipprovdi din id-Deċiżjoni huma skond l-opinjoni tal-Kumitat Permanenti dwar il-Bini,

ADOTTAT DIN ID-DEĊIŻJONI:

Artikolu 1

Il-prodott u l-familja ta’ prodotti stipulati f’L-Anness I għandu jkollhom il-konformità tagħhom attestata bi proċedura li biha, b’żieda mas-sistema ta’ kontroll ta’ produzzjoni tal-fabbrika operata mill-manifattur, korp ta’ approvazzjoni ta’ ċertifikazzjoni huwa nvolut fl-istima u s-sorveljanza tal-kontroll tal-produzzjoni jew tal-prodott innifsu.

Artikolu 2

Il-proċedura għall-attestazzjoni tal-konformità kif stipulata f’L-Anness II għandha tiġi indikata fil-mandati għall-Linji Gwida għall-approvazzjonijiet tekniċi Ewropej.

Artikolu 3

Din id-Deċiżjoni hija indirizzata lill-Istati Membri.

Magħmula fi Brussel, fit-12 ta’ Settembru 2003.

Għall-Kummissjoni

Erkki Liikanen

Membru tal-Kummissjoni

[1] ĠU L 40, tal-11.2.1989, p. 12.

[2] ĠU L 220, tat-30.8.1993, p. 1.

--------------------------------------------------

L-ANNESS I

Kittijiet ta' koperturi li ma jagħmlux ilma għall-art wetroom u ħitan

- Għall-użu f'xogħlijiet ta' bini (esklużi swimming pools u proċessi industrijali).

--------------------------------------------------

L-ANNESS II

Nota:

għal prodotti li għandhom aktar minn użu wieħed ta’ l-użi maħsuba speċifikati fil-familji li ġejjin, il-kompiti għall-korp approvat, li joħorġu mis-sistemi relevanti ta’ attestazzjoni ta’ konformità huma kumulattivi.

Kittijiet ta’ koperturi li ma jagħmlux ilma għall-art u l-ħitan ta’ wetrooms (1/2)

Sistemi ta’ attestazzjoni ta’ konformità

Għall-prodott/i u użu/i maħsuba elenkati hawn taħt, EOTA hija mitluba li tispeċifika s-sistema/i li ġejjin ta’ attestazzjoni ta’ konformità fil-linji gwida relevanti għall-approvazzjonijiet tekniċi Ewropej:

Sistema 2 + : ara d-Direttiva 89/106/KEE l-Anness III.2.(ii), l-ewwel possibbiltà inkluża ċertifikazzjoni ta’ kontroll ta’ produzzjoni tal-fabbrika minn korp approvat fuq il-bażi ta’ spezzjoni inizjali tal-fabbrika u kontroll tal-produzzjoni tal-fabbrika kif ukoll sorveljanza kontinwa, stima u approvazzjoni tal-kontroll tal-produzzjoni tal-fabbrika.

Prodott/i | Użu/i maħsuba | Livell/i jew classi/jiet | Attestazzjoni tas-sistema/i ta’ konformità |

Kittijiet ta’ koperturi li ma jagħmlux ilma għall-art u l-ħitan ta’ wetrooms | Għal xogħlijiet ta’ bini | – | 2+ |

L-ispeċifikazzjoni tas-sistema għandha tkun tali li tkun tista’ tiġi implimentata wkoll fejn il-prestazzjoni ma teħtieġx li tiġi stabbilita għal ċerta karatteristika (ara l-Artikolu 2(1) tad-Direttiva 89/106/KEE u, fejn japplika, l-klawżola 1.2.3 tad-Dokumenti Interpretattivi). F’dawk il-każi il-verifikazzjoni ta’ dik il-karatteristika m’għandhiex tiġi imposta fuq il-manifattur jekk ma jixtieqx li jiddikjara l-prestazzjoni tal-prodott f’dak ir-rigward.

Kittijiet ta’ koperturi li ma jagħmlux ilma għall-art u l-ħitan ta’ wetrooms (2/2)

Sistemi ta’ attestazzjoni ta’ konformità

Għall-prodott/i u użu/i maħsuba elenkati hawn taħt, l-EOTA hija mitluba li tispeċifika is-sistema/i li ġejjin ta’ attestazzjoni ta’ konformità fil-linji gwida relevanti għall-approvazzjonijiet tekniċi Ewropej:

Sistema 1 : ara d-Direttiva 89/106/KEE l-Anness III.2.(i), mingħajr ittestjar ta’ verifika ta’ kampjuni.

Sistema 3 : ara d-Direttiva 89/106/KEE l-Anness III.2.(ii), it-tieni possibbiltà.

Sistema 4 : ara d-Direttiva 89/106/KEE l-Anness III.2.(ii), it-titlet possibbiltà.

Prodott/i | Użu/i maħsuba | Livell/i jew klassi/jiet (reazzjoni kontra n-nar) | Attestazzjoni ta’ sistema/i ta’ konformità |

Kittijiet ta’ koperturi li ma jagħmlux ilma għall-art ta’ wetrooms u ħitan | Għal użi suġġetti għar-regolamenti dwar reazzjoni kontra n-nar | A1 [1], A2 [1], B [1], C [1] A1 [2], A2 [2], B [2], C [2], D, E (A1 to E) [3], F | 1 3 4 |

[1] Prodotti/materjali li għalihom stadju identifikabbli b’mod ċar fil-proċess tal-produzzjoni jirriżulta titjib tar-reazzjoni għall-klassifikazzjoni tan-nar (per eżempju ritardanti tan-nar jew limitar ta’ materjal organiku).

[2] Prodotti/materjali mhux koperti bin-nota ta’ l-aħħar [1]

[3] Prodotti/materjali li ma jeħtieġux li jiġu ttestjati għar-reazzjoni kontra n-nar (per eżempju prodotti/materjali tal-klasijiet A1 skond id-Deċiżjoni tal-Kummissjoni 96/603/KE, kif emendata)

--------------------------------------------------

32003D0655