Id-Deċiżjoni tal-Kummissjoni

ta’ l-14 ta’ Diċembru 2001

dwar ir-rikonoxximent tal-ħames faċilitajiet tat-testijiet Iżraeljani li nstabu li huma konformi mal-ħtiġiet tal-prattika tajba tal-laboratorju (GLP) fir-rigward ta’ l-oqsma ta’ l-esperjenza rispettiva tagħhom

(2002/228/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Deċiżjoni tal-Kunsill 1999/662/KE tad-19 ta’ Lulju 1999 li tikkonċerna l-konklużjoni tal-Ftehim dwar ir-rikonoxximent reċiproku tal-prinċipji tal-OECD tal-prattika tajba tal-laboratorju (GLP) u tal-koNformità tal-programmi tal-monitoraġġ, bejn il-Komunità Ewropea u l-Istat ta’ l-Iżrael [1], u partikolarment l-Artikolu 3(1) tiegħu,

Wara li kkonsultat lill-Kumitat Speċjali maħtur mill-Kunsill,

Billi:

(1) B’segwiment ta’ l-ispezzjonijiet imwettqa mill-ispetturi nnominati tal-KE bejn it-28 ta’ Marzu 1996 u l-1 ta’ Jannar 2000, b’konformità ma’ l-Artikolu 12 tal-Ftehim dwar ir-rikonoxximent reċiproku tal-prinċipji tal-OECD tal-prattika tajba tal-laboratorju (GLP) u dwar il-konformità tal-programmi tal-monitoraġġ, bejn il-Komunità Ewropea u l-Istat ta’ l-Iżrael, ħames faċilitajiet tat-testijiet Iżraeljani nstabu li kienu konformi mal-ħtiġiet tal-GLP fl-oqsma ta’ l-esperjenzi rispettivi tagħhom.

(2) B’konformità ma l-Artikolu 12 tal-Ftehim, il-ħames faċilitajiet tat-testijiet imsemmija hawn fuq għandhom ikunu rikonoxxuti mill-Komunità.

IDDEĊIDIET KIF ĠEJ:

Artikolu uniku

Il-Komunità b’dan tirrikonoxxi l-ħames faċilitajiet tat-testijiet Iżraeljani referuti fl-Anness bħala li huma konformi mal-GLP fl-oqsma ta’ l-esperjenzi rispettivi tagħhom.

Magħmula fi Brussel, fl-14 ta’ Diċembru 2001.

Għall-Kummissjoni

Pascal Lamy

Membru tal-Kummissjoni

[1] ĠU L 263, tad-9.10.1999, pġ. 6.

--------------------------------------------------

ANNESS

Il-faċilitajiet tat-testijiet Iżraeljani li nstabu li huma konformi mal-GLP/PTL fil-qasam ta’ l-esperjenza tagħhom

Agan Chemical Manufacturers Ltd

Analytical Laboratory

77102 Ashdod,Israel

Qasam ta’ l-esperjenza Iżraeljana: It-testijiet fiżiċi-kemikali

Aminolab Ltd

Analytical Laboratory Services

Weizmann Science Park

76326 Rehovot,Israel

Qasam ta’ l-esperjenza Iżraeljana: Il-kemistrija analitika u klinika

Analyst Research Laboratories

Hamanov Street 3

76111 Rehovot,Israel

Qasam ta’ l-esperjenza Iżraeljana: It-testijiet fiżiċi-kemikali u il-kemistrija analitika u klinika

Harlan Biotech Israel Ltd

Kiryat Weizmann,Building 13B

76326 Rehovot,Israel

Qasam ta’ l-esperjenza Iżraeljana: Studji tat-tossiċità

Makteshim Chemical Works Ltd

Physicochemical Research

84100 Beer Sheva,Israel

Qasam ta’ l-esperjenza Iżraeljana: It-testijiet fiżiċi-kemikali

--------------------------------------------------