Id-Deċiżjoni tal-Kunsill

tal-21 ta’ Jannar 2002

dwar l-applikazzjoni provviżorja tal-Ftehim bejn il-Komunità Ewropea u r-Repubblika ta’ l-Afrika t’ Isfel dwar il-kummerċ fl-inbid

(2002/53/KE)

IL-KUNSILL TA L-UNJONI EWROPEA,

Wara li kkunsidra t-Trattat li jistabilixxi il-Komunitajiet Ewropej b’mod partikolari l-Artikolu 133, maqgħud ma’ l-Artikolu 300(2), l-ewwel paragrafu, l-ewwel sentenza tiegħu,

Wara li kkunsidra l-proposta tal-Kummissjoni,

Billi:

(1) Huwa neċessarju għall-Komunità u l-Afrika t’ Isfel li tipprovdi applikazzjoni provviżorja tal-Ftehim bejn il-Komunità Ewropea u r-Repubblika ta’ l-Afrika t’ Isfel dwar il-kummerċ fl-inbid (il-"Ftehim") mit-28 Jannar 2002 sakemm id-dispożizzjonijiet rikjesti mill-Afrika t’Isfel ikunu tlestew sabiex il-Ftehim jidħol fis-seħħ.

(2) Biex tiġi faċilitata l-implimentazzjoni ta’ ċertu dispożizzjonijiet tal-Ftehim, il-Kummissjoni għandha tingħata permess li tagħmel aġġustamenti tekniċi skond il-proċeduri mniżżla fl-Artikolu 75 tar-Regolament tal-Kunsill (KE) No 1493/1999 tas-17 ta’ Mejju 1999 dwar l-organizzazzjoni komuni. tas-suq fl-inbid [1]

(3) Il-Ftehim f’forma ta’ skambju ta’ ittri għal dak il-għan għandu għalhekk ikun approvat,

ADOTTA DIN ID-DEĊIŻJONI:

Artikolu 1

Il-Ftehim f’forma ta’ skambju ta’ ittri li jipprovdi għall-applikazzjoni proviżorja tal-Ftehim bejn il-Komunità Ewropea u r-Repubblika ta’ l-Afrika t’ Isfel dwar kummerċ fl-inbid mit-28 ta’ Jannar 2002 huwa għalhekk approvat minN naħa tal-Komunità.

It-test tal-Ftehim huwa f’forma ta’ skambju ta’ ittri u t-test tal-Ftehim dwar kummerċ fl-inbid huma mhemuża mad-Deċisjoni.

Artikolu 2

Il-President tal-Kunsill huwa awtorizzat li jaħtar il-persuna(i) li għandha (għandhom) s-setgħa li tiffirma(jiffirmaw) il-Ftehim fil-forma ta’ skambju ta’ ittri u b’hekk tesprimi r-rieda tal-Komunità li tkun marbuta b’dan il-ftehim.

Artikolu 3

Għall-għanijiet ta’ l-applikazzjoni ta’ l-Artikoli 7(8) u 18(2) tal-Ftehim dwar il-kummerċ fl-inbid, il-Kummissjoni għalhekk hija awtorizzata, bi ftehim mal-proċedura mniżżla fl-Artikolu 75 tar-Regolament tal-Kunsill (KE) No 1493/1999, li jikkonkludi l-istrumenti rikjesti biex jiġi emendat dan il-Ftehim.

Artikolu 4

Il-Kummissjoni għandha tirrappresenta il-Komunità fil-kumitati konġunti mwaqqaf taħt l-Artikolu 19 tal-Ftehim dwar il-kummerċ fl-inbid.

Artikolu 5

Din id-Deċizjoni għandha tiġi pubblikata fil-Ġurnal Uffiċjali tal-Komunitajiet Ewropej.

Magħmula fi Brussel, 21 Jannar 2002.

F’isem il-Kunsill

Il-President

M. Arias Cañete

[1] ĠU L 179, 14.07.99, p. 1. Ir-Regolament kif l-aħħar emendat mir-Regolament (KE) Nru 2585/2001 (ĠU L 345, 29.12.01, p. 10).

--------------------------------------------------