Ir-Regolament tal-Kummissjoni (KEE) Nru 1842/81

tat-3 ta’ Lulju 1981

li jippreskrivi ċerti regoli dettaljati għall-implimentazzjoni tar-Regolament tal-Kunsill (KEE) Nru 1188/81 rigward ir-regoli ġenerali għall-għoti ta’ rifużjonijiet aġġustati fil-każ taċ-ċereali esportati fil-għamla ta’ ċertu xorb spirituż

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ekonomika Ewropea,

Wara li kkunsidrat ir-Regolamenti tal-Kunsill (KEE) Nru 2727/75 tad-29 ta’ Ottubru 1975 dwar l-organizzazzjoni komuni tas-suq fiċ-ċereali [1], kif l-aħħar emendat bir-Regolament (KEE) Nru 1784/81 [2], u partikolarment Artikoli 16(6) u 24 tiegħu,

Wara li kkunsidrat ir-Regolament tal-Kummissjoni (KEE) Nru 1188/81 tat-28 ta’ April 1981 li jippreskrivi regoli ġenerali għall-għoti ta’ rifużjonijiet aġġustati fil-każ ta’ ċereali esportati fil-forma ta’ ċertu xorb spirituż u l-kriterji għall-iffissar ta’ ammont ta’ dawn ir-rifużjonijiet u r-Regolament li jemenda (KEE) Nru 3035/80 dwar ċerti prodotti mhux koperti b’Anness II tat-Trattat [3], u partikolarment Artikolu 12 tiegħu,

Billi bis-saħħa ta’ Artikolu 4(2) tar-Regolament (KEE) Nru 1188/81 ir-rata tar-rifużjoni hija dik applikabbli fil-ġurnata meta ċ-ċereali jitqegħdu taħt kontroll; billi d-data li għandha tkun ikkunsidrata għandha għalhekk tkun id-data meta l-awtoritajiet tad-dwana jaċċettaw id-dikjarazzjoni tal-ħlas mill-persuna konċernata li fiha jimmanifesta l-intenzjoni tiegħu li jiddistilla u jesporta l-prodotti u jikkwalifika għal rifużjoni; billi din id-dikjarazzjoni għandha tinkludi l-informazzjoni meħteġa għall-kalkolu tar-rifużjonijiet;

Billi, għall-iskopijiet ta’ Artikolu 3 tar-Regolamenti (KEE) Nru 1188/81 u partikolarment għad-determinazzjoni tal-koeffiċjent, jeħtieġ li jkun definit xi jfissru "kwantitajiet ta’ esportazzjoni totali" u "kwantitajiet totali rilaxxati fis-suq";

Billi jeħtieġ għall-applikazzjoni ta’ dan ir-Regolament li jkun magħruf li l-prodotti ħallew il-Komunità u f’ċerti każijiet ukoll għad-destinazzjoni tagħhom tkun magħrufa; billi għal dik ir-raġuni jeħtieġ li jkun hemm rikors għad-definizzjoni ta’ esportazzjoni mfissra fid-Direttiva tal-Kunsill 81/177/KEE [4] u għall-provi provduti fir-Regolament tal-Kummissjoni (KEE) Nru 2730/79 tad-29 ta’ Novembru 1979 li jippreskrivi regoli komuni dettaljati għall-applikazzjoni tas-sistema ta’ rifużjonijiet ta’ l-esportazzjoni fuq prodotti agrikoli [5], kif l-aħħar emendat bir-Regolament (KEE) Nru 1663/81 [6];

Billi għandu jkun preskritt li l-Istati Membri għandhom jgħaddu lill-Kummissjoni l-informazzjoni meħtieġa;

Billi l-miżuri provduti f’dan ir-Regolament huma skond l-opinjoni tal-Kumitat ta’ Ġestjoni taċ-Ċereali,

ADOTTAT DAN IR-REGOLAMENT:

Artikolu 1

1. L-irċevuta tar-rifużjoni ta’ l-esportazzjoni għaċ-ċereali esportati fil-forma ta’ tip ta’ xorb spirituż kopert bir-Regolament (KEE) Nru 1188/81 għandu jkun soġġett għall-preżentata ma’ l-awtoritajiet kompetenti ta’ dikjarazzjoni, imsemmja’ "dikjarazzjoni ta’ pagament" hawn isfel, fejn l-operatur jistqarr l-intenzjoni tiegħu li jiddistilla ċ-ċereali biex jipproduċi xi xarba spirituża koperta b’dak ir-Regolament.

2. Id-dikjarazzjoni tal-ħlas għandha tinkludi d-dettalji kollha li huma meħtieġa għad-determinazzjoni ta’ rifużjoni, partikolarment:

(a) deskrizzjoni taċ-ċereali jew xgħir tal-birra skond in-nomenklatura użata fir-rifużjonijiet;

(b) il-piż nett tal-prodotti.

Artikolu 2

1. Fi żmien ta’ l-aċċettazzjoni tad-dikjarazzjoni tal-ħlas, iċ-ċereali jew xgħir tal-birra għandhom jitpoġġew taħt il-kontroll tad-dwana jew taħt il-kontroll amministrattiv msemmi f’Artikolu 3(5) tar-Regolamenti (KEE) Nru 1188/81 sa dak iż-żmien li jkunu distillati.

2. Id-data ta’ l-aċċettazzjoni tad-dikjarazzjoni ta’ ħlas għandha tiddetermina r-rata tar-rifużjoni.

Artikolu 3

1. Ir-riżultat ta’ l-eżami tad-dikjarazzjoni tal-ħlas, kemm jekk magħquda ma’ l-eżami taċ-ċereali jew xgħir tal-birra jew le, għandu jkun użat għad-determinazzjoni tar-rifużjoni.

2. Il-paragrafu 1 m’għandux jipprekludi kull verifika sussegwenti mill-awtoritajiet kompetenti ta’ l-Istat Membru konċernat jew kull konsegwenza ta’ din il-verifika li tista’ tirriżulta mill-applikazzjoni tad-dispożizzjonijiet fis-seħħ.

Artikolu 4

1. Fir-rigward ta’ proċeduri għall-verifika tal-proċess ta’ distillazzjoni, inkluż ir-rendiment, iċ-ċereali jew ix-xgħir tal-birra għandhom ikunu suġġetti għall-istess regoli li japplikaw fir-rigward ta’ arranġamenti għall-ipproċessar ’il ġewwa.

2. Il-prodotti li jirriżultaw mill-ipproċessar għandhom ikunu eżenti mill-kontroll jekk ikun stabbilit li ma jeċċedux il-kwantità ta’ prodotti li jirriżultaw li jinkisbu normalment.

3. L-ebda rifużjoni m’għandha tingħata fejn iċ-ċereali jew ix-xgħir tal-birra mhumiex ta’ kwalità tajba u xierqa għas-suq.

Artikolu 5

1. Ir-rifużjoni għandha titħallas biss mal-preżentazzjoni tad-dikjarazzjoni tal-ħlas, li għandu jkollha ukoll konferma li ċ-ċereali jew xgħir tal-birra kienu distillati. Din il-konferma għandha tkun provduta mill-awtoritajiet kompetenti.

2. Ir-rifużjoni għandha titħallas mill-Istat Membru fejn id-dikjarazzjoni tal-ħlas hija aċċettata.

3. Ir-rifużjoni għandha titħallas biss wara applikazzjoni bil-miktub ta’ l-operatur. L-Istati Membri jistgħu jippreskrivu formola speċjali li għandha tintuża għal dan l-iskop.

4. Ħlief fil-każijiet ta’ forza maġġuri d-dokumenti meħtieġa għall-għoti ta’ rifużjoni għandhom ikunu preżentati fi żmien 12-il xahar mill-jum meta l-awtoritajiet kompetenti jaċċettaw id-dikjarazzjoni tal-ħlas, fin-nuqqas l-intitolament għar-rifużjoni jintilef.

Artikolu 6

Għall-finijiet ta’ Artikolu 3 tar-Regolament (KEE) Nru 1188/81:

(a) "kwantitajiet totali għall-esportazzjoni" tfisser il-kwantitajiet ta’ xorb spirituż li jħarsu il-kondizzjonijiet ta’ Artikolu 9(2) tat-Trattat u esportat lejn destinazzjoni li għalih tapplika r-rifużjoni. Il-provi li għandhom ikunu provduti għandhom ikunu dawk speċifikati f’Artikolu 12 ta’ dan ir-Regolament;

(b) "kwantitajiet rilaxxati fis-suq" tfisser kwantitajiet ta’ xorb spirituż li jħarsu l-kondizzjonijiet ta’ Artikolu 9(2) tat-Trattat li jkunu fl-aħħar mibgħut għall-konsum uman mill-faċilitajiet ta’ produzzjoni jew ħażna.

Artikolu 7

Jekk ir-rifużjoni hija mħassra bis-saħħa ta’ Artikolu 5 tar-Regolament (KEE) Nru 1188/81 jew jekk huwa re-introdott, il-koeffiċjent imsemmi f’Artikolu 3(1) ta’ l-imsemmi Regolament għandu jitnaqqas jew jiżdied, kif xieraq, fi proporzjon mar-relazzjoni bejn il-kwantitajiet esportati s-sena ta’ qabel lejn destinazzjonijiet għal liema r-rifużjoni hija mħassra jew re-introdotta u l-kwantitajiet totali esportati dik is-sena. Il-kwantijiet esportati jistgħu jkunu determinati mid-data eżistenti.

Artikolu 8

Għall-finijiet ta’ Artikolu 6(a), xorb spirituż għandu jitqies li kien esportat fil-jum meta l-formalitajiet ta’ l-esportazzjoni tad-dwana kienu mitmuma.

Iżda, jekk il-prova ta’ l-esportazzjoni hija fornita, bis-saħħa ta’ Artikolu 14(2), tard wisq għall-konsenja biex tingħadd ma’ l-esportazzjonijiet magħmula matul l-istess sena kalendarja, il-konsenja ta’ esportazzjoni in kwestjoni għandha tkun inkluża ma’ l-esportazzjonijiet magħmula fis-sena kalendarja li tmiss.

Artikolu 9

Il-koeffiċjent msemmi f’Artikolu 3(1) tar-Regolament (KEE) Nru 1188/81 għandu jkun iffissat qabel l-1 ta’ Awwissu ta’ kull sena.

Għandu jgħodd minn dik id-data sal-31 ta’ Lulju tas-sena ta’ wara. Il-koeffiċjent għandu jkun iffissat skond l-informazzjoni provduta mill-Istati Membri għall-perjodu 1 ta’ Jannar sal-31 Diċembru tas-sena li tiġi qabel l-iffissar.

Artikolu 10

Il-koeffiċjent li għandu jintuża għal kalkolu ta’ l-ekwivalenti tax-xgħir tal-birra msemmi f’Artikolu 7 tar-Regolament (KEE) Nru 1188/81 għandu jkun: 1:33.

Artikolu 11

1. Ħlas bil-quddiem, fiż-żmien li ċ-ċereali u x-xgħir tal-birra jitqegħdu taħt kontroll, ta’ somma ugwali għar-rifużjoni għandu jkun suġġett għall-preżentata ta’ garanzija ugwali għall-ammont li għandu jitħallas kif ukoll:

(a) 5 % jekk l-operatur jimpenja ruħu li jiddistilla ċ-ċereali fi żmien 30 ġurnata mid-data meta d-dikjarazzjoni ta’ ħlas kienet aċċettata;

(b) 15 % f’każijiet oħra.

2. Ir-rifużjoni dovuta għandha tkun paċuta ma’ l-ammont imħallas bil-quddiem meta l-prova tad-distillazzjoni taċ-cereali jew xgħir tal-birra jkun prodott u, jekk japplika l-paragrafu 1 (a) id-distillazzjoni tkun saret fi żmien il-perjodu preskritt

3. Ir-rilaxx tal-garanzija għandu jkun suġġett għall-produzzjoni ta’ prova li ċ-ċereali jew xgħir tal-birra kienu distillati, fejn xieraq, qabel ma jiskadi l-perjodu preskritt. Wara applikazzjoni mill-persuna konċernata, l-Istati Membri għandhom jirrilaxxaw il-garanzija ratealment fi proporzjon mal-kwantitajiet ta’ ċereali jew xgħir tal-birra fir-rigward ta’ liema tkun ġiet provduta l-prova tad-distillazzjoni.

Artikolu 12

1. Għall-finijiet ta’ Artikolu 6, il-prova ta’ l-esportazzjoni u, fejn Artikolu 5 tar-Regolament (KEE) Nru 1188/81 huwa applikabbli, il-prova ta’ l-importazzjoni f’pajjiż li mhux membru fir-rigward ta’ liema r-rifużjoni tapplika għandhom ikunu l-provi provduti fir-Regolament (KEE) Nru 2730/79.

2. Għall-finijiet ta’ dan ir-Regolament, "esportazzjonijiet" ifissru:

- esportazzjonijiet kif imfissra fid-Direttiva 81/177/KEE, u

- kunsinni lid-destinazzjonijiet koperti bl-Artikolu 5 tar-Regolament (KEE) Nru 2730/79.

Artikolu 13

1. Għall-finijiet ta’ dan ir-Regolament, id-dikjarazzjoni sottomessa meta jintemmu l-formalitajiet ta’ l-esportazzjoni tad-dwana għandhom ikollhom:

(a) deskrizzjoni tax-xorb spirituż konċernat, skond in-nomenklatura ta-Tariffa Komuni Doganali;

(b) il-kwantitajiet, espressi f’litri ta’ alkoħol pur, ta’ xorb spirituż li qed ikunu esportati;

(ċ) deskrizzjoni ta’, jew referenza oħra għal, komposizzjoni tax-xorb spirituż hekk li t-tip taċ-ċereali jistgħu jkunu determinati;

(d) l-Istat Membru ta’ produzzjoni.

2. Għall-finijiet tal-paragrafu 1 (ċ), jekk ix-xarba spirituża tinkiseb minn tipi differenti ta’ ċereali u tirriżulta minn taħlita sussegwenti ikun biżżejjed li jingħad dan fid-dikjarazzjoni.

Artikolu 14

1. Biex kwantità ta’ xarba spirituża titqies li tkun esportata, il-provi msemmija f’Artikolu 12 għandhom ikunu sottomessi lill-awtoritajiet maħtura fi żmien sitt xhur mid-data meta l-formalitajiet ta’ esportazzjoni tad-dwana jintemmu.

2. Meta l-provi meħtieġa ma jistgħux ikunu sottomessi fil-perjodu preskritt, għalkemm l-esportatur ikun aġixxa bid-diliġenza kollha dovuta biex jakkwisthom fi żmien dak il-perjodu, tista’ tingħata estenzjoni ta’ żmien. Din l-estenzjoni m’għandiex taqbeż sitt xhur.

Artikolu 15

1. Fil-każ ta’ ċereali jew xgħir tal-birra mpoġġi taħt il-kontroll ta’ awtorità nazzjonali fil-perjodu l-1 ta’ Awwissu 1973 sat-30 ta’ Ġunju 1981, operaturi li jixtiequ jikkwalifikaw għal rifużjonijiet għandhom jissottomettu applikazzjoni lill-korp kompetenti li jkollha d-dettalji li ġejjin:

- il-kwantità u t-tip ta’ ċereali jew xgħir tal-birra wżat, u

- id-data meta tpoġġew taħt il-kontroll ta’ l-awtorità nazzjonali konċernata.

Il-korp kompetenti għandu jivverifika din l-informazzjoni kif meħtieġ bl-użu ta’ kull dokument xieraq.

2. L-Istati Membri konċernati għandhom jipprovdu l-Kummissjoni kemm jista’ jkun malajr bl-informazzjoni speċifikata f’Artikolu 16(2)(a), (b), (ċ) u (d) fir-rigward tas-sena 1979.

3. L-Istati Membri konċernati għandhom jipprovdu lill-Kummissjoni qabel is-16 ta’ Lulju 1981 bl-informazzjoni speċifikata f’Artikolu 16(2)(a), (b), (ċ) u (d) fir-rigward tas-snin 1972, 1973, 1974, 1975, 1976, 1977 u 1978.

4. L-Istati Membri konċernati għandhom jinnotifikaw lill-Kummissjoni qabel is-16 ta’ Ottubru 1981 bil-kwantitajiet ta’ xorb spirituż fil-ħażna fil-31 ta’ Diċembru tas-snin 1972, 1973, 1974, 1975, 1976, 1977, 1978 u 1979 u l-kwantitajiet prodotti matul dawk is-snin.

Artikolu 16

1. L-Istati Membri għandhom jgħarrfu lill-Kummisjoni bl-ismijiet u l-indirizzi tal-korpi kompetenti.

2. L-Istati Membri għandhom jipprovdu lill-Kummissjoni bl-informazzjoni li ġejja qabel is-16 ta’ Lulju ta’ kull sena:

(a) il-kwantitajiet ta’ ċereali u xgħir tal-birra li jħarsu l-kondizzjonijiet ta’ Artikolu 9(2) tat-Trattat u mpoġġija taħt kontroll fil-perjodu l-1 ta’ Jannar sal-31 ta’ Diċembru tas-sena ta’ qabel, maqsumin skond il-klassifika tat-Tariffa Komuni Doganali;

(b) il-kwantitajiet ta’ ċereali u xgħir tal-birra, maqsumin skond it-Tariffa Komuni Doganali, li kienu suġġetti għall-arranġamenti ta’ ipproċessar ’il ġewwa matul l-istess perjodu;

(ċ) il-kwantitajiet ta’ xorb spirituż kopert b’Artikolu 2 tar-Regolament (KEE) Nru 1188/81, maqsumin skond il-kategoriji mogħtija f’Artikolu 17, inkluż kemm il-kwantitajiet esportati u l-kwantitajiet rilaxxati fis-suq matul l-istess perjodu;

(d) il-kwantitajiet ta’ xorb spirituż prodott taħt arranġamenti ta’ proċessar ’il ġewwa u esportati lill-pajjiżi terzi matul l-istess perjodu, maqsumin skond il-kategoriji mogħtija f’Artikolu 17;

(e) il-kwantitajiet ta’ xorb spirituż maħżun fil-31 ta’ Diċembru tas-sena ta’ qabel u l-kwantitajiet prodotti matul dak il-perjodu.

3. L-Istati Membri għandhom jipprovdu wkoll lil-Kummissjoni bl-informazzjoni elenkata taħt (a), (b), (ċ) u (d) għal kull tliet xhur kalendarji qabel is-16 ta’ Ottubru, 16 ta’ Jannar u s-16 ta’ April, fejn disponibbli.

Artikolu 17

Għall-finijiet ta’ Artikolu 16:

(a) "whisky tal-qamħ" tfisser whisky magħmul minn 15 % xgħir u 85 % qamħirrum;

(b) "whisky tax-xgħir" tfisser whisky magħmul esklussivament mix-xgħir jew xgħir tal-birra;

(ċ) il-perċentwali tat-tip varji ta’ ċererali użati fil-manifattura tax-xorb spirituż msemmija f’Artikolu 13(2) għandhom ikun determinati fuq il-bażi ta’ l-ammonti totali taċ-ċereali differenti wżati fil-manifattura ta’ xorb spirituż msemmija f’Artikolu 2 tar-Regolamenti (KEE) Nru 1188/81.

Artikolu 18

Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Għandu japplika b’effett mill-1 ta’ Lulju 1981.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fit-3 ta’ Lulju 1981.

Għall-Kummissjoni

Gaston Thorn

Il-President

[1] ĠU L 281, ta’ l-1.11.1975, p. 1.

[2] ĠU L 177, ta’ l-1.7.1981, p. 1.

[3] ĠU L 121, tal-5.5.1981, p. 3.

[4] ĠU L 83, tat-30.3.1981, p. 40.

[5] ĠU L 317, tat-12.2.1979, p. 1.

[6] ĠU L 166, ta’ l-24.6.1981, p. 9.

--------------------------------------------------