Id-Deċiżjoni tal-Kunsill

tas-26 ta' Frar 1996

li temenda d-Deċiżjoni 91/115/KEE li tistabbilixxi Kumitat dwar l-istatistika monetarja, finanzjarja u tal-bilanċ tal-pagament

(96/174/KE)

IL-KUNSILL TA' L-UNJONI EWROPEA,

Wara li kkunsidra it-Trattat li jistabbilixxi l-Komunità Ewropea,

Wara li kkunsidra l-abbozz tad-Deċiżjoni ippreżentata mill-Kummissjoni [1],

Wara li kkunsidra l-opinjoni tal-Parlament Ewropew [2],

Wara li kkunsidra l-opinjoni ta' l-Istitut Monetarju Ewropew [3],

Billi skond l-Artikolu 109f tat-Trattat li jistabbilixxi l-Komunità Ewropea u l-Artikolu 2 tal-Protokol dwar l-Istatut tal-Istitut Monetarju Ewropew (IME), l-IME għandu jikkontribwixxi għar-realizzazzjoni tal-kondizzjonijiet meħtieġa għat-tranżizzjoni tat-tielet stadju ta' l-unjoni ekonomika u monetarja billi ssaħħaħ il-koordinazzjoni tar-regoli monetarji b'viżjoni biex tassigura l-istabbilità tal-prezz, tagħmel il-preparazzjonijiet meħtieġa għall-istabbeliment tas-Sistema Ewropea tal-Banek Ċentrali (ESĊB/SEBĊ), għat-twettieq ta' regola ewlenija monetarja u għal ħolqien ta' rata unika tal-kambju fit-tielet stadju, u l-ħarsien tal-iżvilupp tal-ECU;

Billi skond l-Artikolu 109f (3) tat-Trattat li jistabbilixxi l-Komunità Ewropea, sa l-iktar tard il-31 ta' Diċmebru 1996, l-IME għandu jispeċifika l-kwadru regolatorju meħtieġ, organizzattiv u loġistiku għall-SEBĊ biex twettaq dmirijietha fit-tielet stadju ta' l-Unjoni Ekonomika u Monetarja, inklużi l-promozzjoni u l-armonizzazzjoni meta meħtieġ, tar-regoli u l-prattiċi li jirregolaw il-ġbir, il-kompilazzjoni u d-distribuzzjoni tal-istatistika fl-oqsma fi ħdan il-qasam tal-kompetenza tagħha;

Billi skond l-Artikolu 5 tal-Istatut SEBĊ, il-Bank Ċentrali Ewropew (BĊE), mgħejjun mill-banek ċentrali nazzjonali, għandu jiġbor l-informazzjoni statistika meħtieġa u għandu jikkoopera mal-Kummissjoni; billi hemm għalhekk ħtieġa fit-tieni stadju sabiex jipprepara l-kooperazzjoni xierqa fi ħdan il-kwadru ta'temma ta' l-Unjoni Ekonomika u Monetarja;

Billi d-Deċiżjoni 91/115/KEE [4] għandha konsegwentement tkun emendata,

IDDEĊIEDA KIF ĠEJ:

Artikolu Waħdieni

Id-Deċiżjoni 91/115/KEE hija emendata kif ġej:

1. L-Artikolu li ġej għandu jkun miżjud:

"L-Artikolu 3a

Il-Kumitat jista' jesprimi l-opinjonijiet fuq l-inizjattiva tiegħu fuq kull talba dwar dik l-istatisitika li tirrigwardja l-interess komuni mal-Kummissjoni u mal-awtoritajiet tal-istatistika nazzjonali, minn naħa l-waħda, u mill-Istitut Monetarju Ewropew (IME) u l-banek ċentrali nazzjonali, minn naħa l-oħra. Fit-twettiq ta' dawn id-dove tiegħu, il-Kumitat għandu jagħti l-opinjonijiet tiegħu lill-partijiet interessati kollha.";

2. L-Artikolu 4 għandu jinbidel b'dan li ġej:

"L-Artikolu 4

Il-Kumitat għandu jkun kompost minn rappreżentant wieħed, tnejn jew tlieta għal kull Stat Membru, li jiġu mill-istituzzjonijiet prinċipalment kkonċernati mal-istatistika finanzjarja, monetarja u mal-bilanċi tal-pagamenti, sa tliet rappreżentanti tal-Kummissjoni u sa tliet rappreżentanti ta' l-IME. B'żieda ma dan, rappreżentant wieħed tal-Kumitat Monetarju jista' jattendi għal-laqgħat tal-Kumitat, bħala osservatur. Kull Stat Membru, il-Kummissjoni u l-IME għandhom jkollhom vot uniku kull wieħed.

Ir-Rappreżentanti ta' l-organizzazzjonijiet l-oħrajn, kif ukoll kull persuna li tkun tista' tikkontribwixxi għad-diskussjonijiet, tista', fuq id-deċiżjoni tal-Kumitat, tipparteċipa fil-laqgħat tal-Kumitat.";

3. L-Artikolu 5 għandu jinbidel b'dan li ġej:

"L-Artikolu 5

Il-Kumitat għandu jaħtar il-president tiegħu skond ir-regoli dettaljati stabbiliti fir-regoli tiegħu tal-proċedura."

Magħmula fi Brussel, fis-26 ta' Frar 1996.

Għall-Kunsill

Il-President

S. Agnelli

[1] ĠU C 359, 16.12.1994, p. 10.

[2] ĠU C 269, tas-16.10.1995, p. 198.

[3] ĠU C 397, tal-31.12.1994, p. 52.

[4] L-Opinjoni mogħtija fis-16 ta' Jannar 1995.

--------------------------------------------------