Id-Direttiva tal-Kummissjoni

tal-15 ta’ Novembru 1983

li temenda d-Direttiva 83/201/KEE li tistabbilixxi l-eċċezzjonijiet għad-Direttiva tal-Kunsill 77/99/KEE għal ċerti prodotti li jkollhom ikel ieħor u persentaġġ żgħir biss ta’ laħam jew prodott tal-laħam

(83/577/KEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ekonomika Ewropea,

Wara li kkunsidrat id-Direttiva tal-Kunsill (KEE) Nru 77/99/KEE tal-21 ta' Diċembru 1976 dwar il-problemi tas-saħħa li jaffettwaw il-kummerċ intra-Komunitarju fi prodotti tal-laħam [1], u partikolarment l-Artikolu 8 tagħha,

Billi l-Kummissjoni, bid-Direttiva 83/201/KEE [2] stabbiliet ċerti eċċezzjonijiet għad-Direttiva 77/99/KEE għal ċerti prodotti li jkollhom ikel ieħor u persentaġġ żgħir biss ta’ laħam jew prodott tal-laħam;

Billi jidher li huwa neċessarju li l-Istati Membri jagħtu żmien supplimentari għat-traspożizzjoni tad-dispożizzjonijiet tad-Direttiva 83/201/KEE fil-leġislazzjoni nazzjonali tagħhom;

Billi l-miżuri provduti f'din id-Direttiva huma bi qbil ma’ l-opinjoni tal-Kumitat Permanenti Veterinarju,

ADOTTAT DIN ID-DIRETTIVA:

L-Artikolu 1

Fl-Artikolu 6 tad-Direttiva 83/201/KEE, “l-1 ta' Jannar 1984” hija mibdula “bl-1 ta' Ġunju 1984”.

L-Artikolu 2

Din id-Direttiva hija indirizzata lill-Istati Membri.

Magħmula fi Brussel, fil-15 ta' Novembru 1983.

Għall-Kummissjoni

Poul Dalsager

Membru tal-Kummissjoni

[1] ĠU L 26, tal-31.1.1977, p 85.

[2] ĠU L 112, tat-28.4.1983, p 28.

--------------------------------------------------