Official Journal L 317 , 21/11/2002 P. 0001 - 0011
Ir-Regolament (KE) Nru 2056/2002 tal-Parlament Ewropew u tal-Kunsill tal-5 ta' Novembru 2002 li jemenda r-Regolament tal-Kunsill (KE, Euratom) Nru 58/97 dwar statistiċi kummerċjali strutturali (Test b'rilevanza għaż-ŻEE) IL-PARLAMENT EWROPEW U L-KUNSILL TAL-UNJONI EWROPEA, Wara li kkunsidraw it-Trattat li jistabbilixxi l-Komunità Ewropea u b'mod partikolari Artikolu 285 tiegħu, Wara li kkunsidraw il-proposta mill-Kummissjoni [1], Wara li kkunsidraw l-opinjoni tal-Kumitat Ekonomiku u Soċjali [2], Wara li kkunsidraw l-opinjoni tal-Bank Ċentrali Ewropew [3], Filwaqt li jaġixxu skond il-proċedura stabbilita f'Artikolu 251 tat-Trattat [4], Billi: (1) Ir-Regolament (KE, Euratom) Nru 58/97 [5] stabbilixxa qafas komuni għall-ġbir, il-kumpilazzjoni, it-trasmissjoni u l-evalwazzjoni ta' statistiċi Komunitarji dwar l-istruttura, l-attività, il-kompettitività u t-twettiq tan-negozju fil-Komunità; (2) L-iżviluppi fl-integrazzjoni Komunitarja monetarja, ekonomika u soċjali jeħtieġu l-estensjoni tal-qafas komuni għall-istituzzjonijiet tal-kreditu, il-fondi tal-pensjoni, l-intervent finanzjarju oħra u l-attivitajiet awżjiljarji għall-intervent finanzjarju; (3) L-operat u l-iżvilupp tas-suq intern kabbar il-ħtieġa għall-informazzjoni li tkejjel l-effettività tiegħu, b'mod partikolari fis-setturi ta' l-istituzzjonijiet tal-kreditu, il-fondi tal-pensjonijiet, l-interventi finanzjarja l-oħra u l-attivitajiet awżjiljarji għall-intervent finanzjarju; (4) Il-liberalizzazzjoni tal-kummerċ internazzjonali fis-servizzi finanzjarji teħtieġ statistiċi kummerċjali fil-kamp tas-servizzi finanzjarji għall-appoġġ tan-negozjati fil-kummerċ; (5) Il-kumpilazzjoni tar-rendikonti nazzjonali u reġjonali skond ir-Regolament tal-Kunsill (KE) Nru 2223/96 tal-25 ta' Ġunju 1996 dwar is-sistema Ewropea tar-rendikonti nazzjonali u reġjonali fil-Komunità [6] teħtieġ statistiċi kummerċjali komparabbli, sħaħ u ta' min joqgħod fuqhom fil-kamp tas-servizzi finanzjarji; (6) L-introduzzjoni tal-munita waħdanija ser ikollha impatt kbir fuq l-istruttura ta' l-industrija tas-servizzi finanzjarji u ċ-ċaqliq minn fruntiera għall-oħra tal-kapital, li jenfasizza l-importanza ta' l-informazzjoni dwar il-kompetitività, is-suq intern u l-internazzjonalizzazzjoni; (7) It-twettiq mingħajr problemi tal-politiki segwiti mill-awtoritajiet kompetenti dwar is-sorveljanza prudenzjali ta' l-istituzzjonijiet tal-kreditu u l-istabilità tas-sistema finanzjarja jimplika l-ħtieġa għall-informazzjoni addizzjonali dwar l-istituzzjonijiet tal-kreditu u s-servizzi relatati; (8) Is-settur tal-fondi tal-pensjonijiet li qed jiżviluppa jista’ jgħin fit-titjib tas-swieq tal-kapital billi jittieħed vantaġġ akbar u aktar mil-liberalizzazzjoni tar-regoli dwar l-investiment; (9) Id-Deċiżjoni Nru 2179/98/KE tal-Parlament Ewropew u tal-Kunsill ta' l-24 ta' Settembru 1998 dwar ir-reviżjoni tal-programm tal-Komunità Ewropea dwar l-azzjoni politika dwar l-ambjent u l-iżvilupp sostenibbli "Lejn is-sostenibilità" [7] tenna l-ħtieġa għal data li tista’ toqgħod fuqha u komparabbli, l-istatistika u l-indikaturi bħala għodda ewlenin għall-evalwazzjoni ta' l-ispejjeż għall-konformità mar-regolamenti ambjentali. (10) Il-Kumitat dwar il-Programm Statistiku stabbilit bid-Deċiżjoni Nru 89/382/KEE, Euratom [8], il-Kumitat tal-Pariri Bankarji stabbilit bid-Direttiva 77/780/KEE [9], il-Kumitat dwar l-Istatistiċi Monetarji, Finanzjarji u tal-Bilanċ tal-Ħlasijiet stabbilit bid-Deċiżjoni 91/11 5/KEE [10] u l-Kumitat dwar l-Assigurazzjoni stabbilit bid Direttiva 91/675/KEE [11] ġew konsultati, ADOTTAW DAN IR-REGOLAMENT: Artikolu 1 Ir-Regolament (KE, Euratom) Nru 58/97 huwa emendat kif ġej: 1. F'Artikolu 5 għandhom jiżdiedu l-inċiżi segwenti: "— module dettaljat għal statistiċi strutturali dwar istituzzjonijiet tal-kreditu kif definiti f'Anness 6, — module dettaljat għal statistiċi strutturali għall-fondi tal-pensjonijiet kif definiti f'Anness 7."; 2. għandu jiżdied it-test ta' Annessi 6 u 7, kif stabbilit fl-Anness ta' dan ir-Regolament. Artikolu 2 Anness 1 tar-Regolament (KE, Euratom) Nru 58/97 għandu jkun emendat kif ġej: 1. Fit-taqsima 5 għandha tiżdied is-sentenza li ġejja: "Iżda l-ewwel sena ta' riferenza li għaliha l-istatistiċi dwar il-klassijiet ta' l-attività koperti minn NACE REV. 1 grupp 65.2 u d-diviżjoni 67 għandhom jiġu kumpilati, għandha tiġi deċiża skond il-proċedura stabbilita f'Artikolu 13 ta' dan ir-Regolament."; 2. It-Taqsima 8 għandha tiġi sostitwita b' dan li ġej: "Taqsima 8 Trasmissjoni tar-riżultati 1. Ir-riżultati jiġu trasmessi fi żmien 18-il xahar mit-tmiem tas-sena kalendarja tal-perjodu ta' riferenza ħlief għan-NACE REV. 1, klassi ta' l-attività 65.11 u l-attivitajiet ta' NACE REV. 1 koperti b'Annessi 5, 6 u 7. Għal NACE REV. 1 klassi ta' attività 65.11 id-dewmien tat-trasmissjoni hu ta' 10 xhur. Għall-attivitajiet koperti b'Annessi 5, 6 u 7 id-dewmien tat-trasmissjoni huwa stabbilit f'dawn l-annessi. Madankollu d-dewmien tat-trasmissjoni tar-riżultati dwar il-klassijiet ta' l-attività koperti b'NACE REV.1 grupp 65.2 u d-diviżjoni 67 jiġu deċiżi skond il-proċeduri stabbiliti f'Artikolu 13 ta' dan ir-Regolament. 2. Ħlief għad-diviżjonijiet 65 u 66 ta' NACE REV. 1, ir-riżultati preliminari nazzjonali jew l-istimi jiġu trasmessi fi żmien 10 xhur mit-tmiem tas-sena kalendarja tal-perjodu ta' riferenza għall-istatistiċi ta' l-impriżi magħmul mill-karatteristiċi elenkati hawn taħt: 12110(valur tal-bejgħ), 16110 (numru ta' persuni impjegati). Dawn ir-riżultati preliminarji jew stimi għandhom jinqasmu skond NACE REV. 1 livell ta' tliet digits (grupp), ħlief għat-Taqsimiet Ħ, I u K ta' NACE REV. 1, li għalihom għandhom jitqassmu skond il-gruppi stabbiliti fit-Taqsima 9. Għad-diviżjoni 67 ta' NACE REV. 1, it-trasmissjoni tar-riżultati preliminarji jew l-istimi għandha tiġi deċiża skond il-proċedura stabbilita f'Artikolu 13 ta' dan ir-Regolament." 3. Fit-taqsima 9, it-Taqsima J għandha tiġi sostitwita bis-segwenti: "TAQSIMA J Intermedjazzjoni finanzjarja Biex ikunu jistgħu jinġabru l-istatistiċi Komunitarji, l-Istati Membri għandhom jittrasmettu riżultati nazzjonali komponenti mqassma skond il-klassijiet ta' NACE REV. I."; 4. Fit-taqsima 10, il-paragrafu 1, l-ewwel sentenza għandha tiġi sostitwita b'dan li ġej: "L-istati Membri għandhom jipprovdu lill-Kummissjoni rapport dwar id-definizzjoni, l-istruttura u d-disponibbiltà ta' l-informazzjoni dwar l-unitajiet statistiċi li huma kklassifikati taħt it-Taqsimiet M sa O ta' NACE REV. 1." Artikolu 3 Anness 2 tar-Regolament (KE, Euratom) Nru 58/97 għandu jiġi emendat kif ġej: 1. "21 12 0 - : Investiment f'tagħmir u apparat konnessi mat-teknoloġija l-aktar nadifa (teknoloġija integrata)(*)" ; 2. in-nota tal-qiegħ tat-Taqsima 4, paragrafu 3 għandha tiġi sostitwita b'dan li ġej: "(*) Jekk l-ammont totali tal-valur tal-bejgħ jew in-numru ta' persuni impjegati f'xi diviżjoni ta' NACE REV. 1 Taqsimiet Ċ sa E jirrapreżentaw, f'xi Stat Membru, inqas minn 1 % tat-total Komunitarju, l-informazzjoni meħtieġa għall-kumpilazzjoni ta' l-istatistiċi dwar il-karatteristiċi 21 11 0, 21 12 0, 22 11 0 u 22 12 0 m'għandhiex għalfejn tinġabar għall-għanijiet ta' dan ir-Regolament. Jekk meħtieġ għall-ħtiġijiet ta' politika Komunitarja, il-Kummissjoni tista, skond il-proċedura stabbilita f'Artikolu 13 ta' dan ir-Regolament, titlob il-ġbir ad hoc ta' din l-informazzjoni." 3. "21 14 0 – : Spiża totali kurrenti fuq protezzjoni ambjentali (*)" ; 4. Fit-taqsima 4, paragrafu 4, tiżdied in-nota tal-qiegħ li ġejja: "(*) Jekk l-ammont totali tal-valur tal-bejgħ jew in-numru ta' persuni impjegati f diviżjoni ta' NACE REV. 1 Taqsimiet Ċ sa E jirrapreżentaw, f'xi Stat Membru, inqas minn 1 % mit-total Komunitarju, l-informazzjoni meħtieġa għall-kumpilazzjoni ta' l-istatistiċi dwar il-karatteristika 21 14 0 m'għandhiex għalfejn tinġabar għall-għanijiet ta' dan ir-Regolament. Jekk meħtieġ għall-ħtiġijiet ta' politika Komunitarja, il-Kummissjoni tista skond il-proċedura stabbilita f'Artikolu 13 ta' dan ir-Regolament titlob il-ġbir ad hoc ta' din l-informazzjoni.;" 5. Fit-Taqsima 5, jiżdiedu l-paragrafi segwenti: "3. L-ewwel sena ta' riferentza li għaliha l-istatistiċi dwar il-karatteristiċi 21 12 0 u 21 14 0 għandhom jiġu kumpilati hija s-sena kalendarja 2001. 4. L-istatistiċi dwar il-karatteristika 21 12 0 għandhom jiġu kumpilati kull sena. L-istatistiċi dwar il-karatteristika 21 14 għandhom jiġu kumpilati kull tliet snin." 6. Fit-Taqsima 7, il-paragrafu 6 jiġi sostitwit b'dan li ġej: "6. Ir-riżultati għall-karatterstiċi 21 11 0, 21 12 0 u 21 14 0 għandhom jitqassmu skond NACE REV. 1 livell ta' żewġ digits (diviżjoni)."; 7. Fit-Taqsima 7, għandu jiżdied dan il-paragrafu: "7. Ir-riżultati għall-karatteristiċi 21 11 0, 21 12 0 u 21 14 0 għandhom jitqassmu fil-kampijiet ambjentali li ġejjin: ħarsien ta' l-arja ambjentali u l-klima, ġestjoni ta' l-ilma ta' l-iskart, ġestjoni ta' l-iskart u l-protezzjoni ta' l-attivitajiet l-oħrajn tal-ħarsien ta' l-ambjent. Ir-riżultati għall-kampijiet ambjentali għandhom jitqassmu f NACE REV. 1 livell ta' żewġ digits (diviżjoni)"; 8. "21 11 0 - : Investiment f’ tagħmir u apparat għall-kontroll tat-tniġġiż u l-aċċessorju speċjali kontra t-tniġġiż (primarjament it-tagħmir ta' tmiem-il kanna)." Jiżdied il-kumment li ġej għall-karatteristiċi 2111 0, 21 12 0 u 21 14 0: "Tqassim speċifiku biss dwar il-kampijiet ambjentali, biodiversità u landscape, il-ħamrija u l-ilma ta' l-art"; 9. Fit-Taqsima 10, tiżdied is-sentenza li ġejja: "Għall-kumpilazzjoni ta' l-istatistiċi dwar il-karatteristiċi 21 12 0 u 21 14 0 dan il-perjodu transitorju jista' jiżdied b' perjodu ieħor sa' erba' snin skond il-proċedura stabbilita f'Artikolu 13 ta' dan ir-Regolament." Artikolu 4 Dan ir-Regolament għandu jidħol fis-seħħ fl-20 jum wara dik tal-pubblikazzjoni tiegħu fil-Ġurnal Uffiċjali tal-Komunitajiet Ewropej. Dan ir-Regolament għandu jorbot fl-intier tiegħu u jkun direttament applikabbli fl-Istati Membri kollha. Magħmul fi Brussell, il-5 ta' Novembru 2002 Għall-Parlament Ewropew Il-President P. Cox Għall-Kunsill Il-President T. Pedersen [1] ĠU Ċ 154 E, tad-29.5.2001, p. 129 uĠU Ċ 332 E, tas-27.11.2001, p. 340. [2] ĠU Ċ 260, tas-17.9.2001, p. 54. [3] ĠU Ċ 131, tat-3.5.2001, p. 5. [4] Opinjoni tal-Parlament Ewropew tat-13 ta' Ġunju 2001 (ĠU Ċ 53 E, tat-28.2.2002, p. 213), Pożizzjoni Komuni tal-Kunsill ta' l-20 ta' Ġunju 2002 (ĠU Ċ 228, tal-25.9.2002, p. 1) u d-Deċiżjoni tal-Parlament Ewropew tal-24 ta' Settembru 2002 (għad mhux pubblikata fil-Ġurnal Uffiċjali). [5] ĠU L 14, tas-17.1.1997, p. 1. Regolament kif l-aħħar emendat bir-Regolament (KE, Euratom) Nru 410/98 (ĠU L 52, tal-21.2.1998, p. 1). [6] ĠU L 310, tat-30.11.1996, p.1. Regolament kif emendat l-aħħar permezz tar-Regolament (KE) Nru 359/2002 tal-Parlament Ewropew u tal-Kunsill ĠU L 58, tat-28.2.2002, p. 1). [7] ĠU L 275, ta' l-10.10.1998, p.1. [8] ĠU L 181, tat-28.6.1989, p. 47. [9] ĠU L 322, tas-17.12.1977, p. 30. Id-Direttiva kif l-aħħar emendata bid-Direttiva 98/33/KE tal-Parlament Ewropew u tal-Kunsill (ĠU L 204 tal-21.7.1998, p. 29). [10] ĠU L 59, tas-6.3.1991, p. 19. Id-Deċiżjoni kif l-aħħar emendata bid-Deċiżjoni 96/174/KE (ĠU L 51, ta' l-1.3.1996, p. 48). [11] ĠU L 374, tal-31.12.1991, p. 32. -------------------------------------------------- ANNESS ANNESS 6 MODULE DETTALJAT GĦALL-ISTATISTIĊI STRUTTURALI DWAR L-ISTITUZZJONIJIET TA' KREDITU Taqsima 1 Għan L-għan ta' dan l-Anness huwa li jistabbilixxi qafas komuni għall-ġbir, il-kumpilazzjoni, it-trasmizzjoni u l-valutazzjoni ta' l-istatistiċi Komunitarji dwar l-istruttura, l-attività, il-kompetitività u l-ħidma tas-settur ta' l-istituzzjonijiet ta' kreditu. Dan il-module jinkludi lista dettaljata tal-karatteristiċi li dwarhom għandhom jiġu kumpilati l-istatistiċi sabiex jittejjeb l-għarfien dwar l-iżvilupp nazzjonali, Komunitarju u internazzjonali tas-settur tal-istituzzjonijiet ta' kreditu. Taqsima 2 Qasam ta' applikazzjoni L-istatistiċi li għandhom jiġu kumpilati għandhom jirrelataw għall-kampijiet imsemmija fil-punti (i), (ii) u (iii) ta' Artikolu 2 ta' dan ir-Regolament, u b'mod partikolari għal: 1. l-analiżi dettaljata ta' l-istruttura, l-attività, il-kompetitività u l-ħidma ta' l-istituzzjonijiet ta' kreditu; 2. l-iżvilupp u d-distribuzzjoni tan-negozju totali u n-negozju għal kull prodott, l-attivitajiet internazzjonali, l-impieg, il-kapital u r-riservi, u l-assi u l-obbligazzjonijiet l-oħrajn. Taqsima 3 Kopertura 1. L-istatistiċi għandhom jiġu kumpilati għall-attivitajiet ta' l-istituzzjonijiet ta' kreditu fl-iskop tal-klassijiet NACE REV.1, 65.12 u 65.22. 2. L-istatistiċi għandhom jiġu kumpilati għall-attivitajiet ta' l-istituzzjonijiet ta' kreditu kollha msemmija f'Artikolu 2(1)(a) u Artikolu 2(2) tad-Direttiva tal-Kunsill 86/635/KEE tat-8 ta' Diċembru 1986 dwar il-kontijiet annwali u l-kontijiet konsolidati tal-banek u l-istituzzjonijiet finanzjarji l-oħrajn [1], bl-eżenzjoni tal-banek ċentrali. 3. Il-fergħat ta' l-istituzzjonijiet ta' kreditu msemmija f'Artikolu 24 tad-Direttiva 2000/12/KE tal-Parlament Ewropew u tal-Kunsill ta' l-20 ta' Marzu 2000 dwar il-bidu u t-twettiq tan-negozju ta' l-istituzzjonijiet ta' kreditu [2] li l-attività tagħhom tkun parti mill-iskop ta' NACE REV. 1, klassijiet 65.12 u 65.22, għandhom jiġu assimilati ma' l-istituzzjonijiet ta' kreditu msemmija fil-paragrafu 2. Taqsima 4 Karatteristiċi Il-karatteristiċi huma elenkati hawn taħt. Il-karatteristiċi fl-italics huma nklużi wkoll fil-listi tal-modules komuni ta' Anness 1. Meta l-karatteristiċi ġejjin direttament mill-kontijiet annwali, is-snin tal-kontijiet li jintemmu f' sena ta' riferenza għandhom jiġu assmilati għas-sena ta' riferenza msemmija. Il-lista tinkludi: (i) il-karatteristiċi elenkati f'Artikolu 4 tad-Direttiva 86/635/KEE: in-naħa tal-assi fil-balance sheet: numru 4; in-naħa ta' l-obbligi fuq il-balance sheet: numri 2(a) + 2(b) magħduda flimkien, numri 7 + 8 + 9 + 10 + 11 + 12 + 13 + 14 magħduda flimkien; (ii) il-karatteristiċi elenkati f'Artikolu 27 tad-Direttiva 86/635/KEE: nru 2, numri 3(a) + 3(b) + 3(ċ) magħduda flimkien, numru 3(a), numru 4, numru 5, numru 6, numru 7, numri 8(a) + 8(b) magħduda flimkien, numru 8(b), numru 10, numri 11 + 12 magħduda flimkien, numri 9 + 13 + 14 magħduda flimkien, numri 15 + 16 magħduda flimkien, numru 19, numri 15 + 20 + 22 magħduda flimkien, numru 23; (iii) il-karatteristiċi addizzjonali li ġejjin Kodiċi | Titolu | Kumment | Tagħrif strutturali 11 11 0 | Numru ta' impriżi | | 11 11 1 | Numru ta' impriżi mqassma skond l-istatus legali | | 11 11 4 | Numru ta' impriżi mqassma skond il-klassijiet tad-daqs tat-total tal-balance sheet | | 11 11 6 | Numru ta' impriżi mqassma skond ir-residenza ta' l-impriża ewlenija | | 11 11 7 | Numru ta' impriżi mqassma skond il-kategorija ta' l-istituzzjonijiet ta' krediti | | 11 21 0 | Numru ta' unitajiet lokali | | 1141 1 | In-numru globali ta' fergħat imqassma skond il-post f' pajjiżi mhux fiż-ŻEE | | 11 51 0 | In-numru globali ta' sussidjarji finanzjarji mqassma skond il-post fil- pajjiżi l-oħrajn | | Informazzjoni tal-kontijiet: kont tal-qligħ u t-telf 42 11 0 | Interess riċevibbli u dħul simili | | 42 11 1 | Interess riċevibbli u dħul simili minn sigurtajiet tad-dħul fiss | | 42 12 1 | Interess pagabbli u tariffi simili konnessi mas-sigurtajiet tad-dejn maħruġa | | 12 12 0 | Valur tal-produzzjoni | | 13 11 0 | Xiri totali ta' oġġetti u servizzi | | 13 31 0 | Spejjeż ta' l-impjegati | | 12 14 0 | Valur miżjud tal-prezzijiet bażiċi | Mhux obbligatorju | 12 15 0 | Valur miżjud bil-prezzijiet tal-fatturi | | 15 11 0 | Investiment gross f' beni tanġibbli | | Informazzjoni tal-kontijiet: balance sheet 43 30 0 | Totali tal-balance sheet (CI) | | 43 31 0 | Totali tal-balance sheet imqassam skond ir-residenza ta' l-impriża ewlenija | | 43 32 0 | Totali tal-balance sheet imqassam skond status legali | | Informazzjoni skond il-prodott 44 11 0 | Interess riċevibbli u dħul simili mqassam skond is-(sub)kategoriji ta' CPA | Mhux obbligatorju | 44 12 0 | Interess pagabbli u tariffi simili mqassma skond is-(sub)kategoriji ta' CPA | Mhux obbligatorju | 44 13 0 | Kommissjonijiet riċevibbli mqassma skond is-(sub)kategoriji ta' CPA | Mhux obbligatorju | 44 14 0 | Kommissjonijiet pagabbli mqassma skond is-(sub)kategoriji ta' CPA | Mhux obbligatorju | Informazzjoni dwar is-suq intern u l-internazzjonalizzazzjoni 45 11 0 | Tqassim ġeografiku tan-numru globali ta' fergħat taż-ŻEE | | 45 21 0 | Tqassim ġeografiku ta' l-interess riċevibbli u dħul simili | | 45 22 0 | Tqassim ġeografiku tat-total tal-balance sheet | | 45 31 0 | Tqassim ġeografiku ta' l-interess riċevibbli u dħul simili permezz tal-libertà tal-provvediment tas-servizzi (fil-pajjiżi l-oħrajn taż-ŻEE) | Mhux obbligatorju | 45 41 0 | Tqassim ġeografiku ta' l-interess riċevibbli u dħul simili permezz tan-negozju tal-fergħa (fil-pajjiżi mhux fil-ŻEE) | Mhux obbligatorju | 45 42 0 | Tqassim ġeografiku ta' l-interess riċevibbli u dħul simili permezz tal-libertà tal-provediment tas-servizzi (fil-pajjiżi mhux fil-ŻEE) | Mhux obbligatorju | Informazzjoni dwar impiegi 16 11 0 | Numru ta' persuni impjegati | | 16 11 1 | Numbru ta' persuni impjegati mqassma skond il-kategorija ta' l-istituzzjonijiet ta' krediti | | 16 11 2 | Numru ta' nisa impjegati | | 16 13 0 | Numru ta' impjegati | | 16 13 1 | Numru ta' impjegati nisa | | 16 14 0 | Numru ta' impjegati f' unitajiet ekwivalenti tal-full-time | | Informazzjoni residwa 4711 0 | Numru tal-kontijiet imqassma skond is-(sub)kategoriji ta' CPAMhux obbligatorju | | 4712 0 | Numru tas-self u l-avvanzi lill-klijenti mqassma skond is-(sub)kategoriji ta' CPA | Mhux obbligatorju | 47 13 0 | Numru ta' automatic teller machines (ATM) proprjetà ta' l-istituzzjonijiet kreditarji | | (iv) karatteristiċi li għalihom għandhom jinġabru statistiċi annwali reġjonali: 11 21 0 | Numru ta' unitajiet lokali | | 13 32 0 | Pagi u salarji | Mhux obbligatorju | 16 11 0 | Numru ta' persuni impjegati | | Taqsima 5 L-ewwel sena ta' riferenza L-ewwel sena ta' riferenza li għaliha għandhom jiġu kumpilati statistiċi annwali għall-karatteristiċi elenkati fit-Taqsima 4 hija s-sena kalendarja 2001 Taqsima 6 Produzzjoni tar-riżultati 1. Ir-riżultati għandhom jitqassmu fil-klassijiet segwenti ta' NACE REV. 1: 65.12 u 65.22, separatament. 2. Ir-riżultati ta' l-istatistiċi reġjonali għandhom jitqassmu għall–livell ta' erba' digits ta' NACE REV 1 (klassijiet) u l-livell 1 tan-nomenklatura ta' l-unitajiet territorjali (NUTS). Taqsima 7 Trażmissjoni tar-riżultati Id-dewmien tat-trasmissjoni tar-riżultati għandi jiġi deċiż skond il-proċedura stabbilita f'Artikolu 13 ta' dan ir-Regolament. Dan m'għandux ikun itwal minn 10 xhur mit-tmiem tas-sena ta' riferenza. Taqsima 8 Kumitat għall-Istatistiċi Monetarji, Finanzjarji u tal-Bilanċ tal-Ħlasijiet Il-Kummissjoni għandha tinforma lill-Kumitat għall-Istatistiċi Monetarji, Finanzjarji u tal-Bilanċ tal-Ħlasijiet dwar l-implimentazzjoni ta' dan il-module u dwar il-miżuri kollha għall-aġġustament għall-iżviluppi ekonomiċi u tekniċi dwar il-ġbir u l-ipproċessar statistiku ta' l-informazzjoni, l-ipproċessar u t-trasmissjoni tar-riżultati. Taqsima 9 Studji piloti 1. Għall-attivitajiet koperti b'dan l-Anness il-Kummissjoni għandha tagħmel l-istudji piloti segwenti li għandhom jitwettqu mill-Istati Membri: (a) l-informazzjoni dwar oġġetti derivatives u oġġetti mhux fil-balance sheet; (b) l-informazzjoni dwar in-networks tad-distribuzzjoni; (ċ) l-informazzjoni meħtieġa għat-tqassim tat-transazzjonijiet ta' l-istituzzjonijiet ta' krediti skond il-prezzijiet u l-volumi. 2. L-istudji piloti għandhom isiru sabiex tiġi stmata r-rilevanza u l-feasibility ta' l-akkwist ta' l-informazzjoni, meta jiġu kunsidrati l-benefiċċji tad-disponibbilità ta' l-informazzjoni dwar l-ispejjeż tal-ġbir u l-piż fuq in-negozju. Taqsima 10 Perjodu tranżitorju Għall-għanijiet ta' dan il-module dettaljat, il-perjodu transitorju m'għandux jeċċedi t-tliet snin mill-bidu ta' l-ewwel sena ta' riferenza għall-kumpilazzjoni ta' l-istatistiċi indikati fit-Taqsima 5. ANNESS 7 MODULE DETTALJAT DWAR STATISTIĊI STRUTTURALI GĦALL-FONDIJIET TAL-PENSJONIJIET Taqsima 1 Għan L-għan ta' dan l-Anness huwa li jistabbilixxi qafas komuni għall-ġbir, il-kumpilazzjoni, it-trasmissjoni u l-valutazzjoni ta' l-istatistiċi Komunitarji dwar l-istruttura, l-attività, il-kompetitività u l-ħidma tas-settur tal-fondi tal-pensjonijiet. Dan il-module jinkludi lista dettaljata tal-karatteristiċi li dwarhom għandhom jiġu kumpilati l-istatistiċi sabiex jittejjeb l-għarfien dwar l-iżvilupp nazzjonali, Komunitarju u internazzjonali tas-settur tal-fondi tal-pensjonijiet. Taqsima 2 Qasam ta' applikazzjoni L-istatistiċi li għandhom jinġabru għandhom jirrelataw għall-oqsma msemmija fil-punti (i), (ii) u (iii) ta' Artikolu 2 ta' dan ir-Regolament, u b'mod partikolari għal: 1. l-analiżi dettaljata ta' l-istruttura, l-attività, il-kompetitività u l-ħidma tal-fondi tal-pensjonijiet; 2. l-iżvilupp u d-distribuzzjoni tan-negozju globali, l-użanzi tal-membri tal-fondi tal-pensjonijiet, l-attivitajiet internazzjonali, l-impieg, l-investimenti u l-obbligazzjonijiet. Taqsima 3 Kopertura 1. L-istatistiċi għandhom jiġu kumpilati għall-attivitajiet kollha taħt in-NACE REV. 1, klassi 66.02. Din il-klassi tkopri l-attivitajiet tal-fondi tal-pensjonijiet awtonomi. 2. Għandhom jiġu kumpilati xi statistiċi għall-impriżi li jkollhom il-fondi tal-pensjonijiet mhux awtonomi li jitwettqu bħala attivitajiet anċillari. Taqsima 4 Karatteristiċi 1. Il-lista tal-karatteristiċi stabbilita hawn taħt turi, fejn rilevanti, it-tip ta' l-unità statistika li għaliha l-istatistiċi għandhom jiġu kumpilati. Il-karatteristiċi bl-italiċi huma inklużi wkoll fil-listi komuni tal-modules ta' Anness 1. Meta l-karatteristiċi jiġu direttament mill-kontijiet annwali, is-snin tal-kontijiet li jintemmu fis-sena ta' riferenza għanhom jiġi assimilati mas-sena ta' riferenza msemmija. 2. Il-karatteristiċi demografiċi u ta' l-impriżi li għalihom għandhom jinġabru l-istatistiċi annwali (għall- impriżi b'fondi tal-pensjonijiet awtonomi biss): Kodiċi | Titolu | Kumment | Informazzjoni strutturali 11 11 0 | Numru ta' imapriżi | | 11 11 8 | Numru ta' impriżi mqassma skond id-daqs ta' l-investimenti | | 11 11 9 | Numru ta' impriżi mqassma skond il-klassijiet tad-daqsijiet tal-membri | | 11 61 0 | Numru ta' skemi tal-pensjonijiet | Mhux obbligatorju | Informazzjoni tal-kontijiet: il-kont tal-qligħ u t-telf (dħul u spejjeż) 12 11 0 | Valur tal-bejgħ | | 48 00 1 | Il-kontribuzzjonijiet tal-pensjonijiet riċevibbli mill-membri | | 48 00 2 | Il-kontribuzzjonijiet tal-pensjonijiet riċevibbli minn min iħaddem | | 48 00 3 | Trasferimenti 'l-ġewwa | | 48 00 4 | Il-kontribuzzjonijiet l-oħrajn tal-pensjonijiet | | 48 00 5 | Kontribuzzjonijiet tal-pensjonijiet għal skemi definiti ta' benefiċċji | | 48 00 6 | Kontribuzzjonijiet tal-pensjonijiet għal skemi definiti ta' kontribuzzjonijiet | | 48 00 7 | Kontribuzzjonijiet tal-pensjonijiet għal skemi amalgamati | | 48 01 0 | Dħul mill-investiment (PF) | | 48 01 1 | Dħul u telf kapitali | | 48 02 1 | Talbiet ta' l-assigurazzjoni riċevibbli | | 48 02 2 | Dħul ieħor (PF) | | 12 12 0 | Valur tal-prodott | | 12 14 0 | Valur miżjud bi prezzijiet bażiċi | Mhux obbligatorju | 12 15 0 | Valur miżjud bi prezzijiet tal-fatturi | | 48 03 0 | Spejjeż totali fuq pensjonijiet | | 48 03 1 | Ħlasijiet regolari tal-pensjonijiet | | 48 03 2 | Ħlasijiet ta' pensjonijiet bħala somma sħiħa | | 48 03 3 | Trasferimenti 'l barra | | 48 04 0 | Tibdil nett fid-dispożizzjonijiet tekniċi (riservi) | | 48 05 0 | Premiums ta' l-assigurazzjoni pagabbli | | 48 06 0 | Spejjeż totali ta' l-operazzjonijiet | | 13 11 0 | Xiri totali ta' beni u servizzi | | 13 31 0 | Spejjeż tal-ħaddiema | | 15 11 0 | Investiment totali f' beni tanġibbli | | 48 07 0 | Taxxi kollha | | Informazzjoni dwar il-balance sheet: assi 48 11 0 | Art u bini (PF) | | 48 12 0 | Investimenti f' intrapriżi affiljati u interessi parteċipanti (PF) | | 48 130 | Ishma u sigurtajiet oħra bi produzzjoni varjabbli | | 48 13 1 | Ishma nnegozjati f' suq regolat | | 48 13 2 | Ishma negozjati f' suq regolat speċjalizzat f' IŻM | | 48 13 3 | Ishma mhux negozjati pubblikament | | 48 13 4 | sigurtajiet oħra bi produzzjoni varjabbli | | 48 14 0 | Unitajiet f' impriżi għall-investiment kollettiv f' sigurtajiet trasferibbli | | 48 15 0 | Sigurtajiet fid-djun u sigurtajiet oħrajn ta' dħul fiss | | 48 15 1 | Sigurtajiet fid-djun u sigurtajiet oħrajn ta' dħul fiss maħruġa minn amministrazzjonijiet pubbliċi | Mhux obbligatorju | 48 15 2 | Sigurtajiet fid-djun oħrajn u sigurtajiet oħrajn ta' dħul fiss | Mhux obbligatorju | 48 16 0 | Parteċipazzjoni fi ġbir ta' investiment (PF) | | 48 17 0 | Self garantit minn ipoteki u self ieħor mhux kopert band' oħra | | 48 18 0 | Investimenti oħrajn | | 48 10 0 | Investimenti totali ta' fondi tal-pensjonijiet | | 48 10 1 | Investimenti totali investiti fl-"intrapriżi li jagħtu sponsorship" | | 48 10 4 | Investimenti totali bil-valur tas-suq | | 48 20 0 | Assi oħrajn | | Informazzjoni dwar il-balance sheet: obbligazzjonijiet 48 30 0 | Kapital u riservi | | 48 40 0 | Disposizzjonijiet netti tekniċi (PF) | | 48 50 0 | obbligazzjonijiet oħrajn | | Informazzjoni dwar is-suq intern u l-internazzjonalizzazzjoni 48 61 0 | Tqassim ġeografiku tal-valur tal-bejgħ | | 48 62 0 | Ishma u sigurtajiet oħra bi produzzjoni varjabbli imqassma skond il-lokalità | Mhux obbligatorju | 48 63 0 | Investimeti totali mqassma skond il-lokalità | Mhux obbligatorju | 48 64 0 | Investimenti totali mqassma f'komponenti ewro u mhux ewro | | Informazzjoni dwar l-impiegi 16 11 0 | Numru ta' persuni impjegati | | Informazzjoni oħra 48 70 0 | Numru ta' membri | | 48 70 1 | Numru ta' membri ta' skemi ta' benefiċċji definiti | | 48 70 2 | Numru ta' membri ta' skemi ta' kontribuzzjonijiet definiti | | 48 70 3 | Numru ta' membri ta' skemi amalgamati | | 48 70 4 | Numru ta' membri attivi | | 48 70 5 | Numru ta' membri differiti | | 48 70 6 | Numru ta' persuni rtirati | | 3. Karatteristiċi ta' l-intrapriżi li għalihom għandhom jiġu kumpilati statistiċi annwali (għal intrapriżi b' fondi tal-pensjonijiet mhux awtonomi biss): Kodiċi | Titolu | Kumment | 11 15 0 | Numru ta' intrapriżi b' fondi tal-pensjonijiet mhux awtonomi | | 48 08 0 | Valur tal-bejgħ tal-fondi tal-pensjonijiet mhux awtonomi | Mhux obbligatorju | Taqsima 5 L-ewwel sena ta' riferenza L-ewwel sena ta' riferenza li dwarha għandhom jiġu kumpilati l-karatteristiċi elenkati fit-Taqsima 4 hi s-sena kalendarjua 2003. Taqsima 6 Produzzjoni tar-riżultati 1. Ir-riżultati għall-karatteristiċi elenkati fit-Taqsima 4, paragrafu 2, għandhom jitqassmu skond il-livell ta' erba' digits ta' NACE REV. 1 (klassi). 2. Ir-riżultati għall-karatteristiċi elenkati fit-Taqsima 4, paragrafu 3, għandhom jitqassmu skond il-livell tat-taqsimiet ta' NACE REV. 1. Taqsima 7 Transmissjoni tar-riżultati Ir-riżultati għandhom jiġu trasmessi fi żmien 12-il xahar mill-aħħar tas-sena ta' riferenza. Taqsima 8 Kumitat ta' l-Assigurazzjoni Il-Kummissjoni għandha tinforma lill-Kumitat dwar l-implimentazzjoni ta' dan il-module u dwar il-miżuri kollha għall-aġġustament għall-iżviluppi ekonomiċi u tekniċi li għandhom x'jaqsmu mal-ġbir u l-proċessar statistiku ta' l-informazzjoni, l-ipproċessar u t-trasmissjoni tar-riżultati. Taqsima 9 Studji Piloti Għall-attivitajiet koperti b'dan l-Anness, il-Kummissjoni għandha tagħmel l-istudji piloti li ġejjin li għandhom jitwettqu mill-Istati Membri. 1. Informazzjoni aktar dettaljata dwar l-attivitajiet li jaqsmu l-fruntieri dwar il-fondi tal-pensjonijiet: Kodiċi | Titolu | Kummenti | 11 71 0 | Numru ta' intrapriżi f' pajjiżi oħrajn ta' l-AEE | | 1172 0 | Numru ta' intrapriżi b' membri f' pajjiżi oħrajn ta' l-AEE | | 48 65 0 | Tqassim ġeografiku tan-numru ta' membri skond il-ġens | | 48 65 1 | Tqassim ġeografiku tan-numru ta' membri ta' skemi ta' benefiċċji definiti | | 48 65 2 | Tqassim ġeografiku tan-numru ta' membri ta' skemi ta' kontribuzzjonijiet definiti | | 48 65 3 | Tqassim ġeografiku tan-numru ta' membri ta' skemi ibridi | | 48 65 4 | Tqassim ġeografiku tan-numru ta' membri attivi | | 48 65 5 | Tqassim ġeografiku tan-numru ta' membri differiti | | 48 65 6 | Tqassim ġeografiku tan-numru ta' persuni rtirati | | 48 65 7 | Tqassim ġeografiku tan-numru ta' persuni li jirċievu pensjoni derivata. | | 48 70 7 | Numru ta' membri nisa | | 2. Informazzjoni addizzjonali dwar fondi tal-pensjonijiet mhux awtonomi Kodiċi | Titolu | Kummenti | 11 15 1 | Numru ta' intrapriżi b' fondi tal-pensjonijiet mhux awtonomi mqassma skond il-klassijiet tad-daqsijiet tal-membri | | 48 40 1 | Disposizzjonijiet tekniċi netti ta' fondi tal-pensjonijiet mhux awtonomi | | 48 72 0 | Numru ta' membri ta' fondi tal-pensjonijiet mhux awtonomi | | 48 66 1 | Tqassim ġeografiku tan-numru ta' membri attivi ta' fondi tal-pensjonijiet mhux awtonomi | | 48 66 2 | Tqassim ġeografiku tan-numru ta' membri differiti ta' fondi tal-pensjonijiet mhux awtonomi | | 48 66 3 | Tqassim ġeografiku ta' numru ta' persuni rtirati li jirċievu pensjoni ta' fondi tal-pensjonijiet mhux awtonomi | | 48 66 4 | Tqassim ġeografiku ta' numru ta' persuni li jirċievi pensjoni derivata ta' fondi tal-pensjonijiet mhux awtonomi | | 48 09 0 | Ħlasijiet ta' pensjonijiet minn fondi tal-pensjonijiet mhux awtonomi | | 3. Informazzjoni dwar derivativi u oġġetti mhux fuq il-balance sheet L-istudji pilota għandhom jitwettqu sabiex jiġu stmati r-rilevanza u l-valur ta' l-akkwist ta' l-informazzjoni, meta jkunu kunsidrati l-benefiċċi tad-disponibbilità ta' l-informazzjoni dwar l-ispejjeż tal-ġbir u l-piż fuq in-negozju. Taqsima 10 Perjodu transitorju Għall-għanijiet ta' dan il-module dettaljat, il-perjodu transitorju m'għandux jeċċedi tliet snin mill-bidu ta' l-ewwel sena ta' riferenza għall-kumpilazzjoni ta' l-istatistiċi indikati fit-Taqsima 5. Dan il-perjodu jista’ jiġi estiż b'perjodu ieħor ta' mhux aktar minn tliet snin skond il-proċedura stabbilita f'Artikolu 13 ta' dan ir-Regolament. " [1] ĠU L 372, tal-31.12.1986, p. 1. Id-Direttiva kif l-aħħar emendata bid-Direttiva 2001/65/KE tal-Parlament Ewropew utal-Kunsill (ĠU L 283, tas-27.10.2001, p. 28). [2] ĠU L 126, tas-26.5.2000, p. 37. --------------------------------------------------